စာရေးသူ

အားလုံးမြင်နိုင်ရန်
Cindy Hess Kasper

စင်ဒီဟက်စ်ကက်စ်ပါ

စင်ဒီဟက်စ်ကက်စ်ပါ (Cindy Hess Kasper) သည် Our Daily Bread Ministries ၌ နှစ်ပေါင်း ၄၀ ထက်မက အစေခံခဲ့သည်။ ၎င်းတို့အနက် အနှစ် (၃၀) က Our Daily Journey ၏ စီနီယာ အကြောင်းအရာစာတည်း အဖြစ် လုပ်ဆောင်ခဲ့သည်။ ထိုနှစ်များအတွင်းတွင် သူမသည် လူငယ်များအတွက် ဝတ်ပြုကိုးကွယ်ခြင်း စာမူများကို (၁၀) နှစ်ကျော်ကြာသည်အထိ ရေးသားခဲ့သည်။ ထို့နောက် Our Daily Bread စာမူများကို ၂၀၀၆ ခုနှစ်မှ စတင်၍ ရေးသားပေးခဲ့သည်။ သူမ၏ ဖခင်၊ အနှစ်သက်ဆုံး ညွှန်ပြသူဆရာ နှင့် ခွန်အားပေးသူ ဖြစ်သည့် နှစ်ရှည်ဆက်ကပ်နေသည့် စီနီယာ ဆရာကြီး ခလဲ ဟက်စ် (Clair Hess) ကြောင့် သူမသည် စာပေရေးသားခြင်းအတွက် စိတ်ထက်သန်လာခဲ့သည်။ ဆရာမသည် ၂၀၁၈ ခုနှစ်တွင် အငြိမ်းစားယူသွားခဲ့ပြီ ဖြစ်သော်လည်း ဝတ်ပြုကိုးကွယ်ခြင်းဆိုင်ရာ စာမူများကို ဆက်လက်ရေးသားပေးနေသည်။ ဆရာမနှင့် ခင်ပွန်းဖြစ်သူ ဆရာ တွမ် တို့၌ ကလေး (၃)ဦးနှင့် ချစ်စရာကောင်းပြီး သာယာကြည်နူးစေသည့် အရူးလေးများဖြစ်သည့် (ဆရာမ၏စကားအရ) မြေးများစွာ ရှိသည်။

စာမူ/ အကြောင်းအရာ များ စင်ဒီဟက်စ်ကက်စ်ပါ

ခြေများနှင့် ပန်းကန်များကို ဆေးကြောခြင်း

ချာလီနှင့် ဂျန်တို့၏နှစ် (၅၀) ပြည့်မင်္ဂလာနှစ်ပတ်လည်နေ့တွင် သားဖြစ်သူ ဂျွန်နှင့် အတူ ကဖေးဆိုင်တစ်ဆိုင်တွင် နံနက်စာ အတူစားခဲ့ကြသည်။ ထိုနေ့တွင် စားသောက်ဆိုင်၌ မန်နေဂျာ၊ စားဖိုမှူးနှင့် ဧည့်ကြိုအလုပ်အပါအဝင် စားပွဲထိုး စားပွဲရှင်း အလုပ်ပါလုပ်ရသော ဆယ်ကျော်သက်အရွယ် မိန်းကလေးတစ်ဦးတို့သာရှိသည်။ နံနက်စာစားပြီးချိန်တွင် ချာလီက ဇနီးနှင့်သားတို့အား “ဒါပြီးရင် ဘာအရေးကြီးကိစ္စလုပ်ဖို့ရှိလဲ”ဟု လှည့်၍ မေးလိုက်သည်။ သူတို့ ဘာမှလုပ်စရာမရှိပါ။

မန်နေဂျာ၏ခွင့်ပြုချက်ဖြင့် ချာလီနှင့်ဂျန်တို့သည် ဆိုင်အနောက်ခန်းတွင် ပန်းကန်ခွက်ယောက်များကို ဆေးကြောစဥ် ဂျွန်က စားပွဲများကို ရှင်းလင်းသိမ်းဆည်းပေးခဲ့သည်။ ထိုနေ့အဖြစ်အပျက်သည် သူ့အတွက် အဆန်းမဟုတ်ကြောင်း ဂျွန် က ပြောသည်။ သူ၏မိဘများသည် “သူတစ်ပါးကို စေစားခြင်းငှာမလာ၊ သူတစ်ပါးအစေကို ခံခြင်းငှာ ကြွလာသော” (မာ ၁၀:၄၅) သခင်ယေရှု၏ပုံသက်သေကို ဖော်ပြခဲ့ခြင်းဖြစ်သည်။

ရှင်ယောဟန်ခရစ်ဝင် ၁၃ တွင် ခရစ်တော်သည် တပည့်တော်များနှင့်အတူ နောက်ဆုံးညစာစားခဲ့သည့် အကြောင်းကို ဖတ်ရှုရသည်။…

အမှောင်ရိပ်နှင့် ဘုရားသခင်၏အလင်းတော်

အီလိန်း ၌ ကင်ဆာရောဂါရှိကြောင်း စစ်ဆေးတွေ့ရှိသောအခါ သိပ်မကြာမီ သခင်ယေရှုနှင့်သူမအတူရှိရမည့်အချိန် ရောက်လာတော့မည်ဟု သူမနှင့် ခင်ပွန်း ချက်ခ် တို့ သိရှိခဲ့သည်။ (၅၄) နှစ်တာ သူတို့အတူရှိသည့်ကာလအတွင်း အနက်ရှိုင်းဆုံးနှင့် အခက်ခဲဆုံးချိုင့်ဝှမ်းကို ဖြတ်သန်းခဲ့ကြစဥ် သူတို့နှင့်အတူ ဘုရားရှင်အတူရှိမည်ဟူသည့် ဆာလံ ၂၃ ၏ကတိတော်ကို သူတို့နှစ်ဦးစလုံး တန်ဖိုးထားကိုင်စွဲခဲ့သည်။ အီလိန်း သည် လွန်ခဲ့သော ဆယ်စုနှစ်များစွာကပင် သခင်ယေရှုကိုယုံကြည်ခဲ့ပြီဖြစ်၍ အီလိန်းသည် သခင်ယေရှုနှင့် တွေ့ဆုံရန် အသင့်ဖြစ်နေပြီဟူသောအချက်၌ သူတို့အားယူမျှော်လင့်ခဲ့ကြသည်။

သူ့ဇနီး၏ အောက်မေ့ဖွယ်ဝတ်ပြုစည်းဝေးတွင် ချက်ခ် က သူသည် “သေမင်း၏ အရိပ်လွှမ်းမိုးသောချိုင့်ထဲ၌” ခရီးဆက်နေရဆဲဖြစ်ကြောင်း ဝေမျှပြောခဲ့သည် (ဆာ ၂၃:၄)။ သူ့ဇနီးသည်က ကောင်းကင်ဘုံတွင် အသက်တာစတင်နေပြီဖြစ်သည်။ သို့ရာတွင် “သေမင်း၏အရိပ်”သည် အီလိန်း ကို အလွန်ချစ်သော ချက်ခ် နှင့်အတူ၊ အခြားသူများနှင့်အတူ ရှိနေဆဲဖြစ်သည်။

အရိပ်လွှမ်းမိုးသောချိုင့်ထဲသို့ ကျွန်မတို့လျှောက်သွားရစဥ်…

အားလျော့စိတ်ပျက်ခြင်း မရှိနှင့်

ကျွန်မ၏မိခင် ဒေါရသီ (Dorothy) ကျန်းမာစွာ နေခဲ့ရသည့်အချိန်ကို ကျွန်မ မမှတ်မိပေ။ နှစ်ပေါင်းများစွာ အကဲဆတ်သည့် ဆီးချိုရောဂါခံစားခဲ့ရပြီး သူမ၏ သွေးတွင်းသကြားဓာတ်မှာ အပြောင်းအလဲမြန်ခဲ့သည်။ အခြားရောဂါများလည်း တိုးလာခဲ့ပြီး ကျောက်ကပ် ပျက်စီးသွား၍ ကျောက်ကပ် ပုံမှန် ဆေးခဲ့ရသည်။ အာရုံကြောထိခိုက်လာကာ အရိုးကျိုးမှုကြောင့် ဘီးတပ်ကုလားထိုင်ကို သူမအသုံးပြုခဲ့ရသည်။ မျက်စိကွယ်သည်အထိ သူမ၏အမြင်အာရုံသည်လည်း တဖြည်းဖြည်း ဆုတ်ယုတ်ခဲ့သည်။

သူမ၏ကိုယ်ခန္ဓာ ပျက်စီးဆုတ်ယုတ်လာသော်လည်း အမေ၏ဆုတောင်းခြင်း အသက်တာမှာမူ ပို၍ တက်ကြွရှင်သန်လာခဲ့သည်။ အခြားသူများ ဘုရားရှင်၏မေတ္တာတော်အား သိကျွမ်းမြည်းစမ်းလာစေရန် နာရီပေါင်းများစွာ သူမ ဆုတောင်းပေးခဲ့သည်။ သမ္မာကျမ်းစာ၏ အဖိုးတန်နှုတ်ကပတ်တော်များက သူမအတွက် ပိုမိုချိုမြိန်လာခဲ့သည်။ သူမ မျက်လုံးမကွယ်ခင် သူမ၏ညီမ မာဂျာရီ (Marjorie) ထံ “ငါတို့ သည် အားလျော့စိတ်ပျက်ခြင်းနှင့် ကင်းလွတ်ကြ၏။ ငါတို့၏ပြင်လူသည် ဖောက်ပြန်ပျက်စီးခြင်းသို့ရောက်သော်လည်း၊ အတွင်းလူမူကား တစ်နေ့ထက်တစ်နေ့ ပြုပြင်ခြင်းကိုခံရ၏” (၂…

ကတိတော်ပြည့်စုံ‌စေပြီ

ကျွန်မငယ်စဥ်က မိုင် (၂၀၀) ဝေးသည့်အရပ်ရှိ အဘိုးအဘွားများနှင့်အတူ တစ်ပတ်တာ ပျော်ရွှင်စွာနေထိုင်ရန် နွေရာသီတိုင်း ခရီးထွက်ခဲ့ရသည်။ ကျွန်မချစ်ရသော လူနှစ်ဦးထံမှ ဉာဏ်ပညာ မည်မျှရရှိခဲ့သည်ကို ထိုစဥ်က ကျွန်မ မသိခဲ့ပါ။ သူတို့၏ဘဝအတွေ့အကြုံများနှင့် ဘုရားသခင်နှင့်အတူ လျှောက်လှမ်းမှုက ဘဝကို ပကတိအတိုင်း ရှုမြင်တတ်သောအမြင်ကို ပေးသည်။ ၎င်းတို့၏အမြင်ကို ကျွန်မ၏ငယ်ရွယ်သောစိတ်၌ မတွေးတတ်သေးပါ။ ဘုရားသခင်၏ သစ္စာရှိမှုအကြောင်း သူတို့နှင့်ပြောဆိုခဲ့ခြင်းက ဘုရားရှင်သည် ယုံကြည်ကိုးစားထိုက်ပြီး သူ၏ကတိတိုင်းကို ဖြည့်ဆည်းပေးကြောင်း ကျွန်မအား စိတ်ချစေသည်။

သခင်ယေရှု၏မိခင် မာရိထံသို့ ကောင်းကင်တမန်တစ်ပါး ရောက်လာသောအခါ သူမသည် ဆယ်ကျော်သက်အရွယ်သာ ရှိသေးသည်။ ဂါဗြေလပြောသော သတင်းစကားသည် အလွန်အမင်း မယုံနိုင်လောက်စရာဖြစ်သော်လည်း သူမသည် ထိုတာဝန်ကို ကျေကျေနပ်နပ် လက်ခံခဲ့သည် (လု ၁:၃၈)။ သို့သော် (ကျမ်းပညာရှင်အချို့က အသက် (၆၀) ရှိသည်ဟု ယူဆကြသည့်) သက်ကြွယ်ဆွေမျိုး ဧလိရှဗက်ထံသို့…

တိတ်ဆိတ်ခြင်းအတွက်နေရာ

အကယ်၍ ငြိမ်သက်တိတ်ဆိတ်မှုကို သင်နှစ်သက်သည်ဆိုလျှင် အမေရိကန်နိုင်ငံ၊ Minnesota (မင်နီဆိုတာ ပြည်နယ် )၊ Minneapolis (မင်နီယာပိုလစ်)မြို့၌ သင်နှစ်သက်မည့် အခန်းတစ်ခန်းရှိသည်။ ထိုအခန်းသည် ဝင်လာသမျှအသံ၏ ၉၉.၉၉%ကို စုပ်ယူသည်။ Orfield Laboratories (အော်ဖီး ဓာတ်ခွဲစမ်းသပ်ခန်းများ)ရှိ ကမ္ဘာကျော် ပဲ့တင်သံကင်းမဲ့သောအခန်းကို “ကမ္ဘာ့ဆိတ်ငြိမ်ဆုံးနေရာ” ဟု သတ်မှတ်‌ခေါ်ဆိုကြသည်။ ထိုအသံဗလံကင်းမဲ့သောနေရာကို တွေ့ကြုံခံစားလိုသူတို့အနေဖြင့် ထိုင်နေဖို့ လိုအပ်သည်။ ဆူညံသံမရှိသဖြင့် ဇဝေဇဝါဖြစ်မှုကို ရှောင်ရှားနိုင်ရန်ဖြစ်သည်။ ထိုအခန်းထဲ၌ (၄၅) မိနစ်ကျော်သည်ထိ မည်သူ တစ်ဦးတစ်ယောက်မှ နေနိုင်ခဲ့ခြင်း မရှိသေးပါ။

ထိုမျှလောက်သော တိတ်ဆိတ်မှုမျိုးကို လူမဆိုစလောက်ကသာ လိုအပ်သည်။ ဆူညံကျယ်လောင်ပြီး ပျားပန်းခတ်လှုပ်ရှားနေသည့် ကမ္ဘာကြီးထဲတွင် အနည်းငယ်သော တိတ်ဆိတ်ငြိမ်သက်မှုကို တစ်ခါတစ်ရံ ကျွန်မတို့ တောင့်တမိ တတ်ကြသည်။ ကျွန်မတို့ကြည့်ရှုသည့် သတင်းများနှင့် အသုံးပြုသည့် လူမှုမီဒီယာများက ကျွန်မတို့၏စိတ်အာရုံကို ဆွဲဆောင်လျက် ရှုပ်ထွေးကျယ်လောင်သော “ဆူညံမှု”ကို…

အရာအားလုံး ယေရှုအတွက်

Jeff (ဂျက်ဖ်) အသက်ဆယ့်လေးနှစ်တွင် သူ့မိခင်က သူ့ကို နာမည်ကြီးအဆိုတော် တစ်ဦး၏ပွဲသို့ ခေါ်သွားခဲ့သည်။ သူ့ခေတ်က ဂီတသမားတော်တော်များများ ကဲ့သို့ပင် B. J. Thomas (ဘီဂျေသောမတ်စ်)သည် ဂီတဖျော်ဖြေမှုခရီးစဥ်များတွင် မိမိကိုယ်ကို ဖျက်စီးစေနိုင်သောအသက်တာဖြင့် နေထိုင်ခဲ့သည်။ ၎င်းသည် သူနှင့်သူ့ဇနီးတို့ သခင်ယေရှုအကြောင်း မကြားရမီအချိန်က ဖြစ်သည်။ ခရစ်တော်ကို ယုံကြည်သူ များဖြစ်လာသောအခါ သူတို့၏အသက်တာ အကြီးအကျယ် ပြောင်းလဲသွားသည်။

သီဆိုပွဲညတွင် အဆိုတော်သည် တက်ကြွနေသောလူအုပ်ကြီးကို စတင်ဖျော်ဖြေခဲ့သည်။ သူ့၏နာမည်ကြီးသီချင်းတချို့ကို သီဆိုပြီးနောက်တွင် ပရိသတ်တစ်ဦးက “ဟေး ... ယေရှုအတွက် တစ်ပုဒ်သီဆိုပါ” ဟုအော်ပြောရာ၊ “ကျွန်တော် ယေရှုအတွက် သီချင်း (၄) ပုဒ် ခုပဲ သီဆိုခဲ့တယ်”ဟု ဘီဂျေက မဆိုင်းမတွ တုံ့ပြန်လိုက်သည်။ ထိုအချိန်မှစ၍ ဆယ်စုနှစ်အနည်းငယ်ကြာခဲ့သည့်တိုင်၊ “မိမိလုပ်ဆောင်ပြုမူသမျှ” တွင် အချို့က “ဘာသာမဲ့”ဟု တွေးထင်နိုင်သည့် အမှုအရာများပင်လျှင်…

လုပ်ရမလား၊ မလုပ်ရဘူးလား

ကျွန်မငယ်စဥ်က ကျွန်မအိမ်အနီးရှိပန်းခြံ၌ ဒုတိယကမ္ဘာစစ်ပွဲဝင် တင့်ကားဟောင်း တစ်စီးကို ခင်းကျင်းပြသထားသည်။ ထိုယာဥ်ပေါ်သို့ မတက်ရန် အန္တရာယ်သတိပေးဆိုင်းဘုတ်များစွာကို ရေးထားသော်လည်း ကျွန်မသူငယ်ချင်းနှစ်ဦးက ရုတ်တရက် ယာဥ်ပေါ်သို့ ကုတ်ကပ်တွယ်တက်သွားသည်။ ကျန်သူငယ်ချင်းများက ‌မတက်ချင်သော်လည်း နောက်ဆုံးတော့ အားလုံးလိုက်တက်ကြတော့သည်။ ကောင်လေးတစ်ဦးက ဆိုင်းဘုတ်သို့လက်ညှိုး ထိုးပြပြီး လိုက်မတက်ပါ။ နောက်တစ်ဦးက လူကြီးတစ်ယောက်လာနေသည်ကို တွေ့သောအခါ ခုန်ဆင်းလိုက်သည်။ ပျော်လိုသည့်သွေးဆောင်မှုက စည်းကမ်းကိုနာခံလိုစိတ်ထက် အလေးသာသွားပါသည်။

ကျွန်မတို့အားလုံး၏အတွင်းစိတ်၌ ကလေးဆန်ဆန် ပုန်ကန်အာခံလိုစိတ်က ခိုအောင်းလျက် စောင့်နေသည်။ ဆောင်ရန် ရှောင်ရန် လာပြောခြင်းကို ကျွန်မတို့ မကြိုက်ပါ။ သို့သော် ရှင်ယာကုပ်ဩဝါဒစာ၌ မှန်ရာကိုသိပြီး မလိုက်နာလိုခြင်းသည် အပြစ်ဖြစ်ကြောင်း (၄:၁၇) ကျွန်မတို့သိပါသည်။ ရောမဩဝါဒစာ ၌လည်း ရှင်ပေါလုက “ငါသည် ကျင့်ချင်သောအကျင့်ကောင်းကို မကျင့်၊ မကျင့်ချင်သောအကျင့်ဆိုးကို ကျင့်၏။ ထိုသို့ ငါသည် မကျင့်ချင်သောအကျင့်ကို ကျင့်လျှင် ငါကိုယ်တိုင်ကျင့်သည်မဟုတ်။ ငါ့အထဲ၌နေသော…

လိုအပ်ချက်ကို တွေ့မြင်ခြင်း

ကျွန်မဖခင်၏ဘဝနောက်ဆုံးနေ့ အနည်းငယ်တွင် သူနာပြုဆရာမတစ်ယောက်က သူ့အခန်းသို့ရောက်လာပြီး သူ့အား မုတ်ဆိတ်မွှေးညှင်းများ ရိပ်ပေးလို့ရမလားဟု ကျွန်မကို မေးသည်။ “ဒီအသက်အရွယ်လူကြီးတွေက သပ်သပ်ရပ်ရပ်နဲ့ နေ့တိုင်း မုတ်ဆိတ်ရိတ်တာကို နှစ်သက်ကြတယ်” ဟု ရေချယ်က သူ့၏မုတ်ဆိတ်ရိတ်ဓါးနှင့် အဖေ့မျက်နှာပေါ်၌ ညင်သာစွာ ရိတ်ပေးရင်း ရှင်းပြသည်။ ရေချယ်သည် လိုအပ်မှုကို မြင်ပြီး သူ့ပင်ကိုယ်စိတ်ရင်းနှင့် သူတစ်ပါးအပေါ် ကြင်နာမှု၊ ဂုဏ်သိက္ခာကို လေးစားမှုဖြင့် ပြုမူလုပ်ဆောင်သည်။ သူမ၏သိမ်မွေ့စွာပြုစုမှု‌ကြောင့် ကျွန်မ၏ သူငယ်ချင်းဂျူလီကို ပြေးမြင်မိသည်။ သူမ၏မိခင်ကြီး “လှနေဖို့”က အရေးကြီးသည်ဖြစ်၍ သက်ကြွယ်မိခင်အား သူမလက်သည်းနီဆိုးပေးနေဆဲ ဖြစ်သည်။

တမန်တော်ဝတ္ထု ၉ တွင် ဒေါ်ကာအမည်ရှိ (တဗိသဟုလည်း လူသိများသော) တပည့်တော်သည် ဆင်းရဲသားများအား မိမိလက်မှုအတတ်ပညာဖြင့် ချုပ်လုပ်သောအဝတ်အထည်များ ပေးကမ်းခြင်းအားဖြင့် မိမိ၏ကြင်နာမှုကို ပြသခဲ့သည် (:၃၆၊ ၃၉)။ သူမ သေဆုံးချိန်တွင် သူတစ်ပါးအား ကူညီမစတတ်သူဖြစ်၍ သူ့အတွက်…

အလွန်လှပပေသည်

ဆေးရုံ၌ မွေးကင်းစကလေးငယ်များ ထားသည့်အခန်းကို ပထမဆုံး ချောင်းကြည့်ခဲ့ဖူးစဥ်က ကျွန်မ အတော်ငယ်သေးသည်။ ဆံပင်မရှိသည့် ပိုးအိမ်ပုံစံ ခေါင်းလုံးလုံးနှင့် ကလေးသေးသေးလေးကိုကြည့်ပြီး ကျွန်မစိတ်ပျက်မိသည်။ သို့သော် ကျွန်မတို့အနီး၌ရပ်နေသည့် ကလေးမိခင်က သူချောတယ်မဟုတ်လားဟု လူတိုင်းကို တတွင်တွင် မေးနေတော့သည်။ ကျွန်မကြည့်ခဲ့ရသည့် ဗီဒီယိုတစ်ခုတွင်လည်း ဖခင်ငယ်တစ်ဦးက “မင်းက အရမ်းလှတာပဲ” ဟု သူ့သမီးငယ်လေးအား ကြင်နာစွာ သီချင်းဆိုပြနေသည်ကိုလည်း ပြန်သတိရမိသည်။ စိတ်လှုပ်ရှားမှုဖြင့် ပီတိဖြာနေသည့် ဖခင်အတွက် သူ့သမီးငယ်လေးက ဖန်ဆင်းထားသမျှတွင် အလှဆုံးပင်ဖြစ်သည်။

၎င်းသည် ဘုရားသခင် ကျွန်မတို့အပေါ် ရှုမြင်သည့်ပုံစံ ဟုတ်ပါသလား။ ဧဖက် သြဝါဒစာ ၂:၁၀ တွင် ကျွန်မတို့သည် ကိုယ်တော်၏ “ဖန်ဆင်းတော်မူရာ”၊ သူ၏မူလလက်ရာဖြစ်ကြောင်း ဆိုထားသည်။ မိမိ၏အားနည်းမှုများ၌သာ အာရုံစိုက်သောအခါ ကိုယ်တော် ကျွန်မတို့ကို မည်မျှချစ်သည်ကို လက်ခံရန်ခက်သွားနိုင်ပါ သည်။ (သို့) ကိုယ်တော်အတွက် မိမိသည် အဖိုးတန်သူ…

အချိန်လုံလောက်တယ်

ကျွန်ုပ်မိတ်ဆွေ၏စာအုပ်စင်မှ Leo Tolstoy (လီယိုတောစတွိုင်း)၏ ‘War and Peace’ (စစ်နှင့်ငြိမ်းချမ်းရေး) စာအုပ်ထူကြီးကို တွေ့သောအခါ “ငါတော့ ဒီစာအုပ်ကို ဘယ်တုံးကမှ အဆုံးထိမဖတ်နိုင်သေးဘူး”ဟု ဝန်ခံခဲ့သည်။ မာတီက သဲ့သဲ့ရယ်ရင်း “စာသင်တဲ့အလုပ်ကနေ ပင်စင်ယူတော့ ‘အခုနောက်ဆုံးတော့ မင်းဒီစာအုပ်ကို ဖတ်ဖို့အချိန်ရှိပြီ’ လို့ပြောတဲ့ မိတ်ဆွေတစ်ဦးက လက်ဆောင်ပေးတာလေ”ဟု ဆိုသည်။

ဒေသနာကျမ်း ၃ ၏ ပထမအခန်းငယ် ၈ ပိုဒ်သည် ကျွန်ုပ်တို့သိပြီးသားဖြစ်သော၊ လောကသဘာဝနှင့်စည်းချက်ညီစွာ ဖြစ်ပျက်နေသော၊ စည်းဘောင်မဲ့ ထင်ရာပြုသည့် ရွေးချယ်မှုများအပါအဝင် ဘဝ၏လှုပ်ရှားမှုများကို ဖော်ပြထားသည်။ မည်သည့်ဘဝအခြေအနေမျိုးထဲတွင် ကျွန်ုပ်တို့ရှိနေပါစေ၊ မိမိလုပ်လိုသည့် အရာခပ်သိမ်းကိုပြုရန် မကြာခဏဆိုသလို အချိန်ရှာရခက်လှပေသည်။ ထို့ပြင် အချိန်စီမံခန့်ခွဲရေးနှင့်ပတ်သက်၍ အမြော်အမြင်ရှိသော ဆုံးဖြတ်ချက်ချရန်အတွက် ကြိုတင်စီမံထားခြင်းသည် အထောက်အကူဖြစ်သည် (ဆာ ၉၀:၁၂)။

ဝိညာဥ်ရေးရာကျန်းမာရန်အတွက် ဦးစားပေးရမည့်အရာမှာ နေ့ရက်တိုင်းတွင် ဘုရားသခင်နှင့် အချိန်ယူရန်ဖြစ်သည်။ ထိရောက်သီးပွင့်ေသော…