အစီအစဥ်ကျသောဘုရား

ဆေးဗီရိုထဲ တွေ့ရှိသမျှဆေးများအားလုံး Seth (စက်(သ)) ယူသွားခဲ့သည်။ ကွဲပြဲခြင်းများ၊ ဖရိုဖရဲဖြစ်ခြင်းများနှင့် ပြည့်နေသည့် မိသားစုထဲတွင် ကြီးပြင်းလာရသည့် သူ့အဖို့ သူ၏ဘဝသည် အရှုပ်အထွေးဖြစ်နေသည်။ ဖခင်ဖြစ်သူက သူ့ကိုယ်ကို အဆုံးမစီရင်မီအထိ စက်(သ)၏မိခင်ကို အမြဲလိုလို ညှဥ်းပန်းနှိပ်စက်ခဲ့သည်။ ယခုတွင် စက်(သ) သည် မိမိကိုယ်ကို သေကြောင်းကြံစည်လိုသည်။ သို့သော် အတွေးတစ်ခု ဝင်လာခဲ့သည်။ “ငါသေရင် ငါဘယ်ရောက်သွားမှာလဲ ။” ဘုရား၏ကျေးဇူးတော်ကြောင့် ထိုနေ့က စက်(သ) မသေခဲ့ပါ။ အချိန်မီပင် မိတ်ဆွေတစ်ဦးနှင့် သမ္မာကျမ်းစာကို လေ့လာဖြစ်ခဲ့ပြီး၊ သခင်ယေရှုကို မိမိ၏ကယ်တင်ပိုင်ရှင်အဖြစ် လက်ခံယုံကြည်ခဲ့သည်။ စက်(သ) ကို ဘုရားသခင်နှင့် နီးစပ်စေသည်မှာ ဖန်ဆင်းခြင်းလက်ရာများ၏ အလှတရားနှင့် အစီအစဉ်ကျမှုတို့ဖြစ်သည်။ “လှပတဲ့အရာတွေကို ကျွန်တော်မြင်ရတယ်။ တစ်စုံတစ်ယောက်က ဒီအရာတွေကို လုပ်ထားတာပဲ”ဟု သူပြောခဲ့သည်။

ကမ္ဘာဦးကျမ်း ၁ တွင် အရာအားလုံးကို အမှန်တကယ် ဖန်ဆင်းထားသည့် ဘုရားသခင်၏အကြောင်းကို ကျွန်ုပ်တို့…

ဘုရားသခင်၏ သာ၍ကြီးမြတ်သောတန်ခိုးတော်

၁၉၄၅ ခုနှစ် မတ်လတွင် ‘Ghost Army’ (တစ္ဆေစစ်တပ်) သည် အမေရိကန်တပ်ဖွဲ့များ ရိုင်းမြစ်ဖြတ်ကျော်နိုင်ရန် ကူညီပေးခဲ့ပြီး၊ ဒုတိယကမ္ဘာစစ်တွင် အနောက်ပိုင်းစစ်မျက်နှာအတွက် မဟာမိတ်တပ်များ စစ်ဆင်ရေးပြုလုပ်ရန် အလွန်အရေးပါသော ဌာနချုပ်ကို ပေးခဲ့သည်။ စစ်သည်များသည် တစ္ဆေများမဟုတ်ပါ။ ဌာနချုပ် ၂၃ မှ အထူးတပ်သားများဖြစ်ပြီး၊ လူသားစင်စစ်ဖြစ်သည်။ ဤဖြစ်စဉ်တွင် လူ ၁,၁၀၀ ပါသောအဖွဲ့သည် လေမှုတ်တင့်ကားအရုပ်များ၊ ဖောက်ခွဲရေးတပ်ဖွဲ့နှင့် စပီကာများဖြင့် အသံအထူးပြုလုပ်ချက်များ သာမက ထိုထက်ပိုသော လှည့်ကွက်များကို အသုံးပြုကာ လူ ၃၀,၀၀၀ ရှိသကဲ့သို့ လှည့်စား နိုင်ခဲ့သည်။ ‘ဂို့စ်အာမီ’ အဖွဲ့၏ အနည်းငယ်မျှသော အရေအတွက်က ရန်သူများကို ပိုမိုကြီးမားသောတပ်ဟု ထင်မြင်စေပြီး ကြောက်လန့်စေခဲ့သည်။

မိဒျန်လူများနှင့် မဟာမိတ်များသည် ၎င်းတို့၏ရှေ့မှောက်တွင် ညအချိန်၌ ကြီးမားသောတပ်အလား ဘွားခနဲပေါ်လာသည့် သေးငယ်သောစစ်တပ်‌ကြောင့် တုန်လှုပ်ခဲ့ကြသည် (သူကြီး ၇:၈-၂၂)။ တရားသူကြီး၊ ပရောဖက်နှင့်…

ချိုမြိန်နှစ်ခြိုက်စွာ အိပ်စက်ခြင်း

ဆိုးရွားသော အမှတ်ရစရာများနှင့် စွပ်စွဲအပြစ်တင်သော မက်ဆေ့ချ်များက စဲလ် (Sal)၏ စိတ်ထဲတွင် လွှမ်းမိုးနေသည်။ သူ၏စိတ်၌ ကြောက်ရွံ့မှုများ ပြည့်နေပြီး တစ်ကိုယ်လုံးချွေးပြန်ကာ သူမအိပ်နိုင်ပါ။ သူ ဗတ္တိဇံ (နှစ်ခြင်း) မခံမီညတွင် အတွေးဆိုးများ၏ နှောင့်ယှက်မှုကို သူမဟန့်တားနိုင်ခဲ့ပေ။ သခင်ယေရှု၌ ကယ်တင်ခြင်းကို စဲလ် ရရှိခဲ့ပြီဖြစ်ကာ၊ သူ၏အပြစ်များ ခွင့်လွှတ်ခြင်း ခံရသော်လည်း ဝိညာဥ်ရေးရာတိုက်ပွဲက ဆက်လက်ဖြစ်နေသည်။ သို့နှင့် သူ့ဇနီးက သူ့လက်ကိုကိုင်ကာ သူ့အတွက် ဆုတောင်းပေးခဲ့သည်။ ခဏအကြာတွင် စဲလ်၏နှလုံးသားရှိ ကြောက်ရွံ့မှုနေရာတွင် ငြိမ်သက်ခြင်း အစားထိုး ဝင်ရောက်လာသည်။ ထို့နောက် အိပ်ယာမှထကာ ဗတ္တိဇံမင်္ဂလာ မစမီတွင် သူပြောမည့်စကားများကို ရေးခဲ့သည်။ ထိုသို့ ရေးရန် အစက သူမလုပ်နိုင်ခဲ့ပါ။ ပြီးနောက် သူသည် နှစ်ခြိုက်စွာအိပ်‌ပျော်ခဲ့တော့သည်။

ဒါဝိဒ်မင်းလည်း အိပ်မပျော်သောည၏ ခံစားချက်ကို သိသည်။ ထီးနန်း လုယူချင်သော သူ၏သား အဗရှလုံ၏ရန်မှ…

အကျွမ်းမဝင်သော သူစိမ်းနေရာများ

“ဘုရားသခင်၊ ဘာကြောင့် ဒီလိုဖြစ်ရတာလဲ။ ဒါဟာ တကယ်ပဲ ကျွန်ုပ်တို့အတွက် ကိုယ်တော်ရဲ့အကြံအစည်လား။”

ပြင်းထန်ကင်ဆာ‌‌ရောဂါဖြစ်နေကြောင်း ‌ဆေးစစ်ချက်အဖြေထွက်လာသဖြင့် စိတ်ပင်ပန်းနေရချိန်၌ ခင်ပွန်းသည်နှင့် ကလေးငယ်တို့၏ ဖခင်တစ်ဦးအနေဖြင့် ထိုကဲ့သို့သော မေးခွန်းများစွာက ကျွန်ုပ်စိတ်၌ တဝဲလည်လည်ဖြစ်နေသည်။ ထို့ပြင် မကြာမီကပင် ကလေးသူငယ်များစွာ သခင်ယေရှုအား သူတို့၏ကယ်တင်ရှင်အဖြစ် ယုံကြည်လက်ခံလာသည်ကို တွေ့မြင်ခဲ့ရသည့် သာသနာပြုအဖွဲ့တစ်ခုတွင် ကျွန်ုပ်၏မိသားစု အစေခံခဲ့သည်။ ဘုရားသခင်သည် သက်သေထင်ရှားသည့် အသီးအပွင့်များကို ယူဆောင်ပေးခဲ့ပြီး ပျော်ရွှင်စရာများနှင့် ပြည့်နှက်နေခဲ့သည်။ သို့ဆိုလျှင် မည်သည့်အတွက်ကြောင့် ထိုကိစ္စဖြစ်လာရသနည်း။

သူမချစ်ရသည့် အိမ်မှ သူစိမ်းနယ်မြေတစ်ခုသို့ ခေါ်ဆောင်ခြင်းခံရပြီးနောက် ဧသတာသည်လည်း ဘုရားသခင်ထံ မေးခွန်းများနှင့် ဆုတောင်းချက်များကို သွန်းလောင်းခဲ့မည်ဖြစ်သည် (ဧသ ၂:၈)။ သူမ မိဘမဲ့ဖြစ်ပြီးနောက် သူမ၏ ဝမ်းကွဲအစ်ကို မော်ဒကဲသည် သူမအား သမီးရင်းသဖွယ် ပြုစုပျိုးထောင်ခဲ့သည် (:၇)။ ထို့နောက် သူမသည် ဘုရင်၏အပျိုတော်အဖြစ် ရွေးချယ်ခံရကာ နောက်ဆုံးတွင် မိဖုရားအဖြစ်…

တံတိုင်းများဖြိုလျက် တလုံးတဝတည်းဖြစ်ခြင်း

၁၉၆၁ ခုနှစ်ကတည်းကပင် ဘာလင်တံတိုင်းကြီးကြောင့် မိသားစုများနှင့် မိတ်ဆွေသူငယ်ချင်းများ စည်းခြားကာ တကွဲတပြား နေခဲ့ကြရသည်။ နိုင်ငံသားများ အနောက်ဂျာမနီသို့ မထွက်ပြေးနိုင်ရန် ရည်ရွယ်၍ ထိုနှစ်၌ အရှေ့ဂျာမနီအစိုးရက ဘာလင်တံတိုင်းကြီးကို တည်ဆောက်ခဲ့ခြင်းဖြစ်သည်။ စင်စစ် ၁၉၄၉ ခုနှစ်မှစ၍ ထိုတံတိုင်းကို စတင်တည်ဆောက်သည့်အချိန်အထိ အရှေ့ဂျာမန်လူမျိုး (၂.၅) သန်းကျော်ခန့် အနောက်ဂျာမဏီသို့ ထွက်ပြေးခဲ့ကြပြီးဖြစ်သည်။ ၁၉၈၇ ခုနှစ်၌ အမေရိကန် သမ္မတ Ronald Reagan (ရော်နယ်ရေဂန်)သည် ဘာလင်တံတိုင်းကြီး၌ ရပ်လျက် “တံတိုင်းကြီးကို ဖြိုချလိုက်ပါ” ဟူသည့် အထင်ကရစကားကို ပြောခဲ့သည်။ သူ၏စကားသည် ကြီးမားသည့် အပြောင်းအလဲကို ထင်ဟပ်ခဲ့ပြီး ၁၉၈၉ ခုနှစ်တွင် ထိုတံတိုင်းကြီးပြိုလဲကာ ဝမ်းမြောက်ဖွယ်ရာ ဂျာမဏီနိုင်ငံသူ နိုင်ငံသားများ၏ ပြန်လည်ပေါင်းစည်းခြင်းကို ဖြစ်စေခဲ့သည်။

ဧဖက်သြဝါဒစာ ၂:၁၄-၁၅ တွင် သခင်ယေရှုဖြိုချခဲ့သည့် “ရန်ငြိုးဖွဲ့ခြင်း အုတ်တံတိုင်းနံရံ” အကြောင်း ရှင်ပေါလု…

ချစ်မေတ္တာဖြင့် ရင်ဆိုင်ခြင်း

သူကောင်းစွာလုပ်ဆောင်ခဲ့သည့် အရာများစွာ ရှိသော်လည်း ပြဿနာတစ်ခုရှိခဲ့သည်။ လူတိုင်းက ထိုပြဿနာကို မြင်သည်။ သူ၏အခန်းကဏ္ဍအများစုကို ပြီးမြောက်အောင်မြင်စွာ အကျိုးရှိရှိ လုပ်ဆောင်နိုင်ခဲ့ခြင်းကြောင့် သူ၏ဒေါသပြဿနာကို မည်သူမျှ၊ ဘယ်သောအခါမှ ထိထိရောက်ရောက် ထိပ်တိုက် ဖြေရှင်းခဲ့ခြင်းမရှိပါ။ ဝမ်းနည်းဖွယ်အကျိုးဆက်မှာ ထိုနှစ်များအတွင်း သူ့ကြောင့် လူများစွာ နာကျင်ခံစားခဲ့ရသည်။ ခရစ်တော်၌ရှိသော ဤညီအစ်ကိုအတွက် ပိုကောင်းသောအခြေအနေ ဖြစ်နိုင်သော်လည်း၊ အဆုံးတွင် သူ၏အသက်မွေးဝမ်းကြောင်းမှုသည် အချိန်မတိုင်ဘဲ ရပ်ဆိုင်းခြင်းသို့ ဦးတည်သွားသည်။ အကယ်၍ ယခင်ကတည်းက သူ့အား ချစ်ခြင်းမေတ္တာဖြင့် ရင်ဆိုင်ဖြေရှင်းရန် ကျွန်တော်ရွေးချယ်ခဲ့ပါက ထိုသို့ဖြစ်လိမ့်မည် မဟုတ်ပါ။

ကမ္ဘာဦးကျမ်း ၄ တွင် ဘုရားသခင်သည် တစ်စုံတစ်ဦး၏အပြစ်ကို ချစ်ခြင်း မေတ္တာဖြင့် ရင်ဆိုင်ဖြေရှင်းခြင်း၏အဓိပ္ပာယ်ကို ပြီးပြည့်စုံသောသရုပ်ဖြင့် ဖော်ပြထားသည်။ ကာဣနသည် ဒေါသထွက်ခဲ့သည်။ သူသည် လယ်သမားတစ်ဦးဖြစ်သည့်အလျှောက် “ထာဝရဘုရားထံ ပူဇော်သက္ကာဖို့၊ မြေအသီးကို ဆောင်ခဲ့၏” (:၃)။ သို့သော် သူယူလာသောအရာသည်…

သိခြင်းနှင့်ချစ်ခြင်း

‘Does My Son Know You?’ (ငါ့သား မင်းကို သိလား) ဟူသော အဓိပ္ပာယ်ရှိလှသည့် ဆောင်းပါးတွင် အားကစား သတင်းရေးသူ Jonathan Tjarks (ဂျွန်နသန်ချာ့စ်)သည် ကင်ဆာရောဂါနှင့် တိုက်ပွဲဝင်ရသည့်အကြောင်းနှင့် အခြားသူတို့ သူ့ဇနီးနှင့်သားငယ်ကို ကောင်းမွန်စွာ ပြုစု စောင့်ရှောက်စေလိုသောဆန္ဒကို ရေးသားခဲ့သည်။ အသက် (၃၄) နှစ်အရွယ် ရှိပြီဖြစ်သော ဂျွန်နသန်သည် သူမသေဆုံးမီ (၆) လအလိုတွင် ထိုစာအုပ်ကို ရေးခဲ့သည်။ သူ၏ဖခင်မှာလည်း သူအရွယ်ရောက်ခါစကပင် ဆုံးပါးသွားခဲ့သည်။ သူသည် ယေရှုကို ယုံကြည်သူဖြစ်ပြီး၊ မုဆိုးမများနှင့် မိဘမဲ့ကလေးများကို ကြည့်ရှုရန် ဖော်ပြသည့် ကျမ်းချက်များကို ဝေမျှခဲ့သည် (ထွ ၂၂:၂၂၊ ဟေရှာ ၁:၁၇၊ ယာ ၁:၂၇)။ သူ့မိတ်ဆွေများအား တိုက်ရိုက်ရည်ညွှန်းလျက် “ကောင်းကင်နိုင်ငံမှာ မင်းတို့ကို တွေ့တဲ့အခါ ငါမေးစရာ တစ်ခုပဲရှိတယ်။ ငါ့သားနဲ့…

ခြေရင်းသို့ မိမိကိုယ်ကိုပစ်လွှတ်ခြင်း

၂၀၂၁ ခုနှစ်တွင် သမိုင်းတစ်လျှောက် အဝေးဆုံး မြှားပစ်သမားတစ်ယောက်ဖြစ်ရန် ရည်မှန်းချက်ရှိသော အင်ဂျင်နီယာတစ်ယောက်သည် ၂၀၂၈ ပေ အကွာအဝေးကို စံချိန်တင်ရန် ရည်ရွယ်ခဲ့သည်။ ဆားပြင်ပေါ်တွင် ပက်လက်လှဲလျောင်းလျက် သူကိုယ်တိုင် ပုံစံထုတ်ထားသော ခြေထောက်နှင့်ပစ်ရသောလေး၏ လေးကြိုးကို တင်ပြီး၊ တစ်မိုင်ကျော် (ပေ ၅၂၈၀) အကွာအဝေးကို စံချိန်သစ်တင်နိုင်မည်ဟု မျှော်လင့်ကာ မြှားတစ်စင်းကို ပစ်လွှတ်ရန် ပြင်ဆင်ခဲ့သည်။ အသက်ပြင်းပြင်းရှူရင်း မြှားကိုလွှတ်လိုက်သည်။ တစ်မိုင်ခရီး မရောက်ခဲ့ပါ။ လက်တွေ့တွင် ၎င်းသည် ၁ ပေ ထက်နည်းသော သူ၏ခြေရင်းသို့ကျပြီး၊ အောင်မလေး၊ သိသိသာသာ ထိခိုက်ပျက်စီးမှုသာ ဖြစ်စေခဲ့သည်။

တစ်ခါတစ်ရံ ကျွန်ုပ်တို့သည် လွဲမှားသော ရည်မှန်းချက်များဖြင့် မိမိကိုယ်ကို ချိန်မိ၊ ပစ်မိနိုင်သည်။ ယာကုပ်နှင့် ယောဟန်တို့သည် ကောင်းသောအရာတစ်စုံတစ်ခုကို ရည်မှန်းချက် ကြီးကြီးထားပြီး ရှာဖွေခြင်း၏ အဓိပ္ပာယ်ကို သိသည်။ သို့သော် ၎င်းတို့၏ အကြောင်းပြချက်က…

လွတ်လပ်ကျယ်ဝန်းသည့်နေရာကို ရှာဖွေခြင်း

“အနားယူအားဖြည့်ရမယ့်အချိန်ကို ကျွန်ုပ်တို့လိုအပ်တယ်။ တွေးတောဆင်ခြင်ဖို့ လွတ်လပ်မှုနဲ့ အနာကုစားဖို့အခွင့် ကျွန်ုပ်တို့လိုအပ်တယ်။ မြန်ဆန်တဲ့အရှိန်အဟုန်ကြောင့် ဆက်ဆံရေးတွေ သေဆုံးဖို့ တာစူနေပြီ။ အရှိန်အဟုန်မြင့် ကောင်းမွန်တဲ့ ရည်မှန်းချက်တွေရဲ့ဖိစီးမှုကြောင့် ကျွန်ုပ်တို့ရဲ့ ကလေးတွေ ဒဏ်ရာတွေနဲ့ လဲပြိုနေကြပြီ။ ဘုရားသခင်ဟာ ကျွန်ုပ်တို့မောပန်းနွမ်းနယ်တာကို နှစ်ခြိုက်နေတယ်ဆိုတဲ့သဘောလား။ လူတွေကို သာယာတဲ့မြစ်နား သူမခေါ်သွားတော့ဘူးလား။ အတိတ်က လွတ်လပ်ကျယ်ဝန်းတဲ့နေရာတွေကို ဘယ်သူက အဓမ္မလုယူသွားတာလဲ။ အဲဒါတွေကို ကျွန်ုပ်တို့ ဘယ်လို ပြန်လည်ရယူနိုင်မလဲ” ဟု ‘Margin’ (အနားသတ်မျဉ်း) ဟူသည့်စာအုပ်၌ ဒေါက်တာ Richard Swenson (ရစ်ချတ်စွမ်စန်) ရေးသားထား သည်။ ဘုရားသခင်၌ အနားယူကာ သူနှင့်တွေ့ဆုံနိုင်မည့် ဆိတ်ငြိမ်လျက် အကျိုး ဖြစ်စေသည့် ဘဝ၏“နေရာ”ကို ကျွန်ုပ်တို့လိုအပ်သည်ဟု စွမ်စန်က ဆိုသည်။

၎င်းက မည်သည်ကို ထင်ဟပ်နေသနည်း။ လွတ်လပ်ကျယ်ဝန်းသော အနားယူ အားဖြည့်ရာနေရာများကို ရှာဖွေခြင်းသည် မောရှေကောင်းစွာ အသက်ရှင်ခဲ့သည့်…

ကိုယ်တိုင်တာဝန်ယူမှု

ကျွန်တော့်သူငယ်ချင်း၏မျက်လုံးများက ကျွန်တော်ကိုယ်တိုင်ခံစားနေရသည့် “ကြောက်ရွံ့မှု”ကို ဖော်ပြနေသည်။ ကျွန်တော်တို့ ဆယ်ကျော်သက်နှစ်ယောက်သည် ဆိုးဝါးစွာပြုမူခဲ့ပြီး၊ ယခု သင်တန်းတာဝန်ခံ ရှေ့မှောက်တွင် ကုပ်ကုပ်လေးဖြစ်နေပါသည်။ သူက ကျွန်တော်တို့ ဖခင်များကိုသိပြီး၊ မေတ္တာနှင့်ကျွန်တော်တို့ကို ပြောနေသော်လည်း ကျွန်တော်တို့ဖခင်များ မည်မျှ စိတ်ပျက်သွားမည်ကို ပြတ်သားစွာဖော်ပြခဲ့သည်။ ကိုယ့်အပြစ်‌ကြောင့် မိမိကိုယ်တိုင်၌သာ တာဝန်ရှိကြောင်း ဝန်ထုပ်ကြီးကြောင့် စားပွဲအောက်သို့သာ တိုးဝင်ပုန်းလိုက်ချင်တော့သည်။

ဘုရားသခင်သည် အပြစ်အတွက် ကိုယ်တိုင်တာဝန်ယူမှုနှင့် ပတ်သက်သည့် ကြီးလေးသော စကားလုံးများပါဝင်သော၊ သတင်းစကားကို ယုဒလူမျိုးအတွက် ပရောဖက်ဇေဖနိမှတစ်ဆင့် ပေးခဲ့သည် (ဇေ ၁:၁၊ ၆-၇)။ ယုဒ၏ရန်သူများထံ ကျရောက်စေမည့် ဘေးနှင့်စီရင်ချက်ချခြင်းများကို ဖော်ပြပြီးနောက် (အခန်းကြီး ၂)၊ ဘုရားသခင်သည် နေမထိထိုင်မသာဖြစ်နေသော အပြစ်ရှိသည့် သူ့လူများဘက်သို့ လှည့်ပြီး (အခန်းကြီး ၃)၊ “ဆန့်ကျင်ဘက်ပြု၍ ညစ်ညူးလျက် ညှဉ်းဆဲတတ်သောမြို့သည် အမင်္ဂလာရှိ၏” (:၁)။ “သူတို့သည်ကြိုးစား၍ မှားယွင်းသောအကျင့်ကိုသာ ကျင့်ကြ၏”…