ဘုရားသခင်၏ နူးညံ့သောချစ်ခြင်းမေတ္တာ
၂၀၁၇ ခုနှစ်က ကလေးကို ပုံမှန်ကာကွယ်ဆေး ထိုးပေးနေစဉ် ဖခင်တစ်ဦးသည် သူ၏နှစ်လသားအရွယ် ကလေးကို နှစ်သိမ့်ပေးနေသော ဗီဒီယိုတစ်ခုသည် ဖခင်၏ ချစ်ခြင်းမေတ္တာကို ဖော်ကျုးနိုင်ခဲ့၍ နိုင်ငံတကာ၏အာရုံစိုက်မှုကို ရရှိခဲ့ပါသည်။ သူနာပြုဆရာမက ကာကွယ်ဆေးထိုးပြီးသည့်အခါ ဖခင်က သားကို သူ၏ပါးသို့ကပ်ပြီး နူးညံ့စွာ ချီပွေ့ထားရာ၊ စက္ကန့်ပိုင်းအတွင်း ကလေးငယ်၏ငိုရှိုက်သံ ရပ်တန့်သွားခဲ့သည်။ ချစ်နှစ်သက်ဖွယ်သော မိဘတစ်ဦး၏ပြုစုယုယမှုထက် ပို၍စိတ်ချရသောအရာ မရှိတော့ပါ။
သမ္မာကျမ်းစာတွင် ဘုရားသခင်ကို ချစ်နှစ်သက်ဖွယ်သောမိဘတစ်ဦးအဖြစ် လှပစွာ ဖော်ကျူးချက်၊ သူ၏သားသမီးများအတွက် နက်နဲသော ဘုရားရှင်၏ချစ်ခြင်းမေတ္တာကို ဖော်ညွှန်းသည့်ပုံရိပ်များစွာရှိသည်။ ဓမ္မဟောင်းကျမ်းမှ ပရောဖက် ဟောရှေသည် နိုင်ငံကွဲပြားသော အချိန်ကာလအတွင်း မြောက်ပိုင်းနိုင်ငံတွင် နေထိုင်သော ဣသရေလလူမျိုးများအား ပြောကြားရန် သတင်းစကားကို ပေးအပ်ခြင်းခံခဲ့ရသည်။ သူတို့အား ဘုရားသခင်နှင့် ဆက်ဆံရေးဆီသို့ ပြန်လာကြရန် သူနှိုးဆော်ခဲ့သည်။ ပရောဖက်ဟောရှေသည် ဘုရားသခင်ကို နူးညံ့သိမ်မွေ့သောဖခင်တစ်ဦးအဖြစ် ဖော်ပြပြီး “ဣသရေလ ငယ်စဥ်က…
ချစ်ခြင်းမေတ္တာ၏ နောက်ခြေတစ်လှမ်း
မည်သည့်အရာက တစ်စုံတစ်ဦးအား မိမိပြိုင်ဖက်ကို အကူအညီပေးစေခဲ့သနည်း။ အမေရိကန်နိုင်ငံ၊ ဝစ္စကွန်ဆင်ပြည်နယ်မှ Adolfo (အဒိုလ်ဖို) အမည်ရှိ စားသောက်ဆိုင်ပိုင်ရှင်အတွက်မူ ကိုဗစ်ကပ်ရောဂါ စည်းကမ်းသတ်မှတ်ချက်များနှင့် အညီဖြစ်ရန် ရုန်းကန်နေရသည့် အခြားဒေသခံ စားသောက်ဆိုင်ပိုင်ရှင်များကို ခွန်အားပေးရန် အခွင့်အရေးပင်ဖြစ်သည်။ ကပ်ဘေးအတွင်း လုပ်ငန်းလည်ပတ်ရန် ကြုံတွေ့ရသည့် စိန်ခေါ်မှုများကို အဒိုလ်ဖို ကိုယ်တွေ့သိခဲ့သည်။ ဒေသခံလုပ်ငန်းတစ်ခု၏ ရက်ရောမှုကြောင့် သူခွန်အားရခဲ့ပြီး သူသည် ဒေါ်လာ နှစ်ထောင်ကျော် တန်ဖိုးရှိသည့် စျေးဝယ်လက်ဆောင်ကတ်များကို သူ့ငွေဖြင့်ဝယ်ယူကာ၊ သူ့ရပ်ရွာရှိ အခြားစားသောက်ဆိုင်များတွင် သုံးစွဲရန် သူ၏ဖောက်သည်များအား လက်ဆောင်ကတ်များကို ပေးဝေခဲ့သည်။ အပြောမျှသာမက လက်တွေ့ချစ်ခြင်းမေတ္တာကို ပြသခြင်းအမှုပင်ဖြစ်သည်။
လူသားများအတွက် သူ့အသက်ကိုပင် စွန့်ရန် ဝန်မလေးသော သခင်ယေရှု၏ ချစ်ခြင်းမေတ္တာအား အဆုံးစွန်ထုတ်ဖော်ပြသမှုအပေါ် အခြေပြုလျက် (၁ ယော ၃:၁၆) နောက်ထပ်ခြေလှမ်း လှမ်းရန်နှင့် မေတ္တာ လက်တွေ့ပြသရန် စာဖတ်သူ များကို ရှင်ယောဟန်က တိုက်ထွန်းထားသည်။ ရှင်ယောဟန်အတွက် “ညီအစ်ကိုချင်းတို့အဖို့အလိုငှာ…
ဘုရားသခင်သည် ကျွန်ုပ်တို့၏ခိုလှုံရာ
ထူးခြားပြောင်မြောက်လှသော ၂၀၁၉ ခုနှစ်တွင် ဖြန့်ချိသည့် ‘Little Women’ (သူငယ်မလေးများ) ရုပ်ရှင်သည် ကျွန်မ၏ ဟောင်းနွမ်းနေသော ထိုဇာတ်လမ်း၏ဝတ္ထုစာအုပ်ကို ပြန်အမှတ်ရစေသည်။ အထူးသဖြင့် ပညာရှိပြီး နူးညံ့သိမ်မွေ့သော မိခင် ဇာတ်ကောင် Marmee (မာမီး)၏ နှစ်သိမ့်စကားများဖြစ်သည်။ သူမ၏ ခိုင်မြဲသောယုံကြည်ခြင်းကို အရင်းခံလျက် သမီးများအတွက် သူမ၏အားပေးစကားများစွာကို ဝတ္ထု၌ သရုပ်ဖော်ထားပုံက ကျွန်မအား ဆွဲဆောင်သည်။ ၎င်းတို့အနက် “ဒုက္ခများနှင့် စုံစမ်းနှောင့်ယှက်မှုများ များစွာရှိနိုင်သော်လည်း ကောင်းကင်ဘုံရှင်အဘ ဘုရား သခင်၏ ခွန်အားနှင့်ကြင်နာမှုကို ခံစားသိရှိရန် သင်ယူပါက ထိုအရာအားလုံးကို သင်ကျော်လွှားနိုင်ပြီး ခံနိုင်ရည်ရှိနိုင်မည်” ဟူသည့်အချက်က ထင်ရှားပေါ်လွင်ခဲ့သည်။
မာမီး၏စကားများက “ထာဝရဘုရား၏နာမတော်သည် ခိုင်ခံ့သောရဲတိုက်ဖြစ်၍ ဖြောင့်မတ်သောသူတို့သည် ပြေးဝင်သဖြင့် လုံခြုံစွာ နေရကြ၏” (၁၈:၁၀) ဟူသည့် သုတ္တံကျမ်းတွင်တွေ့ရသော အမှန်တရားကို ထင်ဟပ်နေသည်။ ရှေးဟောင်းမြို့များတွင် အန္တရာယ်ကာလအတွင်း ဘေးကင်းရန် ရဲတိုက် (ခံစစ်မျှော်စင်)များကို ဆောက်လုပ်ခဲ့ကြသည်။…
ဘုရားရှင်၏သစ္စာတည်မြဲမှုကို ကျွန်ုပ်မြင်ခဲ့ပြီ
Queen Elizabeth II (ဒုတိယမြောက် အဲလိဇဘက် ဘုရင်မကြီး)၏ သမိုင်းဝင် ဗြိတိန်နိုင်ငံကို အနှစ် (၇၀) ကြာ အုပ်ချုပ်ခဲ့သည့်သက်တမ်းတစ်လျှောက် သူမ၏ဘဝအကြောင်း အတ္ထုပတ္တိ စာအုပ်တစ်အုပ်ကိုသာ ကိုယ်တိုင်အမှာစာရေး၍ ထုတ်ဝေခဲ့သည်။ ထိုစာအုပ်အမည်မှာ ‘The Servant Queen and the King She Serves’ (အစေခံဘုရင်မနှင့် သူမအစေခံသောဘုရင်) ဖြစ်ပါသည်။ တိုင်းပြည်တာဝန်ထမ်းဆောင်ရာတွင် သူမ၏ယုံကြည်ခြင်းသည် သူမအား မည်သို့ထိန်းကျောင်းလမ်းပြပေးခဲ့သည်ကို သူမ၏သက်တော် (၉၀) ပြည့်မွေးနေ့အထိမ်းအမှတ် ထုတ်ဝေခဲ့သောစာအုပ်တွင် ရေးသားထားသည်။ အမှာစာတွင် ဘုရင်မကြီးက သူမအတွက် ဆုတောင်းပေးခဲ့သူတိုင်းကို ကျေးဇူးတင်ကြောင်း ဖော်ပြခဲ့ပြီး၊ ဘုရားသခင်၏ တည်ကြည်ခိုင်မြဲသောမေတ္တာအတွက် ကျေးဇူးတင်ခဲ့သည်။ “ဘုရားရှင်၏သစ္စာတော်တည်မြဲမှုကို ကျွန်မ အမှန်တကယ်တွေ့မြင်ခဲ့ရပါသည်” ဟု သူမက နိဂုံးချုပ်ရေးသားခဲ့သည်။
ဘုရင်မကြီးအဲလိဇဘက်၏ ရိုးရှင်းသောစကားက သမိုင်းတစ်လျှောက်တွင် ဘုရားသခင်ကိုယ်တော်တိုင် သစ္စာတည်စွာဂရုစိုက်မှုကို သူတို့၏ဘဝတွင် ကြုံခဲ့ရဖူးသည့် အမျိုးသားများ၊…
ရွှင်လန်းစေသော စကားများ
မီးဖိုချောင်ထဲတွင် ရပ်လျက် ကျွန်မ၏သမီးက “မေမေ၊ ပျားရည်ထဲမှာ ယင်ကောင်တစ်ကောင် ရှိတယ်”ဟု ပြောရာ၊ “ရှာလကာရည်(အချဥ်)ထက်စာရင် ပျားရည်နဲ့ဆို ယင်ကောင်တွေကို အမြဲပိုပြီးဖမ်းမိတာပေါ့” ဟု ကျွန်မအကျွမ်းဝင်သောဆိုရိုးနှင့် အရွှန်းဖောက်လိုက်သည်။ ၎င်းသည် ပထမဆုံး အကြိမ် အမှတ်တမဲ့ ပျားရည်နှင့် ယင်ကောင်ကို ဖမ်းမိခြင်းဖြစ်ပြီး၊ ခါးသီးသောသဘောထားထက် ကြင်နာသော တောင်းဆိုမှုက လူကိုပို၍ ဆွဲဆောင်နိုင်သည်ဟူသော အထက်ပါခေတ်သစ်ဆိုရိုး စကား၏အမှန်တရားကို ကျွန်မကိုးကားမိခြင်းဟု သဘောပေါက်လိုက်သည်။
သုတ္တံကျမ်းသည် ဘုရားသခင်၏ဝိညာဥ်တော်မှုတ်သွင်းသော ပညာအမြော်အမြင်နှင့်ပြည့်စုံသော သုတ္တံစကားပေါင်းချုပ်ဖြစ်သည်။ ဤဆိုရိုးစကားများသည် ဘုရားသခင်ကို လေးစားချီးမြှောက်သောနည်းလမ်းဖြင့် မည်သို့ အသက်ရှင်ရမည်ဟု အရေးပါသည့်အမှန်တရားများကို ကျွန်မတို့အား လမ်းပြသွန်သင်ပေးသည်။ သုတ္တံစကား အများစုသည် လူသားချင်းပေါင်းသင်းဆက်ဆံရေးကို အလေးထားဖော်ပြပြီး၊ အခြားသူများအပေါ် ကျွန်မတို့စကားများ၏ သက်ရောက်မှုများလည်း ဖော်ပြပါရှိသည်။
ရှောလမုန်ရေးသော သုတ္တံစကားများတွင် ကိုယ်နှင့်စပ်ဆိုင်သောသူကို ဆန့်ကျင်၍ မှားယွင်းသောစကားများ ပြောခြင်းအားဖြင့် ဖြစ်ပေါ်လာသော ထိခိုက်နစ်နာမှုကို သတိပေးထားသည် (သု ၂၅:၁၈)။…
ကျေးဇူးတော်ချီးမွမ်းခြင်းမင်္ဂလာ
၂၀၁၆ ခုနှစ်တွင် Wanda Dench (ဝါန်ဒါ ဒဲ့န်ချ်) သည် သူမ၏မြေးယောက်ျားလေး ဖုံးနံပါတ်ပြောင်းထားသည်ကို မသိဘဲ စာတိုတစ်စောင်ပို့ပြီး ကျေးဇူးတော်ချီးမွမ်းခြင်း ညစာစားပွဲသို့ လာရောက်ရန် ဖိတ်ကြားလိုက်သည်။ မထင်မှတ်ဘဲ ထိုစာက အခြားတစ်စိမ်းလူ Jamal (ဂျာမဲလ်) ထံသို့ရောက်သွားသည်။ ဂျာမဲလ်သည် သူမည်သူမည်ဝါ ဖြစ်ကြောင်းကို အကြောင်းပြန်ပြီး၊ သူ၌ အခြားအစီအစဉ်မရှိသဖြင့် ထိုပွဲသို့ တက်ခွင့်ရမရ မေးမြန်းခဲ့သည်။ “ရတာပေါ့” ဟု ဝါန်ဒါ က ပြန်ဖြေသည်။ ဂျာမဲလ်သည် ထိုမိသားစုညစာစားပွဲတွင် ပါဝင်ဆင်နွှဲခွင့်ရပြီး၊ ၎င်းသည် ထိုနှစ်မှစ၍ သူနှစ်စဉ်တက်ရောက်သော အစဉ်အလာတစ်ခုဖြစ်ခဲ့သည်။ လွဲမှားသော ဖိတ်ကြားမှုသည် နှစ်စဥ်ကောင်းချီးမင်္ဂလာတစ်ခု ဖြစ်ခဲ့သည်။
ကြင်နာစိတ်ဖြင့် တစ်စိမ်းလူတစ်ဦးအား ညစာစားပွဲသို့ ဝါန်ဒါ ဖိတ်ခေါ်ခြင်းက ရှင်လုကာခရစ်ဝင်ကျမ်းတွင် ဖော်ပြထားသည့် သခင်ယေရှု၏တိုက်တွန်းနှိုးဆော်ချက်ကို သတိရစေသည်။ အရာရှိဖါရိရှဲ၏အိမ်တွင် ညစာစားပွဲ (လု ၁၄:၁) ကျင်းပစဉ်…
ရွှေထက်သာ၍အဖိုးထိုက်သော
ပစ္စည်းဟောင်းများကို လျှော့ဈေးနှင့်ရောင်းချသည့်နေရာတွင် ဈေးနည်းသော ပစ္စည်းများကို လှန်လှောရှာဖွေရင်း အလွန်တန်ဖိုးရှိသည့်ပစ္စည်းကို တွေ့မိလိမ့်မည် ဟု စိတ်ကူးယဉ်မိဖူးပါသလား။ အမေရိကန်နိုင်ငံ၊ ကွန်နက်တီကက်ပြည်နယ်တွင် လျှော့ဈေးဆိုင်မှ (၃၅) ဒေါ်လာဖြင့် ဝယ်ယူခဲ့သော ရှေးဟောင်း တရုတ်ကြွေပန်းအိုးကို ၂၀၂၁ ခုနှစ်တွင် လေလံတင်ခဲ့ရာ ဒေါ်လာ ၇ သိန်းကျော်ဖြင့် ရောင်းချနိုင်ခဲ့သည်။ ထိုပန်းအိုးသည် ရှားပါးပြီး ထူးခြားသည့် (၁၅) ရာစုနှစ်မှ သမိုင်းဝင်ပစ္စည်း ဖြစ်နေသည်။ တန်ဖိုးမရှိဟု လူအများ ထင်ထားသည့် ပစ္စည်းသည် တန်ဖိုးကြီးနေခြင်းမှာ အံ့ဩဖွယ် နှိုးဆော်မှုတစ်ရပ်ဖြစ်သည်။
သခင်ယေရှုကို ယုံကြည်ခြင်းသည် လူအများက ငြင်းပယ်သည့် ပုဂ္ဂိုလ်ကို ယုံကြည်ခြင်းဖြစ်ကြောင်း ကမ္ဘာ့နေရာအနှံ့သို့ ပျံ့နှံ့သွားသည့် ယုံကြည်သူများထံ ရှင်ပေတရုက စာရေးပေးပို့ခဲ့သည်။ ခရစ်တော်သည် ဂျူးဘာသာရေးခေါင်းဆောင်များ၏မုန်းတီးမှုကို ခံရပြီး ရောမအစိုးရ၏ကားစင်တင်သတ်ခြင်း ခံခဲ့ရသည်။ သူသည် လောကီသားတို့၏ မျှော်လင့်ချက်နှင့် အလိုဆန္ဒတို့ကို မဖြည့်ဆည်းပေးသောကြောင့် ခရစ်တော်သည်…
နာကျင်မှုအတွက် မျှော်လင့်ခြင်း
“လူအများစု၌ အခြားသူများ မမြင်နိုင် (သို့) နားမလည်နိုင်သော အမာရွတ်များ ရှိနေကြသည်”။ ထိုစကားသည် စိတ်ကျန်းမာရေးပြဿနာများကြောင့် ၂၀၂၀ ခုနှစ် ပုံမှန်အားကစားရာသီအကုန်တွင် နုတ်ထွက်ခဲ့သည့် Major League Baseball (မေဂျာလိဂ်ဘေ့စ်ဘော) အသင်းမှ ကစားသမား Andrelton Simmons (အန်ဒရယ်လ်တန်စင်မန်စ်) ထံမှ ရိုးသားစွာ ထွက်ပေါ်လာသည်။ သူ၏ဆုံးဖြတ်ချက်ကို သုံးသပ်လျက် အလားတူ စိန်ခေါ်မှုများနှင့် ရင်ဆိုင်နေရသူများကို အားပေးရန်နှင့် စာနာမှုပြရန် သူ့အကြောင်းကိုမျှဝေရန်လိုအပ်ကြောင်း စင်မန်စ် ခံစားမိသည်။
မခန့်မှန်းနိုင်သည့် ကြီးမားနက်နဲသော အနာတရနှင့် ဒဏ်ရာများသည် မမြင်ကွယ်ရာမှ အမာရွတ်များဖြစ်ပြီး၊ ၎င်းသည် အမှန်ပင် နာကျင်လျက် ဝေဒနာခံစားရဆဲဖြစ်သည်။ ဆာလံကျမ်း ၆ တွင် ဒါဝိဒ်က သူသည် “ခွန်အားနည်း”ပြီး “အရိုးတို့ သည် တုန်လှုပ်ကြ”ကြောင်း (:၂)၊ မခံနိုင်လောက်အောင် ပြင်းထန်သော ရုန်းကန်ရမှုကို ရိုးသားစွာ ရေးခဲ့သည်။…
ဘုရားသခင်ကို သိကျွမ်းရန်ပါ
အိုင်ယာလန်နိုင်ငံသို့သွားလည်စဉ်က ရှမ်းရော့ခ် (shamrocks) အပင်ပုံကို အလှဆင်ရာတွင် အလွန်အကျွံအသုံးပြုမှုကြောင့် ကျွန်မအလွန်အံ့ဩခဲ့ရသည်။ အဝတ်အစား၊ ဦးထုပ်၊ လက်ဝတ်ရတနာနှင့် အခြားအရာများစွာ၌ အသည်းပုံ အရွက်သုံးရွက်ဆိုင်ထွက်သည့် ပဲမျိုးရင်းဝင် အစိမ်းရောင်အပင်ငယ်လေးကို ဆိုင်တိုင်းရှိ ပစ္စည်းအားလုံးနီးပါးပေါ်တွင် တွေ့နိုင်သည်။
ထိုအပင်သည် အိုင်ယာလန်ကျွန်းတစ်ခုလုံးတွင် အမြောက်အများပေါက်သည် သာမက တစ်ဆူတည်းသောဘုရားသည် ခမည်းတော်ဘုရား၊ သားတော်ဘုရား၊ သန့်ရှင်းသော ဝိညာဉ်တော်ဘုရားဟူ၍ (၃) ပါးအဖြစ် ထာဝရတည်ရှိခြင်းဟူသော သမိုင်းဝင်ခရစ်ယာန်ယုံကြည်မှုကို လွယ်ကူစွာရှင်းပြရန် ရှမ်းရော့ခ် အပင်အား အိုင်းရစ်လူမျိုးတို့ မျိုးဆက်တစ်ခုပြီးတစ်ခု အသုံးပြုခဲ့ကြသည်။ သုံးပါးတစ်ဆူ အယူအဆကို လူသားတို့၏ရှင်းလင်းချက်များက မပြည့်စုံသော်လည်း၊ ရှမ်းရော့ခ်သည် အပင်တစ်ပင်တည်းဖြစ်သော်လည်း ကွဲပြားသောအရွက် (၃) ရွက်ရှိသောကြောင့် ၎င်းသည် အထောက်အကူဖြစ်စေသော သင်္ကေတဖြစ်သည်။
‘သုံးပါးတစ်ဆူ’ ဟူသော စကားလုံးကို ကျမ်းစာထဲတွင် မတွေ့နိုင်ပါ။ သို့သော် အချို့ကျမ်းပိုဒ်များ၌ တစ်ချိန်တည်းတွင် သုံးပါးလုံးအတူရှိနေခြင်းကို ထင်ရှားစွာမြင်ရသည်တွင် ‘သုံးပါးတစ်ဆူ’…
အထီးကျန်သော်လည်း အမေ့ခံ မဟုတ်ပေ
အကျဉ်းသားတစ်ဦးအတွက် အခက်ခဲဆုံးအရာမှာ သီးခြားခွဲထားခံရခြင်းနှင့် အထီးကျန်မှုဖြစ်ကြောင်း သူတို့၏ဘဝဇာတ်ကြောင်းများ နားထောင်ရမှ ပိုမိုရှင်းလင်းလာခဲ့သည်။ လေ့လာချက်တစ်ခုအရ ထောင်ဒဏ်မည်မျှပင်များများ ထောင်သားအများစုသည် သံတိုင်နောက်၌ ရှိနေစဉ်အတွင်း သူငယ်ချင်းများ (သို့) ချစ်ရသူများက သူတို့ထံ နှစ်ကြိမ်သာ လာရောက်တွေ့ဆုံကြသည်။ အထီးကျန်ခြင်းသည် မပြောင်းလဲသော လက်တွေ့အဖြစ်မှန်တစ်ရပ်ပင်။
ရာဇဝတ်သားဟု မဟုတ်မမှန်စွပ်စွဲခံခဲ့ရသည့် ယောသပ် ထောင်ထဲ၌ ရှိနေစဉ်အတွင်း သူ့ခံစားချက်က နာကျင်နေပေမည်။ သို့သော် မျှော်လင့်ချက်ရောင်ခြည် မျှင်မျှင်လေးရှိသည်။ ဖာရောဘုရင်၏ လူယုံအစေခံဖြစ်ခဲ့သည့် အကျဉ်းသားတစ်ဦး၏အိပ်မက်ကို ယောသပ်အနက်ပြန်နိုင်ရန် ဘုရားသခင်မစခဲ့သည်။ ထိုသူသည် မိမိ၏နဂိုရာထူး၌ ပြန်လည်ခန့်ထားခံရမည်ဖြစ်ပြီး၊ ထိုသို့ချီးမြှောက်ခံရလျှင် သူလွတ်မြောက်စေရေး ဖာရောဘုရင်အား သူ့အကြောင်းကို ပြောပြရန် ယောသပ်တောင်းဆိုခဲ့သည် (က ၄၀:၁၄)။ သို့သော်ထိုသူသည် “ယောသပ်ကို မအောက်မေ့ဘဲ၊ မေ့လျော့”ခဲ့သည် (:၂၃)။ ၂ နှစ်ကြာသည်အထိ ယောသပ်စောင့်နေခဲ့ရသည်။ စောင့်နေသည့် ထိုနှစ်များအတွင်း ယောသပ်၏အခြေအနေက ပြောင်းလဲမည့်အရိပ်အယောင်မရှိခဲ့ပေ။ သို့သော်…