ဒေ့ဘရဲနွန်

ဆရာကြီး ဒေ့ဘရဲနွန် (Dave Branon) ၏ စာမူများကို နှစ်များစွာ ဖတ်ရှုခဲ့ဖူးပါက ဆရာကြီး၏ မိသားစုအကြောင်းနှင့် ဖခင်တစ်ယောက်၊ အဘိုးတစ်ယောက် ဘဝအနေနှင့် ရရှိသောသင်ခန်းစာများကို သင်သိပါလိမ့်မည်။ Sports Spectrum မဂ္ဂဇင်းဌာန၌ အယ်ဒီတာချုပ်အနေဖြင့် အနှစ် (၂၀) လောက်လုပ်ခဲ့ပြီး သူသည် ယခုတွင် Our Daily Bread Publishing ၏ အယ်ဒီတာကြီးတစ်ဦးအနေနှင့် ဆက်ကပ်နေပါသည်။ အလွတ်စာရေးဆရာအနေနှင့် စာအုပ်ပေါင်း ၂၀ ကိုလည်း သူရေးသားခဲ့သည်။ ဆရာကြီးနှင့် ဇနီးသည် ဆရာမ စူး (Sue) တို့သည် စက်ဘီးစီးခြင်း၊ သားသမီးမြေးများနှင့် အချိန်ယူရခြင်းကို နှစ်သက်ပေ၏။ ကျောင်းသားကျောင်းသူများနှင့် နိုင်ငံရပ်ခြားသို့ သာသနာပြုခရီးသွားခြင်းကိုလည်း သူနှစ်သက်သည်။