စာရေးသူ

အားလုံးမြင်နိုင်ရန်

စာမူ/ အကြောင်းအရာ များ Kenneth Petersen

“ငါဖြစ်သည်အတိုင်းငါဖြစ်၏”

ဒဿနိကဗေဒနှင့် စာပေဆိုင်ရာ ပါမောက္ခ Jack (ဂျက်)သည် ထက်မြက်သောစိတ်ရှိသည်။ အသက် (၁၅) နှစ်တွင် သူ့ကိုယ်သူ ဘုရားမဲ့ဝါဒီတစ်ဦးအဖြစ် ကြေညာခဲ့ပြီး၊ အရွယ်ရောက်ပြီးချိန်တွင် သူ၏ “ဘုရားမဲ့ဝါဒယုံကြည်ခြင်း” ကို ပြတ်ပြတ်သားသား ခုခံကာကွယ်ခဲ့သည်။ ခရစ်ယာန်မိတ်ဆွေများက သူ့ကို ပြောင်းလဲလာအောင် ကြိုးစားခဲ့ကြသည်။ ဂျက် က “လူတိုင်း၊ အရာအားလုံးဟာ တခြားတစ်ဘက်ကို ကူးပြောင်းသွားကြပြီ” ဟုဆိုခဲ့သည်။ သို့သော် သမ္မာကျမ်းစာသည် အခြားစာပေများနှင့် ဒဏ္ဍာရီများနှင့် မတူကြောင်း သူဝန်ခံခဲ့ပြီး ခရစ်ဝင်ကျမ်းများနှင့် စပ်လျဥ်း၍ “ဒဏ္ဍာရီတစ်ခုသည် အမှန်ဖြစ်လာခဲ့သည်ရှိသော်၊ အမှန်တကယ် သရုပ်ဖော်ခဲ့သည်ရှိသော်၊ ဤသဘောအတိုင်း အမှန် ဖြစ်လိမ့်မည်”ဟု သူရေးသားခဲ့သည်။

သမ္မာကျမ်းစာမှ ထွက်မြောက်ရာကျမ်း ၃ သည် ဂျက်အ‌ပေါ် လွှမ်းမိုးမှု အရှိဆုံး ဖြစ်သည်။ ဘုရားသခင်သည် မောရှေအား ဣသရေလလူမျိုးတို့ကို အီဂျစ်ပြည်မှ ရွေးနှုတ်ရန် ခေါ်ဆိုခဲ့သည်။ မောရှေက “အကျွန်ုပ်သည် အဘယ်သို့သောသူဖြစ်၍၊…

သခင်ယေရှု၏ အသွေးတော်

သဘာဝအားဖြင့် အနီရောင်သည် ကျွန်တော်တို့ပြုလုပ်သောအရာများတွင် ပါဝင်လေ့မရှိပါ။ တောက်ပသော ပန်းသီးအရောင်ကို တီရှပ်အင်္ကျီ (သို့) နှုတ်ခမ်းနီထဲသို့ မည်ကဲ့သို့ ထည့်သွင်းပါသနည်း။ ရှေးခေတ်က အနီရောင်ကို ရွံ့ (သို့) အနီရောင်ကျောက်များမှ ထုတ်ယူသည်။ ၁၄၀၀ ပြည့်နှစ်များတွင် မက်ဆီကိုနိုင်ငံ အလယ်ပိုင်းဒေသရှိ အက်ဇထက်ခ် (Aztecs) လူမျိုးများသည် အနီရောင်ပိုးမွှားများကိုအသုံးပြု၍ ဆိုးဆေးအနီ ပြုလုပ်သည့်နည်းလမ်းတခုကို တီထွင်ခဲ့သည်။ ယနေ့တွင် ထိုအင်းဆက်ပိုးမွှား သေးသေးလေးများကပင် ကမ္ဘာကြီးကို အနီရောင်ဖြင့် ထောက်ပံ့ပေးပါသည်။

သမ္မာကျမ်းစာ၌ အနီရောင်သည် တော်ဝင်မျိုးနွယ်တို့၏သင်္ကေတ ဖြစ်ပြီး အပြစ်နှင့် သိမ်ငယ်ခြင်းကိုလည်း ကိုယ်စားပြုသည်။ ၎င်းသည် သွေး၏အရောင်လည်းဖြစ်သည်။ စစ်သားများက သခင်ယေရှု၏ “အဝတ်တော်ကိုချွတ်၍ နီသောဝတ်လုံကိုခြုံစေကြ”သောအခါ (မ ၂၇:၂၈) အနီရောင် ကိုယ်စားပြုသည့် ထိုသင်္ကေတ (၃) ခုလုံးသည် စိတ်နှလုံးကြေကွဲစရာ ပုံရိပ်အဖြစ် ပူးပေါင်းသွားကြသည်။ သခင်ယေရှုသည် တော်ဝင်မင်းမျိုးအဖြစ် လှောင်ပြောင်ခံရလျက်၊…

ဘုရားသခင်ထံ စွန့်လွှတ် အပ်နှံခြင်း

လယ်ထဲတွင် မွေးဖွားကြီးပြင်းခဲ့သူ Judson Van DeVenter (ဂျဒ်ဆန်ဗန်ဒီဗန်ဒါ)သည် ပန်းချီပညာ သင်ယူခဲ့ကာ အနုပညာကိုလေ့လာခဲ့ပြီးနောက် အနုပညာဆရာတစ်ယောက် ဖြစ်လာခဲ့သည်။ သို့သော် ဘုရားသခင်ထံတွင် သူ့အတွက် အခြားအကြံအစည်ရှိသည်။ ဘုရားကျောင်းတွင် သူ၏လုပ်ကိုင်ဆောင်ရွက်မှုတို့ကို သူငယ်ချင်းများက တန်ဖိုးထားပြီး ဧဝံဂေလိပြုရန် သူ့အားတိုက်တွန်းခဲ့သည်။ ဘုရားသူ့ကိုခေါ်နေသည် ဟု ဂျဒ်ဆန် ခံစားခဲ့ရသည်။ သို့သော် သူမြတ်နိုးသည့် အနုပညာသင်ခြင်းကို မစွန့်လွှတ်နိုင်ပေ။ ဘုရားနှင့်သူလုံးထွေးခဲ့ရသော်လည်း “နောက်ဆုံး ငါ့ဘဝရဲ့ အဓိကအချိန် ရောက်လာခဲ့ပြီ။ ငါအားလုံးကို အပ်နှင်းလိုက်ပြီ” ဟု သူရေးခဲ့သည်။

သားဖြစ်သူ ဣဇက်ကိုပေးရန် ဘုရားတောင်းသည့်အခါ အာဗြဟံခံစားရမည့် ကြေကွဲမှုကို ကျွန်ုပ်တို့မတွေးရဲပါ။ ဣဇက်ကို မီးရှို့ရာယဇ်အဖြစ်ပူဇော်ရန် ဘုရားရှင်မိန့်သည့် အဖြစ်အပျက်ကို (က ၂၂:၂) သိရသည့်အခါ မည်သည့်အဖိုးတန်ပစ္စည်းများကို ပူဇော်ရန် ကျွန်ုပ်တို့ကို ဘုရားသခင်မိန့်မှာနေသနည်းဟု ကျွန်ုပ်တို့ မိမိကိုယ်ကို ပြန်မေးကြသည်။ အဆုံးတွင် ဣဇက်ကို ဘုရားချမ်းသာပေးကြောင်း (:၁၂) ကျွန်ုပ်တို့သိသော်လည်း…

ခွင့်လွှတ်ခြင်းနှင့် မေ့ပစ်ခြင်း

Jill Price (ဂျေးလ်ပရိုက်စ်)သည် သူ့မ၌ ဖြစ်ခဲ့သမျှအရာအားလုံးကို အလွန်တိကျသော အသေးစိတ်အချက်အလက်များနှင့် မှတ်မိနိုင်စွမ်းရှိသည့် hyperthymesia (ဟိုက်ပါသိုင်မီးစီးယား) ရောဂါအခြေအနေနှင့် မွေးဖွားလာခဲ့သည်။ ဘဝတစ်လျှောက် တွေ့ကြုံခဲ့သည့် မည်သည့်အဖြစ်အပျက်ကိုမဆို သူ့စိတ်ထဲတွင် အတိအကျ ပြန်လည်စဉ်းစားနိုင်သည်။

‘Unforgettable’ (မမေ့နိုင်သော) ဟူသည့် ရုပ်မြင်သံကြားအစီအစဉ်သည် အသေးစိတ်စုံစမ်းမှုနှင့် မှုခင်းများဖြေရှင်းရာတွင် သူမအတွက် အလွန်အထောက်အကူပြုသည့် ဟိုက်ပါသိုင်မီးစီးယား ရောဂါအခြေအနေရှိသော ရဲမေတစ်ဦးအကြောင်းဖြစ်သည်။ ဂျေးလ်ပရိုက်စ် အတွက်မူ ဤအခြေအနေသည် အလွန်ပျော်စရာ မဟုတ်ပါ။ သူမဘဝတွင် သူမ ဝေဖန်ခံရခြင်း၊ ဆုံးရှုံးမှုကို တွေ့ကြုံရခြင်း သို့မဟုတ် အလွန်အမင်းနောင်တရရသည့်အရာတစ်ခုခုကို သူမလုပ်ခဲ့သည့်အခိုက်အတန့်များကို သူ မမေ့နိုင်ပါ။ ထိုအချိန်များကို သူမခေါင်းထဲတွင် ထပ်တလဲလဲ ပြန်ပြန်မြင်ယောင်သည်။

ကျွန်တော်တို့၏ဘုရားသခင်သည် အရာခပ်သိမ်းကို သိမြင်ပါသည် (ဘုရား သခင်၏ ဟိုက်ပါသိုင်မီးစီးယား ဟု ဆိုနိုင်ပါသည်)။ ထာဝရဘုရား၏ဉာဏ်ပညာတော်သည် အတိုင်းအဆမရှိကြောင်းကို သမ္မာကျမ်းစာမှ ဆိုထားသည်။…

ပြာအရာ၌ပေါင်းသရဖူ

အမေရိကန်နိုင်ငံ၊ ကော်လိုရာဒိုပြည်နယ်သမိုင်းတွင် ပျက်စီးမှုအများဆုံးဖြစ်စေခဲ့သည့် မာရှယ် မီးလောင်မှု (Marshall Fire) ဖြစ်ပွားပြီးနောက် ပြာမှုန်များကြား မိသားစုတို့၏တန်ဖိုးကြီးပစ္စည်းများကို ကူညီရှာဖွေရန် အမှုတော်လုပ်ငန်းတစ်ခုမှ ကမ်းလှမ်းခဲ့သည်။ ပကတိအတိုင်း ရှိနေဦးမည်ဟု သူတို့ထင်ကြသည့် အဖိုးတန်ပစ္စည်းများကို မိသားစုဝင်များက စာရင်းပေးခဲ့သည်။ ပစ္စည်းမဆိုစလောက်ကိုသာ အကောင်းအတိုင်း ပြန်ရသည်။ အမျိုးသားတစ်ဦးက အပေါ်ထပ်အိပ်ခန်းရှိ မှန်တင်ခုံတွင် သူ၏လက်ထပ်လက်စွပ်ကို ထားခဲ့ကြောင်း လွမ်းလွမ်းဆွတ်ဆွတ် ပြောပြသည်။ အိမ်နှင့်တကွ အိမ်ထဲရှိအရာအားလုံး ကျွမ်းလောင်ကာ မြေကြီးပေါ်တွင် ပြာပုံအဖြစ်သာ ကျန်ခဲ့တော့သည်။ ရှာဖွေပေးကြသူများသည် အိပ်ခန်းရှိခဲ့သည့် နေရာထောင့်တွင် လက်စွပ်ကို ရှာဖွေပေးကြသော်လည်း အချည်းနှီးပင်။

ပရောဖက် ဟေရှာယသည်လည်း ချေမွခံရတော့မည့် ယေရုရှလင်မြို့၏ ပျက်စီးကိန်းကို စိတ်ကြေကွဲစွာ ရေးသားခဲ့သည်။ ထိုနည်းတူစွာ ကျွန်ုပ်တို့ဘဝတွင် မိမိတို့ကိုယ်တိုင် တည်ဆောက်ထားသည့်အရာများ ပြာဖြစ်သွားပြီဟု ခံစားခဲ့ရသည့် အချိန်များ ရှိခဲ့ဖူးသည်။ စိတ်ဝိညာဉ်နှင့်ခန္ဓာပိုင်း၌ ထိခိုက်ကြေကွဲကာ ကျွန်ုပ်တို့၌ ဘာမျှမကျန်တော့ဟု…

အတွင်း၌ တည်ရှိသည့် ဂန္တဝင်လက်ရာ

‘The Atlantic’ (အတ္တလန်တိတ်) စာအုပ်၌ စာရေးဆရာ Arthur C. Brooks (အာသာစီဘရွတ်စ်)က ကမ္ဘာတွင် တရုတ်အနုပညာလက်ရာ အများဆုံးစုဆောင်း ထားသည့် နေရာတစ်ခုဖြစ်သော တိုင်ဝမ်နိုင်ငံရှိ National Palace Museum (အမျိုးသား နန်းတော်ပြတိုက်)သို့ သွားလည်ခဲ့သည့်အကြောင်းကို ရေးသားခဲ့သည်။ ပြတိုက်လမ်းညွှန်က “စတင်ဖြစ်လာမဲ့ အနုပညာလက်ရာတစ်ခုကို တွေးကြည့်ပါလို့ ကျွန်တော်ပြောတဲ့အခါ ခင်ဗျားဘာကို တွေးမိသလဲ” ဟု မေးခဲ့သည်။ ဘရွတ်စ်က “ပတ္တူစ အလွတ်ကြီးကို တွေးမိတယ်ထင်တယ်” ဟုပြောရာ၊ ဧည့်လမ်းညွှန်က “အဲ့ဒါကို အခြားတစ်နည်းနဲ့ ‘အနုပညာဆိုတာ ရှိပြီးသားပါ၊ အနုပညာရှင်ရဲ့အလုပ်က အဲ့ဒီအနုပညာကို ဖော်ထုတ်ဖို့ဖြစ်တယ်’လို့ မြင်လို့ရသေးတယ်” ဟု ဖြေခဲ့သည်။

ဧဖက်သြဝါဒစာ ၂:၁၀ တွင် “ဖန်ဆင်းတော်မူရာ” (handiwork) ဟူသည့် စကားလုံးကို “ကျွမ်းကျင်မှုအဆင့်”၊ “ပြောင်မြောက်သောမူရင်းလက်ရာ” စသည်ဖြင့် တစ်ခါတစ်ရံ ဘာသာပြန်ဆိုကြသည်။ ၎င်း၏မူရင်း…

အလားအလာ အနည်းဆုံးရှိသူ

အက်စတင်မာတင် (Aston-Martins) ကားများနှင့် အခြားဇိမ်ခံပြိုင်ကားများ မောင်းနှင်သူများကို အထူးဆွဲဆောင်မှုရှိသော သူလျှိုများအဖြစ် ဟောလီးဝုဒ် ရုပ်ရှင်များ၌ တွေ့ရသည်။ သို့သော် CIA (ထောက်လှမ်းရေးဌာန) အရာရှိဟောင်း Jonna Mendez (ဂျိုနာမန်းဒစ်) က အဖြစ်မှန်၏ ဆန့်ကျင်ဘက်ပုံရိပ်ကို ထောက်ပြ သည်။ သူလျှိုတစ်ဦးသည် “သူလိုကိုယ်လို ထူးမခြားနားဖြစ်တဲ့သူ၊ မပေါ်လွင်တဲ့သူ၊ ဆွဲဆောင်မှုမရှိတဲ့သူ၊ လူတို့ အမှုမဲ့အမှတ်မဲ့ မေ့သွားတဲ့သူ ဖြစ်ရမယ်” ဟု သူမက ဆိုသည်။ အကောင်းဆုံးသောသူလျှိုများမှာ သူလျှိုနှင့် မတူဆုံးသောသူ ဖြစ်ပါသည်။

ဣသရေလသူလျှိုနှစ်ဦးတို့ ယေရိခေါမြို့သို့ ခိုးဝင်လာစဥ် ဘုရင့်စစ်သားများ၏ရန်မှ သူတို့ကို ဝှက်ပေးခဲ့သူမှာ ရာခပ်ဖြစ်သည် (ယောရှု ၂:၄)။ သူမသည် ဘုရားရှင်အတွက် ထောက်လှမ်းရေးသူလျှိုလုပ်ရန် အလားအလာ အနည်းဆုံး ရှိသောသူဖြစ်သည်။ အဘယ့်ကြောင့်ဆိုသော် သူမကို ပယ်သင့်သည့်အချက် သုံးချက် ရှိပါသည်။ သူမသည် ခါနန်လူမျိုး၊…

ထောင်ချီသောအလင်းစက်များ

အမေရိကန်နိုင်ငံ၊ Alabama (အလာဘားမား) ပြည်နယ်၊ အနောက်မြောက်ပိုင်းရှိ ‘Dismal Canyon’ (ဒစ်မဲလ်လျှိုကြီး)သည် နှစ်စဉ် ကမ္ဘာလှည့်ခရီးသွား အများအပြားကို ဆွဲဆောင်လျက်ရှိပြီး၊ မှက်ပိုးလောင်းများ ပေါက်ပွားကာ ပိုးစုန်းကြူးများ ဖြစ်လာချိန် မေလနှင့်ဇွန်လတွင် ခရီးသွားများ အလာများသည်။ ညအချိန်တွင် ပိုးစုန်းကြူးများမှ လှပသောအပြာရောင်အလင်း ဖြာထွက်ပြီး၊ ထောင်ပေါင်းများစွာ‌သော ပိုးကောင်များက ရင်သပ်ရှုမောဖွယ် အလင်းကို ဖန်တီးဖြစ်စေသည်။

တမန်တော်ရှင်ပေါလုသည် ခရစ်တော်၌ယုံကြည်သူများကို ပိုးစုန်းကြူးများအဖြစ် ရေးသားခဲ့သည်။ သူက “အထက်ကာလ၌ သင်တို့သည် မှောင်မိုက်အတိဖြစ်ကြ၏။ ယခုမူကား သခင်ဘုရား၏အလင်း ဖြစ်၏” ဟု ရှင်းပြခဲ့သည် (ဧ ၅:၈)။ သို့ရာတွင် “မိမိ၏သေးငယ်သောအလင်း”က မည်သို့ ထူးခြားမှုမျိုး ပေးနိုင်ပါမည်နည်းဟု တစ်ခါတစ်ရံ ကျွန်ုပ်တို့တွေးမိမည်။ တစ်ကိုယ်တော် ထွန်းလင်းရန် မဟုတ်ဟု ရှင်ပေါလုအကြံပြုပါသည်။ သူက ကျွန်ုပ်တို့အား “အလင်း၏သား” (:၈)ဟု ခေါ်ဆိုပြီး၊ “အလင်း၌နေသော…

မပြောင်းလဲသောဘုရားသခင်

အထင်ကရဓာတ်ပုံတစ်ခု၌ မီးခိုးရောင်နောက်ခံထားလျက် ရိုက်ထားသော ဖိနပ်ခြေရာတစ်ခုကို တွေ့ရသည်။ ၎င်းသည် အာကာသယာဉ်မှူး Buzz Aldrin (ဘာ့စ်အော်လ်ဒရင်)၏ ၁၉၆၉ ခုနှစ်၊ လကမ္ဘာပေါ်တွင် ထင်ကျန်ခဲ့သော ခြေရာဖြစ်သည်။ ထိုခြေရာများသည် နှစ်ပေါင်းများစွာတိုင် မပြောင်းမလဲ ယနေ့တိုင် လကမ္ဘာပေါ် ကျန်ရစ်နေပုံရကြောင်း သိပ္ပံပညာရှင်များက ဆိုသည်။ လေနှင့်ရေ မရှိသောကြောင့် လပေါ်ရှိ မည်သည့်အရာမဆို တိုက်စားဖယ်ရှားခြင်း မခံရပေ။ လမျက်နှာပြင်ပေါ်တွင် ဖြစ်ပြီးခဲ့သမျှသည် ယနေ့တိုင် ဆက်လက်ကျန်ရှိနေသည်။

ဘရားသခင်၏အစဉ်တည်ရှိခြင်းကို ဆင်ခြင်တွေးတောပါက ပို၍အံ့သြဖွယ်ပင်ဖြစ်သည်။ ကောင်းမွန်စုံလင်သော ဆုကျေးဇူးရှိသမျှတို့သည် ‌ရွေ့လျော့တိမ်းယိမ်းခြင်းမရှိ၊ ပြောင်းလဲခြင်းအရိပ်နှင့်ကင်းလွတ်သော အထက်အရပ်မှ အလင်းတို့၏အဘထံတော်က သက်ရောက်သည်ဟု ရှင်ယာကုပ် ရေးသားခဲ့သည် (ယာ ၁:၁၇)။ ကျွန်ုပ်တို့၏ရုန်းကန်မှုများအတွက် “အထူးထူး အပြားပြား စုံစမ်းနှောင့်ယှက်ခြင်းနှင့်တွေ့ကြုံ‌သောအခါ ဝမ်းမြောက်စရာအကြောင်းသက်သက် ဖြစ်သည်ဟု မှတ်ကြ”ရန် (:၂-၃) တမန်တော်ကြီးက ထိုသို့ ရေးသားခဲ့ခြင်းဖြစ်သည်။ အဘယ်ကြောင့်ဆိုသော် ကျွန်ုပ်တို့သည်…

ပျော်မွေ့ရာနေရာများ

ခရီးသွားအကြုံပြုချက်တစ်ချို့ရှိပါသည်။ သင်နောက်တစ်ကြိမ် အမေရိကန်နိုင်ငံ၊ Wisconsin (ဝစ္စကွန်ဆင်)ပြည်နယ်၊ Middleton (မစ်ဒယ်လ်တန်)မြို့ကို သွားသည့်အခါ ‘National Mustard Museum’ (အမျိုးသား မုန်ညှင်းပြတိုက်)သို့ သွားလည်သင့်သည်။ မုန်ညှင်းတစ်မျိုးနှင့်လုံလောက်ပြီဟု ထင်ကြသူများအတွက် တစ်ကမ္ဘာလုံးမှ မုန်ညှင်းအမျိုးပေါင်း ၆,၀၉၀ ရှိသော ဤနေရာသည် အံ့ဩဖွယ် ကောင်းလှသည်။ Texas (တက္ကဆက်)ပြည်နယ်၊ မက်ခလန် (McLean)မြို့၌ ‘Barbed Wire Museum’ (သံဆူးကြိုးပြတိုက်) သို့ရောက်သော် သံဆူးကြိုးခတ်သည့် ဝါသနာမျိုး ရှိနေသည်ကိုပင် သင်အံ့ဩပါလိမ့်မည်။

၎င်းသည် မိမိအတွက် မည်သည့်အရာက အရေးပါသည်ဟု သဘောထားကြသည်ကို ပြနေပါသည်။ ငှက်ပျောသီးပြတိုက်တွင် နေ့လည်ခင်း အချိန်သွားဖြုန်းခြင်းထက် ပိုဆိုးသည့်အရာကိုပင် သင်လုပ်နိုင်သည်ဟု စာရေးဆရာတစ်ယောက်က ဆိုသည် (ကျွန်တော်တို့သဘောတူချင်မှ တူပါမည်)။

ကျွန်တော်တို့က အပျော်အပျက်ရယ်ကြသော်လည်း မိမိလုပ်သည့်အရာအချို့ကို ခင်းကျင်းပြသသည့် မိမိ၏စိတ်နှလုံးပျော်မွေ့ရာပြတိုက်များကို ကျွန်တော်တို့ထိန်းသိမ်းတတ်ကြောင်း ဝန်ခံရန်မှာ အလေးထားဆင်ခြင်စရာကိစ္စ ဖြစ်သည်။…