ခွင့်လွှတ်သောမေတ္တာ
ကျွန်မခင်ပွန်း၏အဘိုး ပီတာနှင့်အဘွားရုသ်တို့ ဇနီးမောင်နှံသည် ၂၀၂၁ ခုနှစ် မေလ (၃၁) ရက်နေ့တွင် ပြောစမှတ်တွင်သည့် ၎င်းတို့၏အိမ်ထောင်သက် အနှစ် (၈၀) ဘဝမှတ်တိုင်အတွက် ချီးမွမ်းပွဲကျင်းပခဲ့ကြသည်။ ၁၉၄၁ ခုနှစ်တွင် သူတို့နှစ်ဦးတွေ့ဆုံခဲ့ပြီး၊ ရုသ်သည် အထက်တန်းကျောင်းသူမျှသာ ရှိသေးသော်လည်း သူတို့မှာ လက်ထပ်ရန် အလွန်စိတ်ထက်သန်လျက် ရုသ်အထက်တန်းကျောင်းအောင်သည့်နေ့အပြီးနောက်တစ်ရက်တွင် ခိုးပြေးကြတော့သည်။ ဤနှစ်ကာလများတစ်လျှောက် ဘုရားသခင် သူတို့ကို ပို့ဆောင်လမ်းပြခဲ့သည်ဟု ပီတာနှင့်ရုသ်တို့ ယုံကြည်သည်။
နှစ်ပေါင်း (၈၀) အိမ်ထောင်သက်ကို ပြန်ဆင်ခြင်ရင်း သူတို့၏ဆက်ဆံရေးကို ထိန်းသိမ်းတည်စေသည့်သော့ချက်မှာ ခွင့်လွှတ်ရန် ဆုံးဖြတ်ရွေးချယ်ခြင်းဖြစ် ကြောင်း ပီတာနှင့်ရုသ်တို့ လက်ခံကြသည်။ ကျွန်မတို့အားလုံးသည် မကြင်နာ သောစကားဖြစ်စေ၊ ကတိမတည်ခြင်းဖြစ်စေ၊ လုပ်ရန်မေ့လျော့သွားသည့်ကိစ္စဖြစ်စေ တစ်ဦးနှင့်တစ်ဦးအပေါ် နာကျင်စေမှုအတွက် ပုံမှန်ခွင့်လွှတ်ခြင်းကို လိုအပ်ကြောင်း ကောင်းမွန်သောဆက်ဆံရေးရှိသူ မည်သူမဆို နားလည်သည်။
သခင်ယေရှုကို ယုံကြည်သူများ စည်းလုံးသင့်တင့်စွာ အတူနေထိုင်ရေး ရေးသားထားသည့် အထောက်အကူပြုကျမ်းချက်တွင်…
ယုံကြည်ခြင်းအမွေအနှစ်
၂၀၁၉ ခုနှစ်တွင် အမေရိကန်နိုင်ငံရှိ ယုံကြည်သူများ၏ဝိညာဉ်ရေးရာအမွေဆက်ခံမှုကို သုတေသနလုပ်ရာ၊ အမေနှင့် အဘွားများသည် ဝိညာဉ်ပိုင်းဆိုင်ရာ ကြီးထွားမှုတွင် အဓိကလွှမ်းမိုးသူများဖြစ်ကြောင်း တွေ့ရသည်။ သုံးပုံနှစ်ပုံသောလူတို့က ယုံကြည်ခြင်းအမွေကို ၎င်းတို့၏မိခင်များထံမှရရှိပြီး ကျန်သုံးပုံတစ်ပုံသည် ဘိုးဘွားတို့ထံမှ (အများအားဖြင့် အဘွားထံမှ) ရရှိကြောင်းဖွင့်ဟ ဝန်ခံကြသည်။
“ဝိညာဉ်ရေးရာကြီးထွားမှုတွင် မိခင်များ၏ ရာသက်ပန်တည်တံ့သော သက်ရောက်မှုကို အဖန်တစ်လဲလဲ မြင်ရသည်” ဟုအစီရင်ခံစာ၏ အယ်ဒီတာက မှတ်ချက်ပေးခဲ့သည်။ ထိုသက်ရောက်မှုကို သမ္မာကျမ်းစာတွင်လည်း တွေ့ရသည်။
တိမောသေထံ ရှင်ပေါလုရေးသည့်စာတွင် တိမောသေ၏ယုံကြည်ခြင်းသည် သူ၏အဘွားလောဣ၊ မိခင်ဥနိတ်တို့၏ ပုံသွင်းမှုဖြစ်ကြောင်း အသိအမှတ်ပြုထားသည် (၂ တိ ၁:၅)။ ရှေးဦးအသင်းတော်၏ ခေါင်းဆောင်တစ်ဦးအပေါ် အမျိုးသမီးနှစ်ဦး၏လွှမ်းမိုးမှုကို မီးမောင်းထိုးပြထားသည်မှာ ဝမ်းမြောက်စရာဖြစ်သည်။ တိမောသေထံရေးသည့် ရှင်ပေါလု၏ အားပေးစာတွင် သူတို့၏လွှမ်းမိုးမှုကို တွေ့ရသည်။ “ယေရှုခရစ်ကို ယုံကြည်ခြင်းအားဖြင့် ကယ်တင်ခြင်းအလိုငှာ ပညာကိုပေးနိုင်သော ဓမ္မကျမ်းစာကို ငယ်သောအရွယ်မှစ၍ လေ့ကျက်သည်ကိုလည်းကောင်း သိမှတ်သည်နှင့်၊…
ခရစ်စမတ်အလင်း
ကျွန်ုပ်၏အမြင်၌ ခရစ်စမတ်သစ်ပင်က တောက်ပထွန်းလင်းနေသည်။ မီးကြိုးများသွယ်တန်းထွန်းထားခြင်း မဟုတ်ဘဲ တကယ့်မီးအစစ်ဖြစ်သည်။ မိတ်ဆွေတစ်ဦးက ရှေးဂျာမန်ရိုးရာအတိုင်း ခရစ်စမတ်သစ်ပင်ကို ဖယောင်းတိုင်အစစ်များဖြင့် ထွန်းညှိထားပြီး၊ အရသာရှိသည့် ရိုးရာအချိုပွဲများဖြင့် တည်ခင်းသောစားသောက်ပွဲသို့ ကျွန်ုပ်တို့မိသားစုကို ဖိတ်ကြားခဲ့ပါသည်။ (အန္တရာယ်ကင်းစေရန် မကြာမီက ညှပ်ဖြတ်ပုံသွင်းထားသည့် သစ်ပင်ကို တစ်ညတာသာ မီးထွန်းညှိပါသည်။)
မီးလောင်နေပုံထင်ရသည့် ခရစ်စမတ်သစ်ပင်ကိုကြည့်ရင်း မီးလောင်နေသောချုံပုတ်မှ ဘုရားသခင်နှင့် မောရှေဆုံတွေ့ခဲ့ခြင်းကို ကျွန်ုပ်တွေးဆင်ခြင် မိသည်။ ကန္တာရတွင် သိုးကျောင်းနေစဉ် မီးလောင်သော်လည်း ကျွမ်းလောင် မသွားသည့်ချုံပုတ်ကြောင့် မောရှေအံဩခဲ့ရသည်။ စူးစမ်းရန် ချုံပုတ်အနီးသို့ သူချဉ်းလာသောအခါ ဘုရားသခင်က သူ့ကို ခေါ်တော်မူသည်။ မီးလောင်နေသောချုံပုတ်မှ သတင်းစကားမှာ ဣသရေလလူမျိုးအတွက် တရားစီရင်ခြင်းမဟုတ်ဘဲ၊ အဲဂုတ္တုပြည်၌ ကျွန်ခံနေရသောသူ၏လူမျိုးများ၏ ဒုက္ခနှင့်ဆင်းရဲခြင်းကို ဘုရားရှင်မြင်တွေ့ခဲ့ပြီး သူတို့ကို ကယ်နှုတ်ခြင်းငှာ ကြွဆင်းလာခြင်း (ထွက် ၃:၈) ဖြစ်သည်။
ဘုရားသခင်သည် ဣသရေလလူမျိုးတို့ကို အီဂျစ်လူတို့လက်မှကယ်တင်ခဲ့သကဲ့သို့ လူသားမျိုးနွယ်အားလုံးသည် ၎င်းတို့၏…
အလွတ်တမ်းကစားသမား
‘Walk on’ (အလွတ်တမ်းကစားသမား)သည် ကျောင်းသား Ben Malcolmson (ဘန်မယ်လ်ကွန်ဆန်) ၏စိတ်ဝင်စားဖွယ် ဘဝမှတ်တမ်းဖြစ်သည်။ သူသည် ဘောလုံးကစားသည့် အတွေ့အကြုံမရှိဘဲ ၂၀၀၇ ခုနှစ်တွင် အမေရိကန်နိုင်ငံ၊ ကယ်လီဖိုးနီးယားပြည်နယ် တောင်ပိုင်းတက္ကသိုလ် နှင်းဆီဖလားရသော ချန်ပီယံအသင်းအတွက် အလွတ်တမ်းကစားသူ ‘Walk on’ ဖြစ်လာသည်။ အလွန်ပင်ပန်းသော လက်တွေ့စစ်ဆေးမှုအကြောင်းကို ကိုယ်တွေ့မှတ်တမ်းရေးသားရန် ဆုံးဖြတ်ခဲ့သော ကောလိပ်သတင်းစာဆရာ မယ်လ်ကွန်ဆန်သည် မထင်မှတ်ဘဲ အသင်းမှအလိုချင်ဆုံး ဘောလုံးအသင်းဝင် ဖြစ်လာခဲ့သည်။
အသင်းဝင်ဖြစ်ပြီးသောအခါ မယ်လ်ကွန်ဆန်သည် မမျှော်လင့်ဘဲ ရလာသော ဤအခွင့်အရေးမှတစ်ဆင့် သူ့အတွက် ဘုရားသခင်၏ရည်ရွယ်ချက်ကို ရှာဖွေရန် စိတ်ထက်သန်ခဲ့သည်။ သို့သော် သူ့အသင်းဖော်များက ယုံကြည်ခြင်းအကြောင်း ဆွေးနွေးရန် စိတ်မဝင်စားမှုကြောင့် သူစိတ်ပျက်အားလျှော့ခဲ့ရသည်။ ထာဝရဘုရားထံမှ လမ်းပြမှု တောင်းခံနေစဥ် သူသည် ဟေရှာယအနာဂတ္တိကျမ်းထဲ၌ “ငါ၏နှုတ်ကပတ်စကားသည် ... ငါ့အလိုကိုပြည့်စုံစေမည်။ ငါစေခိုင်းသောအမှု၌အောင်လိမ့်မည်” (၅၅:၁၁) ဟု ဘုရားသခင်၏မိန့်မှာချက်ကို…
ဟာလေလုယာ
ကမ္ဘာတစ်ဝန်းတွင် နှစ်စဉ် အကြိမ်ပေါင်း ထောင်နှင့်ချီ၍ဖျော်ဖြေရသော၊ ယနေ့ကမ္ဘာ့အကျော်ကြားဆုံး သမ္မာကျမ်းလာဇာတ်လမ်းကို တေးဂီတဖြင့်သရုပ်ဖော်ထားသည့် ‘Messiah’ (မေရှိယ - ကယ်တင်ရှင်) တေးသွားကို ဆရာကြီး Handel (ဟန်ဒယ်လ်) ရေးစပ်ရေးရာ၌ အချိန် (၂၄) ရက်သာ ကြာခဲ့သည်။ အံ့ဩစရာပင်။ ကြီးကျယ်ခမ်းနားသော တီးခတ်မှုစတင်ပြီး (၂) နာရီနီးပါးအကြာတွင် တေးသွား၏အကျော်ကြားဆုံး အထွတ်အထိပ် ‘Hallelujah Chorus’ (ဟာလေလုယာသံပြိုင်)ကို တီးခတ်သီဆိုပါသည်။
တံပိုးခရာနှင့်ဗုံများမှ သံပြိုင်အပိုဒ်၏အစကို တီးခပ်စဉ် သီချင်းသည်အဖွဲ့မှ “သူသည် ကမ္ဘာအဆက်ဆက် စိုးစံတော်မူမည်” ဟူသော ဗျာဒိတ်ကျမ်း ၁၁:၁၅ မှ စာသားကို သီဆိုရာ သီချင်းသံက အမြင့်သံ၊ အနိမ့်သံများဖြင့် တစ်လွှာပေါ် တစ်လွှာထပ်ကာ ထွက်ပေါ်လာသည်။ ၎င်းသည် ကောင်းကင်နိုင်ငံ၌ သခင်ယေရှုနှင့်အတူ ထာဝရရှိမည့်မျှော်လင့်ချက်၏အောင်ပွဲခံကြေညာချက်ဖြစ်သည်။
‘Messiah’ သီချင်းစာသားများစွာသည် ဗျာဒိတ်ကျမ်းမှစာသားများဖြစ်သည်။ ထိုကျမ်းကို တမန်တော်ရှင်ယောဟန်၏ ဘဝနောက်ဆုံးအချိန်များတွင်…
ပြန်လည်ရှာဖွေတွေ့ရှိခြင်း
၁၉၇၀ ပြည့်နှစ်က ကားကုမ္ပဏီတစ်ခု၏ အုပ်ချုပ်ရေးအရာရှိတစ်ဦးသည် ဒိန်းမတ်နိုင်ငံသို့ သွားလည်ပတ်စဥ် ဒေသခံတစ်ဦးထံ၌ ၁၉၃၉ ခုနှစ်ထုတ် ‘Buick Dual Cowl Phaeton’ (ဗျူးဝစ်ဂျူဝယ်ခေါင်းဖေထန်) ကားတစ်စီး ရှိကြောင်း သိခဲ့ရသည်။ ဤကားသည် စက်ရုံထုတ် မဟုတ်သောကြောင့် ရှားပါးသည့် တစ်မူထူးသောကားဖြစ်သည်။ ဤသို့တွေ့ရှိ၍ ပျော်ရွှင်သွားသော အရာရှိသည် ထိုကားကိုဝယ်လိုက်ကာ သူ့အချိန်နှင့်ငွေကြေးကို စိုက်ထုတ်၍ ပြုပြင်မွမ်းမံခဲ့သည်။ ယခုအချိန်တွင် ထိုတစ်မူထူးသောကားသည် ကမ္ဘာကျော် ဂန္တဝင်ကားများစုဆောင်းမှုတွင် ထင်ရှားသောကားဖြစ်သည်။
ဝှက်ထားေသော ရတနာများသည် ပုံသဏ္ဌာန်အမျိုးမျိုး ရှိနေနိုင်ပြီး ရာဇဝင်ချုပ် ဒုတိယစောင်၌ ပျောက်ဆုံးနေသည့် အခြားရတနာတစ်ခုကို ရှာေတွေ့သည့်အကြောင်း တွေ့ရသည်။ ယုဒရှင်ဘုရင် ယောရှိမင်းသည် နန်းသက် (၁၈) နှစ်ခန့်တွင် ယေရုရှလင်မြို့ရှိ ဗိမာန်တော်ကို စတင်ပြုပြင်ခဲ့သည်။ ထိုသို့ပြုပြင်စဥ် ယဇ်ပုရောဟိတ် ဟိလခိသည် “ထာဝရဘုရား၏ပညတ္တိကျမ်းစာစောင်”ကို တွေ့ရှိ ခဲ့သည် (၆ ရာ…
ကျိုးပဲ့ကြေမွမှုနှင့် အလှတရား
Makoto Fujimura (မာကိုတို ဖူဂျီမူရာ) ရေးဆွဲသော ‘Consider the Lilies’ (လီလီပန်းများကို ဆင်ခြင်ပါ) ပန်းချီကားကို ပထမဆုံး အကြည့်တစ်ချက်တွင် လီလီပန်းကို အနောက်၌ ဝှက်ထားသည့်ဟန်ပေါ်သည့် အရောင်တစ်မျိုးတည်းနှင့် ရေးခြယ် ထားသည့် သာမန်ပန်းချီကားအဖြစ်သာ ထင်မှတ်ခဲ့ပြီး အမှုမဲ့အမှတ်မဲ့ နေခဲ့သည်။ သို့သော်လည်း ဤပန်းချီကားသည် ထွင်းထုထားသောသတ္တုအလွှာပေါင်း (၈၀) ကျော်ဖြင့် ရေးဆွဲထားပြီး၊ ဖူဂျီမူရာက “ဖြည်းညင်းသောအနုပညာ”ဟု ခေါ်သည့် Nihonga (နီဟွန်းဂါ) ဂျပန်အနုပညာဖြင့် ရေးဆွဲထားကြောင်း သိရသောအခါ ပန်းချီကားသည် အမှန်တကယ် အသက်ဝင်လာသည်။ သေသေချာချာကြည့်လျှင် ရှုပ်ထွေးပြီးလှပသော အလွှာများစွာကို မြင်နိုင်သည်။ သခင်ယေရှု၏ ဝေဒနာခံစားခဲ့ရခြင်းသည် လောကအတွက် စုံလင်ခြင်းနှင့် မျှော်လင့်ခြင်းတို့ကို ယူဆောင်လာသကဲ့သို့ “ကျိုးပဲ့ပျက်စီးမှုမှ အလှတရား”ကို ဖော်ဆောင်ခြင်းနည်းပညာတွင် ဧဝံဂေလိတရားထင်ဟပ်နေသည်ကို မြင်ရကြောင်း ဖူဂျီမူရာ ရှင်းပြသည်။
ဘုရားသခင်သည် ကျွန်ုပ်တို့၏ကျိုးပဲ့ပျက်စီးသော ဘဝကဏ္ဍများကို…
ချစ်ခြင်းမေတ္တာမရှိလျှင် အသုံးမဝင်
ကျွန်မမှာယူထားသည့် စားပွဲခုံအစိတ်အပိုင်းများကို ဘူးထဲမှ ထုတ်ကာ ရှေ့တွင် ချထားပြီးနောက် တစ်ခုခုလိုနေသည်ကို သတိပြုမိသည်။ စားပွဲအတွက် လှပသောအပေါ်ပိုင်းနှင့် အခြားအစိတ်အပိုင်းများကို ထည့်သွင်းပေးပို့ထားသော်လည်း ခြေထောက်တစ်ဖက် ပျောက်ဆုံးနေပါသည်။ ခြေထောက်များအကုန်မပါလျှင် စားပွဲကို တပ်ဆင်၍မရသလို အသုံးလည်း မဝင်ပါ။
အရေးကြီးသောအစိတ်အပိုင်းတစ်ခု ပျောက်ဆုံးသည့်အခါ အသုံးမဝင်ဖြစ်သည်မှာ စားပွဲတစ်ခုတည်း မဟုတ်ပါ။ ကောရိန္သုသြဝါဒစာပထမစောင်တွင် ရှင်ပေါလုက စာဖတ်သူများအား မရှိမဖြစ်လိုအပ်သောအစိတ်အပိုင်းတစ်ခု ပျောက်ဆုံးနေကြောင်း သတိပေးခဲ့သည်။ ယုံကြည်သူများသည် ဝိညာဉ်ဆုကျေးဇူးများစွာကို ပိုင်ဆိုင်ထားသော်လည်း မေတ္တာမရှိ၊ မေတ္တာလိုနေသည်။
ထိုအချက်ကို အလေးပေးဖော်ပြရန် အကျယ်ချဲ့တင်စားသော စကားလုံးများကို ရှင်ပေါလုအသုံးပြုခဲ့သည်။ အသိပညာ‘အမျိုးမျိုး’ တတ်သော်လည်း၊ ပိုင်ဆိုင်သည့်စည်းစိမ်‘အားလုံး’ကို စွန့်လွှတ်သော်လည်း၊ ဆင်းရဲဒုက္ခခံယူရန် စေတနာစိတ် ရှိကြသော်လည်း၊ အခြေခံအုတ်မြစ်ဖြစ်သည့် မေတ္တာတရားမရှိပါက သူတို့၏လုပ်ရပ်များသည် အချည်းနှီးသာဖြစ်မည်ဟု သူ့သြဝါဒစာကို ဖတ်ရှုသူများထံ ရှင်ပေါလုရေးသားခဲ့သည် (၁ ကော ၁၃:၁-၃)။ အစဥ် ကာကွယ်ပေးသော၊ ယုံကြည်သော၊…
သာ၍မြတ်သောမေတ္တာ မရှိ
၂၀၁၉ ခုနှစ်တွင် (၇၅) နှစ်မြောက် ဒီဒေး (ဒုတိယကမ္ဘာစစ်အတွင်း မဟာမိတ်တပ်များ ပြင်သစ်သို့ ဝင်ရောက်သောနေ့) အထိမ်းအမှတ်ပွဲသည် အနောက်ဥရောပဒေသ လွတ်မြောက်ရေးအတွက် အကြီးမားဆုံးသော ပင်လယ်ရေကြောင်းထိုးစစ်၌ ပါဝင်ခဲ့ကြသောတပ်ဖွဲ့ဝင် ၁၅၆,၀၀၀ ကျော်ကို ဂုဏ်ပြုခြင်းဖြစ်သည်။ ၁၉၄၄ ခုနှစ် ဇွန်လ ၆ ရက် နေ့တွင် ရေဒီယိုမှ ထုတ်လွှင့်သော သမ္မတ Roosevelt (ရုစဗက်)၏ ဘုရားသခင်ကာကွယ်စောင့်ရှောက်ရန် ဆုတောင်းချက်တွင် “သူတို့သည် သူတစ်ပါးအပေါ် အနိုင်ယူလိုသည့်ရမက်စိတ်ဖြင့် တိုက်ပွဲဝင်ခြင်း မဟုတ်ပါ။ သူတစ်ပါးအပေါ် အနိုင်ယူစိုးမိုးချုပ်ကိုင်လိုမှုကို အဆုံးသတ်ရန်နှင့် လွတ်မြောက်မှုအတွက် တိုက်ပွဲဝင်ခြင်းသာဖြစ်သည်”ဟု ဖော်ပြပါရှိသည်။
မကောင်းမှုကိုထိန်းချုပ်ပြီး အဖိနှိပ်ခံများကို လွတ်မြောက်မှုပေးနိုင်ရေး အန္တရာယ်ကို ခါးစည်းခံယူလျက် မိမိကိုယ်ကို ပေးဆပ်ရန် စိတ်ဆန္ဒရှိခြင်းက “ကိုယ်အဆွေတို့အဖို့အလိုငှာ ကိုယ်အသက်ကို စွန့်ခြင်းမေတ္တာထက် သာ၍မြတ်သောမေတ္တာသည် အဘယ်သူ၌မျှမရှိ” (ယော ၁၅:၁၃)ဟူသည့် ရှင်ယေရှု၏စကားများကို သတိရစေသည်။ နောက်တော်လိုက်တပည့်တော်များ…
ကောင်းကင်မှအစာ
၂၀၂၀ ခုနှစ် သြဂုတ်လတွင် ဆွစ်ဇာလန်နိုင်ငံ အော်တန်မြို့တွင် ချော့ကလက်နှင်းမိုး ကျခြင်းကြောင့် မြို့သားများသည် အံ့သြတုန်လှုပ်သွားကြသည်။ ချော့ကလက်စက်ရုံ၏ လေဝင်လေထွက်စနစ် ချို့ယွင်းမှုကြောင့် ချော့ကလက်အမှုန်များလေထဲသို့ ပျံ့နှံ့ခဲ့သည်။ စား၍ရသော ချော့ကလက်အမှုန်များက ကားနှင့်လမ်းများကို ဖုံးလွှမ်းသွားပြီး တစ်မြို့လုံးမှာ သကြားလုံးဆိုင်ကဲ့သို့ မွှေးကြိုင်သွားတော့သည်။
စားကောင်းသောက်ဖွယ်များ ကောင်းကင်မှ “ထူးဆန်းစွာ” ကျလာသည့်အကြောင်းကို စဉ်းစားရင်း ထွက်မြောက်ရာကျမ်းမှ ဣသရေလလူမျိုးများအတွက် ဘုရားသခင်၏ ထောက်ပံ့မှု အကြောင်းကို မစဉ်းစားဘဲ မနေနိုင်ပါ။ အဲဂုတ္ထုပြည်မှ အံ့သြဖွယ် လွတ်မြောက်လာပြီးနောက် ဣသရေလလူမျိုးများသည် ကန္တာရထဲတွင် စိန်ခေါ်မှုမျိုးစုံကို ကြုံတွေ့ခဲ့ရသည်။ အထူးသဖြင့် အစာရေစာရှားပါးခြင်း ပြဿနာကို ကြုံရသည်။ ထို့နောက် ထာဝရဘုရားသည် လူတို့၏တိုးလျှိုးတောင်းပန်မှုကြောင့် စိတ်နှလုံးတို့ထိပြီး “မိုးကောင်းကင်မှ မုန့်မိုးကို ရွာစေ”ခဲ့သည် (ထွက် ၁၆:၄)။ နောက်နေ့နံနက်တွင် မုန့်များကို အမှန်တွေ့ခဲ့ရသည်။ မန္နမုန့် ဟုအမည်ရသော နေ့စဉ်ကျွေးတော်မူသောအစာကို အနှစ်…