ကျရောက်မည့်နေရာ

တောဆိတ်အနွယ်ဝင် အာဖရိကတောဆိတ်သည် အမြင့် (၁၀) ပေ၊ အလျား (၃၅) ပေ အထိ ခုန်နိုင်သည်။ ၎င်းသည် အံ့ဩဖွယ်စွမ်းဆောင်မှုဖြစ်ပြီး အာဖရိကတောရိုင်းသဘာဝတွင် ၄င်းအသက်ရှင်သန်ရေးအတွက် မရှိမဖြစ် အရေးပါသည်မှာ သံသယဖြစ်ဖွယ် မရှိပါ။ သို့သော် တိရိစ္ဆာန်ရုံတွင် ထိုတိရိစ္ဆာန်များအား (၃) ပေအမြင့်သာရှိသောတံတိုင်းများဖြင့် ထိန်းသိမ်းထားသည်ကို တွေ့ရသည်။ ဤမျှနိမ့်သောတံတိုင်းများက ဤမျှဖျက်လတ်သောတိရိစ္ဆာန်များကို မည်သို့ထိန်းသိမ်းထားနိုင်ပါသနည်း။ အာဖရိကတောဆိတ်များသည် ၎င်းတို့မည်သည့်နေရာတွင် ကျမည်ကို မမြင်ရလျှင် လုံးဝမခုန်သောကြောင့် ဖြစ်ပါသည်။ ၄င်းတို့သည် တံတိုင်း တစ်ဘက်ကို မမြင်ရသောကြောင့် ၄င်းတို့ကို ခြံဝင်းများထဲ ထိန်းသိမ်းထားနိုင်ခြင်းဖြစ်သည်။

လူသားများဖြစ်သော ကျွန်တော်တို့လည်း ထူးမခြားနားပါ။ အခြေအနေတစ်ခုတွင် ရှေ့ဆက်မတိုးမီ မည်သည့်ရလဒ်ရမည်ကို ကျွန်တော်တို့ သိလိုကြသည်။ ယုံကြည်မျှော်လင့်ခြင်းရှိသော အသက်တာမူကား ထိုသို့မဟုတ်ပေ။ ရှင်ပေါလုက “မျက်မှောက်မမြင်ဘဲ ယုံကြည်မျှော်လင့်ခြင်းရှိသည်အတိုင်း၊ ငါတို့ သည် ကျင့်ဆောင်ပြုမူသည်” ( ၂…

သွန်သင်မှုကို ခံယူသောစိတ်ထား

အခြားသူ၏ထင်မြင်ချက်ကိုသာမက ထိုထင်မြင်ချက်ကိုကိုင်စွဲသူများကိုပါ တိုက်ခိုက် ခြင်းသည် “ပုံမှန်”ကဲ့သို့ ဖြစ်လာခြင်းက ဝမ်းနည်းဖွယ်ဖြစ်သည်။ ပညာရေးလောကတွင်လည်း အလားတူ မှန်ကန်နေသည်။ ထို့ကြောင့် ကျမ်းပညာရှင်နှင့် ဓမ္မပညာရှင် Richard B. Hays (ရစ်ချတ်ဘီဟေး)က အစောပိုင်းနှစ်များတွင် သူရေးသားခဲ့သော စာတမ်းတစ်စောင်ကို အားရပါးရဝေဖန်ကာ ပြန်လည်ရေးသားခဲ့သောအခါ ကျွန်ုပ်အံ့ဩခဲ့ရသည်။ ‘Reading with the Grain of Scripture’ (နှုတ်ကပတ်တော်တစိုးတစိဖြင့် စာဖတ်ခြင်း) စာအုပ်တွင် ရစ်ချတ်သည် အတိတ်က သူ၏အတွေးအခေါ်ကို ပြုပြင်ခြင်းဖြင့် အလွန်နှိမ့်ချသည့်နှလုံးသားကို သရုပ်ဖော်ပြသခဲ့ပြီး ယခုတွင် တစ်ဘဝလုံး သင်ယူလေ့လာနိုင်ရန် ဘဝကို အနည်းငယ် ချိန်ညှိခဲ့သည်။

ရှောလမုန်သည် တ္တံကျမ်းကို စတင်မိတ်ဆက်သည့်အခါ ရည်ရွယ်ချက်မျိုးစုံနှင့် ပညာရှိအဆိုများကို စုဆောင်းစာရင်းပြုစုထားသည်။ ဤရည်ရွယ်ချက်များအလယ်တွင် “ပညာရှိသောသူသည် နားထောင်သဖြင့် ပညာအတတ်တိုးပွားရလိမ့်မည်။ ဉာဏ်ကောင်းသောသူသည် သုတ္တံစကား အနက်အဓိပ္ပာယ်ကိုလည်းကောင်း၊ ပညာရှိဟောပြော၍ နက်နဲသောစကားတို့ကိုလည်းကောင်း၊ နားလည်သော…

သီးခြားခွဲထုတ်ထားသည်

၁၇၄၂ ခုနှစ်၊ နိုဝင်ဘာလတွင် Charles Wesley (ချားလ်စ်ဝက်စလေ) ဟောပြောနေသည့် ဧဝံဂေလိသတင်းစကားကို ဆန့်ကျင်ရန် အင်္ဂလန်နိုင်ငံ Staffordshire (စတာ့ဖော့ဒ်ရှိုင်းယား)၌ အဓိကရုဏ်းဖြစ်ပွားခဲ့သည်။ ချားလ်စ်နှင့် သူ့အစ်ကိုဂျွန်တို့သည် နှစ်ရှည်လများ ဘုရားရှိခိုးကျောင်းဓလေ့ထုံးတမ်းများကို ပြောင်းလဲနေပုံပေါ်ခြင်းကြောင့် ထိုအမှုအရာသည် မြို့နေလူထုအဖို့ သည်းခံရန် အလွန်ခက်နေပါသည်။

အဓိကရုဏ်းအကြောင်းကို ဂျွန်ဝက်စလေ ကြားသောအခါ သူ့ညီကို ကူညီရန် စတာ့ဖော့ဒ်ရှိုင်းယားသို့ သူအလျင်အမြန်သွားခဲ့သည်။ မကြာမီမှာပင် ဂျွန် ရှိသည့်နေရာကို ကြမ်းရမ်းသည့်လူအုပ်ကြီးက ဝိုင်းထားလိုက်သည်။ ရဲဝံ့စွာပင် ဂျွန်သည် ထိုလူစု၏ခေါင်းဆောင်များနှင့် ရင်ဆိုင်တွေ့ဆုံပြီး အေးဆေးတည်ငြိမ်စွာ စကားပြောသဖြင့် တစ်ယောက်ပြီးတစ်ယောက် ဒေါသများပြေလျှော့သွားသည်။

ဂျွန်ဝက်စလေ၏ နူးညံ့သိမ်မွေ့သောစိတ်ထားက လူအုပ်ကြီးကို ငြိမ်သက်စေခဲ့သည်။ ၎င်းသည် သူ့အလိုလိုဖြစ်ပေါ်လာသည့် နူးညံ့သိမ်မွေ့မှုသဘောထက် သူအလွန်နီးကပ်စွာ လိုက်လျှောက်ခဲ့သော ကယ်တင်ရှင်သခင်၏စိတ်နှလုံးသာ ဖြစ်သည်။ သခင်ယေရှုက “ငါ့ထမ်းဘိုးကိုတင်၍ ထမ်းကြလော့။ ငါ့ထံ၌ နည်းခံကြလော့။ ငါသည် နူးညံ့သိမ်မွေ့…

ကျွန်ုပ်တို့၏ဘုရားသခင်သည် ကြီးမြတ်တော်မူ၏

​လက်ဗွေဖြင့် မည်သူမည်ဝါဖြစ်သည်ဟု သတ်မှတ်ခွဲခြားခြင်းကို ကြာမြင့်စွာ အသုံးပြုခဲ့သော်လည်း လက်ဗွေပွားပြီး အတုလုပ်၍ရသည်။ ထိုနည်းတူ မျက်ဝန်းအတွင်း မျက်စိသူငယ်အိမ်ကို ဝန်းရံထားသော စက်ဝိုင်းပုံစံကိုမူတည်ပြီး “အိုင်ဒီ” အမှတ်အသားပြုလုပ်ခြင်းက စိတ်ချရနိုင်သော်လည်း မျက်ကပ်မှန်က ရလဒ်အဖြေကို တိုက်ရိုက်ပြောင်းပေးနိုင်သည်။ ဇီဝဖြစ်စဉ်ဖြင့် သတ်မှတ်ခွဲခြားမှုကလည်း စိတ်မချရပါ။ ထို့ကြောင့် မည်သည့်အရာက မည်သူမည်ဝါဖြစ်သည်ကို သတ်မှတ်ခွဲခြားခြင်းအတွက် အကောင်းဆုံးစံဖြစ်မည်နည်း။ လေ့လာတွေ့ရှိချက်များအရ လူ၏သွေးကြောဖွဲ့စည်းမှုပုံစံသည် ထူးခြားပြီး၊ အတုအပပြုလုပ်ရန်လည်း မဖြစ်နိုင်ပါ။ လူတစ်ဉီးချင်းစီ၏ “သွေးကြောမြေပုံ” သည် အနှိုင်းမဲ့သော၊ အစားထိုး၍ မရသော ကမ္ဘာပေါ်ရှိ အခြားသူများနှင့် သင့်ကို ခွဲခြားပေးသည့်အရာဖြစ်သည်။

နက်နဲရှုပ်ထွေးသည့် လူသားရုပ်ခန္ဓာဖွဲ့စည်းမှုကိုဆင်ခြင်ခြင်းက ကျွန်ုပ်တို့ကိုပြုလုပ်သည့် ဖန်ဆင်းရှင်အပေါ် အံ့သြမှုဖြင့်ကိုးကွယ်ဝတ်ပြုခြင်းကို နိုးဆွပေးသင့်သည်။ ကျွန်ုပ်တို့သည် “ကြောက်မက်ဖွယ်သောလက္ခဏာ၊ ထူးဆန်းသောလက္ခဏာ”နှင့် ဖန်ဆင်းခံရကြောင်း (ဆာ ၁၃၉:၁၄) ဒါဝိဒ်က သတိပေးထားပြီး ဤအချက်အတွက် ကျွန်ုပ်တို့အမှန်ပင် ချီးမွမ်းသင့်သည်။ ဆာလံ ၁၁၁:၂…

ဆုတောင်းခြင်း၏အနှစ်သာရ

Abraham Lincoln (အာဗြံဟံလင်ကွန်း)သည် အမေရိကန်ပြည်ထောင်စု၏ သမ္မတဖြစ်လာသည့်အခါ ပြိုကွဲနေသောနိုင်ငံအား ခက်ခက်ခဲခဲတာဝန်ယူဦးဆောင် ခဲ့ရသည်။ လင်ကွန်းအား အမြော်အမြင်နှင့်ပြည့်စုံပြီး အကျင့်စာရိတ္တကောင်းမွန် သော ခေါင်းဆောင်အဖြစ် သိမြင်ကြသော်လည်း အခြားအရာများထက် အဓိကကျသည်ဟု ပြော၍ရသည့် အရည်အချင်းတစ်ရပ်ရှိသည်။ သူ့အား ပေးအပ်သောတာဝန်ကို အကောင်အထည်ဖော်ရန် သူသည် အရည်အချင်းပြည့်ဝသူ မဟုတ်ကြောင်း သူ့ကိုယ်သူသိသည်။ သူ၏မပြည့်စုံမှုအပေါ် သူမည်သို့တုံ့ပြန်သနည်း။ “ဘယ်လိုမှမတတ်နိုင်ဘဲ ဘယ်သွားရမှန်းမသိတဲ့အဆုံး အကြိမ်ပေါင်းများစွာ ဒူးထောက်ခဲ့ရတယ်။ အဲဒီနေ့အတွက် ကျွန်တော့်မှာရှိတဲ့ ဉာဏ်ရည်နဲ့ လုပ်ဆောင်နိုင်စွမ်းဟာ ပြည့်စုံလုံလောက်မှုမရှိတော့သလို ခံစားခဲ့ရတယ်”ဟု လင်ကွန်းက ထုတ်ဖော်ပြောခဲ့သည်။

မိမိ၏စွမ်းအား၊ အသိပညာနှင့် လုပ်ဆောင်နိုင်စွမ်းခွန်အားက အကန့်အသတ် ရှိပေရာ၊ ကြီးမားကြပ်တည်းသော ဘဝစိန်ခေါ်မှုများ၏ဖိစီးမှုကို ရင်ဆိုင်ရသည့်အခါ လင်ကွန်းကဲ့သို့ပင် အကန့်အသတ်မရှိ၊ အရာရာကိုတတ်စွမ်းနိုင်သည့် သခင်ယေရှု၌ ခိုလှုံအားကိုးရမည်ဖြစ်သည်။ “သင်တို့ကို သတိနှင့်ကြည့်ရှုတော်မူသောကြောင့် သင်တို့၌ စိုးရိမ်ခြင်းအမှုရှိသမျှတို့ကို ကိုယ်တော်၌အပ်နှံကြလော့” (၁ ပေ ၅:၇)ဟု…

မေ့လျော့သွားမည်မဟုတ်

ဆန်းသစ်၍ သမိုင်းဝင်ဖြစ်ခဲ့သော သာသနာပြုသူများအကြောင်း စဉ်းစားသည့်အခါ George Liele (ဂျော့လိုင်လီ) (၁၇၅၀-၁၈၂၀)ကို သတိမရကြပါ။ သူ့ကို မမေ့သင့်ပါ။ လိုင်လီသည် ကျွန်မိသားစုတွင်မွေးဖွားလာပြီး ဂျော်ဂျီယာပြည်နယ်၌ ခရစ်တော်ကို သိကျွမ်းခဲ့သည်။ အမေရိကန်တော်လှန်ရေး စစ်ပွဲကြီးမတိုင်မီတွင် သူသည် ကျွန်ဘဝမှ လွတ်မြောက်ခဲ့သည်။ ဂျမေးကားနိုင်ငံသို့ သခင်ယေရှု၏သတင်းကောင်းကို ဆောင်ယူခဲ့ပြီး စိုက်ခင်းတွင် လုပ်ကိုင်နေသောကျွန်များကြားတွင် အမှုတော်ဆောင်ခဲ့သည်။ ဂျော်ဂျီယာပြည်နယ်၊ ဆဗဲန်နာမြို့တွင် အာဖရိကန်-အမေရိကန် အသင်းတော် နှစ်ခုကို စတင်တည်ထောင်သူ သင်းအုပ်ဆရာဖြစ်ခဲ့သည်။ အသင်းတော်တစ်ခုမှာ “လူမည်းနှစ်ခြင်းခရစ်ယာန်များ၏ မိခင်အသင်းတော်”အဖြစ် သတ်မှတ်ခံခဲ့ရသည်။

ကောင်းကင်နိုင်ငံအတွက် ထူးခြားပြောင်မြောက်သော အသက်တာဖြင့် လိုင်လီပေးဆပ်အမှုဆောင်ခဲ့ခြင်းကို အချို့သူများ မေ့သွားသော်လည်း ဘုရားသခင်က ဘယ်သောအခါမျှ မမေ့ပါ။ သင်ပြုသောအမှုကိုလည်း ဘုရားရှင်မမေ့ပါ။ ဟေဗြဲဩဝါဒစာတွင် “သင်တို့သည် သန့်ရှင်းသူတို့ကို အထက်က လုပ်ကျွေးသည်သာမက၊ ယခုပင် လုပ်ကျွေးခြင်းအမှုကိုလည်းကောင်း၊ ထိုသို့ပြုသောအားဖြင့် နာမတော်ကိုထောက်၍ ပြသောမေတ္တာကိုလည်းကောင်း၊ ဘုရားသခင်သည်…

စစ်မှန်သောမျှော်လင့်ချက်

၁၉၆၀ ခုနှစ်များ၏ အစောပိုင်းကာလများတွင် အမေရိကန်ပြည်ထောင်စုသည် တောက်ပသော အနာဂတ်မျှော်မှန်းချက်နှင့် ပြည့်နေခဲ့သည်။ နုပျိုသော သမ္မတ John F. Kennedy (ဂျွန်အက်ဖ်ကနေဒီ)သည် အသစ်သောနယ်ပယ်၊ ငြိမ်းချမ်းရေးတပ်မနှင့် လကမ္ဘာသို့တက်လှမ်းခြင်း စသည်တို့ကို အစပြုခဲ့သည်။ စီးပွားရေးအခြေအနေ တိုးတက်မှုက လူများစွာအား “ကောင်းသောအချိန်များကို ရွေ့လျားစေ”ခြင်းဖြင့် အနာဂတ်ကို မျှော်လင့်စေခဲ့သည်။ ထို့နောက် ဗီယက်နမ်၌ စစ်ရေးအရှိန်မြင့်လာပြီး အမျိုးသားရေး မငြိမ်မသက်ဖြစ်သည်။ ကနေဒီလုပ်ကြံခံရပြီး ယခင်အကောင်းမြင် လူ့အဖွဲ့အစည်း၏လက်ခံစံနှုန်းများ ဖျက်သိမ်းခံခဲ့ရသည်။ အကောင်းမြင်ဝါဒသည် မလုံလောက်ဟူသည့်အမြင်က ရေပန်းစားလျက် ထင်သလောက် ကျေနပ်ဖွယ် မကောင်းသည့်အမှန်တရားကို လူတို့သိမြင်လာခဲ့ရသည်။

ထို့နောက် ၁၉၆၇ ခုနှစ်တွင် ဘာသာရေးပညာရှင် Jürgen Moltmann (ရူရင် မော့မန်း)၏ ‘A Theology of Hope’ (မျှော်လင့်ခြင်းဆိုင်ရာ ဓမ္မအတွေး)က ပိုမိုရှင်းလင်းသောရူပါရုံကို ညွှန်ပြခဲ့သည်။ ဤလမ်းက အကောင်းမြင်သည့်လမ်းမဟုတ်ဘဲ၊ မျှော်လင့်ချက်လမ်းဖြစ်သည်။…

လှပစွာ ကျိုးပဲ့သည်

အစ္စရေးနိုင်ငံမှ ရှေးဟောင်းသုတေသနဆိုင်ရာ တူးဖော်မှုတွင် ကိုယ်တိုင်ကိုယ်ကျ တူးဆွစူးစမ်းရန် ကျွန်ုပ်တို့အလွန်မျှော်လင့်ခဲ့ရသည့်ပန်းတိုင်သို့ ကျွန်ုပ်တို့ ဆိုက်ရောက်ခဲ့ပါပြီ။ တူးဖော်ရေးနယ်မြေ၏‌ဒါရိုက်တာက ကျွန်တော်တို့တူးဖော်မည့်အရာများသည် နှစ်ထောင်ပေါင်းများစွာ မည်သူမျှ မတို့မထိခဲ့သောအရာများဖြစ်ကြောင်း ရှင်းပြသည်။ အိုးခြမ်းပဲ့အပိုင်းအစများကို တူးမိချိန်တွင် သမိုင်းကို ထိမိပြီဟု ကျွန်ုပ်တို့ခံစားခဲ့ရသည်။ ထို့နောက် ရှေးပန်းအိုးကြီး၏အိုးခြမ်းပဲ့ အပိုင်း အစများကို ပြန်ဆက်ပေးသည့် လက်မှုအလုပ်ရံုသို့ ကျွန်ုပ်တို့ကို ခေါ်သွားသည်။

အလွန်ကြည်လင်သည့်ပုံ ထွက်လာသည်။ ရာစုနှစ်များစွာ သက်တမ်းရှိသည့် အိုးခြမ်းကွဲများကို ပြန်ဆက်ပေးသည့် လက်မှုပညာရှင်များသည် ကျိုးပဲ့သည့်အရာများကို ပြန်ပြင်ပေးသည့် ဘုရားသခင်အား လှပစွာကိုယ်စားပြုသူများဖြစ်သည်။ ဆာလံကျမ်း ၃၂:၁၂ တွင် “မအောက်မေ့သော အသေကောင်ကဲ့သို့၊ အကျွန်ုပ်ကို မေ့လျော့ကြပါ၏။ အိုးခြမ်းကဲ့သို့ အကျွန်ုပ်ဖြစ်ပါ၏”ဟု ဒါဝိဒ် ရေးသားခဲ့သည်။ ဤဆာလံကျမ်းကို ရေးသားရသည့်အကြောင်း အဖြစ်အပျက်များ မဖော်ပြထားသော်လည်း ဒါဝိဒ်ကြုံရသည့်ဘဝအခက်အခဲများကြောင့် ယခုဆာလံကဲ့သို့ သူ၏ညည်းတွားမှုမှတစ်ဆင့် ဖော်ပြခဲ့သည်။ အန္တရာယ်များ၊ ရန်သူများနှင့် မျှော်လင့်ချက်မဲ့မှုများကြောင့်…

ကျေးဇူးတင်တတ်သော စိတ်နှလုံးသား

ရှေးဟောင်းရောမခေတ်မှ ဒဿနိကပညာရှင် Seneca (စီနီကာ) (ဘီစီ ၄ ရာစု- အေဒီ ၆၅)အား ဧကရာဇ်မင်းကတော် Messalina (မက်စာလီနာ)က သူတစ်ပါးသားမယားကို ပြစ်မှားသည်ဟု စွပ်စွဲခဲ့သည်။ Seneca အား လွတ်တော်မှ သေဒဏ်ချမှတ်လိုက်ပြီးနောက် သူ့အပေါ်စွပ်စွဲမှုသည် မှားယွင်းမှုဟု ဧကရာဇ်မင်း Claudius (ကလောဒိယက်စ်)က သံသယရှိခြင်းကြောင့် သူ့ကို Corsica (ကော်စီကာ)နယ်သို့ပြည်နှင်ဒဏ်ပေးလိုက်သည်။ ဤပြစ်ဒဏ်က ကျေးဇူးတင်ခြင်းနှင့်ပတ်သက်သည့် Seneca ၏အမြင်ကို ပုံသွင်းခဲ့ခြင်း ဖြစ်ကောင်းဖြစ်မည်။ ထို့ကြောင့် သူက "လူသတ်သမား၊ မင်းဆိုး၊ သူခိုး၊ သူတစ်ပါးသားမယားပြစ်မှားသူ၊ ထားပြ၊ ဘုရားကိုပြစ်မှားသူ၊ သစ္စာဖောက် စသည်တို့က ရှိမြဲရှိနေမည်။ သို့သော် ဤပြစ်မှုများထက် ကျေးဇူးမတင်တတ်ခြင်းက အဆိုးဝါးဆုံးပြစ်မှုဖြစ်သည်" ဟု ရေးခဲ့သည်။

Seneca နှင့်ခေတ်ပြိုင်ပေါ်ထွန်းခဲ့သည့် တမန်တော်ရှင်ပေါလုက ယင်းကို သဘောတူကောင်းတူခဲ့လိမ့်မည်။ ရောမသြဝါဒစာ ၁:၂၁ တွင် လူသားတို့၏ပြိုလဲကျဆင်းမှု၏အဓိကတရားခံမှာ…

ဝိညာဥ်တော်ပြသည့် ထိုးထွင်းအမြင်

ပြင်သစ်စစ်သားသည် သဲကန္တာရထဲတွင် အခြေချစခန်း ခံတပ်တည်ဆောက်ရန် မြေတူးနေစဥ် အရေးပါသောအရာကို ရှာဖွေတွေ့ရှိမည်ဟု မတွေးမိပါ။ သဲများကို ဂေါ်ဖြင့်တစ်ဂေါ်ပြီးတစ်ဂေါ် ကော်ပြီးနောက် ကျောက်တုံးတစ်တုံးကို တွေ့လိုက်သည်။ သာမန်ကျောက်တုံးတော့မဟုတ်ပါ။ ဘာသာစကားသုံးမျိုးဖြင့် ရေးထားသော King Ptolemy V (ပဥ္စမမြောက်ထောလမီဘုရင်)က သူ၏ဘုန်းတော်ကြီးများနှင့် လူများအတွက် ပြုသောကောင်းကျိုးများ၏ စာရင်းပါရှိသော Rosetta (ရိုဆက်တာ)ကျောက်တုံးကြီး ဖြစ်သည်။ ယခုအခါ ဗြိတိသျှပြတိုက်တွင် ပြသထားသော ယင်းကျောက်တုံးသည် ၁၉ ရာစု၏ ရှေးဟောင်းသုတေသနဆိုင်ရာ အရေးပါဆုံးသောတွေ့ရှိမှု တစ်ခုဖြစ်သည်။ ပုံဖြင့် သရုပ်ဖော်ရေးဆွဲသော Hieroglyphics (အရုပ်စာ)ဟုထင်ရှားသည့် ရှေးဟောင်းအီဂျစ်စာ အရေးအသား ၏ နက်နဲ ရှုပ်ထွေးမှုကို ဖော်ထုတ်ရာ၌ ထိုတွေ့ရှိမှုက အထောက်အကူဖြစ်ခဲ့သည်။

လူများစွာအတွက် နှုတ်ကပတ်ကျမ်းစာသည် နားမလည်နိုင်၊ လျှို့ဝှက်နက်နဲ သောအရာဖြစ်သည်။ သခင်ယေရှုကားတင်သတ်ခြင်းမခံရမီညကသူ့နောက်တော်လိုက်များအား သန့်ရှင်းသောဝိညာဥ်တော်ကိုစေလွှတ်ပေးမည်ဟု မိန့်ကြားခဲ့သည်။ယေရှုက"သမ္မာတရားနှင့်ပြည့်စုံသော ထိုဝိညာဥ်တော်သည်ရောက်လာသောအခါ၊သမ္မာတရားကို သင်တို့အား အကြွင်းမဲ့ သွန်သင်ပြသလိမ့်မည်။…