အစစ်အမှန်ဖြစ်ပြီး ခံနိုင်ရည်မဲ့အားနည်းသော

“ဟေး Poh Fang (ဖိုးဖန်)၊ ငါတို့မိတ်သဟာယအဖွဲ့မှာ ဒီလ ရှင်ယာကုပ်သြဝါဒစာ ၅:၁၆ မှာပါတဲ့အတိုင်း လက်တွေ့လုပ်ရအောင်။ ယုံကြည်စိတ်ချလို့ရပြီး၊ နှုတ်လုံတဲ့ လုံခြုံတဲ့ဝန်းကျင်လေး ဖန်တီးရအောင်။ အဲဒါမှ ကိုယ့်အသက်တာမှာ ရုန်းကန်နေရတဲ့ကိစ္စတွေကို ပြောပြမျှဝေနိုင်ပြီး တစ်‌ယောက်နဲ့တစ်ယောက် ဆုတောင်းပေးလို့ရမယ်” ဟု အသင်းတော်မှ မိတ်ဆွေတစ်ဦးက ကျွန်မထံ မက်ဆေ့ဂျ် စာပို့လာသည်။

ရုတ်တရက် မည်သို့စာပြန်ရမည်ကို ကျွန်မမသိပါ။ ကျွန်မတို့၏အဖွဲ့လေးတွင် တစ်ယောက်နှင့်တစ်ယောက် နှစ်ပေါင်းများစွာသိကျွမ်းလာကြပြီး၊ မိမိ၏နာကျင်စရာနှင့် ရုန်းကန်ရမှုများကို ပွင့်ပွင့်လင်းလင်း ပြောပြခြင်းများ မရှိခဲ့ပါ။ မိမိ၏ အားနည်းမှုကိုဖွင့်ပြရန်မှာ ကြောက်စရာ မဟုတ်ပါလား။

သို့သော် ကျွန်မတို့အားလုံးသည် အပြစ်ပြုသူများဖြစ်ပြီး၊ အသီးသီး ရုန်းကန်နေရခြင်းက အမှန်တရားဖြစ်သည်။ ဘုရားရှင်၏အံ့ဖွယ်ကျေးဇူးတော်နှင့် သခင်ခရစ်တော်၌ အမှီပြုကိုးစားခြင်းနှင့်ပတ်သက်၍ အဖြစ်မှန်ကို အမှန်အတိုင်းပြောဆိုခြင်းက ကိုယ်တော်ကို ဆက်၍ကိုးစားနိုင်အောင် မစအားပေးသည့် နည်းတစ်ခု ဖြစ်သည်။ သခင်ယေရှုနှင့်ဆိုလျှင် ဒုက္ခအခက်အခဲကင်းသည့် အသက်တာဟု…

ကိုယ်နှင့်စပ်ဆိုင်သူကို ချစ်ပါ

ကစားနည်းတစ်ခုမှာ လူငယ်များကြား ပျော်စရာကောင်းပြီး၊ ထိုကစားနည်းအားဖြင့် မိတ်ဆွေ‌ပြောင်းခြင်းထက်၊ ရှိသည့်မိတ်ဆွေကိုချစ်ရန် သင်ယူရမည်ဟူသည့် သင်ခန်းစာယူစရာလည်း ရှိသည်၊၊ ကစားနည်းတွင် အလယ်၌ရပ်နေသူမှလွဲ၍၊ ကျန်လူများသည် စက်ဝိုင်းပုံသဏ္ဌာန် ဝိုင်းဖွဲ့လျက်၊ ခုံများတွင် ထိုင်နေကြရမည်။ ရပ်နေသူက ထိုင်နေသူတစ်ဦးအား “မင်းဘေးနားကလူကို ချစ်လား” ဟုမေးရမည်။ ခုံ၌ ထိုင်နေသူက ချစ်သည်၊ မချစ်ပါ ဟူ၍ ပြန်ဖြေနိုင်သည်။ ထို့နောက် မိမိအနားထိုင်နေသူကို အခြားသူတစ်ဦးနှင့် အစားထိုးလိုသည်/ အစားမထိုးလိုကို ဆုံးဖြတ်ရမည်ဖြစ်သည်။

လက်တွေ့ဘဝ၌လည်း၊ “မိမိအိမ်နီးချင်း၊ မိတ်ဆွေများ”ကို ကျွန်မတို့ရွေးချယ်ပေါင်းသင်းလိုကြပါသည်။ အထူးသဖြင့် ဆက်ဆံရေးမကောင်းသော လုပ်ဖော်ကိုင်ဖက်၊ အချိန်မဟုတ်အခါမဟုတ် မြက်ရိတ်စက်ဖြင့် မြက်ထရိတ်သော အိမ်နီးချင်းမျိုးနှင့် ကြုံရသည့်အခါမျိုးတွင်ဖြစ်သည်။ သို့သော် လက်ပေါက်ကပ်သော မိတ်ဆွေများနှင့်အတူ ပေါင်းသင်းနေထိုင်ရန် ကျွန်မတို့သင်ယူရပါမည်။

ဣသရေလလူမျိုးများ အမွေခံရာပြည်သို့ ဝင်ရောက်သောအခါ၊ ဘုရားနှင့်သက်ဆိုင်သူများအနေဖြင့် မည်သို့အသက်ရှင်ရမည်ကို ဘုရားရှင်က အရေးကြီးသောညွှန်ကြားချက်များ ပေးခဲ့သည်။ “ကိုယ်နှင့်စပ်ဆိုင်သောသူကို ကိုယ်နှင့်အမျှချစ်”ရန်…

ကျေးဇူးတင်တတ်သော နှလုံးသားများ

Hansle Parchment (ဟန်ဆဲလ်ဖတ်ခ်ျမန့်)သည် အကျပ်အတည်းကြုံနေခဲ့သည်။ တိုကျိုအိုလံပစ်ပြိုင်ပွဲတွင် အကြိုဗိုလ်လုပွဲအတွက် ဘတ်စ်ကားမှားစီးမိပြီး အားကစားကွင်းသို့ အချိန်မီရောက်ရန် မျှော်လင့်ချက် အနည်းငယ်သာရှိသည်။ သို့သော်လည်း ကျေးဇူးတင်စရာမှာ အားကစားပွဲများတွင် အကူအညီပေးသည့် စေတနာ့ဝန်ထမ်း Tijana Stojkovic (တီယာနာ စတိုကိုဗစ်ချ်)နှင့် သူတွေခဲ့ပြီး၊ သူမသည် သူ့အား အငှားကားငှားရန်အတွက် ငွေပေးခဲ့သည်။ ဖတ်ခ်ျမန့်သည်အကြိုဗိုလ်လုပွဲသို့ အချိန်မီရောက်သွားပြီး နောက်ဆုံးတွင် မီတာ ၁၁၀ တန်းကျော်ပြေးပွဲတွင် ရွှေတံဆိပ် ဆွတ်ခူးနိုင်ခဲ့သည်။ နောက်ပိုင်းတွင် သူသည် စတိုရှ်ကိုဗစ်ကို သွားပြန်ရှာပြီး သူ၏ကြင်နာတတ်မှုအတွက် ကျေးဇူးတင်ခဲ့သည်။

ရှင်လုကာခရစ်ဝင် ၁၇ တွင် နူနာရောဂါကုသပေးသည့်အတွက် သခင်ယေရှု အား ကျေးဇူးတင်ရန် ပြန်လှည့်လာသည့် ရှမာရိလူအကြောင်းကို ဖတ်ရှုရသည် (:၁၅-၁၆)။ ယေရှုသည် ရွာတစ်ရွာသို့ ဝင်တော်မူသည်တွင် နူနာစွဲသူ (၁၀) ယောက်နှင့် တွေ့ဆုံခဲ့သည်။ သူတို့ကို ကုသပေးရန် သခင်ယေရှုအား…

အခွင့်အရေးကို အရယူပါ

အသက် (၂၀) အရွယ် Shin Yi (ရှင်းယီ)သည် တက္ကသိုလ်တက်ရန် စောင့်ဆိုင်းနေစဉ် လူငယ်သာသနာပြု အဖွဲ့အစည်းတစ်ခုတွင် (၃) လကြာ ပါဝင်ဆောင်ရွက်ရန် ဆုံးဖြတ်ခဲ့သည်။ ကိုဗစ်-၁၉ ကန့်သတ်ချက်များကြောင့် မျက်နှာချင်းဆိုင်တွေ့ဆုံ၍ မရချိန်တွင် ဤသို့ပါဝင်ခြင်းသည် အနည်းငယ် ထူးဆန်းနိုင်သည်။ သို့သော် ရှင်းယီ နည်းလမ်းတစ်ခုတွေ့ခဲ့သည်။ “ကျွန်မတို့ ကျောင်းသားတွေနဲ့ အရင်တုန်းက တွေ့သလိုမျိုး လမ်းတွေမှာ၊ ရှော့ပင်းမောလ်တွေမှာ၊ အမြန်ရစားသောက်ဆိုင်တွေမှာ တွေ့လို့မရတော့ပေမဲ့ ကျွန်မတို့ Zoom ကနေ တစ်ဆင့် ခရစ်ယာန်ကျောင်းသားတွေနဲ့ ဆက်သွယ်ပြီး အချင်းချင်းအတွက် ဆုတောင်းပေးကြသလို မယုံကြည်သူတွေကိုလည်း ဖုန်းဆက်ပြီး ဆက်သွယ်ခဲ့ကြတယ်” ဟု သူမက ဆိုသည်။

တမန်တော်ရှင်ပေါလုက တိမောသေအား “သာသနာပြုဆရာ ဆောင်ရွက်ရသောအမှုကို ဆောင်ရွက်လော့” (၂ တိ ၄:၅) ဟု တိုက်တွန်းသည့်အမှုကို ရှင်းယီ လုပ်ဆောင်နေခြင်းဖြစ်သည်။ လူတို့သည် သူတို့…

တနင်္လာနေ့အတွက် ကျေးဇူးတင်စရာ

တနင်္လာနေ့များကို ကျွန်မကြောက်လန့်ခဲ့ဖူးသည်။ ကျွန်မ၏ယခင်အလုပ်တွင် ရထားပေါ်မှ ဆင်းလိုက်ပြီးနောက် ရုံးသို့ မိနစ်အနည်းငယ်ဖြစ်ဖြစ် နောက်ကျရောက်လိုရောက်ငြား ဘူတာရုံတွင် ခဏတဖြုတ်ထိုင်ခဲ့လေ့ရှိသည်။ သတ်မှတ်ထားသော နောက်ဆုံးရက်အတိုင်း အလုပ်များပြီးစီးနိုင်ရန်နှင့် စိတ်ဆတ်သည့် အလုပ်ရှင်၏ဒဏ်ခံရခြင်းများအပေါ် စိုးရိမ်ကာ ကျွန်မ၏နှလုံးခုန်သံများ မြန်လာသည်။

စိတ်ဓာတ်ကျဖွယ်အလုပ်လုပ်ရမည့် နောက်တစ်ပတ်တာကို စတင်ရန်မှာ အချို့သူများအတွက် ခက်ခဲလှသည်။ အလုပ်တွင် စိတ်သောကရောက်ရပြီး အသိအမှတ်ပြုမခံရဟု ခံစားရတတ်သည်။ ရှောလမုန်မင်းကြီးက “လူသည် နေအောက်မှာ ကြိုးစားအားထုတ်သောအမှု၊ အလွန်စိတ်စွဲလန်းသောအမှုအလုံးစုံတို့၌ အဘယ် အကျိုးရှိသနည်း။ သူ၏နေ့ရက်အပေါင်းတို့သည် ၀မ်းနည်းခြင်း၊ သူ၏ အလုပ်အကိုင်လည်း ငြိုငြင်ခြင်းဖြစ်၏” ဟု အလုပ်၏ပင်ပန်းခက်ခဲမှုကို ဒေသနာကျမ်း ၂:၂၂-၂၃ တွင် ရေးသားခဲ့သည်။

ဉာဏ်ပညာကြီးသည့်မင်းက စိတ်ဖိစီးမှုနည်းအောင် (သို့) လုပ်ရကျိုးနပ်သည့်အလုပ်မျိုးအတွက် နည်းလမ်း မပေးခဲ့သော်လည်း မိမိအမြင်ကို ပြောင်းလဲရန် သူ‌ပြောခဲ့သည်။ မိမိ၏အလုပ်က မည်မျှပင် ခက်ခဲပါစေ၊ ဘုရား၏မစမှုဖြင့် အလုပ်၌ စိတ်ကျေနပ်မှုရှာဖွေရန်…

လွတ်လပ်မှု အစစ်အမှန်

ရထားပေါ်တွင် စာဖတ်ရင်း မေလင်းသည် စာမျက်နှာဘေးနေရာလွတ်၌ မှတ်စုတိုများ ရေးမှတ်လျက် စာကြောင်းများကို ရောင်စုံမင်ဖြင့် မျဥ်းသားနေသည်။ သို့သော် အနီးတွင်ထိုင်နေသည့် သားအမိနှစ်ဦးတို့၏ အပြန်အလှန်စကားကြောင့် သူမ၏ အပြုအမူကို ရပ်လိုက်သည်။ စာကြည့်တိုက်မှ ငှားလာသောစာအုပ်တွင် ကလေးငယ်က တောင်ခြစ်မြောက်ခြစ် လုပ်နေသဖြင့် မိခင်ဖြစ်သူက ပဲ့ပြင်သွန်သင်နေခြင်းပါ။ မေလင်းသည် သူ၏ရောင်စုံမင်ကို အလျင်အမြန် သိမ်းလိုက်သည်။ လမ်းလျှောက်တတ်စ ကလေးငယ်က သူလုပ်သလိုလိုက်လုပ်ကာ မိခင်၏စကားကို နားမထောင်တော့မည်ကို မေလင်းမလိုလားပေ။ ကလေးငယ်သည် ငှားလာသောစာအုပ်ကို ဖျက်ဆီးခြင်းနှင့် မိမိပိုင်သောစာအုပ်တွင် မှတ်စုရေးခြင်းတို့၏ ခြားနားမှုကို နားလည်မည်မဟုတ်ကြောင်း သူမသဘောပေါက်သည်။

မေလင်း၏အပြုအမူသည် ကောရိန္သုသြဝါဒစာပထမစောင် ၁၀:၂၃-၂၄ မှ ရှင်ပေါလု၏ဖော်ပြထားချက်ကို သတိရစေသည်။ “ငါသည် အပြစ်မသင့်ဘဲ ခပ်သိမ်းသောအမှုအရာကို ပြုနိုင်သည်မှန်စေတော့။ ခပ်သိမ်းသောအမှုအရာကို ပြုသင့်သည်မဟုတ်။ အပြစ်မသင့်ပဲ ခပ်သိမ်းသောအမှုအရာကို ပြုနိုင်သည်မှန်စေတော့။ ခပ်သိမ်းသောအမှုအရာတို့သည် သူတစ်ပါးကို တည်ဆောက်တတ်သည်မဟုတ်။ ကိုယ်အကျိုးကို…

ဝင်ပေါက်ကျဉ်းသည့် ကော်ဖီဆိုင်

‘Narrow Door Cafe’ (ဝင်ပေါက်ကျဥ်းသည့် ကဖေး)ဆိုင်ကို ရှာတွေ့ပြီး ဆိုင်ထဲဝင်လာသူတို့အား လခြမ်းကွေးပေါင်မုန့်၊ ပေါက်စီ၊ ဝက်သားဟင်းလျာနှင့် ချိုမြိန်စားဖွယ်အမျိုးမျိုးက ဆီးကြိုနေပါသည်။ ထိုင်ဝမ်လူမျိုးတို့၏မြို့တော် Tainan (ထိုင်နန်)မြို့၌တည်ရှိသော ဤကော်ဖီဆိုင်သည် နံရံပေါ်ရှိ အပေါက်တစ်ခုသာဖြစ်သည်။ ဝင်ပေါက်က (၄၀) စင်တီမီတာ (၁၆ လက်မပင် မရှိသည့်) အကျယ်ရှိပြီး မပိန်မဝ သာမန်ခန္ဓာကိုယ်ပိုင်ရှင်တို့သာ ကပ်သပ်ဝင်ရောက်နိုင်သည်။ ဤသို့ပင်ဖြစ်လင့်ကစား တစ်မူထူးသည့် ဤကဖေးက လူများစွာကို ဆွဲဆောင်နေသည်။

ရှင်လုကာခရစ်ဝင် ၁၃:၂၂-၃၀ ၌ ဖော်ပြပါရှိသည့် ကျဉ်းသောတံခါးဆိုလျှင် ထိုသို့ ဖြစ်ပါမည်လော။ လူတစ်ဉီးက သခင်ယေရှုအား “သခင်၊ ကယ်တင်ခြင်းသို့ ရောက်သောသူတို့သည် များသလော၊ နည်းသလော” (:၂၃)ဟု မေးရာ၊ ကိုယ်တော်က ဘုရားသခင်၏နိုင်ငံတော်သို့ ပို့ဆောင်မည့် “ကျဉ်းမြောင်းသောတံခါးဝသို့ဝင်ခြင်းငှာ ကြိုးစားအားထုတ်ကြလော့” (:၂၄)ဟု ပြန်ဖြေခဲ့သည်။ “ကယ်တင်ခြင်းသို့ ရောက်သောသူတို့တွင် သင်ပါပြီလား”ဟု ကိုယ်တော်က…

ကျေးဇူးတင်တယ်၊ ဒါပေမဲ့ ကျေးဇူးမတင်နိုင်ပါ

အိန္ဒိယနိုင်ငံရှိ အော်တစ်ဇင် (အထီးကျန်စိတ်ဝေဒနာရှင်) ကလေးများအတွက် တည်ထောင်ထားသော ခရစ်ယာန်ကျောင်းသည် အဖွဲ့အစည်းတစ်ခုမှ မြောက်များ စွာသောအလှူငွေကို လက်ခံရရှိခဲ့သည်။ အရှုပ်အရှင်းကင်းကြောင်း စုံစမ်းသိရှိရပြီးနောက် အလှူငွေကို လက်ခံခဲ့ကြသည်။ ထို့နောက် ယင်းအဖွဲ့အစည်းက ကျောင်းဘုတ်အဖွဲ့တွင် ပါဝင်ခွင့်ပေးရန် တောင်းဆိုလာရာ ကျောင်းတာဝန်ခံက ငွေများကို ပြန်ပေးလိုက်သည်။ ကျောင်း၏တန်ဖိုးထားမှုနှင့်ပတ်သက်ပြီး ညှိနှိုင်းအပေးအယူ လုပ်ရန် သူမလက်မခံခဲ့ပါ။ “ဘုရားသခင်အလုပ်ကို ဘုရားနည်းလမ်းအတိုင်း လုပ်ဖို့က ပိုအရေးကြီးတယ်”ဟု သူမ ပြောခဲ့သည်။

အကူအညီပေးမည်ကို ငြင်းရသည့် အကြောင်းရင်းများစွာရှိပြီး ဖော်ပြပါ အကြောင်းရင်းသည် တစ်ခုအပါအ၀င်ဖြစ်သည်။ ကျမ်းစာ၌ အခြားအကြောင်းရင်းကို တွေ့ရသေးသည်။ တိုင်းတစ်ပါးသို့ ဖမ်းဆီးခေါ်ဆောင်ခံရသည့် ဣသရေလလူမျိုးများ ယေရုရှလင်မြို့သို့ပြန်ကြသောအခါ ဗိမာန်တော်ပြန်ဆောက်ရန် ကုရုမင်း စေခိုင်းခဲ့သည် (ဧဇ ၃)။ သူတို့၏အိမ်နီးချင်းများက “သင်တို့၏ဘုရားသခင်ကို သင်တို့ရှာသကဲ့သို့ ငါတို့လည်းရှာကြ၏” (ဧဇ ၄:၂)ဟုဆိုကာ လာကူဆောက်ပေးလိုကြောင်းပြောကြသည်။ ဣသရေလခေါင်းဆောင်များက ငြင်းဆိုခဲ့ကြသည်။ အကူအညီကို…

ကောင်းစွာ ဘဝရှင်သန်ရာ၏

အသက်ရှင်သူများအတွက် အခမဲ့နာရေးဝန်ဆောင်မှုကို တောင်ကိုးရီးယားနိုင်ငံ၌ စတင်တည်ထောင်ခဲ့သော အဖွဲ့အစည်းတစ်ခုမှ ဆောင်ရွက်ပေးခြင်းဖြစ်သည်။ ၂၀၁၂ ခုနှစ်တွင် စတင်ခဲ့သည့်အချိန်မှစပြီး ဆယ်ကျော်သက်အရွယ်မှ အငြိမ်းစား များအထိ လူပေါင်း ၂၅,၀၀၀ ကျော်တို့သည် "ရှင်လူတို့၏နာရေး" အခမ်းအနား များတွင် ပါဝင်ခဲ့ကြပြီး မိမိကိုယ်ကို သေပြီဟုသတ်မှတ်ကာ သူတို့၏ဘဝကို တိုးတက်ပြောင်းလဲစေလိုသော မျှော်လင့်ချက်ဖြင့် ပါဝင်ကြခြင်းဖြစ်သည်။ တာဝန်ရှိသူများက "အခုလို မိမိသေပြီလို့ သတ်မှတ်ထားတဲ့ နာရေးပွဲအတုတွေဟာပါဝင်သူတွေအတွက် သူတို့ဘဝကို အမှန်အတိုင်းသိလာစေတယ်၊ ကျေးဇူးတင်တတ်လာပြီး မိသားစုနှင့် သူငယ်ချင်းများအကြား ခွင့်လွှတ်ခြင်းနဲ့ ပြန်လည် ပေါင်းစည်းခြင်းအတွက် အထောက်အမများ ဖြစ်စေတယ်" ဟု ဆိုသည်။

ဤစကားများသည် ဒေသနာဆရာရေးသားခဲ့သော ပညာစကားကို ထင်ဟပ်နေသည်။ "လူခပ်သိမ်းတို့သည် မသာအိမ်၌ လမ်းဆုံးရကြ၏။ အသက်ရှင်လျက် ရှိသောသူတို့လည်း အသင့်နှလုံးသွင်းမိကြလိမ့်မည်" (ဒေ ၇:၂)။ သေခြင်းတရား သည် ကျွန်ုပ်တို့အား ဘဝ၏တိုတောင်းလှပုံနှင့် ကျွန်ုပ်တို့ ကောင်းစွာအသက်ရှင်…

မျှော်လင့်မထားသောဧည့်သည်

ဇက်သည် အထီးကျန်ဆန်စွာ တစ်ယောက်တည်းနေသူဖြစ်သည်။ မြို့လမ်းမပေါ် လျှောက်သွားပြီဆိုလျှင် လူတို့၏ရန်လိုသောအကြည့်များကို သူခံစားမိသည်။ သို့သော် သူ့ဘဝအလှည့်အပြောင်းတစ်ခုဖြစ်ခဲ့သည်။ ဇက် သည် ကဲသရိပြည်ရှိ အသင်းတော်တစ်ပါး၏သင်းအုပ်၊ ထင်ရှားသောခရစ်ယာန်ခေါင်းဆောင် ဖြစ်လာသည်ဟု အသင်းတော်ခေါင်းဆောင် ဘုန်းတော်ကြီး Clement of Alexandria က ပြောခဲ့သည်။ မှန်ပါသည်။ ယေရှုရှင်ကိုမြင်နိုင်ရန် သင်္ဘောသဖန်းပင်ပေါ် တက်ခဲ့သော အခွန်ခံဇက္ခဲ အကြောင်း ပြောနေခြင်းဖြစ်သည် (လု ၁၉:၁-၁၀)။

သစ်ပင်ပေါ်သို့တက်ရန် မည်သည့်အရာက သူ့ကို လှုံ့ဆော်ပေးခဲ့ပါသနည်း။ အခွန်ခံများသည် ရောမအင်ပါယာအတွက် အမှုထမ်းသူဖြစ်ပြီး မိမိလူမျိုးအပေါ် အဆမတန်အခွန်ကောက်ခြင်းကြောင့် သူတို့ကို သစ္စာဖောက်အဖြစ် သတ်မှတ် ထားကြသည်။ သို့သော် သူတို့ကို ယေရှုလက်ခံခဲ့ကြောင်း ရာဇဝင်ရှိသည်။ ဇက္ခဲလည်း ယေရှုသူ့ကို လက်ခံပါ့မလား စဥ်းစားမိပေလိမ့်မည်။ အရပ်ကလည်း ပုသောကြောင့် လူအုပ်ကြီးကိုကျော်လွန်ပြီး ယေရှုရှင်ကို မမြင်ရပါ (:၃)။ ထို့ကြောင့် ယေရှုရှင်ကို…