ဘုရားသခင်၏ရက်ရောသော ချစ်ခြင်းမေတ္တာ

ဗိုလ်ချုပ်ကြီး ဝီလီယမ်မက်ရေဗန် (William McRaven) သည် ဘွဲ့ယူကျောင်းသားများအတွက် နေ့စဉ်အိပ်ယာသိမ်းခြင်းအကြောင်း မိန့်ခွန်းချွေသည့် စစ်သား တစ်ဦးအဖြစ် ထင်ရှားသူဖြစ်ပြီး၊ ထိုမိန့်ခွန်းသည် အွန်လိုင်း၌ ကြည့်ရှုသူ သန်း ၁၀၀ ရရှိခဲ့သည်။ သို့သော် ရေတပ်အထူးစစ်ဆင်ရေးဗိုလ်ချုပ်ကြီးက အလွန်စိတ်ဝင်စားဖွယ်ကောင်းသော နောက်ထပ်သင်ခန်းစာကို မျှဝေထားသည်။ အရှေ့အလယ်ပိုင်းစစ်ဆင်ရေးအတွင်း အပြစ်မဲ့မိသားစုဝင်အချို့ကို မှားပြီး သတ်မိခဲ့သည့်အတွက် မက်ရေဗန်က ဝမ်းနည်းစွာ ဝန်ခံခဲ့သည်။ ထိုမိသားစုအား စိတ်ရင်းမှန်ဖြင့် တောင်းပန်ရန်လိုအပ်သည်ဟု ယုံကြည်၍ မက်ရေဗန်သည် စိတ်နှလုံးကြေကွဲနေသောဖခင်အား ခွင့်လွှတ်ပေးရန် ရဲဝံ့စွာတောင်းပန်ခဲ့သည်။

“ကျွန်တော်က စစ်သားပါ။ ကျွန်တော့်မှာလည်း သားသမီးရှိပါတယ်။ကျွန်တော့်နှလုံးသားက သင့်အတွက် ကြေကွဲဝမ်းနည်းရပါတယ်”ဟု မက်ရေဗန်က ထိုသူအား စကားပြန်မှတစ်ဆင့် ပြောခဲ့သည်။ ထိုသူ မည်သို့တုံ့ပြန်ပါသနည်း။ ထိုသူက မက်ရေဗန်ကို ခွင့်လွှတ်ခြင်းဟူသော ရက်ရောသောလက်ဆောင်ကို ပေးခဲ့သည်။ ထိုသူ၏အသက်ရှင်ကျန်ခဲ့သောသားက “ကျေးဇူးအများကြီးတင်ပါတယ်။ ခင်ဗျားကို အခဲမကြေတဲ့စိတ်မျိုး ကျွန်တော်တို့စိတ်ထဲမထားပါဘူး”ဟု ပြောခဲ့သည်။…

ခရစ်တော်၌ အတူတကွရှိခြင်းက သာ၍ကောင်းသည်

ဒေါက်တာ Tiffany Gholson (တစ်ဖနီ ဂေါလ်စန်)သည် အီလီနွိုင်စ်ပြည်နယ်ရှိ အမေရိကန်မြို့ငယ်လေး စိန့်လူးဝစ် အ‌ရှေ့ပိုင်းတွင် ရာဇဝတ်မှုများ၏ သက်ရောက်မှုကို နည်းလမ်းမျိုးစုံဖြင့် တွေ့မြင်ခဲ့သည်။ သို့သော် ၂၀၂၃ ခုနှစ်တွင် မြို့တွင် လူသတ်မှု (၃၁) ရာခိုင်နှုန်း ကျဆင်းသွားပြီး၊ ရာဇဝတ်မှုအားလုံး (၃၇) ရာခိုင်နှုန်း ကျဆင်းသွားသည်။ မည်သို့နည်း။ တွဲဖက်လုပ်ဆောင်မှု၏အစွမ်း ဖြစ်သည်။ ပြည်နယ်နှင့်မြို့တော်ရဲများ၊ မြို့တွင်းကျောင်းခရိုင်အဖွဲ့နှင့် ဘာသာရေးအဖွဲ့အစည်းများပါဝင်သော မြို့တော် ၏ အများပြည်သူလုံခြုံရေးအတွက် လိုက်နာဆောင်ရွက်ရေးအဖွဲ့သည် မြို့သူမြို့သားအားလုံး၏အကျိုးအတွက် အတူတကွကြိုးပမ်းဆောင်ရွက်ခြင်းကြောင့်ဖြစ်သည်။

မြို့သူမြို့သားများအား ကူညီရန် အားလုံးပါဝင်ခြင်းကို “ဒါဟာ အိမ်ထောင် တစ်ခုလို့ ကျွန်မတို့ပြောပါတယ်” ဟု‌‌‌ ဒေါက်တာဂေါလ်စန် ပြောကြားခဲ့သည်။ သူမ ဦးဆောင်သည့် ကျောင်းခရိုင်အဖွဲ့ Wraparound Wellness Center (ရာပရောင်း ကျန်းမာရေးစင်တာ)တွင် ရာဇဝတ်မှု (သို့) မတော်တဆမှုကြောင့် ထိခိုက်ခံစားရသော ကလေးများကို ကူညီထောက်ပံ့ရန်…

အထီးကျန်သူများအတွက် မိတ်ဆွေ

ဟိုလီ ကွတ်ခ်(Holly Cooke)သည် အလုပ်ရှာရန် လန်ဒန်မြို့သို့ ပြောင်းလာစဥ်က သူမ၌ မိတ်ဆွေတစ်ဦးမျှပင်မရှိခဲ့ပါ။ စနေ တနင်္ဂနွေပိတ်ရက်များသည် သူမအတွက် စိတ်မချမ်းမြေ့စရာဖြစ်သည်။ ကမ္ဘာလုံးဆိုင်ရာစစ်တမ်းအရ ပေါ်တူဂီနိုင်ငံ၊ လစ်စဘွန်မြို့တွင်နေထိုင် သူ ၁၀% နှင့်နှိုင်းယှဥ်ပါက လန်ဒန်မြို့သား ၅၅ ရာခိုင်နှုန်းသည် အထီးကျန်သည်ဟုဆိုကာ ထိုမြို့ကိုယ်တိုင်က ကြေကွဲဝမ်းနည်းမှုစာရင်းတွင် ထိပ်ဆုံး၌ရှိနေသည်။

ဟိုလီသည် သူမ၏ကြောက်ရွံ့မှုများကို အံတုကာ အဆက်အသွယ်ရှိနေ‌ရေးအတွက် လန်ဒန်အထီးကျန်အမျိုးသမီးငယ်များကလပ် ဟုခေါ်သော ဆိုရှယ်မီဒီယာအဖွဲ့တစ်ဖွဲ့ကို ဖွဲ့စည်းခဲ့ရာ၊ လူဦးရေ ၃၅,၀၀၀ ခန့် အဖွဲ့ထဲ ပါဝင်လာကြသည်။ ရက် သတ္တပတ်အတန်ခြားပြီး အဖွဲ့ငယ်များတွေ့ဆုံပွဲပြီး ပန်းခြံပျော်ပွဲစားထွက်ခြင်း၊ ပန်းချီသင်ကြားပေးခြင်း၊ လက်ဝတ်ရတနာသင်တန်း၊ ညစာစားပွဲများပြုလုပ်ပေးပြီး၊ အိမ်ပြင်ပတွင် ခွေးလေးများနှင့်အတူ လေ့ကျင့်ခန်းပြုလုပ်ခြင်းများကိုပင် စီစဉ်ပေးသည်။

အ‌ဖော်မဲ့ အထီးကျန်ခြင်း၏စိန်ခေါ်မှုသည် အသစ် မဟုတ်သလို ကျွန်ုပ်တို့၏ ကိုယ်ထီးတည်းဖြစ်ခြင်း၏ ခံစားချက်များကို ကုသပေးသူလည်း မဟုတ်ပါ။ ကျွန်ုပ်တို့၏ထာဝရဘုရားသခင်သည် “ပေါက်ဖော်မရှိသူတို့အား အိမ်‌ထောင်ချခြင်းအခွင့်ကိုပေးတော်မူ၍ ချုပ်ထားသောသူတို့ကိုလည်း…

ကောင်းကင်သို့ကြည့်လိုက်ပါ

Alex Smalley (အဲလက်စ် စမောလီ)သည် လူတိုင်းကို မနက်စောစောထစေချင်ခဲ့သည် (သို့) တစ်ရက်တာ ကုန်ဆုံးချိန်၌ ခေတ္တရပ်တန့်စေချင်ခဲ့သည်။ အဘယ်ကြောင့်နည်း။ အာရုံဦးနှင့် ဆည်းဆာကို ငေးကြည့်ဖို့ပင်။ ရာသီဥတုအကြောင်းလေ့လာနေသည့် ဗြိတိသျှသုတေသနအဖွဲ့ခေါင်းဆောင် စမောလီ အတွက်မူ ထိုတဒင်္ဂအချိန်များသည် အလှပဆုံးနှင့် အံ့ဖွယ်စိတ်တက်ကြွစေသော အချိန်ဖြစ်သည်။ ကောင်းကင်ပြာနှင့်  တလက်လက်တောက်ပနေသည့် ညကောင်းကင်တို့ထက် လှပသည့်နေထွက်ချိန် (သို့) နေဝင်ချိန်တို့က စိတ်ခံစားမှုကို တိုးတက်ကောင်းမွန်စေကာ၊ အပြုသဘောဆောင်သော စိတ်သဘောကို တိုးမြှင့်ပေးပြီး စိတ်ဖိစီးမှုတို့ကိုလျော့ကျစေသည်။ “အလွန်ပင်ကြီးမားကျယ်ပြန့်တဲ့အရာ တစ်ခုခု၊ ဒါမှမဟုတ် သင့်ကိုအံ့အားသင့်စေတဲ့အရာကို ဖြစ်စေတဲ့အရာ တစ်ခုခုကို တွေ့ရင် သင့်ရဲ့ပြဿနာတွေ သေးသိမ်သွားတယ်လို့ ခံစားရလို့ အဲဒီပြဿနာတွေအတွက် သိပ်မပူတော့ဘူး”ဟု စမောလီ ပြောကြားခဲ့သည်။

အံ့ဩဖွယ်ရာများအပေါ် သူ၏တွေ့ရှိချက်တို့သည် ပရောဖက်ယေရမိ၏စကားကို ပဲ့တင်ရိုက်နေသည်။ “အိုအရှင်ထာဝရဘုရား၊ ကိုယ်တော်သည် မဟာတန်ခိုးနှင့် လက်ရုံးတော်ကိုဆန့်၍၊ ကောင်းကင်နှင့် မြေကြီးကို ဖန်ဆင်းတော်မူပြီ။ ကိုယ်တော် မတတ်နိုင်သော အရာတစုံတခုမျှ…

ခရစ်တော်၌ ကျွန်ုပ်တို့၏လူသစ် သ‌‌ဘောသစ်

ကျွန်မတို့၏ အပြာရောင်ထင်းရှူးမျိုးနွယ်ပင်၏ ထင်းရှူးသီးများနှင့် အပ်ကဲ့သို့သော ထင်းရှူးရွက်များ ကြွေကျနေသည်။ သစ်ပင်ကုဆရာဝန်က တစ်ချက်ကြည့်လိုက်ပြီး “ဒါက ထင်းရှူးမျိုးကြောင့် ဖြစ်တာ”ဟု ပြဿနာကို ရှင်းပြသည်။ ပိုကောင်းသော ဖြေရှင်းချက်တစ်ခု (သို့) ကုသပေးမှုကို ကျွန်မမျှော်လင့်ခဲ့သည်။ သို့သော် သစ်ပင်သမားက ပခုံးတွန့်ပြီး “ဒါက သူ့ဖြစ်ခြင်းပဲ” ဟုထပ်ပြောသည်။ သူ့သဘာဝကိုက အရွက်ချောင်းများ ကြွေကျခြင်းကို မပြောင်းလဲနိုင်ပါ။

ကျွန်မတို့၏ဝိညာဉ်ရေးအသက်တာသည် မပြောင်းလဲနိုင်သော လုပ်ရပ် (သို့)သဘောထားများဖြင့် ကန့်သတ်ထားမှုမရှိခြင်းက ကျေးဇူးတင်စရာပါ။ ပေါလုသည် ဧဖက်မြို့ရှိ ယုံကြည်သူအသစ်များအတွက် ဤလွတ်မြောက်စေသောအမှန်တရားကို အလေးပေးဖော်ပြခဲ့သည်။ တစ်ပါးအမျိုးသားတို့သည် “ဉာဏ်အလင်းကွယ်” (ဧ ၄:၁၈) နေကြပြီး၊ သူတို့၏စိတ်များသည် ဘုရားသခင်နှင့် ကွာနေကြောင်း၊ သူတို့သည် “ညစ်ညူးသောအကျင့် အမျိုးမျိုး” ပါရှိသော မာကျောသောနှလုံးသားများကို ပိုင်ဆိုင်ကြပြီး ကာမဂုဏ်နှင့် လောဘကိုသာ လိုက်ရှာကြသည် (:၁၉)ဟု သူဆိုသည်။

သို့သော် သခင်ယေရှုနှင့် ကိုယ်တော်၏သမ္မာတရားကို…

ဘုရားသခင်ကူမသကဲ့သို့ အခြားသူကို ကူမခြင်း

ဒိန်းမတ်နိုင်ငံ၊ Copenhagen (ခိုဖန်ဟေဂန်မြို့)မှ Ole Kassow (အိုးလ်ခက်ဆို)သည် စက်ဘီးစီးခြင်းကို နှစ်သက်သူဖြစ်သည်။ တစ်မနက်တွင် လမ်းလျှောက်အကူ လေးချောင်းထောက်နှင့် ပန်းခြံထဲထိုင်နေသည့် သက်ကြီးအမျိုးသားတစ်ဦးကို သူတွေ့သော် သူ့စိတ်၌ ရိုးရှင်းသော အကြံတစ်ခုပေါ်လာသည်။ ၎င်းမှာ သက်ကြွယ်များ စက်ဘီးစီးရ၍ ပျော်ရွှင်မှုနှင့် လွတ်လပ်မှုအရသာကို ခံစားရရှိစေရန်ဖြစ်သည်။ သို့နှင့် နေသာသည့်နေ့တစ်နေ့၌ သူသည် ဘိုးဘွားရိပ်သာတစ်ခုသို့ သူငှားလာသည့် သုံးဘီးတပ်စက်ဘီးဖြင့် သွားရောက်ကာ မည်သူမဆို စက်ဘီးစီးနိုင်ကြောင်း ကမ်းလှမ်းခဲ့သည်။ ဂေဟာဝန်ထမ်းတစ်ဦးနှင့် သက်ကြွယ်တစ်ဦးတို့သည် ‘Cycling Without Age’ (အသက်အကန့်အသတ်မရှိ စက်ဘီးစီးခြင်းအဖွဲ့)၏ ပထမဆုံးစီးနင်းသူများဖြစ်လာသောအခါ သူဝမ်းမြောက်ခဲ့ရသည်။

ယခု နှစ်ပေါင်း ၂၀ ကျော်ကြာပြီးနောက် စက်ဘီးစီးခြင်းကို နှစ်သက်လွမ်းဆွတ်သူများအား ကူညီရန်ရည်ရွယ်သည့် အိုးလ်၏စိတ်ကူးအိပ်မက်သည် သက်ကြွယ် ၅၇၅,၀၀၀ ဦးအား စက်ဘီးဖြင့် စီးနင်းပို့ဆောင်မှု အကြိမ်ရေ (၂.၅) သန်းဖြင့် ကောင်းချီး ဖြစ်စေခဲ့သည်။ မိတ်ဆွေနှင့်တွေ့ဆုံရန်၊ ရေခဲမုန့်သွားစားရန်နှင့် “ဆံပင်များ…

သခင်ယေရှုသည် အတွင်းထဲ၌ ကိန်းဝပ်တော်မူ၏

အမေရိကန်ပြည်ထောင်စုအနောက်ခြမ်းရှိ ကျွန်မတို့ပြည်နယ်တွင် နှင်းမုန်တိုင်း ကျစဉ်၊ ကျွန်မ၏မုဆိုးမမိခင်သည် ကျွန်မ၏မိသားစုနှင့်အတူနေထိုင်ပြီး မုန်တိုင်းကို ကျော်ဖြတ်ရန် သဘောတူခဲ့သည်။ သို့သော် နှင်းမုန်တိုင်းကာလ လွန်ပြီးနောက် သူမ၏အိမ်သို့ မပြန်တော့ဘဲ ကျွန်မတို့နှင့်အတူ တစ်သက်လုံး နေထိုင်ခဲ့သည်။ သူမ၏တည်ရှိနေခြင်းသည် အိမ်သူအိမ်သားများအတွက် နည်းအသွယ်သွယ်ဖြင့် အပြုသဘော ပြောင်းလဲပေးသည်။ သူမသည် မိသားစုဝင်များကို အမြော်အမြင်၊ အကြံဉာဏ်နှင့် ဘိုးဘေးဘီဘင်အကြောင်းများဝေမျှရန် နေ့စဥ် အသင့်ရှိနေခဲ့သည်။ သူမနှင့် ကျွန်မ၏ခင်ပွန်းတို့မှာ တူညီသော ဟာသဉာဏ်ရှိခြင်း၊ အားကစားကို အကြိုက်တူခြင်းဖြင့် သူငယ်ချင်းကောင်းများ ဖြစ်လာကြသည်။ သူမသည် ခေတ္တလာနေသည့် ဧည့်သည်တစ်ယောက် မဟုတ်တော့ဘဲ၊ သူမကို ဘုရားသခင်၏အိမ်တော်သို့ခေါ်သွားသည့်တိုင် ကျွန်မတို့၏နှလုံးသားကို အစဉ်ပြောင်းလဲစေသည့် အမြဲတမ်းနှင့် မရှိမဖြစ်လိုအပ်သောသူဖြစ်ခဲ့သည်။

ထိုအတွေ့အကြုံက ရှင်ယေရှုအကြောင်း ယောဟန်၏ဖော်ပြချက်ဖြစ်သော ကိုယ်တော်သည် “ငါတို့တွင် တည်နေတော်မူသည်” (ယော ၁:၁၄) ဟူသည့် အချက်ကို ပြန်လည်အမှတ်ရစေသည်။ မူရင်းဂရိဘာသာတွင် ‘တည်နေသည်’ ဟူသောစကားလုံးသည်…

ဘုရားသခင်ဖွင့်ထားသောတံခါးများ

မြို့ကြီးတစ်မြို့အနီးရှိ ကျွန်မတက်ရောက်နေသောကျောင်းအသစ်တွင် ကျောင်းအကြံပေး လူကြီးတစ်ဦးက ကျွန်မကို တစ်ချက်ကြည့်ပြီး၊ အနိမ့်ဆုံး အင်္ဂလိပ်စာ အရေးအဖတ် အခြေခံအတန်းတွင် နေရာချလိုက်သည်။ ကျွန်မသည် မြို့လယ်ခေါင်ရှိ ကျောင်းမှပြောင်းလာခဲ့ပြီး၊ အင်္ဂလိပ်စာအရေးအသားတွင် ထူးချွန်သော
ရမှတ်ကောင်းများ၊ အဆင့်များဖြင့် အောင်မြင်ခဲ့သူ၊ ကျောင်းအုပ်ကြီးချီးမြှင့်သောဆုကိုလည်း ရရှိခဲ့သူဖြစ်သည်။ သို့သော် ကျွန်မသည် မသင့်လျော်သေးကြောင်း၊ အဆင်သင့် မဖြစ်သေးကြောင်း ကျောင်းအကြံပေးလူကြီး၏ဆုံးဖြတ်ချက်ကြောင့် ကျောင်းသစ်ရှိ “အကောင်းဆုံး” အင်္ဂလိပ်စာအရေးအဖတ်အတန်း၏ တံခါးသည် ကျွန်မအတွက် ပိတ်လျက်ရှိနေသည်။

ရှေးဖိလဒေလဖိမြို့ရှိ အသင်းတော်သည် ထိုတစ်ဘက်သတ် သတ်မှတ်ချက်ကို သဘောပေါက်လိမ့်မည်။ မကြာမီနှစ်များက ငလျင်ဘေးဒဏ်ကို ခံစားခဲ့ရသော ထိုမြို့ရှိအသင်းတော်ငယ်လေးသည် ပျက်စီးဆုံးရှုံးမှုများကို ကြာမြင့်စွာ ခံစားခဲ့ရသည်။ ထို့ပြင်စာတန်၏ ဆန့်ကျင်နှောင့်ယှက်မှုကို တစ်ဖန် ထပ်၍ ရင်ဆိုင်ခဲ့ရသည် (ဗျာ ၃:၉)။ ထိုအသရေမဲ့သောအသင်းတော်တွင် အနည်းငယ်သောခွန်အား ကျန်ရှိနေသေးကြောင်း ရှင်ပြန်ထမြောက်သောရှင်ယေရှုက မှတ်ချက်ပြုခဲ့သည်။ “သင်သည် အနည်းငယ်သော ခွန်အားရှိသည်နှင့် ငါ၏နှုတ်ကပတ်ကို စောင့်ရှောက်ခဲ့ပြီ”…

မေတ္တာစွမ်းရည်

Gwendolyn Stulgis (ဂွမ်ဒိုလင်စတားဂျစ်)သည် မင်္ဂလာပွဲနေ့တွင် သူမ စိတ်ကူးယဥ်ထားသော မင်္ဂလာဝတ်စုံကို ၀တ်ဆင်ခဲ့သည်။ ထို့နောက် သူစိမ်းတစ်ယောက်အား ပေးလိုက်သည်။ မင်္ဂလာဝတ်စုံသည် ဗီရိုထဲ၌ ဖုန်တက်ခံရခြင်းထက် ပို၍ပင်ဝတ်ဆင်ထိုက်သည်ဟု  စတားဂျစ် ယုံကြည်သည်။ အချို့သတို့သမီးများလည်း သူနှင့်သဘောထားတူကြသည်။ ယခုအခါ အမျိုးသမီး အများအပြားသည် မင်္ဂလာဝတ်စုံများ လှူဒါန်းရန်နှင့် လက်ခံရန်အတွက် သူမ၏ လူမှုကွန်ရက်တွင် ရင်းနှီးကျွမ်းဝင်လာကြသည်။ လက်ဆောင်ပေးသူတစ်ဦးက “ဒီဝတ်စုံက သတို့သမီးမှ သတို့သမီးသို့ အဆင့်ဆင့် ကူးသွားလိမ့်မယ်လို့ မျှော်လင့်ပါတယ်။ မင်္ဂလာပွဲအတွက် ရည်ရွယ်ထားတဲ့ဝတ်စုံက  မင်္ဂလာပွဲများကို နွှဲရင်း အဆုံးမှာ ဟောင်းနွမ်းပျက်စီးသွားပါစေ” ဟုပြောခဲ့သည်။

စွန့်ကြဲပေးကမ်းခြင်း စိတ်ဝိညာဥ်သည် ဂုဏ်ပြုပွဲခံခြင်းပမာ ခံစားရနိုင်သည်မှာ အမှန်ပင်ဖြစ်သည်။ ကျမ်းစာလာသည်ကား “စွန့်ကြဲသော်လည်း ဥစ္စာတိုးပွားတတ်သောသူရှိ၏။ အထောက်မတန် စုသိမ်း၍ ဆင်းရဲခြင်းသို့ ရောက်တတ်သောသူလည်းရှိ၏။ စွန့်ကြဲတတ်သောသူသည် ကြွယ်ဝလိမ့်မည်။ သူတစ်ပါးကို ရေလောင်းသောသူသည် ကိုယ်တိုင်ရေလောင်းခြင်းအကျိုးကို ခံရလိမ့်မည်” (သု ၁၁:၂၄-၂၅)။

တမန်တော်ရှင်ပေါလုသည်…

ဂရုပြုခြင်းအားဖြင့် ဝေမျှခြင်း

လူငယ်သင်းအုပ်ဆရာတစ်ပါးသည် သူ့အားဖြင့် တစ်စုံတစ်ဦးကောင်းချီးဖြစ်စေရန် နေ့စဥ်ဆုတောင်းသည်။ မကြာခဏပင် သူဆုတောင်းသည့်အတိုင်း အခြေအနေတစ်ခုခု ပေါ်ပေါက်ခြင်းကြောင့် သူဝမ်းမြောက်ပျော်ရွှင်ရသည်။ တစ်ရက်တွင် သူ၏ဒုတိယအလုပ်၌ အနားယူနေစဥ်အတောအတွင်း   နေရောင်အောက်တွင် လုပ်ဖော်ကိုင်ဖက်တစ်ဦးနှင့်အတူ သူထိုင်နေစဥ် ထိုသူက သူ့အား သခင်ယေရှုအကြောင်းကို မေးသည်။ တစ်ဘက်သား၏မေးခွန်းများကို သင်းအုပ်ဆရာက ရိုးရှင်းစွာ ဖြေခဲ့သည်။ စကားကြီးစကားကျယ်မပြော။ ငြင်းခုံမှုမပြုပေ။ ထိုသင်းအုပ်ဆရာက သန့်ရှင်းသောဝိညာဥ်တော်၏ လမ်းပြမှုခံရခြင်း‌ကြောင့် ‌သာမန်ကာလျှံကာ စကားပြောနေခြင်းဖြစ်သော်လည်း ထိရောက်စွာ၊ နှစ်လိုဖွယ်ကောင်းစွာ ပြောနိုင်ခဲ့သည်ဟု မှတ်ချက်ပေးသည်။ ဘုရားရှင်အကြောင်း ပိုမိုသိရှိရန် ဆန္ဒရှိသော မိတ်ဆွေသစ်လည်း ရခဲ့သည်။

သန့်ရှင်းသောဝိညာဥ်တော် ဦးဆောင်ရန် အခွင့်ပေးခြင်းသည် သခင်ယေရှုအကြောင်းကိုပြောရန် အကောင်းဆုံးနည်းလမ်းဖြစ်သည်။ ကိုယ်တော်သည်  တပည့်တော်တို့အား “သင်တို့အပေါ်သို့ သန့်ရှင်းသောဝိညာဥ်တော် ဆင်းသက်သောအခါ၊ သင်တို့သည် တန်ခိုးကိုခံရ၍ ယေရုရှလင်မြို့မှစသော ယုဒပြည်၊ ရှမာရိပြည်၊ မြေကြီးစွန်းတိုင်အောင် ငါ၏သက်သေဖြစ်ကြလိမ့်မည် ဟုမိန့်တော်မူ၏” (တ ၁:၈)။

“ဝိညာဥ်ပကတိ၏အကျိုးမူကား ချစ်ခြင်း၊…