ဆက်ကပ်ဆုတောင်းခြင်း
“သားအတွက် အဖွားဆုတောင်းပေးနေတာ နှစ် (၅၀) ရှိပြီ” ဟုအမျိုးသမီးကြီးတစ်ဦးက ပြောသည်။ ကျွန်ုပ်သူငယ်ချင်း Lou (လူး)သည် သူမ၏မျက်နှာကို ကျေးဇူးတင်သည့်အကြည့်ဖြင့် လေးလေးနက်နက် ကြည့်လိုက်သည်။ လူးသည် သူ့အဖေ နေထိုင်ခဲ့ပြီး ဆယ်ကျော်သက်အရွယ်၌ ရွာမှထွက်ခွာခဲ့သည့် ဘူဂေးရီးယားနိုင်ငံသို့ သွားရောက်ခဲ့သည်။ သခင်ယေရှုကို ယုံကြည်သူ ထိုအဖွားသည် သူ့အဘိုးအဘွား ၏အိမ်နီးချင်းဖြစ်သည်။ သူမသည် အဝေးရှိ ကမ္ဘာ့တိုက်ကြီးတစ်နေရာမှ လူး၏ မွေးဖွားခြင်းအကြောင်းကို ကြားသိသိချင်းတွင် သူ့အတွက် စတင်ဆုတောင်းပေးခဲ့သည်။ ယခု ရာစုနှစ်တစ်ဝက်ကျော်ကြာပြီးနောက် သူသည် အလုပ်ကိစ္စဖြင့် ခရီးသွားရင်း ထိုရွာသို့ ရောက်လာခြင်းဖြစ်သည်။ ထိုနေရာတွင် ရှိနေစဥ်တွင် သူ၏ယုံကြည်ခြင်းအကြောင်းကို လူတစ်စုအား ဝေမျှပြောပြခဲ့သည်။ လူးသည် အသက် (၃၀) ဝန်းကျင်အထိ သခင်ယေရှုကို ယုံကြည်သူတစ်ယောက် ဖြစ်မလာခဲ့သေးပါ။ သူစကားပြောပြီးသည်နောက် ထိုအမျိုးသမီးက သူ့ထံ ချဥ်းကပ်လာကာ ပြောလိုက်သည့်စကားကြောင့် သူယုံကြည်ခြင်းသို့ ရောက်မည့်အကြောင်း…
ရက်ရက်ရောရော ပေးကမ်းခြင်းနှင့် ဝေမျှခြင်း
ကျွန်တော့်ဇနီးကာရီ နှင့် ကျွန်တော်တို့၏ အဆင့်မြင့်ပညာရေးသင်ယူမှု ပြီးဆုံးသွားသောအခါ၊ အကြွေးဒေါ်လာထောင်ပေါင်းများစွာ တင်ခဲ့ပြီး၊ ၎င်းကိုသက်သာသော အတိုးနှုန်းဖြင့် ချေးငွေရယူကာ အကြွေးဆပ်ရန် လိုအပ်သည်။ ဒေသခံဘဏ်တွင် ချေးငွေ လျှောက်ထားသော်လည်း ကျွန်တော်တို့သည် ထိုမြို့၌ ကြာမြင့်စွာမနေထိုင် သောကြောင့် (သို့) အလုပ်မလုပ်သောကြောင့် ငြင်းပယ်ခံခဲ့ရသည်။ ရက်အနည်းငယ် အကြာတွင်၊ ဖြစ်ပျက်ခဲ့သမျှကို ကျွန်တော်တို့၏အသင်းတော်လူကြီးဖြစ်သည့် ကျွန်တော်၏မိတ်ဆွေ မင်း(Ming)ကို ပြောပြခဲ့သည်။ “ကျွန်တော့်ဇနီးကို ဒီအကြောင်း ပြောပြချင်တယ်”ဟု သူပြောခဲ့သည်။
နာရီအနည်းငယ်ကြာပြီးနောက် ဖုန်းမြည်လာပြီး၊ မင်းက “မင်းလိုအပ်နေတဲ့ငွေကို အန်းနဲ့ကျွန်တော် အတိုးမဲ့ ချေးပေးချင်ပါတယ်” ဟု ကမ်းလှမ်းခဲ့သည်။ ကျွန်တော် ဘာပြောရမှန်း မသိဖြစ်ကာ “ဒီလိုချေးပေးဖို့ ကျွန်တော်က ခင်ဗျားကို တောင်းဆိုလို့ မရဘူးလေ” ဟု ပြန်ပြောလိုက်သည်။ “မင်းတောင်းဆိုတာ မဟုတ်ဘူးလေ” ဟု မင်းက ပျော်ရွှင်စွာ ပြန်ဖြေခဲ့သည်။ ကျွန်တော်တို့ကို သူတို့ေငွေချေးပေးခဲ့ပြီး၊ ကာရီနှင့် ကျွန်တော်လည်း…
သခင်ယေရှု၏ တန်ခိုးအာဏာ
ကျွန်တော့်သား Geoff (ဂျက်ဖ်)အား ကာလကြာရှည် ဆေးစွဲမှုမှ သခင်ယေရှုက လွတ်မြောက်စေပြီးသော်လည်း ကျွန်တော် စိတ်ပူနေသေးသည်။ ကျွန်တော်တို့အတူတူ စိန်ခေါ်မှုများစွာကျော်ဖြတ်ခဲ့ပြီး၊ ဘုရားသခင်က သူ့အား ပြင်ဆင်ပေးထားသည့် အနာဂတ်ကို အာရုံစိုက်ရမည့်အစား သူ၏ခက်ခဲသောအတိတ်ကိုသာ တစ်ခါတစ်ရံတွင် ကျွန်တော်အာရုံစိုက်နေမိသည်။ ဆေးစွဲဖူးသူများ၏မိဘများက သူတို့ဆေးပြန်သုံးမည်ကို စိတ်ပူလေ့ရှိသည်။ တစ်ရက်တွင် မိသားစုတွေ့ဆုံပွဲ၌ ကျွန်တော် ဂျက်ဖ်ကို သီးသန့်ခေါ်၍ သူ့အား “အဖေတို့မှာ ရန်သူရှိတယ်။ ပြီးတော့ အဲ့ဒီရန်သူက အင်အားကြီးတယ်” ဟု ပြောလိုက်သည်။ သူက “ကျွန်တော် သိပါတယ်၊ အဖေ။ သူ့မှာ အင်အားရှိတယ်၊ ဒါပေမယ့် သူ့မှာ တန်ခိုးအာဏာ မရှိပါဘူး” ဟု ပြန်ပြောသည်။
ကျွန်ုပ်တို့သည် သခင်ယေရှုအား အားကိုးမျှော်လင့်သည့်အခါ ကျွန်ုပ်တို့ကို အပြစ်များမှ ကယ်တင်၍ ကျွန်ုပ်တို့၏ဘဝများကို ပြောင်းလဲပေးနိုင်သည့် တုနှိုင်း၍ မရသော သခင်ယေရှု၏အခွင့်အာဏာအကြောင်းကို ထိုအခိုက်အတန့်တွင် ကျွန်တော် အမှတ်ရခဲ့သည်။ “စီရင်ပိုင်သော…
ချီးမွမ်းရာချိုင့်ဝှမ်း
ကဗျာဆရာ William Cowper (ဝီလျံ ကောပါ) သည် သူ၏ဘဝတစ်လျှောက်လုံး စိတ်ကျရောဂါဖြင့် ရုန်းကန်ခဲ့ရသည်။ မိမိကိုယ်ကိုအဆုံးစီရင်ရန် ကြိုးပမ်းခဲ့ပြီးနောက် စိတ္တဇဆေးရုံသို့ ပို့ဆောင်ခြင်း ခံခဲ့ရသည်။ သို့သော် ကောပါသည် ခရစ်ယာန်သမားတော်တစ်ဦး၏ စောင့်ရှောက်မှုဖြင့် ထိုနေရာတွင် နွေးထွေးပြီး အလွန်အရေးကြီးသော သခင်ယေရှု၌ယုံကြည်ခြင်းသို့ ရောက်ရှိခဲ့သည်။ များမကြာမီတွင်၊ ကောပါသည် သင်းအုပ်ဆရာနှင့် ဓမ္မတေးရေးသူတစ်ဦးဖြစ်သည့် John Newton (ဂျွန် နယူတန်)နှင့် ရင်းနှီးကျွမ်းဝင်ခဲ့ပြီး ဆရာက သူတို့၏အသင်းတော်အတွက် ဓမ္မသီချင်း တစ်ပုဒ်ကို ပူးပေါင်းရေးစပ်ပေးရန် ကောပါကို အားပေးခဲ့သည်။ ကောပါ ရေးသားခဲ့သော ဓမ္မသီချင်းများအနက် ‘God Moves in a Mysterious Way’ (ဘုရားသခင်သည် လျှို့ဝှက်ဆန်းကြယ်သော နည်းလမ်းဖြင့် လှုပ်ရှားတော်မူသည်) သီချင်းသည် ပြင်းထန်သောစစ်ကြောမှု အတွေ့အကြုံမှ ထွက်ပေါ်ခဲ့သည့် အောက်ပါ စာသားများပါဝင်ပါသည် - “ကြောက်ရွံ့နေသော သူတော်စင်တို့၊ ရဲစွမ်းသတ္တိကို…
ပိုင်ရှင်လား၊ သို့မဟုတ် ဘဏ္ဍာစိုးလား
“ကျွန်တော်က ပိုင်ရှင်လား၊ သို့မဟုတ် ဘဏ္ဍာစိုးလား။” ဒေါ်လာဘီလီယံပေါင်းများစွာတန်သော ကုမ္ပဏီတစ်ခု၏ CEO အကြီးဆုံးအရာရှိက သူ့မိသားစုအတွက် အကောင်းဆုံးဖြစ်နိုင်မည့်အရာကို ချိန်ဆရင်း သူ့ကိုယ်သူ ထိုမေးခွန်းမေးခဲ့သည်။ များပြားလှသောကြွယ်ဝချမ်းသာမှုများနှင့်အတူ ဖြစ်လာနိုင်သည့် စုံစမ်းနှောင့်ယှက်မှုများအတွက် စိုးရိမ်ကာ သူ၏အမွေဆက်ခံသူများကို ထိုစိန်ခေါ်မှုမျိုးနှင့် ဝန်ထုပ်ဝန်ပိုး မဖြစ်စေလိုခဲ့ပါ။ ထို့ကြောင့် သူသည် ကုမ္ပဏီပိုင်ရှင်အဖြစ်မှ စွန့်လွှတ်ကာ မဲပေးပိုင်ခွင့်ရှိသည့် အစုရှယ်ယာ ၁၀၀ ရာခိုင်နှုန်းကို ယုံမှတ်အပ်နှံငွေအဖွဲ့တစ်ခုတွင် ထားရှိခဲ့သည်။ သူ၌ရှိသမျှသည် ဘုရားသခင်ပိုင်ဆိုင်ကြောင်း အသိအမှတ်ပြုခြင်းက သူ့မိသားစုကို အလုပ်လုပ်ပြီး ဝင်ငွေရှာစေရန်နှင့် အနာဂတ် အကျိုးအမြတ်များကို ခရစ်ယာန်သာသနာအတွက် ငွေကြေးထောက်ပံ့ရန်ဆုံးဖြတ်ချက်ကို ချနိုင်စေခဲ့သည်။
ဆာလံကျမ်း ၅၀:၁၀ တွင် ဘုရားသခင်က သူ၏လူများအား “တောတိရစ္ဆာန်ရှိသမျှတို့နှင့် တစ်ထောင်သောတောင်ပေါ်မှာရှိသော တိရစ္ဆာန်တို့သည်ငါ၏ဥစ္စာဖြစ်ကြ၏”ဟု မိန့်တော်မူ၏။ ဘုရားသခင်သည် အရာခပ်သိမ်း၏ဖန်ဆင်းရှင် ဖြစ်၍ ကျွန်ုပ်တို့အပေါ် မည်သည့်အကြွေးမျှ မတင်သည့်အပြင် ကျွန်ုပ်တို့ထံမှမည်သည့်အရာမျှ မလိုအပ်ပါ။ ဘုရားသခင်က…
ယေရှုကိုယ်စားအသက်ရှင်ခြင်း
တော်ဝင်မျိုးနွယ်တစ်ဦး၏ဖိနပ်ကို စီးခွင့်ရမည်ဆိုလျှင် မည်သို့နေမည်နည်း။ Angela Kelly (အင်ဂျီလာကယ်လီ)သည် သင်္ဘောကုန်တင်ကုန်ချလုပ်သားနှင့် သူနာပြုတစ်ဦး၏သမီးဖြစ်သည်။ သူမသည် ကွယ်လွန်သူ အဲလိဇဘက် ဘုရင်မကြီး၏ အဝတ်အစားများဝတ်ဆင်ရာတွင် ကူညီပေးရသည့် တရားဝင် ဝန်ထမ်းဖြစ်သည်။ သူမသည် နှစ်ပေါင်း (၂၀) ခန့်မျှ တာဝန်ထမ်းဆောင်ခဲ့သည်။ သူမ၏တာဝန်များအနက် တစ်ခုမှာ သက်ကြွယ်ဘုရင်မကြီး၏ ဖိနပ်အသစ်များကို ဝတ်ဆင်၍ နန်းတော်ဝင်းတစ်လျှောက် လမ်းလျှောက်ကာ ဘုရင်မကြီးဖိနပ်မပေါက်အောင် ကြိုတင်ဝတ်ဆင်ခြင်းဖြင့် ကူညီပေးရခြင်းဖြစ်သည်။ ထိုသို့လုပ်ဆောင်ပေးရခြင်းသည် အခမ်းအနားများတွင် အချိန်ကြာမြင့်စွာ မတ်တပ်ရပ်လျက် တက်ရောက်ရသော သက်ကြွယ်အမျိုးသမီးတစ်ဦးအတွက် ကရုဏာပြခြင်းပင် ဖြစ်သည်။ သူတို့၏ဖိနပ်အရွယ်အစား အတူတူဖြစ်သောကြောင့် ဘုရင်မကြီးသက်သောင့် သက်သာဖြစ်စေရန် ကယ်လီက ကူညီပေးနိုင်ခဲ့သည်။
ကယ်လီ၏ဘုရင်မကြီးအပေါ် တို့ထိမေတ္တာပြခြင်းက ကောလောသဲအသင်းတော် (ယနေ့တူရကီနိုင်ငံ)သို့ “သနားစုံမက်ခြင်း၊ ကျေးဇူးပြုခြင်း၊ ... စိတ်ရှည်ခြင်း တို့ကို ယူတင်ဝတ်ဆောင်ကြလော့” (ကော ၃:၁၂)ဟု ရှင်ပေါလု နွေးထွေးစွာ ခွန်အားပေးမှုအကြောင်းကို ကျွန်တော့်အား ပြန်တွေးမိစေသည်။…
ရေတွက်၍ မရနိုင်သော ချစ်ခြင်း
Elizabeth Barrett Browning (အဲလိဇဘတ် ဘာရက်ဘရောင်းနင်း)၏ ‘Sonnets from the Portuguese’ (၁၄ ကြောင်းစပ် ပေါ်တူဂီလင်္ကာများ) စာအုပ်ထဲမှ “ငါ မင်းကို ဘယ်လိုချစ်တာလဲ။ မင်းကို ချစ်တဲ့နည်းလမ်းတွေကို ရေတွက်ကြည့်ရအောင်” ဟူသည့်စကားလုံးများသည် အကျော်ကြားဆုံးသော အင်္ဂလိပ်ဘာသာကဗျာထဲမှ တစ်ခု ဖြစ်သည်။ ထိုကဗျာများသည် သူတို့လက်မထပ်မီက သူ့ချစ်သူ Robert Browning (ရောဘတ် ဘရောင်းနင်း) ထံသို့ သူရေးခဲ့ခြင်းဖြစ်ပြီး၊ သူ့ချစ်သူက ကြိုက်နှစ်သက်လွန်းသဖြင့် ကဗျာပေါင်းချုပ်ကို ထုတ်ဝေရန် သူမကို တိုက်တွန်းခဲ့သည်။ ထိုလင်္ကာများ၏ စကားအသုံးအနှုန်းများသည် အလွန်နူးညံ့သောကြောင့်၊ အဲလိဇဘက် က သူမ၏အတွင်းရေးကို လျို့ဝှက်ထားလိုသဖြင့် ပေါ်တူဂီစာရေးဆရာတစ်ယောက်ထံမှ ဘာသာပြန်ခဲ့သကဲ့သို့ ထုတ်ဝေခဲ့သည်။
အခြားသူကို ချစ်ကြောင်း ပွင့်ပွင့်လင်းလင်း ထုတ်ဖော်ပြောရာတွင် တစ်ခါတစ်ရံ အဆင်မပြေတတ်ပါ။ ၎င်းနှင့်ဆန့်ကျင်ဘက်မှာ သမ္မာကျမ်းစာသည် ဘုရားသခင်၏ ချစ်ခြင်းမေတ္တာအကြောင်း ဖော်ပြသည့်အခါ…
သခင်ယေရှု၌ အသစ်သောကိုယ်ပိုင်လက္ခဏာ
“ကျွန်တော်အရင်ကလူ မဟုတ်တော့ဘူး။ အခုလူသစ်ဖြစ်သွားပြီး။” ထိုရိုးရှင်းသော စကားမှာ ကျောင်းစုံညီစည်းဝေး၌ ကျောင်းသားများအား ပြောနေသော ကျွန်တော့် သား၏စကားများဖြစ်ပြီး၊ သူ၏အသက်တာတွင် ဘုရားသခင်ပြုပေးသည့် ပြောင်းလဲမှုကို ဖော်ပြလိုက်ခြင်းဖြစ်သည်။ တစ်ချိန်က ဘိန်းဖြူစွဲခဲ့သူ ဂျော်ဖရီသည် ယခင်က သူ့ကိုယ်သူ အပြစ်နှင့်အမှားများ ပြုလုပ်သူတစ်ဦးအဖြစ် မြင်သည်။ သို့သော် ယခုအခါ ဘုရားသခင်၏သားအဖြစ် သူ့ကိုယ်သူမြင်လာပြီဖြစ်သည်။
သမ္မာကျမ်းစာ၌ “လူမည်သည်ကား ခရစ်တော်၌ရှိလျှင် အသစ်ပြုပြင်သောသတ္တဝါဖြစ်၏။ ဟောင်းသောအရာတို့သည် ပြောင်းလဲ၍ ခပ်သိမ်းသောအရာတို့သည် အသစ်ဖြစ်ကြပြီ” (၂ ကော ၅:၁၇)ဟု ကတိတော်အားဖြင့် ကျွန်ုပ်တို့အား တိုက်တွန်းနှိုးဆော်ထားသည်။ ကျွန်ုပ်တို့သည် မည်သူပင်ဖြစ်စေ၊ အတိတ်က မည်သို့ပင်ပြုမူ အသက်ရှင်သည်ဖြစ်စေ၊ သခင်ယေရှုအား ကယ်တင်ရှင် အဖြစ်ယုံကြည်ပြီး ကားတိုင်အားဖြင့် ကမ်းလှမ်းပေးခဲ့သည့် ခွင့်လွှတ်ခြင်းကို လက်ခံမည်ဆိုလျှင် ကျွန်ုပ်တို့သည် လူသစ်ဖြစ်လာပါပြီ။ ဧဒင်ဥယျာဉ်မှ စခဲ့သော အပြစ်ကြောင့် ဘုရားသခင်နှင့်ကျွန်ုပ်တို့ ဝေးကွာခဲ့ရသော်လည်း “ခရစ်တော်အားဖြင့်…
ခရစ္စမတ်ကြယ်
“အဲဒီကြယ်ကိုတွေ့ရင် အိမ်အပြန်လမ်းကို အမြဲရှာတွေ့နိုင်တယ်”။ ထိုစကားများမှာ ကျွန်ုပ်ငယ်စဥ်က ဓူဝံကြယ်၏တည်နေရာအား မည်သို့ရှာဖွေရမည်ကို ကျွန်ုပ်အား သင်ကြားပေးရင်း အဖေပြောခဲ့သည့် စကားများဖြစ်သည်။ အဖေသည် စစ်မက်ကာလတွင် စစ်တပ်၌ တာဝန်ထမ်းဆောင်ခဲ့ပြီး၊ ညဘက်ကောင်းကင်ကိုကြည့်ကာ လမ်းကြောင်းရှာဖွေနိုင်သည့်အပေါ် မူတည်ပြီး အသက်ရှင်ရပ်တည်ခဲ့ရသည့် အချိန်ကာလများ ရှိခဲ့သည်။ ထိုကြောင့် ကြယ်တာရာများ၏ နာမည်များနှင့် တည်နေရာများကို ကျွန်ုပ်မှတ်မိနေစေရန် အဖေသင်ပေးခဲ့သည်။ သို့သော် ဓူဝံကြယ်ကို ရှာဖွေနိုင်ခြင်းမှာ အရေးအကြီးဆုံးဖြစ်သည်။ ထိုကြယ်၏တည်နေရာကို သိရှိခြင်းက ကျွန်ုပ် မည်သည့်နေရာ၌ ရောက်ရှိနေစေကာမူ လမ်းကြောင်းရှာဖွေနိုင်ပြီး၊ ကျွန်ုပ်ရှိနေရန်လိုအပ်သည့် နေရာကို ရှာဖွေတွေ့ရှိနိုင်စေသည်။
အလွန်အရေးပါသည့် အခြားကြယ်တစ်လုံးအကြောင်းကို သမ္မာကျမ်းစာက ဖော်ပြထားသည်။ သူ၏လူမျိုးတို့အတွက် ဘုရားသခင်ခန့်အပ်သည့် ဘုရင်ဖြစ်လာမည့်သူ၏ မွေးဖွားခြင်းဆိုင်ရာ ကောင်းကင် နိမိတ်လက္ခဏာများကို (ယနေ့ခေတ် အီရန်နှင့် အီရတ်နိုင်ငံတို့၏နယ်မြေများတွင် ပါဝင်သည့် ဒေသမှလာသော) “အရှေ့ပြည်မှ မာဂုပညာရှိများ”က လေ့လာစောင့်ကြည့်ခဲ့ကြသည်။ သူတို့သည် ယေရုရှလင်မြို့သို့…
မလိုအမုန်းတရားဘက်လိုက်မှုနှင့် ဘုရား၏ချစ်ခြင်း
“မင်းက ငါမျှော်လင့်ထားသလိုမဟုတ်ဘူးဘဲ။ ငါ မင်းကို မုန်းမယ်လို့ ထင်ခဲ့ပေမဲ့ မမုန်းဘူး” လူငယ်လေး၏စကားများသည် ကြမ်းတမ်းပုံပေါက်သော်လည်း အမှန်တကယ်တော့ ကြင်နာမှုပြရန် အားထုတ်မှုတစ်ခု ဖြစ်သည်။ လွန်ခဲ့သောဆယ်စုနှစ်ကာလများက ကျွန်တော့်နိုင်ငံနှင့် စစ်ဖြစ်ခဲ့သော နိုင်ငံရပ်ခြားတွင် ကျွန်တော် ကျောင်းတက်ခဲ့သည်။ အတန်းထဲတွင် အဖွဲ့လိုက်ဆွေးနွေးမှုတစ်ခုတွင် ပါဝင်နေချိန်တွင် သူခပ်ခွာခွာနေသည်ကို ကျွန်တော် သတိပြုမိသည်။ သူ့ကို တစ်နည်းနည်းဖြင့် စိတ်ခုအောင်လုပ်မိလားဟု မေးသောအခါ သူက “လုံးဝ မဟုတ်ရပါဘူး။ ... ငါ့အဖိုးက အဲဒီစစ်ပွဲမှာ ကျဆုံးခဲ့လို့ မင်းရဲ့လူမျိုးနဲ့ မင်းတိုင်းပြည်ကို ငါမုန်းတယ်။ ဒါပေမယ့် အခုငါတို့မှာ တူညီတာတွေ ဘယ်လောက်ရှိလဲဆိုတာ သိလိုက်ပြီး အဲဒါက အံ့သြစရာပဲ။ ငါတို့က သူငယ်ချင်း မဖြစ်နိုင်စရာအကြောင်းမရှိဘူး” ဟုသူဖြေသည်။
မလိုမုန်းထားဘက်လိုက်မှုသည် လူသားမျိုးနွယ်ကဲ့သို့ ဟောင်းနွမ်းသောအတွေးဖြစ်သည်။ လွန်ခဲ့သောနှစ်ထောင်ပေါင်းများစွာက နာသနေလသည် နာဇရက်မြို့၌ သခင်ယေရှုနေထိုင်ကြောင်း ပထမဆုံးကြားသိသောအခါ သူ၏ ဘက်လိုက်မှုကို…