မှန်လုနီးပါးအရာသည် မှားနေဆဲဖြစ်သည်

Redwood အနီရောင်သစ်ထွက် သစ်ပင်များ၏ ကြီးထွားမှု ရပ်တန့်မသွားစေရန် ‌ဟော်မုန်းဆေး တစ်မျိုးထိုးပြီး သုတေသနပြု ရိုက်ကူးထားသော ဗီဒီယိုတင်ဆက်မှု၌ ရုပ်ရှပ်ရိုက်ကူးရေးပညာ အလွန်ကောင်းသည်။ အသံပိုင်းဆိုင်ရာ ပေါ်လွင်ပြီး အသံငြိမ်သည်။ ပါဝင်သောအပိုင်းကဏ္ဍများက စိတ်ဝင်စားစရာကောင်းပြီး၊ ဆက်စပ်မှုရှိသည်။ သို့သော်လည်း ဆေးထိုးခံရသည့်အပင်များမှာ ဆောင်း၏ သဘာဝရာသီစက်ဝန်းကို ခံစားခွင့် မရသဖြင့် သေသွားကြသည်။

ထိုဗီဒီယိုမှ ပေးလိုသည့်သတင်းစကားမှာ ကျွန်ုပ်တို့သည် အနားမယူဘဲ အမြဲ အလုပ်ရှုပ်နေပါက ဤအဖြစ်မျိုးကြုံလာနိုင်ပါသည်။ ထိုအရာက အဖြစ်မှန် ဖြစ်နိုင်ပါသည်။ သို့သော် ထိုဗီဒီယိုတွင် ပါဝင်သည့်အရာများက တိကျမှန်ကန်မှု မရှိပါ။ ထိုစမ်းသပ်လေ့လာမှုမျိုးလည်း တစ်ခါမျှ မရှိခဲ့ဘူးပါ။ Redwood ဟူသောအပင်သည် အမှန်တွင် အမြဲစိမ်းသစ်ပင်ဖြစ်ပြီး ဘယ်သောအခါမျှ ကြီးထွားမှု မရပ်တန့်ပါ။ ဗီဒီယိုထဲရှိ အပင်မှာ Redwood အပင်မဟုတ်ဘဲ ကြီးမားသော Sequoias (စကွိုင်ယာ) အပင်ကြီးမျိုးဖြစ်ပါသည်။ ထိုဗီဒီယိုအား အရှိအတိုင်း…

တောင်များကို အတူတကွ ကျော်လွှားနိုင်ခြင်း

“မြန်မြန်သွားချင်ရင် တစ်ယောက်တည်းသွား၊ ဝေးဝေးသွားချင်ရင် အတူတူသွား” ဟူသည့် ဆိုရိုးစကား၏မူကွဲအချို့ကို သင်မြင်ဖူးကြားဖူးပေလိမ့်မည်။ နှစ်သက်ဖွယ်ရာကောင်းသည့် အတွေးတစ်ခုမဟုတ်ပေဘူးလား။ သို့သော် ဤစကားလုံးများသည် နှစ်လိုဖွယ်ကောင်းရုံသာမက မှန်ကန်ကြောင်း စိတ်ချရသည့် သေချာခိုင်မာသော သုတေသနပြုချက် ရှိပါသလား။

ရှိပါသည်။ အမှန်စင်စစ် ဗြိတိန်နှင့် အမေရိကန်သုတေသီများ၏ လေ့လာမှုတစ်ခုအရ လူများသည် အခြားသူတစ်ဦးနှင့်အတူ ရပ်နေချိန်၌ တောင်များသည် သိသိသာသာ သေးငယ်သည်ဟု ခန့်မှန်းခဲ့ကြပြီး၊ လူတစ်ဦးတည်း ရပ်နေပါက ဆန့်ကျင်ဘက်ဖြစ်သွားသည်။ တစ်နည်းဆိုရလျှင် “လူမှုပံ့ပိုးမှု”သည် အရေးပါသည်။ မည်မျှအရေးပါသနည်းဆိုသော် ကျွန်ုပ်တို့၏စိတ်ထဲတွင် တောင်များ၏ အရွယ်အစားကိုပင် ကျုံ့သွားသည်ဟု ထင်စေနိုင်သည်။

ဒါဝိဒ်သည် သူနှင့်ယောနသန်၏ခင်မင်ရင်းနှီးမှုတွင် ထိုသို့သော နှစ်လိုဖွယ်ကောင်းပြီး စစ်မှန်သော အားပေးမှုမျိုးကို တွေ့ရှိခဲ့သည်။ ဒါဝိဒ်၏လက်ရှိဘဝတွင် ရှောလုဘုရင်၏မနာလိုဒေါသသည် မကျော်လွှားနိုင်သောတောင်နှင့်တူပြီး၊ သူ့အသက်အန္တရာယ်အတွက် စိုးရိမ်စရာဖြစ်စေခဲ့သည် (၁ ရာ ၁၉:၉-၁၈)။ ဤအခြေအနေမျိုးတွင် သူ၏အရင်းနှီးဆုံး သူငယ်ချင်း၏ပံ့ပိုးမှုမျိုး မရှိခဲ့လျှင်…

ပြန်လည်ဖော်ထုတ်ရေး အလေ့အကျင့်

အကြောင်းအရာတစ်ခုကို ပြောနေရင်း နာမည် သို့မဟုတ် နေ့စွဲကို မမှတ်မိဘဲ ရပ်လိုက်ရသောအချိန် ရှိခဲ့ဖူးပါသလား။ အသက်အရွယ်ကြောင့် အချိန်ကြာလာသည်နှင့်အမျှ မှတ်ဉာဏ်များ မှေးမှိန်ပျောက်ကွယ်သွားသည်ဟု ကျွန်ုပ်တို့ ယုံကြည်ကြသည်။ သို့သော် မကြာမီက လေ့လာတွေ့ရှိမှုများက ထိုအမြင်ကို မထောက်ခံတော့ပါ။ အမှန်မှာ ကျွန်ုပ်တို့၏မှတ်ဉာဏ်က ပြဿနာမဟုတ်ဘဲ၊ ထိုမှတ်ဉာဏ်များကို ပြန်လည်ရယူနိုင်သောစွမ်းရည်၌သာ ပြဿနာဖြစ်နေကြောင်းကို လေ့လာချက်များက ထောက်ပြကြသည်။ အရာတစ်ခုခုကို ပုံမှန်လေ့ကျင့်မှုမလုပ်လျှင် မှတ်ဉာဏ်များကို ရယူနိုင်ရန် ခက်ခဲလာပါသည်။

မှတ်ဉာဏ်ပြန်လည်ရယူနိုင်စွမ်း တိုးတက်လာရန် လုပ်ဆောင်ရမည့် နည်းလမ်းတစ်ခုမှာ ပုံမှန်သတ်မှတ်ထားသော လုပ်ဆောင်ချက်များ သို့မဟုတ် မှတ်ဉာဏ်အချို့ကို ပြန်လည်တွေးတောခြင်းဖြစ်သည်။ ကျွန်ုပ်တို့၏ဖန်ဆင်းရှင် ဘုရားသခင်သည် ဤအရာကို သိသောကြောင့် ဝတ်ပြုကိုးကွယ်ခြင်းနှင့် အနားယူခြင်းအတွက် တစ်ပတ်လျှင် တစ်ရက်ကို ဖယ်ထားရန် ဣသရေလလူမျိုးများအား ညွှန်ကြားခဲ့သည်။ ထိုသို့ ရုပ်ပိုင်းဆိုင်ရာအနားယူခြင်းအပြင်၊ “ထာဝရဘုရားသည် မိုးကောင်းကင်၊ မြေကြီး၊ သမုဒ္ဒရာ၊ အရပ်ရပ်၌ရှိသမျှတို့ကို ခြောက်ရက်တွင်…

စကားလုံးလေးလုံးထဲမှ အသက်တာ

J. I. Packer ဟု လူသိများသည့် James Innell Packerသည်၂၀၂၀ ခုနှစ်၌ အသက် ၉၄နှစ် မပြည့်မီ ၅ ရက် အလိုတွင် ကွယ်လွန်ခဲ့သည်။ ဓမ္မပညာရှင်နှင့် စာရေးဆရာဖြစ်သူ ပက်ကာ၏ အကျော်ကြားဆုံးစာအုပ် "Knowing God" သည် စတင်ထုတ်ဝေစဉ်ကပင် ၁.၅ သန်းကျော် ရောင်းထွက်ခဲ့သည်။ Packerသည် သမ္မာကျမ်းစာ၏ တန်ခိုးအာဏာရှိခြင်း၊ တပည့်တော်ဖြစ်စေခြင်းလုပ်ငန်းတို့ကို ကာကွယ်ထောက်ခံပြီး ခရစ်တော်၌ ယုံကြည်သူများအား နေရာတိုင်း၌ ခရစ်တော်အတွက် အလေးအနက်ရှင်သန်ရန် တိုက်တွန်းခဲ့သည်။ အသက်ကြီးချိန်တွင်မှ အသင်းတော်အတွက် နောက်ဆုံးအမှာစကားပြောပေးရန် တောင်းဆိုခံခဲ့ရသည်။ သူ၏စကားလုံးလေးလုံးပါသည့် စာတစ်ကြောင်းမှာ “Glorify Christ every way” - ရှိသမျှနည်းမျိုးစုံဖြင့် ခရစ်တော်၏ဘုန်းတော် ထင်ရှားစေပါဟူ၍ဖြစ်၏။

ထိုစကားလုံးများက အံ့ဩဖွယ် အသက်တာပြောင်းလဲပြီးနောက် သစ္စာရှိစွာ ဘုရားသခင်၏အမှုတော်မြတ်ကို စတင်ဆောင်ရွက်ကာ ရလဒ်များကို ဘုရားထံ…

ဆာငတ်ပြီး ကျေးဇူးတော်ကို ချီးမွမ်းတတ်သော

ကျွန်တော်နှင့် သူငယ်ချင်းနှစ်ယောက်တို့ မသေမီလုပ်လိုသောအရာများစာရင်းမှ လုပ်ပြီးသွားသည့်အရာများကို ဖျက်နေကြသည်။ Grand Canyon အပျော်ခြေလျင်ခရီးသွားခြင်း။ ကျွန်တော်တို့၏ ခြေလျင်ခရီးစတင်စဉ် ရေ လောက်ပါ့မလားဟု တွေးရင်းနှင့်ပင်၊ ရေမြန်မြန်ကုန်သွားခဲ့သည်။ တောင်ကမ်းပါးသို့ရောက်အောင်သွားရမည့်ခရီး ရှိနေသေးသော်လည်း ရေလုံးဝပြတ်သွားသည်။ မောပန်းမှုနှင့်အတူ ဆုတောင်းမိသည်။ ထို့နောက် ထောင့်ချိုးတစ်နေရာသို့ ‌ရောက်သော် အံ့ဖွယ်ရာဟု မှတ်သားခဲ့သည့်အရာ ဖြစ်ပျက်ခဲ့သည်။ ကျွန်တော်တို့သည် ကျောက်ကြား၌လျှိုထည့်ထားသည့် ရေသုံးပုလင်းနှင့်စာတိုကလေးကို  တွေ့လိုက်ရပြီး၊ “သင် ဒါကို လိုအပ်မယ်ဆိုတာ သိနေတယ်။ ပျော်ရွှင်စွာ သုံးဆောင်ပါ”ဟု ရေးထားသည်။ ကျွန်တော်တို့ တစ်ဦးကိုတစ်ဦးကြည့်ပြီး မယုံ နိုင်လောက်အောင် ဖြစ်လျက်၊ ဘုရားသခင်ကို ကျေးဇူးတင်ကြောင်း တီးတိုးပြောကာ အလွန်လိုအပ်နေသော ရေနှစ်ငုံစာကို သောက်ပြီးနောက် နောက်ဆုံးလမ်းပိုင်းခရီးကို နှင်ခဲ့ကြသည်။ ဤမျှလောက် ရေငတ်ပြီး ကျေးဇူးတင်မိခြင်းကို ကျွန်တော်၏ဘ၀တွင် တစ်ခါမျှမဖြစ်ခဲ့ဖူး၊ မကြုံခဲ့ဖူးပါ။

ဆာလံဆရာ၌ ကရန်းကင်ရွန် အတွေ့အကြုံမရှိငြားလည်း၊ သမင်တစ်ကောင် ရေငတ်ပြီး ကြောက်လန့်သောအခါ မည်သို့ပြုမူသည်ကို သူသိကြောင်း…

အသက်ကြီးသူတစ်ဦးထံမှ အကြံဉာဏ်

“ကျွန်တော် ဘာကို နောင်တရသလဲ” ဆိုသော မေးခွန်းကို New York Times သတင်းစာ၏ ရောင်းအားအကောင်းဆုံးစာရေးဆရာ George Saunders (ဂျော့ဂျ် စောင်ဒါစ်)က ၂၀၁၃ ခုနှစ်၊ Syracuse (စီရီခရုစ်) တက္ကသိုလ် ဘွဲ့နှင်းသဘင် မိန့်ခွန်းပြောကြားရာ၌ ဖြေ‌ပေးခဲ့သည်။ သူ့နည်းလမ်းမှာ အသက်ကြီးသူတစ်ဦး အနေဖြင့် (စောင်ဒါစ်)သည် သူ့ဘဝရှိ နောင်တရစရာအကြောင်း တစ်ခု၊ နှစ်ခုကို (ဘွဲ့ရ) လူငယ်များထံ မျှဝေပေးခြင်းဖြင့် သူ၏နမူနာများမှ သူတို့သင်ခန်းစာ တစ်စုံတစ်ရာရရှိသွားရန်ဖြစ်သည်။ ဆင်းရဲနွမ်းပါးခြင်း၊ ဆိုးရွားသည့်အလုပ်များကို လုပ်ကိုင်ခဲ့ရခြင်းစသည်ဖြင့် လူအများက သူနောင်တရမည်ဟုထင်သည့် အချက်အနည်းငယ်ကို သူပြုစုထားခဲ့သည်။ သို့သော် ထိုအရာများအတွက် စောင်ဒါစ် တကယ် ‌နောင်တမရခဲ့ကြောင်း ပြောခဲ့သည်။ သို့သော် ကြင်နာမှုပြသရန် ပျက်ကွက်ခဲ့ခြင်းကို သူတကယ်နောင်တရခဲ့သည်။ သူ၌ တစ်စုံတစ်ဦးကိုကြင်နာမှုပြသရန် အခွင့်အရေးများ ရှိခဲ့သော်လည်း ၎င်းတို့ကို သူလက်လွှတ်ခဲ့ခြင်းဖြစ်သည်။

ခရစ်ယာန်အသက်တာသည် မည်သို့မည်ပုံရှိသနည်း…

ယေရှုကဲ့သို့ ချစ်ခြင်း

“သူ့ကို အားလုံးက ချစ်ကြသည်။” ဤစကားများသည် အီတလီနိုင်ငံ၊ ခါစ်နီဂို  (Casnigo) မြို့မှ Giuseppe Berardelli (ဂျူစပီ ဘရာဒယ်လီ) ဆိုသူကို ဖော်ပြရန်သုံးသော စကားလုံးများ ဖြစ်သည်။ ဂျူစပီ သည် ဆိုင်ကယ်အဟောင်းတစ်စီးဖြင့် မြို့တွင်းသို့ လှည့်ပတ်သွားရင်း “ကောင်းမွန်ချမ်းမြေ့ပါစေ” ဟူသော စကားဖြင့် အမြဲနှုတ်ခွန်းဆက်တတ်သော အများကချစ်မြတ်နိုးသူတစ်ဦးဖြစ်သည်။ သူသည် အခြားသူများကောင်းကျိုးအတွက် မမောမပန်း လုပ်ဆောင်ခဲ့သည်။ သို့သော် သူ့ဘဝ၏ နောက်ဆုံးနှစ်များတွင် ကိုရိုနာဗိုင်းရပ်စ်ကူးစက်ခံရချိန်၌ ကျန်းမာရေး ပိုမိုဆိုးရွားလာခဲ့သည်။ ထိုအခါ ရပ်ကွက်မှ သူ့အတွက် အသက်ရှူစက်ကို ဝယ်ပေးခဲ့သည်။ သို့သော် သူ့အခြေအနေ ပိုဆိုးလာသည့်အခါ အသက်ရှူကိရိယာကို လိုအပ်သော ငယ်ရွယ်သောလူနာတစ်ဦးကို ပေးသုံးရန် သူရွေးချယ်ခဲ့သည်။ သူ၏ငြင်းဆိုမှုကို ကြားရသူ မည်သူကမျှ အံ့ဩခြင်းမရှိပေ။ အဘယ့်ကြောင့်ဆိုသော် ၎င်းသည် အခြားသူများကို ချစ်ခြင်းကြောင့် အချစ်ခံရသူ၊ လေးစားမြတ်နိုးခံရသူ- သူ၏စရိုက်သဘော ဖြစ်သောကြောင့်တည်း။…

ဘုရားသခင်ကို ဟစ်ခေါ်ခြင်း

ဒေါက်တာ Russell Moore (ရာစယ်မော)၏ ‘Adopted for Life’ (ရာသက်ပန်မွေးစားခံရသူ) ဟူသည့်စာအုပ်တွင် ကလေး တစ်ယောက်မွေးစားရန် မိဘမဲ့ဂေဟာသို့  မိသားစုနှင့် သွားခဲ့သည့်အကြောင်းကို ရေးသားထားသည်။ မွေးကင်းစကလေးများထားသော အခန်းတွင်းသို့ သူတို့ဝင်လိုက်စဥ် အံ့ဩဖွယ် ငြိမ်သက်တိတ်ဆိတ်နေသည်။ ပုခက်ထဲမှ ကလေးငယ်များသည် ဘယ်တော့မှ မငိုကြပါ။ သူတို့အတွက် အမြဲတမ်း ဘာလိုအပ်ချက်မှ မရှိသောကြောင့် မဟုတ်ပါ။ သူတို့အသံကို မည်သူကမှ အရေးစိုက်ဂရုပြုမည်မဟုတ်ကြောင်းကို သိရှိခြင်းကြောင့် ဖြစ်သည်။

ထိုအကြောင်းကို ဖတ်ပြီး ကျွန်တော့်နှလုံးသားနာကျင်ခဲ့ရသည်။ ကျွန်တော်တို့၏ကလေးများ ငယ်ရွယ်စဥ်က မရေတွက်နိုင်သော ညပေါင်းများစွာကို အမှတ်ရမိသည်။ ကျွန်တော်တို့ဇနီးမောင်နှံအိပ်မောကျနေချိန်တွင် “ဖေဖေ၊ သားနေမကောင်းဘူး။” “မေမေ၊ သမီးကြောက်တယ်” စသည်ဖြင့် သူတို့၏အသံများကြောင့်သာ ကျွန်တော်တို့ လန့်နိုးခဲ့ရပြီး၊ တစ်ဦးဦးက အလျင်အမြန်ထပြီး သူတို့အိပ်ခန်းထဲပြေးဝင်လျက် သူတို့ကို အစွမ်းကုန် နှစ်သိမ့်ဖေးမကြစမြဲပင်။ ကလေးများအ‌ပေါ်ထားသောမေတ္တာက မိဘတို့၏ကူညီမစမှုကို တောင်းခံ‌ရသည့် သူတို့၏အကြောင်းပြချက်ဖြစ်သည်။

ဆာလံကျမ်းတွင်လည်း ဘုရားသခင်ထံသို့ ငိုကြွေးအော်ဟစ်ခြင်း၊…

မိတ်ဆွေသူငယ်ချင်း

နှစ်ရှည်လများ ပေါင်းဖော်ခဲ့သော မိတ်ဆွေနှင့် ကျွန်တော်တို့ နှစ်အတန်ကြာမျှ မတွေ့ဘဲ ကွဲသွားကြသည်။ ထိုအတောအတွင်း သူ၌ ကင်ဆာရောဂါတွေ့ရှိခဲ့ပြီး ဆေးကုသမှု စတင်ခံယူခဲ့သည်။ မမျှော်လင့်ဘဲ သူရှိသောပြည်နယ်သို့ ခရီးထွက်ခဲ့ရပြီး သူနှင့်နောက်တစ်ကြိမ်တွေ့ရန် အခွင့်အရေးရခဲ့သည်။ စားသောက်ဆိုင်အတွင်းသို့ ကျွန်တော်ဝင်လာသောအခါ နှစ်ဦးစလုံး မျက်ရည်လည်ခဲ့သည်။ နှစ်ဦးသား တစ်ခန်းတည်းအတူနေခဲ့ချိန်က ကြာညောင်းခဲ့ပြီဖြစ်ပြီး၊ ယခုတွင် ဘဝ၏တိုတောင်းမှုကို သတိပေးနေသော သေခြင်းတရားက ထောင့်တစ်နေရာတွင် ဝပ်တွားခိုဝင်လျက်ရှိသည်။ဘဝ၏စွန့်စားမှုများ၊ ကိုးရို့ကားယားနိုင်မှုများ၊ ရယ်မောခြင်းများ၊ ဆုံးရှုံးမှုများ၊ ချစ်မေတ္တာတို့ပြည့်ဝနေသော နှစ်ရှည်လများ ပေါင်းသင်းဆက်ဆံရေးကြောင့် ကျွန်ုပ်တို့နှစ်ဦးသား မျက်ရည်မိုးများ ရွာသွန်းဖြိုးခဲ့သည်။ တစ်ဦးနှင့်တစ်ဦးကြည့်ကာ မျက်ရည်များစွာဖြင့် ချစ်ခြင်းမေတ္တာများ ယိုဖိတ်လာသည်။

သခင်ယေရှုသည်လည်း ငိုကြွေးခဲ့သည်။ ယုဒလူတို့က “သခင်ကြွ၍ ကြည့်တော်မူပါ” (ယော ၁၁:၃၄) ဟုပြောသောအခါ သခင်ယေရှုသည် သူ၏မိတ်ဆွေကောင်း လာဇရု၏ သင်္ချိုင်းဂူရှေ့တွင် မတ်တပ်ရပ်ခဲ့သော အချိန်အခိုက်အတန့်ကို ရှင်ယောဟန်ခရစ်ဝင်ကျမ်းတွင် မှတ်တမ်းတင်ထားသည်။ ကျွန်ုပ်တို့၏…

ကျွန်ုပ်တို့၏ခိုလှုံရာ

မြောက်အမေရိကရှိ ထိုဒေသသည် မူလက ကျွဲများကျက်စားရာနေရာဖြစ်ခဲ့သည်။ အစတွင် ထိုလွင်ပြင်ဒေသ၌ ပလိန်းစ် အင်ဒီယန်းလူမျိုးများက ကျွဲရိုင်းများကိုလိုက်လံဖမ်းဆီးပြီး၊ နောက်ပိုင်းတွင် အိမ်မွေးတိရစ္ဆာန်များနှင့် ရွှေ့ပြောင်းလာကာ ကောက်ပဲသီးနှံများစိုက်ပျိုးရင်း အခြေချနေထိုင်ခဲ့ကြသည်။ ဒုတိယကမ္ဘာစစ်အတွင်း Pearl Harbor (ပုလဲဆိပ်ကမ်း)ပြီးလျှင် ဓာတုပစ္စည်းများ ထုတ်လုပ်သည့်နေရာအဖြစ် အသုံးပြုခဲ့ကြပြီး၊ သည့်နောက်တွင် (Cold War) စစ်အေးခေတ်၌ စစ်လက်နက်မဲ့ဇုံအဖြစ် သတ်မှတ်ခဲ့ကြသည်။ သို့သော် ထိုနေရာ၌ လင်းယုန် ငှက်များ ကျက်စားနေသည်ကို ရှာဖွေတွေ့ရှိခဲ့ပြီးနောက်၊ မကြာမီ ကိုလိုရာဒို ပြည်နယ်၊ ဒန်ဗာမြို့အစွန်ရှိ ပရေရီမြက်ခင်းပြင် (prairie)၊ ရွှံ့နွံတောနှင့် သစ်တောထူထပ်သောဒေသတွင် ဧကတစ်သောင်းခွဲကျယ်ပြန့်သော ‘Rocky Mountain Arsenal National Wildlife Refuge’ (ရော့ကီးတောင်လက်နက်တိုက်ရှိ နိုင်ငံ့ တောရိုင်းတိရစ္ဆာန်များ ခိုလှုံရာ)ဘေးမဲ့တောကြီး ပေါ်ပေါက်လာခဲ့သည်။ ယခုတွင် ၎င်းသည် နိုင်ငံအတွင်းရှိ အကြီးမားဆုံးသော မြို့ပြဘေးမဲ့တောများတွင် တစ်ခုအပါအဝင် ဖြစ်သည်။…