တစ်ယောက်တည်း မလုပ်ပါနဲ့

ကျွန်မရှေ့ရှိ ပြန့်ကျဲနေသောပျဉ်ချပ်အပုံနှင့် ကိရိယာအစုံအလင်ရှိနေသည်။ စာအုပ်စင်တပ်ဆင်နည်း လမ်းညွှန်စာအုပ်ကို ဖွင့်ဖတ်ရာ လုပ်ရမည့်အရာ၊ မလုပ်ရမည့်အရာများ ပါဝင်ပြီး၊ စာမျက်နှာတစ်ခုတွင် ကြီးမားသော ကြက်ခြေခတ်(X)နှင့်၊ လွန်ခဲ့သည့်မိနစ်အနည်းငယ်က ကျွန်မပုံစံနှင့်တူသည့် စိတ်ရှုပ်ထွေးမှုနှင့် ပျဉ်ချပ်နှင့်ကိရိယာများကို မျက်မှောင်ကြုတ်စိုက်ကြည့်နေသူတစ်ဦးပုံကို တွေ့ရသည်။ ညာဘက်ခြမ်းတွင် “မှန်ကန်‌သော တပ်ဆင်နည်း”ကို ဖော်ပြထားသည်။ တစ်ခုတည်းသောကွာခြားချက်မှာ ထိုနေရာတွင် ဒုတိယလူတစ်ယောက် ရှိနေပြီး၊ ထိုလူနှစ်ဦးစလုံးသည် စင်ကို အတူတကွတပ်ဆင်ရင်း သူတို့၏မျက်နှာ၌အပြုံးပန်း ပွင့်နေပြီဖြစ်သည်။

သို့နှင့် ကျွန်မခင်ပွန်းကို ခေါ်လိုက်ကာ “အညွှန်းအရဆို ရှင့်အကူအညီကို ကျွန်မလိုအပ်တယ်”ဟု သူ့အား ပုံကိုပြပြီး ပြောလိုက်သည်။ သူက ရယ်မောပြီး ကျွန်မတို့အတူတကွ တပ်ဆင်လိုက်သည်။ ကျွန်မက နည်းလမ်းရှာပြီး ခေါင်းမာမာနှင့် ကိုယ့်ဘာသာကိုယ် တပ်ဆင်ရန် ကြိုးစားနိုင်သည်။ သို့သော် တစ်ယောက်တည်း တပ်ဆင်ရန်မဟုတ်ဟူသည့် လမ်းညွှန်စာအုပ်ဖော်ပြချက်က မှန်ကန်ပေသည်။

ရောမသြဝါဒစာ ၁၂ တွင် ပေါလုက ယုံကြည်သူလူသစ်များအား…

သခင်ယေရှုနှင့်အတူ အသက်ရှင်ခြင်း

သမားတော်ခရစ်ရှန်နိဇင်းမရ (Christian Ntizimira) သည် ဆေးဝါးပစ္စည်းမလုံလောက်သော သူ၏ဇာတိ ရဝမ်ဒါနိုင်ငံတွင် ဘဝ၏နောက်ဆုံးအချိန် ရောက်နေသူများအား စောင့်ရှောက်မှုပေးရန် ဘုရားသခင်၏စေစားခေါ်သံကို သတိပြုမိခဲ့သည်။ သူ၏လုပ်ဖော်ကိုင်ဖက်များက “ဤလူနာများသည် မျှော်လင့်ချက်မရှိတော့”ဟု ယူဆကြသောကြောင့် ထိုသို့စောင့်ရှောက်မှု၏တန်ဖိုးကို မမြင်ကြပါ။ သို့သော် လူနာများနှင့် ၎င်းတို့၏ မိသားစုများအတွက် သူ၏“တည်ရှိမှုက အားလုံးဆုံးရှုံးသွားသည်ဟုထင်ရချိန်တွင် မျှော်လင့်ချက်ကို ပြန်လည် ရှင်သန်စေကြောင်း” နိဇင်းမရတွေ့ရှိခဲ့သည်။ သူ၏အလုပ်တွင် “ခရစ်တော်၏အသေခံခြင်းသည် အသက်၏အရင်းအမြစ်ဖြစ်ခြင်း”ကြောင့် ယေရှု၏သေခြင်းနှင့်အသက်တာသည် သေခြင်းတရားအပေါ် ကျွန်ုပ်တို့၏ရှုမြင်ပုံကို ပြောင်းလဲစေနိုင်သည်ဟူသော ယုံကြည်ချက်၌ သူခိုင်မာစွာအခြေပြုရပ်တည်ခဲ့သည်။

တိမောသေသြဝါဒစာဒုတိယစောင်တွင် ယေရှုသည် “သေခြင်းကိုပယ်ရှား ၍ ... အသက်ရှင်ခြင်းနှင့် မဖောက်ပြန်ခြင်းကို ဧဝံဂေလိတရားအားဖြင့် ထင်ရှားစေတော်မူပြီ” (၁:၁၀)။ ထိုအဖြစ်မှန်သည် သူကြုံတွေ့ခံစားနေရမှုများအပေါ် သူ၏နားလည်မှုကို ပြောင်းလဲပေးခဲ့ကြောင်း တမန်တော်ရှင်ပေါလု သက်သေခံခဲ့သည်။ သူသည် ကွပ်မျက်ခံရနိုင်သော အကျဉ်းသားတစ်ဦးဖြစ်ခဲ့သော်လည်း (၂:၉)၊ ခရစ်တော်အားဖြင့် ဖြစ်သောကယ်တင်ခြင်းကို အခြားသူများအား ညွှန်…

ဘုရားသခင် နားလည်သည်

ဂျွန်ခိုးနစ်(John Koenig)၏ Dictionary of Obscure Sorrows(မထင်မရှား ဝေဒနာ များ၏အဘိဓာန်)စာအုပ်တွင် စကားလုံးအသစ်စုစည်းမှုများစွာကို ဖော်ပြထား သည်။ စကားလုံးတစ်လုံးချင်းစီသည် ယခင်က ကျွန်ုပ်တို့ စကားလုံးဖြင့် ဖော်ပြ၍ မရနိုင်အောင် ရှုပ်ထွေးလှသည့်ခံစားချက်များကို တီထွင်အမည်ပေးထားသည့် စကားလုံးများဖြစ်သည်။ ထိုစာအုပ်တွင် “dés vu”(ဒေးဗျူ)- “အမှတ်တရတစ်ခုဖြစ်လာမည့် အခိုက်အတန့်ကို သတိပြုမိခြင်း”၊ “onism”(အိုနစ်ဇမ်)“တစ်ချိန်တည်း၊ တစ်နေရာတည်းသာရှိသော ခန္ဓာတစ်ခု၌ မလှုပ်နိုင်အောင် စိတ်ရှုပ်ထွေးမှု၌ ပိတ်မိခြင်း”စသည့်စကားလုံးတို့ ပါဝင်သည်။ ခိုးနစ်၏ ရည်ရွယ်ချက်မှာ လူသားတို့၏ ပြိုင်စံရှား ထူးဆန်းသောအတွေ့အကြုံအားလုံးကို မီးမောင်းထိုး ဖော်ပြရန်ဖြစ်ပြီး၊ ဤသို့ဖြင့် ထိုအတွေ့အကြုံများထဲတွင် “ငါတစ်ယောက်တည်း”ဟူသော အထီးကျန် ခံစားချက်ကို လျော့ပါးစေနိုင်ရန်ဖြစ်သည်ဟု သူက ဆိုသည်။

မိမိရင်ဆိုင်ဖြတ်သန်းခဲ့ရသောအရာများအတွက် အစဥ်အမြဲ စကားလုံးရှာမရ ဖြစ်စဥ်မှာပင် အခြေအနေမျိုးစုံ၊ ခံစားချက်မျိုးစုံနှင့် လူသား၏ဖြစ်တည်မှုကို ဘုရားသခင်သည် တန်ဖိုးထားပြီးနားလည်ကြောင်း သိရခြင်းက သခင်ယေရှုကို ယုံကြည်သူတို့အတွက်…

ဘုရားသခင်၏နှလုံးသားဖြင့် ရှုမြင်ခြင်း

Chantale (ရှန်းတဲလ်)သည် သူမ၏ ၁၃ နှစ်မြောက် မွေးနေ့ကို အေးချမ်းသော သူမ၏ဇာတိရွာတွင် နာရီအတန်ကြာပျော်ရွှင်စွာ ကျင်းပနေပြီးနောက် ငြိမ်းချမ်းသောညနေခင်းကို ဖြိုခွင်းလိုက်သည့်သေနတ်သံများ ပေါ်ထွက်လာခဲ့သည်။ ပုန်းနေရန် ညွှန်ကြားလိုက်သည့် မိခင်၏စကားကို နာခံကာ ရှန်းတဲလ်တို့မောင်နှမများသည် တောအုပ်ထဲသို့ပြေးခဲ့ကြသည်။ တစ်ညလုံးသစ်ပင်ကြီးတစ်ပင်အောက်တွင် ပူးပူးကပ်ကပ် နေခဲ့ကြပြီး၊ ”မနက်ခင်းမှာ နေသာ ထွက်လာတယ်။ ဒါပေမဲ့ သမီးတို့ရဲ့မိဘတွေ ပေါ်မလာခဲ့ဘူး”ဟု ရှန်းတဲလ် ပြန်ပြောပြခဲ့သည်။ ယခုတွင် ရှန်းတဲလ် တို့မောင်နှမများသည် စစ်ရှောင်စခန်းတွင် ထောင်နှင့်ချီသောဒုက္ခသည်များနှင့်အတူ နေရသောမိဘမဲ့ဒုက္ခသည် ကလေးများ ဖြစ်ခဲ့ရပြီ။

ရှန်းတဲလ်တို့အကြောင်းကဲ့သို့ အရာများကို ကျွန်မတို့ကြားရတိုင်း ထိုကဲ့သို့ ဝမ်းနည်းဖွယ်ဆုံးရှုံးမှုကြီးကို လျစ်လျူရှုလိုက်ချင်ခဲ့သည်။ သို့သော် နှုတ်ကပတ်တော်မှ ဖော်ပြသည့် ဘုရားသခင်ကို ယုံကြည်သူတိုင်းသည် လူတို့၏ခံစားနေရမှုများကို မည်သည့်အခါမှမျက်နှာမလွှဲသော၊ ”ဧည့်သည်တို့ကို စောင့်မတော်မူ၍၊ မုဆိုးမနှင့်မိဘမရှိသောသူတို့ကို ထောက်မတော်မူသော”ဘုရားသခင်ကို ယုံကြည်ကြသည် (ဆာ ၁၄၆:၉)။

“ထိုဘုရားသခင်သည် ကောင်းကင်၊ မြေကြီး...ရှိသမျှတို့ကို ဖန်ဆင်းတော်မူ၏။…

ဆုံးရှုံးခြင်းအားဖြင့် အနိုင်ရခြင်း

“အောင်မြင်မှု မရှိခြင်းသည် အောင်မြင်ခြင်းထက် အမှန် ပို၍ စွမ်းအားကြီးသည်” ဟု ပရောဖက်ဆာ Monica Wadhwa (မော်နိခါဝါ့ဒ်ဝေါ့)က ဆွေးနွေး ပြောဆိုခဲ့သည်။ သူမ၏သုတေသနပြုချက်အရ လူသည် အောင်မြင်ချိန်တွင် မဟုတ်ဘဲ အောင်မြင်လုနီးနီးအချိန်တွင် သွက်လက်အားပြည့်ဆုံး၊ လှုပ်ရှားရန် လှုံ့ဆော်မှုအခံရဆုံးဖြစ်သည်ဟု ဖော်ပြထားသည်။ တစ်စုံတစ်ဦး၏ရည်မှန်းချက် ပျက်ပြီး ကျရှုံးခြင်းက လူကို ဆက်လက်ရှင်သန်ပြီး ကြိုးစားရုန်းကန်အားထုတ်ရန် လှုံ့ဆော်မှုပေးတတ်ပြီး၊ တစ်ဘက်တွင် အလွယ်တကူ အောင်မြင်မှုရရှိခြင်းက စွမ်းအားနှင့် လှုံ့ဆော်လှုပ်ရှားနိုင်စွမ်းတို့ကို ချည့်နဲ့စေတတ်သည်။

ဝါ့ဒ်ဝေါ့၏အမြင်သည် သခင်ခရစ်တော်နောက်လိုက်ခြင်းကို အပြေးပြိုင်ပွဲ အဖြစ် ရှင်ပေါလုခိုင်းနှိုင်းထားသော (၁ကော ၉:၂၄-၂၇ နှင့် ဖိ ၃:၁၂-၁၄ ) ကျမ်းပိုဒ်နှစ်ပိုဒ်အပေါ် ထိုးထွင်းဉာဏ် အမြင်သစ်ကို ပေးသည်။ ဥပမာနှစ်ခုလုံး တွင် ရှင်ပေါလုက ယုံကြည်သူများအား ခရစ်တော်နောက် လိုက်လျှောက်ခြင်းနှင့် ကယ်တင်ခြင်း သတင်းကောင်းအတွက် ရှိသမျှအစွမ်းကုန် ကြိုးစားအားထုတ်၍…

ဤမျှကောင်းမြတ်သောအသိပညာ

အလယ်ခေတ် ဘာသာရေးကို စူးစမ်းလေ့လာသူ Thomas Aquinas(သောမတ်စ် အခွိုင်နက်စ်)သည် ဘုရားသခင်ကို ရှာဖွေသည့် အသက်တာသို့ မိမိကိုယ်ကို ဆက်ကပ်အပ်နှံရန် များစွာဒုက္ခခံစားခဲ့ရသည်။ ရိုးရှင်းသောဘဝ၊ လေ့လာမှုနှင့် ဟောပြောခြင်းတို့ကို သီးသန့်ဦးစားပေးသော ဘုန်းတော်ကြီးကျောင်းဖြစ်သည့် ဘာသာရေးဂိုဏ်းသို့ သူမ၀င်ရောက်စေရေး၊ သူစိတ်ပျက်သွားအောင် သူ၏မိသားစုက သူ့ကို တစ်နှစ်ကြာ ချုပ်‌နှောင်အကျဥ်းချခဲ့သည်။ သူသည် သူ့တစ်သက်တာလုံး သမ္မာကျမ်းစာနှင့် ဖန်ဆင်းခြင်းတို့ကို လေ့လာခဲ့ပြီး၊ စာအုပ်အတွဲတစ်ရာနီးပါး ရေးသားပြီးနောက်၊ အခွိုင်နက်စ်သည် ဘုရားသခင်နှင့်ပတ်သက်၍ ကြီးလေးသည့် အတွေ့အကြုံတစ်ခုကို ခံစားခဲ့ရပြီး၊ “ဤမျှလောက် အံ့မခမ်းကောင်းမြတ်သည့်အသိပညာကို ပေးခဲ့၍ ကျွန်တော်ဆက်ရေး၍မရတော့ပါ။ ကျွန်တော်၏လက်ရာများမှာ ကောက်ရိုးပမာဖြစ်လေပြီ”ဟု သူရေးသားခဲ့သည်။ သုံးလအကြာတွင် သူကွယ်လွန်သွားခဲ့သည်။

တမန်တော်ပေါလုက ဘုရားသခင်ထံမှ အလွန်ကြီးမားလွန်းသော အတွေ့အကြုံ- “ပရဒိသုဘုံသို့ ချီဆောင်ခြင်းကို ခံရ၍၊ လူမပြောအပ် မပြောနိုင်သောစကားကို ကြားသည်အကြောင်း” (၂ ကော ၁၂:၄)၊ ၎င်းတို့ကို စကားလုံးများဖြင့်…

ကြည်ညိုလေးစားလျက် ဖတ်ရှုပါ

ကျွန်ုပ်တို့အိမ်၌ ခိုင်ခံ့ပြီး စာအုပ်ပြည့်နှင့် စာအုပ်စင်တစ်ခုရှိသည်။ ကျွန်မ၏ အားနည်းချက်မှာ လှပသောစာအုပ်များ အထူးသဖြင့် ကတ်ထူအဖုံးစာအုပ်များကို နှစ်သက်ပြီး နှစ်စဉ်စာအုပ်အသစ်များကို စုဆောင်းခဲ့သည်။ မိမိဝယ်ယူသော စာအုပ်များကို ဖတ်ရန် ကျွန်မ၌ အချိန်လည်းမရှိ၊ စာဖတ်စွမ်းရည်လည်း မရှိသဖြင့် စုဆောင်းထားသော စာအုပ်အားလုံးကို မဖတ်ဖြစ်ပါ။ စာအုပ်များသည် စင်ပေါ်တွင် အသစ်အတိုင်း မဖတ်ဖြစ်ဘဲရှိနေ၍ ဝမ်းနည်းစရာပင်။

ကျွန်ုပ်တို့၏သမ္မာကျမ်းစာသည်လည်း ထိုနည်းတူ မဖတ်ဖြစ်ဘဲ ရှိနေမည် ကို စိုးရိမ်စရာရှိသည်။ ဆောင်းပါးရှင် ဂျွန်အပ်ဒိုက်ခ် (John Updike)က အမေရိကန် ဂန္ထဝင်စာအုပ် ဝေါ်လ်ဒင်(Walden)ကို “အထွတ်အမြတ်ထားသော်လည်း သမ္မာကျမ်းနည်းတူ ဖတ်ရှုမခံရသည့်” အန္တရာယ်ရှိကြောင်း မှတ်ချက်ချပြောကြားခဲ့သည်။ ကွဲပြားသော ယဉ်ကျေးမှုဓလေ့များကို အခြေခံရေးထားသော ရှေးဟောင်း သမ္မာကျမ်းစာကို နားလည်ရန် ခက်ခဲခြင်းထက် မိမိကိုယ်၌ကသာ ကျမ်းစာကို မဖတ်ဘဲ အမြတ်တနိုးလှလှပပ စင်ပေါ်သိမ်းထားရန် သွေးဆောင်ခံရပါသည်။

ထိုသို့ဖြစ်ရန်အကြောင်း မရှိပါ။…

ပေးကမ်းရက်ရောမှုကို တုံ့ပြန်ခြင်း

လစ်ဒီယာသည် အမည်မဖော်လိုသည့် အလှူရှင်များထံမှ အလှူငွေဒေါ်လာ ၁၀,၀၀၀ ကို လက်ဆောင်အဖြစ် လက်ခံရရှိသောအခါ ထိုငွေထဲမှ အနည်းငယ်ကိုသာ သူမအတွက် အသုံးပြုခဲ့ပြီး၊ လုပ်ဖော်ကိုင်ဖက်၊ မိသားစု၊ ရေဘေးကြုံတွေသူနှင့် ချို့တဲ့သူကို အကူအညီပေးသည့်အဖွဲ့အစည်းများသို့ ရက်ရောစွာ ပြန်လည်ပေးကမ်းလှူဒါန်းခဲ့သည်။ ဘဏ်ငွေလွှဲမှတစ်ဆင့် လက်ဆောင်အဖြစ် သူတို့ရရှိခဲ့သည့် မည်သည့် ချည်နှောင်မှုမှ မရှိသော ဒေါ်လာ ၁၀,၀၀၀ ရရှိမှုအပေါ် လူအယောက် ၂၀၀ ၏ တုံ့ပြန်မှုကို လေ့လာသည့် စစ်တမ်း၌ လစ်ဒီယာသည် ဘာမှမသိရှိဘဲ သူမပါဝင်ခဲ့ခြင်း ဖြစ်သည်။ သူမရရှိခဲ့ကြသည့်လက်ဆောင်ငွေ၏ သုံးပုံနှစ်ပုံကျော်ကို ပြန်လည်ပေးလှူခဲ့ကြောင်း ထိုစစ်တမ်းက တွေ့ရှိခဲ့သည်။ အကျိုးအမြတ်မယူသောမီဒီယာ အဖွဲ့အစည်း TED ၏အကြီးအကဲ ခရစ်အန်ဒါဆင်က “ကျွန်တော်တို့ လူသားတွေဟာ ပေးကမ်းရက်ရောမှုကို ပေးကမ်းရက်ရောမှုနဲ့ပဲ ပြန်တုံ့ပြန်ဖို့ ချိတ်ဆက်နှောင်ဖွဲ့ထားခြင်းခံခဲ့ရတယ်ဆိုတာ တွေ့ရတယ်”ဟု ထိုဇာတ်လမ်းအား ဝေမျှပြောကြားခဲ့သည်။

လူတို့သည် ပေးကမ်းရက်ရောစွာ နေထိုင်ကြသည့်အခါ…

အမှန်တရားကို ရှာဖွေခြင်း

စာရေးဆရာမ ဂျူလီယာ ဂါလက်ဖ် (Julia Galef) က လူတို့သည် မိမိတို့မှားသော အခါ၌ပင် မှန်သည်ဟု ယုံကြည်လေ့ရှိသည်ကို ဆင်ခြင်လျက်၊ ၎င်းသည် မိမိယုံကြည် ထားသောအရာကို ခြိမ်းခြောက်လာသည့် အန္တရာယ်ကို ကာကွယ်ရေး၌ အာရုံစိုက်တတ်သည့် “စစ်သားစိတ်ဓာတ်” ကြောင့် ဖြစ်သည်ဟု ဖော်ပြထားသည်။ ဂါလက်ဖ် က ပိုမိုကောင်းမွန်သောစိတ်ဓာတ်မှာ ကင်းထောက်စိတ်ဓာတ်ဖြစ်ကြောင်း အကြံပြုထားသည်။ ကင်းထောက်တစ်ဦးသည် အန္တရာယ်များကို ဖယ်ရှားရန် မကြိုးစားဘဲ အမှန်တရားကို လက်ခံရန် - “ လက်ခံရန် ခက်ခဲခြင်း၊ အဆင်မပြေခြင်း သို့မဟုတ် မနှစ်မြို့ဖွယ်ဖြစ်သည့်တိုင် အမှန်တရားကို အတတ်နိုင်ဆုံး ရှင်းလင်းစွာ နားလည်ရန် ကြိုးစားခြင်း” ကို ဆိုလိုသည်။ ဤကဲ့သို့ စိတ်ထားအမြင်ရှိသူများသည် နှိမ့်ချတတ်ပြီး နားလည်စိတ်ရှိရန် အဆက်မပြတ် ကြိုးစားကြသည်။

ဂါလက်ဖ်၏ ဖော်ပြချက်က ယုံကြည်သူများသည် “နားကြားခြင်းငှာ လျင်မြန် ကြစေ။…

အတွင်းမှ ပြောင်းလဲခြင်း

အနောက်လန်ဒန်ရှိ ၂၄ ထပ် အမြင့်ရှိ Grenfell Tower (ဂရန်းဖဲလ်မျှော်စင်)ကို မီးလျှံများ ဝါးမျိုခဲ့ပြီး လူပေါင်း (၇၀) အသက်ဆုံးရှုံးခဲ့ရသည်။ ၎င်းသည် ဒုတိယကမ္ဘာစစ်နောက်ပိုင်း ယူကေ၏အဆိုးရွားဆုံး အိမ်ရာမီးလောင်မှုဖြစ်သည်။ မီးတောက်များ အလွန်မြန်ဆန်စွာ ပျံ့နှံ့ရသည့် အဓိကအကြောင်းရင်းမှာ ထိုအဆောက်အအုံ ပြန်လည်ပြုပြင်မွမ်းမံမှု၏ အစိတ်အပိုင်းဖြစ်သည့် အဆောက်အအုံ၏အပြင်ပိုင်းကို ဖုံးအုပ်ထားသည့် အကာအရံကြောင့်ဖြစ်ကြောင်း စုံစမ်းတွေ့ရှိခဲ့ရသည်။ ထိုအကာအရံပစ္စည်း၏ အပြင်ပိုင်းမှာ အလူမီနီယမ် ဖြစ်သော်လည်း အလယ်အူတိုင်၌မူ အလွန့်အလွန် မီးလောင်လွယ်သည့် ပလတ်စတစ်ဖြစ်နေသည်။

ထိုအန္တရာယ်ကြီးသောပစ္စည်းအား အဘယ်ကြောင့် ရောင်းချ တပ်ဆင်ခွင့်ပြုခဲ့သနည်း။ ထိုပစ္စည်းရောင်းချသူတို့က ညံ့ဖျင်းသော မီးဘေးလုံခြုံရေး စစ်ဆေးမှု ရလဒ်များကို မပြောပြသလို ဝယ်သူတို့ကလည်း ပစ္စည်း၏စျေးပေါမှုကြောင့် ဆွဲဆောင်ခံရပြီး အန္တရာယ်သတိပေးချက်များကို အလေးမထားခဲ့ကြပါ။ ပြောင်လက်တောက်ပသည့် အကာအရံပစ္စည်းသည် အပြင်ပန်း၌ ဆွဲဆောင်မှုရှိသည့်ပုံပေါ်သည်။

အမြင်လှသော အပြင်ပန်းသဏ္ဌာန်နောက်၌ အကျင့်ပျက်ခြစားမှုများကို ဖုံးကွယ်ထားကြောင်း စွပ်စွဲသည့် သခင်ယေရှု၏…