ဘုရားသခင်ထံ အိမ်ပြန်လာတော့

တစ်ခုသောညနေခင်းအစောပိုင်းတွင် ကျွန်မတို့ရပ်ကွက်ထဲရှိ ဆောက်လုပ်ရေးလုပ်ငန်းခွင်အနီး ကျွန်မအပြေးလေ့ကျင့်ခန်းလုပ်နေစဉ် ပိန်ခြောက်ညစ်ပေနေသော ကြောင်ပေါက်လေးတစ်ကောင်သည် အော်သံပြုကာ ကျွန်မအိမ်သို့လိုက်လာခဲ့သည်။ ယနေ့တွင် မစ်ကီသည် ကျန်းမာပြီး ချောမောသော အရွယ်ရောက်ကြောင်တစ်ကောင်ဖြစ်လာကာ ကျွန်မတို့အိမ်၌ အဆင်ပြေပြေနေရသည့်ဘဝကို ကျေနပ်လျက် ကျွန်မတို့မိသားစု၏ သည်းသည်းလှုပ်အချစ်ခံနေရသည်။ ကျွန်မ သူ့ကို တွေ့ခဲ့သည့်နေရာတွင် အပြေးလေ့ကျင့်ခန်းလုပ်လိုက်တိုင်း “မစ်ကီလေး လမ်းပေါ်မှာနေရတဲ့ဘဝက လွတ်ပြီး အခုနေစရာအိမ်ရှိနေပြီဖြစ်လို့ ကျေးဇူးတင်ပါတယ်၊ ကိုယ်တော်” ဟု ကျွန်မ မကြာခဏတွေးဖြစ်သည်။

ဆာလံကျမ်း ၉၁ တွင် “အမြင့်ဆုံးသောဘုရား၏ ကွယ်ကာရာဌာနတော်၌” နေသူ (:၁)၊ ဘုရားနှင့်အတူ အိမ်ကိုဆောက်လုပ် နေထိုင်ကြသူများအကြောင်းကို ပြောထားသည်။ “Dwells” (နေသည်) ဟူသောစကားလုံး၏ ဟေဗြဲအနက်မှာ “ဆက်လက်တည်ရှိသည်၊ အမြဲနေထိုင်သည်” ဟူ၍ဖြစ်သည်။ ကျွန်ုပ်တို့ ဘုရားရှင်၌ တည်နေသောအခါ ကိုယ်တော်၏ပညာတော်အတိုင်း ကျွန်ုပ်တို့နေနိုင်ရန်၊ အရာအားလုံးထက် သူ့ကိုချစ်နိုင်ရန် မစသည် (:၁၄၊ ယော ၁၅:၁၀)။…

အရှုံးမရှိ

ကျွန်မ၏သူငယ်ချင်း ရူအယ်လ်သည် သူ့အတန်းဖော်တစ်ဦး၏အိမ်၌ ပြုလုပ်သော အထက်တန်းကျောင်းသားဟောင်းများ တွေ့ဆုံပွဲသို့ တက်ရောက်ခဲ့သည်။ ဖိလစ်ပိုင် နိုင်ငံ၊ မနီလာ ပင်လယ်အော် အနီးရှိ ကမ်းနားပေါ်မှအိမ်ကြီးသည် လူဦးရေ (၂၀၀) မျှ လက်ခံနိုင်ပြီး ထိုအိမ်ကြီးကြောင့် ရူအယ်လ်အနေဖြင့် သိမ်ငယ်မှုခံစားခဲ့ရသည်။

“ဝေးလံတဲ့ဒေသတွေမှာရှိတဲ့ အသင်းတော်တွေမှာ သင်းအုပ်လုပ်ခဲ့ရတဲ့ ပျော်ရွှင်စရာအချိန်တွေ ကျွန်တော့်မှာ အများကြီးရှိခဲ့တယ်။ မဖြစ်သင့်မှန်းသိပေမယ့် ကျွန်တော့်အတန်းဖော်ရဲ့ ရုပ်ပစ္စည်းပိုင်ဆိုင်မှုအပေါ် အားကျတဲ့စိတ်ကို ထိန်းချုပ် မရနိုင်ခဲ့ဘူး။ တကယ်လို့သာ ကျွန်တော်ရထားတဲ့ဘွဲ့နဲ့ စီးပွားရေးသမားတစ်ဦးဖြစ်အောင် ကြိုးစားခဲ့မယ်ဆိုရင် ကျွန်တော့်ဘဝက ဘယ်လိုခြားနားမှုဖြစ်နေမလဲဆိုပြီး အတွေးလွင့်သွားမိပြန်တယ်”ဟု ရူအယ်လ်က ကျွန်မကိုပြောသည်။

“ဒါပေမယ့် ဘာကိုမှ လိုချင်တပ်မက်စရာမရှိဘူးလို့ ကိုယ့်ကိုယ်ကိုယ် ပြန်သတိပေးခဲ့တယ်။ ဘုရားသခင်ကို အစေခံခြင်းဖြင့် ကျွန်တော့်ရဲ့ဘဝကို ရင်းနှီးမြှုပ်နှံခဲ့ပြီး ရလဒ်တွေက ထာဝရကာလအထိ တည်နေမှာဖြစ်တယ်” ဟု ရူအယ်လ်ပြုံးလျက် ဆက်ပြောသည်။ ထိုစကားများကိုပြောစဥ် ဖြစ်ပေါ်လျက်ရှိသော သူ၏ ငြိမ်းချမ်းသည့်အသွင်သဏ္ဌာန်ကို…

သင်ကြောက်ရွံ့သောအခါ

ဆေးစစ်ရန် ကျွန်မရက်ချိန်းယူလိုက်သည်။ လတ်တလော ကျန်းမာရေးစိတ်ပူစရာမရှိသော်လည်း ယခင်က မမျှော်လင့်ဘဲ ရောဂါတွေ့ရှိဖူးခဲ့ခြင်းကြောင့် ဆေးစစ်ရမည်ကို ကျွန်မကြောက်နေသည်။ ထာဝရဘုရားသည် ကျွန်မနှင့်အတူရှိပါလျက်၊ ထာဝရဘုရားကို ယုံကြည်စိတ်ချသင့်ပါလျက်နှင့် ကျွန်မကြောက်နေသည်။

ကျွန်မ၏အကြောက်တရားနှင့် ယုံကြည်မှုကင်းမဲ့ခြင်းအပေါ် ကျွန်မစိတ်ပျက် မိသည်။ ထာဝရဘုရားသည် ကျွန်မနှင့်အတူရှိနေပါလျှင် ကျွန်မအဘယ်ကြောင့် ထိုမျှစိုးရိမ်နေရပါသနည်း။ ဤသို့ဖြင့် တစ်မနက်တွင် ဂိဒေါင်အကြောင်းဖတ်ရန် ကျွန်မကို ဘုရားသခင် တို့ထိလမ်းပြခဲ့သည်။

“ခွန်အားကြီးသောအချင်းသူရဲ” ဟုခေါ်ဆိုခံရသူ ဂိဒေါင် (သူကြီး ၆:၁၂) သည် မိဒျန်ပြည်သားတို့အား တိုက်ရမည်ကို ကြောက်နေခဲ့၏။ ထာဝရဘုရားက သူနှင့်အတူရှိတော်မူမည်၊ စစ်တိုက်၍နိုင်မည်ဟု ကတိပေးသော်လည်း ဂိဒေါင်သည် ထင်ရှားသောနမိတ်လက္ခဏာများကိုတောင်းခဲ့သည် (:၁၆-၂၃၊ ၃၆-၄၀)။

သို့သော်လည်း ဘုရားသခင်က ဂိဒေါင်ကြောက်သည်ကို အပြစ်မတင်ခဲ့ပါ။ ဘုရားသခင်က ဂိဒေါင်အား နားလည်ခဲ့ပါသည်။ မိဒျန်ပြည်သားတို့အား ၁၀-၁၁) သူ့အား စစ်နိုင်ရသောအခွင့်ကိုပေးခဲ့သည်။

ကျွန်မကြောက်သည်ကိုလည်း ဘုရားသခင် နားလည်ပါသည်။ သူ၏နှစ်သိမ့်မှုကြောင့်…

နာကျင်မှုများမှ ဘုရားကယ်နုတ်တော်မူသည်

သူမ၏သွားကုသရေးဆိုင်ရာပစ္စည်းများကို သူ့သူငယ်ချင်းက ကားပေါ်သို့တင်နေ သည်ကို အောလစ်ဖ် ကြည့်နေမိသည်။ လုပ်ဖော်ကိုင်ဖက်သွားဆရာဝန်က သူမ၏ ပစ္စည်းများကို ပြန်ဝယ်လိုက်ခြင်းဖြစ်သည်။ သူ့ကိုယ်ပိုင် သွားကုသရေးလုပ်ငန်း လုပ်ကိုင်ရန်မှာ အောလစ်ဖ် နှစ်ပေါင်းများစွာ မက်ခဲ့သောအိပ်မက်ဖြစ်သည်။ သို့သော် သူမ၏သားလေးခိုင်းလ်မှာ မွေးရာပါ ကိုယ်ခန္ဓာဟန်ချက် မထိမ်းနိုင်သည့် ရောဂါ (cerebral palsy)နှင့် မွေးလာသဖြင့် သားလေးကို ပြုစုရန် သူ၏အလုပ်ကို ရပ်ဆိုင်းရတော့မည်ဟု သူသဘောပေါက်လိုက်သည်။

“ကျွန်မမှာ ဘဝတစ်သန်းရှိရင်လည်း အဲဒီလိုပဲ ရွေးချယ်မိမှာပဲ။ သွားကုသခြင်း အလုပ်ကို စွန့်လွှတ်ဖို့ တကယ်ခက်ခဲပါတယ်။ အဲဒါက ကိုယ့်အိပ်မက်သေသွားတာလေ” ဟု သူငယ်ချင်းက ကျွန်မကို ပြောသည်။

မိမိနားမလည်နိုင်သည့် အခက်အခဲများကို ကျွန်မတို့မကြာခဏ ဖြတ်သန်းကြရသည်။ အောလစ်ဖ်အနေဖြင့် မမျှော်လင့်ဘဲ သူ၏သားငယ်ရောဂါခံစားရသည်ကို ကြုံတွေ့ရပြီး သူမျှော်လင့်ချက်ကို ရင်နာစွာဖြင့် စွန့်လွှတ်ခဲ့ရသည်။ နောမိအတွက် သူမ၏မိသားစုတစ်ခုလုံး ဆုံးရှုံးရခြင်းက အလွန်ရင်နာစရာဖြစ်သည်။ “အနန္တတန်ခိုးရှင်သည်…

ဧဝံဂေလိသတင်းကောင်းအဖို့အလို့ငှာ

၁၉၁၆ ခုနှစ်တွင် Nelson Bell (နယ်လ်ဆင်ဘဲလ်)သည် သူ့ဇာတိ အမေရိကန်နိုင်ငံ၊ ဗာဂျီးနီးယားပြည်နယ်ရှိ ဆေးကျောင်းမှဘွဲ့ရခဲ့သည်။ ထိုနှစ်နှောင်းပိုင်းတွင် (၆) လမျှသာ ပေါင်းဖက်ရသေးသောဇနီးနှင့်အတူ တရုတ်ပြည်သို့ သူတို့ရောက်လာခဲ့သည်။ အသက် (၂၂) နှစ်တွင် သူသည် တရုတ်လူမျိုးအနည်းဆုံး (၂) သန်းရှိသောဒေသရှိ တစ်ခုတည်းသော ဆေးရံုဖြစ်သည့် ‘Love and Mercy’ (မေတ္တာကရုဏာ)ဆေးရုံ၌ ခွဲစိတ်ဆရာဝန်ဖြစ်လာခဲ့သည်။ သူသည် ဆေးရုံကိုစီမံလျက် ခွဲစိတ်မှုများဆောင်ရွက်ကာ ထောင်နှင့်ချီသောလူတို့ကို ဧဝံဂလိတရားဟောကြားလျက် မိသားစုနှင့်အတူ ထိုဒေသတွင် (၂၄) နှစ် ဆက်လက်နေထိုင်ခဲ့သည်။ နိုင်ငံခြားသားများကို မယုံကြည်သူတို့မှ ‘တိုင်းတစ်ပါးမိစ္ဆာ’ ဟုအခေါ်ခံခဲ့ရဖူးသော နယ်လ်ဆင်ဘဲလ်သည် နောက်ပိုင်းတွင် ‘တရုတ်လူမျိုးများချစ်သော ခေါင်းလောင်း’ ဟုလူသိများလာခဲ့သည်။ သူ့သမီးရုသ်သည် ဧဝံဂလိဆရာ Billy Graham (ဘေလီဂရေဟမ်)နှင့် ထိမ်းမြားခဲ့သည်။

နယ်လ်ဆင်သည် ထူးချွန်သောခွဲစိတ်ဆရာဝန်နှင့် ကျမ်းစာသင်ကြားသည့်ဆရာဖြစ်သော်လည်း သူ့အရည်အချင်းများကြောင့် လူအများ သခင်ယေရှု၏…

ကျွန်ုပ်ကို ချစ်သေးရဲ့လား

(၁၀) နှစ်သမီးလေး လင်းလင်းသည် နောက်ဆုံး၌ မွေးစားခြင်းခံလိုက်ရသော်လည်း သူမကြောက်ရွံ့နေခဲ့သည်။ သူမကြီးပြင်းလာခဲ့ရသည့် မိဘမဲ့ဂေဟာတွင် အသေး ငယ်ဆုံးသောအမှားလုပ်မိရုံနှင့် အပြစ်ပေးခြင်းခံရသည်။ ကျွန်မသူငယ်ချင်းဖြစ်သော သူမ၏မွေးစားမိခင်ကို လင်းလင်းက “မေမေ၊ သမီးကို ချစ်လား” ဟုမေးသည်။ ကျွန်မသူငယ်ချင်းက ချစ်တယ်လို့ ပြန်ဖြေလျှင် လင်းလင်းက “သမီး အမှားလုပ်မိရင်ရော သမီးကို ချစ်အုံးမှာလား” ဟု ပြန်မေးသည်။

နှုတ်ဖြင့် မပြောသော်လည်း၊ ကျွန်ုပ်တို့ထဲမှအချို့သည် ဘုရားသခင်ကို စိတ်ပျက်အောင်လုပ်မိပြီဟု ခံစားရသောအခါ “ကိုယ်တော် ကျွန်ုပ်ကို ချစ်သေးရဲ့လား” ဟု မေးကောင်းမေးနိုင်သည်။ လောကတွင် အသက်ရှင်နေသမျှ ကာလပတ်လုံး ကျရှုံးမှုနှင့် အပြစ်လုပ်ခြင်းများရှိနေမည်ကို ကျွန်ုပ်တို့သိသည်။ ထို့အပြင် ကျွန်ုပ်တို့အမှားများသည် ကျွန်ုပ်တို့အပေါ်ထားရှိသော ဘုရားသခင်၏ချစ်ခြင်းမေတ္တာကို သက်ရောက်မှုရှိနိုင်သလား ဆိုသည်ကို ကျွန်ုပ်တို့ တွေးလေ့ရှိသည်။

ရှင်ယောဟန်ခရစ်ဝင် ၃:၁၆ တွင် ဘုရားသခင်၏မေတ္တာတော်ကို ကျွန်ုပ်တို့အတွက် အာမခံပေးထားသည်။ ကျွန်ုပ်တို့ကိုယ်စား…

နာမတော်ကို ကိုးစားယုံကြည်ခြင်း

ကျွန်မငယ်စဥ်ကလေးဘဝက ကျောင်းသွားရန် ကြောက်ရွံ့ခဲ့သည့်အချိန်များရှိခဲ့ပါသည်။ မိန်းကလေးအချို့က ကျွန်မကို မညှာမတာ ဟာသဖြစ်အောင် ညှဥ်းဆဲပြီး ကျွန်မကို အနိုင်ကျင့်သည်။ ထို့ကြောင့် ကျောင်း၌ အားလပ်ချိန်တွင် စာကြည့်တိုက် သို့သာသွားပြီး ခရစ်ယာန်ပုံပြင်စာအုပ် အတွဲလိုက်ကိုသာ ဖတ်ရှုနေတော့သည်။ ‘ယေရှု’ ဟူသည့်အမည်ကို ပထမဆုံးဖတ်ခဲ့ရချိန်ကိုလည်း ကျွန်မသတိရမိသည်။ မည်သို့ပင်ဖြစ်ဖြစ် ဤနာမည်သည် ကျွန်မကိုချစ်သောသူ၏အမည်နာမ ဖြစ်ကြောင်း ကျွန်မသိသည်။ ထိုနောက်ပိုင်းတွင် အနိုင်ကျင့်ခံရမည့်အရေးကိုကြောက်လျက် ကျောင်းထဲဝင်လာတိုင်း “သခင်ယေရှု၊ သမီးကို ကွယ်ကာပါ” ဟု ဆု‌တောင်းခဲ့သည်။ ကိုယ်တော်သည် ကျွန်မကို စောင့်ကြပ်ကြည့်ရှုနေသည်ဟုသိပြီး ကျွန်မအနေနှင့် ခိုင်ခံ့လျက် တည်ငြိမ်လျက် ရှိနေခဲ့သည်။ တဖြည်းဖြည်းနှင့် ကျွန်မကို အနိုင်ကျင့်ရသည်ကို သူတို့ ငြီးငွေ့သွားပြီး အနိုင်မကျင့်ကြတော့ပါ။

နှစ်များစွာကုန်လွန်ပြီးနောက် ထိုသခင်၏နာမကို ကိုးစားခြင်းက ကျွန်မအား ခက်ခဲကြပ်တည်းသောအချိန်များတွင် ဆက်လက်မစထောက်ပင့်ခဲ့သည်။ သူ၏ နာမတော်ကို ကိုးစားခြင်းသည် သူ၏စရိုက်လက္ခဏာများနှင့် ပတ်သက်၍ သူပြောသောအရာများ…

သင်အကူအညီလိုသောအခါ

တနင်္လာနေ့မနက်ဖြစ်သော်လည်း ကျွန်မသူငယ်ချင်း ချီယာမင်း ရုံးမတတ်ပါ။ သူ အိမ်မှာနေ၍ သန့်ရှင်းရေးလုပ်နေပါသည်။ သူအလုပ်မရှိသည်မှာ (၁)လခန့်ရှိပြီ။ အလုပ်ရနိုင်မည့်လမ်းစလည်း မရှိပါ။ ကိုဗစ်-၁၉ ကပ်ရောဂါကြောင့် သူ့အလုပ်လုပ်သည့်ကုမ္ပဏီ ပိတ်လိုက်ရပြီးနောက် အနာဂတ်နှင့်ပတ်သက်သည့် စိုးရိမ်ပူပန်မှုများက ချီယာမင်းကို ကြောက်ရွံ့စေသည်။ “ငါ့မိသားစုကို ငါထောက်ပံ့ရမယ်။ ငါဘယ်မှာ အကူအညီရှာရမလဲ” ဟု သူတွေးမိသည်။

ဆာလံကျမ်း ၁၂၁:၁ တွင် ယေရုရှလင်မြို့သို့လာသော ဘုရားဖူးများသည်လည်း အကူအညီရှာရန် အလားတူမေးခွန်းမျိုး မေးခဲ့ကြသည်။ ဇိအုန်တောင်ပေါ်ရှိ သန့်ရှင်းသောမြို့တော်သို့ သွားရသောခရီးသည် ရှည်လျား၍ ခက်ခဲကြမ်းတမ်းစွာ တက်ရသောကြောင့် အန္တရာယ်များလှသည်။ သူတို့ရင်ဆိုင်ခဲ့ကြရသော အခက်အခဲများသည် ယနေ့တိုင် ဘဝတွင် ရောဂါဘယ၊ ဆက်ဆံရေးပြဿနာများ၊ ဆွေမျိုးသားချင်းများကို ဆုံးရှုံးရခြင်း၊ လုပ်ငန်းခွင်စိတ်ဖိစီးမှု အစရှိသဖြင့် ကျွန်မတို့ရင်ဆိုင်ရသည့် ခက်ခဲသော ခရီးရှည်များကဲ့သို့ဖြစ်ပါသည်။ ချီယာမင်းအတွက်မူ ငွေကြေးအခက်အခဲနှင့် အလုပ်အကိုင်မရှိခြင်းများကြားမှ ရုန်းကန်နေရသည်။

သို့သော်လည်း ကောင်းကင်နှင့်မြေကြီးကို ဖန်ဆင်းတော်မူသော…

ဘုရားသခင် သင့်ကို မြင်တော်မူသည်

ကလေးနှစ်ဉီး၏တာဝန်ကို တစ်ယောက်တည်းထမ်းနေရသော ကျွန်မသူငယ်ချင်းအယ်မာ့အတွက် နံနက်စောစောအချိန်များသည် ပျော်ရွှင်ဖွယ် မကောင်းလှပါ။ “အရာအားလုံးက တိတ်ဆိတ်နေတဲ့အခါ ပူပန်စရာတွေက ခေါင်းထဲဝင်လာရော။ အိမ်အလုပ်တွေလုပ်နေရင်း ကလေးတွေရဲ့ပညာရေး၊ ကျန်းမာရေးနဲ့ ငွေရေးကြေးရေး ကိစ္စတွေကို ပူနေမိတယ် ”ဟု သူမပြောဖူးသည်။

သူမခင်ပွန်း သူ့ကို ထားခဲ့ပြီးနောက်ပိုင်း ကလေးနှစ်ယောက်ကို ပြုစုပျိုးထောင်ရန် သူတာဝန်ယူရင်ဆိုင်ခဲ့သည်။ “ရုန်းကန်ရပေမယ့် ဘုရားရှင်က အမြဲကျွန်မနဲ့ကျွန်မမိသားစုကို ကြည့်နေတယ်ဆိုတာ ကျွန်မသိတယ်။ ကျွန်မအလုပ်နှစ်ခု လုပ်နိုင်ဖို့ ခွန်အားပေးတယ်။ လိုအပ်တာတွေကို ဖြည့်ဆည်းပေးတယ်။ ဘုရားရဲ့ ကာကွယ်စောင်မမှုကို ကျွန်မကလေးတွေ ေနေ့တိုင်းခံစားရတယ်”ဟု သူဆိုသည်။

အဲဂုတ္ထုပြည်သူ ကျွန်မလေး ဟာဂရသည်လည်း ဘုရားသခင်မြင်တော်မူခြင်း ဟူသည့်သဘောကို နားလည်သည်။ အာဗြံ၏ကိုယ်ဝန်လွယ်ထားရသည့်နောက် စာရဲကို မထီမဲ့မြင်ပြုခြင်းကြောင့် (က ၁၆:၄) သခင်မ၏ညှဉ်းဆဲမှုကိုခံရပြီး၊ နောက်ဆုံးတွင် သဲကန္တာရထဲ ထွက်ပြေးရသည့်ဘဝ ရောက်သွားသည်။ သူမနှင့် မမွေးသေးသည့် ရင်သွေးငယ်အတွက် မျှော်လင့်ချက်မဲ့ပြီး စမ်းတဝါးဝါး…

ယုံကြည်ခြင်းအားကို ပြသခြင်း

တိရိစ္ဆာန်ရုံသို့ သွားလည်စဥ်တွင် ခေတ္တနားရန် sloth (စလော့)ဟုခေါ်သည့် အမေရိက ဝက်ဝံပြခန်းအနီးတွင် ကျွန်မရပ်လိုက်သည်။ ဝက်ဝံက ဇောက်ထိုးတွဲ‌လောင်းခိုနေပြီး တည်ငြိမ်စွာနေရသည်ကို ကျေနပ်နေပုံရသည်။ ကျွန်မသက်ပြင်းချမိသည်။ မိမိကျန်းမာရေးကြောင့် ငြိမ်ငြိမ်နေရန် ကျွန်မကြိုးစားနေရပြီး မည်သည့်အရာဖြစ်ဖြစ် တစ်ခုခုကိုလုပ်ရန် အသည်းအသန် ရှေ့တိုးချင်မိသည်။ စိတ်သွားတိုင်း ကိုယ်မပါဖြစ်နေမှုကို မကျေမနပ်ဖြစ်လျက် အားနည်းသည်ဟုခံစားရချက်ကို ရပ်တန့်ပစ်ချင်ပါသည်။ ဝက်ဝံကို ငေးကြည့်နေစဥ် ၎င်းသည် လက်မောင်းတစ်ဘက်ကိုဆန့်ကာ အနီးအနားရှိ သစ်ကိုင်းကိုဖမ်းဆုပ်လိုက်ပြီး နောက်ထပ် ငြိမ်ငြိမ်လေးနေနေပြန်သည်။ ငြိမ်ငြိမ်လေးနေနိုင်ရန် ခွန်အားလိုအပ်သည်။ အကယ်၍ ကျွန်မသည် ဖြည်းဖြည်းလေးရွှေ့ခြင်း (သို့) ဝက်ဝံကဲ့သို့ ငြိမ်ငြိမ်လေးနေခြင်းကို နှစ်သက်ပါက အံ့မခန်းကြွက်သားအစွမ်းကို ထို့ထက်ပို၍ လိုအပ်မည်ဖြစ်သည်။ ဘဝ၏စိတ်ပျက်ဖွယ်အချိန်တိုင်းတွင် ဘုရားသခင်ကိုယုံကြည်ရန် ကျွန်မ၌ သဘာဝလွန်စွမ်းအား လိုအပ်သည်။

ဆာလံကျမ်း ၄၆ တွင် ဆာလံဆရာက ဘုရားသခင်သည် ကျွန်မတို့ကို ခွန်အားပေးသည်သာမက ကျွန်မတို့၏ခွန်အား(ခိုလှုံရာ) လည်းဖြစ်ကြောင်း ဖော်ပြထားသည်…