စာရေးသူ

အားလုံးမြင်နိုင်ရန်
Tim Gustafson

တင်မ်ဂပ်စ်ထက်ဖ်ဆန်

တင်မ်ဂပ်စ်ထက်ဖ်ဆန် (Tim Gustafson) သည် Our Daily Bread နှင့် Our Daily Journey စာစောင်များ ရေးသားပြီး၊ 'လေ့လာမှတ်သားဖွယ်စာစဉ်' ( Discovery Series) များကို တည်းဖြတ်ပေးသည်။ ဂါနာနိုင်ငံသို့ သာသနာသွားပြုသည့် အမှုတော်ဆောင် ဇနီးမောင်နှံ၏ မွေးစားသားတစ်ယောက်အနေနှင့် ၎င်းတွင် အနောက်နိုင်ငံ၌ နေရသည့် ဘဝနှင့်ပတ်သက်ပြီး တမူထူးသော ရှုထောင့် ရှိသည်။ သူ၏ဇနီးမှာ Leisa ဖြစ်ပြီး သမီးတစ်ဦးနှင့် သားခုနှစ်ယောက်ရှိသည်။ ထို့ကြောင့် သူ့အသက်တာ၏ လက်ဆွဲကျမ်းချက်မှာ "ဘုရားသခင်သည် သန့်ရှင်းသော ဘုံဗိမာန်တော်၌ စံပယ်လျက်၊ မိဘမရှိသော သူတို့၏ အဘဖြစ်၍၊ မုတ်ဆိုးမတို့ဘက်မှာ တရားစီရင်တော်မူ၏။ ဘုရားသခင်သည် ပေါက်ဘော်မရှိသော သူတို့အား အိမ်ထောင်ချခြင်းအခွင့်ကို ပေးတော်မူ၍၊ ချုပ်ထားသော သူတို့ကိုလည်း ကြွယ်ဝခြင်းထဲသို့ သွင်းတော်မူ၏" (ဆာလံကျမ်း ၆၈:၅-၆) ဖြစ်သည်မှာ အဆန်းမဟုတ်ပါ။

စာမူ/ အကြောင်းအရာ များ တင်မ်ဂပ်စ်ထက်ဖ်ဆန်

အရင်းအမြစ်

၁၈၅၄ ခုနှစ်တွင် လန်ဒန်မြို့၌ တစ်စုံတစ်ခုသောအရာသည် လူထောင်ပေါင်းများစွာကို သေစေခဲ့သည်။ ညစ်ညမ်းသောလေထုဟု လူများက ထင်ကြသည်။ အမှန်ပါ။ ပုံမှန် မဟုတ်သောအပူရှိန်ကြောင့် မိလ္လာစွန့်ရေဆိုးများရှိသည့် River Thames (သိမ်းစ် မြစ်ရေ)မှာ ပုပ်စော်နံပြီး ယင်းအနံ့သည် အလွန်ဆိုးရွားသောကြောင့် ၎င်းကို ‘The Great Stink’ (အနံ့ဆိုးကြီး)ဟု လူသိများခဲ့သည်။

သို့သော် လေထုက အဆိုးဆုံးပြဿနာ မဟုတ်ပါ။ ညစ်ညမ်းသောရေသည် ကာလဝမ်း ကပ်ရောဂါ ဖြစ်ပွားစေသည့် အကြောင်းရင်းဖြစ်ကြောင်းကို Dr. John Snow (ဒေါက်တာဂျွန်စနိုး)၏ သုတေသနပြုချက်က ဖော်ပြထားပါသည်။

ကောင်းကင်ထိ ပုပ်စပ်နံစော်နေသော အခြားပြဿနာတစ်ခုကို ကျွန်ုပ်တို့လူသားများ သတိပြုမိခဲ့သည်မှာ ကြာပါပြီ။ ပျက်စီးနေသောကမ္ဘာတွင် နေထိုင်လျက် ထိုပြဿနာ၏အရင်းအမြစ်ကို အလျင်စလို မှားယွင်းစွာဖော်ထုတ်ပြီး ရောဂါလက္ခဏာအနေနှင့်သာ ကုသကြသည်။ အမြော်အမြင်ရှိသော လူမှုရေးအစီအစဉ် နှင့် မူဝါဒများသည် ကောင်းကျိုးပြုသော်လည်း၊ လူ့အဖွဲ့အစည်းဖျားနာရသည့်…

အသေးစိတ်ကို ဂရုပြုတော်မူသောဘုရားသခင်

ကယ်ဗင် နှင့် ကင်ဘာလီ တို့အတွက် စိတ်ပျက်စရာ ရက်သတ္တပတ်ဖြစ်သည်။ ကယ်ဗင်၏ အတက်ရောဂါအခြေအနေ ရုတ်တရက်ပိုမိုဆိုးရွားလာခဲ့ပြီး သူ့ကို ဆေးရုံတင်လိုက်ရသည်။ ကပ်ရောဂါဆိုးကြားတွင် ကလေးသူငယ် စောင့်ရှောက်ရေးဂေဟာမှ ခေါ်ယူမွေးစားထားသည့် သူတို့၏သားသမီး မောင်နှမလေးဦးမှာလည်း အိမ်တွင်း၌ ကြာရှည်စွာနေရသောကြောင့် အဆုံးစွန်ငြီးငွေ့နေကြသည်။ ထို့ပြင် ရေခဲသေတ္တာ၌ သင့်တော်သောအစားအသောက်ကို ကင်ဘာလီ မတွေ့ပြန်။ ထူးထူးဆန်းဆန်း ထိုအချိန်၌ သူမသည် မုန်လာဥနီစားချင်စိတ်ပေါ်ခဲ့သည်။

တစ်နာရီခန့်အကြာတွင် သူတို့၏မိတ်ဆွေများဖြစ်သော အမန်ဒါနှင့်အန်ဒီတို့သည် သူတို့မိသားစုအတွက် ပြင်ဆင်လာသည့် စားစရာ တစ်ပြုံတစ်ခေါင်းနှင့်အတူ တံခါးလာခေါက်ပြီးရပ်နေသည်။ စားစရာများတွင် မုန်လာဥနီလည်းပါသည်။

မာရ်နတ်သည် အသေးစိတ်ကြံစည်သည်ဟု လူတို့ပြောတတ်ကြသည်။ မဟုတ်ပါ။ ဂျူးလူမျိုးတို့၏သမိုင်းရှိ အံ့ဖွယ်ဇာတ်လမ်းတစ်ပုဒ်က ဘုရားသခင်သည် အသေးစိတ်ကို ဂရုစိုက်အလေးထားကြောင်းကို ဖော်ပြနေသည်။ “ဣသရေလအမျိုးသားတို့တွင်၊ ဘွားမြင်သောသူငယ် ယောက်ျားအပေါင်းတို့ကို မြစ်ထဲသို့ချပစ်စေ” (ထွ ၁:၂၂)ဟု ဖာရောဘုရင်က မိန့်ကြားခဲ့သည်။ ထိုလူမျိုးတုန်း သတ်ဖြတ်မှု ဖြစ်စဥ်သည်…

ဘေဘီဘွိုင်း

အချိန်တစ်နှစ်ကျော်ကြာသည့်တိုင် သူ၏တရားဝင်နာမည်မှာ “ဘေဘီဘွိုင်း”ဖြစ်ခဲ့ သည်။ ဆေးရုံ၏ကားရပ်နားသည့် နေရာတစ်ခုတွင် ကလေးငိုသံကို ကြားသွားသော လုံခြုံရေးအစောင့်တစ်ဦးက သူ့ကိုရှာဖွေတွေ့ရှိခဲ့ပြီး ဘေဘီဘွိုင်းသည် နာရီပိုင်းအရွယ်သာရှိသေးသော၊ အိတ်တစ်လုံးနှင့် ထုပ်ပိုးစွန့်ပစ်ထားခြင်းခံခဲ့ရသူ ဖြစ်သည်။

သူ့ကိုတွေ့ရှိပြီး မကြာမီမှာပင် လူမှုကူညီရေးအဖွဲ့များက တစ်ချိန်ချိန်တွင် သူ့အတွက် အမြဲတမ်းမိသားစုဖြစ်လာမည့်သူများကို ဆက်သွယ်ခဲ့သည်။ လင်မယား နှစ်ဦးသည် သူ့ကို ခေါ်ယူမွေးစားပြီး ဂရေဆန် (အမည်ရင်းမဟုတ်) ဟုမှည့်ခေါ်ခဲ့ကြသည်။ နောက်ဆုံးတွင် မွေးစားခြင်းအမှု ပြီးမြောက်သွားပြီး ဂရေဆန်၏အမည်သည်လည်း တရားဝင်ဖြစ်လာခဲ့သည်။ ယနေ့တွင် စကားပြောဆိုရာတွင် စိတ်အားထက်သန်စွာ ပြောချင်နေသောကြောင့် အသံထွက်မပီကလာလေး ပြောနေသည့် ချစ်စဖွယ်ကလေးတစ်ဦးကို သင်တွေ့နိုင်သည်။ ထိုကလေးသည် တစ်ချိန်က အိတ်တစ်လုံးနှင့်စွန့်ပစ်ခံရသူဟု သင်မည်သို့မျှ ခန့်မှန်းမိမည်မဟုတ်ပေ။

မောရှေသည် သူ့ဘဝနှောင်းပိုင်းတွင် ဘုရားသခင်၏ ထူးခြားသောလက္ခဏာနှင့် ဣသရေလလူမျိုးများအတွက် ကိုယ်တော်ပြုပေးခဲ့သည့် အရာများကို ပြန်လည်ဆင်ခြင်သုံးသပ်လျက် “ထာဝရဘုရားသည် သင်၏ဘိုးဘေးတို့ကို ချစ်ခင်မြတ်နိုး (သည် )”…

ပုံမှန်မဟုတ်သော ခေတ်ကာလ

ရောမဧကရာဇ် Constantine (ကွန်စတန်တိုင်း) (အေဒီ ၂၇၂-၃၃၇)သည် သူ့ဘဝအချိန်အများစုတွင် ရုပ်တုကိုးကွယ်သူအဖြစ် အသက်ရှင်ခဲ့သော်လည်း ခရစ်ယာန်များအား စနစ်ကျကျ ညှဥ်းပန်းနှိပ်စက်မှုကို အဆုံးသတ်စေခဲ့သည့် ပြုပြုပြောင်းလဲမှုများကို ဆောင်ရွက်ခဲ့သည်။ သူသည် ကျွန်ုပ်တို့အသုံးပြုနေသည့် ပြက္ခဒိန်ကိုလည်း အတည်ပြုပြဌာန်းပေးကာ ကမ္ဘာ့သမိုင်းကို BC (before Christ - ခရစ်တော်မပေါ်မီ) နှင့် AD (anno Domini (သို့) “in the year of the Lord” - သခင်ဘုရား၏နှစ်ကာလ)ဟူ၍ ပိုင်းခြားသတ်မှတ်ပေးခဲ့သည်။

၎င်းကို ဘာသာရေးကင်းမဲ့သော လောကီအသုံးအနှုန်းသို့ ပြောင်းလဲလိုက်သည့် အခါ CE (Common Era - သာမန်ခေတ်ကာလ)နှင့် BCE (before the Common Era - သာမန်ခေတ်ကာလမတိုင်မီ) ဟုပြောင်းသွားသည်။ အချို့က ထိုလုပ်ရပ်သည် ဘုရားရှင်အား လောကမှပယ်လိုက်ခြင်း၏…

ဘဝတစ်လျှောက်လုံး

‘Over the Rhine’ (‘ရိုင်း’မြစ်ပေါ်တွင်)ဟု ခေါ်သည့် လျှပ်စစ်ဂီတာ နှစ်ဦးတွဲအဖွဲ့မှ တေးရေး၊ တေးဆို Linford Detweiler (လင်းဖို့တ် ဒက်ဝှီးလာ) က “ငယ်ရွယ်တဲ့အနုပညာရှင်တစ်ယောက် မေးတတ်တဲ့မေးခွန်းအမျိုးမျိုးရှိတယ်။ တစ်ခုကတော့ ငါနာမည်ကြီးအောင် ဘာလုပ်ရမလဲ ဆိုတာပဲ” ဟု ဆိုသည်။ သူက ထိုသို့သောရည်မှန်းချက်မျိုးသည် အတွင်းအပြင် နှစ်ဘက်လုံးမှ ပျက်စီးရာပျက်စီးကြောင်းအမျိုးမျိုးကို ဖိတ်ခေါ်သည်ဟု သတိပေးသည်။ သူနှင့်သူ့ဇနီးကမူ ပလွှားမှုမရှိသောဂီတလမ်းကိုရွေးချယ်ခဲ့ပြီး ထိုလမ်းမှတစ်ဆင့် “ဘဝသက်တမ်းတစ်လျှောက်လုံး အစဥ်မပြတ် ကြီးထွားရင့်ကျက်လာကြသည်”။

ယောယဒသည် မှတ်မိလွယ်သောနာမည်မျိုး မဟုတ်သော်လည်း ၎င်းသည်ဘုရားသခင်ထံသို့ တစ်ဘဝလုံးဆက်ကပ်ထားမှုနှင့် ဆက်စပ်နေသည်။ သူသည်ယောရှဘုရင်အုပ်စိုးစဥ်က ယဇ်ပုရောဟိတ်အဖြစ် တာဝန်ထမ်းခဲ့ပြီး သူ့ကြောင့်ပင် ယောရှမင်းသည် ကောင်းမွန်စွာ အုပ်ချုပ်ခဲ့သည်။

ယောရှဘုရင် (၇)နှစ် အရွယ်မှာပင် ယောရှအား ဘုရင်စစ်ဘုရင်မှန်အဖြစ် မင်းမြှောက်ရာတွင် ယောယဒက ကူညီပေးခဲ့သည် (၄ ရာ ၁၁:၁-၁၆)။ သို့သော်…

အတူတကွရှိနေခြင်းအမှု၌

ကိုဗစ်-၁၉ ကပ်ရောဂါဖြစ်ချိန်တွင် ကယ်လီသည် ဦးနှောက်ကင်ဆာ‌ကြောင့်အသေအလဲခံစားခဲ့ရသည်။ ထို့နောက် သူမ၏နှလုံးနှင့်အဆုတ်တို့တွင် အရည်များ စုလာသဖြင့် နောက်တစ်ကြိမ် ဆေးရုံတက်ခဲ့ရသည်။ ကမ္ဘာ့ကပ်ရောဂါကြောင့်သူမ၏မိသားစုဝင်များ သူ့ကိုလာရောက်မကြည့်ရှုနိုင်ခဲ့ပါ။ သူမ၏ခင်ပွန်း‌ ဒေ့ဗ်သည် တစ်စုံတစ်လုပ်ပေးရန် စိတ်ဆုံးဖြတ်ခဲ့သည်။

ချစ်ခင်ရသူများကို အတူတကွစုဝေးစေပြီး မိမိပြောလိုသည့်အကြောင်းများပါသည့် ဆိုင်းဘုတ်ကြီးများကို ပြုလုပ်ပေးရန် သူတို့ကို တောင်းဆိုခဲ့သည်။ သူတို့လုပ်ပေးခဲ့ကြသည်။ နှာခေါင်းစည်းများ ၀တ်ဆင်ထားသည့် လူအယောက် (၂၀)သည် ဆေးရုံအပြင်လမ်းမကြီးပေါ်၌ “အကောင်းဆုံးမေမေ”၊ “ချစ်တယ်”၊ “ငါတို့ နင်နဲ့အတူရှိတယ်” စသည့် ဆိုင်းဘုတ်ကြီးများကိုင်ကာ ရပ်နေကြသည်။ သူနာပြု၏ အကူအညီဖြင့် ကယ်လီသည် လေးလွှာရှိ ပြတင်းပေါက်ဆီသို့ ရောက်ရှိခဲ့သည်။ “ကျွန်တော်တို့ မြင်ရသမျှက နှာခေါင်းစည်းနှင့် ဝှေ့ယမ်းပြနေတဲ့ လက်တစ်ဘက်ပဲ။ ဒါပေမဲ့ လှပတဲ့နှာခေါင်းစည်းနဲ့ ဝှေ့ယမ်းပြနေတဲ့လက်ပါ”ဟု သူမ၏ခင်ပွန်းက လူမှုကွန်ရက်ပေါ်၌ ထိုကဲ့သို့တင်ခဲ့သည်။

သူအသက်ကြီးရင့်လာချိန်တွင် ရောမ၌အကျဉ်းချခံရစဥ် တမန်တော်ရှင်ပေါလုသည် အားအင်လျော့ကာ အထီးကျန်မှုကို ခံစားခဲ့ရပြီး “ဆောင်းကာလမရောက်မီ…

ဥယျာဉ်၏ အရှင်ဘုရား

လွန်ခဲ့သည့်နှစ်များစွာက Joni Mitchell (ဂျိုနီ မစ်ချယ်)သည် နတ်ဆိုးနှင့် “အပေးအယူ”လုပ်ပြီး ပိတ်မိနေသည့် လူသားမျိုးနွယ်ကို တွေ့ရှိသည့်အကြောင်း ‘Woodstock’ (ဝူ့စတော့မြို့)ဟူသည့် သီချင်းတစ်ပုဒ်ရေးစပ်ခဲ့သည်။ နားဆင်သူ များအား ရိုးရှင်းပြီး သာ၍ငြိမ်းချမ်းသော ဖြစ်တည်မှုကို ရှာဖွေရန်တိုက်တွန်းလျက် “ဥယျာဉ်တော်”သို့ ပြန်သွားခြင်းအကြောင်းကို သီဆိုခဲ့သည်။ ဘဝရည်ရွယ်ချက်နှင့် အဓိပ္ပာယ်ကို တောင့်တနေသည့် မျိုးဆက်ကို သူရည်ညွှန်းခြင်း ဖြစ်သည်။

မစ်ချယ်ရည်ညွှန်းသော “ဥယျာဉ်”သည် ဧဒင်ဥယျာဉ်ဖြစ်သည်။ ဧဒင်သည် အစအဦးတွင် ဘုရားသခင် ကျွန်ုပ်တို့ အတွက်ဖန်ဆင်းထားသည့် သုခဘုံဖြစ်သည်။ အာဒံနှင့်ဧ၀တို့ စာတန်နှင့် အပေးအယူ မလုပ်မီအထိ ဥယျာဉ်ထဲတွင် ဘုရားသခင်နှင့် အချိန်မှန် တွေ့ဆုံခဲ့သည်(က ၃:၆-၇)။ စာတန်နှင့် အပေးအယူပြုပြီးနောက် တွင်မူ အခြေအနေက ကွဲပြားခဲ့သည်။ “နေအေးသောအချိန်တွင် ထိုဥယျာဉ်၌ ထာ၀ရအရှင် ဘုရားသခင် ကြွတော်မူသောအသံကို လူလင်မယားတို့သည် ကြားလျှင် အထံတော်မှ လွတ်ခြင်းငှာ…

ပြင်းထန်သော ပြောင်းလဲမှုအစီအမံများ

အခမ်းအနားများ၌ ခင်းကျင်းလေ့ရှိသော တန်ဆာဆင်ထားသည့် လေးနှင့်မြှား ကျည်တောက်ကို အမေရိကန်နိုင်ငံ၊ မီရှီကန်ပြည်နယ်ရှိ ကျွန်ုပ်တို့၏အိမ်နံရံပေါ်တွင် နှစ်ပေါင်းများစွာ ချိတ်ဆွဲထားခဲ့သည်။ ထိုအမှတ်တရပစ္စည်းများကို အာဖရိကတိုက်ရှိ ဂါနာနိုင်ငံတွင် သာသနာပြုအဖြစ် အမှုတော်ဆောင်ခဲ့စဉ်က အဖေရရှိခဲ့ပြီး၊ သူ့ထံမှ ကျွန်ုပ်အမွေရခဲ့ခြင်း ဖြစ်သည်။

တစ်နေ့တွင် ဂါနာလူမျိုး သူငယ်ချင်းတစ်ဦး အိမ်လာလည်ခိုက် ထိုလေးကိုမြင်သောအခါ သူ့မျက်နှာ၌ ထူးဆန်းသောအသွင်အပြင် ဖြစ်သွားသည်။ ထိုလေးတွင် ချည်ထားသော ထူးဆန်းသည့် ပစ္စည်းလေးတစ်ခုကိုညွှန်ပြပြီး “ဒါက အဆောင်တစ်ခုပဲ၊ မှော်မန္တန်ပဲ။ အဲ့မှာ တန်ခိုးအစွမ်း မရှိတာ ငါသိပေမဲ့ ငါသာဆို ငါ့အိမ်မှာ မထားဘူး” ဟုပြောသည်။ ကျွန်ုပ်တို့လည်း လျင်မြန်စွာ ထိုအဆောင်ကို လေးမှဖြတ်ထုတ်ပြီး လွှင့်ပစ်လိုက်သည်။ ထာဝရဘုရားသခင်မှလွဲ၍ အခြားသောအရာများကို ကိုးကွယ်ရန် ရည်ရွယ်သည့် မည်သည့်အရာကိုမျှ ကျွန်ုပ်တို့အိမ်တွင် မရှိစေချင်ပါ။

ယေရုရှလင်မြို့ရှိ ယောရှိမင်းသည် ဘုရားသခင်က သူ၏လူများအပေါ်ထားသော အကြံအစည်တော်များကို မသိဘဲ…

အကြောင်းကျိုးပြဆင်ခြေကို ငြင်းဆန်ခြင်း

အမေရိကန်နိုင်ငံ၊ အက်တလန်တာမြို့မှ ရဲအရာရှိသည် ယဥ်မောင်းအမျိုးသမီးအား “ဘာ့ကြောင့် ကားကို တားတာလဲသိလား”ဟု မေးရာ၊ “မသိဘူးလေ”ဟု သူမစိတ်ရှုပ်စွာ ဖြေလိုက်သည်။ “အစ်မ ကားမောင်းနေတုန်း ဖုန်းမှာ စာရိုက်နေတယ်လေ”ဟု ရဲက ညင်သာစွာ ပြောလိုက်သည်။ သက်သေအဖြစ် ဆဲလ်ဖုန်းကို ကောက်ကိုင်လိုက်ပြီး သူမက “မဟုတ်ဘူး။ ဒါက အီးမေးလ်ပါ”ဟု ပြန်ပြောသည်။

အီးမေးလ်ပို့ရန် ဆဲလ်ဖုန်းကို အသုံးပြုခြင်းသည် ကားမောင်းနေစဥ် စာရိုက်ခြင်းကို တားမြစ်သောဥပဒေမှ ကင်းလွတ်ခွင့်ပေးမည့် ကယ်ပေါက် မဟုတ်ပါ။ ဥပဒေ၏ အဓိကအကြောင်းအရာမှာ စာရိုက်ခြင်းကို ဟန့်တားခြင်းမဟုတ်ဘဲ၊ ယာဥ်မောင်းစဥ် အာရုံလွဲသွားခြင်းကို ကာကွယ်ရန်ဖြစ်သည်။

သခင်ယေရှုသည် သူ့ခေတ်အခါက အလွန်ဆိုးရွားသော “ကယ်ပေါက်များ”ကို ဖန်တီးသည့် ဘာသာရေးခေါင်းဆောင်များကို ပြစ်တင်ပြောဆိုခဲ့သည်။ “မိဘကိုရိုသေစွာပြုလော့” ဟူသည့် ပညတ်ကိုကိုးကားလျက် “သင်တို့သည် ... ဘုရားသခင်၏ ပညတ်တော်ကို လျှောက်ပတ်စွာ ပယ်ကြသည်တကား။” သခင်မိန့်ကြားခဲ့သည် (မာ…

ခန့်မှန်းသူတစ်ယောက်၏အမှား

၁၉၃၈ ခုနှစ် စက်တင်ဘာလ ၂၁ ရက် နေ့ခင်းတွင် ငယ်ရွယ်သော မိုးလေဝသ ခန့်မှန်းသူ ပညာရှင် Charles Pierce က နယူးအင်္ဂလန်ဆီသို့ မြောက်ဘက်မှ အင်အားနှစ်ဆရှိ သည့် ဟာရီကိန်းမုန်တိုင်းဝင်လာမည့်ဟု အမေရိကန်နိုင်ငံ မိုးလေဝသဌာနအား သတိပေးလိုက်သည်။ သို့သော် မိုးလေဝသခန့်မှန်းသည့်ဌာနအကြီးအကဲမှုးသည် Charles Pierce ၏ခန့်မှန်းချက်ကို သရော်လိုက်သည်။ အပူပိုင်းမုန်တိုင်းသည် မြောက်စွန်းဘက်မှဘယ်သောအခါမှ မတိုက်ခတ်သောကြောင့်ဖြစ်သည်။

နှစ်နာရီအကြာတွင် ဟာရီကိန်းမုန်တိုင်းကြီးဝင်ပြီး Long Island တွင် မြေပြိုခဲ့သည်။ ညနေ ၄ နာရီတွင် နယူးအင်္ဂလန်သို့ မုန်တိုင်းဝင်ရောက်ခဲ့ပြီး သင်္ဘောများ မြေပေါ်သို့မှောက်လှန်လျက်၊ အိမ်ခြေများလည်း အပိုင်းပိုင်းအစစ ဖြစ်ကုန်တော့ သည်။ လူပေါင်း ခြောက်ရာကျော် သေဆုံးခဲ့ကြသည်။ ခိုင်လုံသော အချက်အလက်နှင့် စေ့စပ်သောမြေပုံကိုအခြေခံပြီး သတိပေးခဲ့သော Pierce ၏ သတိပေးမှုကို ရခဲ့မည် ဆိုပါက ၎င်းတို့အသက်ရှင်ကောင်းရှင်ကြလိမ့်မည်။…