စာရေးသူ

အားလုံးမြင်နိုင်ရန်
Marvin Williams

မာဗင်ဝီလီယံ

မာဗင်ဝီလီယံသည် Our Daily Bread အတွက် ၂၀၀၇ ခုနှစ်မှစ၍ စာမူများ ရေးသားပေးသည်။ ဆရာသည် Our Daily Bread Ministries ၏ အခြားသော ဝတ်ပြုကိုးကွယ်ခြင်းစာမူဖြစ်သည့် Our Daily Journey အတွက်လည်း စာမူများရေးသားသည်။ အမေရိကန်နိုင်ငံ၊ မီရှီဂန်ပြည်နယ်၊ လန်စင်းဒေသရှိ တြိနတိ အသင်းတော်၌ စာချသင်းအုပ် ဖြစ်သည်။ တက်စက်(စ)ပြည်နယ်၊ ဒါလာ့စ်မြို့ရှိ သာသနာပိုင် ကောလိပ် (Bishop College) နှင့် အယ်လနွိုက်ပြည်နယ်၊ ဒီးယားဖီးမြို့ရှိ တြိနတိ ဧဝံဂေလိဆိုင်ရာ ဘာသာရေးပညာကျောင်း (Trinity Evangelical Divinity School) များ၌ ပညာသင်ကြား တတ်မြောက်ခဲ့သည်။ မီရှီဂန်ပြည်နယ်၊ ဂရန်းရက်ပစ်မြို့ရှိ နေရာအတော်များများတွင်လည်း သင်းအုပ်ဆရာနေရာ၌ ဆက်ကပ်လုပ်ဆောင်ခဲ့သည်။ ဆရာနှင့် ဇနီး တူနီးယားတို့၌ သားသမီး ၃ ဦး ရှိသည်။

စာမူ/ အကြောင်းအရာ များ မာဗင်ဝီလီယံ

အမြဲသတိရှိပါ

အမျိုးသားတစ်ဦးနှင့် သူငယ်ချင်းတို့သည် နှင်းတောင်ပြိုကျနိုင်ကြောင်း သတိပေးဆိုင်းဘုတ်စိုက်ထူထားသည့် နှင်းလျောစီးအပန်းဖြေစခန်း၏ဂိတ်ဝင်ပေါက်ကိုဖြတ်ဝင်ကာ နှင်းလျှောစီးနေပါသည်။ နှင်းလျှောစီးသည့် ဒုတိယတစ်ကြော့တွင် တစ်စုံတစ်ယောက်က “နှင်းတောင်ပြိုပြီ” ဟု အော်ပြောသော်လည်း ထိုလူသည် မလွတ်ဘဲ နှင်းထုေအောက်၌ နှစ်မြှုပ်ဆုံးပါးသွားသည်။ အချို့က သူ့ကို အတွေ့အကြုံမရှိသော လူသစ်ဟုသမုတ်ကာ ဝေဖန်ကြသည်။ စင်စစ် သူသည် လူသစ် မဟုတ်ပါ။ “နှင်းတောင်ပြိုကျမှုဆိုင်ရာ လိုင်စင်ရ တောရိုင်းဒေသ ဧည့်လမ်းညွှန်” တစ်ဦးဖြစ်သည်။ နှင်းတောင်ပြိုကျမှုဆိုင်ရာလေ့ကျင့်မှု အများဆုံး ခံယူထားသော နှင်းလျှောစီးသူများသည် လွဲမှားသော ဆင်ခြင်များပေးတတ်ပြီး “(နှင်းလျှောစီးသူသည်) မဆင်မခြင် သတိမဲ့စွာ ပြုမူခဲ့ခြင်းကြောင့် သေဆုံးသွားရခြင်းဖြစ်သည်” ဟု သုတေသီတစ်ဦးက ပြောကြားခဲ့သည်။

ဣသရေလလူမျိုးများသည် ကတိထားရာပြည်သို့ဝင်ရန် ပြင်ဆင်စဥ်တွင်၊ ဘုရားသခင်က သူ၏လူများကို အမြဲသတိချပ်ကာ နိုးနိုးကြားကြားရှိစေလိုသည်။ ထို့ကြောင့် သူ၏ “စီရင်ထုံးဖွဲ့ချက်များနှင့် ပညတ်တရားများ” အားလုံးကို နာခံရန် မိန့်မှာလျက် (တရား ၄:၁-၂)၊…

ဘုရားသခင် အမိန့်တော်ရှိသည်

၁၈၇၆ ခုနှစ်တွင် တီထွင်ဖန်တီးသူ Alexander Graham Bell (အလက်ဇန်းဒါးဂရေဟမ်ဘဲလ်)သည် တယ်လီဖုန်းဖြင့် ပထမဦးဆုံး စကားပြောခဲ့သည်။ သူ၏ လက်ထောက်ဖြစ်သူ Thomas Watson (သောမတ်စ်ဝပ်ဆန်)အား “ဝပ်ဆန်ရေ၊ ဒီကိုလာခဲ့ပါ။ ငါ မင်းကို တွေ့ချင်တယ်”ဟု သူက ဖုန်းခေါ်ဆိုခဲ့သည်။ ပြတ်တောင်း ပြတ်တောင်းနှင့် သဲသဲကွဲကွဲ မကြားရသော်လည်း ဘဲလ်ပြောသည့်အရာကို ဝပ်ဆန်ကြားပြီး နားလည်သည်။ တယ်လီဖုန်းနှင့် ဘဲလ်ပြောခဲ့သည့် ပထမဆုံးစကားက လူတို့၏ဆက်သွယ်ရေးနေ့သစ် အရုဏ်တက်ခဲ့ပြီဖြစ်ကြောင်း သက်သေပြခဲ့သည်။

“အဆင်းသဏ္ဌာန်မရှိ၊ လွတ်လပ်လဟာဖြစ်”သော (က ၁:၂) ကမ္ဘာမြေကြီးတွင် ပထမနေ့ရက် အရုဏ်ဦးကို ဖန်ဆင်းသည့်အချိန်တွင် ဘုရားသခင်၏ပထမဉီးဆုံး မိန့်တော်မူချက်ကို သမ္မာကျမ်းစာ၌ “အလင်းဖြစ်စေ” (:၃)ဟု မိန့်တော်မူကြောင်းမှတ်တမ်းတင်ထားသည်။ ထိုစကားလုံးများသည် ဖန်ဆင်းခြင်းတန်ခိုးနှင့် ပြည့်လျက်ရှိသည်။ ဘုရားသခင်မြွက်ဆိုတော်မူသည့်အခါ ထိုမြွက်ဆိုတော်မူသည်အတိုင်း ဖြစ်တည်လာသည် (ဆာ ၃၃:၆၊ ၉)။ ဘုရားသခင်က “အလင်းဖြစ်စေ”…

နှလုံးထဲမှ ထွက်လာသောအရာ

‘Operation Noah’s Ark’ (နောဧသင်္ဘောစစ်ဆင်ရေး)ဟု ချစ်စနိုးအမည်ပေးထားသည့် ကယ်ဆယ်ရေးအဖွဲ့သည် တိရစ္ဆာန်ချစ်သူများအတွက် ပျော်ရွှင်ဖွယ်ရာဖြစ်စေနိုင်သော်လည်း Nassau Society for the Prevention of Cruelty to Animals (တိရစ္ဆာန်များအပေါ်ရက်စက်မှုကို ကာကွယ်သည့် နာစောအသင်း) အတွက်မူ ၎င်းသည် အိမ်မက်ဆိုးဖြစ်သည်။ ဆူညံသံနှင့် ဆိုးရွားသည့်အနံ့ဆိုးများကြောင့် ပတ်ဝန်းကျင်မှတိုင်တန်းသဖြင့် ထိုအသင်းမှ အလုပ်သမားများသည် အမေရိကန်နိုင်ငံ၊ နယူးယောက်ပြည်နယ်ရှိ Long Island အိမ်တန်းလျားတစ်ခုသို့ ဝင်စစ်ရာ လျစ်လျူရှုခံရသည့် တိရစ္ဆာန်အကောင် (၄၀၀) ထက်မနည်းကို တွေ့ရှိခဲ့သည် (နောက်ပိုင်းတွင် ၎င်းတို့ကို ဖယ်ရှားခဲ့ကြသည်)။

ညစ်ညမ်းသည့်အခြေအနေတွင် တိရစ္ဆာန်ရာပေါင်းများစွာကို မလှောင်ထားသော်လည်း စိတ်နှလုံး၌ ဆိုးရွား၍အပြစ်ရှိသော အတွေးနှင့်အပြုအမူများကို ကျွန်ုပ်တို့ ဝှက်ထားနိုင်ပြီး ၎င်းတို့ကို ဖွင့်ပြပြီး ဖယ်ရှားပစ်ရန်လိုကြောင်း ရှင်ယေရှုပြောခဲ့သည်။

လူကိုသန့်ရှင်းစေသောအရာ၊ ညစ်ညူးစေသောအရာနှင့် ပတ်သက်၍ တပည့် တော်များအား သွန်သင်ရာ၌…

အိမ်နှစ်အိမ်

အိမ်နှစ်အိမ်၏ခိုင်ခံ့မှုကို စစ်ဆေးရန်အတွက် အင်ဂျင်နီယာများသည် (၁)နာရီလျှင် မိုင် (၁၀၀) နှုန်းတိုက်သော လေပြင်းမုန်တိုင်းကို ဖန်တီးနိုင်သည့် အားကောင်းသောပန်ကာများကိုအသုံးပြု၍ (၁၀) မိနစ်ကြာ တတိယအဆင့် ဟာရီကိန်းမုန်တိုင်း တစ်ခု ဖန်တီးခဲ့သည်။ ပထမအိမ်ကို ဟာရီကိန်းမုန်တိုင်းဒဏ်ခံ စည်းမျဥ်းများနှင့်အညီ မဆောက်လုပ်ထားပါ။ ဒုတိယအိမ်မှာမူ ခိုင်မာအောင်အားဖြည့်ထားသော ခေါင်မိုးများ၊ ကြမ်းပြင်များနှင့် ဆောက်လုပ်ထားသည်။ ပထမအိမ်သည် လှုပ်ခါပြီး ပြိုကျသွားတော့သည်။ သို့သော် ဒုတိယအိမ်မှာမူ အပေါ်ယံထိခိုက်မှု တစ်ချို့သာရှိခဲ့ပြီး တောင့်ခံနိုင်ခဲ့သည်။ ထိုအင်ဂျင်နီယာများအနက် တစ်ဦးက “မည်သည့် အိမ်တွင် သင်နေလိုပါသနည်း” ဟူသောမေးခွန်းဖြင့် လေ့လာမှု မှတ်တမ်းကို အကျဥ်းချုပ်ဖော်ပြခဲ့သည်။

ဘုရားသခင်၏နိုင်ငံတော် စံနှုန်းများနှင့်အညီ မည်သို့နေထိုင်ရမည်ကို သင်ကြားပေးပြီးနောက် သခင်ယေရှုက “အကြင်သူသည် ငါဟောပြောသော ဤစကားကို ကြား၍ နားထောင်၏။ ထိုသူသည် ကျောက်ပေါ်မှာ အိမ်ဆောက်သော ပညာရှိနှင့် တူကြောင်းကို ငါပုံပြမည်” (မ ၇:၂၄)ဟု…

သနားကြင်နာတတ်သည့်ဖခင်

(၈) နှစ်အရွယ် ဂေဘရယ်သည် ဦးနှောက်အကျိတ်ကိုဖယ်ရှားရန် ခွဲစိတ်ကုသမှုခံယူပြီးနောက်တွင် သူ့ခေါင်းတစ်ဘက်တွင် သိသာထင်ရှားသော အမာရွတ်ကြီးကျန်ရစ်ခဲ့သည်။ သူက “ကြောက်စရာသတ္တဝါလို ခံစားရတယ်”ဟု ပြောရာ၊ သူ့ဖခင် ဂျော့ရှ် သည် အကြံတစ်ခုရပြီး၊ ဂေဘရယ်၏အမာရွတ်ကဲ့သို့ ပုံကို သူ့ခေါင်းတွင် ဆေးမင်ကြောင်ထိုးခြင်းဖြင့် သားဖြစ်သူကို မည်မျှချစ်ကြောင်း ဖော်ပြခဲ့သည်။

ဆာလံဆရာ၏ရေးသားချက်အရ ၎င်းသည် သူ့သားသမီးတို့အပေါ် ထားရှိသော ဘုရားသခင်၏ကရုဏာနှင့်သနားကြင်နာမှုမျိုး ဖြစ်သည်(ဆာ ၁၀၃:၁၃) ။ ဒါဝိဒ်သည် လူ့ဘဝကို ဥပမာပြလျက် ဘုရားသခင်၏ချစ်မေတ္တာကို သရုပ်ဖော်ခဲ့သည်။ သားသမီးများအပေါ် ဖခင်ကောင်းတစ်ယောက်၏စောင့်ရှောက်ပြုစုမှု ပမာ ဘုရားရှင်၏မေတ္တာသည် နူးညံ့သိမ်မွေ့သည် (:၁၇)။ လူသားဖခင်သည် မိမိ၏သားသမီးများကို သနားကြင်နာမှုပြသကဲ့သို့၊ ကျွန်ုပ်တို့၏ကောင်းကင်ဘုံရှင် အဘသည် ကြောက်ရွံ့သူတို့အား ချစ်ခြင်းမေတ္တာနှင့် ဂရုစိုက်မှုတို့ကို ပြသသည်။ သူသည် မိမိလူမျိုးအပေါ် သနားစာနာတတ်သော ကရုဏာရှင်အဘဖြစ်သည်။

ကျွန်ုပ်တို့သည် ဘဝ၏ဒဏ်ရာဒဏ်ချက်များကြောင့် အားငယ်ကာ ချစ်ဖွယ် မကောင်းသူဟု…

မလိုလားသောဧည့်သည်များ

ခိုင်းလ် နှင့် အဲလစ်စင်သည် ထူးခြားဆန်းပြားသော နေရာတစ်ခုတွင် ဟန်းနီးမွန်း ထွက်ခဲ့ကြသည်။ သူတို့အိမ်ပြန်ရောက်သောအခါ ခိုင်းလ်၏ခြေထောက်များတွင် ထူးဆန်းပြီး ယားယံသောအဖုများ ထွက်လာသည်ကို တွေ့ရှိခဲ့သည်။ သူတို့အား ကူးစက်ရောဂါအထူးကုထံပြသရန် ညွှန်းကြပြီး၊ ထိုအဖုများသည် ခိုင်းလ်၏ ညှပ် ဖိနပ်အသစ်ကြောင့်ဖြစ်သောပြည်ဖုများမှတဆင့် အသားထဲသို့ ကပ်ပါးငယ်များ ဝင်ရောက်ခြင်းကြောင့်ဟု ဆရာဝန်က ဆိုသည်။ စိတ်ကူးယဥ်အပန်းဖြေခရီးသည် မလိုလားသော ‘ဧည့်သည်များ’ ၏စိန်ခေါ်မှုတိုက်ပွဲဖြင့် အဆုံးသတ်ခဲ့ရသည်။

အပြစ်ကိုတိုက်ဖျက်ရန် ဘုရားရှင်ထံ မစမှုမတောင်းခံပါက ဘုရားနှစ်သက်သောအသက်တာဖြင့် အသက်ရှင်နေထိုင်မည့် စိတ်ကူးအိပ်မက်က မလိုလားအပ်သော ဧည့်သည်များဖြစ်သည့် အပြစ်နှင့်မနာခံမှုတို့နှင့် စစ်ဖြစ်ခြင်းသို့ ပြောင်းလဲသွားမည်ဖြစ်ကြောင်း ဒါဝိဒ်သိသည်။ သဘာဝလောကတွင် ဘုရားသခင်ကို မည်သို့ပုံဖော်ပြထားကြောင်း (ဆာ ၁၉:၁-၆)နှင့် ကိုယ်တော်၏သွန်သင်ချက်တွင် တွေ့ရသော ကိုယ်တော်၏ဉာဏ်ပညာ (:၇-၁၀)ကို ဒါဝိဒ်စပ်ဆိုပြီးနောက် မရည်ရွယ်သော၊ မောက်မာသော၊ တမင်မနာခံမှုအန္တရာယ်မှ ကာကွယ်ရန် ဘုရားသခင်ကို ဒါဝိဒ်တောင်းဆိုခဲ့သည်။ “မထင်ရှားသောဒုစရိုက်အပြစ်နှင့် အကျွန်ုပ်ကို…

မင်းလုပ်နိုင်တယ်

တိုက်တွန်းခွန်အားပေးခြင်းသည် အောက်ဆီဂျင်နှင့် တူ၏။ အောက်စီဂျင်မရှိလျှင် ကျွန်ုပ်တို့အသက်မရှင်နိုင်။ အသက် (၉)နှစ် အရွယ် James Savage (ဂျိမ်းဆားဗေ့) အတွက် ထိုအချက်က မှန်ကန်သည်။ သူသည် အမေရိကန်နိုင်ငံ၊ ဆန်ဖရန်စစ်ကိုကမ်းခြေမှ အယ်လ်ခါထရဇ်ကျွန်းသို့ နှစ်မိုင်ကျော်အကွာအဝေးကို အသွားအပြန် ရေကူးပြီး အသက်အငယ်ဆုံး အောင်မြင်မှုစံချိန်ချိုးခဲ့သူအဖြစ် မှတ်တမ်းဝင်ခဲ့သည်။ ရေစကူးပြီး မိနစ် (၃၀)အကြာတွင် အလွန်အေးသောရေကြောင့် ဂျိမ်းလက်လျှော့ချင်ခဲ့သည်။ သို့သော် လှေလှော်သမားများက “မင်းလုပ်နိုင်တယ်” ဟုအော်ပြောခဲ့သည်။ ထိုစကားများက သူပန်းတိုင်သို့ အောင်မြင်စွာရောက်ရှိရန် အားအင်ကို ပေးခဲ့သည်။

ဆင်းရဲဒုက္ခလှိုင်းကြမ်းများကြောင့် ခရစ်တော်ကိုယုံကြည်သူများ လက်လျှော့လိုကြသောအခါ ရှင်ပေါလုနှင့်ဗာနဗတို့က သူတို့အား ရှေ့ခရီးဆက်ရန် အားပေးတိုက်တွန်းခဲ့သည်။ ဒေရဗေမြို့တွင် သတင်းကောင်းကို ဟောကြားပြီးနောက် လုတ္တရမြို့၊ ဣကောနိမြို့၊ အန္တိအုတ်မြို့များသို့ပြန်လာကာ တပည့်တော်များကို ခိုင်ခံ့စေလျက် စစ်မှန်သောယုံကြည်ခြင်း၌တည်ရန် နှိုးဆော်ခဲ့သည် (တ ၁၄:၂၁-၂၂)။ ရှင်ယေရှု၌ ယုံကြည်ခြင်းစိတ် ခိုင်မြဲရန်…

ကျွန်ုပ်တို့အတွက် တိုက်ပွဲဝင်သော ဘုရား

အမေရိကန်နိုင်ငံ၊ ကော်လိုရာဒိုပြည်နယ်ရှိ မိခင်တစ်ဦးသည် သူမ၏ကလေးငယ်ကို ကာကွယ်ရန် မည်သည့်အရာကိုမဆို လုပ်နိုင်ကြောင်း သက်သေပြခဲ့သည်။ သူမ၏ (၅)နှစ်အရွယ် သားလေးသည် အိမ်အပြင်၌ကစားနေစဉ် ကလေးငယ်၏ ကျယ်လောင်စွာအော်ဟစ်သံကို သူမ ကြားလိုက်ရ၍ အိမ်အပြင်သို့ အလျင်အမြန် ထွက်ကြည့်ရာ၊ သားလေး၏ မထင်မှတ်ထားသည့် “ကစားဖော်”မှာ ခြင်္သေ့တစ်ကောင် ဖြစ်နေသဖြင့် သူမ အလွန်ထိတ်လန့်သွားသည်။ ခြင်္သေ့ကြီးသည် ကလေးအပေါ်သို့ ရောက်နေပြီး ကလေး၏ခေါင်းမှာ ခြင်္သေ့၏ပါးစပ်အတွင်းသို့ ရောက်နေသည်။ ထိုအခါ မိခင်ဖြစ်သူသည် ဝံမကြီးကဲ့သို့ သူ့အတွင်းမှ ရှိသမျှအားအင်ကို စုစည်းကာ ခြင်္သေ့၏ပါးစပ်ကို ခက်ခက်ခဲခဲ ဆွဲဖြဲကာ သားကိုကယ်ရန် ကြိုးစားသည်။ ထိုမိခင်၏ သူရဲကောင်းဆန်သောလုပ်ရပ်သည် နှုတ်ကပတ်တော်၌ ဖော်ပြပါရှိသည့် ဘုရား သခင်သည် မိခင်တစ်ဦးကဲ့သို့ပင် သူ၏သားသမီးများပေါ် ခိုင်မြဲသော ချစ်ခြင်းမေတ္တာရှိပြီး ကာကွယ်ပေးနေကြောင်း ကျွန်ုပ်တို့အား သတိပေးအမှတ်ရစေသည်။

မိခင်လင်းယုန်က သားပေါက်ကလေးများကို ဂရုစိုက်သကဲ့သို့ ဘုရားရှင်သည်…

ကိုယ်တော်ကို ဆာငတ်ပါ

“ဒီအာလူးကြော်ကို ဒါနောက်ဆုံးစားခြင်းပဲ”ဟု ကျွန်တော်တို့ ပြောပြီး၊ နောက် (၅) မိနစ်အကြာတွင် ဘာကြောင့် ထပ်စားချင်ကြသနည်း။ Michael Moss (မိုက်ကယ် မော့စ်) ရေးသားသည့် ‘Salt Sugar Fat’ (ဆား၊ သကြား၊ အဆီ) စာအုပ်တွင် ထိုမေးခွန်း၏အဖြေကို ဖော်ပြထားသည်။ သူက အမေရိကန်နိုင်ငံ၏ မုန့်ပဲသရေစာ ထုတ်လုပ်သူတို့သည် လူတို့၏သရေစာတောင့်တမှုကို မည်သို့ “ကူညီဆွဲဆောင်”ရမည်ကို သိသည်။ နာမည်ကြီးကုမ္ပဏီတစ်ခုက တစ်နှစ်လျှင် ဒေါ်လာသန်း (၃၀) အကုန်ခံပြီး စားသုံးသူများ၏အကြိုက် စိတ်ကျေနပ်မှုကို ဆုံးဖြတ်သတ်မှတ်ပေးသည့် “အစားအသောက်ဆိုင်ရာ အကြံပေးများ”ကို ခန့်ပြီး စားသုံးသူတို့ စားချင်သောက်ချင်စိတ် ဖြစ်လာမှုအပေါ် အမြတ်ထုတ်နိုင်ကြတော့သည်။

ထိုကုမ္ပဏီနှင့်မတူဘဲ ယေရှုခရစ်က ကျွန်ုပ်တို့၏စိတ်ဝိညာဉ်ကို ပြည့်ဝကျေနပ်စေသော “ဝိညာဉ်အစာ” ဟူသည့် စစ်မှန်သောအစာကို ဆာငတ်ခင်မွတ်အောင် မစသည်။ “ယေရှုကလည်း ငါသည် အသက်မုန့်ဖြစ်၏။ ငါ့ထံသို့ လာသောသူသည်…

အသက်အရွယ်ဆိုသည်မှာ ဂဏန်းတစ်ခုမျှသာ

ငယ်ရွယ်ခြင်းကြောင့် အောင်မြင်မှုမရနိုင်ဆိုသည့် အချက်က မဖြစ်နိုင်ပါ။ အသက် (၁၁) နှစ်အရွယ် မိခေလလေးကို စည်းဘောင်များက မတားဆီးနိုင်ခဲ့ပါ။ သံပရာရည် အေးအေးရောင်းသည့် မတ်တပ်ဆိုင်လေးဖွင့်မည့်အစား သံပရာရည်အရောင်းဈေးကွက်ကြီးကို သူမ စတင်နိုင်ခဲ့သည်။ ‘Me & the Bees’ (ကျွန်မနှင့် ပျားကလေးများ) ဟူသည့် သံပရာရည်အမှတ်တံဆိပ်ကို သူမအဖွားပေးသော ဖျော်နည်းအချိုးအဆနှင့် စတင်ခဲ့ပြီး ယခုတွင် ‘Shark Tank’ တီဗီရှိုးတွင် ရင်းနှီးမြှုပ်နှံသူများထံမှ ဒေါ်လာ (၆) သောင်းတန် ရင်းနှီးမြှုပ်နှံမှုကို ရရှိခဲ့သည်။ ဆိုင်ခွဲ (၅၅) ဆိုင်ရှိသော နာမည်ကြီးကုန်စံုဆိုင်ပိုင်ရှင်နှင့်လည်း အရောင်းစာချုပ်ချုပ်ခဲ့ပြီးဖြစ်သည်။

မိခေလ၏လုပ်ရပ်နှင့်ရည်မှန်းချက်တို့က တိမောသေအား ရှင်ပေါလု ပြောသည့် “သင်၏အသက်အရွယ်နုပျိုသည်ကို အဘယ်သူမျှ မထီမဲ့မြင် မပြုစေနှင့်” (၁ တိ ၄:၁၂)ဟူသော ဆုံးမစကားကို ပြန်လည် ဆင်ခြင်မိစေသည်။

တိမောသေသည် မိခေလလောက် ငယ်ရွယ်သူ မဟုတ်သည့်တိုင်…