ဘဝ၌ တရားမျှတမှုမရှိသည့်အခါ

ချားလ်စ်ဒစ်ကန်စ်(Charles Dickens)၏ ဂန္တဝင်ဝတ္ထု အော်လစ်ဗာထွစ်ထ်(Oliver Twist)၌ ဆင်းရဲသားများကို ခေါင်းပုံဖြတ်မှုကြောင့် နာမည်ဆိုးဖြင့် ကျော်ကြားသည့် နွမ်းပါးသူများစောင့်ရှောက်ရေးဂေဟာတစ်ခု၌ ချူချာသော အော်လစ်ဗာကို မွေးဖွားခဲ့သည်။ သူသည် မွေးစကပင် မိဘမဲ့ဖြစ်ခဲ့ပြီး၊ ညှဥ်းပမ်းနှိပ်စက်ခံရ၍ နောက်ဆုံး၌ ထိုနေရာမှထွက်ပြေးခဲ့သည်။ အံ့သြဖွယ် ဘဝအလှည့်အပြောင်းကို ဖြတ်သန်းရင်း သူသည် ပမာဏကြီးမားသည့်ငွေကြေးဥစ္စာကို အမွေခံရမည့်သူဖြစ်ကြောင်း သိရှိခဲ့ရသည်။ ပျော်ရွှင်စရာ ဇာတ်သိမ်းကို နှစ်သက်သူ ဒစ်ကန်စ်က အော်လစ်ဗာကို နစ်နာစေခဲ့သူများအား မုချထိုက်သင့်သည့် တရားစီရင်မှု (သို့) နောင်တရစေခဲ့သည်။ မြေကွက်ကို အော်လစ်ဗာအမွေဆက်ခံချိန်၌ သူ့အားဖိနှိပ်ခဲ့သူများမှာ သူတို့နှင့်တန်သည့်အပြစ်ဒဏ်ကို ခံခဲ့ကြရသည်။ ဒစ်ကန်စ်၏ဝတ္ထုမှ လှပသည့် ဇာတ်သိမ်းအတိုင်း ဘဝတွင် ဖြစ်လာမည်ဆိုလျှင် မည်မျှ ကောင်းလိမ့်မည်နည်း။

သမ္မာကျမ်းစာ၌ တရားမျှတမှုပေါ်ထွန်းပြီး ဖိနှိပ်ခံရသူများ “ပြည်တော်ကိုအမွေခံရ”မည့်နေ့ကို မျှော်လင့်သူတစ်ဦး၏စာသားကို ကျွန်ုပ်တို့ ဖတ်ရှုရသည် (ဆာ ၃၇:၉)။ မကောင်းမှုများကို ကိုယ်တွေ့ ကြုံခဲ့ရသော်လည်း…

မြင်တွေ့ရန်နှင့် အစေခံရန်

“တစ်ခါတစ်ရံ ဘဝမှာ ထိတ်လန့်တုန်လှုပ်စရာကို မြင်တွေ့ခဲ့ရပြီးရင် ကျွန်တော်တို့ဟာ အဲဒါကို လျစ်လျူရှုဖို့ မေ့ပျောက်ဖို့ ခက်တယ်” ဟု Alexander McLean(အလက်ဇဲန်ဒါး မက်လဲန်)က မိနစ် ၆၀ အင်တာဗျူးတစ်ခု၌ပြောခဲ့သည်။လန်ဒန်တောင်ပိုင်းသားမက်လဲန်သည် ယူဂန်ဒါနိုင်ငံ၌ ထောင်နှင့် နောက်ဆုံးအချိန် ရောက်နေသူများကို ထားသည့် ဆေးရုံများတွင် ကူညီလုပ်ကိုင်ရန် သွားရောက်ခဲ့စဥ်က အသက် ၁၈ နှစ်သာ ရှိသေးသည်။ ထိုနေရာတွင် သူမမေ့ပျောက်နိုင်သည့် မြင်ကွင်းတစ်ခုကို မြင်ခဲ့ရသည်။

အဘိုးအိုတစ်ယောက်သည် အိမ်သာဘေးတွင် အကူအညီမဲ့စွာဖြင့် လဲကျနေသည်။ မက်လဲန်က အဘိုးအိုကို ငါးရက်ကြာ ဂရုစိုက်ပေးခဲ့သော်လည်း သူသေဆုံးသွားသည်။

ဤအတွေ့အကြုံက မက်လဲန်၏ စိတ်စွမ်းအားကို မီးညှိပေးခဲ့သည်။ သူသည် ဥပဒေဘွဲ့ရယူပြီး အကူအညီလိုအပ်နေသူများကို ကူညီရန် အာဖရိကသို့ ပြန်လာခဲ့သည်။ နောက်ဆုံးတွင် သူသည် အကျဉ်းသားများအတွက် ရပ်တည်ကူညီပေးသော Justice Defenders အဖွဲ့ကို တည်ထောင်ခဲ့သည်။

“လျစ်လျူရှု၍မရနိုင်သော”…

လှိုဏ်ဂူအတွင်း၌ ထိတ်ပြာကြောက်ရွံ့နေခြင်း

မဲန်မော့သ်လိုဏ်ဂူ(Mammoth Cave)နှင့်ဆက်ထားသည့် ကြီးမားသော မြေအောက် ဆက်သွယ်ရေးလိုဏ်ခေါင်း၌ အလွန်စိတ်လှုပ်ရှားတက်ကြွနေသည့် လူငယ် ၃ ဦး ရောက်ရှိနေသည်။ ထိုကဏ္ဍ၌ ကျွမ်းကျင်ပြီး လိုဏ်ဂူအတွေ့အကြုံ ရင့်ကျက်သည့် ဦးလေး ဖရဲန့်ခ်က သူတို့နှင့်အတူ ရှိနေသည်။ သူသည် မတ်စောက်သည့် နေရာနှင့် အန္တရာယ်ရှိသည့်နေရာများကို သိထားသူဖြစ်၍ “ဒီဘက်လမ်းကနေသွားကြ”ဟု မကြာခဏ လှမ်းအော်သတိပေးသည်။ သတိပေးနေသည့်ကြားမှပင် လူငယ်တို့သည် သူနှင့်ဝေးသည့်ဘက်၌ စူးစမ်းလေ့လာကြသည်။

သို့နှင့် ဦးလေး ဖရဲန့်ခ် သည် သူ၏ဦးထုပ်မီးကို မှိန်ချလိုက်ပြီး ငြိမ်နေလိုက်သည်။ မကြာမီ သူတို့အား ဦးဆောင်လမ်းပြသူ ပျောက်သွားသည်ကို သူတို့သတိပြုမိပြီး၊ ကြောက်စိတ်ဝင်လာကာ ဦးလေး ဖရန့်ခ်ကို အော်ခေါ်သော်လည်း တုံ့ပြန်သံမကြားရပါ။ နောက်ဆုံးတွင် အဝေးတစ်နေရာမှ မီးရောင်ကို မြင်လိုက်ရမှ ရုတ်ခြည်း စိတ်သက်သာမှုနှင့် ငြိမ်သက်ခြင်းကို ရပါတော့သည်။ ယခုတွင် လမ်းပြသူနောက်သို့လိုက်ရန် သူတို့အသင့်ရှိနေလေပြီ။

ဤဖြစ်ရပ်မှန်က သန့်ရှင်းသောဝိညာဉ်တော်အား…

မျှော်လင့်ချက်မဲ့သောအမှုကိစ္စများ

အေမီ(Amy)နှင့် အယ်လန်(Alan)တို့၏ မွေးကင်းစသမီးငယ်ဂျမ်(Jem)အတွက် မျှော်လင့်ချက်ဂိတ်ဆုံးနေသော အခြေအနေပါ။ Trisomy-18 ဟူသော မွေးရာပါ‌ ရောဂါတစ်မျိုးကြောင့် လာမည့်ရက်သတ္တပတ်အထိ အသက်ရှင်နိုင်တော့မည်မဟုတ်ချေ။ “သူ့ကို ကုသလည်း အကျိုးမထူးနိုင်ဘူး” ဟု ဆရာဝန်က အေးစက်စွာပြောခဲ့သည်။ သို့သော် “ကျွန်မသမီးအတွက် ကျွန်မမှာ ပိုကြီးမားတဲ့ အိမ်မက်တွေရှိတယ်”ဟု မိခင်က ပြန်လည်တုံ့ပြန်ခဲ့သည်။ သူတို့သည် ဂျမ်ကို အိမ်ပြန်ခေါ်သွားခဲ့ပြီး ချစ်ခြင်းမေတ္တာပြသခဲ့သည်။ ထို့နောက် သူတို့ဆုတောင်းခဲ့ကြသည်။

ခြောက်နှစ်ကြာပြီးနောက် ဂျမ်သည် သူမ၏ကိုယ်တွင်းရှိအကျိတ်ကို ခွဲစိတ်ဖယ်ရှားရန် လိုအပ်သည်တွင် ယခင်က ဆရာဝန်မှာ သူတို့ထံလာပြီး “ခင်ဗျားတို့ ဘာတွေးနေလဲ ကျွန်တော်သိတယ်။ ဒါပေမဲ့ ကျွန်တော့်ကို ဒုတိယအခွင့် အရေးပေးပါ”ဟုပြောကာ ဂျမ်နှင့် ပတ်သက်ပြီး သူမှားခဲ့ကြောင်းဝန်ခံခဲ့သည်။ “ကျွန်တော့်ကို ပြန်လည် အဖတ်ဆယ်ခွင့်ပေးပါ”ဟု သူတောင်းဆိုသည်။ အေမီနှင့် အယ်လန်တို့ငြင်းနိုင်သော်လည်း ဘုရားရှင်၏ခွင့်လွှတ်ခြင်းတန်ခိုးကို သူတို့နားလည်ပါသည်။

ဓမ္မဟောင်းကျမ်းမှ ပရောဖက်များသည် ဘုရားသခင်၏တရားစီရင်ခြင်းသတင်းများကို ဟောပြောရလေ့ရှိသည်။သို့သော်…

သေခြင်းတရား၏ဓားသွားအောက်၌

Sabin Howard (ဆာဘင်းဟားဝဒ်)၏ A Soldier’s Journey “စစ်သားတစ်ဦး၏ခရီးစဉ်” ဆိုသော ထူးခြားပန်းပုလက်ရာမှာ ကြည့်ရှုသူများကို တက်ကြွမှုနှင့် နာကျင်မှုတို့ကို တစ်ပြိုင်နက်တည်း ခံစားရစေသည်။ ၎င်းသည် ပထမကမ္ဘာစစ်မှ စစ်သားတစ်ဦး၏ဘဝကောက်ကြောင်းကို ကြေးရုပ် ၃၈ ရုပ်ဖြင့် သရုပ်ဖော်လျက် ၅၈ ပေ အကျယ်ရှိနံရံတွင် ထုလုပ်ထားပြီး၊ ၂၀၂၄ ခုနှစ်တွင် ထုလုပ်ပြီးစီးခဲ့သည်။ ထိုရုပ်တုများမှာ စစ်ထွက်ခါနီး မိသားစုကို နှုတ်ဆက်နေသည့်ပုံ၊ ထို့နောက် စစ်၏ အနိဌာရုံကို ဖော်ကျူးသည့် ရုပ်တုများနှင့်၊ နောက်ဆုံး သမီးက စစ်ပြန်ဖခင်၏ ပက်လက်လှန်ထားသည့် စစ်ခမောက်ထဲ ကြည့်နေပုံတို့ဖြစ်သည်။ သူမ၏အမြင်၌ ဒုတိယကမ္ဘာစစ် စစ်ကြိုအရိပ်ကိုသာ တွေ့ခဲ့ရသည်။

ဟားဝဒ်က “လူသားများသည် အမြင့်ဆုံးသို့ရောက်နိုင်သကဲ့သို့ တိရိစ္ဆာန်အဆင့်သို့ နှစ်မြှုပ်သွားနိုင်ကြောင်း” - လူ့သမိုင်းတစ်လျှောက် ဖြစ်ပေါ်သည့် အဖြစ်အပျက် ဆက်စပ်မှုကို ရှာဖွေတင်ဆက်ခြင်းဖြစ်သည်။ စစ်ပွဲက ထိုအဖြစ်မှန်ကိုဖွင့်ပြခဲ့ပေသည်။…

မိခင်တစ်ဦး၏ ပြန်ပြောင်းတွေးတောဆင်ခြင်ခြင်း

“မိခင်တစ်ဦးအနေနဲ့ ခံစားခဲ့ရတဲ့ ချို့ယွင်းချက်များနှင့် ကျရှုံးမှုတွေကို ပြန်သတိရစေလို့ “မိခင်များနေ့ကို ကျွန်မ တကယ်မကြိုက်ဘူး” ဟု ကလေးသုံးယောက်မိခင် Donna (ဒွန်နာ) က ပြန်ပြောင်း တွေးတောရင်းပြောသည်။

ဒွန်နာသည် မြင့်မားသော မျှော်လင့်ချက်များဖြင့် သူမ၏ မိဘအုပ်ထိန်းမှုဘဝကို စတင်ခဲ့သော်လည်း လက်တွေ့တွင် ထင်ထားသလောက် မလွယ်ကူခဲ့ပါ။ သူမက “အမေတစ်ယောက်ဖြစ်ရတာ တကယ့်ကို အခက်ခဲဆုံးပါပဲ။ ကလေးတစ်ယောက်ဆို ကျွန်မကို တော်တော်စိတ်အနှောင့်အယှက် ဖြစ်စေခဲ့တယ်”ဟု ပြောခဲ့သည်။
ဘုရားသခင်သည် လေအာကို ဣသရေလအမျိုး၏ မိခင်အဖြစ် ရွေးချယ်သောအခါ၊ သူမသည် သူမ၏သားသမီးတစ်ဦးချင်းစီအတွက် မြင့်မားသောမျှော်လင့်ချက်ရှိမည်မှာ သေချာသည်။ သူမသည် ပထမဦးဆုံးသားလေးဦးအား သူမ၏ခက်ခဲသောအခြေအနေနှင့် ဆက်စပ်မှုရှိသောနာမည်များကို ပေးခဲ့သည် (က ၂၉:၃၂-၃၅)။ သို့သော် သမ္မာကျမ်းစာတွင် မကောင်းသောဇာတ်လမ်းများနှင့်ပတ်သက်လာလျှင်၊ ဤသားများသည် လူဆိုးများအဖြစ် ပါဝင်ခဲ့သည်။ အချို့မှာ လူသတ်သမားများ (၃၄:၂၄-၃၀) နှင့် ကျွန်ကုန်ကူးသူများ (၃၇:၁၇-၂၈)…

အကောင်းဆုံး သက်သေ

လီသည် ဘုရားသခင်ကို မယုံကြည်ပါ။ ထို့ပြင် သခင်ယေရှု၏ ရှင်ပြန်ထမြောက်ခြင်းကိုလည်း မယုံခဲ့ပေ။ သို့သော် လီသည် ခွဲခြမ်းစိတ်ဖြာတတ်သည့်စိတ်ထားရှိသော သတင်းထောက်တစ်ဦးဖြစ်သည်။ သူ့ဇနီးသည် သခင်ယေရှုကို ယုံကြည်သောအခါ သူကိုယ်တိုင် သူမ၏ယုံကြည်ခြင်းအသစ်ကို လေ့လာရန် ဆုံးဖြတ်ခဲ့သည်။ နှစ်နှစ်ကြာ စူးစမ်းလေ့လာမှုပြုပြီးနောက် ဘုရားသခင်၊ ရှင်ပြန်ထမြောက်ခြင်း၊ ခရစ်တော်ကို ယုံကြည်ခြင်းကို သူလက်ခံခဲ့သည်။

သူ၏ ပြောင်းလဲမှုမှာ သိသာထင်ရှားသည်။ လအနည်းငယ်ကြာပြီးနောက်၊ သူ၏ငါးနှစ်အရွယ်သမီးက “မေမေ၊ ဘုရားသခင် ဖေဖေအတွက် လုပ်ပေးခဲ့တာ တွေကို မီးမီးအတွက်လည်း လုပ်ပေးစေချင်တယ်”ဟု သူ့မိခင်ကို ပြောပါတယ်။ သို့နှင့် လီစထရိုဘယ်လ်၏သမီးလည်း သခင်ယေရှုကို ယုံကြည်ခဲ့သည်။

ရှင်ပြန်ထမြောက်ခြင်းကို လူအများက ယုံကြည်ရန် ငြင်းဆိုကြသည်။ သို့သော် ထင်ရှားကျော်ကြားသော မျက်မြင်သက်သေများသည် ရှင်ပြန်ထမြောက်သော သခင်ယေရှုကို မြင်ခဲ့ကြသည်။ ထိုမျက်မြင်သက်သေတစ်ဦးဖြစ်သည့် တပည့်တော်ပေတရုက ဒါဝိဒ်မင်းသည် ဧကန်မုချသေဆုံးခဲ့ပြီး သူ့အား သင်္ဂြိုဟ်ခဲ့ပြီဖြစ်ကြောင်း လူပရိသတ်ကို…

သခင်ယေရှု၌ ဝမ်းမြောက်ခြင်း

“ကျွန်မမှာ ပျော်ရွှင်ခွင့်ရှိတယ်”ဟု ဆယ်ကျော်သက်တစ်ဉီးက ဥပဒေပြုအာဏာပိုင် အဖွဲ့သို့ ပြောကြားခဲ့သည်။ သူမသည် မည်သူမဆိုဖြစ်နိုင်ပြီး၊ မည်သည့်နေရာ၌ မဆို လူတိုင်းအတွက် ကိုယ်စားပြုပြောပေးနိုင်သည်။ ၎င်းသည် လူသားများ၏ အော်ဟစ်သံဖြစ်သည်။ အားပေးနှိုးဆော်ဟောပြောပို့ချသည့် ဆရာဂုရုတစ်ပါး ကလည်း “သင့်ကို ဘုရားရှင်ပျော်စေချင်တယ်”ဟု ပြောခဲ့သည်။

၎င်းသည် မှန်ကန်ပါသလား။ ပျော်ရွှင်မှုကို ရှာဖွေခြင်းက မမှား‌သော်လည်း ထိုစိတ်ဆန္ဒသည် အခြေအနေတစ်ခုစီတိုင်း၌ အတက်အကျ ရှိနေပြီး၊ တစ်ဦး၏ ဆန္ဒပြည့်စုံသွားမှုသည် အခြားသူတစ်ဉီး၏ပျော်ရွှင်မှုကို ဖျက်ဆီးပစ်နိုင်သည်။

သခင်ယေရှုက ပိုမိုကောင်းမွန်သောအရာကို ကျွန်ုပ်တို့အား ညွှန်ပြနေသည်။ သူသည် လောက၏အပြစ်များကို ဆောင်ယူပြီး ရောမတို့၏လက်ဝါးကပ်တိုင်ထက်၌ သံချက်နှင့် အရိုက်ခံရတော့မည်ကို သခင်သိနေခဲ့သည်။ သို့သော် တပည့်တော်များအတွက်သာ သူစိုးရိမ်နေခဲ့သည်။ သင်တို့သည် ငိုကြွေးမြည်တမ်းရချိန်၌ လောကီသားတို့သည် ဝမ်းမြောက်ကြလိမ့်မည်ဟု သခင် မိန့်မြွက်သည်။ သို့သော် “ထိုဝမ်းနည်းခြင်းသည် တစ်ဖန်ဝမ်းမြောက်ခြင်းဖြစ်လိမ့်မည်”(ယော၁၆:၂၀)။ “ထိုဝမ်းမြောက်ခြင်းကို အဘယ်သူမျှ လုယူဖျက်ဆီးခြင်းငှာ…

ထိုစာရင်းသည် အသက်စာရင်းဖြစ်သည်

အစ်ဇက်စတန်း(Itzhak Stern)သည် တစ်ညလုံးလက်နှိပ်စက်ဖြင့် အလုပ်ရှုပ်နေခဲ့ပြီး၊ လက်နှိပ်စက်ဖြင့် သူရိုက်ခဲ့သည့်အမည်များမှာ စုစုပေါင်း လူ ၁,၀၉၈ ယောက် ရှိသည်။ ထိုအမည်များသည် နာဇီတို့လက်မှ စက်ရုံပိုင်ရှင် Oskar Schindler (အော့စ်ကာ ရှင်းဒဲ) ကယ်တင်ခဲ့သော ဂျူးလူမျိုးအလုပ်သမားများ၏အမည်စာရင်း ဖြစ်သည်။ စာရွက်ကို တင်းကြပ်စွာဆုပ်ကိုင်ရင်း “ဒီစာရင်းက လုံးဝပြီးပြည့်စုံတယ်။ ဒါက အသက်စာရင်းပဲ”ဟု သူပြောခဲ့သည်။ ထိုစာရွက်ပေါ်မှ အမည်များသည် နာဇီတို့၏ လူမျိုးတုန်းသတ်ဖြတ်မှုအန္တရာယ်မှ လွတ်မြောက်မည့်သူများပင်ဖြစ်သည်။ ၂၀၁၂ ခုနှစ်တွင် ထိုလွတ်မြောက်လာသူများ၏ မျိုးဆက်များသည် အရေအတွက် အားဖြင့် ၈၅၀၀ ဦး ရှိမည်ဟု ခန့်မှန်းခဲ့ကြသည်။

သမ္မာကျမ်းစာ၌ အလားတူ စာရင်းများပါဝင်သည်။ အမည်များစွာနှင့် ထပ်တလဲလဲဖော်ပြထား၍ ထိုစာရင်းကို ကျွန်ုပ်တို့ကျော်ပစ်လိုကြသည်။ “ယုဒ၏ သားဟူမူကား ... ရှေလမှဆင်းသက်သော ‌ရှေလနိဆွေမျိုး၊ ဖာရဇ်မှ ဆင်းသက်သော ဖာရဇိအဆွေအမျိုး ... ”(တော ၂၆:၂၀)ဟူသည့်…

ဘုရားသခင်၌ အမြော်အမြင်ရှိသော ချုပ်တည်းမှု

၁၈၆၃ခုနှစ် အမေရိကန်ပြည်တွင်းစစ်အတွင်း ဂတ်ထီစ်ဘာ့ဂ် (Gettysburg) တိုက်ပွဲတွင် တောင်ပိုင်းတပ်မှ အကြီးအကျယ်ဆုံးရှုံးမှုဖြစ်ပြီးနောက်၊ ဗိုလ်ချုပ်ရောဘတ် အီးလီ (Robert E. Lee) သည် ချုံးချုံးကျနေသောတပ်ကို တောင်ပိုင်းနယ်မြေသို့ ခေါ်ဆောင်ခဲ့သည်။ မိုးသည်းထန်မှုကြောင့် ဖိုထောမက်ခ် (Potomac) မြစ်ရေကြီးပြီး၊ သူတို့၏ဆုတ်ခွာမှုအတွက် အတားအဆီးဖြစ်နေသည်။ သမ္မတအေဘရာဟင် လင်ကွန်း (Abraham Lincoln) က ဗိုလ်ချုပ်ဂျော့ဂျ်မိဒ် (George Meade) ကို တိုက်ခိုက်ရန် တိုက်တွန်းခဲ့သည်။ သို့သော် မိဒ်(Meade)၏ တပ်သားများလည်း လီ၏ လူများကဲ့သို့ပင် လက်ပန်းကျနေ၍ သူ၏အဖွဲ့သားများကို အနားယူစေခဲ့သည်။

လင်ကွန်းသည် ကလောင်တံကိုယူကာ စာရေးလိုက်သည်။ ထိုစာ၌ လီ ကို လိုက်ရန် မိဒ်၏တွန့်ဆုတ်မှုကြောင့် သူ“အတိုင်းမသိ စိတ်ပင်ပန်း”ခဲ့ရသည်ဟု ဝန်ခံခဲ့သည်။ စာအိတ်ပေါ်တွင် သမ္မတ၏လက်ရေးနှင့် “သို့ ဗိုလ်ချုပ်မိဒ်၊ ဘယ်သောအခါမှ မပို့ခဲ့သော၊ လက်မှတ်မထိုးခဲ့သောစာ” ဟုရေးထားသည်။…