ယေရှုကဲ့သို့ ချစ်ခြင်း

“သူ့ကို အားလုံးက ချစ်ကြသည်။” ဤစကားများသည် အီတလီနိုင်ငံ၊ ခါစ်နီဂို  (Casnigo) မြို့မှ Giuseppe Berardelli (ဂျူစပီ ဘရာဒယ်လီ) ဆိုသူကို ဖော်ပြရန်သုံးသော စကားလုံးများ ဖြစ်သည်။ ဂျူစပီ သည် ဆိုင်ကယ်အဟောင်းတစ်စီးဖြင့် မြို့တွင်းသို့ လှည့်ပတ်သွားရင်း “ကောင်းမွန်ချမ်းမြေ့ပါစေ” ဟူသော စကားဖြင့် အမြဲနှုတ်ခွန်းဆက်တတ်သော အများကချစ်မြတ်နိုးသူတစ်ဦးဖြစ်သည်။ သူသည် အခြားသူများကောင်းကျိုးအတွက် မမောမပန်း လုပ်ဆောင်ခဲ့သည်။ သို့သော် သူ့ဘဝ၏ နောက်ဆုံးနှစ်များတွင် ကိုရိုနာဗိုင်းရပ်စ်ကူးစက်ခံရချိန်၌ ကျန်းမာရေး ပိုမိုဆိုးရွားလာခဲ့သည်။ ထိုအခါ ရပ်ကွက်မှ သူ့အတွက် အသက်ရှူစက်ကို ဝယ်ပေးခဲ့သည်။ သို့သော် သူ့အခြေအနေ ပိုဆိုးလာသည့်အခါ အသက်ရှူကိရိယာကို လိုအပ်သော ငယ်ရွယ်သောလူနာတစ်ဦးကို ပေးသုံးရန် သူရွေးချယ်ခဲ့သည်။ သူ၏ငြင်းဆိုမှုကို ကြားရသူ မည်သူကမျှ အံ့ဩခြင်းမရှိပေ။ အဘယ့်ကြောင့်ဆိုသော် ၎င်းသည် အခြားသူများကို ချစ်ခြင်းကြောင့် အချစ်ခံရသူ၊ လေးစားမြတ်နိုးခံရသူ- သူ၏စရိုက်သဘော ဖြစ်သောကြောင့်တည်း။…

ဘုရားသခင်ကို ဟစ်ခေါ်ခြင်း

ဒေါက်တာ Russell Moore (ရာစယ်မော)၏ ‘Adopted for Life’ (ရာသက်ပန်မွေးစားခံရသူ) ဟူသည့်စာအုပ်တွင် ကလေး တစ်ယောက်မွေးစားရန် မိဘမဲ့ဂေဟာသို့  မိသားစုနှင့် သွားခဲ့သည့်အကြောင်းကို ရေးသားထားသည်။ မွေးကင်းစကလေးများထားသော အခန်းတွင်းသို့ သူတို့ဝင်လိုက်စဥ် အံ့ဩဖွယ် ငြိမ်သက်တိတ်ဆိတ်နေသည်။ ပုခက်ထဲမှ ကလေးငယ်များသည် ဘယ်တော့မှ မငိုကြပါ။ သူတို့အတွက် အမြဲတမ်း ဘာလိုအပ်ချက်မှ မရှိသောကြောင့် မဟုတ်ပါ။ သူတို့အသံကို မည်သူကမှ အရေးစိုက်ဂရုပြုမည်မဟုတ်ကြောင်းကို သိရှိခြင်းကြောင့် ဖြစ်သည်။

ထိုအကြောင်းကို ဖတ်ပြီး ကျွန်တော့်နှလုံးသားနာကျင်ခဲ့ရသည်။ ကျွန်တော်တို့၏ကလေးများ ငယ်ရွယ်စဥ်က မရေတွက်နိုင်သော ညပေါင်းများစွာကို အမှတ်ရမိသည်။ ကျွန်တော်တို့ဇနီးမောင်နှံအိပ်မောကျနေချိန်တွင် “ဖေဖေ၊ သားနေမကောင်းဘူး။” “မေမေ၊ သမီးကြောက်တယ်” စသည်ဖြင့် သူတို့၏အသံများကြောင့်သာ ကျွန်တော်တို့ လန့်နိုးခဲ့ရပြီး၊ တစ်ဦးဦးက အလျင်အမြန်ထပြီး သူတို့အိပ်ခန်းထဲပြေးဝင်လျက် သူတို့ကို အစွမ်းကုန် နှစ်သိမ့်ဖေးမကြစမြဲပင်။ ကလေးများအ‌ပေါ်ထားသောမေတ္တာက မိဘတို့၏ကူညီမစမှုကို တောင်းခံ‌ရသည့် သူတို့၏အကြောင်းပြချက်ဖြစ်သည်။

ဆာလံကျမ်းတွင်လည်း ဘုရားသခင်ထံသို့ ငိုကြွေးအော်ဟစ်ခြင်း၊…

မိတ်ဆွေသူငယ်ချင်း

နှစ်ရှည်လများ ပေါင်းဖော်ခဲ့သော မိတ်ဆွေနှင့် ကျွန်တော်တို့ နှစ်အတန်ကြာမျှ မတွေ့ဘဲ ကွဲသွားကြသည်။ ထိုအတောအတွင်း သူ၌ ကင်ဆာရောဂါတွေ့ရှိခဲ့ပြီး ဆေးကုသမှု စတင်ခံယူခဲ့သည်။ မမျှော်လင့်ဘဲ သူရှိသောပြည်နယ်သို့ ခရီးထွက်ခဲ့ရပြီး သူနှင့်နောက်တစ်ကြိမ်တွေ့ရန် အခွင့်အရေးရခဲ့သည်။ စားသောက်ဆိုင်အတွင်းသို့ ကျွန်တော်ဝင်လာသောအခါ နှစ်ဦးစလုံး မျက်ရည်လည်ခဲ့သည်။ နှစ်ဦးသား တစ်ခန်းတည်းအတူနေခဲ့ချိန်က ကြာညောင်းခဲ့ပြီဖြစ်ပြီး၊ ယခုတွင် ဘဝ၏တိုတောင်းမှုကို သတိပေးနေသော သေခြင်းတရားက ထောင့်တစ်နေရာတွင် ဝပ်တွားခိုဝင်လျက်ရှိသည်။ဘဝ၏စွန့်စားမှုများ၊ ကိုးရို့ကားယားနိုင်မှုများ၊ ရယ်မောခြင်းများ၊ ဆုံးရှုံးမှုများ၊ ချစ်မေတ္တာတို့ပြည့်ဝနေသော နှစ်ရှည်လများ ပေါင်းသင်းဆက်ဆံရေးကြောင့် ကျွန်ုပ်တို့နှစ်ဦးသား မျက်ရည်မိုးများ ရွာသွန်းဖြိုးခဲ့သည်။ တစ်ဦးနှင့်တစ်ဦးကြည့်ကာ မျက်ရည်များစွာဖြင့် ချစ်ခြင်းမေတ္တာများ ယိုဖိတ်လာသည်။

သခင်ယေရှုသည်လည်း ငိုကြွေးခဲ့သည်။ ယုဒလူတို့က “သခင်ကြွ၍ ကြည့်တော်မူပါ” (ယော ၁၁:၃၄) ဟုပြောသောအခါ သခင်ယေရှုသည် သူ၏မိတ်ဆွေကောင်း လာဇရု၏ သင်္ချိုင်းဂူရှေ့တွင် မတ်တပ်ရပ်ခဲ့သော အချိန်အခိုက်အတန့်ကို ရှင်ယောဟန်ခရစ်ဝင်ကျမ်းတွင် မှတ်တမ်းတင်ထားသည်။ ကျွန်ုပ်တို့၏…

ကျွန်ုပ်တို့၏ခိုလှုံရာ

မြောက်အမေရိကရှိ ထိုဒေသသည် မူလက ကျွဲများကျက်စားရာနေရာဖြစ်ခဲ့သည်။ အစတွင် ထိုလွင်ပြင်ဒေသ၌ ပလိန်းစ် အင်ဒီယန်းလူမျိုးများက ကျွဲရိုင်းများကိုလိုက်လံဖမ်းဆီးပြီး၊ နောက်ပိုင်းတွင် အိမ်မွေးတိရစ္ဆာန်များနှင့် ရွှေ့ပြောင်းလာကာ ကောက်ပဲသီးနှံများစိုက်ပျိုးရင်း အခြေချနေထိုင်ခဲ့ကြသည်။ ဒုတိယကမ္ဘာစစ်အတွင်း Pearl Harbor (ပုလဲဆိပ်ကမ်း)ပြီးလျှင် ဓာတုပစ္စည်းများ ထုတ်လုပ်သည့်နေရာအဖြစ် အသုံးပြုခဲ့ကြပြီး၊ သည့်နောက်တွင် (Cold War) စစ်အေးခေတ်၌ စစ်လက်နက်မဲ့ဇုံအဖြစ် သတ်မှတ်ခဲ့ကြသည်။ သို့သော် ထိုနေရာ၌ လင်းယုန် ငှက်များ ကျက်စားနေသည်ကို ရှာဖွေတွေ့ရှိခဲ့ပြီးနောက်၊ မကြာမီ ကိုလိုရာဒို ပြည်နယ်၊ ဒန်ဗာမြို့အစွန်ရှိ ပရေရီမြက်ခင်းပြင် (prairie)၊ ရွှံ့နွံတောနှင့် သစ်တောထူထပ်သောဒေသတွင် ဧကတစ်သောင်းခွဲကျယ်ပြန့်သော ‘Rocky Mountain Arsenal National Wildlife Refuge’ (ရော့ကီးတောင်လက်နက်တိုက်ရှိ နိုင်ငံ့ တောရိုင်းတိရစ္ဆာန်များ ခိုလှုံရာ)ဘေးမဲ့တောကြီး ပေါ်ပေါက်လာခဲ့သည်။ ယခုတွင် ၎င်းသည် နိုင်ငံအတွင်းရှိ အကြီးမားဆုံးသော မြို့ပြဘေးမဲ့တောများတွင် တစ်ခုအပါအဝင် ဖြစ်သည်။…

အဆက်အသွယ်မပြတ်ရှိနေပါ

Madeleine L’Engle (မယ်ဒလင်း အယ်လန်ဂန်)သည် သူ့မိခင်ကို တစ်ပတ် တစ်ကြိမ် ဖုန်းခေါ်သည့် အလေ့အထကို ကျင့်ဆောင်ခဲ့သည်။ သူမမိခင်သည် နောက်ပိုင်းတွင် သူမနှင့်အတူ ပြောင်းရွှေ့နေထိုင်သည့်အခါ ချစ်လှစွာသော ဝိညာဥ်ရေးရာစာရေးဆရာမသည် “အဆက်အသွယ်မပြတ်ရှိနေရန်” မကြာခဏဆိုသလို ပို၍ပင် ဖုန်းခေါ်ခဲ့သည်။ ထိုနည်းတူ သူမကလေးများက သူမကိုဖုန်းခေါ်ပြီး အဆက်အသွယ် မပြတ်အောင် ထိုအလေ့အထကို စောင့်ထိန်းခြင်းကို မယ်ဒလင်း နှစ်သက်သည်။ တစ်ခါတစ်ရံတွင် အရေးပါသော အမေးအဖြေများနှင့် ပြည့်နှက်နေသော ရှည်လျားသည့် အပြန်အလှန်စကားပြောခြင်း ဖြစ်နေတတ်သည်။ အခြားအချိန်များတွင် ဤဖုန်းနံပါတ်ကို ခေါ်၍ရနေခြင်းပင်လျှင် လုံလောက်ပါပြီ။ ‘Walking on Water’ (ရေပေါ်တွင်လမ်းလျှောက်ခြင်း) စာအုပ်ထဲတွင် သူရေးသားခဲ့သလိုပင် “ကလေးတွေ အဆက်အသွယ်မပြတ်ရှိနေခြင်းက ကောင်းပါသည်။ ကျွန်ုပ်တို့ ကလေးများအားလုံးသည် ခမည်းတော်ဘုရားနှင့် အဆက်အသွယ်မပြတ် ရှိနေခြင်းမှာ ကောင်းပါသည်”။

ကျွန်ုပ်တို့အများစုသည် ရှင်မဿဲခရစ်ဝင် ၆:၉-၁၃ ရှိ သခင်ဘုရား၏ပတ္ထနာတော်နှင့်…

ခွန်အားပေးသော ရေများ

၎င်းကို “စိမ်းလန်းစိုပြေလာခြင်း” အံ့ဖွယ်ဟု ကျွန်ုပ် ခေါ်သည်။ ၎င်းသည် နွေဦးပေါက်တိုင်း ဖြစ်လာသည်မှာ (၁၅) နှစ်ကျော်ကြာခဲ့ပြီ။ ဆောင်းရာသီကုန်ပြီးနောက် ကျွန်ုပ်တို့ ခြံထဲရှိ မြက်များမှာ မှိန်ပြီး ညိုနေသဖြင့် ပုံမှန် လမ်းသွားလမ်းလာတစ်ဦးဦးက ထိုမြက်များသေသွားပြီဟု ယုံနိုင်သည်။ အမေရိကန်နိုင်ငံ၊ ကော်လိုရာဒိုပြည်နယ် တောင်ပေါ်တွင် နှင်းများကျနေသော်လည်း “The Front Range” (အရှေ့ဝန်းကျင်) လွင်ပြင်ပိုင်းတွင် ရာသီဥတုမှာ ခြောက်သွေ့ပြီး ပို၍ပူနွေးသောလအများစုတွင် မိုးခေါင်မှုသတိပေးချက်များဖြင့် ပြည့်နှက်နေသည်။ နှစ်စဉ်နှစ်တိုင်း မေလကုန်ပိုင်းလောက်တွင် မြက်ခင်းပြင်ပေါ်သို့ ရေအမြောက်အမြား မဟုတ်ဘဲ ရေအနည်းငယ်မျှကို ညီတူညီမျှ ကျွန်ုပ်ပက်ဖြန်းပေးခဲ့သည်။ နှစ်ပတ်ခန့် အကြာတွင်၊ ခြောက်သွေ့ပြီး အညိုရောင်ရှိသည့်အရာက စိမ်းလန်းစိုပြည်သန်စွမ်းသောအရာအဖြစ်သို့ ပြောင်းလဲထွက်ပေါ်လာသည်။

အားပေးမှုက မည်မျှအရေးကြီးကြောင်း စိမ်းလန်းသောမြက်ပင်က ကျွန်ုပ်အား သတိပေးလာသည်။ ထိုသို့ အားပေးမှုမရှိပါက၊ ကျွန်ုပ်တို့ဘဝနှင့် ယုံကြည်ခြင်းသည် အသက်မဲ့သကဲ့သို့ ဖြစ်နေနိုင်ပါသည်။ သို့သော်…

ငါအမှန်ဆိုသည်ကား

“ပတ်၀န်းကျင်က ဘာတွေပြောနေလဲဆိုတာ ငါသိတယ်။ ဒါပေမဲ့ ငါမင်းကို အမှန်ပြောမယ် ...။” ကလေးတစ်ယောက်အနေနှင့် အမေ့ထံမှ ထိုစကားကို အကြိမ် ထောင်ပေါင်းများစွာ ကြားခဲ့ရသည်။ အကြောင်းရင်းမှာ ရွယ်တူချင်း၏ဖိအားနှင့် ပတ်သက်၍ လူအများနောက်မလိုက်ရန် အမေက ကြိုးစား၍သွန်သင်ခြင်းဖြစ်သည်။ ကျွန်တော်လည်း ကလေးအရွယ်လွန်လာခဲ့ပြီ။ သို့သော် လူများစု၏ လွှမ်းမိုးမှုက ကျွန်တော့်စိတ်ထဲတွင် ရှင်သန်နေဆဲပင်။ ဥပမာအနေနှင့် “သင့်ကိုယ်ကို အကောင်းမြင်သူများနှင့်သာ ဝန်းရံထားပါ” ဟူသည့်စကားစု ဆိုပါစို့။ အများအားဖြင့် ထိုစကားကို ကြားရသော်လည်း “အဲဒါ ခရစ်တော်နဲ့သဏ္ဌာန်တူစေသလား” ဟု ကျွန်ုပ်တို့မေးသင့်သည်။

“ငါအမှန်ဆိုသည်ကား ...၊ ငါပညတ်သည်ကား ...” ဟူသည့်စကားကို သခင်ယေရှု အကြိမ်ပေါင်းများစွာသုံးခဲ့ကြောင်း ရှင်မဿဲခရစ်ဝင် ၅ တွင် တွေ့ရသည်။ လောကကြီးမှ ကျွန်တော်တို့ကို မည်သည့်စကားများပြောနေသည်ကို သခင်ယေရှု ကောင်းကောင်းသိသည်။ သို့သော် ကျွန်ုပ်တို့ကို လောကီသားများနှင့် ကွဲပြားစွာ အသက်ရှင်ရန်…

သင့်နောက်သို့ ဘုရားသခင် အသေအချာလိုက်နေခြင်း

လွန်ခဲ့သည့် နှစ်အနည်းငယ်က ကျွန်တော့်အရှေ့ ဘလောက်တစ်ခုအကွာခန့်တွင် လူတစ်ယောက်သွားနေပြီး သူ့လက်၌ အထုပ်အပိုးများ အပြည့်ဖြစ်သည်ကို အထင်းသား မြင်ရသည်။ ရုတ်တရက်ပင် ထိုသူသည် ခလုတ်တိုက်ပြီး လက်မှပစ္စည်းအားလုံး လွတ်ကျသွားသည်။ လူတစ်ချို့က သူ့ကို ဆွဲထူမပေးပြီး ပြုတ်ကျသွားသည်များကို ပြန်လည်၍ကူညီကောက်ပေးခဲ့သည်။ သို့သော် သူ၏ပိုက်ဆံအိတ်ကို မတွေ့ဘဲ ကျန်နေခဲ့သည်။ ပိုက်ဆံအိတ်ကို ကျွန်တော်ကောက်ယူပြီး ဤအရေးကြီးပစ္စည်းကို ပြန်ပေးရန် မျှော်လင့်ချက်ဖြင့် ထိုသူစိမ်းနောက်သို့ အသည်းအသန် လိုက်ခဲ့သည်။ “အစ်ကို အစ်ကို” ဟု ကျွန်တော် အော်ခေါ်သည်။ နောက်ဆုံးတွင် သူသတိထားမိပြီး ကျွန်တော်သူ့ဆီအရောက် သူကလှည့်အကြည့်၊ ပိုက်ဆံအိတ်ကို သူ့အားကမ်းပေးချိန်တွင် အံ့ဩလျက် သက်သာရာရမှုနှင့် ကျေးဇူးတင်ကြောင်း ပေါ်လွင်နေသည့် သူ၏မျက်နှာကို ကျွန်တော် ဘယ်တော့မှ မေ့နိုင်တော့ပါ။

အစတွင် ထိုလူနောက်ပြေးလိုက်ခြင်းဖြစ်သော်လည်း ထူးခြားသောအရာအဖြစ် ပြောင်းလဲသွားသည်။ အကျွမ်းတဝင်ရှိလှသော ဆာလံကျမ်း ၂၃ ၏ နောက်ဆုံးအခန်းငယ်တွင်…

သတိတရဆုတောင်းချက်များ

“ငါမင်းအတွက် သတိတရနဲ့ဆုတောင်းပေးနေမယ်နော်။” ဤစကားပြောသူသည် အမှန်တကယ် ဆုတောင်းပေးနေသလား ဟုသင်တွေးမိမည်။ ထိုစကားကို Edna Davis (အဒ်နာဒါဗစ်)ပြောပါက လုံးဝထိုသို့တွေးစရာမလိုပါ။ မီးပွိုင့်တစ်ခုသာရှိသော မြို့ငယ်လေးမှ လူတိုင်းက စာမျက်နှာ တစ်မျက်နှာပြီးတစ်မျက်နှာတွင် အမည်တစ်ခုပြီးတစ်ခု တန်းစီရှိသည့် “မစ္စစ်အဒ်နာ”၏အဝါရောင်လယ်ဂျာစာအုပ်အကြောင်းကို သိကြသည်။ နံနက်တိုင်း အဘွားအိုသည် ဘုရားရှင်ထံ ကျယ်လောင်စွာ ဆုတောင်းသည်။ ထိုစာရင်းရှိလူအချို့က သူတို့လိုချင်သောဆုတောင်း၏အဖြေကို မရခဲ့ကြသော်လည်း ၎င်းတို့၏ဘဝတွင် ဘုရားရှင်၏အကြံအစည် တစ်ခုခုဖြစ်ခဲ့ကြောင်း၊ ၎င်းသည် မစ္စစ်အဒ်နာ၏ စိတ်ထက်သန်စွာ ဆုတောင်းချက်များကြောင့်ဟု သူမ၏စျာပနဝတ်တွင် လူအတော်များများက သက်သေခံခဲ့ကြသည်။

ပေတရုအကျဉ်းကျစဥ်တွင် ဆုတောင်းခြင်း၏တန်ခိုးကို ဘုရားရှင်ပြသခဲ့သည်။ ဟေရုဒ်မင်း၏လူများက တမန်တော်ကြီးကို ဖမ်းဆီးထောင်ချပြီး “အစောင့်အရှောက် စစ်သူရဲ တစ်ကျိပ်ခြောက်ယောက်”တို့ စောင့်ကြပ်နေသဖြင့် (တ ၁၂:၄) သူ၌ မျှော်လင့်ခြင်းကင်းမဲ့နေသည်။ သို့သော် “သင်းဝင်သူတို့သည် သူ့အဖို့ ကြိုးစား၍ ဘုရားသခင်ကို ဆုတောင်းပတ္ထနာပြုကြ၏” (:၅)။ ပေတရုအတွက်…

အကျင့်ကို ကြည့်ပါ

‘အမှန်ကိုပြောပါ’ ကစားနည်းရုပ်သံရှိုးပွဲသည် ထင်ရှားသည့် အနုပညာရှင်လေးဦးအဖွဲ့မှ လူတစ်ဦးတည်းဟုဆိုသော လူသုံးဦးကို မေးခွန်းများမေးပြီး မည်သူသည် အစစ်အမှန်ဖြစ်သည်ကို ရွေးရသည့်ဂိမ်းပွဲဖြစ်သည်။ ပွဲအဆုံးတွင် “အစစ်အမှန်(ကို/မ ...) ကျေးဇူးပြုပြီး မတ်တပ်ရပ်ပေးပါ” ဟု ကာယကံရှင်ကို ထခိုင်းသည့်စကားက လူတိုင်းနှင့်အကျွမ်းဝင်သည်။ နှစ်ဉီးမှာ ယောင်ဆောင်သူ အတုဖြစ်သော်လည်း လူမှန်ကို သုံးဦးထဲမှရွေးနိုင်ရန် ထိုအဖွဲ့ပေါ်မူတည်သည်။ ပွဲတစ်ခုတွင် ‘Rudolph the Red-Nosed Reindeer’ (နှာခေါင်းနီသမင် ရူဒေါ့) ခရစ်စမတ်သီချင်းစာသား ရေးသားသူ Johnny Marks (ဂျော်နီမတ်ခ်)ကို ခန့်မှန်းခဲ့ကြသည်။ မေးခွန်းကောင်းကောင်း မေးနိုင်သည့်တိုင် “ဘယ်သူလဲ”ဟု ခန့်မှန်းရ အလွန်ခက်သည်။ ယောင်ဆောင်သူများက အမှန်တရားကို ပရိယာယ်ဆင်လိမ်ညာခြင်းဖြင့် ရုပ်မြင် သံကြားဖျော်ဖြေရေးသည် ပရိသတ်ကိုဆွဲဆောင်ရန် ဖန်တီးထားသည်။

‘ဆရာအတုအယောင်များ’ နှင့်ပတ်သက်လာလျှင် မည်သူကမည်သူဖြစ်သည်ကို ပိုင်းခြားရာ၌ ၎င်းသည် ရုပ်မြင်သံကြားရှိုးပွဲနှင့် တစ်ခြားစီဖြစ်သည်။ သို့သော် ခက်ခဲနိုင်ခြင်းကတူပြီး၊ ပိုအရေးကြီးသောအချက်ဖြစ်သည်။…