စာရေးသူ

အားလုံးမြင်နိုင်ရန်
Marvin Williams

မာဗင်ဝီလီယံ

မာဗင်ဝီလီယံသည် Our Daily Bread အတွက် ၂၀၀၇ ခုနှစ်မှစ၍ စာမူများ ရေးသားပေးသည်။ ဆရာသည် Our Daily Bread Ministries ၏ အခြားသော ဝတ်ပြုကိုးကွယ်ခြင်းစာမူဖြစ်သည့် Our Daily Journey အတွက်လည်း စာမူများရေးသားသည်။ အမေရိကန်နိုင်ငံ၊ မီရှီဂန်ပြည်နယ်၊ လန်စင်းဒေသရှိ တြိနတိ အသင်းတော်၌ စာချသင်းအုပ် ဖြစ်သည်။ တက်စက်(စ)ပြည်နယ်၊ ဒါလာ့စ်မြို့ရှိ သာသနာပိုင် ကောလိပ် (Bishop College) နှင့် အယ်လနွိုက်ပြည်နယ်၊ ဒီးယားဖီးမြို့ရှိ တြိနတိ ဧဝံဂေလိဆိုင်ရာ ဘာသာရေးပညာကျောင်း (Trinity Evangelical Divinity School) များ၌ ပညာသင်ကြား တတ်မြောက်ခဲ့သည်။ မီရှီဂန်ပြည်နယ်၊ ဂရန်းရက်ပစ်မြို့ရှိ နေရာအတော်များများတွင်လည်း သင်းအုပ်ဆရာနေရာ၌ ဆက်ကပ်လုပ်ဆောင်ခဲ့သည်။ ဆရာနှင့် ဇနီး တူနီးယားတို့၌ သားသမီး ၃ ဦး ရှိသည်။

စာမူ/ အကြောင်းအရာ များ မာဗင်ဝီလီယံ

ကိုယ်တော်ကို ဆာငတ်ပါ

“ဒီအာလူးကြော်ကို ဒါနောက်ဆုံးစားခြင်းပဲ”ဟု ကျွန်တော်တို့ ပြောပြီး၊ နောက် (၅) မိနစ်အကြာတွင် ဘာကြောင့် ထပ်စားချင်ကြသနည်း။ Michael Moss (မိုက်ကယ် မော့စ်) ရေးသားသည့် ‘Salt Sugar Fat’ (ဆား၊ သကြား၊ အဆီ) စာအုပ်တွင် ထိုမေးခွန်း၏အဖြေကို ဖော်ပြထားသည်။ သူက အမေရိကန်နိုင်ငံ၏ မုန့်ပဲသရေစာ ထုတ်လုပ်သူတို့သည် လူတို့၏သရေစာတောင့်တမှုကို မည်သို့ “ကူညီဆွဲဆောင်”ရမည်ကို သိသည်။ နာမည်ကြီးကုမ္ပဏီတစ်ခုက တစ်နှစ်လျှင် ဒေါ်လာသန်း (၃၀) အကုန်ခံပြီး စားသုံးသူများ၏အကြိုက် စိတ်ကျေနပ်မှုကို ဆုံးဖြတ်သတ်မှတ်ပေးသည့် “အစားအသောက်ဆိုင်ရာ အကြံပေးများ”ကို ခန့်ပြီး စားသုံးသူတို့ စားချင်သောက်ချင်စိတ် ဖြစ်လာမှုအပေါ် အမြတ်ထုတ်နိုင်ကြတော့သည်။

ထိုကုမ္ပဏီနှင့်မတူဘဲ ယေရှုခရစ်က ကျွန်ုပ်တို့၏စိတ်ဝိညာဉ်ကို ပြည့်ဝကျေနပ်စေသော “ဝိညာဉ်အစာ” ဟူသည့် စစ်မှန်သောအစာကို ဆာငတ်ခင်မွတ်အောင် မစသည်။ “ယေရှုကလည်း ငါသည် အသက်မုန့်ဖြစ်၏။ ငါ့ထံသို့ လာသောသူသည်…

အသက်အရွယ်ဆိုသည်မှာ ဂဏန်းတစ်ခုမျှသာ

ငယ်ရွယ်ခြင်းကြောင့် အောင်မြင်မှုမရနိုင်ဆိုသည့် အချက်က မဖြစ်နိုင်ပါ။ အသက် (၁၁) နှစ်အရွယ် မိခေလလေးကို စည်းဘောင်များက မတားဆီးနိုင်ခဲ့ပါ။ သံပရာရည် အေးအေးရောင်းသည့် မတ်တပ်ဆိုင်လေးဖွင့်မည့်အစား သံပရာရည်အရောင်းဈေးကွက်ကြီးကို သူမ စတင်နိုင်ခဲ့သည်။ ‘Me & the Bees’ (ကျွန်မနှင့် ပျားကလေးများ) ဟူသည့် သံပရာရည်အမှတ်တံဆိပ်ကို သူမအဖွားပေးသော ဖျော်နည်းအချိုးအဆနှင့် စတင်ခဲ့ပြီး ယခုတွင် ‘Shark Tank’ တီဗီရှိုးတွင် ရင်းနှီးမြှုပ်နှံသူများထံမှ ဒေါ်လာ (၆) သောင်းတန် ရင်းနှီးမြှုပ်နှံမှုကို ရရှိခဲ့သည်။ ဆိုင်ခွဲ (၅၅) ဆိုင်ရှိသော နာမည်ကြီးကုန်စံုဆိုင်ပိုင်ရှင်နှင့်လည်း အရောင်းစာချုပ်ချုပ်ခဲ့ပြီးဖြစ်သည်။

မိခေလ၏လုပ်ရပ်နှင့်ရည်မှန်းချက်တို့က တိမောသေအား ရှင်ပေါလု ပြောသည့် “သင်၏အသက်အရွယ်နုပျိုသည်ကို အဘယ်သူမျှ မထီမဲ့မြင် မပြုစေနှင့်” (၁ တိ ၄:၁၂)ဟူသော ဆုံးမစကားကို ပြန်လည် ဆင်ခြင်မိစေသည်။

တိမောသေသည် မိခေလလောက် ငယ်ရွယ်သူ မဟုတ်သည့်တိုင်…

အစွန်းအထင်းများကို ဘုရားရှင်သန့်စင်ပေးသည်

အဝတ်အစားပေါ်သို့ ဆော့စ်အချဉ်ရည်၊ မုန်ညင်းအရည်၊ ဖျော်ရည်တစ်ခုခု ဖိတ်ကျပါက သူ့အလိုလို ပြန်လည်သန့်စင်အောင်လုပ်နိုင်စွမ်း ရှိပါသလား။ တရုတ်ပြည်မှ အင်ဂျင်နီယာများက “ချည်ထည်ပေါ်တွင် အထူးဖော်စပ်ထားသော ဆေးခပ်ပါးပါး တစ်လွှာအုပ်ပြီး ခရမ်းလွန်ရောင်ခြည်ပြလိုက်ပါက အစွန်းအထင်းများ သူ့အလိုလို ပျောက်သွားသည့် နည်းပညာ”ကို တီထွင်နိုင်ပြီးဖြစ်ကြောင်း ဘီဘီစီသတင်းအရ သိရှိရသည်။ ထိုကဲ့သို့ သူ့အလိုလိုအစွန်းချွတ်နိုင်သော အဝတ်အထည်ဟု တွေးမိစဥ် မည်သည့် လက်တွေ့အသုံးချရန် သင်ခန်းစာကို မြင်မိပါသနည်း။

အလိုအလျောက် အစွန်းချွတ်နိုင်သည့်ဆေးအလွှာသည် အဝတ်အထည်မှ အစွန်းအထင်းကို ဖယ်ရှားကောင်းဖယ်ရှားနိုင်မည် ဖြစ်သော်လည်း စွန်းထင်းနေသော ကျွန်ုပ်တို့၏စိတ်ဝိညာဉ်ကို ဘုရားသခင် တစ်ပါးတည်းသာ ပြုပြင်နိုင်သည်။ ရှေးခေတ်ယုဒပြည်တွင် ဘုရားသခင်ကို “ကျောခိုင်း”ပြီး အကျင့်ယိုယွင်းလျက် မကောင်းမှုပြုကာ မှားယွင်းသောဘုရားများကို ကိုးကွယ်သည့် သူ၏လူမျိုးတော် တို့ကို ဘုရားရှင် အမျက်ထွက်တော်မူသည် (ဟေရှာ ၁:၂-၄)။ ပိုဆိုးသည်မှာ ထိုသူတို့သည် နံ့သာပေါင်းနှင့် ပူဇော်သက္ကာများကို ပူဇော်ခြင်း၊ အကြိမ်ပေါင်းများစွာ…

စောင့်ဆိုင်းလိုသောဆန္ဒ

စောင့်စားခြင်းသည် ကျွန်ုပ်တို့၏ငြိမ်သက်ခြင်းကိုခိုးယူသည့် တရားခံဖြစ်သည်။ ကွန်ပျူတာသိပ္ပံပညာရှင် Ramesh Sitaraman (ရာမက်ရှ်စီတာရာမန်)က “နှေးကွေးသော ဝက်ဘ်ဆိုဒ်တစ်ခုကိုဖွင့်ရန် စောင့်ဆိုင်းရခြင်းသည် အင်တာနက်အသုံးပြုသူများအား အရာအားလုံးအပေါ် စိတ်ပျက်ခြင်းနှင့် ဒေါသထွက်ခြင်းတို့ကို လှုံ့ဆော်ပေးနေသည်” ဟုဖော်ဆိုထားသည်။ သူ၏သုတေသနစာတမ်းအရ ကျွန်ုပ်တို့သည် အွန်လိုင်းမှ ဗွီဒီယို တစ်ခုကြည့်ရန်အတွက် ပျမ်းမျှအချိန် (၂) စက္ကန့်သာ စောင့်လိုကြောင်း၊ (၅) စက္ကန့်အကြာတွင် မကြည့်ဘဲကျော်သွားသည့် ရာခိုင်နှုန်းမှာ (၂၅)% ရှိပြီး၊ (၁၀) စက္ကန့်အကြာတွင် အသုံးပြုသူတစ်ဝက်ခန့်သည် ဆက်မကြိုးစား ကြတော့ပေ။ ကျွန်ုပ်တို့သည် စိတ်မရှည်သူများဖြစ်သည်မှာ အသေအချာပင်။

ရှင်ယာကုပ်သည် သခင်ယေရှုကို ယုံကြည်သူများအား သခင်ဒုတိယအကြိမ် ကြွလာမည့်အချိန်ကို စောင့်မျှော်စဥ် သခင့်အား မစွန့်လွှတ်ရန် တိုက်တွန်းထားသည်။ ခရစ်တော်ပြန်ကြွလာခြင်းက ဆင်းရဲဒုက္ခရင်ဆိုင်ရချိန်တွင် မြဲမြံစေရန်နှင့် အချင်းချင်း တစ်ဉီးကိုတစ်ဉီး ရိုသေလေးစားကာ ချစ်ကြရန် သူတို့အတွက် မစအားပေးမှု ဖြစ်စေလိမ့်မည် (ယာ ၅:၇-၁၀)။…

ကျွန်ုပ်တို့ သက်သောင့်သက်သာဖြစ်ဖို့မဟုတ်

ကားတစ်စီးမှာ လမ်းချော်ကာ သူ့လမ်းကြောထဲဝင်လာပြီး ဒန် စီးနေသောမော်တော်ဆိုင်ကယ်ကို ဝင်တိုက်ခဲ့မှုကြောင့် စိတ်ဒဏ်ရာ ကုသဆောင်တွင် ၂ ပတ် ကြာမျှ သတိမေ့နေပြီးမှ သူနိုးလာခဲ့သည်။ အဆိုးဆုံးဒဏ်ရာမှာ ကျောရိုးထိခိုက်ခဲ့ပြီး သူ့ခန္ဓာကိုယ်အောက်ပိုင်းသေသွားသည်။ ဒန်သည် ခံစားရသောဝေဒနာပျောက် ကင်းရန် ဆုတောင်းသော်လည်း အနာမပျောက်ခဲ့ပါ။ “ဒီဘဝမှာ အသက်ရှင်ရတဲ့ရည်ရွယ်ချက်က ခရစ်တော်ရဲ့သဏ္ဌာန်တော်နဲ့အညီ ပြောင်းလဲဖို့ဖြစ်တယ်။ အဲလိုပြောင်းလဲဖို့ဆိုတာ အစစအရာရာ အဆင်ပြေနေတယ်ဆိုရင် မဖြစ်နိုင်ဘူး။ ဘဝက ကြမ်းတမ်းခက်ခဲနေမှ၊ အသက်ရှင်ရတဲ့နေ့ရက်တွေကို ကျော်ဖြတ်နိုင်ဖို့ ဘုရားရှင်ကို ဆုတောင်းခြင်းဖြင့် အားကိုးမှီခိုမှ ပြောင်းလဲနိုင်တယ်”ဟု ဘုရားရှင်သည် သူ့အား မေတ္တာကရုဏာဖြင့် သွန်သင်ခြင်းဖြစ်သည်ဟု သူယုံကြည်ကြောင်း ပြောပြသည်။

ရှင်ပေါလုက “သည်းခံခြင်းနှင့် ဒုက္ခဆင်းရဲခြင်းကိုခံ၍ ဝါကြွားဝမ်းမြောက်ခြင်း” (ရော ၅:၃-၄) ဟူသည့် ထာဝရဘုရား၌ မှန်ကန်စွာတည်နေခြင်း၏ ကောင်းကျိုးနှစ်ခုကို ရှင်းပြထားသည်။ ဤအချက်နှစ်ချက်သည် ဆင်းရဲဒုက္ခကို မညည်းတွားဘဲ သည်းခံရန်၊ နာကျင်ဝေဒနာခံရသည့်အမှု၌ ပျော်မွေ့ရန်…

ရန်ငြိုးကို ဆုပ်ကိုင်မထားပါ

၂၀၁၁ ခုနှစ် အရောင်းမြှင့်တင်ရေးကာလအတွင်း အသက် ၇၂ နှစ်အရွယ် ကနေဒါဘောလုံးအသင်းမှ အားကစားသမားဟောင်းနှစ်ဦးသည် စင်ပေါ်တွင် လက်သီးချင်း ယှဥ်ထိုးကြသည်။ ၁၉၆၃ ခုနှစ် ချန်ပီယံလုပွဲတွင် အငြင်းပွားစရာ ကစားပွဲတစ်ခုကြောင့် သူတို့နှစ်ဦး၌ “အငြိုးအတေး” (မနာလို မုန်းတီးမှုနှင့် ရန်ငြိုးရန်စများ) ရှိနေကြသည်။ တစ်ဦးက အခြားတစ်ဦးကို စင်ပေါ်မှတွန်းချလိုက်သောအခါ ပရိသတ်ကြီးက အော်ဟစ်၍ “ထားလိုက်ပါတော့”။ “ရန်ငြိုးရန်စကိုအဆုံးသတ်လိုက်ပါတော့”ဟု သူ့အား ပြောကြသည်။

လူတို့၏“အငြိုးအတေးထားခြင်း”နှင့် ပတ်သက်သည့် ပုံသက်သေများစွာကို သမ္မာကျမ်းစာ၌ ဖော်ပြထားသည်ကို တွေ့ရသည်။ ဘုရားသခင်သည် သူ့ထက် အာဗေလ၏ပူဇော်သက္ကာကို လက်ခံခြင်းကြောင့် ကာဣနသည် သူ့ညီအပေါ် အငြိုးထားခဲ့သည် (က ၄:၄-၅)။ အငြိုးအတေး အဘယ်မျှကြီးသည်ဆိုလျှင် အဆုံး၌ ကာဣနသည် ညီအရင်းကိုသတ်သည်အထိ ဖြစ်ခဲ့သည် (:၈)။ ယာကုပ် သည် သားဦး၏အရိုက်အရာကို ခိုးယူသဖြင့် ဧသောသည် သူ့ညီအပေါ် အငြိုး…

နိုးကြားပါ

ဂျာမန်ဘဏ်ဝန်ထမ်းတစ်ဦးသည် ငွေအပ်နှံသူတစ်ဦး၏ဘဏ်စာရင်းမှ ယူရို ၆၂.၄၀ ကို လွှဲပြောင်းပေးစဥ် သူ၏စားပွဲခုံ၌ မရည်ရွယ်ဘဲ တစ်မှေးအိပ်ပျော်သွားချိန်၌ သူ့လက်မှ နံပါတ် “၂” ခလုတ်ကို နှိပ်မိပြီး အခြားသူ၏အကောင့်ထဲသို့ ယူရို ၂၂၂ သန်း (ဒေါ်လာသန်း ၃၀၀) လွှဲပြောင်းပေးခဲ့သည်။ မှားယွင်းမှုတွင် ငွေလွှဲပြောင်းမှုကိုသက်သေခံသူ ထိုဝန်ထမ်း၏ လုပ်ဖော်ကိုင်ဖက်အားလည်း အလုပ်မှထုတ်ပယ်အရေးယူခဲ့သည်။ အမှားကိုသိရှိပြီး ပြင်ဆင်နိုင်ခဲ့သော်လည်း အိပ်ငိုက်နေသောဝန်ထမ်းသည် ဘဏ်အတွက် အိမ်မက်ဆိုးပမာ ဖြစ်စေခဲ့သည်။

သခင်ယေရှုက တပည့်တော်များအား သတိမရှိပဲနေလျှင် သူတို့လည်းကြီးမားစွာပေးဆပ်ရသည့် အမှားကို ပြုမိလိမ့်မည်ဟု သတိပေးခဲ့သည်။ သခင်က ဆုတောင်းလျက် အချိန်ယူရန် သူတို့ကို ဂေသရှေမန်အရပ်သို့ ခေါ်သွားခဲ့သည်။ ထိုအရပ်တွင် ဆုတောင်းနေစဥ် သူ၏လောကအသက်တာ၌ သူမတွေ့ကြုံဖူးသည့် ဝမ်းနည်းမှုကို သခင်ယေရှု တွေ့ကြုံခံစားခဲ့ရသည်။ ပေတရု၊ ယာကုပ်နှင့်ယောဟန်တို့ကို ဆုတောင်းရန်နှင့် မအိပ်ဘဲ ‘နိုးကြားစွာစောင့်နေရန်’ (မ ၂၆:၃၈) သခင်မိန့်ကြားခဲ့သော်လည်း…

ဘုရားသခင်၏သံလိုက်အိမ်မြှောင်

ဒုတိယကမ္ဘာစစ်အတွင်း အမေရိကန်နိုင်ငံ၊ မြောက်ကယ်ရိုလိုင်းနားကမ်းရိုးတန်းနှင့် မိုင် ၃၀၀ နီးပါး ဝေးသည့်နေရာ၌ ရေမျက်နှာပြင်ထက်သို့ ဂျာမန်ရေငုပ်သင်္ဘော ပေါ်လာပြီး ‘SS Alcoa Guide’ စစ်သင်္ဘောကို ပစ်ခတ်တိုက်ခိုက်ချိန်၌ Waldemar Semenov (ဝါးဒလ်မါး စီမျောနို) သည် အငယ်တန်းအင်ဂျင်နီယာအဖြစ် ထိုစစ်သင်္ဘော၌ တာဝန်ထမ်းဆောင်နေခဲ့သည်။ သင်္ဘောကို ကျည်ထိမှန်ပြီး မီးစွဲလောင်ကာ စတင်နစ်မြုပ်တော့သည်။ စီမျောနိုနှင့် သင်္ဘောသားများက အသက်ကယ်လှေကို ရေချပြီး သင်္ဘောသွားရာ လမ်းကြောင်းပေါ်သို့ရောက်အောင် သင်္ဘော၏ သံလိုက်အိမ်မြှောင်ကိုသုံးကာ လှော်ခတ်သွားသည်။ သုံးရက်ကြာပြီးနောက် ကင်းလှည့်လေယာဉ်က သူတို့၏အသက်ကယ်လှေကိုမြင်ပြီး နောက်နေ့တွင် ‘USS Broome’ သင်္ဘောက သူတို့ကို ကယ်ဆယ်ခဲ့သည်။ စီမျောနိုနှင့် သင်္ဘောသား ၂၆ ဦးတို့ကို ကယ်နိုင်ခဲ့ခြင်းမှာ သံလိုက်အိမ်မြှောင်၏ကျေးဇူးပင်တည်း။

နှုတ်ကပတ်တော်တည်းဟူသော ဘဝသံလိုက်အိမ်မြှောင်ကို ဘုရားသခင်၏ လူများ၌ တပ်ဆင်ထားပြီးဖြစ်ကြောင်း ဆာလံဆရာက သတိပေးပြီး၊ ဘုရားသခင့်နောက် လိုက်လျှောက်သူအတွက်…

စုံလင်သောနာမည်

ပူနွေးစွတ်စိုသော သြဂုတ်လ ၁ ရက်တွင် ကျွန်တော့်ဇနီးသည် ကျွန်တော်တို့၏ ဒုတိယသားကို မွေးဖွားခဲ့သည်။ သားအတွက် နာမည်ရွေးပြီးအတည်ပြုရန် လုပ်နေရင်း သားလေးမှာ ခေါ်စရာနာမည် မရှိဖြစ်နေခဲ့သည်။ ရေခဲမုန့်ဆိုင်ထဲတွင် နာရီပေါင်းများစွာထိုင်၊ ကားအကြာကြီးပတ်မောင်းပြီး စဥ်းစားသော်လည်း မည်သို့နာမည်မှည့်ခေါ်ရမည်ကို မဆုံးဖြတ်နိုင်ခဲ့ပါ။ နောက်ဆုံး Micah (မိက္ခာ)ဟု နာမည်မမှည့်ခင် သုံးရက်လောက်အထိ “Baby Williams”ဟုသာ ရိုးရိုးပင်ခေါ်ဆိုခဲ့သည်။

သင့်လျော်သောနာမည်ရွေးချယ်ခြင်းသည် အနည်းငယ် စိတ်ရှုပ်စရာကောင်း နိုင်သည်။ သင်သာ အရာရာကို ထာဝရပြောင်းလဲစေမည့် သူတစ်ယောက်အတွက် ပြီးပြည့်စုံသည့် နာမည်ပေးခဲ့သူ ဘုရားသခင် ဖြစ်ခဲ့လျှင်တော့ စိတ်မရှုပ်ရတော့ပါ။ ရေဇိန်မင်းအား သူ့ယုံကြည်ခြင်းကိုခိုင်ခံ့စေရန်အတွက် “ထာဝရဘုရားထံမှာ နိမိတ်လက္ခဏာကို” (ဟေရှာ ၇:၁၀-၁၁) တောင်းရန် ပရောဖက်ဟေရှာယအားဖြင့် ဘုရားရှင်မိန့်ကြားသည်။ ရေဇိန်မင်းကြီးသည် နိမိတ်လက္ခဏာတောင်းရန် ငြင်းဆန်ခဲ့သော်လည်း ဘုရားသခင်သည် သူ့အား နိမိတ်တစ်ခုပေးခဲ့သည်။ “သတို့သမီးကညာသည် ပဋိသန္ဓေယူ သားယောက်ျားကို ဘွားမြင်လတံ့။…

လှစ်ဟာနေသူကို ကိုယ်တော်ဖြည့်ဆည်းပေးသည်

မိမိကိုယ်ကိုနာကျင်စေတတ်သူများ ဝတ်လေ့ရှိသည့် တီရှပ်အင်္ကျီလက်ရှည်ကို လက်ပေါ်တစ်ဝက်တစ်ပျက် ခေါက်တင်ထားသည့် ၁၅ နှစ်အရွယ်မိန်းကလေး၏ "ခြစ်ရာဖုံးထားပုံ"ကို စိတ်ပညာရှင် Madeline Levine (မယ်ဒလင်းလာဗင်) သတိပြုမိခဲ့သည်။ အင်္ကျီလက်ကို သူဆွဲတင်လိုက်သောအခါ လက်ဖျံပေါ်တွင် "အနတ္တ"ဟူသောစာလုံးကို ဘလိတ်ဓားနှင့်ထွင်းထားသည်ကို တွေ့လိုက်ရ၍ Levine မှင်သက်သွားပြီး ဝမ်းနည်းသွားသော်လည်း ထိုဆယ်ကျော်သက်လေးသည် သူအလွန်အမင်း အလေးအနက် လိုအပ်နေသည့်အကူအညီကို ရယူရန် ပွင့်ပွင့်လင်းလင်းရှိသည့်အတွက် ကျေးဇူးတင်မိသည်။

ဆယ်ကျော်သက်မိန်းကလေးသည် နှလုံးသား၌ "အနတ္တ" ဟု ရေးထွင်းထား သူများကို တစ်နည်းနည်းဖြင့် ကိုယ်စားပြုနေသည်။ လစ်ဟာနေမှုများကို ဖြည့်ဆည်းပေးရန်နှင့် "ပြည့်စုံသော"အသက်ကို ပေးခြင်းငှာ ရှင်ယေရှု ကြွဆင်းလာကြောင်း ရှင်ယောဟန်က ရေးသားခဲ့သည် (ယော ၁၀:၁၀)။ လူသားတိုင်း၏စိတ်၌ ပြည့်စုံသောအသက်ကို ရရှိလိုသောဆန္ဒအား ဘုရားသခင်ပေးထားပြီး သူနှင့်နှစ်သက်ဖွယ်ဆက်ဆံရေးကို လူတို့တွေ့ကြုံခံစားရရန် ကိုယ်တော်အလိုရှိသည်။ သို့သော် ကိုယ်တော်က "သူခိုး"သည် လူ့အသက်ကို ရန်ရှာဖျက်ဆီးရန် လူများ၊…