ဖုန်တက်နေသည်ဟု ခံစားရခြင်း

ကျွန်ုပ်တို့၏အပတ်စဉ် အမှုဆောင်အဖွဲ့၏အစည်းအဝေးတွင် Warren (ဝေါရန်)က “ကျွန်တော်ဖုန်တက်နေပြီလို့ ခံစားနေရတယ်” ဟုပြောလိုက်ချိန်တွင် ၎င်းသည် အသက်ရလာခြင်း၊ ကျန်းမာရေးချို့တဲ့လာခြင်းတို့နှင့် သက်ဆိုင်သည့် ရုပ်ပိုင်းဆိုင်ရာပြဿနာများကို သူဆိုလိုချင်ကြောင်း ကျွန်တော်သဘောပေါက်လိုက်သည်။ အသက် (၆၀)‌ နှောင်းပိုင်းထဲ ရောက်နေပြီဖြစ်သော ဝေါရန်နှင့်ဇနီးသည်တို့အတွက် ၂၀၂၀ ခုနှစ်သည် ဆရာ၀န်လာကြည့်ရခြင်း၊ လိုအပ်သည့်ခွဲစိတ်မှုများပြုလုပ်ရခြင်း၊ အိမ်တိုင်ရာရောက် စောင့်ရှောက်မှုအတွက် ပြန်လည်စီစဥ်ရခြင်းတို့ ပါဝင်သည့်နှစ်ဖြစ်သည်။ ဘဝ၏အကောင်းဆုံးအချိန်ကို လွန်ပြီး ဘဝနေဝင်ချိန်သို့ ရောက်ရှိနေပြီဟု သူတို့ခံစားမိကြသည်။

ခန္ဓာပိုင်းဆိုင်ရာ၊ အသိပညာပိုင်းဆိုင်ရာ၊ စိတ်ခံစားမှုဆိုင်ရာ၊ ဝိညာဉ်ရေးဆိုင်ရာ ချို့တဲ့မှု၊ မပြည့်စုံမှုနှင့် အားနည်းမှုများကို အသက်ရှည်ရှည်နေရမှ ကျွန်ုပ်တို့ ခံစားသိရသည် မဟုတ်ပါ။ သားတော် သခင်ယေရှုအားဖြင့် လူ့ဇာတိခံယူသော ဘုရားသခင်သည် ကျွန်ုပ်တို့၏ ပျက်စီးသောကမ္ဘာမြေသို့ လာရောက်ကာ လူဖြစ်ရသည့်ဒုက္ခကို ခံစားနေရသူများအား ဂရုစိုက်ခဲ့သည် (ဆာ ၁၀၃:၁၃)။ ထပ်မံပြီး ဒါဝိဒ်က “အကြောင်းမူကား ငါတို့ကိုယ်ခန္ဓာကို သိတော်မူ၏။…

လုံခြုံသောလက်တော်

Doug Merkey (ဒါ့ဂ်မာကီ)၏ အသက်တာသည် ပြေလျော့နေသောကြိုးကဲ့သို့ပင် တစ်မျှင်ချင်း ကျိုးပဲ့လျက်ရှိနေသည်။ “အချိန်အတော်ကြာ တွန်းလှန်ခဲ့ရတဲ့ ကင်ဆာတိုက်ပွဲမှာ ငါ့အမေရှုံးနိမ့်ခဲ့တယ်။ ကြည်နူးစရာကောင်းခဲ့တဲ့ ရေရှည် အချစ်ရေးက အဆင်မပြေတော့ပါ။ ငါ့ငွေလည်း ကုန်ပြီ။ အသက်မွေးဝမ်းကြောင်းခရီးက မှုန်ဝါးနေတယ်။ ခံစားမှုပိုင်းနဲ့စိတ်ဝိညာဉ်ပိုင်းမှာ အမှောင်ထုက လွှမ်းမိုးနေပြီး အားအင်မဲ့လို့ နားမလည်နိုင်လောက်အောင် ဖြစ်နေတယ်”ဟု သင်းအုပ် ဆရာနှင့် ပန်းပုဆရာလည်းဖြစ်သူ ဒါ့ဂ်က ရေးသားခဲ့သည်။ ထိုအခြေအနေများနှင့် ကျဉ်းမြောင်းသောထပ်ခိုး၌ နေခဲ့ရသည့်အဖြစ်များက ‘The Hiding Place’ (ပုန်းခိုရာ) ဟူသည့် ပန်းပုလက်ရာကို ပေါ်ထွက်လာစေသည့် အခြေခံအကြောင်းတရားများဖြစ်သည်။ သံမှိုနှင့်အရိုက်ခံထားရကာ ခွက်ပုံစံလှစ်ဟထားသည့် ခရစ်တော်၏ လက်တော်ပန်းပုလက်ရာကို ခိုင်မာလုံခြုံသောနေရာအဖြစ် ဖော်ကျူးထားသည်။

ဒါ့ဂ်က သူ့လက်ရာဒီဇိုင်းနှင့်စပ်လျဥ်း၍ “ဒီပန်းပုဟာ ခရစ်တော်က သူ့ထံ လာရောက်ခိုလှုံဖို့ ဖိတ်ခေါ်နေခြင်းဖြစ်တယ်”ဟု ရှင်းပြသည်။ ဆာလံကျမ်း ၃၂ တွင် ဒါဝိဒ်သည် ဘုရားသခင်၌…

အချိန်မီသန္နိဌာန်

ဆိုင်မွန်နှင့် ဂျော်ဖရီ တို့ကြား မဖြေရှင်းဘဲရှိနေသည့်နာကျင်မှုမှာ နှစ်များစွာရှိမြဲရှိနေသည့်အတွက် တင်းမာနေသည့်ဆက်ဆံရေးကိုဖြေလျော့နိုင်ရန် ဆိုင်မွန်ကြိုးစားသည်။ ဂျော်ဖရီ၏မိခင် ကွယ်လွန်သည့်သတင်းကိုကြားသော် ဆိုင်မွန်သည် အသုဘအခမ်းအနားကို တက်ရောက်ရန် အာဖရိကတိုက်၊ ကင်ညာနိုင်ငံ ‘ကုန်းတွင်းပိုင်း’သို့ ခရီးပြုခဲ့သည်။ “အခြေအနေတစ်ခုလုံး ဘယ်လိုဖြစ်လာမလဲ ဆိုတာ ကျွန်တော် မမျှော်လင့်ထားပေမယ့် အသုဘအခမ်းအနားပြီးသွားတဲ့နောက်မှာ ကျွန်တော်တို့ ပွင့်ပွင့်လင်းလင်းနဲ့ အကျိုးရှိတဲ့စကားတွေ ပြောခဲ့ကြတယ်။ ကျွန်တော်တို့ ပွေ့ဖက်ကာ၊ ထိုအခိုက်အတန့်လေးကိုမျှဝေခံစားပြီး အတူတူ ဆုတောင်းခဲ့တယ်။ နောက်တစ်ခါ ထပ်တွေ့ဖို့ စီစဉ်ခဲ့ကြတယ်” ဟူ၍ သူတို့၏တွေ့ဆုံမှုကို ဆိုင်မွန်က ပြန်ပြောင်း ပြောပြခဲ့သည်။ ဆိုင်မွန်နှင့် ဂျော်ဖရီတို့သာ စောစောစီးစီးကျေအေးနိုင်ခဲ့လျှင် တစ်မြေ့မြေ့ခံစားနေရသည့် နာကျင်မှုကို ရှောင်ရှားနိုင်မည် ဖြစ်သည်။

ရှင်မဿဲခရစ်ဝင် ၅:၂၁-၂၆ မှ ရှင်ယေရှု၏စကားက မပြေလည်သည့် ဆက်ဆံရေးတင်းမာမှုကို အရှိကိုအရှိအတိုင်း မြင်နိုင်အောင် ကူညီပေးသည်။ စိတ်ဝမ်းကွဲမှုကို ဖြစ်စေသည့် အမျက်ဒေါသမှာ စိုးရိမ်စရာကိစ္စဖြစ်သည် (:၂၂)။…

ရဲရင့်သော ယုံကြည်ခြင်း

ဒုတိယကမ္ဘာစစ်အတွင်းက Prem Pradham (ပရမ်ပရာဒဲမ်) (၁၉၂၄-၁၉၉၈)၏ လေယာဥ်ပစ်ချခံရပြီးနောက် လုံခြုံရာသို့ လေထီးဖြင့်ဆင်းသက်စဥ် ဒဏ်ရာရသွားပြီး ကျန်ရှိသည့်တစ်ဘဝလုံး ခြေထောက်ချိနဲ့သွားသည်။ "ကျွန်တော်က ခြေမသန်ဘူး။ သို့သော် ဘုရားသခင်က ကျွန်တော့်ကို ဟိမဝန္တာတောင်တန်းမှာဧဝံဂေလိတရားဟောပြောဖို့ စေစားတယ်။ ဒါဟာ ဘုရားသခင်ရဲ့ထူးဆန်းမှုမဟုတ်ပါလား" ဟု သူရေးသားခဲ့သည်။ နီပေါနိုင်ငံ၌ သူတရားဟောခဲ့ပြီး ဆန့်ကျင်တားမြစ်ခံခဲ့ရသည်။ ဆိုးရွားလွန်းသည့်အခြေအနေကို အကျဥ်းသားများ ကြုံတွေ့ခံစားရသည့် ‘သေမင်းထောင်’၌ပါ ဖမ်းဆီးချုပ်နှောင်ခံခဲ့ရသည်။ (၁၅) နှစ်တာကာလအတွင်း ထောင် (၁၄) ခုတွင် သူ (၁၀) နှစ် အကျဥ်းကျခဲ့သည်။ သို့သော် သူ၏ရဲရင့်သောသက်သေခံမှုကြောင့် ထောင်လုံခြုံရေးအစောင့်နှင့် အကျဥ်းသားများသည် ခရစ်တော်ထံသို့ အသက်တာပြောင်းလဲပြီး၊ သခင်ယေရှု၏သတင်းစကားကို သူတို့လူမျိုးများထံသို့ ပြန်လည်ဆောင်ယူသွားကြသည့် ပြောင်းလဲခြင်းအသီးအပွင့်ကို တွေ့ခဲ့ရသည်။

တမန်တော်ပေတရုသည်လည်း ယေရှုကို ယုံကြည်ခြင်းကြောင့်၊ ခြေဆွံ့သူတစ်ဦး၏အနာကိုငြိမ်းစေရန် ဘုရားရှင်၏အသုံးတော်ခံပြီးသည့်နောက် (တ ၄:၉) ဆန့်ကျင်မှုများရင်ဆိုင်ရသည်။ သို့သော် ခရစ်တော်အတွက်…

သခင်ယေရှုအမည်နာမ

"သား၊ အဖေ့မှာမင်းကိုပေးစရာအများကြီးမရှိဘူး။ ဒါပေမဲ့ အဖေ့မှာနာမည်ကောင်းရှိတယ်။ ဒါ့ကြောင့် အလဟဿဖြစ်အောင်မလုပ်ပါနဲ့" ဟူသည့် အမြော်အမြင်ရှိပြီးလေးနက်သည့် စကားကို Johnnie Bettis (ဂျွန်နီဘက်တိစ်)က ကောလိပ်တက်ရန် အိမ်မှထွက်ခွာသွားတော့မည့်သား Jerome (ဂျယွန်းမ်)အား ပြောခဲ့ခြင်းဖြစ်သည်။ နာမည်ကျော် အမေရိကန် ထူးချွန်ဘောလုံးကစားသမားအား ဆုချီးမြှင့်ပွဲတွင် Jerome က သူ့ဖခင်၏စကားကို ကိုးကားပြီး မိန့်ခွန်းပြောခဲ့သည်။ ဤပညာရှိစကားကို သူ့ဘဝတစ်လျှောက်လုံး မှတ်သားထားပြီး သူ၏သားကိုလည်း "သား၊ ငါတို့ရဲ့နာမည်ကောင်းထက် ပိုအရေးပါတဲ့အရာပေးဖို့ အဖေ့မှာဘာမှမရှိဘူး" ဟုအလားတူစကားကိုပြောပြီး သူ၏စိတ်ဝင်စားဖွယ်မိန့်ခွန်းကို နိဂုံးချုပ်ခဲ့သည်။

သခင်ယေရှုကို ယုံကြည်သူတို့အတွက် နာမည်ကောင်းသည် အရေးကြီးသည်။ ကောလောသဲသြဝါဒစာ ၃:၁၂-၁၇ မှ ရှင်ပေါလု၏စကားများက မည်သူအား ကျွန်ုပ်တို့ကိုယ်စားပြုသည်ကို သတိပေးထားသည် (:၁၇)။ ပင်ကိုအကျင့်စရိုက်ဆိုသည်မှာ မိမိဝတ်ဆင်သည့် အဝတ်အထည်နှင့်တူပြီး အထက်ပါကျမ်းပိုဒ်တွင် "သခင်ယေရှုတံဆိပ်" ခတ်နှိပ်ထားသည့်အထည်များကို ဖော်ပြထားသည်။ "ထို့ကြောင့် သင်တို့သည် ဘုရားသခင်ရွေးကောက်သောသူ၊ သန့်ရှင်းသောသူ၊…

သမ္မာကျမ်းစာ လေ့လာခြင်း

J. I. Packer (ဂျေအိုင်ပက်ကာ) (၁၉၂၆-၂၀၂၀) ရေးသားသည့် Knowing God (ဘုရားသခင်ကို သိကျွမ်းခြင်း) စာအုပ်တွင် သမ္မာကျမ်းကို 'ထုံးလိုချေ ရေလိုနှောက်ကျမ်းကျေသူများ'ဟု သူသတ်မှတ်ထားသည့် ယုံကြည်သူ (၄) ဦးအကြောင်း ဖော်ပြထားသည်။ သူတို့သည် ဓမ္မပညာရှင်များ မဟုတ်ကြသော်လည်း ဘုရားသခင်ကို သိကျွမ်းရန် သစ်ကိုက်ပိုးဗီဗာကဲ့သို့ နှုတ်ကပတ်တော်ကို ထဲထဲဝင်ဝင် အားထုတ်လေ့လာသည်။ Packer က "ကျမ်းစာလေ့လာခြင်းအားဖြင့် ဘုရားသခင်ကို သိကျွမ်းခြင်းသည် ဓမ္မပညာရှင်များအတွက်သာ မဟုတ်ပါ။ ဓမ္မကြောင်းအရ မတိမ်းမစောင်းမှန်ကန်မှုအပေါ် ကျေနပ်နေသည့် ဓမ္မပညာရှင်ထက်စာလျှင် သန့်ရှင်းသောဝိညာဥ်တော်ပြည့်ဝပြီး ကျမ်းစာဖတ်လျက် တရားဒေသနာခံယူသူသည် သူ၏ဘုရား၊ သူ၏ကယ်တင်ရှင်နှင့် ပို၍နက်ရှိုင်းစွာရင်းနှီးအကျွမ်းဝင်လိမ့်မည်" ဟု ကောက်ချက်ချသည်။

ဝမ်းနည်းဖွယ်ရာမှာ သမ္မာကျမ်းစာကိုလေ့လာသူတိုင်းက နှိမ့်ချသောနှလုံးသား များဖြင့် ကယ်တင်ရှင်အား တိုး၍သိကျွမ်းရန်၊ ဘုရားသခင်နှင့်တိုး၍ မိတ်ဿဟာယ ဖွဲ့ရန်၊ ကိုယ်တော်နှင့် တိုး၍တူလာရန်ဆိုသည့်စိတ်ဖြင့် လေ့လာခြင်း မရှိပါ။…

လက်ချည်းသက်သက်

မနက်စာစားရန် ရောက်လာသောအခါ သူ့ပိုက်ဆံအိတ်မေ့ကျန်ခဲ့ကြောင်းကို သိလိုက်ရ၍ ရောဘတ်ခမျာ ရှက်သွားသည်။ အစာပဲစားရမလား (သို့) သောက်စရာ တစ်ခုခုပဲ သောက်ရမလား စဉ်းစားရင်း သူစိတ်ရှုပ်နေသည်။ သူ့မိတ်ဆွေက ဒကာခံ ပေးမည်ဟုပြောမှ သူ့စိတ်ရှုပ်ထွေးမှု ပြေလျော့သွားသည်။ သူနှင့် သူမိတ်ဆွေတို့နှစ်ဦး မနက်စာကို အားရပါးရစားပြီး သူ့မိတ်ဆွေက ကုန်ကျစရိတ်ကို ဝမ်းသာစွာနှင့် ပေးချေပေးသည်။

ဤအကြပ်ရိုက်မှုမျိုး (သို့) အခြားအခြေအနေတစ်ခုခုကြောင့် မိမိဘက်မှ အကူအညီယူလိုက်ရသည့် အဖြစ်မျိုးဖြစ်သွားနိုင်သည်။ ကိုယ့်နည်းကိုယ့်ဟန်ဖြင့် ပေးချေလိုခြင်းက ပုံမှန်ဖြစ်သော်လည်း သဘောထားကြီးကြီးနှင့်ပေးကမ်းသည့် အရာကို နှိမ့်ချစွာဖြင့် လက်ခံရသည့်အချိန်များရှိသည်။

ရှင်လုကာခရစ်ဝင် ၁၅:၁၇-၂၄ ၌ သားငယ်က "ယခုမှစ၍ ကိုယ်တော်သား ဟူ၍ခေါ်ခြင်းကို မခံထိုက်ပါ။ သူငှားအရာ၌ အကျွန်ုပ်ကို ထားတော်မူပါ" (:၁၉) ဟု ဖခင်ကြီးအားပြောရန် သူစိတ်ကူးထားသည့်အရာမှာ ဖခင်ကို တစ်နည်းနည်းဖြင့် ပြန်ပေးဆပ်ရန်အတွက် သားငယ်၏စိတ်ကူး ဖြစ်သည်။ ဖခင်ကြီး၌မူ…

ကျွန်ုပ်တို့ နားမလည်သောအခါ

"ဘုရားရဲ့အကြံအစည်ကိုကျွန်တော်နားမလည်တော့ဘူးဗျာ။ ကျွန်တော့်တစ်ဘဝ လုံးကို သူ့လက်ထဲအပ်နှံခဲ့တယ်။ ပြီးတော့ ဒီလိုတွေဖြစ်နေတယ်" ဟု ကြေးစားအားကစားသမားတစ်ဦးအနေနှင့် အောင်မြင်မှုအိပ်မက် လွဲချော်သွားသောသားက သူ့မိခင်ကို ပြောသောစကားဖြစ်သည်။ ကျွန်ုပ်တို့ထဲတွင် မျှော်လင့်မထားသော စိတ်ပျက်စရာအတွေ့အကြံုများကြောင့် အတွေးထဲ၌ အံ့သြထိတ်လန့်မှုများ၊ မေးခွန်းများနှင့် မကြုံခဲ့ဘူးသူ မည်သူရှိသနည်း။ မိသားစုဝင်တစ်ဦးက မည်သည့် အကြောင်းပြချက်မှမပေးဘဲ အဆက်အသွယ်ဖြတ်ခြင်း၊ ကျန်းမာရေးချို့တဲ့လာ ခြင်း၊ ရုတ်တရက်ကုမ္ပဏီပြောင်းရွှေ့ရခြင်း၊ ဘဝအပြောင်းအလဲဖြစ်စေသော မတော်တဆမှုများ စသည်ဖြင့် ဖြစ်ပျက်နေသည်။

ယောဘဝတ္ထု ၁-၂ တွင် ယောဘအသက်တာ၌ ကြုံတွေ့ခဲ့ရသောအဖြစ်ဆိုးများနှင့် ဆုတ်ယုတ်မှုများအကြောင်းကို မှတ်တမ်းတင်ထားသည်။ လူ့စိတ်ဖြင့် ပြောရလျှင် အခက်အခဲကင်းသောဘဝကို ခံစားရရန် အရည်အချင်းပြည့်မီသူတစ်စုံ တစ်ဦးရှိခဲ့လျှင် ထိုသူမှာ ယောဘပင်ဖြစ်သည်။ "ထိုသူသည် စုံလင် ဖြောင့်မတ်ခြင်း ရှိ၏။ ဘုရားသခင်ကို ကြောက်ရွံ့သောသူ၊ မကောင်းသောအကျင့်ကို ရှောင်သောသူဖြစ်၏"(ယောဘ ၁:၁)။ သို့သော် ဘဝသည် မိမိဖြစ်စေချင်သလို အမြဲမဖြစ်ပါ။ ယောဘအသက်တာ၌…

မမေ့ပါဘူး

"အန်ကယ်အာသာ၊ ကျွန်တော့်ကို ဆံပင်ညှပ်ဆိုင်နဲ့ စူပါမားကတ်ခေါ်သွားတဲ့နေ့ကို သတိရသေးလား။ အဲဒီနေ့က ကာကီရောင်နဲ့အပြာရောင်အကွက်ရှပ်အင်္ကျီ၊ အပြာရင့်ရောင် သိုးမွေးအပေါ်ခံရယ်၊ အညိုရောင်ခြေအိတ်နဲ့ အညိုရောင် ရှူးဖိနပ်ဝတ်ထားတယ်။ အဲဒီနေ့က၂၀၁၆ခု၊ အောက်တိုဘာလ ၂၀ ရက်၊ ကြာသပတေးနေ့လေ။" ကျွန်တော့်တူလေး ဂျဲရတ်၌ အော်တစ်ဇင် (အထီးကျန်စိတ်ဝေဒနာ)နှင့်ဆက်နွယ်သော အခက်အခဲများရှိသော်လည်း အဖြစ်အပျက်များ ဖြစ်ပျက်ခဲ့သည့် နေ့ရက်၊နေ့စွဲနှင့်သူဝတ်ဆင်ခဲ့သည့်အဝတ်အစားများ စသည့်အရာများကိုနှစ်ပေါင်းများစွာကြာသည့်တိုင် အသေးစိတ်မှတ်မိနိုင်သည့် အံ့ဖွယ်မှတ်ဉာဏ်ရှိသည်။

ဂျဲရတ်ပိုင်ဆိုင်သော ထူးခြားသောမှတ်ဉာဏ်က အချိန်နှင့် ထာဝရကာလကို ပိုင်သထိန်းချုပ်တော်မူသော၊ အရာခပ်သိမ်းကိုသိပြီး ချစ်ကြင်နာသောဘုရား သခင်အား အမှတ်ရစေသည်။ ကိုယ်တော်သည် အကြောင်းအရာ အချက်အလက်များကိုသိရှိပြီး သူ၏ကတိတော်များ (သို့) သူ့လူမျိုးတော်တို့ကို မမေ့မလျော့ပါ။ ဘုရားသခင် သင့်ကိုမေ့လျော့သွားပြီလားဟု သင်မေးခွန်းထုတ်ခဲ့သည့် အချိန်များ ရှိဖူးပါသလား။ ကိုယ့်ထက် အခြားသူများက ပို၍ကျန်းမာနေပုံ၊ ပျော်ရွှင်နေပုံ၊ ပို၍ အောင်မြင်နေပုံ၊ ပို၍ကောင်းစားနေပုံပေါက်နေချိန်များ ရှိဖူးပါသလား။

ရှေးခေတ်ဣသရေလလူတို့၏ နိမ့်ကျသောအခြေအနေကြောင့် "ထာဝရ…

ဘက်လိုက်ခြင်းနှင့် ခွင့်လွှတ်ခြင်း

တရားမမျှတမှုကို ပြုပြင်သည့်အကြောင်း တရားဟောချက်ကိုကြားရပြီးနောက် အသင်းသားတစ်ဦးသည် သင်းအုပ်ထံသို့ ငိုကြွေးလျက်ချဥ်းကပ်လာပြီး အကျိုး အကြောင်းပေါ်အခြေမခံဘဲ သူ၏ကိုယ်ပိုင်ဘက်လိုက်ယူဆချက်အရ လူမည်း ဓမ္မဆရာအား သူတို့ဘုရားကျောင်း၏သင်းအုပ်အဖြစ် ခန့်အပ်ခြင်းကို မထောက်ခံ ခဲ့ကြောင်းဝန်ခံပြီး "ခင်ဗျား ကျွန်တော့်ကို ခွင့်လွှတ်ဖို့ တကယ့်ကို လိုအပ်တယ်။ အယူဝါဒစွဲတွေ၊ လူမျိုးစွဲ စိတ်ဓာတ်တွေ ကျွန်တော့် ကလေးတွေဆီ ကူးစက်သွားမှာ ကျွန်တော်မလိုလားဘူး။ ခင်ဗျားကို ကျွန်တော်မဲမပေးခဲ့ဘူး။ ကျွန်တော်မှားခဲ့ ပါတယ်"ဟု ခွင့်လွှတ်မှုကို တောင်းခံသည်။ သူ့မျက်ရည်များနှင့် ဝန်ချတောင်းပန်ခြင်း တို့သည် ထိုဓမ္မဆရာကို မျက်ရည်ကျစေပြီး သူ့ကို ခွင့်လွှတ်ခဲ့ပါသည်။ တစ်ပတ် အကြာတွင် ထိုသူ၏နှလုံးသားတွင် ဘုရားရှင် မည်သို့အလုပ်လုပ်ခဲ့ကြောင်း သက်သေခံချက်ကို ကြားရသည့် အသင်းတော်တစ်ခုလုံး ဝမ်းမြောက်ခဲ့သည်။

ယေရှု၏တပည့်တော်နှင့် ကနဦးအသင်းတော်ခေါင်းဆောင် ပေတရုသည် ယုဒလူ မဟုတ်သူများအပေါ် မလိုမုန်းထားစိတ်ရှိနေသောကြောင့် သွန်သင်ခြင်း ခံခဲ့ရသည်။ သန့်ရှင်းခြင်းမရှိသူများဟု သတ်မှတ်ခံရသည့် တစ်ပါးအမျိုးသားများနှင့်အတူစားသောက်ခြင်းသည်…