အချည်းနှီးမဖြစ်သော နာကျင်မှု
သူမက ကျွန်တော့်မျက်လုံးကို စိုက်ကြည့်ပြီး“ရှင့်ရဲ့နာကျင်မှုကိုအချည်းနှီးမဖြစ်စေနဲ့” ဟုပြောရာ၊ ကျွန်တော့်အတွေးများက ကားမတော်တဆမှုဖြင့် ဆုံးပါးသွားသော သူမ၏သားအတွက် အောက်မေ့ဖွယ်ဝတ်ပြုခြင်းကို ကျွန်တော်ဦးဆောင်ခဲ့ရသည့် လွန်ခဲ့သောနှစ်များသို့ ချက်ချင်းရောက်သွားသည်။ သူမဘာပြောနေသည်ကို သူမသိသည်။ နာကျင်မှုကို သူမသိသည်။ သို့သော် ဘုရားဘုန်းတော်ထင်ရှားစေရန်နှင့် အခြားသူများကိုကူညီရန် ထိုနာကျင်မှုကို ဘုရားရှင်အသုံးပြုနိုင်သည်ကိုလည်း သူမသိသည်။ သူမနာကျင်ခဲ့စဥ်က ထိုနာကျင်မှုကို သူကောင်းစွာ တုံ့ပြန်ခဲ့သည်။ယခု ကျွန်တော်၌ ပြင်းထန်ကင်ဆာရောဂါရှိနေကြောင်း သိရချိန်ဖြစ်၍ သူမ၏ စကားက ကျွန်တော့်အတွက် စိတ်သက်သာရာရစေပြီး ခွန်အားဖြစ်စေခဲ့သည်။ ဘုရားသခင်သည် ကျွန်တော်၏ငိုကြွေးသံကိုကြားပြီး၊ နာကျင်ခံစားနေရချိန်တွင် ကျွန်တော်နှင့်အတူရှိသည်၊ အခြားသူများကို နည်းလမ်းသစ်ဖြင့် ကူညီရန် ကျွန်တော်၏ နာကျင်မှုကို အသုံးပြုနိုင်သည်ဟု သူမက သတိပေးနေသည်။
ဘုရားသခင်သည် သူ၏လူမျိုးများနှင့်အတူ သူတို့၏နာကျင်မှု၌ အတူရှိကြောင်း မောရှေလည်း သိရှိခဲ့သည်။ “ထာဝရဘုရားကလည်း၊ အဲဂုတ္တုပြည်၌ ရှိသောငါ၏လူတို့ခံရသော ညှဥ်းဆဲခြင်းကို ငါစေ့စေ့မြင်ခဲ့ပြီ။ ...သူတို့နာကြည်းခြင်း ဝေဒနာကို ငါသိ၏”…
ဘုရားသခင်ထံသို့ ယူဆောင်လာခြင်း
ဘရိုင်ယန်(Brian) သည် နှလုံးအထူးကုဆရာဝန်နှင့် တစ်နာရီကျော်ကြာအောင် တွေ့ဆုံချိန်၌ သူ၏သူငယ်ချင်းမှာ စောင့်ဆိုင်းခန်းထဲတွင် စောင့်နေခဲ့ပြီး ဖျားနာသောသူငယ်ချင်းအတွက် ဉာဏ်ပညာနှင့် ကုသခြင်းအတွက် ဆုတောင်းနေခဲ့သည်။ ထို့နောက် ဘရိုင်ယန်သည် ပြန်လာပြီး စာရွက်စာတမ်းများကို သူ့သူငယ်ချင်းအား ပြကာ အသက်အန္တရာယ်ရှိသော အခြေအနေကို ကုသရန် နည်းလမ်းအမျိုးမျိုးကို တိုင်ပင်ခဲ့ကြသည်။ နောက်ထပ်လုပ်ဆောင်မှုများအတွက် ဘုရားသခင်ထံမှ ဉာဏ်ပညာကို တောင်းခံရန် သူတို့နှစ်ဦး ဆွေးနွေးခဲ့ပြီးနောက် ဘရိုင်ယန်က “ရှေ့ဆက် ဘာပဲဖြစ်ဖြစ်၊ ငါက ဘုရားသခင်လက်ထဲမှာပဲ ရှိတယ်”ဟု ပြောခဲ့သည်။
ဟေဇကိမင်းသည်“...စာကို ထာဝရဘုရားရှေ့တော်၌ဖြန့်ထားလေ၏”(၂ရာ ၁၉: ၁၄)။ စာ၌ပါသော စကားလုံးများက ဆေးကုသမှုနှင့်ဆိုင်သော အန္တရာယ်မဟုတ်ဘဲ၊ ယုဒ၏ခိုင်ခံ့သောမြို့အားလုံးကို သိမ်းပိုက်ပြီး ၎င်း၏မြို့တော်ဖြစ်သည့် ယေရုရှလင်မြို့ကို တိုက်ခိုက်ရန် ပြင်ဆင်နေသော အင်အားကြီးရန်သူ အာရှုရိရှင်ဘုရင်၏ ခြိမ်းခြောက်သောစာ ဖြစ်သည်။ ဟေဇကိမင်းက “ကိုယ်တော်တစ်ပါးတည်းသာလျှင် မြေကြီးပေါ်မှာ ရှိသမျှသော အတိုင်းတိုင်းအပြည်ပြည်တို့၏ ဘုရားသခင်ဖြစ်တော်မူ၏...…
အာရုံမလွဲဘဲ လုပ်ဆောင်ပါ
ကျောင်းကားမောင်းသူသည် စတီယာရင်လက်ကိုင်ခွေကို ကိုင်ရင်း သတိလစ် သွားရာ၊ ကျောင်းသူ ကျောင်းသား အယောက် ၆၀ စီးနင်းလာသော ကျောင်းကားကြီးမှာ ဟိုဒီယိမ်းထိုးလျက် ထိန်းချုပ်မှု ကင်းမဲ့သွားသည်။ ခုနစ်တန်း ကျောင်းသားလေး ဒီလျံရိဗ်စ်(Dillion Reeves)သည် သူ၏ထိုင်ခုံမှ ရုတ်တရက်ထကာ ဘတ်စ်ကား၏ အရှေ့ဘက်သို့ အလျင်အမြန်ပြေးသွားပြီး အချိန်မီ ဘရိတ်ကို ဖြေးဖြေးချင်းနင်းလိုက်သည်။ ကျောင်းသူ ကျောင်းသားအများစုမှာ သူတို့၏ဖုန်းများဖြင့် စာတိုပို့ခြင်း၊ ဂိမ်းကစားနေခြင်းဖြင့် အလုပ်ရှုပ်နေကြသော်လည်း ဖုန်းမရှိသော ဒီလျံသည် သတိရှိရှိနှင့် အခြေအနေကို ထိန်းချုပ်တုံ့ပြန်လှုပ်ရှားခဲ့သည်။ ယာဥ်မောင်း၏ လှုပ်ရှားမှုကို အကြိမ်ပေါင်းများစွာ သူမြင်တွေ့ ဖူးသဖြင့် ဘရိတ်အား မည်ကဲ့သို့ ဖြည်းဖြည်းချင်းနင်းရမည်ကို သူသိနေခဲ့သည်။ သူသည် အာရုံအနှောင့်အယှက်အဖြစ်မခံဘဲ သတိရှိခြင်းဖြင့် နောက်မှ ပြန်လည်သတိရလာသည့် ယာဥ်မောင်းအပါအဝင် ကားပေါ်၌ ပါလာသူအားလုံး၏ အသက်ကို ကူညီကယ်ဆယ်နိုင်ခဲ့သည်။
ဣသရေလလူတို့အား ဦးဆောင်ရာ၌ ဦးဆောင်သူခေါင်းဆောင် မောရှေမရှိတော့သည့်အခါ…
မမြင်တွေ့သောအခါ
နူနက်ဇ်သည် တောင်ပေါ်မှ ချော်ကျပြီး မျက်စိမမြင်သူများသာရှိသော ချိုင့်ထဲသို့ ကျသွားသည်။ ရောဂါတစ်ခုကြောင့် ကနဦးအခြေချနေထိုင်သူများ၏အမြင်အာရုံ ဆုံးခဲ့ရပြီး နောက်ဆက်တွဲမျိုးဆက်များသို့ပါ ကူးစက်ကာ (မွေးရာပါမျက်မမြင်)များသည် အမြင်အာရုံကင်းမဲ့သောဘဝကို လိုက်လျောညီထွေနေထိုင်ခဲ့ကြသည်။ နူနက်ဇ်က အမြင်အာရုံ ရှိခြင်းအကြောင်း ရှင်းပြရန် ကြိုးစား သော်လည်း သူတို့ စိတ်မဝင်စားကြချေ။ နောက်ဆုံးတွင် သူသည် ထိုချိုင့်ဝှမ်းမှ မထွက်နိုင်အောင် တားဆီးသည့် တောင်ထိပ်များကို ကျော်ဖြတ်ထွက်နိုင်မည့် လမ်းကြောင်းတစ်ခုကို ရှာတွေ့ခဲ့သည်။ သူ လွတ်မြောက်သွားပါပြီ။ သို့သော် အပေါ်စီးမှ သူကြည့်လိုက်သောအခါ အောက်ရှိနေထိုင်သူ မျက်မမြင်များကို ပိကျတော့မည့် ကျောက်ဆောင်တစ်ခုကို မြင်လိုက်ရသည်။ သူတို့ကို သတိပေးရန် ကြိုးစားသော်လည်း ၎င်းတို့က သူ့ကို လျစ်လျူရှုခဲ့ကြသည်။
H.G. Wells ၏ “မျက်ကန်းနိုင်ငံ” ဤပုံပြင်သည် ပရောဖက်ရှမွေလကို ထင်ဟပ်နေပေလိမ့်မည်။ သူ၏အသက်တာကုန်ဆုံးခါနီးအထိ၊ သူ၏သားတို့ သည် ဘုရားသခင်ကိုချစ်၍ ဝတ်ပြုခြင်းအရာမှာ “အဘလမ်းသို့မလိုက်”ကြပေ…
ရှေ့ဆက်ရမည့်လမ်း
“ငါတို့ဘာလုပ်ကြမလဲ”။ သမ္မာတရားလမ်းမှ လွှဲဖယ်အသက်ရှင်ရန် ရွေးချယ်ခဲ့ကြသော မိတ်ဆွေများနှင့် မိသားစုဝင်များအား မည်ကဲ့သို့ဆက်ဆံပတ်သက်ရမည့် အရေးနှင့်စပ်လျဥ်း၍ စကော့(Scott) နှင့် ဘရီး(Bree)တို့ စိတ်သောက ရောက်ခဲ့ကြသည်။ သမ္မာကျမ်းစာဖတ်ရှုလေ့လာ ဆုတောင်းပြီးနောက် ရှေ့ဆက်ရမည့် လမ်းတစ်ခု ပေါ်လာခဲ့သည်။ ပထမဦးစွာ မိတ်ဆွေများနှင့် ချစ်ခင်ရသူများအပေါ်ထားရှိသည့် သူတို့၏မေတ္တာကို ပိုမိုခိုင်မာစေပြီး၊ ဒုတိယအနေဖြင့် ဘုရား ၏ ကောင်းမြတ်သောအကြံအစည်အပေါ် အခြေခံပြီး မှန်ကန် ကောင်းမွန်သည့်သူတို့၏ဖြစ်တည်မှုကို ဖော်ပြသည်။ တတိယအချက်မှာ နှုတ်ကပတ်တော်၏ ဉာဏ်ပညာနှင့်အညီ သူတို့အပေါ်မည်ကဲ့သို့ မေတ္တာဖြင့် ဆက်ဆံမည် ဆိုသည်ကို ဝေမျှခဲ့ကြသည်။ စကော့နှင့်ဘရီးတို့သည် ခရစ်တော်၏မေတ္တာကို ဖြန့်ဝေခဲ့ခြင်းဖြင့် အချိန်ကာလတစ်ခု၌ ပိုမိုကြီးမားသော ဆက်ဆံရေးနှင့် ယုံကြည်မှုကို တည်ဆောက်နိုင်ခဲ့သည်။
ဘုရားဘုန်းတော်ကို ထိခိုက်စေသည့်အသက်တာလမ်းအား ရွေးချယ်ခဲ့သော သူ၏ဇနီးသည်အား မည်ကဲ့သို့ ဆက်ဆံပတ်သက်ရမည်ဆိုသည့်အပေါ် ဟောရှေအတွေးများခဲ့နိုင်သည်။ “မျောက်မထားသော မိန်းမကို သွား၍ ချစ်ဦးလော့” (ဟောရှေ ၃:၁)ဟု…
ဖန်ဆင်းခြင်းလက်ရာတွင် ဘုရားရှင်အား တွေ့မြင်ခြင်း
Kenny (ကန်နီ)သည် ဘုရားသခင်၌ ယုံကြည်ခြင်းပျောက်ဆုံးခဲ့ပြီးနောက်၊ သူစွန့်ခဲ့သည့်အသင်းတော် လူပရိတ်သတ်တို့ရှေ့တွင် ရပ်လျက်၊ သူ ပြန်လည်သက်ဝင်ယုံကြည်လာပြီဟု ဝေငှသည်။ အဘယ်သို့နည်း။ သူတွေ့ခဲ့သော ဖန်ဆင်းခံအရာများ၏ အလှတရားနှင့် ဒီဇိုင်းမှတစ်ဆင့် ဘုရားသခင်က သူ့စိတ်နှလုံးကို တို့ထိခဲ့ခြင်းဖြစ်ပါသည်။ သဘာဝလောကကြီး၌ တွေ့ရသည့် ဘုရားသခင်၏ သာမန်ဖွင့်ပြချက်များကို မြင်ပြီး ကန်နီသည် ဘုရားသခင်အပေါ် ထပ်၍ အံ့ဩခဲ့သည်။ ယခုတွင် သူသည် သမ္မာကျမ်းစာ၏အထူးဖွင့်ပြချက်တွင် တွေ့ရှိသည့် ဉာဏ်ပညာကို ခံယူဆုပ်ကိုင်ပြီဖြစ်သည်။ သူ့အဖြစ်အပျက်ကို ဝေငှပြီးသောအခါ ကန်နီသည် ဘုရားကျောင်းရှေ့ရှိ ရေကန်ထဲသို့ဆင်းသွားသည်။ ကန်နီ၏ သခင်ယေရှုအား ယုံကြည်မှုကို အခြေခံ၍ သူ့ဖခင်က ပျော်ရွှင်သောမျက်ရည်များဖြင့် သူ့ကို နှစ်ခြင်းပေးခဲ့သည်။
ယောဘသည် ဘဝတွင် အရာများစွာ ဆုံးရှုံးခဲ့ပြီးနောက် သူ့ယုံကြည်ခြင်းလည်း တုန်လှုပ်ခဲ့သည်။ သူက “ကိုယ်တော်အား အကျွန်ုပ် အော်ဟစ်သော်လည်း ကြားတော်မမူ၊ အကျွန်ုပ်သည် မတ်တပ်နေသော်လည်း မှတ်တော်မမူ”…
ကျွန်ုပ်တို့နားထောင်ရမည့်သူ
“ကျွန်တော် အရေးပေါ် ကြေညာစရာရှိတယ်။ ကျွန်တော့်လေယာဉ်မှူး ဆုံးသွားပြီ” ထိုစကားများကို Doug White သည် သူ့လေယာဉ်ကို ထိန်းကြောင်းပေးနေသည့် ထိန်းချုပ်တာဝါသို့ တုန်လှုပ်စွာ ရေရွတ်သတင်းပို့လိုက်သည်။ လေယာဥ်ပျံတက်ပြီး မိနစ်အတန်ကြာခန့်တွင် Doug မိသားစု၏ ကိုယ်ပိုင်လေယာဉ်မောင်းအဖြစ် ငှားရမ်းခဲ့သည့် လေယာဉ်မှူးမှာ ရုတ်တရက် ဆုံးပါးသွားခဲ့သည်။ သုံးလသာ လေယာဉ် မောင်းကျင့်ဖူးသည့် Doug သည် လေယာဉ်မောင်းနေရာကို အစားထိုးဝင်ရောက်ကာ၊ လေယာဉ်ဆင်းသက်စဉ်တစ်လျှောက် လေယာဉ်ကွင်းရှိ ကြီးကြပ်သူများ၏ သူ့အား လမ်းညွှန်မှုကို သေချာစွာ နားထောင်ခဲ့သည်။ “ကျွန်တော့်မိသားစုကို သေမင်းခံတွင်း ကနေ သူတို့ကယ်ပေးခဲ့တာ”ဟု Doug ပြောခဲ့သည်။
ကျွန်ုပ်တို့၌လည်း ဘဝ၏စိန်ခေါ်မှုများနှင့် တွေ့သည့်အခါ ကျွန်ုပ်တို့ကို မစ လမ်းညွှန်ပေးနိုင်သည့် တစ်ဦးတည်းသောသူ ရှိသည်။ မောရှေက ဣသရေလလူတို့အား “သင်၏ဘုရားသခင် ထာဝရဘုရားသည်၊ သင်၏ အမျိုးသားချင်းတို့ အထဲ၌ ငါနှင့်တူသော ပရောဖက်တစ်ပါးကို…
ကျေးဇူးသိစိတ်ဖြင့် တုံ့ပြန်မှု
‘ငါးစိမ်းနှင့် မိုးရေ’၊ ဩစတြေးလျနိုင်ငံသား သင်္ဘောသားတစ်ဉီးဖြစ်သူ တိမသီ သည် သုံးလလုံးလုံး ထိုစားနပ်ရိက္ခာကိုသာစားပြီး အသက်ဆက်ခဲ့ရသည်။ မုန်တိုင်းဒဏ်ကြောင့် ပျက်စီးသွားသောရွက်လှေပေါ်တွင် မျှော်လင့်ချက်မဲ့ကာ ကုန်းမြေမှ မိုင် ၁,၂၀၀ အကွာ ပစိဖိတ်သမုဒ္ဒရာထဲ၌ မျောနေခဲ့သည်။ သို့သော် မက္ကစီကန် တူးနားငါးဖမ်းသင်္ဘောသားများက ပျက်စီးနေသော သူ၏လှေကို တွေ့ရှိပြီး သူ့ကိုကယ်ဆယ်ခဲ့သည်။ နောက်ပိုင်းတွင် ပိန်လှီပြီး ရာသီဥတုဒဏ်ကိုခံစားရသော အမျိုးသားက “ကျွန်တော့်အသက်ကို ကယ်တင်ခဲ့တဲ့ ကပ္ပတိန်နှင့် ငါးဖမ်းကုမ္ပဏီကို ကျေးဇူးတင်ပါတယ်” ဟူ၍ အတိအလင်းပြောဆိုခဲ့ပါသည်။
သူ၏အဖြစ်ဆိုးကြုံရ ပြီးနောက် တိမသီက ကျေးဇူးတင်စကားဆိုသော်လည်း၊ ပရောဖက်ဒံယေလကမူ အကျပ်အတည်း မဖြစ်မီ၊ ဖြစ်နေချိန်အတွင်း၊ ဖြစ်ပြီးသွားသည့်နောက်တွင် ကျေးဇူးသိသောနှလုံးသားကို ဖော်ပြခဲ့သည်။ အခြားယုဒလူမျိုးများနှင့်အတူ ယုဒပြည်မှ ဗာဗုလုန်မြို့သို့ သိမ်းသွားခြင်းခံရပြီး (ဒံ ၁:၁-၆)၊ ထိုနောက် ဒံယေလ၏ တန်ခိုးအာဏာ ခန့်အပ်ခံရခြင်းက သူအား သေစေလိုသောအခြား ခေါင်းဆောင်များ၏…
မှင်သက်အံ့သြစေသော သင်ကြားမှု
Sophia Roberts (ဆိုဖီယာ ရောဘတ်)သည် သူမအသက် ၁၁ နှစ်ခန့်အရွယ်တွင် ပထမဆုံးအကြိမ် နှလုံးခွဲစိတ်ခြင်းကို ကြည့်ရှုခဲ့ရသည်။ ကလေးတစ်ယောက်အတွက် ထိုသို့ခွဲစိတ်မှုကို ကြည့်ရန် နည်းနည်းငယ်မည်၊ စောလွန်းသည်ဟုထင်ရသော်လည်း သူမ၏ဖခင် ဒေါက်တာ Harold Roberts Jr. (ဟယ်ရိုရောဘတ်စ်ဂျူနီယာ)သည် နှလုံးခွဲစိတ်ဆရာဝန် တစ်ဦးဖြစ်ကြောင်း သိထားရန် လိုသည်။ ၂၀၂၂ ခုနှစ်တွင် အသက် ၃၀ အရွယ် ဆိုဖီယာသည် ခွဲစိတ်ဆရာဝန်တစ်ယောက်ဖြစ်လာပြီး သွေး လွှတ်ကြောအဆို့ရှင် အစားထိုးကုသမှု အောင်မြင်စွာ ခွဲစိတ်နိုင်ရေး သူမ၏ဖခင်နှင့်အတူ ပူးပေါင်းလုပ်ဆောင်ခဲ့သည်။ “ဒီထက် ပိုကောင်းတာ ဘာရှိမလဲ။ ဒီကလေးကို စက်ဘီးစီးတတ်ဖို့ ကျွန်တော်သင်ပေးခဲ့တယ်။ အခု လူ့နှလုံးသားကို ဘယ်လိုခွဲစိတ်ရမလဲဆိုတာ သင်ပေးရမှာက အတော့်ကို အံ့သြစရာပဲ” ဟု ဟယ်ရိုက ပြောပါသည်။
လူအချို့က ကလေးငယ်အား ခွဲစိတ်မှုစွမ်းရည်ကို သင်ကြားပေးမည်ဖြစ်သော်လည်း၊ နောက်မျိုးဆက်သစ်များကို ဘုရားသခင်နှင့်…
စောင့်ရတာနှင့် တန်ပါသည်
ခရီးတစ်ထောက်နားခြင်းအကြောင်းပြောရလျှင် မိုးကြိုးမုန်တိုင်းကြောင့် ထွက်ခွာချိန် နောက်ဆုတ်လိုက်ရသည့် လေယာဉ်ခရီးစဥ်အတွက် Phil Stringer (ဖေးလ် စထရင်းဂျာ) သည် ၁၈နာရီကြာ စောင့်ခဲ့ရသည်။ သို့သော် သူ၏စိတ်ရှည်မှုနှင့် ဇွဲလုံ့လက အချည်းနှီးမဖြစ်ခဲ့ပါ။ သူ့လိုရာခရီးကို လေယာဉ်နှင့် သွားနိုင်ခဲ့သည့်အပြင် အရေးကြီးသည့်စည်းဝေးပွဲကိုလည်း အချိန်မီတက်ရောက်နိုင်ခဲ့သည်။ သို့သော်လည်း လေယာဉ်တစ်စီးလုံးတွင် ခရီးသည်ဟူ၍ သူတစ်ဦးတည်းသာရှိသည်။ ကျန်ခရီးသည်များကမူ လက်လျော့လိုက်ခြင်း (သို့) အခြားအစီအစဉ်များ စီစဉ်လိုက်ကြသည်။ သူစားချင်သည့် မည်သည့်အစားအသောက်မဆို လေယာဉ်မယ်များက ချပေးကြသည်။ စထရင်းဂျာ က “သေချာတာပေါ့။ ပထမတန်း အကောင်းဆုံးနေရာမှာ ကျွန်တော်ထိုင်ခဲ့တယ်။ လေယာဉ်တစ်စီးလုံးကို ကျွန်တော် အပိုင်စား ရထားတာဆိုတော့ ဘာလို့ မထိုင်နိုင်ရမှာလဲ” ဟု ထပ်လောင်းပြောပြခဲ့သည်။ စောင့်စားခဲ့ရသည်နှင့် တကယ်ကိုတန်ပါသည်။
အာဗြဟံသည်လည်း ကြာရှည်လှသော နှောင့်နှေးမှုကို သည်းခံခဲ့ရသည်။ အာဗြံ ဖြစ်ခဲ့စဉ်အခါက သူ့အား “ငါသည်သင့်ကိုလူမျိုးကြီးဖြစ်စေမည်။ သင့်အားဖြင့်လည်း လူမျိုးအပေါင်းတို့သည်…