ဆိတ်ငြိမ်သော စကားလက်ဆုံ
သင် တစ်ယောက်တည်း စကားပြောဖူးပါသလား။ တစ်ခါတစ်ရံ ပရောဂျက်များလုပ်ဆောင် ရသောအခါ ကျွန်တော်သည် ကားထဲထိုင်စဉ်းစားရင်း အကောင်းဆုံးဖြစ်အောင် မည်သို့ပြင်မည်၊ မည်သို့ပြောင်းမည်စသည်ဖြင့် တစ်ယောက်တည်းအသံထွက်ပြီး စကားပြောသည်။ ၎င်းက အထောက်အကူဖြစ်ပါသည်။ ယခုလို စကားပြောနေခြင်းကို တစ်ယောက်ယောက်က တွေ့သွားလျှင် ရှက်စရာဖြစ် သော်လည်း ကိုယ့်ဘာသာကိုယ် စကားပြောခြင်းသည် လူအများစုက နေ့စဉ်လုပ်နေသောအရာတစ်ခုဖြစ်သည်။
ဆာလံသီချင်း၌ ဆာလံဆရာများသည် မိမိဘာသာ တစ်ယောက်တည်း စကားပြောလေ့ရှိကြသည်။ ဆာလံ ၁၁၆ ကို ရေးခဲ့သူအား ကျွန်တော်တို့ ထိမ်ချန်ထား၍ မရပေ။ (း၇) တွင် သူက ‘‘အို ငါ့ဝိညာဉ်၊ သင်၏ငြိမ်ဝပ်ရာသို့ ပြန်လော့။ ထာဝရဘုရားသည် သင်၌ ကျေးဇူးပြုတော်မူပြီ’’ ဟု ရေးစပ်ထားသည်။ အတိတ်က ဘုရားသခင် ပြုခဲ့သော ကျေးဇူးကရုဏာနှင့် သစ္စာတော်ကို သူ့ကိုယ်ကို သတိပေးခြင်းက လက်ရှိပစ္စုပ္ပန်ဘ၀တွင် သက်သာရာနှင့် အထောက်အပံ့ ရရှိစေပါသည်။…
အိမ်ကို တမ်းတလျက်
အခန်းထဲဝင်လာသည့် ဇနီးသည်က ရှေးဟောင်းနာရီကြီး၏ ကိုယ်ထည်အကန့်အတွင်း ခေါင်းနှစ်ထားသည့် ကျွန်တော့်ကို တွေ့ပြီး ‘‘ဘာလုပ်နေတာလဲ’’ဟု မေးသည်။ ‘‘ဒီနာရီရဲ့ အနံ့က မိဘအိမ်ရဲ့ အငွေ့အသက် အနံ့နဲ့တူတယ်’’ ဟု ကျွန်တော် ရှက်ကိုးရှက်ကန်း ပြန်ဖြေရင်း ‘‘မိဘအိမ်ကို ခဏလေးပြန်သွားတာလို့ ပြောရမှာပေါ့’’ ဟုပြောကာ တံခါး ပြန်ပိတ်လိုက်သည်။
အမွှေးရနံ့များက အမှတ်တရများစွာကို နိုးဆွပေး သည်။ လွန်ခဲ့သော အနှစ် ၂၀ ခန့်က ထိုနာရီကြီးကို ရွာရှိ ကျွန်တော့်မိဘများအိမ်မှ ပြောင်းရွေ့သယ်ယူခဲ့သည်။ သို့သော် ထိုသစ်သားရနံ့က ကျွန်တော့်၏ကလေးဘ၀ကို ပြန်ပြောင်းသတိရရန် ကျွန်တော့်ကို ခေါ်ဆောင်သွားမြဲပင်။
ဟေဗြဲသြ၀ါဒစာ ရေးသူက တစ်မူထူးခြားစွာ အိမ်ကို
လွမ်းဆွတ်တမ်းတသူများအကြောင်းကို ဖော်ပြသည်။ ၎င်းတို့ သည် နောက်ကြောင်းပြန်လှည့်ခြင်းထက် ယုံကြည်ခြင်းဖြင့် ကောင်းကင်အိမ်ကို မျှော်ကြည့်ကြသည်။ ၎င်းတို့မျှော်လင့်သောအရာက မျှော်တိုင်းဝေး နေသေးသည့်တိုင် ဘုရားသခင်သည် သူနှင့်အတူရှိရန် ၎င်းတို့ကို…
မကုန်ခမ်းသော မေတ္တာ
မကြာမီက လေယာဉ်ဖြင့် ခရီးသွားခဲ့ရာ လေယာဉ်အဆင်းတွင် အနည်းငယ်ကြမ်းသွား သဖြင့် ကျွန်တော်တို့ ဘယ်ညာယိမ်းသွားသည်။ ခရီးသည်အချို့မှာ သိသိသာသာ ကြောက်သွားဟန်ပေါ်နေသည်။ သို့သော် ကျွန်တော့်နောက်မှ ကလေးမလေးနှစ်ဦး၏
‘‘ရေး...နောက်တစ်ခါထပ်ယိမ်းလိုက်ရအောင်’’ ဟူသည့် အသံကြောင့် စိုးရိမ်သောကများ
ပြယ်သွားတော့သည်။
အတွေ့အကြုံသစ်ကို ကလေးငယ်များ နှစ်သက်ပြီး
ဘ၀ကို နှိမ့်ချစိတ်၊ အံ့ဩစိတ်ဖြင့် ၎င်းတို့ ရှုမြင်ကြသည်။ ‘‘ဘုရားသခင်၏နိုင်ငံကို သူငယ်ကဲ့သို့ ခံယူရန်’’ (မာ ၁၀း၁၅) သခင်ယေရှုမိန့်ကြားစဉ်က အထက်ပါ သဘောတရားက သခင့်စိတ်ထဲရှိနှင့်ထားပုံပေါ်ပါသည်။
ဘ၀အသက်တာဟူသည် စိန်ခေါ်မှု၊ ခေါင်းခဲစရာ များနှင့် အပြည့်ဖြစ်သည်။ ‘‘ငိုကြွေးမြည်တမ်းသော ပရောဖက်’’ ဟု အခေါ်ခံရသည့် ပရောဖက်ယေရမိက ထိုအချက်ကို အသိဆုံးဖြစ်ပြီး သူကဲ့သို့သိသူ မရှိသလောက် ပါ။ သို့သော် ယေရမိ ခံစားရသည့် ဆင်းရဲဒုက္ခသောကများကြားတွင် ဘုရားသခင်က သူ့ကို အံ့ဖွယ်သမ္မာတရားနှင့် နှစ်သိမ့်ခဲ့သည်။ ‘‘ထာဝရဘုရားသည်…
သင်ဆုတောင်းသောကြောင့်
စိုးရိမ်ပူပန်စရာများနှင့် ကြုံတွေ့သောအခါ သင်ဘာလုပ်သနည်း။ သင့်အတွေးထဲသို့ ၀င်ခွင့်ပြုပါသလား (သို့) ဘုရားသခင်ထံအပ်နှံပါသလား။
ရက်စက်ကြမ်းကြုတ်သော အာရှုရိရှင်ဘုရင်သနာခရိပ်သည် ယေရုရှလင်မြို့ကို
တိုက်ခိုက်သိမ်းပိုက်ရန် ပြင်ဆင်နေပြီး ယုဒနိုင်ငံသည်လည်း သူတိုက်ခိုက်သိမ်းပိုက် ခဲ့သော အခြားနိုင်ငံများနည်းတူ သိမ်းပိုက်ခြင်း ခံရလိမ့်မည်ဟု ဟေဇကိမင်းထံ အကြောင်းကြားစာ ပေးပို့သည်။
ဟေဇကိမင်းက ထိုစာကို ယေရုရှလင်မြို့ရှိ ဗိမာန်တော်သို့ ယူသွားခဲ့ပြီး ‘‘ထာဝရဘုရားရှေ့တော်၌ ဖြန့်ထားခဲ့သည်’’ (ဟေရှာ ၃၇း၁၄)။ ထို့နောက် ဆုတောင်းကာ တန်ခိုးကြီး သော ဘုရားသခင်ထံမှ အကူအညီတောင်းခံခဲ့သည်။
မကြာမီ ဘုရားသခင်ထံမှ သတင်းစကားကို ပရောဖက် ဟေရှာယက ဟေဇကိမင်းထံ ပေးပို့ခဲ့သည်။ “ဣသရေလအမျိုး၏ ဘုရားသခင်ထာဝရဘုရား မိန့်တော်မူ သည်ကား၊ သင်သည် အာရှုရိဘုရင် သနာခရိပ်အကြောင်း ကြောင့်၊ ငါ့ရှေ့မှာ ပဌနာပြုသည်ဖြစ်၍’’(ဟေ ၃၇း၂၁-၂၂) ဟေဇကိမင်း၏ဆုတောင်းသံသည် ထိုညမှာပင် အဖြေရရှိခဲ့ ကြောင်း သမ္မာကျမ်းစာက ဖော်ပြထားသည်။…
အကောင်းဆုံးများ လာဦးမည်
သင့်အသက်တာ၏အကောင်းဆုံးအချိန်များသည် အတိတ်မှာလား၊ သို့မဟုတ် လာမည့်
အနာဂတ်မှာလား။ ကျွန်ုပ်တို့၏အဖြေနှင့် အသက်တာအပေါ် ကျွန်ုပ်တို့၏အမြင်က အချိန်နှင့်အမျှ ပြောင်းလဲနိုင်သည်။ ကျွန်ုပ်တို့ငယ်ရွယ်စဉ်က မြန်မြန်အရွယ် ရောက်ချင် သည်။ အသက်ကြီးလာပြန်တော့၊ အတိတ်ကို ပြန်တမ်းတပြီး ပြန်ငယ်ချင်ကြသည်။ သို့သော် ဘုရားသခင်နှင့်အတူ လျှောက်လှမ်းသည့်အခါ မည်သည့်အရွယ်၌မဆို အကောင်းဆုံးအရာများက ရောက်လာပါဦးမည်။
မောရှေ၏အသက်တာတစ်လျှောက် ဘုရားသခင်၏ အံ့သြဖွယ်ရာအမှုတော်များကို ကိုယ်တိုင်တွေ့မြင်ခဲ့ရပြီး၊ ထိုအမှုတော်အများက သူ့အသက်ကြီးရင့်ချိန်တွင် ဖြစ်ပျက် ခဲ့ခြင်းဖြစ်သည်။ သူ့အသက် ၈၀ အရွယ်တွင် ဖာရော ဘုရင်နှင့်
ထိပ်တိုက်ရင်ဆိုင်ခဲ့ရပြီး၊ လူမျိုးတော်အား ကျွန်ဘဝမှ ဘုရားသခင် အံ့ဖွယ်လွတ်မြောက်စေခဲ့သည်ကို သူတွေ့မြင် ခဲ့သည် (ထွက် ၃-၁၃)။ ပင်လယ်နီ နှစ်ခြမ်းကွဲခြင်း၊ ကောင်းကင်မှ မန္နမုန့်ကျခြင်းတို့ကို သူမြင်တွေ့ခဲ့ရပြီး၊ ဘုရားသခင်နှင့် မျက်နှာချင်းဆိုင်ပင် စကားပြောခဲ့ရသည် (၁၄း၂၁၊ ၁၆း၎၊ ၃၃း၁၁)။
မောရှေသည် သူ့အသက်တာတစ်လျှောက်လုံး မျှော်လင့်ခြင်းကြီးစွာ…
လက်ဆောင်နှင့် လက်ဆောင်ပေးသူ
အံစာတုံးလေး ၅ တုံးကို ဖိနပ်ကြိုးနှင့် တွဲချည်ထားသော သော့ချိတ်ကလေး။ ထိုသော့ချိတ်လေးကို လွန်ခဲ့သောနှစ်များစွာ ကျွန်တော့်သမီးလေး ၇ နှစ်အရွယ်က ကျွန်တော့်ကို ပေးခဲ့သည်။ အခုတော့ ကြိုးများလည်း ဖွာနေပြီး အံစာတုံးများလည်း ပွန်းပဲ့ ဟောင်းကုန်ပြီ။ သို့သော် ဘယ်သောအခါမှ ဟောင်းနွမ်းမသွားသည့် ‘‘ ဖေဖေ့ကို ချစ်တယ်’’ ဟူသည့် စကားလေး ပါရှိသည်။
အဖိုးအတန်ဆုံး လက်ဆောင်ဆိုသည်မှာ တန်ဖိုး
ကြီးကြီး ပေးဝယ်ထားသည့်အချက်၌ မတည်ဘဲ မည်သူ့ထံမှ ရရှိသည်ဟူသော အချက်၌သာ မူတည်ပြီး ဆုံးဖြတ်ကြသည်။ ဖောင်းဖောင်းအိအိ လက်အစုံမှ အလေ့ကျပွင့်သော ပန်းဝါ၀ါ တစ်စည်းတစ်လေ လက်ခံရရှိဖူးသည့် မိဘများကို မေးကြည့် ပါ။ အကောင်းဆုံးလက်ဆောင်များကို ငွေကြေး၌ မဟုတ်ဘဲ ချစ်ခြင်းမေတ္တာ၌သာ မူတည်ပြီး တန်ဖိုးထားကြ ပါသည်။
ယင်းကို ဇာခရိ သဘောပေါက်နားလည်သည်။ အသက်ကြီးလျက် ကလေးမရနိုင်တော့သည့်အရွယ်၌…
အိမ်အပြန် ကြိုဆိုပါသည်
ကျွန်တော်တို့သားနှင့် ပတ်သက်၍ ခက်ခဲသောအချိန်ကာလကို ဖြတ်ကျော်နေရစဉ်
အသင်းတော်၏ ၀တ်ပြုစည်းဝေးကြီးအပြီး၌ ကျွန်တော့်မိတ်ဆွေတစ်ဦးက ကျွန်တော့်ကို
အပြင်သို့ခေါ်ထုတ်ပြီး စကားပြောသည်။ “မင်းနဲ့ မင်းရဲ့သားအတွက် ငါနေ့တိုင်း ဆုတောင်း
ပေးနေတယ်ဆိုတာ သိစေချင်တယ်” ဟု ပြောပြီး “ဒါပေမယ့် ငါအပြစ်ရှိသလို ခံစား ရတယ်” ဟုဆက်ပြောသဖြင့် “ဘာဖြစ်လို့လဲ” ဟု မေးရာ၊ “အဲဒီလို သားသမီးတွေ မလိမ္မာတာမျိုး ငါမကြုံဖူးဘူး။ ငါ့ ကလေးတွေက စည်းကမ်းနာခံတယ်။ ဒါဟာ ငါက ဒီလိုလုပ်၊ ဟိုလို မလုပ်နဲ့လို့ ကြပ်မတ်တာနဲ့ မဆိုင်ဘူး။ ကလေးတွေက သူတို့ဘာသာ ရွေးချယ်ကြတာလေ” ဟု ပြောပြသည်။
သူ့ကို ပွေ့ဖက်နှစ်သိမ့်လိုက်ချင်သည်။ သူ့ကရုဏာ
စာနာစိတ်က ဘုရားပေးသည့်ကျေးဇူးဖြစ်ပြီး ကျွန်တော့် သားနှင့်ပတ်သက်၍ ရုန်းကန်ရသမျှ အဘဘုရားက နားလည်ကြောင်း ဆက်သွယ်ပြောကြားကာ သတိပေးသည်။
နာခံမှုမရှိသည့် ပျောက်သောသားများနှင့် ပတ်သက်၍…
အဖြေကို စောင့်ဆိုင်းရခြင်း
ကျွန်တော်တို့သမီးလေး အသက်(၁၅)နှစ်အရွယ်တွင် အိမ်မှ ထွက်ပြေးသွားခဲ့သည်။ သူ ထွက်သွားသည်မှာ သုံးပတ်မျှကြာသည်။ ထိုသုံးပတ်တာအချိန်မှာ ကျွန်ုပ်တို့အတွက် အရှည်ကြာဆုံးဖြစ်သည်။ နေရာအနှံ နေရာတိုင်း၌ သူ့ကိုလိုက်ရှာသည်။ ဥပဒေ ဘက်တော်သားများ၊ မိတ်ဆွေများအား ကူရှာပေးရန် အကူအညီတောင်းခဲ့သည်။ စိတ်ပျက်အားလျော့ဖွယ် ထိုနေ့ရက်များတွင် ဘုရားသခင်ကို
ဆုတောင်းလျက် စောင့်ဆိုင်းရန် အရေးကြီးပုံကို ကျွန်တော်တို့ ဇနီးမောင်နှံ သင်ခန်းစာယူခဲ့ရသည်။
သူ့ကိုပြန်တွေ့သည့်နေ့မှာ ဖခင်များနေ့၌ ဖြစ်သည်။ ညနေစာစားရန် စားသောက်ဆိုင် ကားရပ်နားစခန်းတွင် ကျွန်ုပ်တို့ ရောက်ရှိနေချိန်၌ ဖုန်းဝင်လာသည်။ အခြား စားသောက်ဆိုင်တစ်ဆိုင်မှ စားပွဲထိုးမလေးက သူ့ကို တွေ့ ကြောင်းပြောပြသည်။ သမီးလေးသည် ကျွန်တော်တို့နှင့်
သုံးလမ်းအကျော်တွင် ရှိနေသည်။ မကြာမီတွင် ကျွန်တော်တို့ အိမ်သို့ သမီးလေးပြန်ရောက်ရှိကာ လုံခြုံအေးချမ်းစွာ ရှိနေပါ သည်။
ဆုတောင်းကြသောအခါ ဘုရားသခင်အား ကျွန်ုပ်တို့ စောင့်ဆိုင်းကြရသည်။ ကိုယ်တော် မည်သို့အဖြေပေးမည်၊ ဘယ်အချိန်၌…