ဘုရားသခင်၏ ကြွယ်ဝသောထောက်ပံ့မှု

၂၀၂၄ ခုနှစ်တွင် ဟယ်လင်မုန်တိုင်းနှင့် ရေလွှမ်းမိုးမှုကြောင့် မြောက်ကာရိုလိုင်းနားရှိမြို့ငယ်လေးမှာ ပျက်စီးလုနီးပါး ဖြစ်သွားခဲ့ပြီးနောက်၊ သင်းအုပ်ဆရာတစ်ဦးသည် စိတ်အားတက်ဖွယ်ရာတစ်ခုကို သတိပြုမိခဲ့သည်။ “ဘာလိုသလဲ”ဟူသော မေးခွန်းကို ဖြေဆိုရန် ကြိုးစားနေစဉ်၊ သူလိုအပ်သည့်အချိန်တွင် အလှူငွေများကွက်တိ ရောက်လာခဲ့သည်။ ဖုန်းအားသွင်းရန်လိုသလား။ ရုတ်တရက် လူတစ်ဦးသည် မီးစက်တစ်လုံးနှင့်ရောက်လာပြီး၊ ဘုရားကျောင်းတွင် ဖုန်းအားသွင်းရန်နေရာတစ်ခုကို ဖန်တီးပေးခဲ့သည်။ သောက်ရေလိုသလား။ ချက်ခြင်းပင် ရေသန့်ဘူးများ ကတ်လိုက် ရောက်လာခဲ့သည်။

တိုက်ဆိုင်မှုလား။ တိုက်ဆိုင်မှုမဟုတ်ကြောင်း “ငါ၏ဘုရားသခင်သည် ဘုန်းအာနုဘော်၌ စံပယ်တော်မူသော စည်းစိမ်ရှိသည်အတိုင်း၊ သင်တို့အလိုရှိသမျှတို့ကို ယေရှုခရစ်အားဖြင့် ပြည့်စုံစေတော်မူလိမ့်မည်”ဟူသော ဘုရားသခင်၏ကတိတော်ကို သမ္မာကျမ်းစာက ညွှန်ပြနေသည် (ဖိ ၄:၁၉)။ ပေ ၃၀ မြင့်သော ရေထုကြီးကြောင့် ပြိုလဲလုနီးပါးဖြစ်နေသောမြို့အတွက် ထိုကတိတော်သည် အချည်းနှီးဖြစ်ပုံရပါသည်။ သို့သော် အထက်ပါစကားဖြင့် အားပေးခဲ့စဥ်က ရှင်ပေါလုသည် အကျဉ်းထောင်ထဲတွင်ရှိနေပြီး သူသည် ဆင်းရဲဒုက္ခများနှင့် မစိမ်းခဲ့ပေ။

ပေါလုသည် အလွန်လိုအပ်နေသော…

ကလေးများကို ဘုရားသခင်ချစ်သကဲ့သို့ ချစ်ခြင်း

နွေရာသီတစ်လျှောက်လုံးတွင် ကျွန်မတို့အနောက်ဘက်အိမ်မှ ကလေးများသည် နာရီများစွာ ဒန်းစီးခဲ့ကြသည်။ ထိုဒန်းမှထွက်သောအသံမှာ ဆူညံသည်။ ကလေးများသည် ထိုတကျွိကျွိမြည်သံကြောင့် အနှောင့်အယှက် ဖြစ်ပုံမရဘဲ အတောမသတ်နိုင်အောင် ဒန်းစီးခဲ့ကြသည်။ ကျွန်မသည် ညည်းညူရင်း မိဘများက ဒန်းကို အဘယ်ကြောင့် ဆီမထိုးပေးသနည်းဟု ကျွန်မခင်ပွန်းကို ပြောဖြစ်သည်။ သို့သော် ထိုကိစ္စအတွက် ဆုတောင်းနေရင်း ကျွန်မ၏စိတ်ထဲတွင် အပြောင်းအလဲတစ်ခုကို သတိထားမိသည်။ သူတို့၏မိသားစုခြံဝင်းအတွင်း တွေ့ရှိရသော စိတ်ချယုံကြည်မှုမှ ပေါက်ဖွားလာသည့် ကလေးများ၏ ရယ်မောသံနှင့် ပျော်ရွှင်မှုကို ကျွန်မ မြင်ခဲ့သည်။ ခေါ်လိုက်ရုံဖြင့် ရောက်လာနိုင်သော မိဘများ အနီးအနားတွင် ရှိနေခြင်းကိုလည်း မြင်ခဲ့ရသည်။

သခင်ယေရှုသည် ကလေးများအကြောင်း မိန့်ကြားသောအခါ ထိုကဲ့သို့သော ယုံကြည်ခြင်းအကြောင်းကို မိန့်တော်မူခဲ့သည်။ လူတို့သည် သခင်ယေရှု ကောင်းချီးပေးရန် သူတို့၏ကလေးငယ်များကို သခင့်ထံ ခေါ်ဆောင်လာကြသော်လည်း စိတ်အနှောင့်အယှက်ဖြစ်နေသော တပည့်တော်များက ထိုမိဘများကို ဆူပူကြိမ်းမောင်းခဲ့ကြသည် (မာ ၁၀:၁၃)။…

ဘုရားသခင်၌ မြဲမြံစွာ ရပ်တည်ခြင်း

မနက်ခင်းဖြစ်၍ ကျွန်မ၏ခင်ပွန်းသည် သူ့ဖုန်းမှ အကြိုက်ဆုံးချီးမွမ်းသီချင်းဖြစ်သော “ကျွန်ုပ်၏ဝိညာဉ်သည် ခိုင်ခံ့နေပါသည်” (My Soul Is Anchored) ကို ရွေးဖွင့်သည်။ သီချင်းစာသားများက မငြိမ်မသက်ဖြစ်နေချိန်များတွင် ဘုရားသခင်၌သာ မျှော်လင့်ခြင်းကို ဖော်ကျူးသည်။ တလိမ့်လိမ့်တက်လာပြီး၊ ကမ်းကိုရိုက်ခတ်လာသော လှိုင်းတံပိုးများအကြောင်း သတိပေးသည့် စာသားများကို ဒန် (Dan)က လိုက်ဆိုသည်။ သို့သော် ဘုရားသခင်သည် ကျွန်မတို့ကို မြဲမြံစွာ ကိုင်ဆွဲထားသောကြောင့် ကျွန်မတို့ ယိမ်းယိုင်သွားခြင်း မရှိကြောင်း သီချင်း၌ ဖွဲ့ဆိုထားသည်။

ဤစကားလုံးများသည် သင်္ဘော၏ကျောက်ဆူး၏အလုပ်ကို ပြီးပြည့်စုံစွာ ဖော်ပြနေသည်။ ကျောက်ဆူး“လက်တံများ”ကို ပင်လယ်နက်ထဲ ချခြင်းအားဖြင့် ၎င်းသည် သင်္ဘောငြိမ်အောင်ထိန်းပေးပြီး၊ ပြင်းထန်သော လေပြင်းတိုက်ခတ်မှုအတွင်း ‌မျောပါမသွားအောင်၊ ယိမ်းယိုင်မသွားအောင် ကာကွယ်ပေးသည်။

ကျောက်ဆူးသည် ဘဝ၏ရှုပ်ထွေးမှုများကြားတွင်ပင် ကျွန်ုပ်တို့မြဲမြံစွာကိုင်စွဲသည့် သခင်ခရစ်တော်အပေါ် မျှော်လင့်ခြင်းကို ထင်ဟပ်လျက် ခရစ်ယာန်ယုံကြည်ခြင်း၏စံနမူနာတစ်ရပ်ဖြစ်လာသည်။ ဟေဗြဲဩဝါဒစာရေးသားသူ ဆိုသကဲ့သို့ “ထိုမျှော်လင့်ခြင်းမူကား၊ ကုလားကာအတွင်း၌ချ၍…

တိုးပွားရန် ဆုတောင်းပါ

Lam Wai Chan (လမ်ဝေချန်း) သည် မိမိဇာတိ စင်္ကာပူမှ သင်းအုပ်အဖြစ်အစေခံရန် ဂျပန်နိုင်ငံသို့သွားခဲ့ပြီးနောက် အလွန်ကြောက်ရွံ့နေသည်။ ထိုအသင်းတော်၌ အသင်းသား ၂၀ သာ ရှိသည်။ နိုင်ငံသား၏တစ်ရာခိုင်နှုန်းသာ ခရစ်ယာန်ကိုးကွယ်သူရှိပြီး၊ ဘုရားရှိခိုးကျောင်း အတော်များများသည် လူမရှိဘဲ အခွံချည်း သက်သက်ဖြစ်၍ “သာသနာပြုတို့၏သင်္ချိုင်း”ဟု ထိုနိုင်ငံတွင် သိမှတ်ကြသည်။ “နစ်မြှုပ်လုဆဲဆဲသင်္ဘောကို လက်လွှဲယူခဲ့သလို လမ် ခံစားရသည်”။ ဘုရားသခင်ထံ သူဟစ်အော်ခဲ့ပြီးနောက် “အဲဒီအသင်းတော်ကို ငါ့လက်ထဲပြန်ပေး” ဟူသည့် အဖြေကို ရသကဲ့သို့ သူခံစားရသည်။

ဝတ်ပြုကိုးကွယ်ပုံ (သို့) သီချင်းဂီတကို ပြင်ဆင်ဆန်းသစ်ခြင်းထက် ဝေချန်းသည် အသင်းသားများအား ၎င်းတို့၏လိုအပ်ချက်များ၊ သခင်ယေရှုကို မသိသေးသော မိသားစုဝင်များနှင့် သူငယ်ချင်းများအတွက် ဆုတောင်းရန် နှိုးဆော်ခဲ့သည်။ တဖြည်းဖြည်းနှင့် အသင်းတော်သည် နှစ်ဆတိုးပွားခဲ့သည်။

သူတို့၏သစ္စာရှိစွာဆုတောင်းခြင်းသည် ရှင်သန်သော၊ ယေရှုကို ယုံကြည်သူ အစုအဖွဲ့တစ်ခုကို တည်ဆောက်သည့် သမ္မာကျမ်းစာလာပုံစံတစ်ခုဖြစ်သည်။ ဦးစွာပထမ…

မေတ္တာပန်းများ ပွင့်လန်းချိန်

ပွင့်လန်းနေမှ ပန်းများ လှပသည် မဟုတ်ပါဟု နာမည်ကျော် ရှုခင်းဒီဇိုင်းပညာရှင် Piet Oudolf(ပီယက် အူဒေါ့ဖ်)က ပြောပါသည်။ အေးခဲသောဆောင်းရာသီ၌ပင် ထိုဒတ်ခ်ျ လူမျိုးဥယျာဉ်မှူး၏ ဆုရဒီဇိုင်းများသည် အလွန်ရင်သပ် ရှုမောဖွယ်ဖြစ်သည်။ “သင်ထင်မထားတဲ့အရာများစွာထဲမှာ အလှတရားတွေ ရှိနေပါတယ်” ဟု အူဒေါ့ဖ်က ဆိုသော်လည်း အချို့ကမူ ၎င်းကို သဘောမတူပေ။ “သေနေတဲ့ (ဆောင်းခိုနေတဲ့) အပင်တွေကို ကျွန်တော် ချစ်တယ်လို့ ပြောတဲ့အခါ လူတွေက သေနေတဲ့အပင်ကို မကြိုက်ဘူးဆိုတော့ ပြဿနာပဲပေါ့”ဟု သူက ပြောသည်။

အပင်များ၏ဘဝစက်ဝန်းအပေါ် အူဒေါ့ဖ်၏တန်ဖိုးထားမှုသည် ဒုစရိုက်အပြစ်၌ ကျွန်ုပ်တို့သေလျက်ရှိစဉ် ကျွန်ုပ်တို့ကို ဘုရားသခင် ချစ်တော်မူသည်ဟူသော ဝိညာဉ်ရေးရာ အခြေခံမူနှင့် ထပ်တူကျနေသည်။ တမန်တော်ပေါလုက “ငါတို့သည် အကျိုးနည်းရှိစဉ်တွင် အချိန်တန်မှ ခရစ်တော်သည် မတရားသောသူတို့အတွက်ကြောင့် အသေခံတော်မူ၏” (ရောမ ၅:၆) ဟု ရှင်းပြခဲ့သည်။ ဆက်လက်၍ “ငါတို့သည်…

နက်ရှိုင်းသောအမြစ်များ

ရှုခင်းဗိသုကာပညာရှင် ဒေါက်ကလပ်စ်ခန့်ထ် (Douglas Kent) သည် ၂၀၂၅ခုနှစ် တောမီးလောင်ခဲ့ပြီးနောက် မီးကျွမ်းနေသော လော့စ်အိန်ဂျလိစ် ပတ်ဝန်းကျင်ကို လှည့်ပတ်ကြည့်ရှုစဉ် အရည်ပျော်နေသော ကားများနှင့် မီးလောင်ထားသော အဆောက်အအုံဘေးတွင် ရှင်သန်စိမ်းလန်းသော သစ်ပင်များကို အံ့ဩဖွယ်တွေ့ခဲ့ရသည်။ အပင်များစွာမှာ ခိုင်ခံ့သောပင်စည်နှင့် အကိုင်းအခက်များရှိပြီး၊ ထန်းပင်၌ ထန်းရွက်များစိမ်းလန်းလျက် အသီးများက အပြွတ်လိုက်သီးနေသည်။

နှစ်ကြိမ်ဆက်တိုက် မိုးရွာသည့် ဆောင်းအကုန်တွင် အမြစ်များက မြေဆီလွှာထဲသို့ နက်စွာတိုးဝင်သွားပြီး အစိုဓာတ်ရယူကာ အကိုင်းအခက်အရွက်များသို့ အစိုဓာတ်ကို ပို့ဆောင်ပေးသည်။ ဤသို့ဖြင့် မီးဒဏ်ကို ခံနိုင်ရည်ရှိကြောင်း သက်သေပြခဲ့သည်။ “တကယ်လို့ ကိုယ်က နက်ရှိုင်းစွာအမြစ်တွယ်နေမယ်ဆိုရင် ကိုယ်ရှင်သန် မယ်ဆိုတာ ကျွန်တော်မြင်ခဲ့ရတယ်”ဟု ခန့်ထ်က ပြောခဲ့သည်။

ဘဝ၏ပြင်းထန်သောစုံစမ်းစစ်ကြောမှုများအတွင်း ကျွန်ုပ်တို့ယုံကြည်ခြင်းသည် ထိုကဲ့သို့ဖြစ်နိုင်သည်။ ခရစ်တော်နှင့် သူ၏ချစ်ခြင်းမေတ္တာ၌ ကျွန်ုပ်တို့၏ ဝိညာဉ်ရေးအမြစ်ကို နက်ရှိုင်းစွာ အမြစ်တွယ်စေသည်နှင့်အမျှ ကျွန်ုပ်တို့သည် “ရေရှိရာအရပ်၌ စိုက်၍ မြစ်နားမှာ…

ကောင်းမြတ်သောခံစစ်

ဘတ်စကတ်ဘောကွင်းတွင် ကျွန်မတို့မြေး၏ခုနစ်တန်းကျောင်းသား အသင်းသည် အနိုင်ရရန် အကောင်းဆုံးကစားခဲ့ကြသည်။ တိုက်စစ်ဖြင့် ကစားရန်မှာ သူတို့၏ ရည်မှန်းချက်ဖြစ်သည်။ သို့သော် သူတို့၏နည်းပြက ဂိုးသွင်းပြီးတိုင်း မိမိကွင်းဘက်သို့ အမြန်နေရာယူလျက် (သူတို့မကစားချင်သော) ခံစစ်ဖြင့် ကစားရန် ညွှန်ကြားခဲ့သည်။ လူတိုင်းက အနိုင်ရချင်သည်။ သို့သော် ဂိုးမပေးရအောင် ကြိုးစားခုခံ ကာကွယ်ရန် မည်သူမျှ ဆန္ဒရှိပုံမရပါ။

နည်းပြက ပြိုင်ဘက်ကစားသမားများ၏ လှုပ်ရှားမှုများကို ကြိုတင်မျှော်လင့်ထားရန် အဓိကသင်ကြားပေးသည်။ အရှေ့သို့ပြေးကာ ဘောလုံးကို ဖြတ်ဖမ်းခြင်း (သို့) ဘောလုံး လှမ်းပစ်ပေးခြင်းက တစ်ဘက်အသင်းအမှတ်မယူနိုင်အောင် ကန့်လန့်တားဆီးခြင်းဖြစ်ပြီး မိမိအသင်းအောင်နိုင်ရေးကို အထောက်အကူပြုသည်။

ကျွန်မတို့ရန်သူ၏လှုပ်ရှားမှုများကို ကြိုတင်စောင့်ကြည့်သည့် ခံစစ်ပရိယာယ်သည် ကျွန်မတို့၏ ဝိညာဥ်ရေးအသက်တာအတွက်လည်း အထောက်အကူဖြစ်စေသည်။ ထိုရန်သူက မည်သူနည်း။ “သင်တို့၏ရန်သူတည်းဟူသော မာရ်နတ်သည် ဟောက်သောခြင်္သေ့ကဲ့သို့ အဘယ်သူကို မြိုရမည်နည်းဟူ၍ လှည့်လည်ရှာဖွေလျက်ရှိ၏”(၁ ပေ ၅:၈)။ ထို့ကြောင့် “သမ္မာသတိရှိလျက် မအိပ်ဘဲ…

တစ်လှမ်းချင်း မှန်မှန်သွားပါ

လီလီယံကိုလုံ(Lillian Colon)သည် မိဘမဲ့ဂေဟာတွင် ကြီးပြင်းလာသူဖြစ်ပြီး၊ ကမ္ဘာကြီး၏အာရုံစူးစိုက်ခံရသည့် အဖွဲ့လိုက် အကပြိုင်ပွဲတွင် ပြိုင်ဘက်အသင်းမှ ကချေသည် အယောက် ၄၀၀ ကို အနိုင်ယူခဲ့သူဖြစ်သည်။ သူမသည် ညီညာစွာကတတ်ရန် စည်းကမ်းအလွန်ကြပ်မတ်သည့် လေ့ကျင့်မှုအောက်တွင် အသက် ၄၀ ကျော်သည် အထိ ထိုအကအဖွဲ့တွင် ပါဝင်ခဲ့သည်။ ယခုအခါ သူမသည် အသက် ၇၀ ရှိပြီဖြစ်ကာ၊ အကဆရာမအဖြစ် သင်တန်းသားများအား “အတူတကွလုပ်ဆောင်ခြင်း”ဟူသည့် တိကျသေချာသောကကွက်များကို ဆက်လက် လက်ဆင့်ကမ်း သင်ကြားပေးလျက်ရှိသည်။ “ကျွန်မတို့ရဲ့အသက်တာဟာ စင်ပေါ်မှာဖြစ်စေ၊ စင်အောက်မှာဖြစ်စေ နက်နဲစွာယှက်နွယ်လျက်ရှိတယ်။ ... “တစ်ဦးနှင့်တစ်ဦး ဂရုစိုက်ပြီး ပံ့ပိုးကူညီကြတဲ့အခါ ကျွန်မတို့ပိုပြီးတိုးတက်လာပါတယ်”ဟုပြောပြသည်။

အရေးပါသော ထိုနိယာမကို ရှင်ပေါလုသိသည်။ သခင်ခရစ်တော်၌ သဟဇာတဖြစ်ခြင်းသည် ဘုရားသခင်ကို ချီးမြှောက်ချီးမွမ်းရသည့်အကြောင်းရင်း အစစ်အမှန်ဖြစ်သည်။ ရှင်ပေါလုက ရောမမြို့ရှိ ယုံကြည်သူ ယုဒလူမျိုးများနှင့် တစ်ပါးအမျိုးသားများအား စည်းလုံးညီညွတ်မှုရှိရန် နှိုးဆော်သွန်သင်ခဲ့ပြီး၊ “သင်တို့သည်…

ရှင်ပြန်ထမြောက်ခြင်းတန်ခိုး

အသုံးစရိတ်ငွေ ဒေါ်လာ ၁၀၀ သည် Loretta(လော်ရက်တာ)အတွက် ပုံမှန်ထက် များစွာမြင့်မားသည်။ “ဘုရားထောက်ပံ့ ပေးပါလိမ့်မယ်”ဟု သူ့သားကို ပြောခဲ့သည်။ ထိုနေ့တွင်ပင် သူမ၏မောင်အငယ်ဆုံးထံမှ စာတိုလေးရရှိသည်။ “လော်ရက်တာ၊ အမက ကျွန်တော့်ကို အမြဲအားပေးတဲ့အတွက် ကျေးဇူးတင်ချင်လို့ပါ။ အစ်မရဲ့အီးမေးလ်ကို ကြည့်လိုက်ပါ”ဟု ဆိုထားသည်။ ထိုနေ့လယ်က သူ့အီးမေးလ်၌ သူ့မောင်ထံမှ ဒေါ်လာ ၁၀၀ တန် လက်ဆောင်ကတ်(gift card)ကို တွေ့ရှိခဲ့သည်။ အံ့ဩစရာလား။ တစ်ချို့အတွက် အံ့ဩစရာမဟုတ်ပါ။ သို့သော် လော်ရက်တာအတွက် ထို“တိုက်ဆိုင်မှု”သည် အံ့ဩဖွယ်ဟု ခံစားခဲ့ရသည်။ သူမကို ထောက်ပံ့ပေးရန် အသက်ရှင်သော ဘုရားသခင်အား သူအမြဲမျှော်လင့်ထားသည်။

သူ၏အမြင်သည် ယေရှု၏ရှင်ပြန်ထမြောက်ခြင်းအဖြစ်အပျက်မှ သင်ခန်းစာတစ်ခုကို မီးမောင်းထိုးပြသည်။ ဥပုသ်နေ့ ပြီးနောက်၊ အမျိုးသမီးသုံးဦးသည် သင်္ချိုင်းတွင်းရှိ ယေရှု၏အလောင်းတော်ကို လိမ်းကျံရန် အမွှေးနံ့သာများ ဝယ်ခဲ့သည်။ သို့သော် အရုဏ်တက်ပြီးနောက် သင်္ချိုင်းသို့ သွားကြရာ၊…

ယုံကြည်ခြင်းဖြင့် ရှေ့ဆက်ပါ

Maxcy Filer(မက်စ်ဆီဖိုင်လာ)သည် ပြည်နယ်အစိုးရ၏အလွန်ခက်ခဲပင်ပန်းသော ၃ ရက်ကြာ ရှေ့နေစာမေးပွဲကို အောင်မြင်မှ ကယ်လီဖိုးနီးယားပြည်နယ်တွင် ရှေ့နေဖြစ်လာမည်ဖြစ်သည်။ ထို့ကြောင့် သူသည် ထိုခက်ခဲသောစာမေးပွဲကို တစ်ကြိမ်၊ နှစ်ကြိမ်မဟုတ်ဘဲ ၄၈ ကြိမ်ဖြေဆိုပြီးမှ အောင်မြင်ခဲ့သည်။

သူ၏ရည်မှန်းချက်မှာ သူချစ်သော ကွမ်တန်မြို့မှ အခွင့်အရေးမဲ့သူများအတွက် ကူညီဆောင်ရွက်ပေးရန် ဖြစ်သည်။ စာမေးပွဲဖြေဆိုသည့် ပထမဆုံးနှင့် နောက်ဆုံးအကြိမ်ကြိုးစားမှုကြား နှစ်ပေါင်း ၂၅နှစ်တာအတွင်း ဖိုင်လာတို့ ဇနီးမောင်နှံသည် ကလေးခုနစ်ယောက်ကို ပြုစုပျိုးထောင်ခဲ့ပြီး ထိုကလေးအားလုံးကို ကောလိပ်ပို့ခဲ့ကြသည်။ ဖိုင်လာကျမ်းသစ္စာကျိန်ဆိုသောအခါ တရားသူကြီးက “မက်စ်ဆီဖိုင်လာနှင့်ပတ်သက်ပြီး ပြောစရာ စကားလုံး ၃ လုံးရှိတယ်။ အဲဒါက ဇွဲလုံ့လ၊ ဇွဲလုံ့လ၊ ဇွဲလုံ့လပဲဖြစ်တယ်” ဟုပြောခဲ့သည်။

ဖိုင်လာအကြောင်းက သမ္မာကျမ်းစာမှ ဇွဲလုံ့လဖြင့် မဆုတ်မနစ်ကြိုးစားခဲ့သူများကို သတိရစေသည်။ ဟေဗြဲဩဝါဒစာရေးသူက လူအချို့“ယုံကြည်ခြင်းနှင့်ယှဉ်သော ဖြောင့်မတ်ခြင်းကိုလည်း အမွေခံရ”သူ နောဧ (၁၁:၇)၊ အာဗြဟံ၊ ဣဇာက်၊ ယာကုပ်…