သခင်ယေရှု၌ အသစ်သောကိုယ်ပိုင်လက္ခဏာ

“ကျွန်တော်အရင်ကလူ မဟုတ်တော့ဘူး။ အခုလူသစ်ဖြစ်သွားပြီး။” ထိုရိုးရှင်းသော စကားမှာ ကျောင်းစုံညီစည်းဝေး၌ ကျောင်းသားများအား ပြောနေသော ကျွန်တော့် သား၏စကားများဖြစ်ပြီး၊ သူ၏အသက်တာတွင် ဘုရားသခင်ပြုပေးသည့် ပြောင်းလဲမှုကို ဖော်ပြလိုက်ခြင်းဖြစ်သည်။ တစ်ချိန်က ဘိန်းဖြူစွဲခဲ့သူ ဂျော်ဖရီသည် ယခင်က သူ့ကိုယ်သူ အပြစ်နှင့်အမှားများ ပြုလုပ်သူတစ်ဦးအဖြစ် မြင်သည်။ သို့သော် ယခုအခါ ဘုရားသခင်၏သားအဖြစ် သူ့ကိုယ်သူမြင်လာပြီဖြစ်သည်။

သမ္မာကျမ်းစာ၌ “လူမည်သည်ကား ခရစ်တော်၌ရှိလျှင် အသစ်ပြုပြင်သောသတ္တဝါဖြစ်၏။ ဟောင်းသောအရာတို့သည် ပြောင်းလဲ၍ ခပ်သိမ်းသောအရာတို့သည် အသစ်ဖြစ်ကြပြီ” (၂ ကော ၅:၁၇)ဟု ကတိတော်အားဖြင့် ကျွန်ုပ်တို့အား တိုက်တွန်းနှိုးဆော်ထားသည်။ ကျွန်ုပ်တို့သည် မည်သူပင်ဖြစ်စေ၊ အတိတ်က မည်သို့ပင်ပြုမူ အသက်ရှင်သည်ဖြစ်စေ၊ သခင်ယေရှုအား ကယ်တင်ရှင် အဖြစ်ယုံကြည်ပြီး ကားတိုင်အားဖြင့် ‌ကမ်းလှမ်းပေးခဲ့သည့် ခွင့်လွှတ်ခြင်းကို လက်ခံမည်ဆိုလျှင် ကျွန်ုပ်တို့သည် လူသစ်ဖြစ်လာပါပြီ။ ဧဒင်ဥယျာဉ်မှ စခဲ့သော အပြစ်ကြောင့် ဘုရားသခင်နှင့်ကျွန်ုပ်တို့ ဝေးကွာခဲ့ရသော်လည်း “ခရစ်တော်အားဖြင့်…

ခရစ္စမတ်ကြယ်

“အဲဒီကြယ်ကိုတွေ့ရင် အိမ်အပြန်လမ်းကို အမြဲရှာတွေ့နိုင်တယ်”။ ထိုစကားများမှာ ကျွန်ုပ်ငယ်စဥ်က ဓူဝံကြယ်၏တည်နေရာအား မည်သို့ရှာဖွေရမည်ကို ကျွန်ုပ်အား သင်ကြားပေးရင်း အဖေပြောခဲ့သည့် စကားများဖြစ်သည်။ အဖေသည် စစ်မက်ကာလတွင် စစ်တပ်၌ တာဝန်ထမ်းဆောင်ခဲ့ပြီး၊ ညဘက်ကောင်းကင်ကိုကြည့်ကာ လမ်းကြောင်းရှာဖွေနိုင်သည့်အပေါ် မူတည်ပြီး အသက်ရှင်ရပ်တည်ခဲ့ရသည့် အချိန်ကာလများ ရှိခဲ့သည်။ ထိုကြောင့် ကြယ်တာရာများ၏ နာမည်များနှင့် တည်နေရာများကို ကျွန်ုပ်မှတ်မိနေစေရန် အဖေသင်ပေးခဲ့သည်။ သို့သော် ဓူဝံကြယ်ကို ရှာဖွေနိုင်ခြင်းမှာ အရေးအကြီးဆုံးဖြစ်သည်။ ထိုကြယ်၏တည်နေရာကို သိရှိခြင်းက ကျွန်ုပ် မည်သည့်နေရာ၌ ရောက်ရှိနေစေကာမူ လမ်းကြောင်းရှာဖွေနိုင်ပြီး၊ ကျွန်ုပ်ရှိနေရန်လိုအပ်သည့် နေရာကို ရှာဖွေတွေ့ရှိနိုင်စေသည်။

အလွန်အရေးပါသည့် အခြားကြယ်တစ်လုံးအကြောင်းကို သမ္မာကျမ်းစာက ဖော်ပြထားသည်။ သူ၏လူမျိုးတို့အတွက် ဘုရားသခင်ခန့်အပ်သည့် ဘုရင်ဖြစ်လာမည့်သူ၏ မွေးဖွားခြင်းဆိုင်ရာ ကောင်းကင် နိမိတ်လက္ခဏာများကို (ယနေ့ခေတ် အီရန်နှင့် အီရတ်နိုင်ငံတို့၏နယ်မြေများတွင် ပါဝင်သည့် ဒေသမှလာသော) “အရှေ့ပြည်မှ မာဂုပညာရှိများ”က လေ့လာစောင့်ကြည့်ခဲ့ကြသည်။ သူတို့သည် ယေရုရှလင်မြို့သို့…

မလိုအမုန်းတရားဘက်လိုက်မှုနှင့် ဘုရား၏ချစ်ခြင်း

“မင်းက ငါမျှော်လင့်ထားသလိုမဟုတ်ဘူးဘဲ။ ငါ မင်းကို မုန်းမယ်လို့ ထင်ခဲ့ပေမဲ့ မမုန်းဘူး” လူငယ်လေး၏စကားများသည် ကြမ်းတမ်းပုံပေါက်သော်လည်း အမှန်တကယ်တော့ ကြင်နာမှုပြရန် အားထုတ်မှုတစ်ခု ဖြစ်သည်။ လွန်ခဲ့သောဆယ်စုနှစ်ကာလများက ကျွန်တော့်နိုင်ငံနှင့် စစ်ဖြစ်ခဲ့သော နိုင်ငံရပ်ခြားတွင် ကျွန်တော် ကျောင်းတက်ခဲ့သည်။ အတန်းထဲတွင် အဖွဲ့လိုက်ဆွေးနွေးမှုတစ်ခုတွင် ပါဝင်နေချိန်တွင် သူခပ်ခွာခွာနေသည်ကို ကျွန်တော် သတိပြုမိသည်။ သူ့ကို တစ်နည်းနည်းဖြင့် စိတ်ခုအောင်လုပ်မိလားဟု မေးသောအခါ သူက “လုံးဝ မဟုတ်ရပါဘူး။ ... ငါ့အဖိုးက အဲဒီစစ်ပွဲမှာ ကျဆုံးခဲ့လို့ မင်းရဲ့လူမျိုးနဲ့ မင်းတိုင်းပြည်ကို ငါမုန်းတယ်။ ဒါပေမယ့် အခုငါတို့မှာ တူညီတာတွေ ဘယ်လောက်ရှိလဲဆိုတာ သိလိုက်ပြီး အဲဒါက အံ့သြစရာပဲ။ ငါတို့က သူငယ်ချင်း မဖြစ်နိုင်စရာအကြောင်းမရှိဘူး” ဟုသူဖြေသည်။

မလိုမုန်းထားဘက်လိုက်မှုသည် လူသားမျိုးနွယ်ကဲ့သို့ ဟောင်းနွမ်း‌သောအတွေးဖြစ်သည်။ လွန်ခဲ့သောနှစ်ထောင်ပေါင်းများစွာက နာသနေလသည် နာဇရက်မြို့၌ သခင်ယေရှုနေထိုင်ကြောင်း ပထမဆုံးကြားသိသောအခါ သူ၏ ဘက်လိုက်မှုကို…

အပျက်အစီးများကို ဖျက်ဆီးခဲ့ပြီ

“မနက်ဖြန် ငှက်ပေါက်လေးတွေပျံတော့မယ်။” အိမ်ရှေ့ဆင်ဝင်ရှိ တွဲလောင်းချိတ် ခြင်းတောင်းလေး၌ အသိုက်ဖွဲ့ထားသော နှံပြီစုတ်မိသားစု‌လေး၏ အခြေအနေ တိုးတက်မှုနှင့်ပတ်သက်၍ ကျွန်တော့်ဇနီး Cari (ခါရီ) မှာ ဝမ်းသာကာ စိတ်လှုပ်ရှားလျက်ရှိသည်။ ငှက်မေမေကြီးက ငှက်သိုက်သို့ အစာယူလာသည့်ပုံများကို ဇနီးသည်က ဓာတ်ပုံများရိုက်ထားကာ သူတို့ကို နေ့စဥ် စောင့်ကြည့်လျက်ရှိသည်။

နောက်တစ်နေ့မနက်တွင် သူတို့ကိုကြည့်ရန် ခါရီ သည် မနက်စောစော အိပ်ရာထခဲ့သည်။ အသိုက်ပေါ်တွင် ဖုံးအုပ်ထားသော အစိမ်းရောင်သစ်ရွက်အချို့ကို သူဖယ်ရှားလိုက်သောအခါ ငှက်ကလေးများအစား မြွေတစ်ကောင်၏ မျက်လုံးတစ်စုံကို သူမတွေ့ခဲ့သည်။ မြွေကြီးသည် နံရံကို တွယ်တက်ပြီး ငှက်သိုက်ထဲသို့ မြွေ လိမ်မြွေကောက်ဝင်ကာ သူတို့အားလုံးကို စားပစ်ခဲ့သည်။

ခါရီ ဒေါသထွက်ကာ နှလုံးနာကျင်ရသည်။ ကျွန်တော်အိမ်တွင်မရှိသောကြောင့် ခါရီသည် မြွေကိုဖယ်ရှားရန် မိတ်ဆွေတစ်ဦးကို အကူအညီတောင်းခဲ့သည်။ သို့သော်လည်း ငှက်ကလေးများကို ဆုံးရှုံးခဲ့ရပြီးဖြစ်သည်။

နှုတ်ကပတ်တော်တွင် သူ၏သွားရာလမ်းတလျှောက် ပျက်စီးခြင်းကိုဖြစ်‌စေ သော…

မမျှော်လင့်ထားသော ဘုရားသခင်၏နည်းလမ်းများ

သင်းအုပ်ဆရာသည် အလွန်အဝေးမှုန်နေသော်လည်း ဂရုတစိုက်ရွေးချယ်ထားသော စကားစုတစ်ခုစီကို စိတ်ဝင်စားစရာမကောင်းသော အသံတစ်တန်းတည်းဖြင့် ဖတ်ပြနေသည်။ သို့သော် ဘုရားသခင်၏ဝိညာဉ်တော်သည် ဆရာကြီး Jonathan Edwards (ဂျွန်နသန် အက်ဒွက်စ်) အားဖြင့် ‘First Great Awakening’ (ပထမဆုံး ကြီးမားသော နိုးထမှု) ပွဲ၏ ဝိညာဥ်မီးကို တောက်လောင်စေခဲ့ပြီး ထောင်နှင့်ချီသောလူများ ခရစ်တော်ကို ယုံကြည်ခဲ့သည်။

ဘုရားသခင်သည် သူ၏စုံလင်သော ရည်ရွယ်ချက်များကို ပြီးမြောက်စေရန် မထင်မှတ်သောအရာများကို အသုံးပြုလေ့ရှိသည်။ လက်ဝါးကပ်တိုင်၌ ကျွန်ုပ်တို့ အတွက် သခင်ယေရှု၏ မေတ္တာနှင့် အသေခံခြင်းအားဖြင့် လမ်းလွဲသောလူသားများကို ကယ်တင်ရန် သူ၏အကြံအစည်ကို ရေးဆွဲခဲ့သည်။ ရှင်ပေါလုက “ဘုရားသခင်သည် ပညာရှိတို့ကို ရှက်ကြောက်စေခြင်းငှာ၊ လောကီအရာ၌ မိုက်မဲသောသူတို့ကို ရွေးကောက်တော်မူ၏။ အစွမ်းသတ္တိရှိသောသူတို့ကို ရှက်ကြောက်စေခြင်းငှာ၊ လောကီအရာ၌ အားနည်းသော သူတို့ကို ရွေးကောက်တော်မူ၏” (၁ ကော ၁:၂၇)ဟူ၍ သုံးသပ်ထားသည်။…

“အမှုအလုံးစုံက ငါနဲ့ဆန့်ကျင်ဘက်ကြီးပဲ”

“ဒီမနက်တုန်းက ကျုပ်မှာ ပိုက်ဆံအများကြီးရှိတယ်လို့ တွေးခဲ့တယ်။ အခုတော့ကိုယ့်မှာ တစ်ဒေါ်လာတောင်ရှိရဲ့လားဆိုတာ မသိတော့ဘူး” ဟု အမေရိကန်သမ္မတဟောင်း Ulysses S. Grant (ယူလယ်ဆီ အက်စ် ဂရန့်) က သူ့တစ်သက်တာ စုဆောင်းထားသည့်ပိုက်ဆံကို သူ့စီးပွားရေးမိတ်ဖက်မှ လိမ်သွားပြီးနောက် ထိုသို့ပြောခဲ့သည်။ လအနည်းငယ်ကြာပြီးနောက် ဂရန့်တွင် ကု၍မရသောကင်ဆာတွေ့ခဲ့သည်။ သူ့မိသားစု၏စားဝတ်နေရေးကို စိတ်ပူသောကြောင့် စာရေးဆရာ Mark Twain (မာ့ခ်ထွိန်း)၏ သူ့ဘဝမှတ်တမ်း ထုတ်ဝေခွင့်ကမ်းလှမ်းမှုကို သူလက်ခံခဲ့သည်။ သူမသေမီ တစ်ပတ်အလိုတွင် ထိုစာအုပ်ကို ရေးသားပြီးစီးခဲ့သည်။

ဤသို့ကြီးမားလှသော ခက်ခဲပင်ပန်းမှုများကို ရင်ဆိုင်ရသည့် အခြားသူတစ်ဦးကို သမ္မာကျမ်းစာထဲတွင် တွေ့နိုင်သည်။ ယာကုပ်က သူ၏သားယောသပ်အား “ဆိုးသောသားရဲကိုက်စား”၍ “အပိုင်းပိုင်းကိုက်ဖြတ်”ခံရပြီ ဟုထင်ခဲ့သည် (က ၃၇:၃၃)။ ထို့နောက် သူ၏သားရှိမုန် တိုင်းတစ်ပါးတွင် ဖမ်းဆီးခံရသည်။ သူ၏သားဗင်္ယာမိန်ကိုလည်း သူ့ထံမှခေါ်ဆောင်သွားမှာကို ယာကုပ် စိုးရွံ့နေခဲ့သည်။ ဝမ်းနည်းလွန်းသဖြင့် “ဤအမှုအလုံးစုံတို့သည်…

ခွန်အားပေးတိုက်တွန်းခြင်း ဆုကျေးဇူး

“ရှင့်ပျားတွေက စုပုံပျစ်ခဲနေတာပဲ။” ကျွန်တော့်ဇနီးသည်သည် တံခါးပေါက်ဝသို့ ခေါင်းပြူတစ်ကာ မည်သည့်ပျားမွေးသူမဆို မကြားလိုသောသတင်းကို ပြောလာသည်။ ကျွန်တော်အပြင်သို့ ပြေးထွက်ကြည့်လိုက်ရာ၊ ပျားအုံသို့ ဘယ်တော့မှ ပြန်လာတော့မည် မဟုတ်သည့် ထောင်ပေါင်းများစွာသောပျားများ ပျားအုံမှ ထင်းရှူးပင်ထိပ်ဖျားဆီသို့ ပျံသန်းသွားကြသည်ကို တွေ့လိုက်ရတော့သည်။

ပျားအုံ၌ ပျားများ စုပြုံပျစ်ခဲလာတော့မည်ကို ကျွန်တော်လေ့လာတွေ့ရှိမှု အနည်းငယ် နောက်ကျသွားသည်။ တစ်ပတ်ထက်မက ပို၍ကြာကြာ မုန်တိုင်း‌တိုက်ခဲ့သောကြောင့် စစ်ဆေးမှုပြုရန် ကြန့်ကြာနှောင့်နှေးခဲ့သည်။ မုန်တိုင်းစဲသည့်မနက်တွင် ပျားများထွက်ခွာသွားကြသည်။ တစ်နေရာထဲတွင် တွေ့ရသော ပျားအုပ်စုမှာ သစ်လွင်ပြီး၊ ကျန်းမာသန်စွမ်းကြသည်။ စင်စစ် ပျားများသည် ပျားအုံသစ်တည်ရန် အုပ်စုခွဲခဲ့ခြင်းဖြစ်သည်။ အတွေ့အကြုံရှိသူ ပျားမွေးမြူသူတစ်ဦးက ကျွန်ုပ်စိတ်ပျက်သည်ကို တွေ့ပြီးနောက် “ကိုယ့်ကိုယ်ကို စိတ်ဒုက္ခအဖြစ်မခံပါနဲ့။ ဘယ်သူမဆို ဒီလိုဖြစ်တတ်ပါတယ်” ဟု ကျွန်ုပ်ကိုရွှင်ပျစွာ ပြောခဲ့သည်။

ခွန်အားပေးတိုက်တွန်းခြင်းသည် ဆွဲဆောင်မှုရှိသော ဆုကျေးဇူးတစ်ရပ်ဖြစ်သည်။ ရှောလုသည် ဒါဝိဒ်နောက်သို့လိုက်၍ သူ့အသက်ကို ရန်ရှာသဖြင့် ဒါဝိဒ်…

အကျိုးဆက်များကိုလွန်၍ မျှော်လင့်ခြင်း

သင်ဒေါသထွက်နေစဉ် နောက်မှနောင်တရသည့်အရာတစ်ခုခုကို ပြုဖူးပါသလား။ ကျွန်တော့်သားဆေးစွဲနေခဲ့စဉ်က သူ့ရွေးချယ်မှုများနှင့်ပတ်သက်၍ ကြမ်းတမ်းသောစကားများကို ကျွန်တော်ပြောဆိုခဲ့မိသည်။ ကျွန်တော့်ဒေါသသည် သူ့ကို ပို၍သာ စိတ်ပျက်အားငယ်စေခဲ့သည်။ သို့သော် နောက်ဆုံးတွင် သူ့အား အသက်နှင့် မျှော်လင့်ခြင်းအကြောင်း ဝေငှသည့် ယုံကြည်သူများနှင့် တွေ့ခဲ့ပြီး အချိန်မီလွတ်မြောက်ခဲ့သည်။

ယုံကြည်ခြင်းအရာတွင်စံထားရသည့် မောရှေကဲ့သို့သူမျိုးပင်လျှင် နောက်မှ နောင်တရသည့်အရာတစ်ခုကို သူပြုခဲ့သည်။ ကန္တာရထဲတွင် ရေရှားသောအခါ ဣသရေလလူမျိုးများသည် အလွန်အမင်း ညည်းညူခဲ့ကြပါ၏။ ထိုအခါ ဘုရားသခင်က မောရှေနှင့် အာရုန်အား “သူတို့ရှေ့မှာ ကျောက်ကို မှာထားလော့။ ကျောက်သည် မိမိရေကိုထွက်စေ”မည်ဟု (တော ၂၀:၈) သေချာစွာ မိန့်ကြားတော်မူသည်။ သို့သော် မောရှေသည် ဒေါသနှင့်တုံ့ပြန်၍ “အချင်းသူပုန်တို့၊ နားထောင်ကြလော့။ ငါတို့သည် သင်တို့အဖို့ ဤကျောက်ထဲက ရေကို ထွက်စေရမည်လော” (:၁၀) ဟုဆိုကာ နိမိတ်လက္ခဏာအတွက် ဘုရားသခင်အစား သူ့ကိုယ်တိုင်နှင့်အာရုန်တို့ ဝင်ပြီးအမှတ်ယူခဲ့သည်။ ထို့နောက်…

ဘုရား၏ဥယျာဉ်တော်

ကျွန်တော့်အိမ်ရှေ့တံခါးအပြင်ဘက်တွင် ဘဝ၏ လှပမှုနှင့်တိုတောင်းမှုကို သတိပေးသည့် အပင်တစ်ပင် ပေါက်ရောက်နေသည်။ ပြီးခဲ့သည့်နွေရာသီတွင် ကျွန်တော့်ဇနီးက လပြည့်နှင့်တူသည့် ကြီးမားဝိုင်းစက်သောအပွင့်ဖြူများပါသည့် ‘လပန်းနွယ်ပင်’ကို စိုက်ခဲ့သည်။ ထိုပန်းက တစ်ညတာပွင့်ပြီး နောက်နေ့ မနက်တွင် နေရောင်ကြောင့် ညှိုးနွမ်းကာ ဘယ်သောအခါမှ ပြန်လည် မပွင့်လန်းလာတော့ပါ။ သို့သော် ထိုအပင်သည် ပေါက်ပွားနှုန်းမြန်ပြီး ညနေတိုင်း အသစ်သောပန်းခိုင်ကြီးများနှင့် ဝေဆာနေသည်။ နေ့စဉ် ဖြတ်လျှောက်သွားတိုင်း ထိုအပင်ကို ကြည့်ကာ ကျွန်တော်တို့နှစ်သက်ကြည်နူးရပြီး အိမ်ပြန်လာတိုင်း မည်သို့သော အလှသစ်က ကြိုနေမည်နည်းဟု တွေးနေမိခဲ့သည်။

ထိုနုဖတ်သောပန်းပွင့်များက နှုတ်ကပတ်တော်မှ အရေးကြီးသည့် အမှန်တရားကို အမှတ်ရစေသည်။ တမန်တော်ရှင်ပေတရုက “သင်တို့သည် ဖောက်ပြန် ပျက်စီးတတ်သောမျိုးစေ့အားဖြင့် ဖြစ်ဖွားသည်မဟုတ်၊ မဖောက်ပြန် မပျက်စီးတတ်သော မျိုးစေ့တည်းဟူသော အသက်ရှင်၍ အစဉ်အမြဲ တည်တော်မူသော ဘုရားသခင်၏နှုတ်ကပတ်တော်အားဖြင့် ဖြစ်ဖွား(သည်)။ ... လူမျိုးရှိသမျှသည်လည်း မြက်ပွင့်ကဲ့သို့ဖြစ်၏။ လူမျိုး၏ဘုန်းရှိသမျှသည်လည်း မြက်ပွင့်ကဲ့သို့ဖြစ်၏။…

မြဲမြံသောမျှော်လင့်ခြင်း

“သမီးဆီကို ပန်းတွေပို့ပေးလို့ ဖေဖေပြန်လာတော့မယ်ဆိုတာ သမီးသိတယ်။” ဤစကားကို စစ်တွင်းကာလ ကျွန်တော့်အဖေ ပျောက်ဆုံးနေချိန်၌ (၇) နှစ်အရွယ်ညီမလေးက အမေ့ကို ပြောခဲ့သည်။ တာဝန်အရ အိမ်မှမထွက်ခွာမီ အဖေက ညီမလေး ၏မွေးနေ့အတွက် ပန်းများကြိုမှာခဲ့ပြီး၊ သူပျောက်ဆုံးနေချိန်တွင် ပန်းများရောက်လာသည်။ သူမစကားမှန်ခဲ့ပါသည်။ ကြောက်လန့်ဖွယ် တိုက်ပွဲအပြီးတွင် အဖေအိမ်ပြန်ရောက်လာခဲ့သည်။ ဆက်လက်၍ မျှော်လင့်ခြင်းရှိရန် သတိပေးသည့်အနေနှင့် ညီမလေးက ထိုပန်းများနှင့်ပန်းအိုးကို ဆယ်စုနှစ်ပေါင်းများစွာ သိမ်းထားခဲ့သည်။

တစ်ခါတစ်ရံတွင် ကျိုးပဲ့ပျက်စီးပြီး အပြစ်နှင့်ပြည့်သော လောကကြီး၌ မျှော်လင့်ခြင်းကို ဆက်လက်ဆုပ်ကိုင်ထားရန်မှာ မလွယ်ကူလှပေ။ ဖခင်များ အမြဲတမ်း အိမ်ပြန်မရောက်လာပါ။ ကလေးသူငယ်များ၏ဆန္ဒများ တစ်ခါတစ်ရံ မပြည့်ဝကြပေ။ သို့သော်လည်း အခက်ခဲဆုံးအခြေအနေတွင် ဘုရားသခင်သည် မျှော်လင့်ခြင်းကိုပေးသည်။ အခြားစစ်မက်အတွင်းက ပရောဖက်ဟဗက္ကုတ်သည် ဗာဗုလုန်လူမျိုးတို့ ယုဒပြည်ကို ကျူးကျော်ဝင်ရောက်လာမည်ကို ကြိုတင်ဟောပြောခဲ့ပြီး (ဟဗ ၁:၆၊ ၄ ရာ ၂၄)၊ ဘုရားသခင်သည်…