သခင်ယေရှုထံသို့ ပြေးခြင်း

ပြင်သစ်နိုင်ငံ၊ ပဲရစ်မြို့သို့ခရီးထွက်ခဲ့စဥ်က ဘန်းနှင့် သူ၏သူငယ်ချင်းများသည် မြို့တော်အတွင်း ကျော်ကြားသော ပြတိုက်တစ်ခုကို တွေ့ခဲ့ကြသည်။ ဘန်းသည် အနုပညာကျောင်းသား မဟုတ်သော်လည်း Eugène Burnand (ယူဂျင်းဘာနန်)၏ ‘The Disciples Peter and John Running to the Sepulchre on the Morning of the Resurrection’ (တပည့်တော် ပေတရုနှင့်ယောဟန်တို့ ရှင်ပြန်ထမြောက်ရာနံနက်၌ သင်္ချိုင်းဂူသို့ ပြေးသွားခြင်း) ဟူသည့် ပန်းချီကားကို အံ့ဩမှုဖြင့် ကြည့်ရှုခဲ့သည်။ စာတစ်လုံးမျှ မပါဘဲ၊ ပေတရုနှင့်ယောဟန်တို့၏ မျက်နှာပေါ်ရှိ အကြည့်များနှင့် သူတို့၏လက်အနေအထားများက စကားများစွာ ပြောနေပြီး၊ ကြည့်ရှုသူများအား သူတို့နှင့်အတူ တစ်သားတည်းဖြစ်ကာ သူတို့၏ အားအင်အပြည့်နှင့် ခံစားချက်များကို မျှဝေခံစားရန် ခေါ်ဖိတ်နေသည်။

ထိုပန်းချီကားမှာ ရှင်ယောဟန်ခရစ်ဝင် ၂၀:၁-၁၀ ကို အခြေခံ၍ သခင်…

ကျဥ်းမြောင်းရာထဲသို့ ရောက်သောအခါ

လွန်ခဲ့သောနှစ်များစွာက လမ်းများစွာဆုံနေသောလမ်းဆုံ၌ လမ်းတစ်ဘက်သို့ ဖြတ်ကူးရန် ကြိုးစားရသည်မှာ မည်မျှကြောက်မက်ဖွယ်ကောင်းကြောင်း မိတ်ဆွေတစ်ဦးက ကျွန်တော့်ကို ပြောပြဖူးသည်။ “ဒီလိုမျိုး ကျွန်မတစ်ခါမှ မကြုံဖူးဘူး။ လမ်းကူးဖို့ သင်ထားသမျှတွေက အကျုံးမဝင်တော့သလိုပဲ။ ကျွန်မအရမ်းကြောက်တာနဲ့ လမ်းတစ်ဘက်ကို ကူးချင်လို့ ဘက်စ်ကားစီးခွင့်ပြုပါလို့ ယာဥ်မောင်းကို ပြောခဲ့ရတယ်။ ဒီလမ်းဆုံမှာ လမ်းကူးတတ်ဖို့ကော၊ ကားမောင်းတတ်ဖို့ကော ကျွန်မတော်တော်ကြာအောင် သင်ခဲ့ရတယ်” ဟု သူမက ဆိုသည်။

အန္တရာယ်များသောလမ်းဆုံသည် ရှုပ်ယှက်ခတ်နိုင်သော်လည်း ဘဝ၏ ရှုပ်ထွေးမှုများကြား လမ်းကြောင်းရှာပြီး လျှောက်လှမ်းရှင်သန်ရခြင်းသည် ပို၍ပင် ကြောက်မက်ဖွယ် ကောင်းနိုင်သေးသည်။ ဆာလံဆရာ မည်သို့တွေ့ကြုံနေရသည်ကို ကျွန်တော်တို့ မသိရသော်လည်း သူသည် ခက်ခဲပင်ပန်းလျက် “ငါသည် ကျဉ်းမြောင်းရာထဲက ထာဝရဘုရားကိုခေါ်”ကာ(:၅) ဆုတောင်းခဲ့ခြင်း က မှန်သောအမှုဖြစ်သည်။ “ထာဝရဘုရားသည် ငါ့ဘက်မှာ ရှိတော်မူသည်ဖြစ်၍ ကြောက်စရာမရှိ။ ... ထာဝရဘုရားသည် ငါ့ဘက်၌ မစတော်မူသည်ဖြစ်၍” (:၆-၇) ထာဝရဘုရားအပေါ်…

သင်နှင့်ကျွန်ုပ်အတွက် ကရုဏာတော်

ကိုဗစ်-၁၉ ရောဂါကပ်ဘေး၏ အကျိုးဆက်တစ်ခုမှာ အပျော်စီးသင်္ဘောများ ကမ်းကပ်ထားရပြီး ခရီးသည်များ သီးသန့်နေထိုင်ကြရသည်။ ‘The Wall Street Journal’ (ဝေါ်စထရိဂျာနယ်)မှ နိုင်ငံခြားသားခရီးသွားများနှင့် တွေ့ဆုံမေးမြန်းခန်း ပါဝင်သည့် ဆောင်းပါးတစ်ပုဒ်ကို ‌ရေးသားဖော်ပြခဲ့သည်။ သီးသန့်နေထိုင်ရခြင်းက စကားပြောရန်အခွင့်အ‌ရေး ပိုရစေကြောင်း ခရီးသည်တစ်ဦးက မှတ်ချက်ပေးလျက် သူ့ဇနီးသည် အလွန်အမှတ်သညာကောင်းပြီး သူ၌ရှိသည့် အပြစ်တစ်ခုစီကို ပြန်ပြောပြနိုင်သည်၊ ပြောစရာများ ရှိဆဲကျန်နေဆဲဟု သူမ ခံစားရကြောင်း ဟာသလုပ်၍ ပြောခဲ့သည်။

ထိုသို့သောအကြောင်းအရာများကို ကျွန်ုပ်တို့ပြုံးမိမည်ဖြစ်ပြီး၊ ၎င်းတို့သည် ကျွန်ုပ်တို့၏လူသားဆန်မှုကို သတိပေးလျက်၊ တစ်ဘက်တွင် မိမိလက်လွတ်
ရမည့်အရာကို တင်းကြပ်စွာ ဆုပ်ကိုင်ထားတတ်ပါက ထိုသို့မပြုအောင် ကျွန်ုပ်တို့ကို သတိပေးဟန့်တားပေသည်။ သို့သော် မိမိကို နာကျင်စေသူများအပေါ် ကြင်နာစွာ သဘောထားနိုင်ရန် မည့်သည့်အရာက မစမည်နည်း။ ဆာလံကျမ်း ၁၀၃:၈-၁၂ တွင် ကျွန်ုပ်တို့၏ ကြီးမြတ်တော်မူသောဘုရားသခင်က သူ့ကိုယ်ကို မည်သို့သရုပ်ဖော်ပြထားသည်ကို…

မင်္ဂလာရှိသောနောင်တ

ဂရေဒီသည် သူ့ကို ‘ငမွဲ’ ဟုခေါ်မှ ထူးသည့်လူ။ ကားလိုင်စင်ကတ်ပြားပေါ်တွင်ပင် ‘ငမွဲ’ ဟူ၍ ရေးထားသေးသည်။ သူ၌ ကိုးကွယ်ယုံကြည်မှုက သတ်သတ်မှတ်မှတ် မရှိ။ ‘ငမွဲ/မွဲကြီး’ ဟု အလွယ်ခေါ်ကြခြင်းကို သူအသားကျသွားဟန်တူပြီး သက်လတ်ပိုင်း လောင်းကစားသမား၊ မိန်းမပွေပြီး ကလိမ်ကကျစ်နိုင်သူ လူလည် ဂရေဒီနှင့် လွန်စွာပနံသင့်သော နာမည်ဖြစ်နေတော့သည်။ ဒေဝါလီခံခဲ့ပြီး မွဲတေ ချွတ်ခြုံကျရင်း ဘုရားနှင့်ဝေးခဲ့သော ထိုသူသည် ဟိုတယ်ခန်းတစ်ခုတွင်ရှိနေစဥ် တစ်ခဏချင်း ဘုရား၏ဝိညာဉ်တော် တို့ထိမှုခံရပြီး အသက်တာပြောင်းလဲခဲ့သည်။ သူ့ဇနီးအား “မိန်းမရေ၊ ငါတော့ ကယ်တင်ခြင်းရပြီထင်တယ်” ဟုဆိုကာ ထိုညနေမှာပင် သေသည့်အထိ လျှို့ဝှက်ထားရန် တွေးထားသည့် သူ့အပြစ်များကိုဝန်ချကာ သခင်ယေရှု၏ခွင့်လွှတ်ခြင်းကို တောင်းခံခဲ့သည်။ သူ့ကိုယ်သူ အသက် (၄၀) ထိ နေရရန် မထင်ထားသူသည် နောင်နှစ်ပေါင်း (၃၀) အထိ ပြောင်းလဲလာသည့် သခင်ယေရှုကိုယုံကြည်သူအဖြစ် ရှင်သန်နေထိုင်ခဲ့ပြီး ဘုရားရှင်ကို…

ရေနက်ရာမှ ကယ်ဆယ်ခြင်း

၂၀၂၁ ခုနှစ် ဩဂုတ်လ၌ အမေရိကန်နိုင်ငံ၊ Tennessee (ထဲနစီ)ပြည်နယ်၊ Waverly (ဝေဗာလီ)တောင်ကုန်းတွင် ခန့်မှန်းထားသည်ထက် စံချိန်တင်ပြီး မိုးရွာသွန်းမှု သုံးဆတိုးခဲ့သည်။ အားပြင်းသော မုန်တိုင်းနောက်ပိုင်းတွင် လူ (၂၀) အသက်ဆုံးရှုံးပြီး၊ ရာနှင့်ချီသော အိုးအိမ်များ ပျက်စီးခဲ့သည်။ ရဟတ်ယာဉ်မှူး Joel Boyers (ဂျိုးဝဲလ်ဘွိုင်ရာ)၏ စာနာရိုင်းပင်မှုနှင့် ကျွမ်းကျင်မှုကြောင့်သာ မဟုတ်ခဲ့လျှင် လူအသေအပျောက် ပို၍ပင်များနိုင်သည်။

ချစ်ခင်ရသူများအတွက် စိတ်ပူနေသော အမျိုးသမီးတစ်ဉီးက သူ့ထံဖုန်းခေါ်ခဲ့သဖြင့် လေယာဉ်မှူးသည် လေယာဉ်မောင်းထွက်ခဲ့သည်။ မီးလောင်နေသောအိမ်နှင့် ကားများ သစ်ပင်၌ညှိနေတင်နေသည်ကို မြင်ရသည့်အပြင်၊ “အောက်မှာက အရှိန်ပြင်းပြင်းနဲ့စီး‌ေနေတဲ့ ရွံ့ရေတွေချည်းပဲ”ဟု ဘွိုင်ရာ မှတ်ချက်ချခဲ့သည်။ သို့သော်လည်း သူသည် နေအိမ်ခေါင်မိုးပေါ်မှ လူ (၁၂) ဦးကို ကယ်တင်ရန် ရဲ့ဝံ့စွာဆက်လုပ်ခဲ့သည်။

မကြာခဏဆိုသလို မုန်တိုင်းဝဲဂယက်များကဲ့သို့ ဘဝ၌ လက်တွေ့အဖြစ်မှန်များကို ကျွန်ုပ်တို့ ကြံုကြရသည်။ မသေချာမရေရာမှုများနှင့် မတည်ငြိမ်သောနေ့ရက်များတွင်…

မကွဲပြားသောအိမ်

အမေရိကန်နိုင်ငံ၊ အီလီနွိုက်ပြည်နယ်၏ အထက်လွတ်တော် အမတ်လောင်းနေရာအတွက် ဝင်ရောက်ယှဥ်ပြိုင်ရန် Republican (ရီပါပလစ်ကန်)ပါတီမှ အဆိုပြုထောက်ခံသူ အသစ်စက်စက် ကိုယ်စားလှယ်လောင်း Abraham Lincoln (အာဗြံဟံလင်ကွန်း)သည် ‘House Divided’ (ကွဲပြားသောအိမ်) ဟူသည့် သူ၏ ထင်ရှားသောမိန့်ခွန်းကို ၁၈၅၈ ခုနှစ်၊ ဇွန်လ (၁၆) တွင် ပြောကြားခဲ့သည်။ ထိုမိန့်ခွန်းတွင် ကျွန်စနစ်နှင့်ပတ်သက်၍ အမျိုးမျိုးအဖုံဖုံ ကွဲပြားနေမှုကြားရှိ တင်းမာမှုပြဿနာများကို အထူးအလေးပေး ပြောကြားခဲ့သည်။ ထိုမိန့်ခွန်းက လင်ကွန်း၏ မိတ်ဆွေနှင့်ရန်သူများကြားတွင် ရုတ်ရုတ်သဲသဲ ဖြစ်စေခဲ့သည်။ ရှင်မဿဲခရစ်ဝင် ၁၂:၂၅ တွင် သခင်ယေရှု သုံးစွဲခဲ့သည့် ‘ကွဲပြားသောအိမ်’ တင်စားချက်ကို လူတို့အကျယ်တဝင့်သိရှိပြီး ရိုးရှင်းစွာ ဖော်ပြထားခြင်းကြောင့် ၎င်းကိုအသုံးပြုရန် အရေးကြီးသည်ဟု လင်ကွန်းအနေဖြင့် ခံစားခဲ့ရသည်။ “သူ့ရည်ရွယ်ချက်ပေါက်မြောက်အောင် ခေတ်အခြေအနေ၏ အလွန်ကြီးမားသောအန္တရာယ်ကို လူတို့၏ စိတ်၌ နှိုးဆွအသိပေးရန်” ၎င်းတင်စားချက်ကို လင်ကွန်းအသုံးပြုခဲ့သည်။

ကွဲပြားသောအိမ်သည်…

တောင်းသာ တောင်းပါ

ကျွန်ုပ်တို့၏အိမ်မြေအောက်ခန်းမှ ဇနီးသည်ရှယ်လီ၏ ရွှင်မြူးသောအော်သံများ ထွက်ပေါ်လာသည်။ သူမသည် သတင်းလွှာစီမံကိန်းတစ်ခုနှင့် နာရီပေါင်းများစွာ နပန်းလုံးခဲ့ရပြီး အလုပ်ကို အပြီးသတ်ရန် အဆင်သင့်ဖြစ်နေပါပြီ။ မည်ကဲ့သို့ရှေ့ဆက်လုပ်ရမည်ကို မသိဖြစ်နေ၍ စိုးရိမ်မှုနှင့်မရေရာမှုများကြောင့် ဘုရားသခင်မစကူညီရန် သူဆုတောင်းခဲ့သည်။ ဖေ့စ်ဘွတ်ခ်မှ သူငယ်ချင်းများနှင့်လည်း ဆက်သွယ်ခဲ့ပြီး မကြာမီတွင် အဖွဲ့သားများပါဝင်ကြိုးပမ်းမှုဖြင့် သူမ၏လုပ်ငန်းစီမံကိန်း ပြီးစီးခဲ့သည်။

သတင်းလွှာစီမံကိန်းသည် ဘဝ၌ ဘာမှမဟုတ်သော်လည်း သေးငယ်သောအမှုများသည်လည်း စိုးရိမ်မှု (သို့) သောကများကို ယူဆောင်လာနိုင်သည်။ သင်သည် ပထမဆုံးအကြိမ် ကလေးပြုစုပျိုးထောင်သော မိဘတစ်ဦး၊ ပညာရေး၌ စိန်ခေါ်မှုအခက်အခဲအသစ် ကြုံနေရသည့်ကျောင်းသား၊ ချစ်ရသူဆုံးရှုံး၍ ဝမ်းနည်းကြေကွဲနေသောသူ၊ သို့မဟုတ် အိမ်၊ လုပ်ငန်း၊ အမှုတော်သာသနာတွင် စိန်ခေါ်မှုများကြုံတွေ့နေရသူ ဖြစ်ကောင်းဖြစ်မည်။ ကျွန်ုပ်တို့သည် တစ်ခါတစ်ရံ မလိုအပ်ဘဲ ပူပန်နေတတ်ကြသည်။ အဘယ်ကြောင့်ဆိုသော် ဘုရားရှင်ထံ အကူအညီ မတောင်းခံခြင်းကြောင့်ဖြစ်သည် (ယာ ၄:၂)။

မစမှုလိုအပ်ချိန်များတွင် ဖိလိပ္ပိမြို့ရှိ သခင်ယေရှုနောက်တော်လိုက်များနှင့်ကျွန်ုပ်တို့အား “အဘယ်အမှုကိုမျှ…

ကျွန်ုပ်စိတ်နှလုံးကို သူသိသည်

ကုန်စုံဆိုင်တစ်ခု၏ ကိုယ်တိုင်ငွေရှင်းရသည့်နေရာတွင် စျေးဝယ်သူတစ်ဦးသည် ငွေပေးချေပြီးသွားသဖြင့် ကျွန်ုပ်သည် ကျွန်ုပ်၏ကုန်ပစ္စည်းများကို စကင်န်ဖတ်ပြီးငွေပေးချေရန် ထိုငွေရှင်းသည့် နေရာသို့သွားရောက်ခဲ့သည်။ ထိုစဥ် မမျှော်လင့်ဘဲ သိသိသာသာ ဒေါသထွက်နေသူတစ်ဦးကို ရင်ဆိုင်လိုက်ရသည်။ ငွေရှင်းရန်တန်းစီနေသော သူမအလှည့်ဖြစ်သည်ကို ကျွန်ုပ်သတိမထားမိခြင်းပါ။ ကိုယ့်အမှားကို ကိုယ် သတိပြုမိလိုက်ပြီးနောက် “တောင်းပန်ပါတယ်”ဟု ရိုးသားစွာ ပြောလိုက်သော်လည်း သူမက “မဟုတ်ဘူး၊ ရှင်တောင်းပန်နေတာ မဟုတ်ဘူး” အစရှိသည့် စကားလုံးများစွာဖြင့် ကျွန်ုပ်ကို ပြန်ပက်ခဲ့သည်။

မိမိမှားခဲ့ပြီး၊ ထိုအမှားကို ဝန်ခံလျက်၊ အခြေအနေကို မှန်ကန်တည့်မတ်ရန် ကြိုးစားခဲ့လည်း စိမ်းကားစွာ အငြင်းပယ်ခံလိုက်ရသည့် အဖြစ်မျိုး သင်ကြုံဖူးပါသလား။ နားလည်မှုလွဲခြင်း (သို့) အထင်မှားမှုများကြောင့် ခံစားရချက်က မသက်သာ၊ မိမိစော်ကားမိသူ (သို့) မိမိကိုစော်ကားသူများက မိမိနှင့်အသိအကျွမ်းများဖြစ်ပါက ပိုနာကျင်လေဖြစ်သည်။ ကျွန်ုပ်တို့၏ခံစားချက် စိတ်နှလုံးသားကို သူတို့အား မြင်စေချင်စမ်းပါဘိ။

ဟေရှာယအနာဂတ္တိကျမ်း ၁၁:၁-၅ တွင် ပြီးပြည့်စုံသော တရားစီရင်ခြင်းအတွက်…

မှောင်မိုက်သောကာလ၊ လေးနက်သောဆုတောင်း

“ဆိုးဝါးမှောင်မိုက်တဲ့အခိုက်အတန့်ကို ကျွန်မကြုံတွေ့ခဲ့ရတယ်။” ဤစကားသည် ကမ္ဘာတစ်ဝန်းဖြစ်ပွားသော ကိုဗစ်-၁၉ အရေးပေါ်ကာလအတွင်း နာမည်ကျော် အနုပညာရှင်တစ်ဦး၏ စိတ်တွင်းမှပြင်းပြသော ဝေဒနာကို ထင်ဟပ်ဖော်ပြသည်။ အသစ်သောလူမှုဘဝဖြင့် ပုံမှန်နေသားကျရန် ချိန်ညှိနေထိုင်ရခြင်းသည် သူမအတွက် စိန်ခေါ်မှုများထဲမှ တစ်ခုဖြစ်ခဲ့ပြီး၊ အခြေအနေ ကမောက်ကမဖြစ်နေချိန်တွင် မိမိကိုယ်ကိုအဆုံးစီရင်ရန် အတွေးများဖြင့် ရုန်းကန်ခဲ့ရကြောင်းကို သူမ ဝန်ခံခဲ့သည်။ အောက်သို့ကျဆင်းနေသောအဖြစ်မှ လွတ်မြောက်ရန်ကြိုးစားရာ၌ သူမကို ဂရုပြုသည့် မိတ်ဆွေတစ်ဦးနှင့် အခက်အခဲများကို ရင်ဖွင့်ဝေမျှခဲ့ရသည်။

ကျွန်ုပ်တို့အားလုံးသည် ဗြောင်းဆန်နေသော အချိန်၊ နေ့ရက်၊ ရာသီတို့ကြောင့် ထိခိုက်လွယ်ကြသည်။ ဒုက္ခချိုင့်ဝှမ်းများနှင့် ခက်ခဲသောနေရာများသည် ကျွန်ုပ်တို့အတွက် အဆန်းမဟုတ်သော်လည်း ထိုနေရာများမှ ရုန်းထွက်ရန် ခက်ခဲနိုင်ပါသည်။ စိတ်ကျန်းမာရေးပညာရှင်များ၏ အကူအညီကို ရံဖန်ရံခါ လိုအပ်နိုင်ပါသည်။

ဆာလံကျမ်း ၁၄၃ ၌ ဘဝ၏ ဆိုးဝါးမှောင်မိုက်သောကာလတစ်ခုတွင် ဒါဝိဒ်၏ ဆုတောင်းခြင်းကို ကျွန်ုပ်တို့ ကြားသိရပြီး ထိုအရာအားဖြင့် သွန်သင်ခြင်းခံရသည်။ အဖြစ်အပျက်အတိအကျကို…

စိုင်မွန်၏အိမ်၌ စိတ်သက်သာရွှင်လန်းခဲ့ခြင်း

စိုင်မွန်၏အိမ်သို့အလည်သွားသည့် ခရီးစဉ်သည် ကျွန်တော့်အတွက် မမေ့နိုင်စရာဖြစ်ခဲ့သည်။ ကြယ်ရောင်လင်းလက်သည့် ကင်ညာနိုင်ငံ၊ ညာဟူရူရူမြို့၏ ညကောင်းကင်အောက်တွင် စိုင်မွန်၏အိမ်သို့ ညစာစားရန် ကျွန်တော်တို့သွားခဲ့သည်။ ဖုန်ပေနေသည့်ကြမ်းခင်းနှင့် ဖန်မီးအိမ်က စိုင်မွန်၏အခြေအနေကို ထင်ဟပ်ပြနေ သည်။ မည်သည့်ဟင်းလျာများ စားခဲ့သည်ကိုတော့ ကျွန်တော်မမှတ်မိတော့ပါ။ကျွန်တော်တို့သည် စိုင်မွန်အိမ်သို့အလည်လာသော စိုင်မွန်၏ဧည့်သည်များ ဖြစ်သောကြောင့် ဝမ်းမြောက်နေသည့် စိုင်မွန်၏အဖြစ်ကို ကျွန်တော်မမေ့နိုင်ပါ။ စိုင်မွန်၏ဧည့်ဝတ်ကျေပွန်မှုက သခင်ယေရှုကဲ့သို့ပင်ဖြစ်သည်။ အတ္တတစ်ကိုယ်ကောင်းစိတ်မရှိ၊ သက်ဝင်လျက် သက်သာရွှင်လန်းစေပါသည်။

ကောရိန္သုသြဝါဒစာပထမစောင် ၁၆:၁၅-၁၈ တွင် ရှင်ပေါလုက ဂရုစိုက်တတ်ပြီး ဧည့်ဝတ်ကျေသော သတေဖန်မိသားစုအကြောင်းကို ဖော်ပြထားသည်။ ထာဝရ ဘုရား၏လူတို့ကို ပြုစုအစေခံရန် သူတို့ကိုယ်ကိုကိုယ် ဆက်ကပ်ထားသည် (:၁၅)။ သူတို့၏ဧည့်ဝတ်ကျေမှုက မည်မျှသိသာသည်ဆိုလျှင် (:၁၇) ရှင်ပေါလုက “ငါ့စိတ်နှင့် သင်တို့စိတ်ကို သက်သာစေကြပြီ” (:၁၈)ဟု ထုတ်ဖော်ပြောသည့်အထိ ဖြစ်သည်။

အခြားသူများနှင့်ဝေမျှရန် အခွင့်ရသည့်အခါ အစားအသောက်၊ အပြင်အဆင်၊ ပွဲနှင့်လိုက်ဖက်သော အခြားအရာများကိုသာ…