စာရေးသူ

အားလုံးမြင်နိုင်ရန်
Jennifer Benson Schuldt

ဂျဲနီဖါဘန်စန်ရှော့ထ်

ဂျဲနီဖါဘန်စန်ရှော့ထ် (Jennifer Benson Schuldt)သည် ၁၉၉၇ ခုနှစ်၌ စီဒါဗေးလ် တက္ကသိုလ် (Cedarville University) မှ ဘွဲ့ရခဲ့ပြီး နည်းပညာဆိုင်ရာ စာရေးဆရာအဖြစ် စတင်လုပ်ကိုင်ကာ ကျွမ်းကျွမ်းကျင်ကျင်နှင့် စာပေများရေးသားခဲ့သည်။ ယခုလက်ရှိတွင် ဆရာမသည် Our Daily Bread အတွက် စာမူများရေးသားပေးနေသည်။ ဆရာမနှင့် ခင်ပွန်း ဘော့ (Bob)တို့သည် သားသမီး နှစ်ဦးတို့နှင့် အတူ အမေရိကန်နိုင်ငံ၊ ချီကာဂိုမြို့၏ ဆင်ခြေဖုံးဒေသ၌ နေထိုင်ကြပါသည်။ စာမရေးသည့်အချိန်တွင် ဆရာမသည် အိမ်၌သော်လည်းကောင်း၊ အသင်းတော်၌သော်လည်းကောင်း ဆက်ကပ် လုပ်ဆောင်နေလျက်ရှိသည်။ သူမသည် ပန်းချီဆွဲခြင်း၊ ကဗျာစာအုပ် နှင့် ဝတ္ထုစာအုပ်များ ဖတ်ခြင်း၊ မိသားစုနှင့်အတူ အပန်းဖြေလမ်းလျှောက်ထွက်ခြင်းများကို နှစ်သက်သည်။ သူမ၏ အနှစ်သက်ဆုံး သမ္မာကျမ်းစာပိုဒ်များထဲမှ တစ်ပိုဒ်မှာ “အချင်းလူ၊ ကောင်းသောလမ်းကို ပြတော်မူပြီ။ တရားသဖြင့် ပြုခြင်း၊ ကရုဏာကို နှစ်သက်ခြင်း၊ သင်၏ ဘုရားသခင့်ရှေ့တော်၌ နှိမ့်ချသောစိတ်နှင့် ကျင့်နေခြင်းမှတပါး အဘယ်ပူဇော်သက္ကာကို ထာဝရဘုရားတောင်းတော်မူသနည်း” (မိက္ခာအနာဂတ္တိကျမ်း ၆:၈) ဖြစ်သည်။

စာမူ/ အကြောင်းအရာ များ ဂျဲနီဖါဘန်စန်ရှော့ထ်

ခရစ်တော်အတွက် စိတ်လှုပ်ရှားမှုကို ဝေမျှပါ

ကျွန်ုပ်တို့၏အိမ်နီးချင်း ဟင်နရီနှင့် ပထမဆုံးတွေ့စဥ်က သူလွယ်ထားသည့် အိတ်ထဲမှ ဟောင်းနွမ်းနေသော ကျမ်းစာအုပ်တစ်အုပ်ကို ဆွဲထုတ်လိုက်ပြီး တောက်ပ သော မျက်လုံးများဖြင့် ကျမ်းစာလေ့လာဆွေးနွေးချင်လားဟု မေးခဲ့သည်။ ကျွန်ုပ်တို့ ခေါင်းညိတ်လိုက်ပြီး၊ အမှတ်အသားပြုထားသော စာပိုဒ်အချို့ကို သူလှန်လိုက်သည်။ သူ၏လေ့လာတွေ့ရှိချက်များနှင့် ပြည့်နှက်နေသော မှတ်စုစာအုပ်တစ်အုပ်ကို ကျွန်ုပ်တို့အား ပြပြီး အခြား ဆက်စပ်သော အချက်အလက်များ အပြည့်ရှိသည့် ကွန်ပြူတာတင်ပြချက်တစ်ခုကိုလည်း သူပြုလုပ်ထားကြောင်း ပြောပြသည်။

ဟင်နရီသည် ခက်ခဲသော မိသားစုအခြေအနေမှ ကြီးပြင်းလာခဲ့ပြီး၊ အဆိုးဆုံးအချိန်တွင် သခင်ယေရှု၏ သေခြင်းနှင့်ရှင်ပြန်ထမြောက်ခြင်းကို သူ၏ ယုံကြည်ခြင်း၏ အခြေခံအုတ်မြစ်အဖြစ် သူတစ်ဦးတည်းသာ လက်ခံခဲ့ကြောင်း (တ ၄:၁၂) ပြောပြခဲ့သည်။ သမ္မာတရား၏ပညတ်ချက်များကို လိုက်နာရန် သန့်ရှင်းသောဝိညာဥ်တော်၏မစမှုဖြင့် သူ့အသက်တာ ပြောင်းလဲခဲ့သည်။ ဟင်နရီသည် နှစ်ပေါင်းများစွာကတည်းက သူ၏အသက်တာကို ဘုရားရှင်ထံ အပ်နှံခဲ့သော်လည်း သူ၏စိတ်အားထက်သန်မှုသည် လန်းဆန်းတက်ကြွပြီး အားပြည့်နေမြဲဖြစ်သည်။

သခင်ယေရှုနှင့်အတူ နှစ်ပေါင်းများစွာ‌ လျှောက်လှမ်းခဲ့သူ ဟင်နရီ၏စိတ်အားထက်သန်မှုက…

နှိမ့်ချခြင်း၌ ထူးချွန်သော

ကစားပွဲအပြီးတွင် ကောလိပ်ဘတ်စကက်ဘော ကြယ်ပွင့်တစ်ဦးသည် ခွက်အလွတ်များနှင့် အစားအစာထုပ်များ စွန့်ပစ်ရာတွင် အလုပ်သမားများအား ကူညီရန် နောက်ချန်နေခဲ့သည်။ သူ၏လှုပ်ရှားမှု ဗီဒီယိုဖိုင်ကို ပရိသတ်တစ်ဦးက တင်ခဲ့ရာ ကြည့်ရှုသူ ရှစ်သောင်းကျော်ရှိခဲ့သည်။ လူတစ်ယောက်က “[ဒီလူငယ်]ဟာ ဘဝမှာ တွေ့ဖူးသမျှ အနှိမ့်ချဆုံးလူတွေထဲက တစ်ယောက်ပါ” ဟုမှတ်ချက်ပေးခဲ့သည်။ ထိုကစားသမားအတွက် အသင်းဖော်များနှင့်အတူ ထွက်သွားပြီး အသင်းအောင်ပွဲခံခြင်းက ပို၍လွယ်ကူပါသည်။ ထိုသို့ပြုမည့်အစား သူသည် ကျေးဇူးတင်မခံရသည့် အလုပ်အတွက် စေတနာ့ဝန်ထမ်း လုပ်ခဲ့သည်။

ကောင်းကင်ဘုံရှိ မြင့်မြတ်သောရာထူးကို စွန့်ခွာပြီး မြေကြီးပေါ်ရှိ အစေခံကျွန်၏သဏ္ဌာန်ကို ဆောင်ယူရန် မွေးဖွားလာသော သခင်ယေရှု၌ အတုမရှိသောနှိမ့်ချခြင်းစိတ်ဓာတ်ကို တွေ့ရသည် (ဖိ ၂:၇)။ ထိုသို့လုပ်ရန် မလိုအပ်သော်လည်း၊ သခင်ယေရှုသည် သူ့ကိုယ်သူ လိုလိုလားလား နှိမ့်ချခဲ့သည်။ လောကမြေ၌ သူ၏ အမှုဆောင်ခြင်းများတွင် သွန်သင်ခြင်း၊ အနာရောဂါငြိမ်းစေခြင်း၊ လူတို့ကို ကယ်တင်ရန်နှင့် သေခြင်းမှထမြောက်ခြင်းဟူသည့် လူသားအားလုံးကိုချစ်ခြင်းတို့ ပါဝင်သည်။

ခရစ်တော်၏စံနမူနာက…

တီးတိုးလေသံမျှသာ

အမေရိကန်နိုင်ငံ၊ နယူးယောက်မြို့ Grand Central ဘူတာရုံရှိ တီးတိုးနံရံ (whispering wall)သည် ဆူညံသည့် ထိုဧရိယာ၏ အသံအိုအေစစ်ဖြစ်သည်။ ထူးခြားသည့်ထိုနေရာသည် လူတစ်ဦးနှင့်တစ်ဦး ပေ (၃၀) အကွာမှပင် အသံတိုးတိုးဖြင့် ဆက်သွယ်နိုင်အောင် လုပ်ဆောင်ပေးသည်။ ကျောက်ဖျာဝင်ပေါက်၌ ရပ်ပြီး နံရံ၌ နူးညံ့စွာစကားပြောလိုက်လျှင် ခုံးနေသည့်ကျောက်တုံးမှတစ်ဆင့် အသံလှိုင်းများသည် အခြားတစ်ဘက်ရှိ နားထောင်နေသူထံ ရောက်သွားသည်။
ယောဘ၏ဘဝ၌ အရာအားလုံးနီးပါး ဆုံးရှုံးခဲ့ရသည့်အဖြစ်ဆိုး ဆူညံသံတို့ဖြင့် ပြည့်နေချိန် သူသည် တိုးညင်းသော သတင်းစကားကို ကြားခဲ့သည် (ယောဘ ၁:၁၃-၁၉၊ ၂:၇)။ သူ့မိတ်ဆွေများက သူတို့၏အမြင်များကို ဇွတ်တရွတ်ပြောကြသည်။ ယောဘ၏ကိုယ်ပိုင်အတွေးများ အတိုင်းအဆမဲ့ပြိုလဲကုန်သည်။ သူ၏ဘဝကဏ္ဍတိုင်း၌ ဒုက္ခပြဿနာများဝင်ရောက်လာသည်။ သို့သော် သဘာဝတရားကြီးက ဘုရားသခင်၏ အံ့ဖွယ်တန်ခိုးတော်အကြောင်း သူ့အား တီးတိုးပြောဆိုခဲ့သည်။

ကောင်းကင်၏ထည်ဝါမှု၊ အာကာသတွင် ချိတ်ဆွဲခံထားရသည့် ကမ္ဘာဂြိုဟ်၏ဆန်းကြယ်မှု၊ မိုးကုတ်စက်ဝိုင်း၏တည်ငြိမ်မှုတို့က ကမ္ဘာကြီးသည် ဘုရားသခင်၏လက်ထဲတွင်ရှိကြောင်း…

ခမ်းနားထယ်ဝါသောဒီဇိုင်း

နိုင်ငံတကာသုတေသနအဖွဲ့တစ်ခုသည် ပျံလွှားငှက်ကိုအတုယူပြီး တောင်ပံခတ်သည့် ဒရုန်းတစ်စင်းကို ဖန်တီးခဲ့သည်။ ပျံလွှားငှက်သည် တစ်နာရီ မိုင် (၉၀) နှုန်းဖြင့်ပျံသန်းနိုင်ပြီး ဝဲနိုင်သည်၊ ထိုးဆင်းနိုင်သည်၊ လျင်မြန်စွာ လှည့်နိုင်သည်၊ ရုတ်တရက် ရပ်တန့်နိုင်သည်။ သို့ရာတွင် ထိုအတောင်ပံပါသည့် ဒရုန်းသည် ပျံလွှားငှက်နှင့်ယှဥ်လျှင် အဆင့်နိမ့်နေဆဲဖြစ်သည်။ သုတေသီတစ်ဦးက “ငှက်များ၌ ကြွက်သားပုံစံအမျိုးမျိုးရှိပြီး အံ့ဖွယ်အမြန်နှုန်းနှင့် ပျံနိုင်အောင်၊ တောင်ပံရုတ်နိုင်အောင်၊ လှည့်ပြန်နိုင်အောင်၊ အမွေးအတောင်တို့ကို သူ့နေရာ နှင့်သူ ဖွင့်ဆန့်နိုင်အောင်၊ အားကို ချွေတာနိုင်အောင် ထောက်ကူပေးသည်” ဟု ဆိုသည်။ သူ့အဖွဲ့၏အားထုတ်မှုသည် “သက်ရှိငှက်တစ်ကောင်၏ (၁၀) ရာခိုင်နှုန်း”ခန့် ကိုသာ ပုံတူပွားနိုင်သည်ဟု သူဝန်ခံခဲ့သည်။

ဘုရားသခင်သည် သတ္တဝါများအား အံ့ဖွယ်စွမ်းရည်အမျိုးမျိုးကို ပေးထားပါသည်။ သတ္တဝါများ၏အသိဗီဇများကို စောင့်ကြည့်ဆင်ခြင်ခြင်းက ကျွန်မတို့အတွက် ပညာအရင်းအမြစ် ဖြစ်စေနိုင်ပါသည်။ ပရွက်ဆိတ်များက စုဆောင်းခြင်းနှင့်စပ်လျဥ်း၍ သင်ပေးသည်၊ ရှာဖန်ယုန်များက အမှီပြုနိုင်သည့်ခိုလှုံရာ၏ တန်ဖိုးကို ပြသသည်၊…

လမ်းညွှန်မှုကို လက်ခံခြင်း

ကျွန်မသူငယ်ချင်း မီရှဲက ကျွန်မသမီးကို မြင်းစီသင်ပေးသည့် တင်းကုပ်၌ ကျွန်မတို့ရပ်နေစဥ် သားရေနှင့် အုတ်ဂျုံအနံ့ကို ရခဲ့ကြသည်။ မြင်းပု၏ သွားအနောက်တွင် မြင်းဇက်သွားကို မည်သို့တပ်ဆင်ရမည်ကို သူမပြသောအခါ မီရှဲ၏အဖြူ‌ရောင်မြင်းပု၏ ပါးစပ်ဟသွားသည်။ သူမသည် မြင်းဇက်ကြိုးကို နားရွက်သို့ဆွဲတင်ရင်း၊ မြင်းစီးသူများအတွက် မြင်းကို အရှိန်လျော့ရန်နှင့် ဘယ်၊ ညာလှည့်ပြီး ထိန်းကျောင်းရန်အတွက် မြင်းဇက်သွားသည် အရေးပါကြောင်းကို မီရှဲရှင်းပြခဲ့သည်။

လူ၏လျှာကဲ့သို့ပင် မြင်းဇက်သွားသည် သေးငယ်သော်လည်း အရေးကြီးသည်။ နှစ်ခုစလုံးသည် ကြီးမားပြီး အင်အားကြီးသောအရာအပေါ် လွှမ်းမိုးမှုကြီးမားသည်။ မြင်းဇက်သွားက မြင်းကို၊ လျှာက ကျွန်မတို့၏စကားလုံးများကို (ယာ ၃:၃၊ ၅) လွှမ်းမိုးသည်။

ကျွန်မတို့၏စကားလုံးများသည် ဦးတည်ချက်အမျိုးမျိုးသို့ ဦးတည်နိုင်သည်။ “ငါတို့သည် လျှာဖြင့် ခမည်းတော်ဘုရားသခင်ကို ကောင်းချီးပေးတတ်ကြ၏။ ဘုရားသခင်၏ပုံသဏ္ဌာန်တော်နှင့်အညီ ဖန်ဆင်းသောလူတို့ကို လျှာဖြင့် ကျိန်ဆဲတတ်ကြ၏” (:၉)။ စကားလုံးများက စိတ်နှလုံးထဲမှ ထွက်လာခြင်းဖြစ်သောကြောင့် ကျွန်မတို့၏စကားများကို…

နေ့ရက်တိုင်းအတွက် ရှိတော်မူသောဘုရားသခင်

ခွဲစိတ်မှု မအောင်မြင်သဖြင့်၊ Joan (ဂျိုအန်း)၏ ဆရာဝန်က ငါးပတ်အတွင်း နောက်ထပ် ခွဲစိတ်မှုတစ်ခုပြုလုပ်ရန် လိုသည်ဟု သူမကို ပြောခဲ့သည်။ အချိန်ကြာလာသည်နှင့်အမျှ စိုးရိမ်စိတ်များဝင်လာသည်။ သက်ကြွယ်များဖြစ်သော ဂျိုအန်း နှင့်ခင်ပွန်းတို့၏ မိသားစုမှာ အဝေးတွင် နေထိုင်ကြသည်။ သူတို့အကျွမ်းတဝင်မရှိသည့်မြို့သို့ ကားမောင်းသွားရခြင်း၊ ဆေးကုသမှုအတွက် လိုအပ်သည်များကို လမ်းကြောင်းရှာရခြင်း၊ အထူးကုအသစ်နှင့် ကုသခြင်းတို့ လိုအပ်မည်ဖြစ်သည်။

ဤအခြေအနေများသည် ခက်ခဲရှုပ်ထွေးပုံရသော်လည်း ဘုရားသခင်သည် သူတို့ကို ဂရုစိုက်ခဲ့သည်။ ခရီးစဉ်အတွင်း သူတို့၏ကား လမ်းညွှန်စနစ် ပျက်သွားသော်လည်း မြေပုံစာရွက်ရှိသဖြင့် ဆေးရုံသို့အချိန်မီရောက်သွားသည်။ ဘုရားသခင် ဉာဏ်ပညာပေးခဲ့သည်။ ဆေးရုံတွင် ခရစ်ယာန်သင်းအုပ်တစ်ပါးက သူတို့ကို ဆုတောင်းပေးပြီး အကူအညီပေးရန် ကမ်းလှမ်းခဲ့သည်။ လိုအပ်သောအကူအညီကို ဘုရားသခင် ပြင်ဆင်ပေးခဲ့ပါသည်။ ခွဲစိတ်မှုအပြီးတွင် ခွဲစိတ်မှုအောင်မြင်ကြောင်း သတင်းကောင်းကို ဂျိုအန်း ရရှိခဲ့သည်။

ရောဂါပျောက်ကင်းခြင်း (သို့) ကယ်တင်ခံရခြင်းကို ကျွန်ုပ်တို့အမြဲ မခံစားရသော်လည်း၊ ဘုရားသခင်သည်…

ဆုတောင်းခြင်းဖြင့် လုပ်ငန်းဆောင်ရွက်ခြင်း

ကျွန်မ၏သား အရိုးခွဲစိတ်သည့်အချိန်တွင် ခွဲစိတ်မှုကိုပြုလုပ်ပေးသော ဆရာဝန်ကြီးအား ကျေးဇူးတင်ခဲ့သည်။ အငြိမ်းစားယူခါနီးဖြစ်သည့် ဆရာဝန်ကြီးက ထိုနည်းတူ အရိုးခွဲစိတ်သူ လူနာထောင်ပေါင်းများစွာကို သူအောင်မြင်စွာ ခွဲစိတ်ပေးခဲ့ကြောင်း ကျွန်မတို့စိတ်ချယုံကြည်မှုရှိအောင် ခွန်အားပေးသည်။ ထိုသို့ဖြစ်လင့်ကစား ခွဲစိတ်မှုမပြုမီ ဆရာဝန်ကြီးသည် ဆုတောင်းကာ ကောင်းမွန်သောရလဒ် ရရှိစေရန် ဘုရားသခင်ထံတောင်းလျှောက်သည်။ ထိုသို့ဆုတောင်းခြင်းအတွက် ဆရာဝန်ကြီးကို ကျွန်မ အလွန်ပင် ကျေးဇူးတင်မိသည်။

အလွန်အတွေ့အကြုံများသော နိုင်ငံ့ခေါင်းဆောင်ကြီး ယောရှဖတ်သည်လည်း ပြဿနာနှင့်ကြုံတွေ့လျှင် ဘုရားသခင်ထံ ဆုတောင်းသည်။ နိုင်ငံ သုံးနိုင်ငံတို့သည် ပေါင်းစည်းပြီး သူ့အား ဆန့်ကျင်လျက် သူ၏လူမျိုးများကို လာရောက်တိုက်ခိုက်ရန် ပြင်ဆင်လျက်ရှိသည်။ အနှစ်နှစ်ဆယ်ခန့် အတွေ့အကြုံရှိသော်လည်း ဘာလုပ်ရမည်ကို ဘုရားသခင်ထံ အကူအညီတောင်းခံရန် သူဆုံးဖြတ်ခဲ့သည်။ “ဆင်းရဲဒုက္ခကြောင့် အော်ဟစ်ကြသောအခါ နားထောင်၍ ကယ်မတော်မူပါ” ဟု သူဆုတောင်းခဲ့သည် (၂ ရာ ၂၀:၉)။ “အဘယ်သို့ပြုရမည်ကို မသိပါ။ ကိုယ်တော်ကိုသာ မျှော်ကြည့်လျက်နေကြပါသည်” ဟု…

အားနည်းခြင်းတွင် ခွန်အားရှိခြင်း

ကျွန်မ၏သားလေး အသက်သုံးနှစ်အရွယ်ခန့်တွင် ကျွန်မခွဲစိတ်မှုတစ်ခုပြုရန် လိုအပ်ခဲ့ပြီး၊ နာလန်ထူနိုင်ရန် အချိန် တစ်လ (သို့) ထိုထက်ပိုကြာသည့် အချိန် ပေးရန် အကြောင်းပေါ်လာသည်။ ကုသမှု မစမီ ကျွန်မအိပ်ယာပေါ်ရှိနေစဉ် ကုသမှုခံယူပြီးပါက ညစ်ပတ်နေသော ပန်းကန်ခွက်ယောက်များ ပန်းကန်ဆေးကန်တွင် အပုံလိုက်ရှိနေမည်ကို တွေးကြည့်မိသည်။ တက်ကြွနေသောကလေးငယ်ကို မည်သို့ ပြုစုစောင့်ရှောက်ရမည်ကို မသိပါ။ အစားအစာချက်ပြုတ်ရန် မီးဖိုရှေ့ရပ်နေခြင်းကိုလည်း ပုံဖော်၍ပင်မရပါ။ ကျွန်မ၏အားနည်းချက်ကြောင့် စည်းချက်မှန်မှန်သွားနေသော ကျွန်မတို့၏ဘဝများ၌ သက်ရောက်မှုရှိမည်ကို ကြောက်ရွံ့စိုးရိမ်ခဲ့မိသည်။

မိဒျန်လူတို့နှင့်ထိပ်တိုက်မတွေ့မီ ဘုရားသခင်သည် ဂိဒေါင်၏တပ်များကို တမင်အင်အားလျှော့ချခဲ့သည်။ ပထမဦးစွာ ကြောက်လန့်သူတို့အား ထွက်ခွင့် ပြုခဲ့ရာ လူ ၂၂,၀၀၀ အိမ်ပြန်သွားသည် (သူကြီး ၇:၃)။ ပြီးနောက် ကျန်ခဲ့သောလူ ၁၀,၀၀၀ ထဲမှ လက်ခုပ်နှင့် ရေကိုသောက်သူများသာ နေခဲ့ရန် ဖြစ်သည်။ လူသုံးရာမျှသာကျန်ရှိသော်လည်း ဤအားနည်းချက်က ဣသရေလလူများ မိမိကိုယ်ကို အားကိုးအမှီပြုခြင်းကို တားဆီးပေးခဲ့သည်…

ဘုရားသခင်၏လက်တော် ဆန့်တန်းကြိုနေ

ဖုန်းကို မျက်မှောင်ကြုတ်ကြည့်ရင်း ကျွန်မသက်ပြင်းချမိသည်။ စိုးရိမ်မှုကြောင့် ကျွန်မ၏မျက်ခုံးများ တွန့်ချိုးနေသည်။ ကျွန်မနှင့်ကျွန်မ၏သူငယ်ချင်းသည် မိမိတို့၏ရင်သွေးများနှင့်ပတ်သက်ပြီး အကြီးအကျယ် သဘောထားကွဲလွဲခဲ့သည်။ သူမထံ ဖုန်းဆက်ကာ တောင်းပန်သင့်ကြောင်း ကျွန်မသိသည်။ ကျွန်မတို့၏အမြင်မတူမှုများ ရှိနေဆဲဖြစ်၍ ကျွန်မဖုန်းမခေါ်ချင်သော်လည်း ထိုကိစ္စနှင့်ပတ်သက်ပြီး နောက်ဆုံးအခေါက် ကျွန်မတို့ဆွေးနွေးခဲ့စဉ် ကျွန်မဘက်မှ နူးညံ့မှုနှင့် နှိမ့်ချမှု မရှိခဲ့ခြင်းကို ကျွန်မသိသည်။

ဖုန်းဆက်ဖို့၊ မဆက်ဖို့ မချိတင်ကဲဖြစ်နေရင်း “သူ ငါ့ကို ခွင့်မလွှတ်ရင် ဘယ်လိုလုပ်မလဲ။ ငါနဲ့သူငယ်ချင်းဆက် မဖြစ်ချင်တော့ရင် ဘယ်လိုလုပ်မလဲ” ဟု တွေးနေခဲ့မိသည်။ ချက်ချင်းပင် ကျွန်မခေါင်းထဲသို့ သီချင်းတစ်ပုဒ်မှစာသားများ ဝင်လာကာ ကျွန်မ၏အပြစ်များကို ဘုရားရှင်ထံ ဝန်ချတောင်းပန်ခဲ့သည့်အချိန်ကို ပြန်သတိရခဲ့သည်။ ဘုရားသခင်သည် ကျွန်မကိုခွင့်လွှတ်ပြီး အပြစ်ရှိသည့်ခံစားချက်မှ လွတ်မြောက်စေကြောင်း သိရသည့်အတွက် စိတ်သက်သာရာရခဲ့သည်။

ဆက်ဆံရေးပြဿနာများကို ကျွန်မတို့ဖြေရှင်းရသည့်အခါ ကျွန်မတို့အပေါ်လူများ၏တုံ့ပြန်မှုကို ကျွန်မတို့ မထိန်းချုပ်နိုင်ပါ။ မိမိအပိုင်းမှ မိမိ၏အပြစ်ကို ဝန်ချပြီး ခွင့်လွှတ်မှုကို…

စစ်မှန်သောယေရှု

စာအုပ်အသင်းခေါင်းဆောင်က အဖွဲ့လိုက်ဆွေးနွေးမည့်ဝတ္ထုကို အကျဉ်းချုပ်ပြောပြနေသောကြောင့် အခန်းထဲ၌ အသံများ တိတ်ဆိတ်ငြိမ်သက်နေသည်။ ကျွန်မသူငယ်ချင်း ဂျိုအန်းက အာရုံစိုက်နားထောင်သော်လည်း ဇာတ်ကြောင်းကို မသိခဲ့ပေ။ နောက်ဆုံးတွင် အခြားသူများ ဖတ်ခဲ့သော ရသစာပေနှင့် ခေါင်းစဥ်ဆင်တူသော သုတဝတ္ထုတစ်အုပ်ကို သူမဖတ်ခဲ့ခြင်းဖြစ်ကြောင်း သိလိုက်ရသည်။ သူမသည် စာအုပ်“မှား”ဖတ်ပြီး ထိုစာအုပ်ကို နှစ်သက်ခဲ့သော်လည်း ဖတ်ရမည့်စာအုပ် “အမှန်”အကြောင်း သူငယ်ချင်းများနှင့် ဆွေးနွေးကြသောအခါ မပါဝင်နိုင်ခဲ့ပေ။

တမန်တော်ပေါလုသည် သခင်ယေရှုကို ယုံကြည်သည့် ကောရိန္သုယုံကြည်သူ များအား “မှားယွင်းသော” ယေရှုကို မယုံကြည်စေလိုပေ။ မှားယွင်းသောဆရာများသည် အသင်းတော်အတွင်းသို့ ထိုးဖောက်ဝင်ရောက်ပြီး အခြားသော “ယေရှု”ကို လူတို့အား ဖော်ပြပြီး၊ ၎င်းတို့က မုသာများကို လက်ခံခဲ့ကြောင်း ထောက်ပြခဲ့သည် (၂ ကော ၁၁:၃-၄)။

ပေါလုသည် ဤအယောင်ဆောင်ဆရာများ၏ မှားယွင်းသောယုံကြည်မှုကို ရှုတ်ချခဲ့သည်။ သူ၏ပထမစာစောင်တွင် သခင်ယေရှုနှင့်ပတ်သက်သည့် သမ္မာကျမ်းစာ၏အမှန်တရားကို ပြန်လည်သုံးသပ်ခဲ့သည်။ ဤသခင်ယေရှုသည် ကျွန်ုပ်တို့၏အပြစ်အတွက်…