ကျွန်ုပ်တို့၏ကယ်တင်ရှင်ယေရှု

ပါကစ္စတန်နီချိုင့်ဝှမ်းကို ဖြတ်သန်းမောင်းနှင်နေသည့် သာမန်မိုးပျံကေဘယ်ကား သည် တုန်လှုပ်ဖွယ်ဒုက္ခနှင့် ကြုံခဲ့ရသည်။ ကားစထွက်ပြီးမကြာမီ ကားကိုထောက်မထားသည့် သံကြိုးနှစ်ချောင်းပြတ်သွားရာ ကျောင်းသား၊ ကလေးသူငယ်များ အပါအဝင် ခရီးသည်ရှစ်ဦးသည် ပေတစ်ရာအထက်ဝေဟင်၌ ခြေတန်းလန်းနှင့် တွဲလောင်းဖြစ်ခဲ့ကြသည်။ ထိုအခြေအနေတွင် ပါကစ္စတန်စစ်တပ်က ကြိုးလိုင်းများ၊ ရဟတ်ယာဥ်များနှင့် အခြားပစ္စည်းကိရိယာများ သုံးကာ ၂၄ နာရီကြာသည့် ခက်ခဲသောကယ်ဆယ်ရေးအစီအစဥ်နှင့် ခရီးသည်များကို ကယ်တင်ခဲ့သည်။

ကောင်းမွန်စွာလေ့ကျင့်ထားသည့် ကယ်ဆယ်ရေးသမားများသည် ချီးကျူးခံထိုက်သည်။ သို့သော် ကျွန်ုပ်တို့ကို အပြစ်နှင့်သေခြင်းတရားမှ ကယ်တင်ပေးခဲ့သည့် သခင်ယေရှု၏ ထာဝရနှင့်ဆိုင်သည့် လုပ်ရပ်နှင့် ယှဉ်လျှင် သူတို့၏ လုပ်ရပ်များသည် မှေးမှိန်သွားခဲ့သည်။ သခင်ယေရှုမမွေးဖွားမီ ကောင်းကင်တမန်သည် ယောသပ်ထံလာကာ သန့်ရှင်းသောဝိညာဉ်တော်အားဖြင့် ပဋိသန္ဓေဆောင်ထားရသည့်မာရိကို ထိန်းသိမ်းရန် မှာကြားခဲ့သည် (မ ၁:၁၈-၂၀)။ “ထိုသားသည် မိမိလူတို့ကို အပြစ်မှကယ်ချွတ်မည့်သူဖြစ်သောကြောင့်” သူ၏သားကို ယေရှုဟူသော အမည်ဖြင့် မှည့်ရန် ယောသပ်အား မိန့်မှာခဲ့သည်။ (:၂၁)။…

ခရစ်တော်၌ရှိသော ခိုင်မာသောထောက်မပံ့ပိုးမှု

လန်ဒန်မာရသွန်ပြိုင်ပွဲဝင် အပြေးသမားတစ်ဦးသည် အပြေးပြိုင်ပွဲကြီး၌ တစ်ဦးတည်း မပြေးရန် အရေးကြီးကြောင်းကို တွေ့ကြုံခံစားခဲ့ရသည်။ လအတန်ကြာ ပြင်းပြင်းထန်ထန် ပြင်ဆင်ထားပြီးနောက် ထိုလူသည် အကောင်းဆုံးကြိုးစား ပန်းဝင်ချင်ခဲ့သည်။ သို့သော် သူသည် ဒယိမ်းဒယိုင်နှင့်ပြေးရင်း ပန်းဝင်ခါနီးအချိန်တွင် ပင်ပန်းနွမ်းနယ်မှုကို နှစ်ဆခံစားနေရပြီး ပြိုလဲလုနီးနီးဖြစ်နေပါသည်။ သူမြေပြင်ပေါ်လဲမကျမီ မာရသွန်ပြိုင်ပွဲဝင်အဖော်နှစ်ဦးတို့က ဘယ်ညာတစ်ဘက် တစ်ချက်စီမှ သူ၏လက်နှစ်ဘက်ကိုဆွဲကိုင်ကာ ရုန်းကန်နေရသော အပြေးသမားအား ပြေးလမ်းအဆုံးသို့ ရောက်အောင် ကူညီပေးခဲ့သည်။

ထိုအပြေးသမားကဲ့သို့ပင်၊ ဘဝအသက်တာပြေးပွဲ နှင်ရာ၌ ကျွန်ုပ်တို့နှင့်အတူ အခြားသူများရှိနေခြင်း၏ အရေးကြီးသောအကျိုးကျေးဇူးများကို ကျွန်ုပ်တို့အား ဒေသနာဆရာက သတိပေးအမှတ်ရစေပါသည်။ ရှောလမုန်မင်းကြီးက “လူသည်တစ်ယောက်တည်းထက် နှစ်ယောက်သာ၍ ကောင်း၏” ဟူသော အခြေခံ သဘောတရားကို ဖော်ပြလျက် (ဒေ ၄:၉)၊ ပူးပေါင်းကြိုးပမ်းမှုများနှင့် အပြန်အလှန် ကြိုးစားအားထုတ်မှုတို့၏ အားသာချက်များကို မီးမောင်းထိုးပြခဲ့သည်။ လက်တွဲလုပ်ဆောင်ခြင်းသည် “ကောင်းသောအကျိုးကိုရတတ်”သည် (:၉)။ ခက်ခဲသောအဆင်မပြေချိန်များတွင် “တစ်ယောက်လဲလျှင် တစ်ယောက်ထူ”ရန်…

သန့်ရှင်းသောဝိညာဥ်တော် တည်ရှိတော်မူ၏

မြောက်ကယ်ရိုလိုင်းနား၊ ရှားလော့မြို့မှ နယူးယော့မြို့သို့ ပျံသန်းမည့်ခရီးစဥ်အတွက် အကြိုစစ်ဆေးမှုများပြုလုပ်နေစဥ် ခရီးသည်တစ်ဦးသည် လေယာဥ်စီးရမည့်အရေးကို သိသိသာသာ စိုးရိမ် ကြောက်ရွံ့နေသည်ကို လေယာဥ်မောင်က သတိထားမိသည်။ သူသည် လျှောက်လမ်း၌ ထိုင်ချလျက် ခရီးသည်အမျိုးသမီး၏လက်ကို ကိုင်ကာ ပျံသန်းမည့်ခရီးစဥ်၏ အဆင့်တိုင်းကို ရှင်းပြပြီး သူမ အဆင်ပြေသွားမည်ဖြစ်ကြောင်း အားပေးခဲ့သည်။ “လေယာဥ်ပေါ် ရောက်ပြီဆိုတာနဲ့ ကျွန်တော်တို့က အရေးမကြီးတော့ဘဲ ခရီးသည်ဖြစ်တဲ့ အဒေါ်က အရေးကြီးဆုံးဖြစ်သွားပါတယ်။ တကယ်လို့ အဒေါ် နေလို့ မကောင်းဘူးဆိုရင် ‘အဆင်မပြေတာရှိလား။ ဘာများကူညီပေးလို့ ရနိုင်မလဲ’ လို့ အဒေါ့်နားလာပြီး မေးချင်ပါတယ်” ဟု သူပြောလိုက်သည်။ လေယာဥ်မောင် ၏ ဂရုပြုကူညီရန်အသင့်ရှိနေခြင်းက ရှင်ယေရှုပြောသော သူ့ကို ယုံကြည်သူတို့အဖို့ သန့်ရှင်းသောဝိညာဥ်တော် လုပ်ဆောင်ပေးမည့်အရာ၏ ပုံရိပ်တစ်ခုဖြစ်နိုင်ပါသည်။

ခရစ်တော်၏အသေခံခြင်း၊ ရှင်ပြန်ထမြောက်ခြင်းနှင့် ကောင်းကင်ဘုံသို့ တက်ကြွခြင်းအမှုတို့သည် လူတို့အား အပြစ်မှကယ်လွှတ်ရန် မရှိမဖြစ်လိုအပ်ကာ အကျိုး ဖြစ်ထွန်းစေသော်လည်း၊…

ဝိညာဉ်ရေးဆိုင်ရာ တော်ဝင်မျိုးနွယ်

အမေရိကန်နိုင်ငံ၊ မေရီလန်းပြည်နယ်၊ ရော့ခ်ဗီးလ် (Rockville)မြို့မှ Jay Speights (ဂျေးစပိတ်စ်) သည် DNA စစ်ဆေးမှုတစ်ခု ပြုလုပ်ခဲ့သောအခါ၊ မျှော်လင့်မထားသောရလဒ်များကြောင့် သူအံ့ဩတုန်လှုပ်ခဲ့ရသည်။ ထိုရလဒ်များထဲတွင် အံ့ဩစရာကြီးတစ်ခုမှာ သူသည် အနောက်အာဖရိကတိုက်ရှိ Benin (ဘီနင်)နိုင်ငံ၏ မင်းသားတစ်ပါး ဖြစ်နေသည်။ များမကြာမီ သူသည် လေယာဉ်စီးကာ ထိုနိုင်ငံသို့ အလည်သွားခဲ့သည်။ သူရောက်ရှိသောအခါ၊ တော်ဝင်မိသားစုများသည် သူ့အား နှုတ်ခွန်းဆက်သကြပြီး အတီးအမှုတ်အကအခုန်များ၊ ဆိုင်းဘုတ်ထောင်ခြင်းများ၊ ချီတက်ပွဲများဖြင့် တခမ်းတနား ကြိုဆိုခဲ့ကြသည်။

ဘုရားသခင်၏သတင်းကောင်း ကြေညာချက်အဖြစ် သခင်ယေရှုသည် လောကသို့ ကြွလာခဲ့သည်။ သခင်ယေရှုသည် သတင်းကောင်းဝေငှရန်နှင့် မှောင်မိုက်မှ လွတ်မြောက်ရာလမ်းကိုပြခြင်းငှာ၊ သူ၏လူ ဣသရေလလူမျိုးရှိရာသို့ ကြွတော်မူခဲ့သည်။ လူများစွာတို့သည် “ဟုတ်မှန်သောအလင်း”ကို ငြင်းပယ်ပြီး (ယော ၁:၉)၊ သခင်ယေရှုကို ကယ်တင်ရှင် မေရှိယအဖြစ် လက်မခံ၊ တရားစကားကို လျစ်လျူရှုခဲ့ကြသည် (:၁၁)။ သို့သော်လည်း…

ခရစ်တော်၌ အမှန်အတိုင်း ပြောဆိုခြင်း

အမျိုးသားတစ်ဦးသည် ယာဉ်စည်းကမ်းချိုးဖောက်မှုကြောင့်ရသော ဒဏ်ရိုက်လက်မှတ်များကို လိမ်လည်ပြောဆိုခြင်းဖြင့် ရှောင်ရှားရာတွင် ကျွမ်းကျင်သည်။ တရားရုံး၌ တရားသူကြီးများရှေ့တွင် သူက “ကျွန်တော့်ရည်းစားနှင့် လမ်းခွဲပြီး ကျွန်တော်မသိလိုက်ဘဲ သူမက ကျွန်တော့်ကားကို လုသွားတယ်” ဟု ဇာတ်လမ်း တစ်ပုဒ်တည်းကို ပြောပြတတ်သည်။ ထို့ပြင် သူသည် အလုပ်တွင် အကျင့်ပျက် ခြစားမှုအတွက် အကြိမ်ကြိမ် အပြစ်တင်ခြင်း ခံခဲ့ရသည်။ နောက်ဆုံး၌ အစိုးရရှေ့နေများက သူ့အားလိမ်လည်၍ကျမ်းကျိန်ကာ သက်သေခံသည့် အမှုလေးခုနှင့် ကျမ်းကျိန်သောအခါ တရားသူကြီးများကို လိမ်လည်ပြီး ရဲမှတ်တမ်းအတုများ ပြုလုပ်တင်သွင်းသည့် အမှုငါးခုတို့ဖြင့် တရားစွဲဆိုခဲ့သည်။ ဤလူအတွက်၊ မုသားသည် ရာသက်ပန်အကျင့်ဖြစ်လာခဲ့သည်။

ဆန့်ကျင်ဘက်အနေနှင့်၊ အမှန်အတိုင်းပြောဆိုခြင်းသည် ယေရှုခရစ်ကိုယုံကြည်သူများ ရှင်သန်နေထိုင်ပြရန် အရေးကြီးသောအလေ့အကျင့်တစ်ခု ဖြစ် ကြောင်း တမန်တော်ရှင်ပေါလုက ဆိုခဲ့သည်။ ဧဖက်မြို့သားများအား ခရစ်တော်ထံ အသက်တာကို အပ်နှံခြင်းဖြင့် သူတို့၏အသက်တာဟောင်းကို စွန့်ပယ်ရန် သတိ ပေးခဲ့သည် (ဧ…

ယေရှုအား မြင်နိုင်သောခြေရာများ

ကယ်လီဖိုးနီးယားတက္ကသိုလ်တစ်ခုမှ သိပ္ပံပညာရှင်များသည် ဆဲလ်ဖုန်းသုံးသူ တစ်ဦးချင်းစီ၏ဉာဉ်နှင့် နေထိုင်မှုပုံစံများကို ဖော်ထုတ်ရန် ဂွမ်းစဖြင့် မော်လီကျူးနမူနာယူ စမ်းသပ်မှုများ လုပ်ဆောင်ခဲ့သည်။ အခြားအရာများစွာအနက် ဆဲလ်ဖုန်းအသုံးပြုသူများ သုံးသည့် ဆပ်ပြာများ၊ လိုးရှင်းများ၊ ခေါင်းလျှော်ရည်များ၊ မိတ်ကပ်များ၊ သူတို့စားသုံးသော အစားအစာ၊ အချိုရည်နှင့် ဆေးဝါးအမျိုးအစားများ၊ သူတို့ဝတ်သည့်အဝတ်အစား အမျိုးအစားစသည်တို့ကို ရှာဖွေတွေ့ရှိခဲ့သည်။ ထိုလေ့လာမှုက သုတေသီများအား လူတစ်ဦးစီ၏ နေထိုင်မှုပုံစံ တစေ့တစောင်း လေ့လာချက်ကို အစပြုနိုင်စေခဲ့သည်။

တင်စားပြီးဆိုရလျှင် ဗာဗုလုန်ရှိ ဝန်ကြီးများသည် ပရောဖက်ဒံယေလ၏အသက်တာ၌ ဉာဉ်ဆိုးများ သို့မဟုတ် ဘဝနေထိုင်မှုအလေ့အထများဆိုးများ ရှိ/မရှိကို စစ်ဆေးစမ်းသပ်ရန် ကြိုးစားခဲ့ကြသည်။ သို့သော် သူသည် အနှစ်ခုနစ်ဆယ်နီးပါး အင်ပါယာ၌ သစ္စာရှိစွာ အမှုထမ်းခဲ့ပြီး “သစ္စာနှင့်ပြည့်စုံ၍ အပြစ်တစ်စုံတစ်ခုမျှမရှိသူ”အဖြစ် ထင်ရှားသူဖြစ်သည်(ဒံ ၆:၄)။ အမှန်မှာ၊ ဒါရိမင်းကြီးက သူ့အား မြို့ဝန်အပေါင်းတို့ကို အုပ်ချုပ်စစ်ကြောရသော ဝန်ကြီးသုံးပါးတွင် တစ်ပါးအဖြစ် (:၁-၂) ရာထူးတိုးခဲ့၍၊…

အပြစ်များကို ဖော်ထုတ်ခြင်း

သူခိုးတစ်ယောက်သည် ဖုန်းပြင်ဆိုင်တစ်ခုသို့ဝင်ရောက်ပြီး မှန်ကိုရိုက်ခွဲကာ ဖုန်းများနှင့် အခြားအရာများကို ခိုးယူသွားသည်။ စောင့်ကြည့်ကင်မရာမှ သူမည်သူမည်ဝါဖြစ်ကြောင်းမပေါ်အောင် သူ၏ခေါင်းကို ကတ်ထူဘူးဖြင့် ကြိုးစားဖုံးကွယ်ခဲ့သည်။ သို့သော် ဖောက်ထွင်းနေချိန်တွင် ထိုဘူးမှာ ခဏလေးချော်သွားပြီး သူ၏ မျက်နှာပေါ်သွားသည်။ မိနစ်အတန်ကြာတွင် ဆိုင်ပိုင်ရှင်သည် ဖောက်ထွင်းမှု ဗီဒီယိုဖိုင်ကို မြင်တွေ့ခဲ့ပြီး ရဲတိုင်ခဲ့သည်။ ထို့နောက် အနီးအနားရှိ စတိုးဆိုင်အပြင်ဘက်တွင် သူခိုးကို ဖမ်းမိခဲ့သည်။ တစ်နေ့တစ်ချိန်တွင် ဖုံးကွယ်ထားသောအပြစ်အားလုံးသည် ဖော်ထုတ်ခြင်းခံရမည်ဖြစ်ကြောင်း ထိုအဖြစ်အပျက်က ကျွန်ုပ်တို့ကို သတိပေးနေသည်။

ကျွန်ုပ်တို့၏အပြစ်များကို ဖုံးကွယ်ရန်ကြိုးစားခြင်းသည် လူ့သဘာဝဖြစ်သည်။ သို့သော် ဘုရားသခင်၏ပညတ်တော်များကို ကျွန်ုပ်တို့စောင့်‌ရှောက်သင့်ပြီး၊ ဖုံးကွယ်ထားသောအရာအားလုံးကို ကိုယ်တော်၏ ဖြောင့်မတ်သော စစ်ကြောခြင်းနှင့် စီရင်ချက်ရှေ့သို့ ယူဆောင်လာလိမ့်မည်ဟူ၍ ဒေသနာကျမ်းတွင် ဖတ်ရှုရသည် (၁၂:၁၄)။ စာရေးသူက “ဘုရားသခင်ကို ကြောက်ရွံ့၍၊ ပညတ်တော်တို့ကို စောင့်ရှောက်လော့။ ဤရွေ့ကား၊ လူနှင့်ဆိုင်သော အမှုအရာအလုံးစုံတို့ကို ချုပ်ခြာသတည်း” ဟူ၍ ရေးသားခဲ့သည်…

အပြောင်မြောက်ဆုံး ဘုရား၏ဖန်ဆင်းခြင်းလက်ရာ

ဦးနှောက်၏အလုပ်လုပ်ပုံနှင့်ပတ်သက်ပြီး နားလည်ရန်ကြိုးပမ်းမှုတွင် အာရုံကြောသိပ္ပံပညာနယ်ပယ်၌ ကြီးမားသည့် တိုးတက်မှုရရှိထားသော်လည်း ထိုသို့နားလည် မှုမှာ အစောပိုင်းအဆင့်များ၌သာရှိနေသေးကြောင်း သိပ္ပံပညာရှင်များက ဝန်ခံထား သည်။ ဦးနှောက်၏ဖွဲ့စည်းမှုပုံစံ၊ အလုပ်လုပ်ပုံအချို့၊ ပတ်ဝန်းကျင်ကိုတုံ့ပြန်သည့်၊ အာရုံခံစားမှုများကို လှုံ့ဆော်သည့်၊ လှုပ်ရှားမှုများကို ဖြစ်ပေါ်စေသည့်၊ ခံစားချက်များကို ထိန်းချုပ်သည့် ဦးနှောက်၏အခန်းကဏ္ဍများကို သူတို့ သိရှိနားလည်ကြသည်။ သို့ရာတွင် ဤအပြန်အလှန် တုံ့ပြန်မှုအားလုံးက အပြုအမူ၊ အသိအမြင်နှင့် မှတ်ဉာဏ်တို့အပေါ် မည်သို့ပံ့ပိုးပေးသည်ကိုမူ သူတို့ ယခုတိုင် နားမလည်နိုင်သေးပါ။ ဘုရားသခင်၏ နက်နဲရှုပ်ထွေးလှသည့် အပြောင်မြောက်ဆုံး ဖန်ဆင်းခြင်း လက်ရာတော်ဖြစ်သော လူသားမှာမူ နက်နဲဆန်းကြယ်ဆဲပင်ဖြစ်သည်။ 

လူ့ခန္ဓာကိုယ်၏အံ့ဖွယ်လက္ခဏာများကို ဒါဝိဒ်က သိမှတ်နားလည်ခဲ့သည်။ သူ့အား “အမိဝမ်းထဲ၌ ဖုံးအုပ်” (ဆာလံ ၁၃၉:၁၃) ထားသည့် သဘာဝဖြစ်စဥ်တစ်ခုလုံးအပေါ် သက်သေထင်ရှားသည့် ဘုရားရှင်၏ အလုံးစုံ ထိန်းချုပ်အုပ်စိုးခြင်းနှင့် ဘုရားသခင်၏တန်ခိုးတော်ကို ပုံဖော်တင်စားလျက် ဒါဝိဒ်က ချီးမွမ်းဂုဏ်ပြုထားသည်။ “အကျွန်ုပ်သည် ကြောက်မက်ဘွယ်သောလက္ခဏာ၊ထူးဆန်း သော…

စကားလုံးများက ကျွန်ုပ်တို့နှလုံးသားကို ထင်ဟပ်၏

ညစ်ညမ်းသော စကားပြောဆိုခြင်းကို သင်မည်သို့ ဖယ်ရှားမည်နည်း။ အထက်တန်း ကျောင်းတစ်ကျောင်းက “ညစ်ညမ်းသောစကား မပြောဆိုရန် ကတိပြုခြင်း”ကို  စတင်ရန် ရွေးချယ်ဆုံးဖြတ်ခဲ့ကြသည်။ “ကျွန်ုပ်သည် မည်သည့် ညစ်ညမ်းသောစကားကိုမှ ကျောင်းတွင်း ပြောဆိုခြင်း၊ ကျောင်း၏ပရိဘောဂများပေါ် ရေးသားခြင်း လုံးဝမပြုလုပ်ပါ” ဟု ကျောင်းသား၊ ကျောင်းသူများက ကျိန်ဆိုခဲ့ကြသည်။ ၎င်းသည် မြင့်မြတ်သော အားထုတ်မှုဖြစ်သော်လည်း မည်သည့် စည်းကမ်းအသစ်၊ ကတိသစ္စာပြုခြင်းများသည်ပင် ညစ်ညူးသောစကားများ၏ အနံ့ဆိုးကို မဖုံးအုပ်နိုင်ဟု သခင်ယေရှုက ဆိုသည်။

ကျွန်ုပ်တို့၏နှုတ်မှထွက်သော စကားများ၏အနံ့ဆိုးကို ဖယ်ရှားခြင်းသည် ကျွန်ုပ် တို့ နှလုံးသားများကို အသစ်ပြန်လည်ပြုပြင်ခြင်းမှ စတင်ပါသည်။ အသီးအားဖြင့် အပင်၏အမျိုးအစားကို လူတို့ခွဲခြားနိုင်သကဲ့သို့ (လု ၆:၄၃-၄၄)၊ ကျွန်ုပ်တို့၏ ပြော စကားများက ကျွန်ုပ်တို့၏ နှလုံး သားများသည် ဘုရားသခင်နှင့် မှန်/မမှန်၊ ကိုယ်တော်၏ လမ်းတော်အတိုင်း လိုက်လျှောက်ခြင်း ရှိမရှိကို ပြညွှန်နေသော…

မိမိကိုယ်ကို ကယ်တင်ရန် ကြိုးစားခြင်း

ဓာတ်လှေကားအတွင်း ပိတ်မိသည့်အခါ စိတ်အေးအေးထားပြီး ဘေးကင်းစွာရှိနိုင်ရန် လူတို့အား အသိပညာပေးသည့် “Stay Safe. Stay Put” (အန္တရာယ်မဖြစ်အောင် နေပါ။ ငြိမ်ဝပ်စွာ နေပါ။) ကြော်ငြာကမ်ပိန်းလှုပ်ရှားမှုကို လွန်ခဲ့သောနှစ်များစွာက အမေရိကန်နိုင်ငံ၊ နယူးယောက်မြို့၌ စတင်ခဲ့သည်။ ပိတ်မိနေသောခရီးသည်အချို့သည် ဓာတ်လှေကားတံခါးများကို ကလော်ဖွင့်ရန် ကြိုးစားခြင်း (သို့) အခြားနည်းလမ်းဖြင့် ထွက်နိုင်ရန် ကြိုးပမ်းစဉ်တွင် သေဆုံးကြကြောင်း ကျွမ်းကျင်သူများက ပြောကြားခဲ့သည်။ အကောင်းဆုံး လုပ်ဆောင်မှုအစီအစဉ်မှာ အကူအညီတောင်းရန် သတိပေးခလုတ်ကို နှိပ်ပြီး အရေးပေါ်ကယ်ဆယ်ရေး ရောက်လာချိန်ထိ စောင့်ဆိုင်းရန်ဖြစ်သည်။ တမန်တော်ရှင်ပေါလုသည် အပြစ်၏ဆွဲငင်မှုအောက်၌ ပိတ်မိနေသူများကို ကူညီရန် အလွန်ကွဲပြားခြားနားသော ကယ်ဆယ်ရေးအစီအစဉ်ကို ရှင်းလင်းစွာ ဖော်ပြခဲ့သည်။ ဧဖက်မြို့သားများ၏အကြွင်းမဲ့ ဝိညာဉ်ရေးအကူအညီမဲ့မှု — “(သူတို့၏) အပြစ်၌ (အမှန်)သေလျက်” ရှိနေကြောင်း ရှင်ပေါလုက သူတို့ကို သတိပေးခဲ့သည် (ဧ ၂:၁-၂)။ သူတို့သည် မာရ်နတ်ကိုနာခံ၍ (:၂)…