စာရေးသူ

အားလုံးမြင်နိုင်ရန်
Sheridan Voysey

ရှရီဒန်ဗွိုင်စေး

ရှရီဒန်ဗွိုင်ဆေး (Sheridan Voysey)သည် စာရေးဆရာ၊ ဟောပြောပို့ချသူနှင့် ယူနိုက်တက်ကင်းဒမ်းနိုင်ငံ အောက်စဖို့ဒ် အခြေစိုက် အသံလွှင့်ဌာနမှ အစီအစဉ်ထုတ်လွှင့်တင်ဆက်သူတစ်ဦး ဖြစ်သည်။ သူသည် The Making of Us: Who We Can Become When Life Doesn’t Go as Planned၊ Resurrection Year: Turning Broken Dreams into New Beginnings၊ Discovery House ပုံနှိပ်တိုက်မှ ထုတ်ဝေသော Resilient: Your Invitation to a Jesus-Shaped Life နှင့် စာပေဆုရ Unseen Footprints စာအုပ်များ အပါအဝင် စာအုပ် (၇) အုပ်ကို ရေးသားခဲ့သည်။ သူသည် BBC Radio 2 ၏ Breakfast Show (လူ ၁၀ သန်း နေ့စဥ်နားထောင်လျက်ရှိသော “နံနက်စာ အစီအစဥ်”) ဖြစ်သည့် Pause for Thought (စိတ်ကူးအတွေးအတွက် ခေတ္တရပ်နားခြင်း) ရေဒီယိုထုတ်လွှင့်မှုအစီအစဉ်တွင် အစီအစဉ်တင်ဆက်သူတစ်ဦး ဖြစ်သည်။ သူသည် အမေရိကန်၊ ယူနိုက်တက်ကင်းဒမ်း နှင့် ဩစတြေးလျနိုင်ငံများ သာမက ကမ္ဘာတစ်ဝန်းရှိ အခြား အသံလွှင့်အစီအစဥ်အစဥ်များတွင် ပုံမှန် ဧည့်သည်တစ်ဦး အနေနှင့်ပါဝင်တင်ဆက်ပြီး ညီလာခံနှင့် အခမ်းအနားများ၌ ပုံမှန် ဟောပြောပို့ချရသူဖြစ်သည်။ ရှရီဒန်သည် blogs နှင့် podcast များကို sheridanvoysey.com ဝဘ်ဆိုဒ်၌ တင်ဆက်လျက်ရှိပြီး၊ Facebook, Twitter နှင့် Instagram တို့တွင် သူနှင့် တွေ့ဆုံနိုင်ဖို့ သူက သင့်ကို ဖိတ်ခေါ်ပါသည်။

စာမူ/ အကြောင်းအရာ များ ရှရီဒန်ဗွိုင်စေး

ဇာတ်လမ်း မပြီးသေးပါ

‘Line of Duty’ (တာဝန်ထမ်းဆောင်နေစဥ်) အမည်ရှိ ဗြိတိသျှဒရာမာဇာတ်လမ်း အဆုံးတွင် စနစ်တကျ ပြစ်မှုကျူးလွန်သည့်အဖွဲ့ကို တွန်းလှန်တိုက်ခိုက်မှု မည်သို့မည်ပုံ ဖြစ်သွားမည်ကို စောင့်ကြည့်သူဉီးရေ စံချိန်တင်ခဲ့သည်။ နောက်ဆုံး၌ ထိုလူဆိုးများ အနိုင်ရသွားသည့်အခါ ကြည့်ရှုသူအများစုသည် အလွန်စိတ်ပျက်သွားကြသည်။ “ကျွန်တော်ဖြစ်ချင်တာက လူဆိုးတွေကို တရားစီရင်ဖို့ပဲ။ သင်ခန်းစာယူလို့ရတဲ့ အဆုံးသတ်မှုကို ကျွန်တော်တို့လိုအပ်တယ်” ဟုပရိသတ်တစ်ဦးက ပြောပါသည်။

တစ်နေ့တွင် အဆိုးကိုအနိုင်ရပြီး ပြုခဲ့သည့်အပြစ်အတွက်ပြန်လည်ပေးဆပ်ရမည်ဟူသော မျှော်လင့်ချက်နှင့် တရားမျှတမှုတို့ကို ကျွန်ုပ်တို့ဆာငတ် တောင့်တကြသည်ဟု လူမှုဗေဒပညာရှင် Peter Berger (ပီတာဘာဂါ)က မှတ်ချက်ချခဲ့ဖူးသည်။ ဆိုးသွမ်းသူများအနိုင်ရနေသည့် ကမ္ဘာကြီးသည် ကျွန်ုပ်တို့မျှော်လင့်ထားသော ဖြစ်တည်သင့်သည့်ကမ္ဘာကြီးနှင့် ဆန့်ကျင်ဘက်ဖြစ်သည်။ ထိုအချက်ကိုသတိမမူမိဘဲ စိတ်ပျက်နေသော ပရိသတ်ကြီးသည် တရားမျှတပြီး စစ်မှန်သည့်လူမှုအခွင့်အရေးများနှင့် ပြည့်မည့် ကမ္ဘာလောကကြီးအား ဖော်ပြတောင်းဆိုနေကြခြင်းဖြစ်သည်။

ပတ္ထနာတော်တွင် မကောင်းမှုနှင့်ပတ်သက်၍ လက်တွေ့ကျကျပင် သခင်ယေရှု ဖော်ပြသည်။ ကျွန်ုပ်တို့အကြားတွင် ဆိုးညစ်မှုများရှိနေပြီး ခွင့်လွှတ်ခြင်း…

ခိုလှုံရာကို ရှာတွေ့ခြင်း

ကျွန်ုပ်တို့ဇနီးမောင်နှံသည် နံရံထူပြီး မှန်ပြတင်းပေါက်ကြီးများနှင့် ဆောက်ထားသည့် ချစ်စရာ ကမ်းခြေဟိုတယ်အိုကြီးတစ်ခုတွင် တည်းခိုခဲ့ဖူးသည်။ တစ်ခုသောနေ့လည်ခင်း၌ ထိုဒေသသို့ မုန်တိုင်းဝင်ရောက်ခဲ့ပြီး ပင်လယ်လှိုင်းများအလိပ်လိပ်ထကာ စိတ်ဆိုးမာန်ဆိုးဖြင့် တံခါးကိုထုရိုက်သကဲ့သို့ ကျွန်ုပ်တို့အခန်း၏ပြတင်းကို ရိုက်ခတ်ခဲ့သည်။ သို့ရာတွင် ကျွန်ုပ်တို့မှာ တည်တည်ငြိမ်ငြိမ်ပင်ရှိခဲ့သည်။ အခန်းနံရံများမှာ အလွန်ခိုင်ခံ့ပြီး ဟိုတယ်၏အုတ်မြစ်များမှာလည်း ခိုင်ခံ့မာကြောလှသည်။ အပြင်ဘက်တွင် မုန်တိုင်းထန်စဥ် ကျွန်ုပ်တို့အခန်းမှာ လုံခြုံသောခိုလှုံရာဖြစ်ခဲ့သည်။

သမ္မာကျမ်းစာတွင် ခိုလှုံရာသည် အရေးပါသည့်အကြောင်းအရာဖြစ်ပြီး ဘုရားသခင်ကိုယ်တော်တိုင်အားဖြင့် အစပြုသည်။ “ကိုယ်တော်သည် ဆင်းရဲသောသူတို့ ခိုလှုံရာ၊ ငတ်မွတ်သောသူအမှုရောက်သည်ကာလ၌ ခိုလှုံရာ ... မိုးသက်မုန်တိုင်းလွတ်ရာ ... ဖြစ်တော်မူ၏” (ဟေရှာ ၂၅:၄)ဟု ဟေရှာယပြောခဲ့သည်။ ထိုအပြင် ဣသရေလတို့၏ရှေးခိုလှုံရာမြို့များ (တော ၃၅:၆) မှတစ်ဆင့်၊ အကူအညီလိုအပ်နေသည့် “ဧည့်သည်အာဂန္တု”တို့အား ဧည့်ဝတ်ပြုခြင်းအားဖြင့် (တရား ၁၀:၁၉) ဘုရားသခင်၏လူတို့သည် ခိုလှုံရာနေရာ ပံ့ပိုးပေးရန်လည်း တာဝန်ရှိသည်။ ယနေ့ ကမ္ဘာတွင် လူသားချင်းစာနာမှုဆိုင်ရာ…

အိမ်ထောင်ဥပမာ

Merryn (မယ်ရင်း)နှင့်ကျွန်တော်၏ (၂၂) နှစ်ကြာ အိမ်ထောင်ရေးသည် မည်သို့အဆင်ပြေခဲ့သည်ကို တစ်ခါတစ်ရံတွေးမိသည်။ ကျွန်တော်က စာရေးဆရာ၊ သူမက စာရင်းအင်းပညာရှင်။ ကျွန်တော့်အလုပ်က စကားလုံးများနှင့်သက်ဆိုင်ပြီး သူမက ကိန်းဂဏန်းကိုင်ရသည်။ ကျွန်တော်က အလှအပကိုဦးစားပေးပြီး သူမက လက်တွေ့ကျမှုကို နှစ်သက်သည်။ ကျွန်တော်တို့သည် ဆန့်ကျင်ဘက်ဖြစ်ကြသည်။

မယ်ရင်းသည် ချိန်းထားသောနေရာသို့ စောရောက်တတ်ပြီး ကျွန်တော်က တော့ နောက်ကျလေ့ရှိသည်။ အစားအသောက်မီနူးတွင် ကျွန်တော်က စားစရာအသစ်ကို စမ်းစားကြည့်တတ်သော်လည်း သူမကတော့ ပုံမှန်စားနေကျကိုသာ မှာလေ့ရှိသည်။ ပန်းချီပြခန်းတွင် မိနစ် (၂၀) အကြာခန့်မှ ကျွန်တော် စကြည့်မည်ရှိသေး၊ သူမက အောက်ထပ် ကဖေးဆိုင်တွင် ကျွန်တော်နောက်ထပ် မည်မျှကြာဦးမည်နည်းဟု တွေးနေပြီဖြစ်သည်။ သည်းခံခြင်းကို သင်ယူရန် ကျွန်တော်တို့ တစ်ယောက်ကိုတစ်ယောက် အခွင့်ရေးများစွာ ပေးခဲ့ကြသည်။

ဟာသဉာဏ်ရွှင်ခြင်း၊ ခရီးသွားရခြင်းကို နှစ်သက်ခြင်း၊ ရွေးချယ်မှုပြုရမည့်အချိန်၊ အပေးအယူလုပ်ရန် လိုချိန်များ၌ ဆုတောင်းရန်…

ရင့်ကျက်ပြောင်းလဲရန် အလိုတော်ရှိသည်

ပင်လယ်ဖြန်း (sea squirt) ဟူသောသတ္တဝါသည် အလွန်တစ်ရာထူးဆန်းသည်။ ၎င်းသည် ပင်လယ်ကြမ်းပြင်မှ ကျောက်တုံးနှင့်ခရုခွံများပေါ် ကပ်တွယ်ထားပြီး ရေစီး ကြောင်းအတိုင်း ယိမ်းနွဲ့နေသော ပလပ်စတစ် ပြွန်လေးကဲ့သို့ ဖြစ်သည်။ ဖြတ်သန်း စီးဆင်းနေသော ပင်လယ်ရေမှ အာဟာရဓာတ်များကို ရယူအားပြုရင်း ငယ်နုစဉ် ရှင်သန်သည့်သက်တမ်း လွန်ပြီး ယခုတွင် ငြိမ်သက်စွာ ဆက်လက်ရှင်သန်နေသည်။

ပင်လယ်ဖြန်းလေး၏ဘဝသည် ဖားလောင်းဘဝမှ စတင်ပြီး ကျောရိုးတိုင်နှင့်ဦးနှောက်က အစာရှာရန်နှင့် အန္တရာယ်ကိုသိရန် ထောက်ပံ့ပေးသည်။ ငယ်ရွယ်စဉ်က သမုဒ္ဒရာကို စူးစမ်းရှာဖွေရင်း အသက်ရှင်ကြသော်လည်း အရွယ်ရောက်သောအခါ ပြောင်းလဲလာသည်။ ကျောက်တုံးတွင် ထာဝရကုပ်တွယ်ရင်း စူးစမ်းရှာဖွေမှုမပြု၊ ဆက်လက်ကြီးထွားမှု မပြုကြတော့ပါ။ သက်တမ်းကုန်မည့်ရက်ကို မျှော်နေသယောင် ကိုယ့်ဦးနှောက်ကိုပင်ပြန်စားမိသော သတ္တဝါများ ဖြစ်ကြသည်။

လှုပ်လီလှုပ်လဲ့နှင့် တွေးခေါ်ချင့်ချိန်ခြင်းမရှိဘဲ ရေလှိုင်းအတိုင်းယိမ်းနွဲ့ရင်း ပင်လယ်ဖြန်းလေးများ၏ဘဝကဲ့သို့ အသက်မရှင်ကြရန် ရှင်ပေတရုက ကျွန်ုပ်တို့ကို သတိပေးလျက်ရှိသည်။ ရင့်ကျက်ကြီးထွားခြင်းသည် ဘုရားပကတိကို ဆက်ဆံနိုင်သူဖြစ်ခြင်းကြောင့်…

ထာဝရဘုရား၏ကြင်နာမှု

စီးပွားရေးလုပ်ငန်းရှင်တစ်ဦးသည် ကောလိပ်ကျောင်းသားဘဝက စိတ်ကျရောဂါ ပြင်းထန်စွာခံစားရပြီး “အကူအညီမဲ့၍ မျှော်လင့်ချက်မဲ့”သကဲ့သို့ မကြာခဏ ခံစားခဲ့ရကြောင်းကို ကျွန်တော်ကြားဖူးသည်။ ဝမ်းနည်းစရာမှာ ဤခံစားချက်များအကြောင်းကို ဆရာဝန်နှင့် သူမတိုင်ပင်ခဲ့ဘဲ အစွန်းရောက်သောအစီအစဥ်များ ပြုလုပ်ခဲ့သည်။ သေကြောင်းကြံစည်ခြင်းနှင့် ပတ်သက်သည့် စာအုပ်တစ်အုပ်ကို နယ်ခံစာကြည့်တိုက်မှမှာယူ၍ သူ့ကိုယ်သူသတ်သေရန် ရက်သတ်မှတ်ခဲ့သည်။

ဘုရားသခင်သည် အကူအညီမဲ့သူများနှင့် မျှော်လင့်ချက်မဲ့သူများကို ဂရုစိုက်ပါသည်။ သမ္မာကျမ်းစာမှပုဂ္ဂိုလ်များအား ခက်ခဲကြမ်းတမ်းသောအချိန်များတွင် ကိုယ်တော်၏ကူညီစောင်မမှုကို ကြည့်ခြင်းဖြင့် သိနိုင်သည်။ ယောန သေချင်သောအခါ ဘုရားသခင်သည် သူ့အား ကြင်နာစွာ ထိတွေ့ပြောဆိုခဲ့ပါသည် (ယောန ၄:၃-၁၀)။ ဧလိယသည် ထာဝရဘုရားအား သူ့အသက်ကို ရုပ်သိမ်းစေလိုခဲ့ချိန်တွင် (၃ ရာ ၁၉:၄) ဘုရားသခင်သည် သူ့အတွက် မုန့်နှင့်ရေကိုပြင်ဆင်ပေးခဲ့ပြီး (:၅-၉) ဖြည်းညင်းသောအသံဖြင့် မိန့်တော်မူခဲ့၍ (:၁၁-၁၃) သူထင်သကဲ့သို့ သူတစ်ယောက်တည်းမဟုတ်ကြောင်းကို မြင်စေခဲ့ပါသည် (:၁၈)။ ထာဝရဘုရားသည် စိတ်ပျက်အားငယ်သူများကို ချဥ်းကပ်၍ ကြင်နာစွာဖြင့်…

စေတနာသဒ္ဓါစိတ်နှင့် ဝမ်းမြောက်မှု

သုတေသီများက စေတနာသဒ္ဓါစိတ်နှင့် ဝမ်းမြောက်ခြင်းကြားတွင် ဆက်စပ်မှုရှိကြောင်း ပြောကြသည်။ အခြားသူတို့အား မိမိတို့၏ငွေကြေးနှင့် အချိန်ကိုပေးလှူသူတို့သည် မပေးသူတို့ထက် ပို၍ဝမ်းမြောက်ကြသည်။ စိတ်ပညာရှင်တစ်ဦးက “ပေးကမ်းခြင်းကို ကိုယ်ကျင့်တရားနှင့်ဆိုင်သည့် တာဝန်ဝတ္တရားအဖြစ် မတွေးဘဲ၊ ပျော်ရွှင်မှုအရင်းအမြစ်အဖြစ် တွေးကြပါစို့” ဟူ၍ ကောက်ချက်ချသည်။

ပေးလှူခြင်းသည် ကျွန်ုပ်တို့ကို ပျော်ရွှင်စေနိုင်စဥ်တွင် ပျော်ရွှင်ခြင်းသည် ကျွန်ုပ်တို့ပေးလှူရခြင်း၏ပန်းတိုင် ဖြစ်သင့်ပါသလားဟု ကျွန်ုပ်မေးခွန်းထုတ်မိသည်။ အကယ်၍ ကျွန်ုပ်တို့သည် လူများကို ရက်ရက်ရောရောပေးလှူပြီး မိမိ၏ခံစားချက် ကောင်းမွန်စေရန် ပြုခြင်းဖြစ်ပါက ကျွန်ုပ်တို့၏ထောက်ပံ့မှုကို လိုအပ်သည့် ပို၍ ခက်ခဲသော သို့မဟုတ် သာမန်မျှသော လိုအပ်ချက်များအတွက် မည်သို့ပြုမည်နည်း။

သမ္မာကျမ်းစာမှ သဒ္ဓါစိတ်နှင့်ဝမ်းမြောက်ခြင်းတို့ကို ဆက်စပ်ထားသော်လည်း အကြောင်းပြချက်က ကွဲပြားခြားနားသည်။ ဒါဝိဒ်မင်းသည် ဗိမ္မာန်တော်တည်ဆောက်ရန် သူ၏စည်းစိမ်များထဲမှ လှူဒါန်းပြီးနောက် ဣသရေလလူတို့အားလည်း လှူဒါန်းရန် ဖိတ်ခေါ်ခဲ့သည် (၅ ရာ ၂၉:၁-၅)။ လူတို့သည် ရက်ရောစွာဖြင့် ရွှေ၊ ငွေ၊…

အဆုံး၌

ဝိညာဥ်ရေးရာ အားသစ်လောင်းသင်တန်းများတွင် ဦးဆောင်ရန် မကြာခဏဆိုသလို ကျွန်ုပ် နေရာပေးခံရသည်။ ရက်အနည်းငယ်မျှ ဆုတောင်းခြင်း၊ ပြန်လည်သုံးသပ်ခြင်းတို့ဖြင့် အချိန်ယူခြင်းသည် စိတ်ခံစားမှုနှင့် စိတ်စွမ်းရည်တို့ကို နက်နက်နဲနဲ အားပြည့်စေနိုင်သည်။ အစီအစဥ်တွင် ပါဝင်တက်ရောက်သူများအား “သင်ကွယ်လွန်ပြီး သတင်းစာနာရေးတွင် သင့်အမည်ပါလာသည်ဟု တွေးကြည့်ပါ။ သင့်အကြောင်းကို မည်သို့ဖော်ပြစေလိုသနည်း”ဟု ကျွန်ုပ်မေးလေ့ရှိသည်။ ရလဒ်အနေဖြင့် ပါဝင်တက်ရောက်သူအချို့က ၎င်းတို့၏ဦးစားပေးမှုများ ပြောင်းလဲကာ ဘဝအဆုံးသတ်ကောင်းရေးအတွက် ပန်းတိုင်ထားခဲ့ကြသည်။

တိမောသေဩဝါဒစာဒုတိယစောင် ၄ တွင် တမန်တော်ပေါလုနောက်ဆုံး ရေးသားသည်ဟု ထင်ရှားသောစာများပါရှိသည်။ သူ့အသက် (၆၀) ဝန်းကျင်နီးပါးခန့် ဖြစ်နိုင်သော်လည်း၊ သေခြင်းဘေးကို ရင်ဆိုင်ခဲ့ရသော်လည်း ယခုသူ့ဘဝဆုံးလုနီးပြီဟု သူသတိထားမိသည် (၂ တိ ၄:၆)။ ယခုတွင် သာသနာခရီးစဥ်များ၊ အသင်းတော်သို့စာရေးခြင်းများ မရှိတော့ပေ။ သူ့ဘဝကိုသူ ပြန်လည်သုံးသပ်ကာ “ကောင်းစွာသောတိုက်လှန်ခြင်းကို ငါပြုပြီ။ ပြေးရသောလမ်းကို အဆုံးတိုင် အောင် ပြေးပြီ။ ယုံကြည်ခြင်းတရားကို စောင့်ရှောက်ပြီ”…

တစ်ဖန် ပြန်လည်သီချင်းဆိုပါ

သြစတြေးလျမျိုးရင်း ပျားရည်စုပ်ငှက်လေးများသည် သူတို့သီချင်းကို သူတို့ မေ့နေသည့် ပြဿနာနှင့် ကြုံနေရသည်။ ယခင်က အရေအတွက် အများအပြားရှိသော်လည်း ယခုတွင် အကောင်ရေ (၃ဝဝ) ခန့်သာကျန်ရှိတော့သဖြင့် အချင်းချင်းထံမှ သင်ယူရန် အရေအတွက် နည်းပါးလှသဖြင့် ငှက်အဖိုတို့သည် ၎င်းတို့၏ မူပိုင်တေးသံကိုမသီဆိုနိုင်သဖြင့် ငှက်အမများကို မဆွဲဆောင်နိုင်ဘဲ ဖြစ်နေတော့သည်။

သဘာဝပတ်ဝန်းကျင်ထိန်းသိမ်းသူတို့က ယင်းငှက်များကို သီချင်းပြန်ဆိုပြခြင်းဖြင့် ကယ်တင်နိုင်ရန် လမ်းစရှာတွေ့ခဲ့သဖြင့် ကျေးဇူးတင်ရမည်။ အသံသွင်းထားသည့် ၎င်းတို့ ယခင်က သီကျူးခဲ့ကြသည့်သီချင်းကို ဖွင့်ပြလျက် ၎င်းတို့၏ နှလုံးသားတေးသံကို ပြန်လည်သင်ယူနိုင်အောင် ပြုလုပ်ပေးသည့်အစီအစဉ်ပင် ဖြစ်သည်။ ငှက်အထီးလေးများသည် သံစဉ်ကို နားယဉ်လာပြီး ကိုယ်တိုင်ကြိုးစားအသံပြုလျက် ငှက်အမလေးများကို ပြန်လည်ဆွဲဆောင်ကာ ပွားများလာရန် မျှော်လင့်မိပါသည်။

ပရောဖက်ဇေဖနိသည်လည်း ဒုက္ခရောက်နေသူတို့အကြောင်းကို ပြောပြသည်။ အကျင့်ပျက် ခြစားမှုများကြားတွင် ဘုရားသခင်၏စီရင်ခြင်း နီးကပ်လာပြီဖြစ်ကြောင်း သူသတိပေးခဲ့သည် (ဇေ ၃:၁-၈)။ ဖမ်းဆီးခံရပြီး တိုင်းတစ်ပါးသို့ခေါ်ဆောင်ခံရသည့်…

ကရန် ထလာခြင်း

လူများစွာတို့ ဖြန့်ဝေခဲ့သည့် ဗီဒီယိုတစ်ခုတွင် ကျက်သရေရှိသော အဘွားအို တစ်ဦးသည် ဘီးတပ်ကုလားထိုင်ပေါ်တွင် ထိုင်နေသည်။ တစ်ချိန်ကကျော်ကြားခဲ့သော ဘဲလေးကချေသည် Marta González Saldaña (မာတာ ဂန်ဇားလေ့စ် ဆာဒါးညှာ)သည် ယခုတွင် မှတ်ဉာဏ်ချို့တဲ့သည့် အယ်လ်ဇိုင်းမားရောဂါကို ခံစားနေရသည်။ သို့သော် Tchaikovsky (ချိုင်းကော့စကီ)၏ ‘Swan Lake’ (ဘဲငန်းကန်) သီချင်းကို ဖွင့်ပြသည့်အခါ အံ့ဖွယ်အမှု ဖြစ်လာသည်။ သီချင်းအရှိန်မြင့်လာသည့်အခါ သူမ၏ချည့်နဲ့သောလက်များ တစ်ဖြည်းဖြည်းမြှောက်လာပြီး ပထမခရာမှုတ်သံ ကြားလိုက်သည့်အခါ ကုလားထိုင်ပေါ်၌ စတင်လှုပ်ရှား ကပါတော့သည်။ သူမ၏စိတ်နှင့်ရုပ်ခန္ဓာက ယိုယွင်းသော်လည်း သူ့စွမ်းရည်က ကျန်နေသေးသည်။

ထိုဗီဒီယိုကို မြင်လိုက်ရချိန်၌ ကောရိန္သုသြဝါဒစာပထမစောင် ၁၅ မှ ထမြောက်ခြင်းနှင့် ပတ်သက်ပြီး တမန်တော်ရှင်ပေါလု၏ သွန်သင်ချက်များသို့ ကျွန်ုပ်၏အတွေး ရောက်သွားသည်။ ကျွန်ုပ်တို့၏ကိုယ်ခန္ဓာကို အပင်ပေါက်စေရန် မြေ၌စိုက်သည့်အစေ့နှင့်နှိုင်းပြီး၊ ကျွန်ုပ်တို့၏ကိုယ်ခန္ဓာသည် အိုခြင်း၊ နာခြင်းကြောင့် အသရေမဲ့ပြီး…

အချစ်သီချင်း

စနေနေ့မွန်းလွဲပိုင်းတွင် ငြိမ်သက်သောကမ်းနားပန်းခြံ၌ အပြေးသမားများ ဖြတ်ပြေးသွားသည်၊ ငါးမျှားတံများပတ်ချာလည်နေသည်၊ ပင်လယ်ဇင်ယော်များသည် ငါးကြွပ်၊ အာလူးကြော်အိတ်ခွံများကို ထိုးဆိတ်လုကာ လုံးထွေးနေပြီး ကျွန်ုပ်တို့ဇနီးမောင်နှံမှာ ထိုင်၍စုံတွဲတစ်တွဲကိုကြည့်နေသည်။ သူတို့က အသက် (၄၀) နှောင်းပိုင်းခန့် ဖြစ်မည်ဖြစ်ပြီး ကျွန်ုပ်နားမလည်သော ဘာသာ စကားဖြင့် စကားပြောဆိုနေကြသည်။ ထိုအမျိုးသမီးသည် စိတ်လေလွင့်ခြင်းမရှိဘဲ ၎င်းတို့၏ဘာသာစကားဖြင့် သူမအတွက် အချစ်သီချင်းသီဆိုနေသော အမျိုးသား၏မျက်လုံးများကို ငေးကြည့်နေသည်။ လေပြေများက ကျွန်ုပ်တို့ကြားနိုင်ရန် ထိုသံစဥ်ကို သယ်ဆောင်လာသည်။

ကြည်နူးစရာမြင်ကွင်းကြောင့် ဇေဖနိအနာဂတ္တိကျမ်းအကြောင်းကို ကျွန်ုပ်တွေးမိသည်။ အဘယ့်ကြောင့်နည်းဟု ပထမ သင်အံ့သြမိမည်။ ဇေဖနိခေတ်တွင် ဘုရားသခင်၏လူမျိုးသည် မှားယွင်းသောဘုရားများကို ကိုးကွယ်ဦးညွှတ်ခြင်းဖြင့် စတင်ပျက်စီးခဲ့သည် (၁:၄-၅)။ ဣသရေလလူမျိုး ပရောဖက်နှင့် ယဇ်ပုရောဟိတ်များသည် မောက်မာပြီး ဘုရားကို စော်ကားကြသည် (၃:၄)။ ဤကျမ်းအများစုတွင် ဣသရေလလူမျိုးအပေါ်သာမက ကမ္ဘာပေါ်ရှိ လူမျိုးများအားလုံးအပေါ်တွင် ဘုရားသခင်၏စီရင်ခြင်း လာတော့မည်ဖြစ်ကြောင်း ကြေညာထားသည် (:၈)။

သို့သော်…