စာရေးသူ

အားလုံးမြင်နိုင်ရန်
Tim Gustafson

တင်မ်ဂပ်စ်ထက်ဖ်ဆန်

တင်မ်ဂပ်စ်ထက်ဖ်ဆန် (Tim Gustafson) သည် Our Daily Bread နှင့် Our Daily Journey စာစောင်များ ရေးသားပြီး၊ 'လေ့လာမှတ်သားဖွယ်စာစဉ်' ( Discovery Series) များကို တည်းဖြတ်ပေးသည်။ ဂါနာနိုင်ငံသို့ သာသနာသွားပြုသည့် အမှုတော်ဆောင် ဇနီးမောင်နှံ၏ မွေးစားသားတစ်ယောက်အနေနှင့် ၎င်းတွင် အနောက်နိုင်ငံ၌ နေရသည့် ဘဝနှင့်ပတ်သက်ပြီး တမူထူးသော ရှုထောင့် ရှိသည်။ သူ၏ဇနီးမှာ Leisa ဖြစ်ပြီး သမီးတစ်ဦးနှင့် သားခုနှစ်ယောက်ရှိသည်။ ထို့ကြောင့် သူ့အသက်တာ၏ လက်ဆွဲကျမ်းချက်မှာ "ဘုရားသခင်သည် သန့်ရှင်းသော ဘုံဗိမာန်တော်၌ စံပယ်လျက်၊ မိဘမရှိသော သူတို့၏ အဘဖြစ်၍၊ မုတ်ဆိုးမတို့ဘက်မှာ တရားစီရင်တော်မူ၏။ ဘုရားသခင်သည် ပေါက်ဘော်မရှိသော သူတို့အား အိမ်ထောင်ချခြင်းအခွင့်ကို ပေးတော်မူ၍၊ ချုပ်ထားသော သူတို့ကိုလည်း ကြွယ်ဝခြင်းထဲသို့ သွင်းတော်မူ၏" (ဆာလံကျမ်း ၆၈:၅-၆) ဖြစ်သည်မှာ အဆန်းမဟုတ်ပါ။

စာမူ/ အကြောင်းအရာ များ တင်မ်ဂပ်စ်ထက်ဖ်ဆန်

ကျွန်ုပ်တို့ကိုယ်စားဖြစ်သော သခင်ယေရှု

ချမ်းသာကြွယ်ဝသော အသက်နှစ်ဆယ်အရွယ် လူငယ်တစ်ဦးသည် သူ့သူငယ်ချင်းများနှင့် ကားနှစ်စီးယှဥ်ကာ ပြိုင်မောင်းနေရင်း လမ်းလျှောက်နေသူတစ်ဦးကို တိုက်မိပြီး ထိုသူသေဆုံးသွားသည်။ ထိုလူငယ်သည် သုံးနှစ်ထောင်ဒဏ်ပေးခံရသော်လည်း တရားရုံးတွင် ပေါ်လာသူမှာ (နောက်ပိုင်းတွင် ထောင်ဒဏ်ကျခံရသည့်)  ပြစ်မှုကျူးလွန်သော ယာဥ်မောင်းအတွက် ငှားထားသော ကိုယ်စားခံယူသူ ဖြစ်သည်ဟု အချို့က ယုံကြည်ကြသည်။ တိုင်းပြည်အချို့တွင် ဤကဲ့သို့သောပုံစံမျိုး ဖြစ်ပေါ်သည်ကို သိရှိရပြီး ၊ အငှားကိုယ်ခန္ဓာဖြင့်  ကျခံရမည့်ပြစ်ဒဏ်ကို ရှောင်ရှားကြသည်။

၎င်းသည် မှားယွင်းပြီး ကိုယ်ကျင့်သိက္ခာချိုးဖောက်ခြင်း ဖြစ်ပုံ‌ေပေါ်သော်လည်း လွန်ခဲ့သောနှစ် နှစ်ထောင်ကျော်က သခင်ယေရှုသည် ကျွန်ုပ်တို့အပြစ်များအတွက်၊ ဖြောင့်မတ်သောသူသည် မဖြောင့်မတ်သောသူများအတွက် တစ်ကြိမ်ကိုယ်စားခံယူခဲ့သည် (၁ ပေ ၃:၁၈)။ ဘုရားသခင်၏ အပြစ်ကင်းစင်သောယဇ်အဖြစ် ခရစ်တော်သည် သူ့အား ယုံကြည်သူအားလုံးအတွက် တစ်ကြိမ်တည်းနှင့် အားလုံးအတွက် ဒုက္ခခံစားပေးဆပ်ခဲ့သည် (ဟေဗြဲ ၁၀:၁၀)။ သူသည် ကားတိုင်ပေါ်၌ ကျွန်ုပ်တို့အားလုံးအတွက် ကိုယ်တိုင် ပြစ်ဒဏ်ခံယူခဲ့သည်။ ယနေ့ခေတ်…

သခင်ယေရှု၌ ပြန်လည်‌မွေးဖွားခြင်း

Leonardo da Vinci (လီယိုနာဒိုဒါဗင်ချီ)ကို အနုပညာ ပြန်လည်ဆန်းသစ်ထွန်းကားစေသူအဖြစ် ကျွန်ုပ်တို့သိကြသည်။ သူ၏ကျွမ်းကျင်လိမ္မာမှုကြောင့် လေ့လာသင်ယူမှုနှင့် အနုပညာ နယ်ပယ်များစွာ၌ အဆင့်မြင့်တိုးတက်မှုများ ဖြစ်ပေါ်ခဲ့သည်။ သို့ရာတွင် လီယိုနာဒိုသည် “စိတ်မချမ်းမြေ့ဖွယ် ကျွန်ုပ်တို့၏နေ့ရက်များ”အကြောင်း မှတ်တမ်းတင်ခဲ့ပြီး၊ “ကျွန်ုပ်တို့နှင့်ပတ်သက်သည့် အမှတ်ရစရာတစ်ခုကိုမှ လူသားတို့စိတ်ထဲကျန်ရစ်အောင် မထားခဲ့နိုင်ဘဲ” ကျွန်ုပ်တို့သေဆုံးသွားကြသည်ဟု မြည်တမ်းခဲ့သည်။

“ဘယ်လိုရှင်သန်နေထိုင်ရမလဲဆိုတာကို သင်ယူနေတယ်လို့ ထင်ခဲ့ချိန်မှာ ဘယ်လို သေဆုံးရမလဲဆိုတာကို ကျွန်ုပ်သင်ယူနေခဲ့တာဖြစ်တယ်” ဟု လီယိုနာဒိုက ပြောခဲ့သည်။ သူသိရှိ နားလည်သည်ထက်ပိုပြီး အမှန်တရားနှင့် သူ ပို၍နီးစပ်ခဲ့သည်။ မည်သို့သေဆုံးရမည်ကို သင်ယူခြင်းက အသက်လမ်းသို့ ပို့ဆောင်သည်။ ယေရုရှလင် မြို့တွင်းသို့ သခင်ယေရှုအောင်ပွဲခံဝင်ရောက်ပြီးနောက် (သံလွင်ခက်တနင်္ဂနွေအဖြစ် ယခုဆင်နွှဲသည့်နေ့၊ ယော ၁၂:၁၂-၁၉) “မြေ၌ကျသောစပါးစေ့သည် မပျက်လျှင်တစ်ခုတည်းနေ၏။ ပျက်လျှင်မူကား များစွာသောအသီးကို သီးတတ်၏” (:၂၄) ဟု သခင်မိန့်ဆိုခဲ့သည်။ သူအသေခံရမည့်အကြောင်းကို ပြောနေခြင်းဖြစ်သော်လည်း ထိုအရာသည် ကျွန်ုပ်တို့အားလုံးနှင့်လည်း…

ထာဝရအမွေ

Great Depression (ကမ္ဘာ့စီးပွားရေးကပ်)ဆိုက်စဉ် Dust Bowl သဲမုန်တိုင်းများက အမေရိကန်ပြည်ထောင်စုအား ဖျက်ဆီးပစ်စဉ်တွင် ကန်းဆက်ပြည်နယ်၊ ဟိုင်ယာဝါသာ (Hiawatha) မြို့သား John Millburn Davis (ဂျွန် မေးလ်ဘန်း ဒေးဗစ်စ်)က သူ့ကိုယ်သူ နာမည်တွင်အောင်လုပ်ခဲ့သည်။ ကိုယ့်ထူးကိုယ်ချွန်၍ သန်းကြွယ်သူဌေးဖြစ်လာပြီး ကလေးမရှိသော ဒေးဗစ်စ်သည် အလှူအတန်းတစ်ခုခု (သို့) စီးပွားရေး ဖွံ့ဖြိုးတိုးတက်ရေးလုပ်ငန်း တစ်ခုခုတွင် ရင်းနှီးမြှုပ်နှံခဲ့နိုင်သော်လည်း သူသည် ‌ဒေသခံသုဿန်တစ်ခုတွင် သူနှင့် ကွယ်လွန်ပြီးသောသူ့ဇနီးတို့၏ ရွယ်တူရုပ်တု (၁၁) ခုကို ငွေကြေးမြောက်များစွာ အကုန်ကျခံ တည်ဆောက်စေခဲ့သည်။

ကန်းဆက်ပြည်နယ်မှာ ကျုပ်ကို လူတွေမုန်းကြတယ်”ဟု ဒေးဗစ်စ် က သတင်းစာဆရာ Ernie Pyle (အာနီပိုင်းလ်)ကို ပြောခဲ့သည်။ ဒေသခံများက သူ့အား ဆေးရုံ၊ ရေကူးကန်၊ ပန်းခြံကဲ့သို့သော ပြည်သူပိုင်အခြေခံအဆောက်အအုံများ ဆောက်လုပ်ရန် ငွေကြေးထောက်ပံ့စေလိုခဲ့သည်။ သို့သော် သူက “ဒါ ကျုပ်ပိုက်ဆံပဲ၊ ကျုပ်ပိုက်ဆံကို…

ဝတ်ပြုရာကျမ်းပင် ဖြစ်စေဦးတော့...

လေ့လာမည့်အ‌ေကြောင်းအရာခေါင်းစဥ်မှာ ဝတ်ပြုရာကျမ်းဖြစ်ပြီး၊ ကျွန်တော်၌ ဝန်ခံစရာရှိသည်။ “ဒီကျမ်းကို ကျွန်တော် အများကြီး ကျော်ဖတ်ခဲ့တယ်။ အရေပြားရောဂါအကြောင်းတွေကို မဖတ်ချင်တော့ဘူး”ဟု ကျမ်းစာလေ့လာသောအဖွဲ့ကို ပြောခဲ့သည်။

ထိုအခါ ကျွန်တော့်သူငယ်ချင်း ဒေ့ဗ်က “အဲ့ဒီကျမ်းကြောင့် သခင်ယေရှုကို ယုံကြည်ခဲ့တဲ့သူတစ်ယောက်ကို ငါသိတယ်” ဟု ပြောသည်။ သူ့သူငယ်ချင်း ဆရာဝန်
တစ်
ဦးသည် ဘာသာမဲ့တစ်ယောက်ဖြစ်ပြီး၊ သမ္မာကျမ်းစာကို လုံးလုံးလျားလျား သူမငြင်းပယ်မီ သူကိုယ်တိုင် ဖတ်ကြည့်ပါက ကောင်းမည်ဟု သူဆုံးဖြတ်ခဲ့သည်။ ဝတ်ပြုရာကျမ်းတွင် ပါရှိသော အရေပြားရောဂါဆိုင်ရာအပိုင်းသည် သူ့ကိုဆွဲဆောင်ခဲ့သည်။ ၎င်းတွင် ကူးစက်တတ်သော/ မကူးစက်တတ်သော အနာများအကြောင်း အံ့အားသင့်စရာ အသေးစိတ်အချက်အလက်များ (၁၃:၁-၄၆) နှင့် ၎င်းတို့ကို ကုသပုံတို့ ပါဝင်သည် (၁၄:၈-၉)။ ထိုခေတ်က ဆေးပညာ၏သာလွန်မှုကို သူကောင်းကောင်းသိလိုက်ရပြီး၊ ၎င်းသည် ဝတ်ပြုရာကျမ်း၌ ပါရှိသောအရာများဖြစ်နေသည်။ ‘မောရှေသည် ဤအရာအားလုံးကို သူ့ဘာသာသူ သိနိုင်မည်မဟုတ်’ဟု သူထင်သည်။ ထိုအရာများကို…

ဂုဏ်သိက္ခာကို လက်ကမ်းပေးခြင်း

မက်ဂီ (Maggie) ၏ ငယ်ရွယ်သောမိတ်ဆွေသည် အံ့သြထိတ်လန့်ဖွယ်အဝတ်အစားဖြင့် ဘုရားကျောင်းသို့ ရောက်လာသည်။ မည်သူမျှ မအံ့သြပါ၊ သူမသည် ပြည့်တန်ဆာတစ်ယောက်ဖြစ်သည်။ မက်ဂီ၏ဧည့်သည်သည် သူမ၏ ထိုင်ခုံတွင် မသက်မသာ လှုပ်ရှားလျက် အလွန်တိုလွန်းသော စကတ်ကို တလှည့်စီဆွဲကာ သတိရှိစွာဖြင့် လက်နှစ်ဘက်ကို ပိုက်နေလိုက်သည်။

မက်ဂီက သူမ ဝတ်ပုံစားပုံမှ အာရုံပြောင်းကာ “အိုး ညီမအေးနေလား” ဟုလှမ်းမေးလိုက်ပြီး၊ “ဒီမှာ အမရဲ့ပုဝါကိုယူထား”ဟု ပြောလိုက်သည်။

မက်ဂီသည် လူတစ်ဒါဇင်ကျော်ကို ဘုရားကျောင်းသို့လာရန် ဖိတ်ခေါ်ပြီး သက်သောင့်သက်သာရှိစေရန် ကူညီပေးခြင်းဖြင့် သခင်ယေရှုနှင့် မိတ်ဆက်ပေးခဲ့သည်။ သူမ၏နှစ်လိုဖွယ်ကောင်းသော နည်းလမ်းအားဖြင့် ဧဝံဂေလိတရား ထွန်းလင်းခဲ့သည်။ သူမသည် လူတိုင်းကို ဂုဏ်သိက္ခာရှိစွာ ဆက်ဆံခဲ့သည်။

ဘာသာရေးခေါင်းဆောင်များက အိမ်ထောင်ရေးဖောက်ပြန်မှုကြောင့် ပြင်းထန်သော (တိကျ‌သေချာသော) စွဲချက်ဖြင့် အမျိုးသမီးတစ်ဦးကို သခင်ယေရှုရှေ့သို့ဆွဲခေါ်လာသောအခါ သူမအား စွပ်စွဲသူများထွက်သွားသည့်တိုင် ခရစ်တော်သည် သူမကို အာရုံမစိုက်ခဲ့ပါ။ လူတို့ ထွက်သွားပြီးသောအခါ သူမကို…

မုရန်၏အဓိပ္ပာယ်

ယနေ့သည် We Three Kings of Orient Are(ကျွန်ုပ်တို့ အရှေ့ဖျားမှဘုရင်သုံးပါး) တေးသီချင်း၌စပ်ဆိုထားသော သူငယ်တော်ယေရှုထံ ပညာရှိများ လာရောက်ခြင်းကို ဂုဏ်ပြုသည့် ‘Epiphany’ ‘ဧဖိဖနေ’နေ့ဖြစ်သည်။ ထိုပညာရှိတို့သည် ဘုရင်များမဟုတ်၊ အရှေ့ဖျားမှလာကြခြင်းလည်း မဟုတ်သလို ထိုသူတို့သည်
သုံးဦးတည်း ဟုတ်ချင်မှလည်း ဟုတ်မည်။

သို့သော် လက်ဆောင် သုံးမျိုးပါလာကြပြီး၊ သီချင်းထဲတွင် လက်ဆောင်တစ်ခုချင်းစီအကြောင်း စပ်ဆိုထားသည်။ ဗက်လင်မြို့သို့ မာဂုပညာရှိများ ရောက်လာသောအခါ “မိမိတို့ ဘဏ္ဍာဥစ္စာတို့ကို ဖွင့်ပြီးမှ လောဗန်နှင့် မုရန် တည်းဟူသော နံ့သာမျိုးကို လည်းကောင်း၊ ရွှေကိုလည်းကောင်း ဆက်ကပ်ပူဇော်ကြ၏” (မ ၂:၁၁)။ လက်ဆောင်များသည် သခင်ယေရှု၏လုပ်ဆောင်ရမည့် သာသနာလုပ်ငန်းစဉ်များကို ကိုယ်စားပြုသည်။ ရွှေသည် ဘုရင်အဖြစ် သူ၏အခန်းကဏ္ဍကို ကိုယ်စားပြုသည်။ သန့်ရှင်းရာဌာန၌ မီးရှို့သော နံ့သာပေါင်းနှင့် ရောနှောထားသော လောဗန်သည် သူ၏ဘုရားဖြစ်ခြင်းကို ဖော်ပြနေသည်။ လူသေအလောင်းကို…

သားတော်သည်လည်း ထမြောက်တော်မူ၏

Ernest Hemingway (အဲနက်စ် ဟဲမင်းဝေး) ၏ ပထမဆုံးထုတ် ဝတ္ထုရှည်ထဲတွင် ပထမကမ္ဘာစစ်ဒဏ်ကို မကြာမီကခံခဲ့ရသော အရက်သမား သူငယ်ချင်းတစ်စုအကြောင်းကို ရေးထားသည်။ အပျက်အစီးများသည့်စစ်ပွဲကြောင့် တိုက်ရိုက်ဖြစ်စေ၊ သွယ်ဝိုက်၍ဖြစ်စေ ခံစားရသည့်ဒဏ်ရာအမာရွတ်များကို ဖြေဖျောက်ရန် ပါတီပွဲသွားခြင်း၊ စွန့်စားမှုများပြုလုပ်ခြင်း၊ နေရာအနှံ့သွားရောက် အနားယူကြသည်။ အမြဲပင် အရက်သေစာဖြင့် နာကျင်ခံစားမှုများကို ဖြေဖျောက်စေသော်လည်း မည်သူမျှ မပျော်ရွှင်ပါ။

ဟဲမင်းဝေး က သူ့ဝတ္ထုကို ‘The Sun Also Rises’ (နေမင်းကြီးလည်းထွက်လာပြီ) ဟုအမည်ပေးထားပြီး၊ ၎င်းကို ဒေသနာကျမ်းမှ (၁:၅) တိုက်ရိုက်ယူ၍ သုံးထားသည်။ ဒေသနာကျမ်းတွင် ရှောလမုန်မင်းကြီးက သူ့ကိုယ်သူ “ဒေသနာဆရာ” အဖြစ် ရည်ညွှန်းပြီး (:၁)၊ “ခပ်သိမ်းသောအရာတို့သည် အနတ္တဖြစ်ကြသည်” ဟုသူသတိပြုမိ၍ (:၂)၊ “လူသည် နေအောက်မှာ ကြိုးစားအားထုတ်သမျှတို့၌ အဘယ်အကျိုး ရှိသနည်း” ဟုမေးခွန်းထုတ်ခဲ့သည် (:၃)။ နေသည် ဝင်လျက်ထွက်လျက်ရှိခြင်း၊ လေသည်လည်း…

သခင်ယေရှုထံသို့ အပ်နှံခြင်း

၁၉၅၁ တွင် Joseph Stalin (ဂျိုးဇက်စတာလင်)၏ ဆရာဝန်က သူ၏ကျန်းမာရေးအခြေအနေကို ထိန်းရန်အတွက် သူ၏အလုပ်တာဝန်များကို လျှော့ချရန် အကြံပေး ခဲ့သည်။ ဆိုဗီယက်ပြည်ထောင်စု၏အာဏာရှင်က ဆရာဝန်ကို သူလျှိုလုပ်သည်ဟုစွပ်စွဲပြီး သူ့အား ဖမ်းဆီး‌စေခဲ့သည်။ အလိမ်အညာမုသာများဖြင့် လူများစွာကို ဖိနှိပ်ခဲ့သော အာဏာရှင်သည် အမှန်တရားကိုလက်မခံနိုင်ဘဲ အကြိမ်ပေါင်းများစွာ သူပြုခဲ့သည့်အတိုင်း အဖြစ်မှန်ကို ပြောပြခဲ့သူအား ဖယ်ရှားခဲ့သည်။ မည်သို့ပင်ဖြစ်စေကာမူ အမှန်တရားက ‌အောင်နိုင်ခဲ့သည်။ ၁၉၅၃ တွင် စတာလင် ကွယ်လွန်ခဲ့သည်။

ပရောဖက်ယေရမိသည် သူ၏ကြောက်မက်ဖွယ်ကောင်းသော ဟောကိန်းကြောင့် ဖမ်းဆီးခံရပြီး သံကြိုးဖြင့် ချည်နှောင်ခြင်းခံရသည် (ယေ ၃၈:၁-၆၊ ၄၀:၁)၊ ယေရုရှလင်မြို့မည်သို့ဖြစ်မည်ကို ယုဒရှင်ဘုရင်အား သူအတိအကျ ပြောပြခဲ့သည်။ “အကျွန်ုပ်ဆင့်ဆိုသော ထာဝရဘုရား၏အမိန့်တော်ကို နားထောင်တော်မူပါ” ဟု ဇေဒကိမင်းအား ပြောခဲ့သည် (၃၈:၂၀)။ မြို့ကို ဝိုင်းထားသည့်စစ်တပ်ထံ လက်နက်မချခြင်းက အခြေအနေကို ပို၍ဆိုးရွားသွားစေမည်သာဖြစ်သည်။ “ကိုယ်တော်၏…

ကံကောင်းစေသော ဘွတ်ဖိနပ်

နောက်ကျသွားပြီ၊ တွမ်သည် သူ၏ တိုက်ခိုက်ရေးဖိနပ်အောက်ရှိ ထိတ်လန့်ဖွယ် ကောင်းသော “ကလစ်” ဟူသည့်အသံကို ခံစားလိုက်ရပြီး၊ အလိုလိုပင် အားကုန်သုံး၍ ခုန်ထွက်လိုက်သည်။ မြေအောက်၌ ဝှက်ထားသည့် သေစေနိုင်သောမိုင်းသည် ပေါက်ကွဲခဲ့ခြင်း မရှိပေ။ ထို့နောက် မိုင်းရှင်းလင်းရေးအဖွဲ့သည် အခင်းဖြစ်သည့် နေရာမှ ပေါင် (၈၀) လေးသော အားပြင်းမိုင်းကို တူးဖော်တွေ့ရှိခဲ့သည်။ တွမ်သည် ထိုဖိနပ်ကို“ငါ့ရဲ့ ကံကောင်းစေတဲ့ဖိနပ်” ဟုခေါ်ကာ စုတ်ပြဲသည်အထိ ဝတ်ဆင်ခဲ့သည်။

တွမ်သည် ဖြစ်နိုင်ခြေမရှိသည့်အခြေအနေမှ လွတ်မြောက်ခဲ့ခြင်းကို အထိမ်းအမှတ်ပြုရန် ထိုဖိနပ်ကို ရိုးရိုးတွယ်တာခြင်း ဖြစ်ကောင်းဖြစ်မည်။ သို့သော် အရာဝတ္ထုများကို “ကံကောင်းစေသောလာဘ်” (သို့) ဝိညာဉ်သဘောဆန်ဆန် “ကောင်းချီး” အဖြစ်မှတ်ယူရန် လူတို့မကြာခဏ သွေးဆောင်ခံရလေ့ရှိသည်။ အရာဝတ္တုတစ်ခု၊ သင်္ကေတတစ်ခုကိုပင်လျှင် ဘုရား၏ ကောင်းချီးအရင်းအမြစ်အဖြစ် ကျွန်ုပ်တို့အသိအမှတ်ပြုသောအခါ အန္တရာယ်ကျရောက်လာပါသည်။

ဣသရေလလူမျိုးတို့သည် ထိုအချက်ကို ခက်ခဲစွာ သင်ယူခဲ့ရသည်။ ဖိလိတ္တိစစ်တပ်က တိုက်ပွဲတွင်…

သခင်ယေရှုနောက်သို့လိုက်ရန် ထိုက်တန်ပါသည်

ခရစ်ယာန်မဟုတ်သော ဘာသာရေးကိုင်းရှိုင်းသည့်မိသားစုမှ Ronit (ရွန်းနစ်) မွေးဖွားကြီးပြင်းလာခဲ့သည်။ ဝိညာဉ်ရေးရာကိစ္စရပ်များ ဆွေးနွေးကြသည့်အခါ ပျော်ရွှင်မှုမရှိဘဲ ပညာရှင်ဆန်သည်။ “ကျွန်မ ဆုတောင်းစာတွေအကုန် တောက်လျှောက် ရွတ်နေခဲ့ပေမယ့် (ဘုရားသခင်ထံက) အဖြေမရခဲ့ဘူး” ဟု သူမက ဆိုသည်။

သူမသည် သမ္မာကျမ်းစာကို စတင်လေ့လာခဲ့သည်။ ဖြည်းဖြည်းနှင့် မှန်မှန်ဖြင့် သူမသည် သခင်ယေရှုအား ကယ်တင်ရှင်အဖြစ် ယုံကြည်လာခဲ့သည်။ ဆုံးဖြတ်ချက်ချဖြစ်သွားသည့် အခိုက်အတန့်ကို ရွန်းနစ် ပြန်ပြောင်းသတိရလျက် “ ‘မင်း ကြားသိသင့်တာကို အလုံအလောက် ကြားခဲ့ပြီးပြီ၊ မြင်သင့်တာ မြင်ခဲ့ပြီးပြီ၊ အခုက ယုံကြည်လိုက်ဖို့အချိန်ပဲ’ လို့ ရှင်းရှင်းလင်းလင်း ပြောလိုက်တဲ့ အသံတစ်ခုကို ကျွန်မနှလုံးသားက ကြားခဲ့ရတယ်” ဟု ပြောပြသည်။ သို့သော် ပြဿနာတစ်ခုမှာ သူမ၏ဖခင်ဖြစ်သည်။ “ကျွန်မအဖေရဲ့ တုံ့ပြန်မှုက အီတလီက ဗက်ဆူးဗီးယက် (Vesuvius) မီးတောင် ပေါက်ကွဲသလိုမျိုးပဲ” ဟု သူမက…