များစွာသောလူအစုအဝေး

၂၀၁၀ ခုနှစ်တွင် တောင်အာဖရိကနိုင်ငံ၊ ကိတ်ထောင်းမြို့တွင် သခင်ယေရှုကို ယုံကြည်သူ ၄၀၀၀ နီးပါး စုဝေးခဲ့ကြသည်။ နိုင်ငံပေါင်း ၁၉၈ နိုင်ငံမှ ကိုယ်စားလှယ် များ ပါဝင်သည့် ထိုညီလာခံပွဲသည် သခင်ယေရှုလောကသို့ ကြွလာခဲ့ချိန်မှစ၍ အနှစ် ၂၀၀၀ အတွင်း ခရစ်ယာန်အသင်းတော်၏ ကိုယ်စားလှယ်အများဆုံး တွေ့ဆုံပွဲဟု သတ်မှတ်နိုင်သည်။

ယုံကြည်သူများ အားလုံးအတူတကွရှိမည့် “ကိုယ်စားလှယ်” မလိုအပ်သော စုဝေးပွဲနေ့ ရောက်လာဦးမည်။ ဘုရားသခင်ထံမှရရှိသော ရူပါရုံတစ်ခုတွင် ယောဟန်က “ထိုနောက်မှ ငါကြည့်လျှင်၊ အသီးအသီးဘာသာစကားကို ပြောသော လူအမျိုးအနွယ်ခပ်သိမ်းတို့ အထဲမှထွက်၍၊ အဘယ်သူမျှ မရေတွက်နိုင်သော လူများအပေါင်းတို့သည် ဖြူသောဝတ်လုံကို ဝတ်ဆင်လျက်၊ စွန်ပလွံခက်ကိုကိုင်လျက်၊ ပလ္လင်တော်ရှေ့၊ သိုးသူငယ် ရှေ့မှာရပ်နေကြ၏။ သူတို့ကလည်း၊ ပလ္လင်ပေါ်မှာ ထိုင်တော်မူသော ငါတို့၏ဘုရားသခင်နှင့် သိုးသူငယ်သည် ကယ်တင်တော်မူခြင်းချမ်းသာ ရှိတော်မူစေသတည်းဟု ကြီးသောအသံနှင့် ကြွေးကြော်ကြ၏ (ဗျာ ၇:၉-၁၀)…

အလုံးစုံတို့ကို ဖန်ဆင်းတော်မူသောဘုရားသခင်

၂၀၂၁ ခုနှစ်တွင် စတားထရက်ခ်(Star Trek)ရုပ်ရှင်မှ သရုပ်ဆောင် ဝီလီယမ်ရှထ်နာ(William Shatner)သည် ဒုံးပျံဖြင့် အာကာသခရီးစဉ် သွားရောက်ခွင့်ရခဲ့၍ ပျော်ရွှင်ခဲ့သည်။ နောက်ပိုင်းတွင် သူ၏ခရီးစဉ်ကို ပြန်တွေးကြည့်သောအခါ သူ့အတွေ့အကြုံနှင့်စပ်လျဥ်း၍ သူမျှော်လင့်ထားသမျှသော အရာအားလုံး မှားနေသည်ဟု ပြောခဲ့သည်။ ကျယ်ပြောလှသောအာကာသကြီးသည် သက်ရှိအားလုံးနှင့် နက်နဲသောဆက်စပ်မှုကို ပေးစွမ်းနိုင်လိမ့်မည်ဟု သူမျှော်လင့်ခဲ့သော်လည်း ဝမ်းနည်းပူဆွေးမှုကိုသာ ခံစားခဲ့ရသည်။ အေးစက်ပြီး ဟင်းလင်းပြင်ဖြစ်သော အာကာသ၏အမှောင်ထုက ကမ္ဘာမြေကြီး၏ အလှတရားနှင့်ပျက်စီးလွယ်မှုကို အသစ်တဖန် ရှင်းလင်းစွာ သိစေခဲ့သည်။

အာကာသတွင်းသို့ စွန့်စားသွားရောက်သောအတွေ့အကြုံမျိုးကို လူအနည်းငယ်သာ ကိုယ်တွေ့ကြုံကြရသည်။ စကြဝဠာရှိဘုရားသခင်၏ဖန်ဆင်းခြင်းအကြောင်း သမ္မာကျမ်းစာပါဖြစ်စဉ်က ဖန်ဆင်းခြင်းကို ကိုယ်တော်၏အမြင်ဖြင့် မြင်ရန် ကျွန်ုပ်တို့ကို ဖိတ်ခေါ်သည်။ ဘုရားသခင်၏ပထမဦးဆုံးမှတ်တမ်းဝင်လုပ်ဆောင်ချက်များမှာ အစီအစဥ်အရ “အဆင်းသဏ္ဌာန် မရှိ၊ လွှတ်လပ်လဟာဖြစ်သောမြေကြီး”မှ “ကောင်းကင်နှင့်မြေကြီး”ကို ဖန်ဆင်းခဲ့ပြီး၊ ၎င်းသည် “အလင်းနှင့်မှောင်မိုက်ကို (ပိုင်းခြား)”ရန် ဖြစ်သည် (က ၁:၁-၂, ၄)။ ကျန်သောဖန်ဆင်းခြင်းဖြစ်စဉ်တွင်…

ယုံကြည်ကိုးစားထိုက်‌သောခိုလှုံရာ ဘုရားသခင်

ကျွန်မသမီး၏တန်ဖိုးအရှိဆုံး ကလေးဘဝအမှတ်တရများထဲမှတစ်ခုမှာ သူမဖခင်က သူမကို လေ့ကျင့်ရေးဘီးမပါဘဲ စက်ဘီးစီးသင်ချိန်များဖြစ်သည်။ တစ်ကြိမ်တွင် သူ့ဖခင်က စက်ဘီး၏နောက်ဘီး၌ ရပ်ပြီး သမီးနှင့်အတူ စက်ဘီးလက်ကိုင်နှစ်ဘက်ကိုကိုင်ကာ ကုန်းဆင်းပြေသည့် ဆင်ခြေလျှောမှ ညင်သာစွာ ဆင်းခဲ့ကြသည်။ ထိုအခိုက်အတန့်၌ သူမသည် အလွန်ကြောက်ရွံ့ထိတ်လန့်ခဲ့သော်လည်း ဖခင်မှာမူ အလွန်သဘောကျကာ ရယ်မောခဲ့သည်ကို သူမသတိရသည်။ ထိုအချိန်က အလွန်တိုတောင်းသော်လည်း ဖခင်သည် သူမ၏ခံစားချက်ကို မျှဝေခံစားပေးခဲ့သည်။ ယခုတွင် ဖခင်နှင့်သူမ၏ ရှေးဟောင်းနှောင်းဖြစ်များကို ပြန်ပြောတိုင်း ထိုအကြောင်းက အမြဲပါသည်။ ထိုအချိန်မျိုးတွင် သူမ၏ အမှတ်တရများနှင့်ပတ်သက်၍ အရာအားလုံး သူ့အလိုလို အဆင်ပြေသွားမှာ အဖေသိနေခြင်းကို သမီးစိတ်ချရန် ဖခင်က ကြင်နာစွာ အားပေးခဲ့သည်။

ထိုအကြောင်းအရာသည် ဘဝ၌ ကျွန်မတို့ ကြောက်ရွံ့ထိတ်လန့်သည့်အခိုက်အတန့်များတွင် ဖြစ်တတ်သည့်သဘောကိုပြသည့် သာဓကတစ်ခုပင်ဖြစ်သည်။ အပေါ်စီးအမြင်၌ “တောင်ကုန်း”က ကြီးမားပြီး ထိတ်လန့်စရာပါ။ အန္တရာယ်ဖြစ်နိုင်ခြေများသည်ဟု ထင်စရာရှိသည်။ သို့သော် သမ္မာကျမ်းစာ၌ “ထာဝရဘုရားသည်…

သိုးများလမ်းဖြတ်ကူးခြင်း

ယာဥ်ကြောပိတ်နေသည်။ ဘာကြောင့်မှန်း ကျွန်မမသိပါ။ လမ်းပေါ်၌ ကားအချို့သာရှိပြီး ကားပိတ်စရာ အကြောင်းမရှိပါ။ ထို့နောက်တွင် ရုပ်ခြည်းဆိုသလို ထောင်နှင့်ချီသည့် သိုးများပေါ်လာပြီး လမ်းဖြတ်ကူးကြ၍ ကျွန်မအလွန်အံ့ဩဝမ်းသာသွားသည်။ ကျွန်မသည် အမေရိကန်နိုင်ငံ အိုင်ဒါဟိုပြည်နယ်သို့ အသစ်ရောက်လာသူဖြစ်၍ နွေကူးရာသီ၌ ဘွိုင်စီးတောင်ခြေသို့ သိုးများ နှစ်စဥ်ရွှေ့ပြောင်းလာခြင်း အတွေ့အကြုံနှင့် ကျွန်မကျင့်သားမရသေးပါ။ ဒေသခံ မွေးမြူရေးသမားများက သိုးများကို နွေရာသီတစ်လျှောက် မြက်များရှိသည့်တောင်ခြေသို့ ခေါ်ဆောင်ခဲ့ကြသည်။

တစ်ဘဝလုံး မြို့ကြီးမြို့ငယ်များတွင်သာ နေထိုင်ခဲ့ခြင်းကြောင့် ထိုမြင်ကွင်းက ကျွန်မအတွက် ကြည့်ကောင်းနေတော့သည်။ ပရောဖက်ယေဇကျေလခေတ်အချိန် (နှင့် သမ္မာကျမ်းစာ၌ မှတ်တမ်းတင်သည့်အကြောင်းအရာများစွာတွင်) သိုးများသည် လူမှုဘဝရှင်သန်မှု၏သာမန်အစိတ်အပိုင်း ဖြစ်သည်။ ပရောဖက်ကြီးက လူတို့အကျွမ်းတဝင်သိနားလည်သည့် သိုးနှင့် သိုးထိန်းကျောင်းခြင်းအမှုကို ဖော်ပြလျက် နှစ်သိမ့်သက်သာခြင်းနှင့် မျှော်လင့်ခြင်းနှင့်ဆိုင်သည့် ဘုရားသခင်၏ သတင်းစကားကို ဖွင့်ပြခဲ့သည်။

ဣသရေလလူမျိုးတို့သည် ဘုရားသခင်အပေါ် အကြိမ်ကြိမ်ပုန်ကန်ခြင်း၏ အကျိုးဆက်အဖြစ် ဗာဗုလုန်ပြည်၌ ဆင်းရဲဒုက္ခကို နှစ်ပေါင်းများစွာ ခံစားခဲ့ရသော်လည်း…

ဘုရားသခင်ကို ထောမနာသီချင်းဆိုခြင်း

ဒိုင်ယာနာ(Diana)၏ အမြင်အာရုံများယိုယွင်းလာသောအခါ သူစိတ်ပူလာသည်။ သူမသည် အာရုံမစိုက်နိုင်ခြင်း၊ မေ့‌လျော့ခြင်း၊ ချီတုံချတုံဖြစ်ခြင်းစသည့် အခက်အခဲများကို ကြုံတွေ့ခံစားနေရပြီး၊ တစ်ခုခုကို ထပ်တလဲလဲ ပြောနေလုပ်နေမိသည်။ ဆရာဝန်များက သူမ၏ရောဂါလက္ခဏာများကိုကြည့်ပြီး မျက်လုံး ပြဿနာမဟုတ်ဘဲ၊ သူမ၏ဦးနှောက်တွင် အကျိတ်ကြီးတစ်ခု ရှိနေကြောင်းနှင့် ၎င်းကို ခွဲစိတ်ဖယ်ရှားရန် လိုအပ်ကြောင်း သူတို့သိလိုက်ရသည်။ ခွဲစိတ်မှုကြောင့် သူမ ဝါသနာပါသော၊ မိသားစုနှင့်အတူ ချီးမွမ်းသည့် သီချင်းဆိုနိုင်စွမ်းကို ထိခိုက်မည်ကို စိုးရိမ်ခဲ့သည်။ ထို့ကြောင့် ခွဲစိတ်ဆရာဝန်က ထုံဆေးဖြင့် ခွဲစိတ်ကာ လူနာကို အသိသတိရှိစေလျက်၊ ခွဲစိတ်မှုပြုနေစဥ်အတွင်း သူမကို သီချင်းဆိုစေခြင်းဖြင့် သူမ၏ အာရုံကြောပတ်လမ်း ပုံမှန်အလုပ်လုပ်နေကြောင်း သူသိရှိနိုင်သည်။ ခွဲစိတ်နေစဥ်အတွင်း သူတို့နှစ်ဦးအတူတွဲ၍ သီချင်းဆိုရာ၊ ၎င်းကိုပင် အသံဖမ်းထားခဲ့သည်။

ဒိုင်ယာနာကဲ့သို့ပင်၊ သမ္မာကျမ်းစာ၌ ဆာလံသီချင်းများစွာကို ရေးသားခဲ့သူ ဒါဝိဒ်မင်းကြီးသည် သီချင်းဆိုခြင်းကို နှစ်သက်ပြီး၊ ဝမ်းနည်းချိန်နှင့် ရွှင်လန်းဝမ်းမြောက်ချိန်နှစ်မျိုးလုံးတွင် ဘုရားသခင်ထံ မကြာခဏသီချင်းဆိုလေ့ရှိသည်။…

ဝိညာဉ်တော်အားဖြင့် ပြောင်းလဲခံရသည်

နီးလ်‌ဒေါက်ကလက်စ် (Neil Douglas)သည် အိုင်ယာလန်နိုင်ငံ(Ireland)သို့ သွားမည့် လေယာဉ်ပေါ်တွင် သူ့ထိုင်ခုံ၌ အခြားခရီးသည် တစ်ဦးရှိနေသဖြင့် ၎င်းကို ဖြေရှင်းရန် စကားစလိုက်သည်။ ထိုခရီးသည်က မော့ကြည့်ရာ နီးလ်မှာ သူနှင့်ပုံစံတူသူနှင့် မျက်နှာချင်းဆိုင်တွေ့လိုက်ရသည်။ အခြားခရီးသည်များက ပုံစံတူအမျိုးသားနှစ်ယောက်ကို ကြည့်ပြီး ရယ်မောကြစဥ် နီးလ်တို့ နှစ်ဦးသား ဆယ်လ်ဖီရိုက်ခဲ့သည်။ ထိုနောက် တည်းခိုမည့် ဟိုတယ်တစ်ခုတည်းဖြစ်နေ၍ သူတို့ပြန်ဆုံခဲ့ပြီး၊ တတိယအကြိမ်တွင်မူ ဒေသခံအရက်ဆိုင်တွင် ထပ်ဆုံပြန် သည်။ နောက်တစ်နေ့မနက်တွင် ထူးထူးခြားခြား တူညီသော မျက်နှာသွင်ပြင်ကြောင့် သူတို့၏ဆယ်လ်ဖီဓာတ်ပုံမှာ ဆိုရှယ်မီဒီယာတွင် ပျံ့နှံ့သွားကြောင်း သိလိုက်ရသည်။

မွေးချင်းအမြွှာမဟုတ်ဘဲ အခြားလူတစ်ဦးနှင့် ဆင်တူခြင်းက အံ့အားသင့်စရာဖြစ်သော်လည်း ဘုရားသခင် နောက်တော်လိုက်လျှောက်သည့်အခါ ကျွန်ုပ်တို့သည် ဘုရားသခင်နှင့် ပို၍တူလာမည်ဟု သမ္မာကျမ်းစာက ဖော်ပြထားသည်။ ဓမ္မဟောင်းကျမ်းတွင် ဘုရားသခင်နှင့် မျက်နှာချင်းဆိုင်တွေ့ဆုံခြင်းဖြင့် မောရှေ၏ မျက်နှာပြောင်းလဲသွားပြီး၊ “မောရှေ၏မျက်နှာမှထွက်သောရောင်ခြည်ကြောင့် ဣသရေလအမျိုးသားတို့သည် သူ၏မျက်နှာကို စေ့စေ့မကြည့်ရှုနိုင်”ပါ…

နှိမ့်ချခြင်း ဂုဏ်အသရေ

မူလတန်းကျောင်းဆရာမတစ်ယောက်အနေဖြင့် ကျွန်မ၏သူငယ်ချင်းသည် သူမ၏တပည့်ကျောင်းသားများကို ဂီတ သို့မဟုတ် အနုပညာ ဘာသာရပ်များသင်ကြားသောအခန်းများသို့ ခေါ်သွားလေ့ရှိသည်။ အခြားအခန်းသို့ သွားရန် တန်းစီခိုင်းသောအခါ၊ ပဉ္စမတန်းကျောင်းသားများက သူ့ထက်အလျင်နေရာယူပြီး အချို့က ထိပ်ဆုံးနေရာကို လိုချင်တပ်မက်စိတ်ဖြင့် ကစဉ့်ကလျားပြေးသွားသည်။ တစ်နေ့တွင် ဂျဲနီ(Jenni)သည် နောက်ဆုံးနေရာတွင် တန်းစီခြင်းဖြင့် လူတိုင်းက သူမကို လှည့်ကြည့်ပြီး အံ့ဩခဲ့သည်။ အံ့ဩမှုကြောင့် “အလိုလေးလေး”ဟုပင် အသံပြုမိကြသည်။

ညစာစားပွဲတွင် အလားတူနေရာ ရယူလိုခြင်းဖြစ်စဉ်ကို သခင်ယေရှု သတိ ပြုမိသောအခါ၊ သူ၏ဧည့်ပရိသတ်များအား အမှန်အံ့ဩစေသည့် ပုံဥပမာကို ပြောပြခြင်းဖြင့် တုံ့ပြန်ခဲ့သည်။ မင်္ဂလာဆောင်ပွဲပုံဥပမာကို အသုံးပြု၍ “မြင့်မြတ်သော နေရာကိုမယူဘဲ” “နိမ့်သောနေရာကိုယူရန်” (လု ၁၄:၈-၁၀) သခင်ညွှန်ကြားခဲ့သည်။ ခရစ်တော်က “ကိုယ်ကိုကိုယ် ချီးမြှောက်သောသူမည်သည်ကား နှိမ့်ချခြင်းသို့ ရောက်၍ ကိုယ်ကိုကိုယ် နှိမ့်ချသောသူ မည်သည်ကား ချီးမြှောက်ခြင်းသို့ရောက်လတံ့” (:၁၁)ဟု ဆိုပြီး လူသားတို့၏လူမှုရေးစံနှုန်းများကို ရှုတ်ချခဲ့သည်။…

တည်မြဲသော ဝမ်းမြောက်ခြင်း

၂၀၁၄ ခုနှစ်တွင် နော်ဝေးနိုင်ငံရှိ ကျေးရွာတစ်ခုမှဒေသခံများက လမ်းဖြတ်ကူးသူများကို ကလေးကလားပြုမူလျက် လမ်းဖြတ်ကူးရန် တိုက်တွန်းသည့် ဆိုင်းဘုတ်တစ်ခုကို ထောင်ခဲ့သည်။ ကလေးကလား လမ်းလျှောက်သူများနှင့် ဘေးမှကြည့်သူများပါ တစ်ဦးနှင့်တစ်ဦး ပျော်ရွှင်အောင်လုပ်နိုင်မည့် ခဏတာ အခိုက်အတန့်လေး ဖန်တီးရန် ရည်ရွယ်ခြင်းဖြစ်ပါသည်။ ဤကဲ့သို့ ကလေးကလားဆန်မှုများကို တွေ့လိုက်ရသည့်တဒင်္ဂ၌ စိတ်ပျက်အားငယ်နေသူများအတွက် ခဏတာ ခွန်အားပေးမှု ဖြစ်စေခဲ့ပါသည်။

ကျွန်မတို့သည် ဆင်းရဲဒုက္ခကာလများကို ရင်ဆိုင်ရ၍ စိတ်ပျက်ဝမ်းနည်းကြသည်ကို သမ္မာကျမ်းစာက အသိအမှတ် ပြုသည်။ ယေရမိမြည်တမ်းစကားနှင့် ဆာလံကျမ်းပိုဒ်များစွာက ဤကဲ့သို့သောနာကျင်မှုမျိုးကို ဖော်ပြထားသည်။ သို့သော်လည်း ဘုရားသခင်၏တည်ရှိခြင်း မျက်မှောက်တော်က အခြေအနေတိုင်းတွင် ကျွန်မတို့ထံသို့ တည်မြဲသောဝမ်းမြောက်ခြင်းကို ယူလာနိုင်ကြောင်း ကျမ်းစာက ညွှန်ပြထားပါသည်။ ဒါဝိဒ်မင်းကြီးသည် ဘုရားသခင်ထံတော်ပါးတွင် ထာဝရနေရမည့်အနာဂတ်ကို ရည်မှန်းလျက် ၁၆ ခုမြောက်သော ဆာလံကို ရေးစပ်ခဲ့သည်။ ယခုအသက်ရှင်နေသော ကျွန်မတို့သည် သခင်ယေရှု၏သေလွန်ခြင်းနှင့် ရှင်ပြန် ထမြောက်ခြင်းကြောင့် ယခုအချိန်မှာပင်…

ခရစ်တော်၌ လွှမ်းခြုံခြင်း

ဖက်ရှင်ဒီဇိုင်းဆိုင်ရာ လန်ဒန်ကောလိပ် မှ ဖက်ရှင်စိတ်ပညာရှင် ရို့စ်တာနာ (Rose Turner) က အဝတ်အစားသည် လူတို့၏တွေးခေါ်ပုံနှင့် အပြုအမူများအပေါ်၊ စိတ်ခံစားချက်အပေါ် မည်သို့အကျိုးသက်ရောက်မှုရှိသည်ကို လေ့လာခဲ့သည်။ အဝတ် အစားသည် ကျွန်ုပ်တို့၏ကိုယ်ခန္ဓာနှင့် အနီးဆုံးအရာအဖြစ်၊ “ဒုတိယအရေပြား” အမျိုး အစားဖြစ်ပြီး၊ တစ်နေ့တာဖြစ်ပျက်လာသမျှအမှုအရာအတွက် ကျွန်ုပ်တို့ကို အားဖြည့်ပေးသည်။ ဥပမာအားဖြင့်၊ ပရော်ဖက်ရှင်နယ်ဝတ်စုံကို ဝတ်ဆင်ခြင်းသည် လုပ်ငန်းခွင်တွင် “စိတ်ဓာတ်လှုံ့ဆော်မှုနှင့် အာရုံစူးစိုက်မှုအတွက် အထောက်အကူဖြစ်စေသည်”။ တစ်ဖန် မိမိစွဲလမ်းတန်ဖိုးထားသည့် တစ်ပတ်နွမ်း အဝတ်ဟောင်းများကို ဝတ်ဆင်ခြင်းက ဖိစီးမှုအခြေအနေများအတွင်း သက်သောင့်သက်သာဖြစ်စေသည်။

ဤစိတ်ပိုင်းဆိုင်ရာဖြစ်စဉ်သည် ယေရှု၏အသေခံခြင်းနှင့်ပတ်သက်သော ဟေရှာယ၏ပရောဖက်ပြုချက်များကို ထိုးထွင်းသိနားလည်စေသည်။ ဗာဗုလုန်သို့ ဖမ်းဆီးသိမ်းသွားခံရသော ယုဒလူမျိုးများ၏ အနာဂတ်လွတ်မြောက်ခြင်းအကြောင်းကို မှတ်တမ်းတင်ရာ၌၊ ပရောဖက်‌ဟေရှာယက တစ်နေ့တွင် “ရှေးပြိုပျက်ရာတို့ကို ပြုပြင်ကြလိမ့်မည်။ ရှေးကာလ၌ သုတ်သင်ပယ်ရှင်းရာတို့ကို တည်ဆောက်ကြလိမ့်မည်။ ဆိတ်ညံသောမြို့ရွာ၊ အစဥ်အဆက် စွန့်ပစ်ရာ အရပ်တို့ကို ပြုစုကြလိမ့်မည်” ဖြစ်ကြောင်း…

အနားယူချိန်များ

ယခင်အိုလံပစ်ပြိုင်ပွဲဝင်တစ်ဖြစ်လဲ အပြေးနည်းပြ Jeff Galloway (ဂျက်ဖ် ဂယ်လိုဝေး)သည် အလိုလိုသိမှုကို တန်ပြန်သည့် မာရသွန်ပြေးနည်းကို သင်ပြပေး သည်။ အပြေးတစ်လှည့်၊ မိနစ်ပိုင်းလမ်းလျှောက်တစ်လှည့် လုပ်သည့် “အပြေး၊လမ်းလျှောက်” ဗျူဟာကို သူအားပေးထောက်ခံကြောင်း သိရသည့်အခါ မာရသွန်အပြေးသမားဟောင်းများသာမက လူသစ်များပါ အံ့အားသင့်ကြသည်။ သူ့လမ်းစဉ် နောက်ကွယ်မှအကြောင်းပြချက်မှာ ခဏတာ ခပ်သွက်သွက် လမ်းလျှောက်ခြင်းသည် အပြေးသမားများအား ခန္ဓာကိုယ်ကို ခေတ္တခဏ အားပြည့်စေကာ၊ ၂၆.၂မိုင်ကို တစ်ခါတည်း တောက်လျှောက်ပြေးခြင်းထက် ပိုမိုလျင်မြန်စွာပြေးစေနိုင်ပြီး၊ ပြိုင်ပွဲကို ပိုစောစွာ အဆုံးသတ်နိုင်သောကြောင့် ဖြစ်သည်။

နားချိန်များသည် အပြေးပြိုင်ပွဲ၌သာ အရေးပါသည် မဟုတ်ပါ။ ဘဝ၌ လိုအပ်နေသည့် ရေရှည်အားထုတ်ရမှုများကို ထိန်းနိုင်အောင် အနားယူချိန်က ကူညီပေး သည်။ ၎င်းသည် ထွက်မြောက်ရာကျမ်းမှစ၍ သမ္မာကျမ်းစာတစ်လျှောက် ဘုရားရှင် ဖော်ပြနေသည့်အရာဖြစ်သည်။ ဓမ္မဟောင်းကျမ်းတွင် ဘုရား၏ဖန်ဆင်းမှုလက်ရာများ ပြီးဆုံးပြီးနောက် အနားယူချိန်များကို သတ်မှတ်ခဲ့သည်။ ခြောက်ရက်…