စာရေးသူ

အားလုံးမြင်နိုင်ရန်
Bill Crowder

ဘေလ်ခရောက်ဒါ

ဆရာကြီး ဘေလ်ခရောက်ဒါ (Bill Crowder)သည် သင်းအုပ်တစ်ဦးအနေနှင့် အနှစ် (၂၀) ကျော် အမှုတော်ဆောင်ပြီးနောက် Our Daily Bread Ministries ၌ အမှုတော်ဆောင်ခဲ့သည်။ ဆရာကြီး မာ့ ဒီဟန်း (Mart DeHaan) နှင့်အတူ ဆရာသည် သင်ကြားပို့ချခြင်းဆိုင်ရာ အကြောင်းအရာများ ပြင်ဆင်သူအဖွဲ့၏ ဒုတိယဥက္ကဌအဖြစ် နီးကပ်စွာ လုပ်ဆောင်လျက်ရှိသည်။ ထို့အပြင် ဆရာ ဘေးလ်သည် ကမ္ဘာအနှံ့ရှိ အသင်းတော်ခေါင်းဆောင်များအတွက် သမ္မာကျမ်းစာသင်ကြားပေးခြင်း အတွက် သူ့အချိန် အတော်များစွာပေးသည်။ 'လေ့လာမှတ်သားဖွယ်စာစဥ်' (Discovery Series) စာအုပ်ငယ် များစွာနှင့် Our Daily Bread Publishing စာအုပ်တိုက်မှ ထုတ်ဝေသော စာအုပ်များစွာ ရေးသားခဲ့သည်။ ဆရာကြီးနှင့်ဇနီး ဆရာမ မာလင်း(Marlene) တို့၌ သားသမီး ငါးယောက်၊ မြေးများစွာ ရှိသည်။ ဆရာသည် သူ့မြေးများအကြောင်းကို ပီတိအပြည့်ဖြင့် ပြောလေ့ရှိသည်။

စာမူ/ အကြောင်းအရာ များ ဘေလ်ခရောက်ဒါ

လူအုပ်ကြီး

ဒဿနပညာရှင်နှင့် စာရေးဆရာမဖြစ်သူ Hannah Arendt (ဟယ်နာအာရန့်ဒ်) (၁၉၀၆-၇၅)က “လူတွေဟာ အာဏာအကြီးဆုံးဘုရင်တွေကို ခုခံတော်လှန်ပြီး သူတို့ရှေ့မှာ ဦးမညွှတ်တတ်ကြတာကို တွေ့ရလေ့ရှိပါတယ်။ ဒါပေမယ့် လူအုပ်ကြီးကို အတိုက်အခံလုပ်ပြီး အမြင်လွဲနေတဲ့လူအုပ်ကြီးရှေ့မှာ တစ်ဦးတည်း ရပ်တည်တာ၊ လူအုပ်ကြီးရဲ့ ထိန်းမနိုင်သိမ်းမရ ရန်လိုမှုကို လက်နက်မပါဘဲ ရင်ဆိုင်တာကိုတော့ လူနည်းစုမှာပဲ တွေ့ရလေ့ရှိတယ်” ဟုဆိုသည်။ ဂျူးလူမျိုးတစ်ဦးအနေဖြင့် အာရန့်ဒ်သည် သူမ၏မွေးရပ်မြေ ဂျာမဏီနိုင်ငံတွင် ထိုသို့အဖြစ်မျိုးကိုယ်တွေ့ကြုံဖူးသည်။ မိမိပတ်ဝန်းကျင်၏ ငြင်းပယ်စွန့်ပယ်ခံရခြင်းသည် ကြောက်စရာကောင်းလှသည်။

တမန်တော်ရှင်ပေါလုသည်လည်း ထိုသို့ငြင်းပယ်ခြင်းမျိုး ကြုံခဲ့ရသည်။ ဖာရိရှဲနှင့် ဘာသာရေးဆရာဖြစ်အောင် သင်ကြားခံယူထားသောသူ့ဘဝသည် ရှင်ပြန်ထမြောက်သော သခင်ယေရှုနှင့် တွေ့သည့်အခါ ဖရိုဖရဲဖြစ်သွားသည်။ ၎င်းသည် သခင်ယေရှုကို ယုံကြည်သူများအား ဖိနှိပ်ဖမ်းဆီးရန် ဒမာသက်မြို့သို့ သူသွားနေချိန်က ဖြစ်သည် (တ ၉)။ ပြောင်းလဲပြီးနောက်တွင် တမန်တော်ကြီးသည် သူ့လူမျိုးများ၏ငြင်းပယ်ခြင်းကို ကြုံရသည်။ ကောရိန္သုဩဝါဒစာဒုတိယစောင်ဟု ကျွန်တော်တို့ သိကြသောသူရေးသည့်စာတွင်…

ခေါင်းလောင်းသံများ ကြားရသည်

၁၈၆၃ ခုနှစ်က Henry Wadsworth Longfellow (ဟင်နရီဝဒ်စ်ဝသ်လောင်းဖဲလို) ရေးခဲ့သည့် ကဗျာတစ်ပုဒ်အပေါ် အခြေပြုရေးစပ်ထားသည့် ‘I Heard the Bells on Christmas Day’ (ခရစ္စမတ်နေ့၌ ခေါင်းလောင်းသံများ ကျွန်ုပ်ကြားရသည်) သီချင်းသည် သာမန်ကြားနေကျမဟုတ်သော ခရစ္စမတ်သီချင်းတစ်ပုဒ်ဖြစ်သည်။ မျှော်လင့်ထားသည့် ခရစ္စမတ်၏ပျော်ရွှင်ဝမ်းမြောက်မှုအစား သီချင်းစာသားများက “စိတ်ပျက်ခြင်း၌ ခေါင်းငိုက်စိုက်လျက် ကမ္ဘာမြေပေါ်မှာ ငြိမ်သက်ခြင်း မရှိ ဟုကျွန်ုပ်ဆို၏။ အမုန်းတရားက ပြင်းထန်ပြီး ‘မြေကြီးပေါ်၌ ငြိမ်သက်ခြင်း ရှိစေ၊ လူတို့အား မေတ္တာကရုဏာရှိစေ’ သီချင်းကို ပျက်ရယ်ပြုလေပြီ”ဟူ၍ မြည်တမ်းချက်ကို ရေးဖွဲ့ထားသည်။ သို့ရာတွင် ထိုမြည်တမ်းခြင်းက မျှော်လင့်ခြင်းဆီသို့ ရှေးရှုလျက် “ဘုရားသခင် မသေဆုံး၊ ငိုက်မြည်းအိပ်ပျော်ခြင်း မရှိပါ။ မတရားမှုကျရှုံးပြီး အမှန်တရားအောင်လိမ့်မည်။ မြေကြီးပေါ်၌ ငြိမ်သက်ခြင်းရှိစေ၊ လူတို့အား မေတ္တာကရုဏာရှိစေ”ဟူ၍ ပြန်လည်အာမခံရေးဖွဲ့ထားသည်။

မြည်တမ်းခြင်းမှ မျှော်လင့်ခြင်းထွက်ပေါ်လာခြင်းကို သမ္မာကျမ်းစာရှိ…

ဆိုကရေးတစ်ကလပ်

၁၉၄၁ ခုနှစ်တွင် အင်္ဂလန်ရှိ အောက်စဖို့ဒ်တက္ကသိုလ်တွင် ‘Socratic Club’ (ဆိုကရေးတစ်ကလပ်)ကို တည်ထောင်ခဲ့ပြီး၊ သခင်ယေရှုကိုယုံကြည်သူများနှင့် ဘုရားမဲ့ဝါဒီများ (သို့) ဘာသာမဲ့များ၏ အပြန်အလှန်ဆွေးနွေးမှုကို အားပေးရန်ဖြစ်သည်။

လောကီပညာဆည်းပူးရာ တက္ကသိုလ်တွင် ဘာသာရေးဆွေးနွေးငြင်းခုံမှုသည် အထူးအဆန်း မဟုတ်သော်လည်း ဆိုကရေးတစ်ကလပ်ကို (၁၅) နှစ်ကြာ ဦးဆောင်ခဲ့သူမှာ ခရစ်ယာန်ဘာသာ‌‌ အတွေးအခေါ် ဆရာကြီး C. S. Lewis (စီအက်စ်လူးဝစ်) ဖြစ်နေခြင်းက အံ့သြစရာဖြစ်သည်။ ဆရာကြီးသည် သူ၏တွေးခေါ်မှုကိုစမ်းသပ်ရန် ဆန္ဒရှိပြီး၊ ခရစ်တော်၌ရှိသည့်ယုံကြည်ခြင်းသည် စစ်ဆေးစိစစ်မှုကို ခံရပ်နိုင် သည်ဟု သူယုံကြည်သည်။ သခင်ယေရှုကို ယုံကြည်ခြင်းအတွက် ခိုင်လုံပြီး ကျိုးကြောင်းဆီလျော်သော အထောက်အထားရှိကြောင်း သူသိသည်။

တစ်နည်းအားဖြင့် လူးဝစ်သည် “စိတ်နှလုံးထဲ၌ ထာဝရအရှင်ဘုရားသခင်ကို ရိုသေခြင်း ရှိကြလော့။ သင်တို့မျှော်လင့်ခြင်း၏အကြောင်းကို မေးမြန်းသောသူ ရှိသမျှတို့အား၊ နူးညံ့သောသဘော၊ ကြောက်ရွံ့သောသဘောနှင့် ပြန်ပြောခြင်းငှာ ကာလအစဥ်မပြတ် အသင့်ရှိနေကြလော့”…

အမျက်ထွက်သောစိတ်နှလုံး

Pablo Picasso (ပါဘလိုပီကာဆို)၏ အရေးပါဆုံး နိုင်ငံရေးပန်းချီကားဖြစ်သော ‘Guernica’ (ဂါနီခါ)သည် ၁၉၃၇ ခုနှစ်၌ စပိန်မြို့ငယ်လေး ဂါနီခါ ဖျက်ဆီးခံခဲ့ရပုံကို ရေးဆွဲထားသော မော်ဒန်ပန်းချီကားဖြစ်သည်။ စပိန်တော်လှန်ရေးနှင့် ဒုတိယကမ္ဘာစစ်မီး တောက်လောင်သည့် ကာလများတစ်လျှောက်လုံးတွင် စပိန်လက်ယာစွန်းတပ်များက နာဇီ ဂျာမနီ၏လေယာဥ်များအား ထိုမြို့ငယ်လေးကို ဗုံးကြဲပစ်မှတ်အဖြစ် အသုံးပြုခွင့်ပေးခဲ့သည်။ လူထုအတွင်း အငြင်းပွားဖွယ်ဖြစ်ခဲ့သည့် ဤဗုံးကြဲမှုများကြောင့် လူများစွာ သေဆုံးခဲ့ရပြီး အရပ်သားများအား ပစ်မှတ်ထားဗုံးကြဲခြင်း၏ ကျင့်ဝတ်မညီမှုကို စိုးရိမ်နေကြသောကမ္ဘာ့လူထုမှ အာရုံစိုက်လာစေခဲ့သည်။ ပီကာဆို၏ပန်းချီကားက စောင့်ကြည့်နေသည့်လောကကြီး၏ပုံရိပ်ကို အမိအရဖော်ကျူးလျက် လူသားတို့၏ အချင်းချင်းအပေါ် ဖျက်ဆီးနိုင်စွမ်းနှင့်ပတ်သက်၍ ဆွေးနွေးငြင်းခုံမှုများကို ပေါ်ပေါက်လာစေခဲ့သည်။

အခြားသူများအား သွေးထွက်သံယိုဖြစ်အောင် မည်သည့်အခါမျှမလုပ်ဟု ယူဆထားသူ ကျွန်ုပ်တို့သည် “လူ့အသက်ကို မသတ်ရ။ သတ်သောသူသည် ရုံး၌ အပြစ်စီရင်ခြင်းကို ခံထိုက်ပေ၏ဟူသော ရှေးပညတ်စကားကို သင်တို့ကြားရပြီ။ ငါပညတ်သည်ကား ညီအစ်ကိုကို အထောက်မတန် အမျက်ထွက်သောသူသည် ရုံး၌…

အိမ်တစ်အိမ်တည်ဆောက်ခြင်း

၁၈၈၉ ခုနှစ်တွင် ရည်မှန်းချက်အကြီးမားဆုံး ပုဂ္ဂလိကအိမ်ယာဆောက်လုပ်ရေးစီမံကိန်းကို အမေရိကန်ပြည်ထောင်စု၌ အစပြုခဲ့ပြီး လုပ်ငန်းခွင်၌ တစ်နေ့လျှင် အုတ်အချပ် ၃၂,၀၀၀ ခန့် ထုတ်လုပ်ခဲ့သည်။ ထိုစီမံကိန်းမှာ George Vanderbilt II (ဂျော့ဗန်ဒါဗေ့လ်ထ်-၂) ဖြစ်ပြီး “နွေရာသီစံအိမ်” ဆောက်လုပ်ပြီးစီးသည်အထိ (၆) နှစ် ကြာခဲ့သည်။ စီမံကိန်း၏ရလဒ်အနေဖြင့် မြောက်ကယ်ရိုလိုင်းနားပြည်နယ် အက်ရှ်ဗီးလ်မြို့တွင် Biltmore (ဘီလ်မို)အိမ်ယာ ပေါ်ပေါက်လာခဲ့သည်။ ထိုအိမ်ယာတွင် အခန်းပေါင်း (၂၅၀) (အိပ်ခန်း ၃၅ ခန်း နှင့် ရေချိုးခန်း ၄၃ ခန်း) ပါရှိပြီး၊ အံ့သြဖွယ် ကြမ်းပြင်ဧရိယာ ၁၇၈,၉၂၆ စတုရန်းပေဖြင့် အမေရိကန်နိုင်ငံ၏ အကြီးဆုံးပုဂ္ဂလိကအိမ်ယာအဖြစ် ဆက်လက်တည်ရှိနေဆဲဖြစ်သည်။

ရည်မှန်းချက်ကြီးမားသော ထိုစီမံကိန်းမှာ ရှင်မဿဲခရစ်ဝင် ၁၆ တွင် တပည့်တော်များအား သခင်ယေရှုကြေညာမြွက်ဆိုခဲ့သည့် “တည်ဆောက်ခြင်းဆိုင်ရာ” ရည်မှန်းချက်များနှင့် နှိုင်းယှဥ်လျှင် ဘာမှမဟုတ်ပေ။ သခင်ယေရှုသည် “ခရစ်တော်တည်းဟူသော…

ကျရောက်မည့်နေရာ

တောဆိတ်အနွယ်ဝင် အာဖရိကတောဆိတ်သည် အမြင့် (၁၀) ပေ၊ အလျား (၃၅) ပေ အထိ ခုန်နိုင်သည်။ ၎င်းသည် အံ့ဩဖွယ်စွမ်းဆောင်မှုဖြစ်ပြီး အာဖရိကတောရိုင်းသဘာဝတွင် ၄င်းအသက်ရှင်သန်ရေးအတွက် မရှိမဖြစ် အရေးပါသည်မှာ သံသယဖြစ်ဖွယ် မရှိပါ။ သို့သော် တိရိစ္ဆာန်ရုံတွင် ထိုတိရိစ္ဆာန်များအား (၃) ပေအမြင့်သာရှိသောတံတိုင်းများဖြင့် ထိန်းသိမ်းထားသည်ကို တွေ့ရသည်။ ဤမျှနိမ့်သောတံတိုင်းများက ဤမျှဖျက်လတ်သောတိရိစ္ဆာန်များကို မည်သို့ထိန်းသိမ်းထားနိုင်ပါသနည်း။ အာဖရိကတောဆိတ်များသည် ၎င်းတို့မည်သည့်နေရာတွင် ကျမည်ကို မမြင်ရလျှင် လုံးဝမခုန်သောကြောင့် ဖြစ်ပါသည်။ ၄င်းတို့သည် တံတိုင်း တစ်ဘက်ကို မမြင်ရသောကြောင့် ၄င်းတို့ကို ခြံဝင်းများထဲ ထိန်းသိမ်းထားနိုင်ခြင်းဖြစ်သည်။

လူသားများဖြစ်သော ကျွန်တော်တို့လည်း ထူးမခြားနားပါ။ အခြေအနေတစ်ခုတွင် ရှေ့ဆက်မတိုးမီ မည်သည့်ရလဒ်ရမည်ကို ကျွန်တော်တို့ သိလိုကြသည်။ ယုံကြည်မျှော်လင့်ခြင်းရှိသော အသက်တာမူကား ထိုသို့မဟုတ်ပေ။ ရှင်ပေါလုက “မျက်မှောက်မမြင်ဘဲ ယုံကြည်မျှော်လင့်ခြင်းရှိသည်အတိုင်း၊ ငါတို့ သည် ကျင့်ဆောင်ပြုမူသည်” ( ၂…

သွန်သင်မှုကို ခံယူသောစိတ်ထား

အခြားသူ၏ထင်မြင်ချက်ကိုသာမက ထိုထင်မြင်ချက်ကိုကိုင်စွဲသူများကိုပါ တိုက်ခိုက် ခြင်းသည် “ပုံမှန်”ကဲ့သို့ ဖြစ်လာခြင်းက ဝမ်းနည်းဖွယ်ဖြစ်သည်။ ပညာရေးလောကတွင်လည်း အလားတူ မှန်ကန်နေသည်။ ထို့ကြောင့် ကျမ်းပညာရှင်နှင့် ဓမ္မပညာရှင် Richard B. Hays (ရစ်ချတ်ဘီဟေး)က အစောပိုင်းနှစ်များတွင် သူရေးသားခဲ့သော စာတမ်းတစ်စောင်ကို အားရပါးရဝေဖန်ကာ ပြန်လည်ရေးသားခဲ့သောအခါ ကျွန်ုပ်အံ့ဩခဲ့ရသည်။ ‘Reading with the Grain of Scripture’ (နှုတ်ကပတ်တော်တစိုးတစိဖြင့် စာဖတ်ခြင်း) စာအုပ်တွင် ရစ်ချတ်သည် အတိတ်က သူ၏အတွေးအခေါ်ကို ပြုပြင်ခြင်းဖြင့် အလွန်နှိမ့်ချသည့်နှလုံးသားကို သရုပ်ဖော်ပြသခဲ့ပြီး ယခုတွင် တစ်ဘဝလုံး သင်ယူလေ့လာနိုင်ရန် ဘဝကို အနည်းငယ် ချိန်ညှိခဲ့သည်။

ရှောလမုန်သည် တ္တံကျမ်းကို စတင်မိတ်ဆက်သည့်အခါ ရည်ရွယ်ချက်မျိုးစုံနှင့် ပညာရှိအဆိုများကို စုဆောင်းစာရင်းပြုစုထားသည်။ ဤရည်ရွယ်ချက်များအလယ်တွင် “ပညာရှိသောသူသည် နားထောင်သဖြင့် ပညာအတတ်တိုးပွားရလိမ့်မည်။ ဉာဏ်ကောင်းသောသူသည် သုတ္တံစကား အနက်အဓိပ္ပာယ်ကိုလည်းကောင်း၊ ပညာရှိဟောပြော၍ နက်နဲသောစကားတို့ကိုလည်းကောင်း၊ နားလည်သော…

သီးခြားခွဲထုတ်ထားသည်

၁၇၄၂ ခုနှစ်၊ နိုဝင်ဘာလတွင် Charles Wesley (ချားလ်စ်ဝက်စလေ) ဟောပြောနေသည့် ဧဝံဂေလိသတင်းစကားကို ဆန့်ကျင်ရန် အင်္ဂလန်နိုင်ငံ Staffordshire (စတာ့ဖော့ဒ်ရှိုင်းယား)၌ အဓိကရုဏ်းဖြစ်ပွားခဲ့သည်။ ချားလ်စ်နှင့် သူ့အစ်ကိုဂျွန်တို့သည် နှစ်ရှည်လများ ဘုရားရှိခိုးကျောင်းဓလေ့ထုံးတမ်းများကို ပြောင်းလဲနေပုံပေါ်ခြင်းကြောင့် ထိုအမှုအရာသည် မြို့နေလူထုအဖို့ သည်းခံရန် အလွန်ခက်နေပါသည်။

အဓိကရုဏ်းအကြောင်းကို ဂျွန်ဝက်စလေ ကြားသောအခါ သူ့ညီကို ကူညီရန် စတာ့ဖော့ဒ်ရှိုင်းယားသို့ သူအလျင်အမြန်သွားခဲ့သည်။ မကြာမီမှာပင် ဂျွန် ရှိသည့်နေရာကို ကြမ်းရမ်းသည့်လူအုပ်ကြီးက ဝိုင်းထားလိုက်သည်။ ရဲဝံ့စွာပင် ဂျွန်သည် ထိုလူစု၏ခေါင်းဆောင်များနှင့် ရင်ဆိုင်တွေ့ဆုံပြီး အေးဆေးတည်ငြိမ်စွာ စကားပြောသဖြင့် တစ်ယောက်ပြီးတစ်ယောက် ဒေါသများပြေလျှော့သွားသည်။

ဂျွန်ဝက်စလေ၏ နူးညံ့သိမ်မွေ့သောစိတ်ထားက လူအုပ်ကြီးကို ငြိမ်သက်စေခဲ့သည်။ ၎င်းသည် သူ့အလိုလိုဖြစ်ပေါ်လာသည့် နူးညံ့သိမ်မွေ့မှုသဘောထက် သူအလွန်နီးကပ်စွာ လိုက်လျှောက်ခဲ့သော ကယ်တင်ရှင်သခင်၏စိတ်နှလုံးသာ ဖြစ်သည်။ သခင်ယေရှုက “ငါ့ထမ်းဘိုးကိုတင်၍ ထမ်းကြလော့။ ငါ့ထံ၌ နည်းခံကြလော့။ ငါသည် နူးညံ့သိမ်မွေ့…

ကျွန်ုပ်တို့၏ဘုရားသခင်သည် ကြီးမြတ်တော်မူ၏

​လက်ဗွေဖြင့် မည်သူမည်ဝါဖြစ်သည်ဟု သတ်မှတ်ခွဲခြားခြင်းကို ကြာမြင့်စွာ အသုံးပြုခဲ့သော်လည်း လက်ဗွေပွားပြီး အတုလုပ်၍ရသည်။ ထိုနည်းတူ မျက်ဝန်းအတွင်း မျက်စိသူငယ်အိမ်ကို ဝန်းရံထားသော စက်ဝိုင်းပုံစံကိုမူတည်ပြီး “အိုင်ဒီ” အမှတ်အသားပြုလုပ်ခြင်းက စိတ်ချရနိုင်သော်လည်း မျက်ကပ်မှန်က ရလဒ်အဖြေကို တိုက်ရိုက်ပြောင်းပေးနိုင်သည်။ ဇီဝဖြစ်စဉ်ဖြင့် သတ်မှတ်ခွဲခြားမှုကလည်း စိတ်မချရပါ။ ထို့ကြောင့် မည်သည့်အရာက မည်သူမည်ဝါဖြစ်သည်ကို သတ်မှတ်ခွဲခြားခြင်းအတွက် အကောင်းဆုံးစံဖြစ်မည်နည်း။ လေ့လာတွေ့ရှိချက်များအရ လူ၏သွေးကြောဖွဲ့စည်းမှုပုံစံသည် ထူးခြားပြီး၊ အတုအပပြုလုပ်ရန်လည်း မဖြစ်နိုင်ပါ။ လူတစ်ဉီးချင်းစီ၏ “သွေးကြောမြေပုံ” သည် အနှိုင်းမဲ့သော၊ အစားထိုး၍ မရသော ကမ္ဘာပေါ်ရှိ အခြားသူများနှင့် သင့်ကို ခွဲခြားပေးသည့်အရာဖြစ်သည်။

နက်နဲရှုပ်ထွေးသည့် လူသားရုပ်ခန္ဓာဖွဲ့စည်းမှုကိုဆင်ခြင်ခြင်းက ကျွန်ုပ်တို့ကိုပြုလုပ်သည့် ဖန်ဆင်းရှင်အပေါ် အံ့သြမှုဖြင့်ကိုးကွယ်ဝတ်ပြုခြင်းကို နိုးဆွပေးသင့်သည်။ ကျွန်ုပ်တို့သည် “ကြောက်မက်ဖွယ်သောလက္ခဏာ၊ ထူးဆန်းသောလက္ခဏာ”နှင့် ဖန်ဆင်းခံရကြောင်း (ဆာ ၁၃၉:၁၄) ဒါဝိဒ်က သတိပေးထားပြီး ဤအချက်အတွက် ကျွန်ုပ်တို့အမှန်ပင် ချီးမွမ်းသင့်သည်။ ဆာလံ ၁၁၁:၂…

ဆုတောင်းခြင်း၏အနှစ်သာရ

Abraham Lincoln (အာဗြံဟံလင်ကွန်း)သည် အမေရိကန်ပြည်ထောင်စု၏ သမ္မတဖြစ်လာသည့်အခါ ပြိုကွဲနေသောနိုင်ငံအား ခက်ခက်ခဲခဲတာဝန်ယူဦးဆောင် ခဲ့ရသည်။ လင်ကွန်းအား အမြော်အမြင်နှင့်ပြည့်စုံပြီး အကျင့်စာရိတ္တကောင်းမွန် သော ခေါင်းဆောင်အဖြစ် သိမြင်ကြသော်လည်း အခြားအရာများထက် အဓိကကျသည်ဟု ပြော၍ရသည့် အရည်အချင်းတစ်ရပ်ရှိသည်။ သူ့အား ပေးအပ်သောတာဝန်ကို အကောင်အထည်ဖော်ရန် သူသည် အရည်အချင်းပြည့်ဝသူ မဟုတ်ကြောင်း သူ့ကိုယ်သူသိသည်။ သူ၏မပြည့်စုံမှုအပေါ် သူမည်သို့တုံ့ပြန်သနည်း။ “ဘယ်လိုမှမတတ်နိုင်ဘဲ ဘယ်သွားရမှန်းမသိတဲ့အဆုံး အကြိမ်ပေါင်းများစွာ ဒူးထောက်ခဲ့ရတယ်။ အဲဒီနေ့အတွက် ကျွန်တော့်မှာရှိတဲ့ ဉာဏ်ရည်နဲ့ လုပ်ဆောင်နိုင်စွမ်းဟာ ပြည့်စုံလုံလောက်မှုမရှိတော့သလို ခံစားခဲ့ရတယ်”ဟု လင်ကွန်းက ထုတ်ဖော်ပြောခဲ့သည်။

မိမိ၏စွမ်းအား၊ အသိပညာနှင့် လုပ်ဆောင်နိုင်စွမ်းခွန်အားက အကန့်အသတ် ရှိပေရာ၊ ကြီးမားကြပ်တည်းသော ဘဝစိန်ခေါ်မှုများ၏ဖိစီးမှုကို ရင်ဆိုင်ရသည့်အခါ လင်ကွန်းကဲ့သို့ပင် အကန့်အသတ်မရှိ၊ အရာရာကိုတတ်စွမ်းနိုင်သည့် သခင်ယေရှု၌ ခိုလှုံအားကိုးရမည်ဖြစ်သည်။ “သင်တို့ကို သတိနှင့်ကြည့်ရှုတော်မူသောကြောင့် သင်တို့၌ စိုးရိမ်ခြင်းအမှုရှိသမျှတို့ကို ကိုယ်တော်၌အပ်နှံကြလော့” (၁ ပေ ၅:၇)ဟု…