ကိုယ်နှင့်စပ်ဆိုင်သူများကို ချစ်ခြင်း

ကျွန်ုပ်တို့မြို့၌ နွေနှောင်းပိုင်းမိုးကြိုးမုန်တိုင်း တိုက်ခတ်ပြီးနောက် အိမ်ကိုပျက်စီးစေသော သစ်ပင်သာမက သစ်ရွက်နှင့် သစ်ကိုင်းများ ပြန့်ကျဲနေသောခြံဝင်းကို အဓိကသန့်ရှင်းရေးလုပ်ရသည်။ နောက်တစ်နေ့တွင် အပျက်အစီးများနှင့် အမှိုက်သရိုက် သစ်ကိုင်းအကျိုးအပဲ့များကိုရှင်းလင်းနေရင်း “ငါတို့မှာ သစ်ပင်တစ်ပင်မှ မရှိဘူး” ဟု ကိုယ့်ဘာသာကိုယ် ဟာသလုပ်ပြီး တတွင်တွင် ပြောမိခဲ့သည်။ မှန်ပါသည်။ ကျွန်ုပ်တို့တွင် သုံးပေအမြင့် ထင်းရှူးပင်ငယ်သုံးပင်မှလွဲ၍ သစ်ပင်ကြီးများ မရှိပါ။ သို့သော် မုန်တိုင်းပြီးနောက် အိမ်နီးချင်းများ၏အပင်များမှ ကြွေကျသော သစ်ရွက်များကို အချိန်အတော်အတန်ယူ၍ ကျွန်ုပ်ရှင်းလင်းခဲ့ရသည်။

အိမ်နီးချင်းများက ကျွန်ုပ်တို့စိတ်အနှောင့်အယှက်ဖြစ်စေမည့် အရာတစ်ခုခုကို ပြုလုပ်ခြင်း၊ စိုက်ပျိုးခြင်း၊ ပြောဆိုခြင်းများကို ကျွန်ုပ်တို့မည်သို့တုံ့ပြန်မည်နည်း။ သမ္မာကျမ်းစာ၌ ဝတ် ၁၉:၁၈၊ မ ၁၉:၁၉၊ မာ ၁၂:၃၁၊ ဂလာ ၅:၁၄၊ နှင့် ယာ ၂:၈ ကျမ်းပိုဒ်များ အပါအဝင် “ကိုယ်နှင့်စပ်ဆိုင်သောသူကိုကိုယ်နှင့်အမျှချစ်လော့” ဟု ကိုးကြိမ်တိုင် ရှင်းရှင်းဖော်ပြထားသည်။ အမှန်မှာ၊…

ခရစ်တော်ကမ်းလှမ်းပေးသောရတနာ

Michael Sparks (မိုက်ကယ်စပါ့ခ်စ်)သည် အဟောင်းဆိုင်တစ်ခုမှ အမေရိကန်နိုင်ငံ၏လွတ်လပ်ရေးကြေညာစာတမ်း အမှတ်တရလက်ဆောင် ကော်ပီကို ၂.၄၈ ဒေါ်လာဖြင့် ဝယ်ယူခဲ့သည်။ နောက်ပိုင်းတွင် သူဝယ်ခဲ့သော ကော်ပီကို အသေ အချာကြည့်ရင်း စိတ်ထဲ၌ ထူးဆန်းသကဲ့သို့ ခံစားခဲ့ရသည်။ သို့နှင့် ကျွမ်းကျင်သူ များ၏အကူအညီဖြင့်စစ်ဆေးကြည့်ရာ ထိုကော်ပီမှာ ၁၈၂၀ ခုနှစ်တွင် သမ္မတ John Quincy Adams (ဂျွန်ကွင်စီအာဒမ်စ်)၏ ခွင့်ပြုချက်ဖြင့် ထုတ်ဝေခဲ့သည့် ကော်ပီ ၂၀၀ အနက် ကျန်ရှိသည့် ကော်ပီ ၃၆ ခုမှ ကော်ပီတစ်ခုဖြစ်သည်ကို သိလိုက်ရသည်။ ထို့နောက် စပါ့ခ်စ်သည် သူ၏ရှားပါးကြေညာစာတမ်းကော်ပီကို ဒေါ်လာ ၄၇၇,၆၅၀ ဖြင့် ပြန်လည် ရောင်းချခဲ့သည်။

သေးငယ်သော ငွေပမာဏနှင့်ဝယ်ယူခဲ့သောအရာသည် ကြီးမားသောရတနာအဖြစ် ပြောင်းလဲသွားသည်မှာ အံ့ဩစရာဖြစ်သည့်တစ်ချိန်တည်းတွင် ပိုကောင်းသော ထာဝရနှင့်ဆိုင်သော ရတနာရှိနေသည်။ ကျွန်တော် ငယ်စဥ်က တန်ဖိုးမဖြတ်နိုင်သော၊ တုနိုင်းမရသော၊…

အိပ်မပျော်ဘူးလား

ကျွန်တော့်သူငယ်ချင်းက သူကောင်းကောင်းအိပ်မပျော်ဟု ရင်ဖွင့်သည်။ သူအိပ်မပျော်ခြင်းသည် ခက်ခဲသော မိသားစုအခြေအနေနှင့် ဆက်စပ်နေသည်။ ဖြစ်ချင်‌တော့ သူပြောသည့်နေ့သည် လူကြီးဆန်းဒေးစကူးအတန်းတွင် ဆာလံ ၃ ကို ဆွေးနွေးရန် ကျွန်တော် ပြင်ဆင်လာသည့်နေ့ဖြစ်နေသည်။

ဆာလံ ၃ တွင် ဒါဝိဒ်မင်း၌လည်း ကျွန်ုပ်တို့အများစုကဲ့သို့ အိပ်မပျော်ခြင်းကို ဖြစ်စေမည့် မိသားစုပြဿနာတစ်ခုရှိခဲ့သည်။ သူ၏သားတော် အဗရှလုံသည် သူ့ကိုဖြုတ်ချပြီး ထီးနန်းလုယူရန် သူ၏အစီအစဉ် တစ်စိတ်တစ်ပိုင်းအဖြစ် ဒါဝိဒ်၏ဣသရေလနိုင်ငံအုပ်ချုပ်မှုကို အနှောင့်အယှက်ပေးနေသည်။

ဒါဝိဒ်သည် စိတ်ပျက်လက်ပျက်ဖြစ်ခဲ့သည်။ “ဣသရေလအမျိုးသားတို့၏ စိတ်နှလုံးသည် အဗရှလုံဘက်သို့ပါသွားပါပြီ” ဟု သတင်းကြားရပြီးနောက် သူသည် ယေရုရှလင်မြို့မှ ထွက်ပြေးခဲ့သည် (၂ ရာ ၁၅:၁၃)။ ဆာလံ ၃:၁ တွင် “အိုထာဝရဘုရား၊ အကျွန်ုပ်၏ရန်သူတို့သည် မည်မျှရှိတော်မူသနည်း” ဟု ဒါဝိဒ်က သူ၏အခြေအနေကို ဖော်ပြသည်။

သို့သော် ငြိမ်သက်ခြင်းကို ဒါဝိဒ် မည်သို့တွေ့ရှိခဲ့သည်ကို သတိပြုပါ။…

သခင်ယေရှု၌ သူတစ်ပါးကို ချစ်ခြင်း

အထက်တန်းကျောင်းအားကစားတွင် ကစားနည်းအသစ်တစ်ခုရှိပြီး၊ ၎င်းသည် မြင်ဖူးသမျှတွင် စိတ်ဓာတ် အတက်ကြွဆုံးအတွေ့အကြုံဖြစ်သည်။

ကစားနည်းတစ်ခုတွင် ပါဝင်နေကျ အော်ဟစ်အားပေးသည့်ပရိတ်သတ်များ၊ ဒိုင်လူကြီးများနှင့် အမှတ်ပေးအဖွဲ့များ ပါဝင်သည်။ သို့သော် ပဓာနကျသောလှည့်ကွက်တစ်ခုရှိသည်။ ၎င်းမှာ ကစားကွင်းရှိ အားကစားသမား ငါးဦးပါ အဖွဲ့တိုင်းတွင် သန်စွမ်းသောအားကစားသမားနှစ်ဦးနှင့် မသန်စွမ်းပုံစံမျိုးစုံနှင့် အားကစားသမားသုံးဦး ပါဝင်သည်။ မည်သည့်အသင်းမှဖြစ်နေပါစေ ကစားသမားများသည် ကစားကွင်းတွင် အချင်းချင်း ကူညီပေးခြင်း၊ အားပေးခြင်းနှင့် စိတ်ပျော်ရွှင်အောင် အားပေးခြင်း များက ကြည်နူးအားရဖွယ်ဖြစ်သည်။ ထိုကစားနည်းသည် အားကစားယှဉ်ပြိုင်သည့်အတွေ့အကြုံ၏ပျော်ရွှင်မှုကို မခံစားရသောကျောင်းသားများကို မြှင့်တင်ပေးသည့် ကစားနည်းဖြစ်သည်။

ဤနည်းဖြင့် ကျောင်းသားများအား ဂုဏ်ပြုနိုင်ရေးအတွက် ကျောင်းများတွင် စဉ်းစားချင့်ချိန်ပြီး ဉာဏ်အမြော်အမြင်ရှိသော ခေါင်းဆောင်မှု လိုအပ်ပါသည်။ သူတို့၏ကြိုးစားအားထုတ်မှုများသည် ကျွန်ုပ်တို့အတွက် သမ္မာကျမ်းစာမှ ဒါဝိဒ်မင်း၏ စံနမူနာတစ်ရပ်ကို ထင်ဟပ်စေသည်။

ဒါဝိဒ်လက်ထက်၌ “‘မျက်စိကန်းနှင့်ခြေဆွံ့သောသူ’တို့သည် နန်းတော်ထဲသို့မဝင်ရ” (၂ ရာ ၅:၈) ဟု သူ၏ရန်သူများကို…

ရိုက်ညီနောင်တို့၏ ညီမလေး

၁၉၀၀ ပြည့်လွန်နှစ်များအစောပိုင်းတွင် လေယာဉ်ပျံကို တီထွင်၊ တည်ဆောက်ကာ ပထမဆုံးအောင်မြင်စွာပျံသန်းခဲ့သော ရိုက်ညီနောင် အောဗေး(Orville)နှင့် ဝေလ်ဘယ် (Wilbur)တို့အကြောင်း လူအများစုက သိကြသည်။ ကက်သရင်းရိုက်(Katherine Wright)ဆိုသည့် အမည်ကိုတော့ လူနည်းစုသာ သိကြပါသည်။ အကိုများ၏ ပျံသန်းနိုင်သည့်စက်ကို ဖန်တီးရာတွင် ၎င်းတို့၏ အောင်မြင်မှုအတွက် ကက်သရင်းသည် အခရာဖြစ် သည်။ သူမ အစ်ကိုများသည် ၎င်းတို့၏ တီထွင်မှုအတွက် များပြားလှသော အသေးစိတ်အချက်များနှင့် လက်တွေ့ စမ်းသပ်မှုများကို အာရုံစိုက်နေချိန်တွင် ကက်သရင်းသည် ၎င်းတို့အား တိတ်တဆိတ် မေတ္တာပြလျက် ကူညီခဲ့သည်။ ၎င်းတို့၏ ဝင်ငွေအရင်းအမြစ်ဖြစ်သောစက်ဘီးဆိုင်ကို ကက်သရင်း ကြီးကြပ်ပေးခဲ့သည်။ လေယာဉ်ပျက်ကျပြီးနောက် ဒဏ်ရာရသွားသည့် အောဗေးအားပြုစုရန်အတွက် သူမ၏စာသင်သည့်အလုပ်မှ ထွက်ပြီး အောဗေး နေပြန်ကောင်းသည်အထိစောင့်ရှောက်ခဲ့သည်။ သူ့အစ်ကိုတို့၏ ကျော်ကြားမှုအတွက် မရေမတွက်နိုင်သော အသေးစိတ်အချက်အလက်များကို စီမံခန့်ခွဲခဲ့ရသည်။

အခြားသူများအား ပံ့ပိုးကူညီမှု၏တန်ဖိုးကို သမ္မာကျမ်းစာ၌လည်း တွေ့ရသည်။ ဥပမာတစ်ခုမှာ…

သမ္မာကျမ်းစာအား နားလည်ခြင်း

သမ္မာကျမ်းစာသည် မည်မျှအရေးကြီးပါသနည်း။ ကျမ်းစာသည် အရေးပါလွန်းသောကြောင့် နိုင်ငံအများအပြားမှလူများတို့သည် သူတို့၏ အသက်များကိုရင်း၍ ကျမ်းစာကို သူတို့၏မိခင်ဘာသာသို့ ပြန်ဆိုကြသည်။ သခင်ယေရှုကို ယုံကြည်ကြသည့် ဤသာမန်လူများသည် နှုတ်ကပတ်ကျမ်းစာကို အခြားသူများနားလည်နိုင်သည့် မိခင်ဘာသာစကားသို့ ပြန်ဆိုခြင်းအတွက်နှင့် မကြာခဏ ဆိုသလို ထောင်ဒဏ်ကျခံရလေ့ရှိသည်။

သခင်ယေရှုကို ယုံကြည်သူများအပေါ် ရန်လိုသည့်နိုင်ငံတစ်ခုမှ ဘာသာပြန်သူအမျိုးသမီးက “ကျွန်မ ဒီအလုပ်ကို ပြီးအောင်လုပ်ရမယ်။ ကျွန်မချစ်တဲ့သူတွေ ခရစ်တော်ကတစ်ဆင့် ကယ်တင်ခြင်းခံရတာကို ကျွန်မ တွေ့ချင်တယ်” ဟုဆိုသည်။ သမ္မာကျမ်းစာကို သာမန်ပြည်သူများ လျှို့ဝှက်စွာ ဘာသာပြန်နိုင်ရန် စီမံပေးသော အမျိုးသားတစ်ဦးကလည်း နယ်ခံအသင်းတော်များတွင် ယုံကြည်ခြင်းရင့်သန်သူများ ပွားများလာရန်အတွက် ကျမ်းစာသည် မရှိမဖြစ်အရေးပါကြောင်းကို “အသင်းတော်တစ်ခု တည်ထောင်လို့ရပါတယ်။ ဒါပေမယ့် မိခင်ဘာသာစကားနဲ့ သမ္မာကျမ်းစာ မရှိဘူးဆိုရင်၊ အသင်းတော်က မျိုးဆက်တစ်ခုပဲ ခံတတ်တယ်” ဟု ပြောပြသည်။

သူတို့ အဘယ့်ကြောင့် ဤကဲ့သို့ပြန်ဆိုနေပါသနည်း။ သမ္မာကျမ်းစာကဲ့သို့သော စာအုပ်မရှိသောကြောင့်…

ရိုးရှင်းသောအမှန်တရား

ကျွန်တော်၏ဇနီးသည်နှင့် စက်ဘီးစီးသောအခါ အကွာအဝေးမိုင် မည်မျှ နင်းခဲ့ သည်ကို ကျွန်တော်တို့ သိလိုကြသည်။ သို့နှင့် ကျွန်တော်သည် ခရီးမိုင်တိုင်းကိရိယာ (odometer) ကို ဝယ်ရန် စက်ဘီးဆိုင်သို့သွားခဲ့ပြီး၊ ကိုယ်တိုင်သုံးအသေးစားကွန်ပြူတာ(minicomputer)တစ်လုံးကို ဝယ်လာခဲ့သည်။ သို့သော် ညွှန်ကြားချက် ပေးရန် အနည်းငယ်ရှုပ်ထွေးသဖြင့် ကျွန်တော်သည် စက်ဘီးအရောင်းဆိုင်သို့ ပြန်သွားရာ၊ ပစ္စည်းရောင်းသူက အချိန်တိုအတွင်း ထိုအရာကို အလုပ်ဖြစ်အောင် လုပ်ပြခဲ့သည်။ ကျွန်တော်ထင်သလို မခက်ခဲသည်ကို သဘောပေါက်ခဲ့သည်။

ဘဝတွင် အသစ်သောအရာများနှင့် အသစ်သောစိတ်ကူးစိတ်သန်းများက ရှုပ်ထွေးသည်ဟုထင်ရသည်။ ဥပမာအားဖြင့်၊ ကယ်တင်ခြင်းအကြောင်းကို စဉ်းစား ကြည့်လိုက်ပါ။ အချို့သူများက ဘုရား၏သားသမီး ဖြစ်လာခြင်းသည် ခက်ခဲရှုပ်ထွေးသည်ဟု ထင်ကောင်းထင်နိုင်သည်။ သို့သော်လည်း သမ္မာကျမ်းစာက ရိုးရှင်းသောအသုံးအနှုန်းဖြင့် ရှင်းလင်းဖော်ပြထားသည် - “သခင်ယေရှု ခရစ်တော်ကို ယုံကြည်လော့။ ...သင်တို့သည် ကယ်တင်ခြင်းသို့ ရောက်ကြလိမ့်မည်” (တ ၁၆ :၃၁)။ လိုက်နာရမည့်…

သခင်ယေရှုနှင့် ပြန်လည်မှန်ကန်တည်စေခြင်း

“ကျွန်တော်တို့သည် မွန်ထီးဂိုးပင်လယ်အော် (Montego Bay) သို့ ပျံသန်းမည့် လေယာဉ်ပေါ်တက်ရန် အဆင်သင့် ဖြစ်နေပြီ” ဟု ကြေညာသံ ထွက်ပေါ်လာသည်။ ကျွန်တော်သည် အထက်တန်းကျောင်းအဖွဲ့၏ ခေါင်းဆောင်အနေနှင့် သာမက ဟောပြောသူအဖြစ်ပါ တာဝန်ယူ၍ ဂျမေးကား နိုင်ငံ (Jamaica) သာသနာပြုခရီးစဉ်အဖြစ် သွားမည်ဖြစ်သည်။ လေယာဉ်ပေါ် တက်ရောက်ခွင့်စာရွက်နှင့် နိုင်ငံကူးလက်မှတ်(ပတ်စပို့)ကို ကျောပိုးအိတ်ထဲ ရှာသောအခါ၊ ကျွန်တော့်ပတ်စပို့ပျောက်နေ၍ ကျွန်တော်ထိတ်လန့်သွားသည်။

ကျွန်တော်တို့အဖွဲ့သည် ကျွန်တော်မပါဘဲ လေယာဉ်ပေါ်တက်ခဲ့ပြီး၊ ကျွန်တော် ကမူ ပတ်စပို့အသစ်ရရှိရန် ကြိုးစားနေသော လေးရက်အတွင်း စိုးရိမ်သောကနှင့် ရင်ဆိုင်ခဲ့ရသည်။ ရာနှင့်ချီသော ဖုန်းခေါ်ဆိုမှုများနှင့် ဝါရှင်တန်ဒီစီ (Washington DC)သို့ သွားသည့်ခရီးက အချည်းနှီးဖြစ်ခဲ့ပြီးနောက်၊ မစ်ရှီဂန်ပြည်နယ်ရှိ ဂရန်းရက်ပစ်မြို့ (Grand Rapids, Michigan) သို့ မောင်းပြန်လာခဲ့သည်။ နှစ်ရက်ကြာပြီး ဂရန်းရက်ပစ်မြို့အနီး ဒေသလွှတ်တော်အမတ်ရုံး၏ အကူအညီဖြင့် ပတ်စပို့အသစ်တစ်ခုရခဲ့ပြီး၊ ဂျမေးကားသို့…

ခရစ်တော်အတွက် ဂုဏ်သတင်းကောင်း

ချာလီဝါ့ဒ်(Charlie Ward)သည် ကောလိပ်တက်စဉ် အားကစားနှစ်မျိုးကစားသော ကျောင်းသားဖြစ်သည်။ အမေရိကန်ဘောလုံး တိုက်စစ်မှူး လူငယ်သည် ၁၉၉၃ ခုနှစ်တွင် ကောလိပ်အဆင့် နိုင်ငံတော်အဆင့် အကောင်းဆုံးဘောလုံးသမား ဟိုက်စ်မန်း (Heisman) ဆုကိုရခဲ့ပြီး ဘတ်စကတ်ဘောအဖွဲ့တွင်လည်း နာမည်ကျော်ခဲ့သည်။

သူ၏ဘတ်စကတ်ဘောနည်းပြက ပွဲမကစားမီ ကစားသမားများအား အားပေး စကားပြောရာတွင် ရိုင်းစိုင်းစွာ ပြောခဲ့သည်။ သူက ချာလီ စိတ်မသက်မသာဖြစ်နေသည်ကို မြင်၍ “ချာလီ၊ ဘာဖြစ်တာလဲ” ဟု မေးရာ၊ ချာလီဝါ့ဒ်က “နည်းပြကြီး၊ ခင်ဗျား သိလား၊ နည်းပြဘိုဒန် [ ဘောလုံးနည်းပြ ] က ဒီလိုစကားမျိုး မသုံးဘူး။ အဲ့တာတောင် သူက ကျွန်တော်တို့ကို ပြင်းပြင်းထန်ထန် ကစားနိုင်အောင် လှုံ့ဆော် ပေးနိုင်တယ်” ဟု ပြောခဲ့သည်။

ချာလီ၏ခရစ်တော်နှင့်တူသော ကိုယ်ကျင့်စရိုက်ကြောင့် သူပြောလိုသည့်ကိစ္စကို သူ့နည်းပြအား သိမ်မွေ့စွာ ပြောပြနိုင်ခဲ့သည်။ ထိုနည်းပြက…

လူတို့အား သခင်ယေရှုအကြောင်းကို ပြောပါ

ရှင်ပေါလုသည် ဂျူးလူမျိုးတို့၏ သန့်စင်ခြင်းအခမ်းအနားအတွက် ဗိမာန်တော်သို့သွားခဲ့သည် (တ ၂၁:၂၆)။ သို့သော် ပညတ်တရားကို ဆန့်ကျင်ဘက်ပြုသည်ဟု ယူဆသည့် လှုံ့ဆော်သူအချို့က သူ့အသက်ကို သတ်ရန် ကြိုးပမ်းကြသည် (:၃၁)။ ရောမစစ်သားများသည် ပေါလုကို ချက်ခြင်းပင် ဖမ်းဆီးချည်နှောင်ကာ ဗိမာန်တော်မှ ချီ‌ပွေ့၍ ခေါ်ထုတ်သွားကြသည်။ လူအုပ်ကြီးကလည်း “သူ့ကိုသတ်ပါ” (:၃၆ - ခေတ်သုံး) ဟု အော်ဟစ်လျက် လိုက်ပါလာကြသည် ။

ဤခြိမ်းခြောက်မှုကို ရှင်ပေါလု မည်သို့တုံ့ပြန်ခဲ့သနည်း။ သူသည် တပ်မှူးအား “ဤသူတို့အား အကျွန်ုပ်ပြောရသောအခွင့်ကို ပေးပါ”ဟု တောင်းဆိုခဲ့သည် (:၃၉)။ ရောမခေါင်းဆောင်က ခွင့်ပြုလိုက်သောအခါ သွေးထွက်သံယို ဒဏ်ရာများနှင့်ဖြစ်နေသော ရှင်ပေါလုသည် ဒေါသထွက်နေသောလူအုပ်ထံ လှည့်ပြီး သခင်ယေရှု၌ရှိသော သူယုံကြည်ခြင်းကို ဝေမျှခဲ့သည် (၂၂:၁-၁၆)။

ဤအမှုသည် လွန်ခဲ့သည့် အနှစ် နှစ်ထောင်လောက်က နားလည်ရခက်သည့် ကျမ်းစာပုံပြင်ဟောင်းတစ်ခုပါ။ မကြာသေးမီက၊ ယုံကြည်သူများ…