ချစ်ကြောင်းပြောသောအစားအစာ
ကျွန်မသွားရောက်ခဲ့သည့် မွေးနေ့ပွဲတွင် အိမ်ရှင်မက အိမ်အပြင်အဆင်၊ လက်ဆောင်များ၊ အကောင်းဆုံးအစားအစာ၌ “သူ့အကြိုက်” ဆိုသည့်အချက်လေး ပေါ်လွင်နေအောင် ဖန်တီးစီစဥ်ထားသည်။ မွေးနေ့ရှင်ကလေးမလေးက အမဲသားကင်နှင့်အရွက်သုပ်၊ အဖြူရောင်ချောကလက်နှင့်ရတ်စ်ဘယ်ရီသီး ကိတ်မုန့်ကို ကြိုက် နှစ်သက်သဖြင့်၊ မိခင်က အမဲသားကင်နှင့်ဟင်းနုနယ်ကို ပြင်ဆင်ထားပြီး အကြိုက်ဆုံးကိတ်မုန့်ကို မှာပေးထားသည်။ သူ့အကြိုက်ဆုံးအစားအစာများက “သမီးကို ချစ်တယ်” ဟူ၍ အဓိပ္ပာယ် ပေါ်လွင်နေသည်။
သမ္မာကျမ်းစာထဲတွင် ဘုရားသခင်၏ သစ္စာတော်နှင့်ပြည့်စုံခြင်းအတွက် ဂုဏ်ပြုချီးမွမ်းခြင်းနှင့်တွဲပြီး စားသောက်ပွဲများကျင်းပကြသဖြင့် စားသောက်ပွဲကြီးများနှင့် ပွဲတော်များအကြောင်း ဖော်ပြထားသည်။ စားသောက်ပွဲကျင်းပခြင်းသည် ယဇ်ပူဇော်ခြင်းဖြင့် ဝတ်ပြုကိုးကွယ်သော ဣသရေလလူမျိုးတို့၏အလေ့အထ ဖြစ်သည်။ ပသခါပွဲတော်ကို (၇)ရက် (သို့) (၈)ရက် ကျင်းပပြီး၊ လဆန်းပွဲတော်ကို တစ်လတစ်ကြိမ် ကျင်းပသည် (တော ၂၈:၁၁-၃၁)။ ဆာလံကျမ်း ၂၃:၅ တွင် သူ၏ ကရုဏာနှင့်ချစ်ခြင်းမေတ္တာတို့ ပြည့်လျှံသည့် စားကောင်းသောက်ဖွယ် အလျှံပယ်နှင့် စားသောက်ပွဲကို ဘုရားရှင်ပြင်ဆင်ပေးကြောင်း…
အသီးကောင်းက အပင်ရောင်းရသည်
ပျိုးပင်စိုက်ခင်း ပိုင်ရှင်တစ်ဦးသည် မက်မွန်ပျိုးပင်ကိုရောင်းရန် ဖြစ်နိုင်ခြေနည်းလမ်း အမျိုးမျိုးကို စဥ်းစားသည်။ အရွက်ဝေဖြာ ပျိုးပင်ငယ်များကို ဆာလာအိတ်ထဲတွင် တန်းစီပြီး လှလှပပ ခင်းကျင်းပြသရမည်လား။ ရာသီအလိုက်ပေါက်ရောက်သော အရောင်အသွေးစုံသည့် မက်မွန်ပင်ပုံများနှင့် စာအုပ်ဖန်တီးရမည်လား။ နောက်ဆုံးတွင် မက်မွန်ပင် ရောင်းထွက်စေမည့်အရာကို သူသိသွားသည်။ အနံ့ချိုမွှေးပြီး လိမ္မော်ရင့်ရောင် အမွှေးထူအခွံနှင့် မက်မွန်သီး ဖြစ်သည်။ မက်မွန်ပင်ကို ရောင်းရန် အကောင်းဆုံးနည်းလမ်းမှာ မက်မွန်သီးမှည့်ကို ခူး၊ အချိုရည်များ လက်ပေါ်သို့ အစက်စက်ကျသည်အထိ အသီးကိုခွဲပြီး ဝယ်ယူသူအား အသီးတစ်စိတ် ကမ်းပေးကာ အရသာကိုမြည်းစေခြင်းဖြစ်သည်။ အရသာကို မြည်းစမ်းပြီးနောက် မက်မွန်ပင်ကို သူတို့ဝယ်ချင်သွားမည် ဖြစ်သည်။
ဘုရားသခင်က သူသည် “ချစ်ခြင်း၊ ဝမ်းမြောက်ခြင်း၊ ငြိမ်သက်ခြင်း၊ စိတ်ရှည်ခြင်း၊ ကျေးဇူးပြုခြင်း၊ ကောင်းမြတ်ခြင်း၊ သစ္စာစောင့်ခြင်း၊ နူးညံ့သိမ်မွေ့ခြင်း၊ ကာမဂုဏ်ချုပ်တည်းခြင်း” ဟူသော ဝိညာဥ်အသီးများ လွှမ်းခြုံထားသူအဖြစ် သူ့ကိုယ်သူ ထင်ရှားဖွင့်ပြခဲ့သည် (ဂလ…
ဆုတောင်းချိန်၌ စကားလုံးမဲ့ခြင်း
မွေးကင်းစမောင်လေး ခွဲစိတ်ခန်းဝင်ရသောအခါ ကျွန်မစိတ်ပူပန်ခဲ့ရသည်။ ‘Tongue-tied’ (ankyloglossia - တင်းကြပ်နေသာတစ်ရှူးများကြောင့် လျှာထိပ်နှင့် ပါးစပ်ကြမ်းပြင်ကြား ချုပ်နှောင်ထားသကဲ့သို့ ဖြစ်နေခြင်း) ဆိုသည့် မွေးရာပါ လျှာဖွဲ့စည်းပုံချို့ယွင်းသော ရောဂါကြောင့် အကူအညီမပါလျှင် စားသောက်ခြင်း၊ စကားပြောဆိုခြင်းများ ဖြည်းဖြည်းချင်း နှောင့်နှေးသွားနိုင်သည်။ ယခုခေတ်တွင် ‘tongue-tied’ ဆိုသည့် အသုံးအနှုန်းကို ပြောစရာစကားလုံး ရှာမတွေ့သော အခါမျိုး သို့မဟုတ် စကားပြောရန် ရှက်နေသောအချိန်မျိုးတွင် သုံးလေ့ရှိသည်။
တစ်ခါတစ်ရံ ကျွန်မတို့ဆုတောင်းသောအခါ လျှာအချုပ်ခံထားရသကဲ့သို့ ဘာပြောရမှန်းမသိ ဖြစ်တတ်သည်။ ဝိညာဉ်စာစုများ၊ အဖန်တစ်ရာထပ်နေသော စကားလုံးများနှင့် မိမိခံစားချက်များကို လေးမြှားကဲ့သို့ ကောင်းကင်ဘုံသို့ ပစ်ခွင်းပြီး ဆုတောင်းလျှင် ဘုရားသခင်နားညောင်းမည်ဟု ကျွန်မတို့ထင်မှတ်လျက် အတွေးများက ဦးတည်ရာမဲ့လမ်းကြောင်းပေါ်၌ ကွေ့ကောက် ပြေးလွှားနေသည်။
တမန်တော်ရှင်ပေါလုသည် ပထမရာစုနှစ်က ခရစ်တော်ကိုယုံကြည်သော ရောမလူမျိုးများထံ စာရေးကာ မည်သို့ဆုတောင်းရမှန်းမသိ ဖြစ်နေပါက သန့်ရှင်းသောဝိညာဉ်တော်ထံမှ မစမှုတောင်းရန် ပြောခဲ့သည်။…
တောင်းပန်စရာမလိုသည့်မျက်ရည်စက်များ
“တောင်းပန်ပါတယ်” ဟု ခယ်ရန်က မျက်လုံးမှစီးဆင်းလာသော မျက်ရည်အတွက်တောင်းပန်သည်။ သူမသည် ခင်ပွန်းသည်ဆုံးခဲ့ပြီးနောက် ဆယ်ကျော်သက်အရွယ်ကလေးများကို ပြုစုပျိုးထောင်လျက် အစွမ်းကုန် ရုန်းကန်နေရသည်။ သူမ၏မိသားစု အပန်းဖြေနိုင်အောင်၊ သူလည်း အနားရအောင် အသင်းတော်မှအမျိုးသားများက စနေ၊ တနင်္ဂနွေစခန်းချ ခရီးစဥ်လေးစီစဥ်ပေးသဖြင့် ခယ်ရန် အလွန်ဝမ်းမြောက် ကျေးဇူးတင်ပြီး မျက်ရည်ကျမိသည့်အတွက် အဖန် တလဲလဲတောင်းပန်သည်။
ကျမျက်ရည်များအတွက် ကျွန်မတို့အဘယ်ကြောင့် တောင်းပန်ကြသနည်း။ ဖါရိရှဲရှိမုန်က သခင်ယေရှုကို ညစာစားပွဲသို့ခေါ်ဖိတ်ခဲ့သည်။ စားသောက်ပွဲ၌ သခင်ယေရှု လဲလျောင်းနေစဉ် အပြစ်၌ ကျင်လည်ခဲ့သော အမျိုးသမီးတစ်ဦးသည် ဆီမွှေး နံ့သာထည့်ထားသည့် ကျောက်ဖြူခွက်ကို ယူလာကာ “ကိုယ်တော်၏နောက်တော်၌ ခြေတော်အနီးမှာရပ်လျက် ငိုကြွေး၍ ခြေတော်ပေါ်သို့ မျက်ရည်ကျလျှင် မိမိဆံပင်နှင့်သုတ်လေ၏။ ခြေတော်ကိုလည်းနမ်း၍ ဆီမွှေးနှင့်လိမ်းလျက်နေလေ၏” (လု ၇: ၃၈)။ တောင်းပန်ခြင်းမရှိဘဲ သူမ၏ဆံပင်အထုံးကိုဖြေလျက် သခင့်ခြေတော်ခြောက် သွားအောင် ဆံပင်ဖြင့် သုတ်ပေးခြင်းဖြင့် သခင့်အပေါ်ထားသည့်မေတ္တာကို ဖော်ပြ…
ဘုရားသခင်၏လက်ယာလက်
ကျွန်မ၏ခွေးအိုကြီးဝီလ်ဆင်ကို မြက်တောထဲ လွှတ်လိုက်ပြီး တစ်ဆက်တည်း ခွေးပျိုလေးခို့ချ်ကို လည်ပတ်ကြိုးဖြေပေးလိုက်သည်။ ခို့ချ်၏ လည်ပတ်ကြိုးကို ကုန်းကောက်လိုက်စဉ် သူက ယုန်တစ်ကောင်ကို တွေ့ပြီး လိုက်သဖြင့် ကျွန်မ၏ညာလက်မှ ခွေးလည်ပတ်ကြိုးလွတ်သွားပြီး လက်သူကြွယ်ကို ပတ်ရစ်ဆွဲသွားသည်။ ကျွန်မလည်း မြက်ပေါ်လဲကျသွားပြီး နာကျင်စွာ အော်ညည်းမိခဲ့သည်။
အရေးပေါ်ကုသမှုပြီးနောက် ခွဲစိတ်ကုသရန် လိုအပ်ကြောင်းသိလိုက်ရသဖြင့် “ကျွန်မက စာရေးဆရာလေ။ ဘယ်လိုစာရိုက်ရမလဲ။ ကျွန်မရဲ့နေ့စဉ်တာဝန်တွေကို ဘယ်လိုလုပ်ရမလဲ” ဟု ဘုရားရှင်၏မစမှုကို တောင်းခံခဲ့သည်။ ကိုယ်တော်က သူ့နည်းလမ်းအတိုင်း နေ့စဉ်သမ္မာကျမ်းစာဖတ်ရှုခြင်းမှ ကျွန်မကို စကားပြောခဲ့ သည်။ “သင်၏ဘုရားသခင် ထာဝရဘုရားက မစိုးရိမ်နှင့်။ ငါမစမည်ဟု သင့်အားဆိုလျက် သင်၏လက်ယာလက်ကို ကိုင်မည်” (ဟေရှာ ၄၁:၁၃)။ ထိုကျမ်းပိုဒ်၏ ရှေ့နောက်အကြောင်းအရာကို ဖတ်ကြည့်သောအခါ ဟေရှာယမှ ဘုရားသခင်၏ သတင်းစကားကို ယုဒပြည်ရှိ ကိုယ်တော်၏လူများအား ကြားပြောပေးသည့် အကြောင်းဖြစ်ပြီး ၎င်းတို့သည် ဘုရားရှင်နှင့် အထူးတလည်ဖြစ်သည့်…
ပူဆွေးမှုအတွက် အဘိဓာန်
Hugh (ဟုဂျ်) နှင့် DeeDee (ဒီးဒီး) တို့သည် သူတို့၏တစ်ဦးတည်းသောကလေး ကောင်းကင်သို့ထွက်ခွာသွားပြီးနောက် မည်သို့ပြောရမှန်းမသိသည့် ဝေဒနာနှင့်ရုန်းကန်ခဲ့ရသည်။ အင်္ဂလိပ်ဘာသာ၌ သားသမီးကိုဆုံးရှုံးလိုက်ရသည့် မိဘကိုဖော်ပြရန် တိကျသည့် စကားလုံးမရှိပါ။ ခင်ပွန်းဆုံးသွားသည့်မိန်းမဆိုလျှင် မုဆိုးမ၊ ဇနီးဆုံးသွားသည့် ယောက်ျားဆိုလျှင် မုဆိုးဖို၊ စွန့်ပစ်ခံရသည့် ကလေးဆိုလျှင် မိဘမဲ့ဖြစ်သည်။ ရင်သွေးကို ဆုံးရှုံးလိုက်ရသည့်မိဘများသည် ပြောမပြတတ်သည့်နာကျင်မှုကို ခံစားရပါသည်။
ကိုယ်ဝန်ပျက်ကျခြင်း၊ မွေးကင်းစကလေးသေဆုံးခြင်း၊ ကိုယ့်ကိုကိုယ် အဆုံးစီရင်ခြင်း၊ ဖျားနာခြင်း၊ မတော်တဆဖြစ်ခြင်း စသည်ဖြင့် သေခြင်းတရားသည် ဤကမ္ဘာမြေမှ ကလေးငယ်ကို ခိုးယူပြီး သက်ရှင်ကျန်ရစ်သည့် မိဘများကို ဖွဲ့နွဲ့ မကုန်နိုင်အောင်ခံစားရစေသည်။
ဘုရားသခင်၏ တစ်ပါးတည်းသောသားတော် သခင်ယေရှုသည် လက်ဝါးကပ်တိုင်၌ သေလုဆဲဖြစ်ချိန်တွင် "အိုအဘ၊ အကျွန်ုပ်စိတ်ဝိညာဉ်ကို ကိုယ်တော်လက်၌ အကျွန်ုပ်အပ်ပါ၏" (လု ၂၃:၄၆)ဟု ကိုယ်တော့်ကို ဟစ်ခေါ်ခဲ့သည့်အတွက် ဆိုးရွားလှသည့် ပူဆွေးမှုကြီးကို ဘုရားသခင်ကိုယ်တိုင်က နားလည်ပြီးသားဖြစ်သည်။ သခင်ယေရှုကို…
ဘုရားသခင်နားထောင်တော်မူပါ၏လော
အသင်းတော်၏အသင်းသားများအား ကူညီစောင့်ရှောက်ရေးအဖွဲ့၌ ပါဝင်ခဲ့စဉ်က ကျွန်မ၏တာဝန်တစ်ခုမှာ ဘုရားရှိခိုးလာသူ ပရိတ်သတ်များ ခဲတံနှင့်ရေးခဲ့သော ကဒ်များပေါ်မှ ဆုတောင်းချက်များကို ဆုတောင်းပေးရခြင်းဖြစ်သည်။ အဒေါ်၏ ကျန်းမာရေးအတွက်၊ ဇနီးမောင်နှံ၏ငွေရေးကြေးရေးအတွက်၊ မြေးငယ်သည်ဘုရားသခင်ကိုရှာတွေ့ရန်အတွက် စသည်ဖြင့် ဆုတောင်းပေးရသည်။ ဆုတောင်းချက်များ၏အဖြေကို ကျွန်မ ပြန်ကြားရခဲသည်။ တောင်းလျှောက်သူအများစုသည် အမည်မဖော်ပြထားသောကြောင့် သူတို့အား ဘုရားသခင် မည်ကဲ့သို့ တုံ့ပြန်သည်ကိုမသိရပါ။ "ကိုယ်တော် အမှန်ပင်နားထောင်ပါ၏လော"၊ "ကျွန်မ၏ဆုတောင်းချက်ကို အဖြေပေးပါ၏လော"ဟု တစ်ခါတစ်ရံ စူးစမ်းလိုစိတ်များမိသည်။
ဘဝတစ်လျှောက်တွင် "ဘုရားသခင် ကျွန်ုပ်တို့၏အသံကို ကြားပါသလား" ဟူသောမေးခွန်းကို များသောအားဖြင့် မေးကြသည်။ ကျွန်မကိုယ်၌ ကလေးရရှိရန် ဟန္နကဲ့သို့တောင်းလျှောက်သော်လည်း နှစ်ပေါင်းများစွာ အဖြေမရခဲ့ပါ။ ဘုရားသခင်ကို ကျွန်မ၏ဖခင် ယုံကြည်သက်ဝင်လာရန် ကျွန်မအသနားခံခဲ့သော်လည်း ရှင်းလင်းပြတ်သားသော ဝန်ခံမှုမျိုးမရှိပဲ အဖေကွယ်လွန်သွားသည်။
ဣသရေလလူမျိုးတို့ကျွန်ခံနေရစဉ် ညည်းတွားခြင်း (ထွက်၂:၂၄)၊ သိနာ တောင်ပေါ်မှ မောရှေ၏ဆုတောင်း (တရား ၉:၁၉)၊ ဂိလဂါလ၌ ယောရှု၏…
ကောင်းမွန်စွာ အနားယူပါ
မနက် ၁ နာရီ ၅၅ မိနစ် အထိ ဖုန်းမှစာအပြန်အလှန်ပို့ကာ စကားပြောနေခြင်းကြောင့် ကျွန်မ အိပ်မပျော်နိုင်ပါ။ ခြံုထားသောစောင်ကို ဖယ်လိုက်ပြီး ဆိုဖာခုံသို့ ခြေဖွဖွနင်း လျှောက်သွားလိုက်သည်။ အိပ်ပျော်ရန် ဘာလုပ်ရမည်ကို Google (ဂူဂဲလ်)တွင် ရှာကြည့်လိုက်သောအခါ ညနေစောင်းတွင် တစ်ရေးမအိပ်ရ၊ ညနေပိုင်းတွင် ကဖိန်းဓာတ်ပါသည့်အရည်များ မသောက်ရ၊ လေ့ကျင့်ခန်းမလုပ်ရ စသည်ဖြင့် မလုပ်သင့်သောအချက်များကို တွေ့ခဲ့သည်။ ဆက်လက်ဖတ်ရှုသောအခါ ညဥ့်နက်ချိန်တွင် ဖုန်း၊ တီဗွီတို့ မကြည့်ရန် အကြံပြုထားသည်ကိုတွေ့လိုက်ရသည်။ ညဥ့်နက်ချိန်တွင် ဖုန်းမှ စာတိုပေးပို့ခြင်းသည် အိပ်ပျော်ရန် အထောက်အကူ မပြုပါ။ ကောင်းမွန်စွာအနားယူနိုင်ရန် 'ရှောင်ရမည့်အချက်များ' ရှိပါသည်။
ဓမ္မဟောင်းခေတ်က ဥပုသ်နေ့၌ အနားယူနိုင်ရန်အတွက် မလုပ်ရမည့်အရာများနှင့် ပတ်သက်၍ စည်းမျဥ်း စည်းကမ်းများကို ဘုရားသခင်က လက်ဆင့်ကမ်းပေးခဲ့သည်။ ဓမ္မသစ်ခေတ်တွင်မူ သခင်ယေရှုက နည်းလမ်းအသစ်ကိုပေးခဲ့သည်။ စည်းမျဥ်းများကို အလေးပေးမည့်အစား ယေရှုသည် တပည့်တော်များအား…
ကျွန်ုပ်တို့လိုအပ်သောဉာဏ်ပညာ
အယ်လင်သည် သူမ၏စာတိုက်ပုံးကိုဖွင့်ကြည့်ရာ ပေးပို့သူ သူငယ်ချင်းလိပ်စာပါရှိသည့် စာအိတ်ထူထူတစ်အိတ်ကို တွေ့ခဲ့သည်။ ထိုနေ့မတိုင်မီ ရက်အနည်းငယ်က သူမရုန်းကန်ရသည့် ပေါင်းသင်းဆက်ဆံရေးပိုင်း ပြဿနာတစ်ခုနှင့်ပတ်သက်ပြီး ထိုသူငယ်ချင်းအား တိုင်ပင်ခဲ့ဖူးသည်။ စူးစမ်းစိတ်နှင့်စာအိတ်ကို ဖွင့်ကြည့်ရာ သာမန်ဂုန်နီကြိုးနှင့်သီထားသည့် ရောင်စုံပုတီးလုံးလည်ဆွဲကို တွေ့လိုက်ရသည်။ လည်ဆွဲပေါ်ချိတ်တွဲထားသောကဒ်ပြားတွင် "စကားဝှက်နှင့်ပြောပါ" ဟူသည့် ကုမ္ပဏီ၏ဆောင်ပုဒ်နှင့်အတူ ဝှက်ထားသော၊ ပညာသားပါသည့် ထိုလည်ဆွဲ၏ သတင်းစကားကို ဘာသာပြန်ထားသည်။ "ဘုရားသခင်၏လမ်းကို ရှာပါ"တဲ့။ အယ်လင် ပြုံးလိုက်ရင်း လည်ဆွဲကို သူ၏လည်ပင်း၌ ဆွဲထားလိုက်တော့သည်။
သုတ္တံကျမ်းသည် အသိပညာ အမြော်အမြင်နှင့်ပြည့်စုံသည့် အဆိုအမိန့်များကို စုစည်းထားသည့်ကျမ်းဖြစ်ပြီး အများစုသည် ထိုအချိန်က ပညာအရှိဆုံးဟု သတ်မှတ်ခံရသော ရှောလမုန်မင်း၏ကလောင်လက်ရာများဖြစ်သည် (၃ ရာ ၁၀:၂၃)။ သုတ္တံကျမ်း၌ အခန်းကြီး ၃၁ ခန်းပါရှိပြီး၊ "ထာဝရဘုရားကို ကြောက်ရွံ့သော သဘောသည် ပညာ၏အချုပ်အခြာဖြစ်၏" (၁:၇) ဟူသည့် အဓိကကျမ်းပိုဒ်နှင့် အစပြုကာ ဖတ်ရှုသူများအား…
ကျွန်ုပ်တို့အဘဘုရား၏ စောင့်ရှောက်မှု
အရှိန်ပြင်းပြင်းရိုက်သံကြောင့် ကျွန်မမော့ကြည့်လိုက်ပြီး အသံလာရာသို့ နားစွင့် လိုက်မိသည်။ ပြတင်းပေါက်မှန်မှ စွန်းထင်းရာများကို တွေ့လိုက်ရသောကြောင့် အပြင်ဘောင်သို့ လှမ်းကြည့်လိုက်သောအခါ ဖုတ်လှိုက်ဖုတ်လှိုက်ဖြစ်နေသည့် ငှက်တစ်ကောင်ကိုတွေ့လိုက်ရသည်။ ထိုငှက်လေးကို ကူညီချင်စိတ်ဖြစ်သွားသည်။
ရှင်မဿဲခရစ်ဝင် အခန်းကြီး ၁၀ တွင် တပည့်တော်များအား ၎င်းတို့တွေ့ကြုံ ရမည့် ညှဉ်းဆဲမှုများကို သတိပေးရင်း သူတို့ကိုနှစ်သိမ့်ပေးရန် ဘုရားသခင်သည် စာငှက်များကိုပင် စောင့်ရှောက်တော်မူကြောင်း သခင်ယေရှု မိန့်ကြားခဲ့သည်။ သခင်သည် တပည့်တော်များအား "ညစ်ညူးသောနတ်တို့ကို နှင်ထုတ်ခြင်းငှာ လည်းကောင်း၊ အနာရောဂါအမျိုးမျိုးတို့ကို ငြိမ်းစေခြင်းငှာလည်းကောင်း အခွင့် ပေးတော်မူ"ခဲ့သည်(:၁)။ ထိုအမှုများကို ပြုနိုင်သောတန်ခိုးသည် တပည့်တော်များ အတွက် အံ့မခန်းဖြစ်သော်လည်း အုပ်ချုပ်မင်းလုပ်သူများ၊ အာဏာရှင်များ၊ သူတို့ မိသားစုဝင်များမှအစ များစွာသောလူတို့သည် သူတို့ကို ဆန့်ကျင်ဘက်ပြုမည်၊ ဆိုးညစ်မှုကျော့ကွင်း၌ သူတို့ဖမ်းဆီးခြင်းခံရမည်ဖြစ်သည် (:၁၆-၂၈)။
ထို့နောက် အခန်းငယ် ၂၉ မှ ၃၁ တွင် မည်သို့ပင်ကြုံတွေ့ရင်ဆိုင်ရလည်း…