ဘုရားသခင်၏လက်တော်၌
ငါးနှစ်သမီးအရွယ် Sarah (စာရာ) သည် ဖောက်ထွင်းစက်အသံကိုကြားပြီး ကြောက်ရွံ့လျက် သွားကုသသည့် ထိုင်ခုံပေါ်မှခုန်ဆင်းကာ ထိုင်ခုံပေါ်ပြန်တက်ရန် ငြင်းဆန်လေသည်။ သွားဆရာဝန်က သဘောပေါက်လျက် ခေါင်းငြိမ့်ကာ “ဖေဖေ၊ ထိုင်ခုံပေါ်တက်လိုက်ပါ” ဟု သူမ၏ဖခင်အား ပြောလိုက်သည်။ အခက်အခဲမရှိကြောင်းကို သမီးလေးအား ပြသလိုခြင်းကြောင့် ထိုကဲ့သို့ပြုလုပ်ခိုင်းခြင်းဟု Jason (ဂျေဆန်) ထင်မိသည်။ သို့သော် သွားဆရာဝန်က သမီးလေးဘက်လှည့်ပြီး “ကဲ သမီးလေး၊ ထိုင်ခုံပေါ်တက်ပြီး သမီးရဲ့ ဖေဖေ့ပေါင်ပေါ်မှာ ထိုင်လိုက်တော့”ဟု ပြောလိုက်သည်။ သူမကို ထွေးပွေ့ထားသည့် သူ့အဖေလက်၌ စာရာသည် စိတ်ကိုဖြေလျှော့ပြီး စိတ်ချလက်ချ ရှိနေပြီဖြစ်၍ ဆရာဝန်လည်း လုပ်စရာရှိသည်ကို ဆက်လက်လုပ်ဆောင်နိုင်ပေတော့သည်။
ကောင်းကင်ဘုံရှင်အဘ ဘုရားသခင် ကျွန်ုပ်တို့နှင်အတူ ရှိခြင်းကြောင့် ကျွန်ုပ်တို့မည်မျှ စိတ်ငြိမ်သက်မှုရမည်ကို ထိုနေ့က ဂျေဆန် ကောင်းကောင်း သင်ခန်းစာရလိုက်သည်။ “တစ်ခါတစ်ရံ ဘုရားသခင်က ကျွန်တော်တို့ ဘဝမှာ ကြုံတွေ့ရမဲ့ အခက်အခဲတွေကို တာဝန်ယူပေးမှာ…
ဘုရားအတွက်အစေခံခြင်း
အင်္ဂလန်ပြည် ရှင်ဘုရင်မကြီး အဲလိဇဘက် ကွယ်လွန်သွားသည့် ၂၀၂၂ ခုနှစ် စက်တင်ဘာလတွင် စျာပနအခမ်းအနား၌ ခြေလျင်ချီတက်ရန် ထောင်ပေါင်းများစွာသော စစ်သားများ တာဝန်ပေးအပ်ခံရသည်။ သူတို့တစ်ဦးချင်းစီ၏ ကဏ္ဍသည် ကြီးမားသည့်လူအုပ်တွင် သတိပြုမိစရာ မဖြစ်သော်လည်း အများစုက ထိုအရာကို ဂုဏ်ယူစရာအဖြစ် ခံယူကြသည်။ “ဘုရင်မကြီးအတွက် နောက်ဆုံးတာဝန်ကို ထမ်းရွက်ရမည့်အခွင့်အရေးပဲ” ဟု စစ်သားတစ်ဦးက ပြောကြားခဲ့သည်။ သူ‘လုပ်ရသည့်အရာ’ထက် ‘မည်သူ့အတွက်’ သူလုပ်ပေးရသည် ဆိုသည့်အချက်ကသာ သူ့အလုပ်ကို အရေးကြီးသည့်အလုပ် ဖြစ်စေသည်။
လေဝိလူတို့သည်လည်း တဲတော်တန်ဆာများကို ထိန်းသိမ်းစောင့်ရှောက်ရန် ခန့်အပ်ခံရသည်။ ယဇ်ပုရောဟိတ်များနှင့်ကွဲပြားစွာ ဂေရရှုန်၊ ကောဟတ်နှင့် မေရာရိတို့သည် ပရိဘောဂ၊ မီးတိုင်များ၊ ကုလားကာများ၊ တိုင်များ၊ တဲငုတ်များနှင့် ကြိုးများကို သန့်ရှင်းခြင်းဟူသည့် သာမန်အလုပ်များကို လုပ်ရန် တာဝန်ခန့်အပ်ခံရသည် (တော ၃:၂၅-၂၆၊ ၃၁၊ ၃၆-၃၇)။ သို့သော် သူတို့၏အလုပ်များသည် ဘုရားသခင် အထူးခန့်အပ်သည့်…
ဆုတောင်းခြင်းဖြင့် ချစ်ခြင်းမေတ္တာထားခြင်း
ဂျွန်သည် အသင်းတော်၌ နှစ်ပေါင်းများစွာ အတော်လေး အနှောင့်အယှက်တစ်ခု ဖြစ်ခဲ့သည်။ သူသည် ဒေါသကြီးကာ၊ တောင်းဆိုမှုများပြီး မကြာခဏ ရိုင်းစိုင်းတတ်သည်။ သူ့အပေါ် ကောင်းစွာ အစေခံဝန်ဆောင်မှု မရှိ၊ အသင်းတော်၏ လုပ်အားပေးများနှင့် ဝန်ထမ်းများ အလုပ်ကို ကောင်းစွာ မလုပ် စသည်ဖြင့် သူစောဒကတက်သည်။ ရိုးသားစွာပြောရလျှင် သူ့ကိုချစ်ရန် ခက်ပါသည်။
သို့နှင့် သူကင်ဆာရောဂါရှိသည်ဟု ကျွန်တော်ကြားရသောအခါ သူ့အတွက်ဆုတောင်းပေးရန် ခက်ခဲခဲ့သည်။ သူ၏ပြင်းထန်သောစကားများနှင့် မနှစ်မြို့ဖွယ် စရိုက်များက ကျွန်တော့်မှတ်ဥာဏ်တွင် အပြည့်ရှိနေသည်။ သို့သော် သခင်ယေရှုက ချစ်မေတ္တာပြရန် စေစားသည်ဖြစ်၍ နေ့စဥ် ဂျွန်အတွက် ရိုးရိုးလေး ဆုတောင်းပေးခဲ့သည်။ ရက်အတန်ကြာတွင် သူ၏မနှစ်မြို့ဖွယ် ကိုယ်ရည်ကိုယ်သွေးများကို ကျွန်တော် သိပ်မတွေးတော့ကြောင်းကို သတိပြုမိသည်။ “သူတကယ် နာကျင်နေမှာပဲ။ မျှော်လင့်ချက် ပျောက်ပြီလို့ ခံစားနေရမှာပေါ့”ဟု ကျွန်တော်တွေးမိသည်။
ဆုတောင်းခြင်းဆိုသည်မှာ မိမိကိုယ်၊ မိမိခံစားချက်များအပါအဝင် မိမိနှင့်အခြားသူတို့၏…
သစ္စာတည်သူ၊ မေ့လျော့မခံရသူ
Sean (ရှောန်) သည် ကြီးပြင်းလာသည်နှင့်အမျှ မိသားစုရှိခြင်း၏ အဓိပ္ပာယ်ကို သူမသိခဲ့ပါ။ သူ့မိခင်ဆုံးပါးသွားပြီးနောက် ဖခင်က အိမ်တွင် ရှိခဲလှသည်။ သူသည် အထီးကျန်ပြီး စွန့်ပစ်ခံရသည်ဟု ခံစားရလေ့ရှိသည်။ သို့သော် သူ့အိမ်နီးချင်း ဇနီးမောင်နှံက သူ့ကို လက်ကမ်းကူညီပေးခဲ့သည်။ သူတို့အိမ်သို့ သူ့ကိုခေါ်သွားကာ သူတို့၏သားသမီးများကို သူ၏ “အစ်ကို” နှင့် “အစ်မ” ဖြစ်စေခဲ့ခြင်းဖြင့် သူ့ကို သူတို့ချစ်ကြောင်း စိတ်ချမှုပေးသည်။ ရှောန် ကို ဘုရားကျောင်းသို့ ခေါ်သွားခဲ့ပြီး ယခုအခါတွင် သူသည် မိမိကိုယ်ကိုယုံကြည်စိတ်ချမှုရှိသော လူငယ်တစ်ဦးဖြစ်လာကာ ဘုရားကျောင်းတွင် လူငယ်ခေါင်းဆောင်တစ်ဦးပင် ဖြစ်နေပေပြီ။
ဤဇနီးမောင်နှံသည် လူငယ်လေးတစ်ယောက်၏ဘဝကို ပြောင်းလဲရာတွင် အဓိကအခန်းကဏ္ဍမှ ပါဝင်ခဲ့သော်လည်း ရှောန် အတွက် သူတို့လုပ်ဆောင်ခဲ့သည့် အရာများကို အသင်းတော်မိသားစုမှ လူအများစုက ကျယ်ကျယ်ပြန့်ပြန့်မသိကြပေ။ သို့သော် ဘုရားသခင်သိပါသည်။ သမ္မာကျမ်းစာ၏ “ယုံကြည်ခြင်းသူရဲကောင်းစာရင်း”၌ ဖော်ပြထားသူများနည်းတူ တစ်နေ့တွင်…
မသိသောလမ်း
Brian (ဘရိုင်ယန်)နှင့် အတူပြေးရန် ကျွန်တော်သဘောမတူခဲ့သင့်ပါ။ အခြားနိုင်ငံတစ်ခုသို့ ကျွန်တော်ရောက်နေ၍ ဘယ်ကိုပြေးမည်၊ ဘယ်လောက် ဝေးဝေး ပြေးမည်၊ မြေအနေအထားမည်သို့ရှိမည်ကို ကျွန်တော်မသိခဲ့ပါ။ ထို့ပြင် သူက အပြေးမြန်သူဖြစ်၍ သူ့ကိုမီအောင်လိုက်ပြေးရင်း ကျွန်တော်ခြေကျင်းဝတ်လည်သွားမည်လား။ ဘရိုင်ယန်သည် လမ်းသိသောကြောင့် သူ့အား ယုံလိုက်ခြင်းမှလွဲလျှင် ကျွန်တော်ဘာလုပ်နိုင်မည်နည်း။ စပြေးကြသောအခါ ကျွန်တော်ပို၍ပင် စိတ်ပူလာသည်။ မြေမညီသောတောအုပ်၌ လမ်းကြောင်းက ကွေ့ကောက် ကြမ်းတမ်းသည်။ ဘရိုင်ယန်သည် နောက်ပြန် လှည့်လှည့်ကြည့်၍ ကျွန်တော်အဆင်ပြေမပြေမေးကာ ရှေ့၌ရှိသည့် ကြမ်းတမ်းသောနေရာများအကြောင်း သတိလှမ်းလှမ်းပေး၍သာ တော်တော့သည်။
ခါနန်ပြည်ထဲဝင်သော အာဗြံဟံ၊ တောထဲလှည့်လည်သော ဣသရေလလူမျိုးများ၊ သတင်းကောင်းကို ဝေငှရန်သာသနာခရီးပြုကြသည့် သခင်ယေရှု၏ တပည့်တော်များ စသည်ဖြင့် မရင်းနှီးသောနယ်မြေသို့ သွားခဲ့ကြသည့် ကျမ်းစာထဲမှလူများသည်လည်း ဤသို့ခံစားခဲ့ရနိုင်သည်။ သူတို့၏ခရီးနှင့်ပတ်သက်၍ သေချာပေါက်ခက်ခဲမည် ဆိုသည်ကလွဲ၍ မည်သည်ကိုမျှ သူတို့မသိကြပါ။ သို့သော် ရှေ့လမ်းခရီးကို သိသူတစ်ဦးက သူတို့ကို ဦးဆောင်နေပါသည်။…
ဝမ်းနည်းခြင်းထဲက မျှော်လင့်ခြင်း
Louise (လူးဝိစ်)သည် သူနှင့်ဆုံတွေ့သူတိုင်းအား ပြုံးပျော်စေသည့် တက်ကြွပျော်ရွှင်သော မိန်းကလေးငယ်လေးဖြစ်သည်။ သူ့အသက် (၅) နှစ်အရွယ်၌ ရှားပါးရောဂါတစ်ခုဖြင့် ဆုံးပါးသွားခြင်းက ဝမ်းနည်းစရာဖြစ်သည်။ သူမရုတ်တရက်ကွယ်လွန်သွားခြင်းကြောင့် မိဘများဖြစ်သည့် ဒေးဒေးနှင့် ပီတာတို့ အပါဝင် သူတို့၏လုပ်ဖော်ဆောင်ဖက်များဖြစ်သည့် ကျွန်တော်တို့လည်း အလွန် စိတ်ထိခိုက်ခဲ့ရပြီး၊ သူတို့နှင့်အတူ ဝမ်းနည်းပူဆွေးခဲ့ရသည်။
ထိုသို့သောအခြေအနေကြားမှပင် ဒေးဒေးနှင့် ပီတာတို့သည် အသက်တာခရီးရှေ့ဆက်နိုင်ရန် ခွန်အားကို တွေ့ရှိခဲ့သည်။ ထိုအခြေအနေကို မည်ကဲ့သို့ ရင်ဆိုင်ကျော်ဖြတ်နေသနည်းဟု ဒေးဒေးအား မေးရာ၊ လူးဝိစ် သည် ချစ်မေတ္တာဖြင့် ထွေးဖက်ထားသည့် သခင်ယေရှု၏လက်တော်၌ ရှိနေသည်ဟူသည့် အချက်အပေါ်၌ အာရုံပြုလျက် ခွန်အားယူသည်ဟု ပြန်ပြောခဲ့သည်။ “ထာဝရအသက်ကိုဝင်စားဖို့ အချိန်ကျခဲ့ပြီဖြစ်တဲ့ သမီးအတွက် ကျွန်မတို့ဝမ်းမြောက်ရပါတယ်။ ... ဘုရားရှင်ရဲ့ကျေးဇူးတော်နဲ့ခွန်အားကို အမှီပြုပြီး ဝမ်းနည်းခြင်းထဲမှာ ကျွန်မတို့ အားယူလျှောက်လှမ်းနိုင်ကာ ကျွန်မတို့ကို ဘုရားသခင်အပ်နှံထားတဲ့အရာတွေကို ဆက်လက်လုပ်ဆောင်နိုင်ပါတယ်” ဟု ဒေးဒေးက ပြောသည်။…
မင်္ဂလာရှိသော လုပ်ရိုးလုပ်စဥ်
ရထားပေါ်သို့ ကြိတ်ကြိတ်တိုးတက်နေသည့် လူအုပ်ကြီးနှင့် မနက်ခင်းကို ကြည့်ပြီး စိတ်ဓာတ်ကျဖွယ်တနင်္လာနေ့ စတင်ပြီဟု ကျွန်တော်ခံစားလိုက်ရသည်။ ပြည့်ကြပ်နေသောရထားတွဲ၌ ငိုက်မြည်းလျက် အလိုမကျဖြစ်နေသော မျက်နှာများကို ကြည့်ခြင်းဖြင့် မည်သူမျှ အလုပ်သွားရန် မျှော်လင့်မနေကြောင်း ပြောနိုင်သည်။ လူအချို့က အထဲတိုးဝင်ရန်ကြိုးစားကြသောအခါ လူတို့မျက်မှောင်ကြုတ်ကုန်သည်။ ‘အလုပ်တွင် နောက်ထပ် နိစ္စဓူဝ နေ့တစ်နေ့ ရောက်လာပြန်ပါပြီ။’
ရှေ့တစ်နှစ်က ကိုဗစ်-၁၉ ကန့်သတ်မှုများကြောင့် ကျွန်ုပ်တို့၏နေ့စဉ် လုပ်ရိုးလုပ်စဉ်များ ဝရုန်းသုန်းကားဖြစ်ပြီး ရထားများစီးသူမရှိဖြစ်သွားသည်ကို ရုတ်တရက် ကျွန်ုပ်သတိရမိသည်။ အပြင်ထွက်၍ စားသောက်၍မရ၊ အချို့က ရုံးသွားရခြင်းကို ပြန်တမ်းတနေကြသည်။ သို့သော် ယခုတွင် ကျွန်တော်တို့ ပုံမှန် ပြန်ဖြစ်လုနီးပါးဖြစ်ပြီး လူအတော်များများက ခါတိုင်းကဲ့သို့ အလုပ်သွားကြပြီ။ “လုပ်ရိုးလုပ်စဉ်”သည် သတင်းကောင်းဖြစ်ပြီး “ငြီးငွေ့ဖွယ်ကောင်းခြင်း”သည် ကောင်းချီးတစ်ခုဖြစ်ကြောင်း ကျွန်တော်နားလည်ခဲ့သည်။
ရှောလမုန်မင်းသည် နေ့စဥ်ကြိုးစားအားထုတ်မှု၏ အဓိပ္ပာယ်ကင်းမဲ့ပုံကို သုံးသပ်ပြီးနောက် အလားတူကောက်ချက်ချခဲ့သည် (ဒေ ၂:၁၇-၂၃)။ တစ်ခါတစ်ရံတွင်…
သခင်ယေရှုအားဖြင့် ဆက်လက်ချီတက်ခြင်း
တောအုပ်ထဲ၌ပြေးနေစဉ် ဖြတ်လမ်းကိုတွေ့ပြီး အကျွမ်းမဝင်သည့်လမ်းမှ ကျွန်တော် ဆက်ပြေးခဲ့သည်။ ပြီးမှလမ်းပျောက်နေပြီလားဟု ကိုယ့်ကိုကိုယ် သံသယရှိသဖြင့် ရှေ့မှလာနေသည့် အပြေးသမားအား လမ်းကြောင်းမှန်ရဲ့လားဟု မေးလိုက်သည်။
“မှန်တယ်”ဟု သူက ယုံကြည်ချက်ရှိရှိ ပြန်ဖြေခဲ့သည်။ သံသယဖြစ်နေသည့်ကျွန်တော့်အကြည့်ကို မြင်သည့်အခါ သူက လျင်မြန်စွာပင် “စိတ်မပူပါနဲ့။ ငါလမ်းမှားတွေ အကုန်ရောက်ဖူးတယ်။ ဒါပေမဲ့ အဆင်ပြေပါတယ်။ ဒါက ပြေးခြင်းရဲ့ တစ်စိတ်တစ်ဒေသပဲ” ဟု ထပ်လောင်းပြောခဲ့သည်။
ကျွန်တော့်ဝိညာဉ်ရေးရာခရီးလမ်းနှင့် မည်မျှကိုက်ညီလိုက်သနည်း။ ကျွန်တော် အကြိမ်မည်မျှ ဘုရားနှင့်ဝေးရာသို့ပြေးပြီး၊ သွေးဆောင်မှုအောက် ကျရှုံးကာ လောက အရာများ၌သာ အာရုံစိုက်နေမိသနည်း။ သို့သော် ဘုရားရှင်က ကျွန်တော့်အား အချိန်တိုင်းခွင့်လွှတ်ပြီး၊ နောက်တစ်ကြိမ် ကျရှုံးမည်ကို သိသိချည်းနှင့် ကျော်လွှားနိုင်အောင်မစသည်။ မှားယွင်းသည့်လမ်းပေါ် လျှောက်လှမ်းချင်နေသည့် ကျွန်ုပ်တို့ ၏စိတ်ကို ကိုယ်တော်သိနေသည်။ သို့သော် မိမိအပြစ်ကို ဝန်ချတောင်းပန်ပြီး ကျွန်ုပ်တို့အား ပြုပြင်ပြောင်းလဲရန် သန့်ရှင်းသောဝိညာဉ်တော်ကို အခွင့်ပေးပါက…
ဘယ်တော့မှ မဝေးပါ
ရာ့ဂျ် (Raj) သည် ငယ်ရွယ်စဉ်က သခင်ယေရှုကို ကယ်တင်ရှင်အဖြစ် ယုံကြည်ခဲ့သော်လည်း မကြာမီတွင် သူသည် ယုံကြည်ခြင်းမှသွေဖယ်ကာ ဘုရားသခင်နှင့်ကင်းကွာသော အသက်တာသို့ ဦးတည်သွားခဲ့သည်။ တစ်နေ့တွင် သူသည် သခင်ယေရှုနှင့် ဆက်ဆံမှုကို အသစ်ပြန်လည်စတင်ပြီး ဘုရားကျောင်းသို့ ပြန်သွားရန် ဆုံးဖြတ်ချက်ချခဲ့သည်။ ရလဒ်ကား ဤနှစ်များတစ်လျှောက်လုံး ပျောက်နေခဲ့ခြင်းအတွက် သူ့အား ဒေါသဖြင့် ဝေဖန်ပြောဆိုသည့် အမျိုးသမီးတစ်ဦး၏ဆူပူမှုကိုသာ ခံခဲ့ရသည်။ ဆူပူကြိမ်းမောင်းမှုက နှစ်ပေါင်းများစွာ လေလွင့်နေခြင်းအတွက် ရာ့ဂျ်၏ ရှက်စိတ်နှင့်မလုံမလဲစိတ်ကို ပိုတိုးစေခဲ့သည်။ “ငါ့အတွက် မျှော်လင့်ချက် မရှိတော့ပြီလား” ဟုသူတွေးမိသည်။ ထို့နောက် ရှိမုန်ပေတရုက ခရစ်တော်ကို ငြင်းပယ်ခဲ့သော်လည်း (လု ၂၂:၃၄၊ ၆၀-၆၁)၊ သူ့အား ခရစ်တော် ပြန်လည် တည့်မတ်ပေးပုံ (ယော ၂၁:၁၅-၁၇) ကို သူသတိရမိသည်။
မည်သို့ဆူပူကြိမ်းမောင်းမှုကိုခံရရန် ပေတရုမျှော်လင့်ထားပါစေ၊ သူရရှိခဲ့သမျှက ခွင့်လွှတ်ခြင်းနှင့် ပြန်လည်တည့်မတ်ပေးခြင်းဖြစ်သည်။ သခင်ယေရှုသည်…
အခြေအနေပေးလာသည့် လက္ခဏာလား
ကမ်းလှမ်းလာသည့်အလုပ်က ပီတာ၏လိုအပ်ချက်နှင့် ကွက်တိဖြစ်သည်။ ဝန်ထမ်းလျှော့ချရာ၌ သူပါသွားပြီး အလုပ်ပြုတ်ပြီးနောက်၊ မိသားစုကို သူ၏ဝင်ငွေတစ်ခုတည်းနှင့်သာ လုပ်ကျွေးပြုစုနေရခြင်းကြောင့် နောက်အလုပ်တစ်ခုရရှိရန် အပြင်းအထန် သူဆုတောင်းခဲ့သည်။ “ဒါက မင်းရဲ့ဆုတောင်းချက်ကို ဘုရားသခင်အဖြေပေးတာ” ဟု သူ့သူငယ်ချင်းများက အားပေးသည်။
ဝန်ထမ်းရပိုင်ခွင့် အကျိုးအမြတ်နှင့်ပတ်သက်သည့် စာချုပ်ပါအချက်များကို ဖတ်ပြီးသော်လည်း ပီတာ၏စိတ်၌ မသက်မသာခံစားနေရသည်။ ထိုကုမ္ပဏီသည် မသင်္ကာဖွယ်ရာလုပ်ငန်းများတွင် ရင်းနှီးမြှုပ်နှံထားပြီး လာဘ်စားလာဘ်ယူမှုဖြင့် နာမည်ပျက်သတ်မှတ်ခံထားရသည်။ နောက်ဆုံးတွင် ရင်နာနာဖြင့်ပင် ကမ်းလှမ်း လာသောအလုပ်ကို ပီတာငြင်းခဲ့သည်။ “ကျွန်တော်မှန်တာကို လုပ်ဖို့ ဘုရားသခင် အလိုရှိတယ်လို့ ယုံတယ်။ ကျွန်တော့်အတွက် ကိုယ်တော် ပြင်ဆင်ပေးမယ်ဆိုတာ ကျွန်တော် စိတ်ချထားဖို့ပဲ လိုတယ်” ဟု သူက ကျွန်ုပ်ကို ဝေမျှပြောခဲ့သည်။
ပီတာ၏အဖြစ်က ဒါဝိဒ်နှင့်ရှောလုမင်းတို့ ဂူထဲတွင် ဆုံကြသည့်အကြောင်း အရာကို ကျွန်တော်အား သတိပေးခဲ့သည်။ ဒါဝိဒ်သည် သူ့ကို လိုက်နေသူအား သတ်ဖြတ်ရန်…