ကျွန်ုပ်တို့၏စစ်မှန်သောခိုလှုံရာမှာ ဘုရားရှင်ဖြစ်သည်
Fred (ဖရက်)၏ဇနီး ကွယ်လွန်ပြီးနောက် သူ၏အပေါင်းအသင်းများနှင့် တနင်္လာနေ့ မနက်စာကို အတူစားသုံးနေသ၍ သူ၏နာကျင်ကြေကွဲမှုကို သူကြံ့ကြံ့ခံနိုင်မည်ဟု သူခံစားရသည်။ အငြိမ်းစား မိတ်ဆွေချင်းတို့က သူ့စိတ်ဝိညာဥ်ကို အားပေးမြှင့်တင်ပေးသည်။ ဝမ်းနည်းမှုများဝင်လာတိုင်း မိတ်ဆွေများနှင့်အတူ ထပ်မံတွေ့ဆုံပျော်မွေ့ရန် ဖရက် တွေးမိသည်။ ဖရက်အတွက် ၎င်းတို့၏တွေ့ဆုံရာ အခန်းထောင့်က စားပွဲသည် သူ၏ဝမ်းနည်းခံစားရမှုမှ လွတ်မြောက်လုံခြုံရာနေရာဖြစ်သည်။
သို့သော် အချိန်ကြာလာသည်နှင့်အမျှ မိတ်ဆွေအချို့မှာ ဖျားနာကြပြီး အချို့မှာ ကွယ်လွန်သွားကြ၍ ထိုတွေ့ဆုံမှု အဆုံးသတ်သွားသည်။ ထိုဟာကွက်က ဖရက် အား သူငယ်ရွယ်စဥ်က တွေ့ရှိခဲ့သော ဘုရားသခင်ထံတော်မှ နှစ်သိမ့်သက်သာရာကို ရှာဖွေစေခဲ့သည်။ “အခုကျွန်တော် မနက်စာကို တစ်ယောက်တည်း စားတယ်။ ဒါပေမဲ့ ရှင်ယေရှုအတူရှိတယ်ဆိုတဲ့ အမှန်တရားကို စွဲကိုင်ဖို့ ကျွန်တော်သတိရတယ်။ အစာစားပြီးလို့ စားပွဲကထလာတော့ ကျွန်တော့်ရဲ့ ကျန်ရှိနေသေးတဲ့နေ့ရက်တွေကို တစ်ဦးတည်းရင်ဆိုင်ဖို့ မဟုတ်ဘူးဆိုတာကို ကျွန်တော် သိမှတ်ခဲ့တယ်” ဟု သူပြောသည်။…
သင်သည် အဘယ်သို့ ဆိုင်သနည်း
သူက စပျစ်သီးချိုချဥ်ရပြီး မီးက ဘာလို့ စတော်ဘယ်ရီချိုချဉ် ရတာလဲ” ဟု ကျွန်မ၏ ခြောက်နှစ်အရွယ် တူမလေးက မေးသည်။ ကလေးများသည် မကြာခဏဆိုသလို သူတို့အား ပေးသည့်အရာကို အခြားသူများ ရရှိသောအရာနှင့် နှိုင်းယှဉ်တတ်ကြောင်း အစောကြီးကတည်းက ကျွန်မ၏တူတူမများက သင်ပေးခဲ့သည်။ ဆိုလိုသည်မှာ အရမ်းချစ်တတ်သောအဒေါ်အနေနှင့် ကောင်းမွန်မှန်ကန်သော စီရင်ဆုံးဖြတ်ချက်ကို ပြုရန်ဖြစ်သည်။
တစ်ခါတစ်ရံ၌ ကျွန်မလည်း ဘုရားသခင်ပေးသောအရာကို အခြားသူများအား ပေးသောအရာနှင့် နှိုင်းယှဉ်တတ်သည်။ “ကျွန်မမှာ ဒါရှိပြီး သူ့မှာ ဘာလို့ အဲဒါရှိတာလဲ” ဟု ကျွန်မ ဘုရားသခင်ကို မေးသည်။ ကျွန်မ၏မေးခွန်းများသည် ဂါလိလဲအိုင်နားတွင် ရှိမုန်ပေတရုမှ သခင်ယေရှုကို မေးခဲ့သည်များကို အမှတ်ရစေသည်။ သခင်ယေရှုသည် ပေတရု သူ့အား ငြင်းပယ်ခဲ့ခြင်းကို ခွင့်လွှတ်ပေးခဲ့ပြီး မာတုရကဲ့သို့ သေခြင်းအားဖြင့် ဘုရားသခင်၏ဘုန်းတော်ကို ထင်ရှားစေမည်အကြောင်း (ယော ၂၁:၁၅-၁၉) ပေတရုအား ပြောပြနေသည်။…
သစ်လွင်သေချာသော
စူစန်သည် အိမ်သုံးပစ္စည်းများမှလွဲ၍ သုံးနှစ်တာလုံး သူမအတွက် ဘာမှ မဝယ်ခဲ့ပါ။ ကိုဗစ်-၁၉ ကပ်ရောဂါက ကျွန်မသူငယ်ချင်း၏ဝင်ငွေကိုထိခိုက်စေပြီး ရိုးရှင်း သောနေထိုင်မှုပုံစံကို သူမကျင့်သုံးခဲ့သည်။ “တစ်နေ့ အခန်းသန့်ရှင်းရေးလုပ်ရင်းငါ့ရဲ့ပစ္စည်းတွေ အတော်လေးဟောင်းနွမ်းပျက်စီးနေတာကို သတိပြုမိခဲ့တယ်။ အဲဒီအချိန်မှာမှ ပစ္စည်းအသစ်ပိုင်ဆိုင်လိုစိတ်၊ ဆန်းသစ်မှုနဲ့ စိတ်လှုပ်ရှားမှုဆိုတဲ့ ခံစားချက်ကို ငါ စပြီးလွမ်းလာတယ်။ ငါ့ရဲ့ဝန်းကျင်က ရိုးအီပြီး ငြီးငွေ့စရာကြီး။ မျှော်လင့်စရာဘာမှမရှိတော့သလို ငါ ခံစားရတယ်”ဟု သူမ မျှဝေပြောပြခဲ့သည်။
စူစန်သည် အားပေးတိုက်တွန်းမှုကို ကျမ်းစာထဲရှိ မထင်မှတ်ထားသည့် ကျမ်းတစ်ခုမှတွေ့ရှိခဲ့သည်။ ယေရုရှလင်မြို့သည် ဗာဗုလုန်လက်အောက်သို့ ကျရောက်ပြီးနောက် ပရောဖက်နှင့် လူတို့ခံစားခဲ့ရသော ဝမ်းနည်းပူဆွေးမှု ဒဏ်ရာကို ယေရမိမြည်တမ်းစကားများက ဖော်ပြနေသည်။ မည်သို့ပင်ဖြစ်စေ ဝမ်းနည်းပူဆွေးမှု၏ စိတ်ပျက်အားငယ်မှုအလယ်တွင် ဘုရားသခင်၏ ချစ်ခြင်းမေတ္တာဟူသည့် သေချာသည့် မျှော်လင့်ခြင်းအမြစ်တည်ရှိသည်။ “ထာဝရဘုရား ၏ ကရုဏာတော်သည် ဘယ်သောအခါမျှ မကုန်”ဟု ယေရမိရေးခဲ့သည်။ “နံနက်တိုင်း ကရုဏာအသစ်ကို ခံရကြ၏”…
ပီဇာမှတစ်ဆင့်လာသော သနားခြင်း ကရုဏာ
ကျွန်မ၏အသင်းတော်ခေါင်းဆောင် Harold (ဟယ်ရယ်)နှင့် သူ၏ဇနီး Pam (ပမ်း) တို့မှ ညစာစားရန် ဖိတ်ခေါ်ခြင်းက ကျွန်မ ရင်ထဲ နွေးထွေးသွားစေသော်လည်း ကျွန်မအား စိုးရိမ်မှုကိုလည်း ဖြစ်စေသည်။ ကျွန်မသည် ကောလိပ်၌ သမ္မာကျမ်းစာ လေ့လာရေးအဖွဲ့တစ်ခုတွင် ပါဝင်နေခဲ့ပြီး၊ ၎င်းတို့သည် သမ္မာကျမ်းစာသွန်သင်ချက်နှင့် ဆန့်ကျင်သော အတွေးအခေါ်အချို့ကို သွန်သင်နေသည့်အဖွဲ့ဖြစ်သည်။ “ဒီကိစ္စနဲ့ပတ်သက်ပြီး သူတို့ ငါ့ကိုပြောဆိုကြမှာလား” ဟုတွေးမိသည်။
ပီဇာ စားကြပြီး သူတို့၏မိသားစုအကြောင်း ဝေမျှကြကာ၊ ကျွန်မအကြောင်းကိုလည်း မေးကြသည်။ ကျောင်းအိမ်စာအကြောင်း၊ ကျွန်မခွေးလေး Buchi (ဘူချီ)နှင့် ကျွန်မတိတ်တခိုးစိတ်ဝင်စားခဲ့သူအကြောင်း ပြောပြနေစဉ်၊ သူတို့နားထောင်ခဲ့သည်။ ခဏကြာမှသာလျှင် သူတို့သည် ကျွန်မတက်ရောက်နေသည့် အုပ်စုအကြောင်းကို ကျွန်မအား နူးညံ့စွာ သတိပေးပြီး၊ ၎င်း၏သင်ကြားမှုများ၏ မည်သည့်အရာများ မှားယွင်းနေသည့်အကြောင်းကို ရှင်းပြခဲ့သည်။
သူတို့၏သတိပေးချက်သည် ထိုသမ္မာကျမ်းစာလေ့လာခြင်း အစီအစဉ်မှ တင်ပြသော အလိမ်အညာများနှင့် ကျွန်မအား ဝေးကွာစေခဲ့ပြီး၊ သမ္မာကျမ်းစာမှ သမ္မာတရားများနှင့် ကျွန်မအား နီးကပ်စေခဲ့သည်။ သူ၏စာထဲတွင်…
ဘုရားသခင်က ရွေးခေါ်ပြီး ပြင်ဆင်ပေးသည်
“နိုင်ငံတကာစာအုပ်ပြပွဲအတွက် မင်းရဲ့အလုပ်က သင့်တော်တဲ့နေရာမှာ ရေဒီယို အသံလွှင့်မှုကို စီစဉ်ဖို့ပဲ”ဟု ကျွန်မ၏ အလုပ်ရှင်က ပြောခဲ့သည်။ ကျွန်မအတွက် နယ်ပယ်သစ်ဖြစ်နေ၍ ကျွန်မ ကြောက်ရွံ့မိသည်။ “ဘုရားသခင်၊ ကျွန်မ ဒီလိုမျိုး တစ်ခါမှ မလုပ်ဖူးပါဘူး၊ ကျေးဇူးပြုပြီး ကျွန်မကိုကူညီပါ”ဟု ဆုတောင်းခဲ့သည်။
ဘုရားသခင်သည် ကျွန်မအား လမ်းပြခဲ့ပြီး၊ အတွေ့အကြုံရှိ နည်းပညာရှင်များ၊ ရေဒီယိုမှဟောပြောဆွေးနွေးသူများ၊ ပြပွဲအတွင်း ကျွန်ုပ်သတိမမူမိသော အသေးစိတ်အချက်အလက်များကို သတိပေး နှိုးဆော်ခြင်းများ စသည့် လိုအပ်သောအရာများနှင့် လူများကို ပြင်ဆင်ပေးသည်။ ပြန်လည်စဥ်းစား ဆင်ခြင်ရာတွင်၊ မည်သည့်အရာများ လိုအပ်သည်ကို ဘုရားသခင်သည် သိရှိပြီး ကျွန်မအား သူပေးထားသည့် ကျွမ်းကျင်မှုများကို အသုံးပြုရန် လှုံ့ဆော်ပေးသောကြောင့် ထုတ်လွှင့်မှုသည် ကောင်းမွန်စွာ ပြီးမြောက်သွားသည်ကို ကျွန်မသိပါသည်။
ဘုရားသခင်သည် ကျွန်ုပ်တို့အား အလုပ်တစ်ခု လုပ်ရန် ခေါ်သောအခါ၊ ထိုအလုပ်အတွက် လိုအပ်သောအရာများကို ကျွန်ုပ်တို့အား ပြင်ဆင်ပေးထားသည်။ တဲတော်၌ ဗေဇလေလကို…
ကျွန်ုပ်တို့၏လိုအပ်ချက်များကို ဘုရားရှင်သိသည်
ဖိလစ်ပိုင်နိုင်ငံ၊ မနီလာမြို့တွင် အများပြည်သူသုံး သယ်ယူပို့ဆောင်ရေးယာဉ် Jeepney (ဂျစ်ဖ်နီ) ယာဉ်မောင်းသူ Lando (လန်ဒို)သည် လမ်းဘေးကော်ဖီဆိုင်တွင် ကော်ဖီကို တစ်ကြိုက်တည်း မော့ချလိုက်သည်။ ကိုဗစ်-၁၉ ပိတ်ဆို့ကန့်သတ်မှုအပြီးတွင် နေ့စဉ်သွားလာလှုပ်ရှားသူများ ပြန်လည်လှုပ်ရှားသွားလာနေကြပြီဖြစ်သည်။ “ဒီနေ့က အားကစားပွဲရှိတယ်ဆိုတော့ စီးတဲ့သူတွေများမှာပဲ။ ဝင်ငွေ ပြန်ရှိတော့မှာမို့ ငါ့အနေနဲ့ စိုးရိမ်စရာမလိုတော့ဘူး” ဟု သူတွေးနေခဲ့သည်။
သူစတင်ကားထွက်မည်အပြုတွင် အနီးအနားရှိ ခုံတန်းတွင် လမ်းသန့်ရှင်းရေး လုပ်သား Ronnie (ရော်နီ)ကို သူတွေ့လိုက်သည်။ ရော်နီ့ကို ကြည့်ရသည်မှာ အခက်အခဲဖြစ်နေပုံရပြီး၊ စကားပြောချင်နေပုံပေါ်သည်။ သို့သော် “မိနစ်တိုင်းက တန်ဖိုးရှိတယ်။ ခရီးသည်များလေလေ ဝင်ငွေများမယ်။ ငါအချိန်ဆွဲနေလို့မရဘူး” ဟု လန်ဒို တွေးခဲ့သည်။ သို့သော် ဘုရားသခင်သည် သူ့အား ရော်နီ့ထံ သွားစေလိုသည်ဟု သူခံစားခဲ့ရသည်။ သို့နှင့် သူသွားခဲ့သည်။
မစိုးရိမ်ရန် ကြိုးစားရသည်မှာ မည်မျှခက်ခဲကြောင်း သခင်ယေရှုသိသောကြောင့် ကျွန်ုပ်တို့၏ ကောင်းကင်ဘုံရှင် အဘသည်ကျွန်ုပ်တို့လိုအပ်နေသမျှကို သိနေကြောင်း အာမခံခဲ့သည် (မ…
ခရစ်တော်အတွက် နှလုံးသားတစ်ခု
“မင်းပါးစပ်ပိတ်ထားသရွေ့ မင်းဘာအမှားမှ လုပ်မှာ မဟုတ်ဘူး”ဟု ကိုယ်ကိုယ်ကိုပြောခဲ့သည်။ လုပ်ဖော်ကိုင်ဖက်တစ်ဦး၏စကားကြောင့် နားလည်မှုလွဲခဲ့ပြီးနောက် သူမအပေါ်ကျွန်မ၏ဒေါသကို အပြင်ပန်း၌ ချုပ်တည်းခဲ့သည်။ သူမနှင့် နေ့စဉ်နှင့်အမျှ တွေ့ရသောကြောင့် သူမနှင့်ဆက်ဆံမှုကို ကန့်သတ်ထားရန် (အသံတိတ်ပြုမူခြင်းဖြင့် လက်တုံ့ပြန်ရန်) ကျွန်မဆုံးဖြတ်ခဲ့သည်။ တိတ်ဆိတ်သောပြုမူပုံသည် အဘယ်သို့ မှားနိုင်အံ့နည်း။
သခင်ယေရှုက အပြစ်သည် နှလုံးထဲက ထွက်လာ၏ (မ ၁၅:၁၈-၂၀)ဟု ဆိုခဲ့သည်။ ကျွန်မ၏တိတ်ဆိတ်မှုသည် အားလုံးကောင်းနေသည်ဟု လူအများကို လှည့်စားနိုင်သော်လည်း ဘုရားသခင်ကိုတော့ မလှည့်စားနိုင်ပါ။ ဒေါသနှင့်ပြည့်နေသောနှလုံးသားကို ကျွန်မဖုံးကွယ်ထားသည်ကို ကိုယ်တော်သိသည်။ ကျွန်မသည် ဘုရားသခင်ကိုနှုတ်ခမ်းဖြင့် ချီးမွမ်းသော်လည်း နှလုံးသားများကကိုယ်တော်နှင့် ဝေးကွာနေသည့် ဖာရိရှဲများနှင့် (:၈) တူနေသည်။ ကျွန်မ၏ အပြင်ပန်းသွင်ပြင်သည် ကျွန်မ၏ခံစားချက်အစစ်အမှန်ကို မဖော်ပြသော်လည်း ခါးသီးမှုက ကျွန်ုပ်ရင်ထဲ၌ အကျိတ်အခဲဖြစ်နေသည်။ ကောင်းကင်ဘုံရှင်အဘနှင့် အစဉ်အမြဲ တွေ့ကြုံခံစားခဲ့ရသော ပျော်ရွင်မှုနှင့် ရင်းနှီးမှုများ ကွယ်ပျောက်ခဲ့ပြီ။ အပြစ်ကို ပျိုးထောင်ခြင်းနှင့် ဖုံးကွယ်ခြင်းသည် ဤကဲ့သို့…
သခင်ယေရှု ရပ်တန့်သောအခါ
ကျွန်မအလုပ်လုပ်သည့်နေရာအနီး သေတ္တာပုံးထဲတွင် နေမကောင်းသောကြောင်လေးက ကွေးနေပြီး အော်နေခဲ့သည်။ လမ်းမပေါ်တွင် စွန့်ပစ်ခံထားရသော ကြောင်လေးကို ဂျွန် (Jun) မတွေ့မီအထိ ဖြတ်သွားသောသူ အများအပြားက သတိမပြုမိခဲ့ပေ။ လမ်းဘေးတံမြက်စည်းလှည်းသမား ဂျွန် သည် ယခင်က ခွေးလေခွေးလွင့် နှစ်ကောင်ကိုလည်း သူ့အိမ်၌ စောင့်ရှောက်ထားပြီး ထိုကြောင်ကိုလည်းအိမ်သို့ ခေါ်သွားခဲ့သည်။
“ဘယ်သူမှ သတိမပြုမိတဲ့ သတ္တဝါတွေ့ဖြစ်လို့ သူတို့ကို ကျွန်ုပ်စောင့်ရှောက်ဂရုစိုက်တာပါ။ သူတို့ကိုကြည့်ပြီး ကျွန်တော် ကိုယ့်ကိုကိုယ် ပြန်မြင်မိတယ်။ လမ်းဘေး တံမြက်စည်းလှည်းသမားတစ်ယောက်ကို ဘယ်သူမှ သတိမထားမိဘူးလေ” ဟု ဂျွန် က ပြောသည်။ “
ယေရုရှလင်မြို့သို့ သခင်ယေရှုသွားသည့်ခရီးလမ်း၌ ယေရိခေါမြို့သို့ကြွတော်မူစဥ် မျက်မမြင်တစ်ယောက်သည် လမ်းနားမှာထိုင်၍ တောင်းစားနေသည်။ မည်သူမှသူ့ကို သတိမထားမိဟု သူလည်း ခံစားရသည်။ အထူးသဖြင့် ထိုနေ့တွင် အားလုံး ခရစ်တော်ကိုသာအာရုံစိုက်ကြပြီး ဖြတ်သန်းသွားသည့် လူအုပ်ကြီးကလည်း မည်သူမျှရပ်ပြီး ထိုသူတောင်းစားကို မကူညီကြပေ။…
သခင်ယေရှု၌ အရွယ်ရောက်လာခြင်း
ကျွန်မကလေးဘဝက အရွယ်ရောက်ပြီးသူများသည် ပညာရှိပြီး မရှုံးနိုင်သူများဟု ထင်မြင်ခဲ့ပါသည်။ “ဘာလုပ်ရမည်ကို သူတို့အမြဲသိနေသည်၊ တစ်နေ့ ကျွန်မကြီးပြင်းအရွယ်ရောက်လာချိန်တွင် ကျွန်မ ဘာလုပ်ရမည်ကို ကျွန်မအမြဲသိမည်” ဟု ထင်မှတ်ခဲ့သည်။ နှစ်ပေါင်းများစွာကြာပြီး ထို “တစ်နေ့” ရောက်လာသောအခါ၊ ကျွန်မသင်ယူမိသမျှမှာ အချိန်များစွာတွင် ကျွန်မဘာလုပ်ရမည်ကို မသိသေးခြင်းပင်ဖြစ်သည်။ မိသားစုတွင် ဖျားနာသည်ဖြစ်စေ၊ အလုပ်ခွင်တွင် ပြဿနာများရှိသည်ဖြစ်စေ၊ သို့မဟုတ် ဆက်ဆံရေးတွင် ပဋိပက္ခရှိသည်ဖြစ်စေ၊ ထိုသို့သော အချိန်များတွင် ကိုယ်ပိုင်ထိန်းချုပ်မှုနှင့်ခွန်အားတို့သည် လှည့်စားမှုပါလားဟူ၍ ရုန်းကန်လုံးပမ်းခဲ့ရပြီး၊ မျက်လုံးစုံမှိတ်ကာ “သခင်၊ ကူညီတော်မူပါ။ ကျွန်မဘာလုပ်ရမှန်းမသိပါ” ဟု တိုးတိုးလေး ရေရွတ်ဆုတောင်းရသည့် ထွက်ပေါက်တစ်ခုသာ ကျန်ရှိသည်။
တမန်တော်ရှင်ပေါလုသည် မျှော်လင့်ချက်မဲ့သောခံစားချက်ကို နားလည်သည်။ ကိုယ်ခန္ဓာဆိုင်ရာ အားနည်းမှုဖြစ်စေသည့် သူ၏ဘဝတွင်ရှိသော “ဆူး”က သူ့ကိုစိတ်ပျက်အားလျော့စေပြီး နာကျင်မှုများစွာ ခံစားခဲ့ရပါသည်။ သို့သော်၊ ထိုဆူးမှတစ်ဆင့် ပေါလုသည် သူ၏ အခက်အခဲများကို ခံနိုင်ရည်ရှိပြီး ကျော်လွှားရန်အတွက် လုံလောက်သော…
သခင်ယေရှု၌ ဇွဲကောင်းခြင်း
လွန်ခဲ့သည့်နှစ်များစွာက ကျွန်မကျမ်းစာကျောင်းတက်စဉ် အပတ်စဉ် ဝတ်ပြုစည်းဝေးကို တက်ကြရသည်။ တစ်ခုသောဝတ်ပြုချိန်တွင် ကျောင်းသားများက ‘Great Is the Lord’ (ကိုယ်တော်သည် ကြီးမြတ်တော်မူ) သီချင်းကို ကျူးဧနေစဉ် ကျောင်းသားများချစ်သော ပါမောက္ခ သုံးဦးလည်း စိတ်အားထက်သန်စွာ လိုက်ပါဆိုနေသည်ကို ကျွန်မတွေ့လိုက်သည်။ သူတို့၏မျက်နှာထက်တွင် ဘုရားကို ယုံကြည်ခြင်းအားဖြင့် ရရှိလာသည့် ဝမ်းမြောက်မှုတို့ ဖြာထွက်နေသည်။ နှစ်များစွာ ကုန်လွန်ပြီးနောက် သူတို့တစ်ယောက်စီသည် ဆိုးရွားသော ဖျားနာမှုကို ခံစားနေရချိန်၌ ခံနိုင်ရည်ရှိပြီး အခြားသူများကို နှစ်သိမ့်ပေးနိုင်ခြင်းမှာ ထိုယုံကြည်ခြင်းကြောင့်ပင် ဖြစ်သည်။
ယနေ့ အမှုရေးများနှင့် ကျွန်မ ကြုံရချိန်တွင် ဆရာများ၏သီချင်းဆိုပုံ အမှတ်တရက ရှေ့ဆက်နိုင်ရန် တွန်းအားပေးသည်။ ကျွန်မအတွက် သူတို့သည် အတုယူဖွယ်ရာ ယုံကြည်ခြင်းနှင့်သာ ရှင်သန်ခဲ့သူအချို့ဖြစ်သည်။ ဟေဗြဲသြဝါဒစာ ၁၂:၂-၃ တွင် ဖော်ပြထားသကဲ့သို့ “မိမိရှေ့၌ထားသော ဝမ်းမြောက်ခြင်းအကြောင်းကြောင့် ရှက်ကြောက်သောအရာကို မမှတ်ဘဲ လက်ဝါးကပ်တိုင်၌ခံသော”…