ဆုတောင်းရန် ဆန္ဒရှိခြင်း

တစ်ခါက ကျွန်မ၏လုပ်ဖော်ကိုင်ဖက်တစ်ဦးသည် ကျွန်မတို့၏မန်နေဂျာကြောင့် သူမ၏ဆုတောင်းခြင်းအသက်တာ တိုးတက်လာခဲ့ကြောင်း ပြောခဲ့ဖူးသည်။ ဆက်ဆံရခက်သော ကျွန်မတို့၏ခေါင်းဆောင်သည် ဝိညာဉ်ရေးရာ သတင်းစကားအချို့ကို သူမအား ဝေမျှပေးသဖြင့် သူမ၏ဆုတောင်းမှုအပေါ် သက်ရောက်သည်ဟု ကျွန်မတွေးကာ အံ့ဩနေခဲ့သည်။ သို့သော် ကျွန်မအတွေးမှားခဲ့သည်။ ကျွန်မ၏ လုပ်ဖော်ကိုင်ဖက်သူငယ်ချင်းက “သူလာတာကို မြင်တိုင်း ငါစပြီးဆုတောင်း‌တော့တယ်” ဟုရှင်းပြသည်။ သူနှင့် စကားမပြောမီ သူမပို၍ဆုတောင်းသောကြောင့် သူမ၏ဆုတောင်းခြင်းက တိုးတက်လာခဲ့သည်။ အလုပ်နှင့်ပတ်သက်၍ဆက်ဆံရခက်သည့် မန်နေဂျာကြောင့် ဘုရားသခင်၏မစမှုကို သူမလိုအပ်ကြောင်း သူမသိပြီး၊ ဘုရားသခင်အား တိုး၍ ဟစ်ခေါ်ခဲ့သည်။ 

ခက်ခဲချိန်များနှင့် တုံ့ပြန်ပြောဆိုရချိန်များတွင် ကျွန်မလုပ်ဖော်ကိုင်ဖက်၏ ဆုတောင်းခြင်းအလေ့အကျင့်ကို ကျွန်မ အတုယူကျင့်သုံးခဲ့သည်။ ၎င်းသည် ကျမ်းစာသွန်သင်ချက်နှင့်လည်း ကိုက်ညီသည်။ သက်သာလောနိတ်သြဝါဒစာပထမစောင်တွင် “သခင်ယေရှုကို ယုံကြည်သူများအား ရှင်ပေါလုက မခြားမလပ်ဆုတောင်းပတ္ထနာပြုကြလော့။ ... အရာရာ၌ ကျေးဇူးတော်ကို ချီးမွမ်းကြလော့” (၅:၁၇-၁၈) ဟုသတိပေးထားသည်။ မည်သည့်အရာကို ကြုံတွေ့ရပါစေ၊ ဆုတောင်းခြင်းသည် အမြဲတမ်း…

နားကြားခြင်းငှာ လျင်မြန်သော

ခင်မင်ရသည့်  မိတ်ဆွေတစ်ဦးက ကျွန်မအပေါ် စွပ်စွဲပြောဆိုချက်များကို တုံ့ပြန်ချေပရန် ကျွန်မပါးစပ်ကို ဟလိုက်စဉ် ကျွန်မ၏နှလုံးခုန်နှုန်းမြန်လာသည်။ အွန်လိုင်းပေါ်တွင် ကျွန်မတင်ခဲ့သည့်အကြောင်းအရာက သူမရည်ညွှန်းပြောဆိုသကဲ့သို့ သူမနှင့်ဆက်စပ်ပတ်သက်မှု လုံးဝမရှိပါ။ သို့သော် ကျွန်မ မတုံ့ပြန်မီ တီးတိုးဆုတောင်းခဲ့သည်။ ထို့နောက် ကျွန်မ ငြိမ်သက်မှုရရှိလာပြီး သူမပြောနေသည့်အရာ၊ သူမ၏စကားလုံးများနောက်ကွယ်မှ နာကျင်ခံစားနေရမှုကို ကြားလာရသည်။ အပေါ်ယံထက် ပိုမိုနက်နဲသည့်ကိစ္စဖြစ်ကြောင်း သိသာပါသည်။ ကျွန်မမိတ်ဆွေသည် နာကျင်ခံစားနေရပြီး သူမ၏ဝေဒနာ သက်သာစေ‌ရေး ကူညီပေးရန် ကျွန်မဆုံးဖြတ်လိုက်သည့်အခါ ကိုယ့်ကိုကိုယ် ကာကွယ်ရန်လိုအပ်သည့် အခြေအနေက ပျောက်ကွယ်သွားသည်။ 

သူမနှင့်စကားပြောနေစဉ်အတွင်း ယနေ့ဖတ်ရန် ကျမ်းချက်မှ “ခပ်သိမ်းသောသူတို့သည် နားကြားခြင်းငှာ လျင်မြန်ကြစေ။ စကားပြောခြင်းငှာ ...၊ အမျက်ထွက်ခြင်းငှာ ... နှေးကြစေ” (ယာ ၁:၁၉) ဟူသည့် ရှင်ယာကုပ်၏တိုက်တွန်းချက်၏ ဆိုလိုရင်းကို ကျွန်မ သိနားလည်ခဲ့ရသည်။ နားထောင်ခြင်းက စကားလုံးများနောက်ကွယ်ရှိ အကြောင်းချင်းရာကို ကျွန်မတို့အား ကြားစေပြီး၊ “ဘုရားသခင်၏…

အသက်ကယ်သော ဘုရားသခင်၏ဉာဏ်ပညာတော်

စာများစုပုံလာသည်ကိုတွေ့ရှိပြီးနောက် စာပို့သူ စာတိုက်ဝန်ထမ်းမှာ စာလက်ခံရရှိသူအတွက် စိုးရိမ်လာခဲ့သည်။ ဤအိမ်၌ သက်ကြီးအဖွားအိုတစ်ဦးတည်း နေထိုင်ပြီး နေ့စဉ် သူမ၏စာများကို ထွက်ယူလေ့ရှိကြောင်း သူမသိသည်။ သို့နှင့် အဖွားအို၏ အိမ်နီးနားချင်းတစ်ဦးအား သူမ၏စိုးရိမ်မှုကို ပြောပြခဲ့ခြင်းဖြင့် အမြော်အမြင်ရှိသော ရွေးချယ်မှုတစ်ခုကို ပြုခဲ့သည်။ ဤအိမ်နီးချင်းက အဖွားအို၏အိမ်သော့အပိုရှိသော အခြားအိမ်နီးချင်းတစ်ဦးအား တပ်လှန့် နှိုးဆော်လိုက်ပြီး သော့ဖွင့်ကာ အိမ်ထဲသို့ အတူဝင်ကြည့်ရာ သူတို့၏ အိမ်နီးချင်းအဖွားအိုမှာ ကြမ်းပြင်ပေါ်တွင် လဲကျနေသည်ကို တွေ့ရှိခဲ့သည်။ သူမသည် လွန်ခဲ့သည့် လေးရက် ကတည်းကလဲကျနေခဲ့ပြီး မထနိုင်ခြင်းကြောင့် အကူအညီလည်း မတောင်းနိုင်ခဲ့ပေ။ စာတိုက်ဝန်ထမ်း၏ အမြော်အမြင်ရှိမှု၊ အလေးထားမှုနှင့် ဆုံးဖြတ်ချက်သည် အဖွားအို၏အသက်ကို ကယ်ဆယ်လိုက်နိုင်ခြင်းဖြစ်သည်။

“သူတစ်ပါးတို့၏စိတ်ဝိညာဉ်ကို ရသောသူသည်လည်း ပညာရှိဖြစ်၏” (၁၁:၃၀) ဟု သုတ္တံကျမ်းက ဆိုထားသည်။ မှန်သောကျင့်ကြံပြုမူခြင်းနှင့် ဘုရားသခင်၏ပညာတော်နှင့်အညီ အသက်ရှင်ခြင်းမှ ရရှိသော ပိုင်းခြားသိမြင်မှုဉာဏ်သည် မိမိအတွက်သာမက မိမိနှင့်ကြုံတွေ့ရသူများအတွက်လည်း…

ယုံကြည်ခြင်းအားဖြင့် တွေ့မြင်ခြင်း

အရုဏ်ဦးအချိန် လမ်းလျှောက်ထွက်စဉ် အမေရိကားရှိ မီရှီဂန်အိုင် ရေမျက်နှာပြင်သို့ နေရောင်ကျရောက်နေပုံက ရင်သပ်ရှုမောဖွယ်မြင်ကွင်းဖြစ်သည်။ ဖုန်းကင်မရာ ချိန်ပြီး ဓာတ်ပုံရိုက်လို၍ ကျွန်မကို ရပ်စောင့်ရန် သူငယ်ချင်းအား လှမ်းပြောလိုက်သည်။ နေမင်းကြီး၏အနေအထားကြောင့် ခလုပ်မနှိပ်မီ ဖုန်းမှန်သားပြင်၌ မည်သည့်အရာမှ မမြင်ရပါ။ သို့သော် ယခင်အတွေ့အကြုံများအရ ယခုရိုက်မည့်ပုံသည် အကောင်းဆုံးပုံထွက်လာမည်ကို ကျွန်မယုံကြည်သည်။ “မှန်သားပြင်ပေါ်မှာ ပုံရိပ်မမြင်ရပေမဲ့ ပုံထွက်လာတဲ့အခါ အမြဲတမ်း ပုံကောင်းတွေပဲ ထွက်လာတယ်” ဟု ကျွန်မသူငယ်ချင်းကို ပြောလိုက်သည်။

ယုံကြည်ခြင်းဖြင့် လျှောက်လှမ်းသော အသက်တာတွင်လည်း ထိုဓါတ်ပုံကဲ့သို့ပင် မှန်သားပြင်ပေါ်၌ ရှင်းလင်းစွာ မမြင်ရသော်လည်း ရင်သပ်ရှုမောဖွယ် ပုံကောင်းထွက်လာမည် မဟုတ်ဟု မထင်ပါနှင့်။ ဘုရားရှင် အလုပ်လုပ်နေသည်ကို မတွေ့ရသော်လည်း ကိုယ်တော် အမြဲရှိနေသည်ကိုဖြင့် ယုံကြည်နိုင်ပါသည်။ ဟေဗြဲသြဝါဒစာ ရေးသားသူက “ယုံကြည်ခြင်းသည် မျှော်လင့်သောအရာတို့ကို မျက်မှောက်ပြုခြင်းဖြစ်၏။ မမြင်သောအရာတို့ကို သိမှတ်စွဲလမ်းခြင်းအကြောင်းဖြစ်၏” (ဟေဗြဲ ၁၁:၁) ဟု…

ရွေးချယ်မှုတစ်ခု

ကျွန်မချစ်ရသော သူငယ်ချင်းတစ်ဦးဆုံးပါးသွားပြီး ရက်သတ္တပတ် အနည်းငယ်အကြာတွင် သူ၏မိခင်နှင့် စကားပြောခဲ့သည်။ သူမဝမ်းနည်းနေသောကြောင့် “ဘယ်လိုနေလဲ”ဟုမေးရန် မသင့်လျော်သောမေးခွန်းဟု ကျွန်မထင်သဖြင့် မေးရန် ချီတုံချတုံ ဖြစ်နေခဲ့သည်။ သို့သော်လည်း ကျွန်မ၏တွန့်ဆုတ်မှုကို ဘေးဖယ်ကာ၊ သူမမည်ကဲ့သို့ တောင့်ခံနေခဲ့သနည်းဟု မေးခဲ့သည်။ သူမက “နားထောင် သမီး၊ အန်တီကတော့ ဝမ်းမြောက်မှုကို ရွေးချယ်တယ်” ဟု ပြန်ဖြေသည်။

ထိုနေ့က သူမစကားလုံးများသည် မနှစ်မြို့ဖွယ်အခြေအနေများကို ကျော်ဖြတ်ရန် ရုန်းကန်နေရသော ကျွန်မဘဝအတွက် အကျိုးရှိခဲ့သည်။ တရားဟောရာကျမ်းအဆုံးတွင် ဣသရေလလူမျိုးတို့အား မောရှေမိန့်ကြားခဲ့သော စကားများကိုလည်း အမှတ်ရစေသည်။ မောရှေမသေမီနှင့် ဣသရေလလူမျိုးတို့ ကတိတော်ထားရာပြည်သို့မဝင်မီ သူတို့၌ ရွေးချယ်စရာရှိသည်ကို ဘုရားသခင်က သူတို့ကို သိစေချင်ခဲ့သည်။ မောရှေက “အသက်ရှင်ခြင်း၊ သေခြင်း ... တို့ကို သင့်ရှေ့၌ ငါထားသည်။ ... အသက်တရားကို ရွေးယူလော့” (တရား ၃၀:၁၉-၂၀) ဟုဆိုသည်။…

ကျွန်ုပ်တို့အပြစ်ကို ဘုရားသခင် ဖုံးအုပ်တော်မူသည်

၁၉၅၀ ပြည့်နှစ်ကာလများ၌ တစ်ကိုယ်‌‌ရေ မိခင်ဖြစ်သူတစ်ဦးသည် သူမ၏မိသားစုအား ပြုစုစောင့်ရှောက်ရန် လက်နှိပ်စက်ရိုက်သည့်အလုပ်ကို လုပ်ကိုင်ခဲ့သည်။ တစ်ခုတည်းသောပြဿနာမှာ သူမသည် စာရိုက်မကျွမ်းကျင်သလို စာရိုက်ရာတွင်လည်း အမှားများသာ ဆက်တိုက်လုပ်မိနေသည်။ သူမ၏အမှားများကို ဖုံးကွယ်ရန်အတွက် နည်းလမ်းများရှာဖွေပြီးနောက် မှားရိုက်မိသည့် စာလုံးများကို ဖျက်ပေးသော ‘Liquid Paper’ ဟူသည့် အမှားပြင်ရာတွင် သုံးသည့် အဖြူရောင်အရည်ကို နောက်ဆုံး၌ သူမ တီထွင်နိုင်ခဲ့သည်။ ထိုဆေးရည် ခြောက်သွားသောအခါ အမှားနေရာတွင် အမှားမရှိသကဲ့သို့ နောက်ထပ် စာရိုက်နိုင်တော့သည်။

ကျွန်ုပ်တို့၏အပြစ်များကို ဖြေရှင်းရာတွင် အတိုင်းအဆမဲ့သော၊ ပို၍ အစွမ်းတန်ခိုးကြီးကာ ပို၍အရေးပါသော နည်းလမ်းတစ်ရပ်ကို သခင်ယေရှု ပေးကမ်းခဲ့ပြီး၊ အပြစ်များကို ဖုံးအုပ်ရုံသာ မဟုတ်ဘဲ လုံးဝခွင့်လွှတ်သည့် နည်းလမ်းဖြစ်သည်။ ထိုနည်းလမ်း၏ ဥပမာကောင်းတစ်ခုမှာ ရှင်ယောဟန်ခရစ်ဝင် အခန်းကြီး ၈ အစပိုင်းတွင် ဖော်ပြထားသည့် မှားယွင်းခြင်းအမှုကို ပြုစဥ် ဖမ်းမိသော အမျိုးသမီးတစ်ဦးအကြောင်း…

ကျေးဇူးခံရသည့်နှာခေါင်းစည်း

ကပ်ရောဂါကာလအတွင်း နှာခေါင်းစည်းတပ်ဆင်ရန် လိုအပ်ကြောင်း ထုတ်ပြန်ချက်တို့ လျော့ပါးလာသည်နှင့်အမျှ နှာခေါင်းစည်း တပ်ရန် လိုအပ်နေသေးသည့် သမီး၏ကျောင်းကဲ့သို့နေရာမျိုးအတွက် နှာခေါင်းစည်းတစ်ခု အသင့်‌ဆောင်ထားရန် ကျွန်မမေ့နေခဲ့သည်။ တစ်နေ့တွင် ကျွန်မ နှာခေါင်းစည်းလိုအပ်သောအခါ ကျွန်မကားထဲတွင် တစ်ခုရှာတွေ့ခဲ့သည်။ နှာခေါင်းစည်း ရှေ့ဘက်တွင် “ကျေးဇူးခံရသည်” ဟု ရေးထားသောကြောင့် ကျွန်မ မဝတ်လိုသည့်နှာခေါင်းစည်းဖြစ်သည်။

သတင်းစကားတစ်ခုခု မပါသည့်နှာခေါင်းစည်းကိုသာ ကျွန်မတပ်ဆင်လိုပြီး ထိုနှာခေါင်းစည်းပေါ်တွင် ရေးသားထားသောစာလုံးသည် အလွန်အကျွံအသုံးခံထားရသည်ဟုလည်း ကျွန်မထင်မိသည်။ သို့သော်လည်း ရွေးချယ်စရာမရှိ၍ ကျွန်မတွန့်ဆုတ်စွာဖြင့် တပ်လိုက်သည်။ ကျောင်းမှ ဧည့်ကြိုဝန်ထမ်းအသစ်ကြောင့် ကျွန်မစိတ်အနှောင့်အယှက်ဖြစ်ခြင်းကိုထုတ်ပြမိမလိုဖြစ်သောအခါ ကျွန်မအချိန်မီ ရပ်လိုက်နိုင်သည်။ နှာခေါင်းစည်းပေါ်တွင် ရေးထားသောစာလုံးကြောင့်လည်း ပါပါသည်။ “ကျေးဇူးခံရသည်” ဆိုသောစာလုံးက ကျွန်မနှုတ်ခမ်းတွင် ရောက်နေပြီး၊ ရှုပ်ထွေးသောစနစ်မှ အဖြေရှာလုပ်ဆောင်နိုင်ရန် ကြိုးစားနေသူဝန်ထမ်းသစ်ကို စိတ်မရှည်ဖြစ်နေသည့် သူတော်ကောင်းယောင်ဆောင်သူမျိုး ကျွန်မ မဖြစ်ချင်ပါ။

နှာခေါင်းစည်းပေါ်မှစာလုံးက ကျွန်မသည် သခင်ယေရှု၏သက်သေခံဖြစ်ကြောင်း သတိပေးနေသော်လည်း၊ အခြားသူအပေါ် ကျွန်မစိတ်ရှည်သင့်ကြောင်း…

သူငယ်တစ်ဦး၏ ယုံကြည်ခြင်း

ကျွန်မတို့၏မွေးစားဘွားဘွားကြီး လေအကြိမ်ကြိမ်ဖြတ်ကာ ဆေးရုံတက်ရသောအခါ သူမ၏ဆရာဝန်များက သူမ၏ဦးနှောက်မည်မျှ ပျက်စီးသွားသည်ကို အသေအချာ မပြောနိုင်ခဲ့ပါ။ ဦးနှောက်အလုပ် လုပ်ဆောင်မှုကို စမ်းသပ်ရန် သူမ အတန်ငယ် နေပြန်ကောင်းလာသည့်အချိန်အထိ စောင့်ဆိုင်းခဲ့ရသည်။ သူမ စကားအနည်းငယ်သာပြောပြီး သူပြောသမျှကို နားလည်နိုင်သည်။ သို့သော် ကျွန်မသမီးကို (၁၂) နှစ်တာမျှ ထိန်းကျောင်းကြည့်ရှုခဲ့သည့် အသက် (၈၆) နှစ်အရွယ် ဘွားဘွားက ကျွန်မကို မြင်သောအခါ ခြောက်သွေ့သောပါးစပ်ကိုဖွင့်ပြီး “ကေလာ ကော၊ နေကောင်းလား”ဟု မေးခဲ့သည်။ ကျွန်မကို သူပထမဆုံးပြောခဲ့သည့်စကားများက သူအချည်အနှောင်မဲ့စွာ အပြည့်အဝချစ်ခဲ့သည့် ကျွန်မသမီးကိုမေးသည့်စကား ဖြစ်နေသည်။

သခင်ယေရှုသည်လည်း ကလေးသူငယ်များကိုချစ်ပြီး သူ၏တပည့်တော်များ သဘောမကျသော်လည်း သူငယ်များကိုရှေ့ဆုံးမှ ဦးစားပေးခဲ့သည်။ မိဘအချို့က ခရစ်တော်ကို ရှာပြီး သူ့ထံသို့ ကလေးများကို ခေါ်ဆောင်လာခဲ့သည်။ သခင်သည် သူငယ်တို့အပေါ်မှာ လက်ကိုတင်လျက်(လု ၁၈:၁၅) ကောင်းချီးပေးခဲ့သည်။ သူငယ်များအား ကောင်းချီးပေးခြင်းကို…

နှိမ့်ချခြင်းကို ယူတင်ဝတ်ဆင်ခြင်း

‘Undercover Boss’ (ရုပ်ဖျက်ထားသော ဘော့စ်) တီဗီစီးရီးတွင် ရေခဲမုန့်စားသောက်ကုန်လုပ်ငန်း၏ အမှုဆောင်အရာရှိသည် ငွေရှင်းကောင်တာ ဝန်ထမ်းဝတ်စုံဖြင့် ရုပ်ဖျက်ကာ သရုပ်ဆောင်ထားသည်။ ဆံပင်အတုနှင့် မိတ်ကပ်များဖြင့် သူမ၏သရုပ်မှန်ကို ဖုံးကွယ်ကာ ဆိုင်ခွဲတစ်ခွဲတွင် ဝန်ထမ်းသစ်အဖြစ် အလုပ်ဝင်လုပ်သည်။ သူမ၏ရည်ရွယ်ချက်မှာ အတွင်းကျကျနှင့်လက်တွေ့၌ ဖြစ်ပျက်သော အခြေအနေမှန်များကို သိရှိရန်ဖြစ်သည်။ သူမ၏လေ့လာတွေ့ရှိချက်များကြောင့် ဆိုင်တွင် ကြုံတွေ့ရသော ပြဿနာအချို့ကို ဖြေရှင်းနိုင်ခဲ့သည်။

သခင်ယေရှုသည် ကျွန်ုပ်တို့၏ပြဿနာများကို ဖြေရှင်းရန် “အစေခံကျွန်၏ သဏ္ဌာန်”ကို ယူတင်ဝတ်ဆောင်ခဲ့သည် (ဖိ ၂:၇)။ ကိုယ်တော်သည် လူသားတစ်ယောက်အဖြစ် ကမ္ဘာမြေတွင် ကျင်လည်လျက် ဘုရားသခင်အကြောင်း သွန်သင်ပေးပြီး နောက်ဆုံး ကျွန်ုပ်တို့၏အပြစ်အတွက် လက်ဝါးကပ်တိုင်ပေါ်တွင် အသေခံခဲ့သည်(:၈)။ နာခံမှုဖြင့် သူ့အသက်ကို ကျွန်ုပ်တို့၏အပြစ်ဖြေရာယဇ်အဖြစ် တင်လှူခြင်းက ခရစ်တော်၏နှိမ့်ချခြင်းကို ဖော်ကျူးနေသည်။ သူသည် လူသားအဖြစ် လောကတွင် ကျင်လည်ခဲ့ပြီး၊ ကျွန်ုပ်တို့အမှန်တကယ် ရင်ဆိုင်တွေ့ကြုံရသည့် အရာများကိုလည်း တွေ့ကြုံခဲ့ရသည်။…

စစ်မှန်သောဘာသာတရား

ကျွန်မ ကောလိပ်ဒုတိယနှစ်အပြီး နွေရာသီ၌ အတန်းဖော်သူငယ်ချင်းတစ်ဦး မမျှော်လင့်ပဲ ကွယ်လွန်သွားသည်။ သူ မကွယ်လွန်မီရက်အနည်းငယ်က သူ့ကို ကျွန်မတွေ့ခဲ့စဉ် သူ့အခြေအနေကောင်းပုံရပါသည်။ ကျွန်မနှင့် အတန်းဖော်များသည် ငယ်ရွယ်သူများဖြစ်ပြီး၊ ဘဝ၏အကောင်းဆုံးအချိန်ဟု ကျွန်မတို့ယူဆခဲ့သည့်အချိန်၌ ရှိနေချိန်၊ ကောလိပ်ကျောင်းသားအဖွဲ့နှင့် လူမှုရေးအသင်းအဖွဲ့အသီးသီးတွင် ကတိ ကဝတ်သစ္စာဆိုခဲ့ကြပြီး မောင်နှမများပမာ ဖြစ်လာချိန်တွင်ဖြစ်သည်။

ကျွန်မ၏အတန်းဖော် ကွယ်လွန်သွားချိန်၌ အမှတ်ရဆုံးမှာ “စင်ကြယ်သန့်ရှင်းသောသီလ” (ယာ ၁:၂၇) ဟု ရှင်ယာကုပ် ခေါ်ဆိုသည့်အရာကို ကျွန်မ၏ သဟာယစိတ်ဓါတ်ရှိသောသူငယ်ချင်းများ၏ လက်တွေ့ပုံသက်သေမှ တွေ့မြင်ခဲ့ရခြင်းဖြစ် သည်။ ယောကျ်ားလေးများသည် ကွယ်လွန်သွားသည့်သူငယ်ချင်း၏ ညီမအတွက် အစ်ကိုများကဲ့သို့ ဖြစ်လာခဲ့သည်။ သူမ၏အစ်ကို ကွယ်လွန်ပြီးနောက်ပိုင်းနှစ်များတွင် သူတို့သည် သူမ၏မင်္ဂလာပွဲကို တက်ရောက်ခဲ့ကြကာ ကလေးမွေးဖွားခြင်းအကြိုပွဲသို့လည်း သွားရောက်ခဲ့ကြသည်။ သူမလိုအပ်သည့်အချိန်၌ သူ့အားဆက်သွယ်နိုင်ရန် သူတို့အထဲက တစ်ဦးက သူမအား မိုဘိုင်းလ် ဖုန်းလက်ဆောင်ကိုပင် ပေးခဲ့သည်။
ရှင်ယာကုပ်၏အဆိုအရ စင်ကြယ်သောသီလ (စစ်မှန်သော…