စာရေးသူ

အားလုံးမြင်နိုင်ရန်
Monica La Rose

မိုနီကာလာရို့စ်

မိုနီကာ (ဘရန်းစ်) (Monica Brands)သည် Illinois ပြည်နယ်၊ Palos Heights မြို့ရှိ Trinity Christian College တွင် အင်္ဂလိပ်ဘာသာရပ်နှင့် ဓမ္မပညာများကို ဆည်းပူးခဲ့သည်။ ထို့နောက် Michigan ပြည်နယ်၊ Grand Rapids မြို့ရှိ Calvin Seminary ကျမ်းစာကျောင်းမှ မဟာဘွဲ့ (ဓမ္မပညာ)ကို ဆွတ်ခူးခဲ့သည်။ ၂၀၁၉ ခုနှစ် အောက်တိုဘာလ တွင် သူမသည် ဂီတပညာရှင်နှင့် လျှပ်စစ်အင်ဂျင်နီယာတစ်ဦး ဖြစ်သော ဘန်း လာရို့စ် (Ben La Ros)နှင့် လက်ထပ်ခဲ့သည်။ သူတို့ဇနီးမောင်နှံသည် မိတ်ဆွေများ၊ မိသားစုဝင်များ၊ သူတို့၏ Heathcliff နှင့် Mystique ဟုခေါ်သော ကြောင်နှစ်ကောင်နှင့် အတူရှိသောအချိန်ကို သူအလွန်တန်ဖိုးထားသည်။

စာမူ/ အကြောင်းအရာ များ မိုနီကာလာရို့စ်

မပြောင်းမလဲ ရှေ့သို့ချီ

‘Rest’ (အနားယူပါ) ကဗျာတွင် “အမှန်ပင်ပန်းစွာလုပ်ကိုင်သူအတွက် အမှန်အနားယူချမ်းသာရာ မရှိသလော” ဟုမေးကာ “အားလပ်ချိန်”နှင့် “အလုပ်”ကို ခွဲခြား တတ်သည့်သဘောကို ကဗျာဆရာက အသာအယာ သတိပေးစိန်ခေါ်ထားသည်။ စစ်မှန်သည့်အနားယူမှုကို ခံစားချင်ပါက ဘဝ၏တာဝန်ဝတ္တရားများကို ရှောင်တိမ်းရန် ကြိုးစားမည့်အစား “အကောင်းဆုံးလုပ်ပါ၊ အသုံးချပါ၊ အချည်းနှီးမဖြစ်ပါစေနှင့်၊ သို့မဟုတ်ပါက အနားမရနိုင်။ သင့်အနီးဝန်းကျင်မှ အလှတရားကို ခံစားရပြီလား၊ ထမ်းဆောင်စရာတာဝန်ရှိမှသာ ထိုအလှကိုတွေ့ရမည်”ဟု စပ်ဆိုထားသည်။

မေတ္တာပြခြင်းနှင့် အစေခံခြင်းအားဖြင့် စစ်မှန်သော အနားယူခြင်းနှင့် ဝမ်းမြောက် ခြင်းကို ရှာဖွေတွေ့ရှိနိုင်သည်ဟု ကဗျာဆရာက နိဂုံးချုပ်ထားသည်။ ထိုသဘော တရားကို သက်သာလောနိတ်မြို့သားများထံသို့ ရှင်ပေါလု၏အားပေးစာတွင် တွေ့ရသည်။ တမန်တော်ကြီးက ယုံကြည်သူများ “အပြစ်တင်ခွင့်နှင့်ကင်းလွတ်”သော အသက်တာဖြင့် အသက်ရှင်ရေး တိုက်တွန်းအားပေးရန် (၁ သက် ၂:၁၀-၁၂) သူ့ကို ဘုရားရှင်စေစားကြောင်း ဖော်ပြပြီးနောက် ဆက်လက်၍ အသေးစိတ်ဖော်ပြခဲ့သည်။

ထိုကဲ့သို့သောဘဝကို ငြိမ်ဝပ်စွာဖြင့်…

ဘုရားသခင်၏ကြင်နာသောကျေးဇူးတော်

‘အမှန်တိုင်းအကုန်ပြောပါ၊ ဒါပေမယ့် စောင်းငဲ့ပြီးပြောပါ’ ဟုကဗျာစာဆို Emily Dickinson (အမ်မလီ ဒစ်ကင်စင်)က ရေးသားခဲ့သည်။ အကြောင်းမှာ ဘုရားသခင်၏ အမှန်တရားနှင့်ဘုန်းအသရေသည် အားနည်းသောလူသားအတွက် ချက်ချင်း နားလည်ရန် (သို့) လက်ခံနိုင်ရန် ‘အလွန်တောက်ပလွန်းသည်’ ဟု အကြံ ပြုထားသည်။ ကျွန်ုပ်တို့လက်ခံနိုင်ရန်နှင့် ဘုရားသခင်၏ကျေးဇူးတော်နှင့် အမှန်တရားကိုဝေငှရန် အကောင်းဆုံးမှာ ကြင်နာစွာစောင်းငဲ့ပြီး သွယ်ဝိုက်သောနည်းလမ်းများဖြစ်သည်။ “အမှန်တရားသည် ဖြည်းဖြည်းချင်း စူးရှတောက်ပရမည်၊ သို့မဟုတ် လူတိုင်းမျက်စိကန်းသွားမည်ဖြစ်သည်။”

အလားတူအဆိုကို ဧဖက်ဩဝါဒစာ ၄ တွင် တမန်တော်ရှင်ပေါလုက ယုံကြည်သူများအား “စိတ်နှိမ့်ချခြင်း၊ နူးညံ့သိမ်မွေ့ခြင်း၊ စိတ်ရှည်ခြင်းနှင့်ပြည့်စုံပြီး မေတ္တာစိတ်နှင့် တစ်ယောက်ကိုတစ်ယောက် သည်းခံ”ရန် (:၂) အကြံပြုခဲ့သည်။ ယုံကြည်သူများ၏နူးညံ့သိမ်မွေ့မှုနှင့် အချင်းချင်းကို ကျေးဇူးပြုခြင်း၏ အခြေခံအုတ်မြစ်သည် ကျွန်ုပ်တို့အပေါ်ထားသည့် သခင်ယေရူ၏ကျေးဇူးတော်နည်းလမ်း ပင်ဖြစ်ကြောင်း ရှင်ပေါလုရှင်းပြခဲ့သည်။ သခင်၏လူ့ဇာတိခံယူခြင်း (:၉-၁၀)တွင် လူသားများ သူ့ကို ယုံကြည်လက်ခံလာရေး သခင်ယေရှုသည်…

ကျွန်ုပ်တို့အနာဂတ်အတွက် ဘုရားရှင်၏အကူအညီ

စိတ်ပညာရှင် Meg Jay (မဂ်ဂျေး)၏အဆိုအရ ကျွန်ုပ်တို့၏စိတ်သည် မိမိတို့၏ အနာဂတ်ကိုတွေးရန် ဦးတည်နေပြီး ထိုသို့တွေးတောခြင်းသည် လုံးဝတစိမ်းဆန်သည့်အရာများကို တွေးတောခြင်းနှင့် အလားသဏ္ဌာန်တူသည်။ အဘယ့်ကြောင့်ဆိုသော် “စာနာစိတ် လိုအပ်ချက်” ဟု တစ်ခါတစ်ရံ ခေါ်ဆိုသည့် မိမိကိုယ်တိုင်ကိုယ်ကျ မသိကျွမ်းသူများကို စာနာနားလည်ရန်၊ ဂရုစိုက်ရန် ခက်ခဲနိုင်ခြင်း၊ မိမိ၏ရှေ့ရေးအနာဂတ်ကိုပင် နားလည်နိုင်ရန် ခက်ခဲခြင်းကြောင့် ဖြစ်ကောင်းဖြစ်နိုင်သည်။ ထို့ကြောင့် ဂျေးသည် သူမ၏အလုပ်တွင် လူငယ်များကို မိမိတို့၏အနာဂတ်ကို ပုံဖော်မြင်ယောင်ပြီး ထိုရည်ရွယ်ချက်အတိုင်း ဂရုတစိုက် လျှောက်လှမ်းနိုင်အောင် ကြိုးစားကူညီသည်။ ဤသို့ကူညီရာတွင် လူငယ်များ သူတို့၏အိပ်မက်နောက်သို့ လိုက်ရန်၊ ဆက်လက်ကောင်းမွန်အောင်မြင်စွာ လုပ်ဆောင်ရန် လမ်းကြောင်းပေးပြီး၊ တစ်နေ့တွင် ၎င်းတို့ဖြစ်ချင်သည့်သူများ ဖြစ်လာအောင် သူတို့လုပ်နိုင်သည့် လက်တွေ့ကျသောအစီအစဥ်များကို ဖန်တီးအကောင်အထည်ဖော်ခြင်းလည်း ပါဝင်သည်။

ဆာလံကျမ်း ၉၀ တွင် ကျွန်ုပ်တို့သည် လက်ရှိဘဝကိုသာ တွေ့မြင်နားလည်ခြင်း မဟုတ်ဘဲ အသက်တာတစ်ခုလုံးအတွက် “အကျွန်ုပ်တို့သည်…

နှိမ့်ချခြင်းသည် အမှန်တရားဖြစ်သည်

(၁၆) ရာစုနှစ် ယုံကြည်သူ စပိန်နိုင်ငံ၊ အဗီလာမြို့မှ ထရီဇာ (Teresa of Avila)သည် တစ်နေ့၌ ဘုရားသခင်သည် အဘယ့်ကြောင့် နှိမ့်ချခြင်းကို လွန်စွာတန်ဖိုးထားသနည်းဟု ဆင်ခြင်ရင်း ရုတ်တရက် အဖြေကို သိရှိခဲ့သည်။ “အဘယ်ကြောင့်ဆိုသော် ဘုရားသခင်သည် အမြင့်မြတ်ဆုံးသော သမ္မာတရားဖြစ်ပြီး နှိမ့်ချခြင်းသည် အမှန်တရားဖြစ်သည်။ ကျွန်ုပ်တို့ထံမှ မည်သည့်ကောင်းသောအရာမျှ မစီးဆင်းပါ။ကောင်းသောအရာသည် မြစ်နားမှာစိုက်သောအပင်ကဲ့သို့ စိတ်ဝိညာဥ်တည်ရှိအမှီပြုနေသော ကျေးဇူးတော်မြစ်ရေမှ စီးဆင်းလာပြီး တရားတော်နေမင်းသည် ကျွန်ုပ်တို့၏ကျင့်ကြံပြုမူမှုများကို ရှင်သန်စေသည်။” ထရီဇာက “ဆုတောင်းခြင်းသည် နှိမ့်ချခြင်း၏အလုံးစုံ အုတ်မြစ်ဖြစ်သောကြောင့် ဆုတောင်းခြင်း၌ ကျွန်ုပ်တို့ ပို၍နှိမ့်ချလေလေ ဘုရားသခင်သည် ကျွန်ပ်တို့ကို ပို၍ ချီးမြောက်လိမ့်မည်။ ထို့ကြောင့် ကျွန်ုပ်တို့သည် ဆုတောင်းခြင်းအားဖြင့် လက်တွေ့ဘဝ၌ မိမိကိုယ်ကို ကျောက်ချအခြေပြု ရှင်သန်ကြ၏”ဟု နိဂုံးချုပ်ခဲ့သည်။

နှိမ့်ချခြင်းနှင့်ပတ်သက်သော ထရီဇာ၏စကားများက ရှင်ယာကုပ်သြဝါဒစာ အခန်းကြီး ၄ ရှိ ကျမ်းစကားကို…

သော့

Thomas Keating (သောမတ်စ် ခိတင်)သည် သူ၏ဂန္တ၀င်စာအုပ် ‘The Human Condition’ (လူ့အခြေအနေ)တွင် ဤအမှတ်ရဖွယ်ပုံပြင်ကို ရေးထားသည်။ အိမ်သော့ပျောက်နေသည့် ဆရာတစ်ဦးသည် မြေပေါ် ဒူးရောလက်ပါ ထောက်ပြီး မြက်ခင်းများကြားတွင် သော့ကို ရှာဖွေရာ၊ သူ၏တပည့်များက တွေ့သည့်အခါ ကူညီ၍ ရှာဖွေခဲ့ကြသော်လည်း မတွေ့ခဲ့ပါ။ နောက်ဆုံးတွင် “ပို၍ဉာဏ်ကောင်းသည့် တပည့်တစ်ဦး”က “ဆရာ၊ ဆရာ့သော့ ဘယ်မှာပျောက်ခဲ့သလဲဆိုတာ မှတ်မိလား” ဟုမေးရာ ဆရာက “မှတ်မိတာပေါ့။ အိမ်ထဲမှာ ပျောက်တာ”ဟု ပြန်ဖြေသည်။ “ဒါဆိုဘာလို့ အပြင်မှာရှာနေတာလဲ” ဟု တပည့်များက အံ့အားသင့်စွာမေးရာ ဆရာက “‌မတွေ့ဘူးလား။ ဒီမှာအလင်းပိုရတယ်လေ” ဟု ပြန်ဖြေခဲ့သည်။

ကျွန်ုပ်တို့သည်လည်း “ဘုရား၏ချစ်မြတ်နိုးဖွယ် မျက်မှောက်တော်ကို ခံစားခြင်း ဟူသည့် ဘုရားနှင့်အကျွမ်းဝင်ရင်းနှီးမှု”သော့ကို ပျောက်တတ်ကြကြောင်း၊ “ထို‌အတွေ့အကြုံ မရှိဘဲ မည်သည့်အရာမျှ အလုပ်မဖြစ်သလို ထိုအကျွမ်းဝင်မှုရှိပါက မည်သည့်အရာမဆို…

ယုံကြည်စိတ်ချရသော ချစ်ခြင်းမေတ္တာ

“ဒီအကြောင်းကို ဘာလို့မတွေးဘဲ မနေနိုင်တာလဲ”ဟု ဝမ်းနည်းမှု၊ အပြစ်ရှိသည်ဟုခံစားရမှု၊ ဒေါသစိတ်၊ နားမလည်နိုင်မှုများနှင့် ခံစားချက်က ရှုပ်ထွေးနေသည်။

လွန်ခဲ့သောနှစ်များစွာက နက်နဲပြီးနာကျင်ခံစားခဲ့ရသည့် အပြုအမူကို ဖြေရှင်းရန် ကြိုးစားခဲ့သော်လည်း အရေးမထားဘဲ ငြင်းပယ်ခံရသည့် နောက်တွင် ကျွန်မနှင့်ရင်းနှီးသူတစ်ဦးနှင့် အဆက်အသွယ်ဖြတ်ရန် နာကျင်စွာ ဆုံးဖြတ်ခဲ့သည်။ ယနေ့တွင် သူမသည် မြို့သို့ပြန်ရောက်နေသည်ဟု ကြားပြီးနောက် ကျွန်မ၏ အတွေး၌ အတိတ်မှအဖြစ်အပျက်အဟောင်းများ ပြန်လည်အသစ်ဖြစ်လာသည်။

အတွေးများ တည်ငြိမ်ရန် ကျွန်မရုန်းကန်လျက်ရှိစဥ် ရေဒီယိုမှ သီချင်းတစ်ပုဒ်ကြားလိုက်ရသည်။ ထိုသီချင်းက သစ္စာဖောက်မှုအတွက် နာကျင်ခံစားရမှုကို ဖော်ကျူးထားသည်သာမက သစ္စာဖောက်သူ၌ ပြောင်းလဲမှုဖြစ်ပေါ်ပြီး၊ နာကျင်မှုပျောက်ကင်းပါစေဟု အလေးအနက် တောင့်တမှုကိုလည်း ဖော်ပြထားသည်။ ငြိမ့်ညောင်းသောအချစ်အလွမ်းသီချင်းက ကျွန်မ၏အနက်ရှိုင်းဆုံး တမ်းတမှုဆန္ဒစိတ်ကို ထင်ဟပ်နေသဖြင့် ခံစားရကာ ငိုမိပါသည်။

“မေတ္တာစိတ်သည် လျှို့ဝှက်ခြင်းနှင့် ကင်းစေလော့” ဟု ရှင်ပေါလုက ရောမသြဝါဒစာ ၁၂:၉ တွင် ရေးသားထားပြီး၊ မေတ္တာသည်…

အက္ခရာတင်ထားသည့် ဝမ်းနည်းကြေကွဲမှု

ဖြစ်တောင့်ဖြစ်ခဲပြီး ကုသ၍မရနိုင်သော ဉီးနှောက်အကြိတ်ကင်ဆာဖြစ်နေပြီ ဟူသည့်ဆေးစစ်ချက်ရလဒ် ထွက်လာပြီးနောက်တွင် ကယ်ရိုလိုင်းသည် အသည်းအသန် ဖျားနာသည့် ကလေးလူနာနှင့် ၎င်းတို့၏မိသားစုများအတွက် ဓာတ်ပုံရိုက်ပေးသည့် ပရဟိတလုပ်ငန်းကို လုပ်ဆောင်ပေးခြင်းဖြင့် ဘဝမျှော်လင့်ချက်အသစ်၊ ဘဝရည်မှန်းချက်အသစ်ကို ပြန်လည်ရရှိခဲ့သည်။ ဤလုပ်ငန်းအားဖြင့် “ဝမ်းနည်းကြေကွဲချိန်နှင့် ရောဂါအသည်းအသန်ဖြစ်နေချိန်များ၌ ရှိမည်မဟုတ်ဟု ခံစားရသည့် လှပသောအချိန်များ”တွင်ပါ ကလေးလူနာနှင့် မျှဝေခံစားသည့် အဖိုးတန်အချိန်လေးကို မိသားစုအတွက် မှတ်တမ်းတင်ပေးနိုင်ခဲ့သည်။ “အဆိုးဆုံး မြင်ယောင်ကြည့်နိုင်တဲ့အတိုင်းအတာအထိ ခက်ခဲနေချိန်မှာ အဲဒီမိသားစုတွေက ဖြစ်နေတဲ့အခြေအနေကို လျစ်လျူရှုပြီး မေတ္တာပြချစ်ကြင်နာဖို့ ရွေးချယ်ခဲ့တယ်” ဟု သူတွေ့ရှိရသည်။

ယူကျုံးမရ စိတ်ထိခိုက်ရသည့်အဖြစ်မှန်နှင့် ထိုအခြေအနေကြားမှ တင့်တယ်လှပမှုနှင့် မျှော်လင့်ခြင်းကို ခံစားရခြင်းဟူသည့် ဝမ်းနည်းကြေကွဲမှု၏အမှန်တရားကို ဆုပ်ကိုင်နားလည်ရေးက မပြောပြနိုင်လောက်သောစွမ်းအားတစ်ခု ရှိနေပါသည်။

ယောဘဝတ္ထု၏အပိုင်းများစွာသည် ယူကျုံးမရဖြစ်စေသည့် ဆုံးရှုံးမှုများအားဖြင့် ယောဘ၏ဘဝခရီးကို အရှိအတိုင်း ရိုးသားစွာ အမိအရဖော်ပြလျက် ဝမ်းနည်းကြေကွဲမှုကို ချပြသည့် ဓာတ်ပုံနှင့် တူပါသည် (၁:၁၈-၁၉)။ ယောဘနှင့်…

သိနားလည်မှုဘောင်အလွန်

ကိုဗစ်-၁၉ ကမ္ဘာ့ကပ်ရောဂါကြောင့် ကျွန်မ၏ခင်ပွန်းကိုလည်း အခြားဝန်ထမ်းများနည်းတူ အလုပ်မှ အချိန်ကာလတစ်ခုအထိ လစာမဲ့ ခွင့်ပေးတော့မည်ဟု သိရသောအခါ ကျွန်မအခက်ကြုံတော့သည်။ အခြေခံလိုအပ်ချက်များကို ဘုရားသခင် ဖြည့်ဆည်းပေးမည်ကို ယုံကြည်သော်လည်း ကိုယ်တော်မည်သို့ မစမည်နည်းဟု မသေချာမှုက စိုးကြောက်စရာဖြစ်ခဲ့သည်။

ရှုပ်ထွေးနေသော ကျွန်မ၏စိတ်ခံစားမှုကို ပြန်သုံးသပ်ရင်း (၁၆) ရာစုနှစ်ကပြုပြင်ပြောင်းလဲရေးသမား John of the Cross (ကားတိုင်၏ဂျွန်) ရေးသားခဲ့သည့် ကဗျာတစ်ပုဒ်ကို ပြန်လည်သတိရမိသည်။ ‘I Went In, I Knew Not Where’ (ကျွန်ုပ်တိုးဝင်ခဲ့လည်း ဘယ်နေရာမှန်းမသိခဲ့) ဟူသည့်ကဗျာလေးက “မိမိ၏သိနားလည်မှုဘောင် အလွန်”၊ လက်မြှောက်အရှုံးပေးရသည့် ဘဝခရီး၌ တွေ့ရသည့် “ရုပ်ဖျက်ယောင်ဆောင်ရောက်လာသော ဘုရားသခင်၏မစမှု”ကို ပိုမိုသိနားလည်ရသည့် အံ့သြဖွယ်ရာအကြောင်းကို ဖွဲ့ဆိုထားခြင်းဖြစ်သည်။ သို့နှင့် ကျွန်မတို့ဇနီးမောင်နှံသည် ဤအချိန်တွင် မိမိထိန်းနိုင် နားလည်နိုင်သည့်အရာမှသည် ကျွန်မတို့ပတ်လည်၌ ဘုရားသခင်ကိုတွေ့နိုင်မည့် မျှော်လင့်မထားသော၊ အံ့သြဆန်းကြယ်သော၊…

ချီးမွမ်းရန်ရွေးချယ်ခြင်း

စာရေးဆရာမ Marilyn McEntyre (မာရီလင် မက်အန်ထိုင်ရား)က “မနာလိုငြူစူခြင်း၏ဆန့်ကျင်ဘက်က ချီးမွမ်းခြင်းပဲ” ဟုမိတ်ဆွေတစ်ဦးထံမှသိရှိခဲ့ရသည်။ ထိုမိတ်ဆွေတွင် မိမိအရည်အချင်းများကို မျှော်လင့်ထားသလို တိုးတက်အောင် မလုပ်နိုင်သည့် ရုပ်ပိုင်းဆိုင်ရာမသန်စွမ်းမှုနှင့် နာတာရှည်ရောဂါရှိလျက်ပင် သူမသည် ဝမ်းမြောက်ခြင်းကို ထူးခြားစွာဖော်ပြနိုင်၍ အခြားသူများနှင့်အတူ ချီးမွမ်းနိုင်သည်။ သူမသည် မကွယ်လွန်မီ “တွေ့ကြုံခံစားရသမျှအတွက် ကျေးဇူးတင်ချီးမွမ်းခဲ့သည်”။

ဤ “မနာလိုငြူစူခြင်း၏ဆန့်ကျင်ဘက်က ချီးမွမ်းခြင်းပဲ” ဟူသောအမြင် သည် ကျွန်မစိတ်၌စွဲလျက်၊ ဤသို့ နှိုင်းယှဥ်မှုကင်းပြီး အခြားသူများအတွက် လေးနက်စစ်မှန်သောဝမ်းမြောက်ခြင်းဖြင့် အသက်ရှင်ကြသည့် ကျွန်မ၏ အသက်တာရှိ သူငယ်ချင်းများကို သတိရစေသည်။

မနာလိုခြင်းသည် အလွယ်တကူကျသွားနိုင်သော ထောင်ချောက်ဖြစ်သည်။ “ငါသာ ဒီလိုဖြစ်ရင်... ဟိုလိုဖြစ်ရင်... ရုန်းကန်နေရမှာမဟုတ်ဘူး၊ ဝမ်းနည်းနေရမှာ မဟုတ်ဘူး”ဟု မနာလိုမှုက တီးတိုးရေရွတ်ကာ ကျွန်မတို့၏အနက်ရှိုင်းဆုံးသော အားနည်းချက်များ၊ ဒဏ်ရာများနှင့် အကြောက်တရားများကို မှီပြီးရှင်သန်သည်။

ရှင်ပေတရုက ယုံကြည်သူသစ်များအား သတိပေးထားသကဲ့သို့ပင် မနာလိုခြင်းက ကျွန်ုပ်တို့အား…

ခရစ်တော်ကဲ့သို့ စုံလင်ခြင်းရှိကြလော့

“စုံလင်ခြင်းဝါဒ ဟူသည် ကျွန်မအား အခြောက်လှန့်ဆုံးသော စကားလုံး ဖြစ်သည်” ဟု Kathleen Norris (ကက်သလင်းနောရစ်)က ခေတ်သစ်စုံလင်ခြင်းဝါဒနှင့် ရှင်မဿဲခရစ်ဝင်ကျမ်းတွင် ဖော်ပြထားသည့် “စုံလင်ခြင်း”ကို အလေးအနက်ဆင်ခြင်လျက် နှိုင်းယှဉ်ဖော်ပြသည်။ ခေတ်သစ်စုံလင်ခြင်းဝါဒ ဆိုသည်မှာ “လူတို့အရဲစွန့်ပြီး တာဝန်မခံရဲလောက်အောင် ကြောက်ရွံ့ခံစားရစေသည့် ပြင်းထန်သော စိတ်ပိုင်းဆိုင်ရာဝေဒနာ”ဟု သူမက ဖော်ပြထားသည်။ သို့သော် ရှင်မဿဲခရစ်ဝင်ကျမ်းတွင် ဖော်ပြသည့် “စုံလင်ခြင်း”သည် ရင့်ကျက်ခြင်း၊ ပြည့်စုံခြင်း (သို့) အလုံးစုံကောင်းမွန်ခြင်း ဟူသောအဓိပ္ပာယ်ကို ဆောင်သည်။ “ပြည်စုံကောင်းမွန်ခြင်းသို့ ရောက်ရှိရန် ‘တိုးတက်မှုကို နေရာပေးရမည်’ဖြစ်ပြီး၊ အခြားသူအတွက် ကိုယ့်ကိုယ်ကို ပေးဆပ်နိုင်သည်ထိ ရင့်ကျက်လာခြင်းဖြစ်သည်ဟု နောရစ်က နိဂုံးချုပ်သည်။

စုံလင်ခြင်း၏အဓိပ္ပာယ်ကို ဤသို့နားလည်ခြင်းက ရှင်မဿဲခရစ်ဝင်ကျမ်း ၁၉ တွင် ဖော်ပြသည့် လူတစ်ယောက်က “ထာဝရအသက်ကိုရအံ့သောငှာ” (:၁၆) မည်သို့သောကောင်းမှုကို ပြုရမည်နည်းဟုမေးလျှောက်သည့် လေးနက်သောအကြောင်းအရာကို ရှင်းလင်းစွာ နားလည်စေသည်။ “ပညတ်တော်တို့ကို…