စာရေးသူ

အားလုံးမြင်နိုင်ရန်
Winn Collier

ဝင်းကော်လီယာ

၂၅ နှစ်ကြာ သင်းအုပ်အဖြစ် ဆက်ကပ်လုပ်ဆောင်နေသော ဆရာ ဝင်းကော်လီယာ (Winn Collier)သည် သူ့မိသားစုနှင့်အတူ အမေရိကနိုင်ငံ၊ မီရှိဂန်ပြည်နယ်ရှိ ဟော်လန်မြို့တွင် နေထိုင်လျက်ရှိသည်။ ထိုမြို့ရှိ Western Theological Seminary (အနောက်ပိုင်းဆိုင်ရာ ဘာသာရေးယုံကြည်မှု ကျမ်းစာသင်ကျောင်း) တွင် ဆရာသည် သင်ကြားပို့ချပေးပြီး Eugene Peterson Center for Christian Imagination (ယူဂျင်း ပီတာဆန် - ခရစ်ယာန် စိတ်အာရုံဆိုင်ရာ စင်တာ) တွင်လည်း ဦးဆောင်ညွှန်ကြားသူအဖြစ် ဆောင်ရွက်လျက်ရှိသည်။ မိတ်ဆွေအပေါင်းအသင်းဖွဲ့မည်၊ ကော်ဖီသောက်မည်၊ ရုပ်ရှင် ကြည့်မည်၊ အကျိုးရှိမည့်စာအုပ်ဖတ်မည်၊ တောင်တတ်မည်၊ အမေးအဖြေ လုပ်မည်၊ တောအုပ်ထဲ လမ်းလျှောက်မည်။ ဤသည်တို့မှာ ဆရာ ဝင်း၏ ဝါသနာများပါ။ ဟန်ဆောင်မှု၊ ကြောက်ရွံ့မှု၊ မတရားမှုများကိုဖြင့် ဆရာ နည်းနည်းလေးမျှ သဘောမကျ။ ဆရာသည် မဂ္ဂဇင်းများ၌လည်း စာမူများရေးသားလေ့ရှိပြီး ဆရာရေးသားသည့် စာအုပ်များမှာမှာ Restless Faith: Hanging on to a God၊ Let God: The Transforming Wisdom of François Fénelon၊ Holy Curiosity: Encountering Jesus’ Provocative Questions၊ ပေးစာဟန် ဝတ္ထုများဖြစ်သည့် Love Big, Be Well: Letters to a Small-Town Church နှင့် A Burning in My Bones: The Authorized Biography of Eugene Peterson တို့ဖြစ်သည်။

စာမူ/ အကြောင်းအရာ များ ဝင်းကော်လီယာ

မီးတောက်နှင့်တူသောချစ်ခြင်းမေတ္တာ

ကဗျာဆရာ၊ ပန်းချီဆရာနှင့် ပုံနှိပ်သူလည်းဖြစ်သူ William Blake (ဝီလီယံ ဘလိတ်ခ်)သည် ဇနီးဖြစ်သူ Catherine (ကက်သရင်း)နှင့် (၄၅) နှစ်ကြာ အိမ်ထောင်ရေးကို ပျော်ရွှင်စွာ ဖြတ်သန်းခဲ့သည်။ မင်္ဂလာဆောင်သည့် နေ့မှစ၍ ဝီလီယံသေဆုံးသည့် ၁၈၂၇ ခုနှစ်အထိ အတူလက်တွဲကာ အလုပ်လုပ်ခဲ့ကြသည်။ ကက်သရင်းသည် ဝီလီယံ၏ ပုံကြမ်းများကို အရောင် ရေးခြယ်ပေးခဲ့သည်။ သူတို့၏ချစ်မေတ္တာဖြင့် ဆင်းရဲမှုနှင့် အခြားသောအခက်အခဲများစွာကို နှစ်ပေါင်းများစွာ ကျော်လွှားခဲ့သည်။ သူ နောက်ဆုံးအသက်ရှင်ခဲ့သည့် ရက်သတ္တပတ်များ၌ပင်လျှင် ဘလိတ်ခ်သည် ဆက်ပြီးပုံဆွဲနေခဲ့ပြီး သူနောက်ဆုံး ဆွဲခဲ့သည့်ပုံမှာ သူ၏ဇနီး၏မျက်နှာပုံဖြစ်သည်။ (၄) နှစ်အကြာတွင် ကက်သရင်းသည် သူမလက်၌ ခင်ပွန်း၏ခဲတံတစ်ချောင်းကို တင်းတင်းဆုပ်ကိုင်လျက် သေဆုံးသွားခဲ့သည်။

ဘလိတ်ခ်၏အချစ်ကြီးမှုသည် ရှောလမုန်သီချင်းထဲမှ မေတ္တာကို ထင်ဟပ်စေသည်။ ရှောလမုန်သီချင်း၏ အချစ်အကြောင်းဖော်ပြချက်သည် အိမ်ထောင်ရေးအတွက် သွယ်ဝှိုက်ပြောဆိုထားသော အချင်းအရာများဖြစ်သော်လည်း ကနဦး သခင်ယေရှုကို ယုံကြည်သူများက ထိုဖော်ပြချက်သည်…

အောင်မြင်စွာ ပန်းဝင်ခြင်း

Man Kaur (မန်ခူဝါ) ဟုခေါ်သော အမျိုးသမီးသည် အသက် (၁၀၃) နှစ်အရွယ်တွင် ၂၀၁၉ ခုနှစ်၊ ပိုလန်နိုင်ငံ ကမ္ဘာ့အထက်တန်းအဆင့် အားကစားပြိုင်ပွဲ၌ အိန္ဒိယနိုင်ငံမှအသက်အကြီးဆုံး အမျိုးသမီးအားကစားသမားအဖြစ် ပါဝင်ယှဉ်ပြိုင် ခဲ့သည်။ အံ့ဩဖွယ်ရာပင် မန်ခူဝါသည် ပြိုင်ပွဲ (၄) ခု (လှံပစ်၊ သံလုံးပစ်၊ မီတာ-၆၀နှင့် မီတာ-၂၀၀ အပြေးပြိုင်ပွဲ)တွင် ရွှေတံဆိပ်ဆုများရရှိခဲ့သည်။ သို့သော် အံ့ဩဖွယ်အကောင်းဆုံးမှာ သူမသည် ၂၀၁၇ ခုနှစ်ပြိုင်ပွဲကထက် ပိုမြန်အောင်ပြေးခဲ့ခြင်းဖြစ်သည်။ မြစ်ချီနေရပြီဖြစ်ပြီး အသက် (၁၀၀) ကျော်အောင်နေရပြီဖြစ်သော သူမသည် ဘဝပြေးပွဲတွင် မည်သို့အောင်မြင်စွာ ပန်းဝင်ရမည်ကို ပြသခဲ့သည်။

တမန်တော်ရှင်ပေါလုက သူသည် သူ့ဘဝနိဂုံးသို့ ချဉ်းကပ်လာကြောင်း “စုတေသောအချိန် ရောက်လေပြီ” (၂ တိ ၄:၆) ဟု တပည့်တော်ငယ် တိမောသေထံသို့ စာရေးသားခဲ့သည်။ သူ့ဘဝကို ပြန်လည်ဆင်ခြင်၍ သူသည် ဘဝကို…

ဘုရားသခင်၌ ကျွန်ုပ်တို့၏အနာဂတ်ကို ပုံအပ်ခြင်း

၂၀၁၀ ခုနှစ်တွင် Laszlo Hanyecz (လက်ဇလို ဟန်ရက်ချ်)သည် (တစ်ပြား ၏တစ်စိတ်တစ်ပိုင်း တန်ဖိုးရှိသော ဒစ်ဂျစ်တယ်ငွေကြေး) bitcoin (ဘစ်ကွိုင်) ဖြင့် ပထမဆုံး စျေးဝယ်ခဲ့ပြီး (၂၅) ဒေါ်လာတန် ပီဇာနှစ်ခုအတွက် ဘစ်ကွိုင် ၁၀,၀၀၀ ပေးချေခဲ့သည်။ ၂၀၂၁ ခုနှစ်တွင်၊ တစ်နှစ်တာအတွင်း ၎င်း၏အမြင့်ဆုံးတန်ဖိုးဖြင့်၊ ထိုဘစ်ကွိုင်များသည် ဒေါ်လာ သန်း (၅၀၀) ကျော် တန်ဖိုးရှိမည်ဖြစ်သည်။ တန်ဖိုး တစ်ဟုန်ထိုးတက်မလာမီ သူသည် ပီဇာဖိုးကို အကြွေစေ့များဖြင့် ဆက်လက်ပေးချေခဲ့ပြီး ဘစ်ကွိုင် စုစုပေါင်း ၁၀၀,၀၀၀ သုံးခဲ့သည်။ အကယ်၍ အဆိုပါ ဘစ်ကွိုင်များကို သူသိမ်းဆည်းထားမည်ဆိုပါက ၎င်းတို့၏တန်ဖိုးသည် သူ့ကို ဘီလျံနာ (၆၈) ကြိမ်မက ဖြစ်လာစေပြီး၊ Forbes (ဖော့ဘ်စ်) ဝဘ်ဆိုဒ် ၏ “ကမ္ဘာ့အချမ်းသာဆုံးလူများ” စာရင်းတွင် သူပါဝင်လာမည်ဖြစ်သည်။ ဖြစ်လာမည့်အရာကို သူသိခဲ့မည်…

ကွဲပြားခြားနားသည့် အနာဂတ်ကို မှန်းဆခြင်း

အမေရိကန်နိုင်ငံ၊ ကမ်းဇက်စ်ပြည်နယ်၊ Neodesha (နီယိုဒက်ရှာ) မြို့ငယ်လေး၌ ရုတ်တရက်ဆင့်ခေါ်သည့် ကျောင်းစည်းဝေးပွဲသို့ အလယ်တန်းနှင့် အထက်တန်း ကျောင်းသား အယောက် (၃၀၀) တို့ တန်းစီဝင်လာသည်။ ထို့နောက် ဇနီးမောင်နှံနှစ်ဦးသည် စေတနာစိတ်နှင့် မြို့ရှိ ကျောင်းသားတိုင်းအတွက် နောင် (၂၅) နှစ်တိုင် ကောလိပ်ကျောင်းစရိတ် ထောက်ပံ့ပေးရန် ဆုံးဖြတ်ထားကြောင်း ကြားရသောအခါ သူတို့မယုံနိုင်ဖြစ်ပြီး ကျောင်းသားများ အလွန်အံ့အားသင့်ကာ ပျော်ရွှင်လျက် မျက်ရည်လည်ခဲ့ကြသည်။

နီယိုဒက်ရှာမြို့တွင် စီးပွားရေး အတော်ကျဆင်းခဲ့ခြင်းကြောင့် မိသားစုများစွာတို့သည် ကောလိပ်ကျောင်းလခအတွက် စိုးရိမ်ပူပန်ခဲ့ကြသည်။ ဤလက်ဆောင်သည် ဘဝအလှည့်ပြောင်းတစ်ခုဖြစ်ပြီး လှူဒါန်းသူများကလည်း လက်ရှိမိသားစုများအတွက် အကျိုးရှိစေရေးနှင့် အခြားသူများ နီယိုဒက်ရှာသို့ ပြောင်းရွှေ့လာရေးတို့ကို မျှော်လင့်ခဲ့ကြသည်။ သူတို့၏ရက်ရောမှုသည် အလုပ်အကိုင်သစ်ဖန်တီးပေးခြင်းနှင့် သက်ဝင်ရှင်သန်လာခြင်းစသည့် မြို့လေး၏လုံးဝကွဲပြားသောအနာဂတ် ဖြစ်ပေါ်လာရေးကို မျှော်မှန်းခဲ့ကြသည်။

လူမျိုးတော်တို့သည် မိမိတို့ကိုယ်တိုင်၏လိုအပ်မှုကိုသာ တောင့်တခြင်းမျိုး မဟုတ်ဘဲ၊ ရုန်းကန်နေရသည့် ကိုယ်နှင့်စပ်ဆိုင်သူများ၏ အနာဂတ်သစ်အတွက်လည်း တွေးပေးတတ်သည့်…

ခါးသီးမှုအစား သနားကရုဏာ

၂၀၀၁ ခုနှစ် စက်တင်ဘာလ (၁၁) ရက်တွင် ကမ္ဘာ့ကုန်သွယ်ရေးမျှော်စင် တိုက်ခိုက်ခံရပြီး ပြိုလဲသွားသောအခါ Greg Rodriguez (ဂရိတ်ရိုဒရီဂတ်စ်)သည် အပျက်အစီးများကြားတွင် သေဆုံးခဲ့သည့် ဓားစာခံတစ်ဦးဖြစ်သည်။ သူမိခင် Phyllis (ဖိလစ်)နှင့် ဖခင်တို့ ကြေကွဲခံစားရစဥ်မှာပင် ထိုသို့ ဆိုးရွားကြောက်မက်ဖွယ်တိုက်ခိုက်မှုအပေါ် သူတို့၏တုံ့ပြန်မှုကိုလည်း သတိထား ဆင်ခြင်ခဲ့သည်။ ၂၀၀၂ ခုနှစ်တွင် ဖိလစ်သည် အကြမ်းဖက်သမားများကို ကူညီခဲ့သည်ဟုစွပ်စွဲခံရသူတစ်ဦး၏ မိခင်ဖြစ်သူ Aicha el-Wafe (အိုင်ချာအဲဝါဖီ)နှင့် တွေ့ခဲ့သည်။ ဖိလစ်က “ကျွန်မသူ့ဆီကို လက်ဆန့်တန်းပြီး အနားတိုးသွားလိုက်တယ်။ ကျွန်မတို့ တစ်ယောက်နဲ့တစ်ယောက်ဖက်ပြီး ငိုမိတယ်။ အိုင်ချာနဲ့ ကျွန်မကြားမှာ တိုက်ရိုက်နှောင်ဖွဲ့မှုရှိနေတယ်။ ကျွန်မတို့သားတွေနဲ့ပတ်သက်ပြီး ကျွန်မတို့ခံစားခဲ့ရတယ်လေ” ဟု ပြောခဲ့သည်။

ဖိလစ်သည် တူညီသောနာကျင်မှု၊ ဝမ်းနည်းကြေကွဲမှုဖြင့် အိုင်ချာနှင့် ဆုံခဲ့ရသည်။ သူ့သားသေဆုံးရခြင်းကြောင့် ဒေါသထွက်ခြင်းသည် ဖြစ်သင့်ပါသော်လည်း ထို‌ဒေါသက စိတ်ကြေကွဲညှိုးငယ်မှုကို မကုစားနိုင်ကြောင်း သူမယုံကြည်သည်။…

မှန်ကန်သောလမ်းများအား ပိုင်းခြားခြင်း

​(၁၆)နှစ်အရွယ် ဘရာဇီး စကိတ်ဘုတ်ကစားသမား Felipe Gustavo (ဖိလစ် ဂူစတာဗို)သည် “ကမ္ဘာပေါ်ရှိ အကျော်ကြားဆုံး စကိတ်ဘုတ်ကစားသမားများ အနက် တစ်ယောက်ဖြစ်လာမည်” ဟု မည်သူမျှ ယုံမည် မဟုတ်ပါ။ ဂူစတာဗို၏ဖခင်က သူ့သား၏ ကျွမ်းကျင်စွာစကိတ်စီးနိုင်ခြင်း အိပ်မက်ကို အကောင်အထည်ဖော်ရန် လိုအပ်ကြောင်း ယုံကြည်သော်လည်း သူတို့ ငွေကြေးမတတ်နိုင်ပါ။ ထို့ကြောင့် သူ၏ဖခင်က သူတို့၏ကားကိုရောင်းပြီး အမေရိကန်နိုင်ငံ၊ ဖလော်ရေဒါပြည်နယ်၏ နာမည်ကြီး Tampa Am စကိတ်စီး ပြိုင်ပွဲသို့ သားကို ခေါ်ဆောင်ခဲ့သည်။ ဂူစတာဗို အနိုင်မရရှိမီအထိ မည်သူမျှ သူ့ကို မသိပါ။ သို့နှင့် ထိုအောင်မြင်မှုသည် သူ့အား အံ့ဩဖွယ်ကောင်းသော အသက်မွေးမှုလမ်းကြောင်းသို့ ပို့ဆောင်ပေးခဲ့သည်။

ဂူစတာဗို၏ဖခင်သည် သူ့သား၏ဝါသနာနှင့် စိတ်ထက်သန်မှုကို မြင်နိုင်စွမ်းရှိခဲ့သည်။ ဂူစတာဗိုက “တစ်နေ့ ကျွန်တော်ဖခင်တစ်ဦးဖြစ်လာတဲ့အခါ အဖေ့ရဲ့ (၅) ရာခိုင်နှုန်းလောက်ပဲ ကျွန်တော်ဖြစ်ချင်တယ်” ဟုပြောခဲ့သည်။…

အိမ်ထောင်မိသားစုတစ်ခုလုံး

ထောင်သားဝတ်စုံအစင်းကျားကို ဝတ်ကာ စိုထိုင်းသော ထောင်အားကစားရုံကို ဖြတ်လျှောက်လာပြီး ဂျိမ်းသည် ယာယီရေကန်ထဲသို့ ခုန်ဆင်းခဲ့သည်။ ထိုရေကန်ထဲတွင် ထောင်သင်းအုပ်ဆရာက သူ့အား ဗတ္တိဇံမင်္ဂလာပေးခဲ့သည်။ ထောင်ကျနေသည့် သူ့သမီး ဘရစ်တနီသည်လည်း ထိုရေ၌ပင် ထိုနေ့က ဗတ္တိဇံမင်္ဂလာကို ခံယူခဲ့သည်ကို သူကြားသောအခါ ဂျိမ်း၏ဝမ်းမြောက်ခြင်း ဆပွားတိုးလာသည်။ အဖြစ်အပျက်ကို ဇာတ်ရည်လည်‌ေသောအခါ ဝန်ထမ်းများပင်လျှင် ခံစားရသည်။ “အားလုံးငိုကြရတယ်” ဟု ထောင်သင်းအုပ်က ပြောပြသည်။ နှစ်ပေါင်းများစွာ ထောင်မှထွက်လိုက်ဝင်လိုက်နှင့် ဘရစ်တနီတို့သားအဖနှစ်ဦးစလုံးသည် ဘုရားသခင်၏ခွင့်လွှတ်မှုကို လိုလားခဲ့ပြီး၊ သူတို့နှစ်ဦးစလုံးကို ဘုရားသခင်က အသက်တာသစ်ပေးခဲ့သည်။

သမ္မာကျမ်းစာ၌ အကျဥ်းထောင်နှင့်ပတ်သက်သည့် နောက်အဖြစ်အပျက်တစ်ခုကို ဖော်ပြထားသည်။ ၎င်းတွင် ရှင်ယေရှု၏မေတ္တာဖြင့် ထောင်မှူးနှင့် သူ၏တစ်အိမ်သားလုံးကို ပြောင်းလဲစေခဲ့သည်။ “ပြင်းထန်သော မြေငလျှင်လှုပ်” ခြင်းကြောင့် “ထောင်တံခါးများ ပွင့်ကုန်ကြသည်”၊ ရှင်ပေါလုနှင့်သိလသည် ထွက်မပြေးဘဲ အကျဥ်းခန်းအတွင်း၌ပင် ကျန်ရစ်နေသည် (တ ၁၆:၂၆-၂၈)။ သူတို့ထွက်မပြေးသဖြင့် ထောင်မှူးသည်…

အချင်းချင်းကို အနီးကပ်ကြည့်ရှုစောင်မပါ

အသက် (၇၇)နှစ်အရွယ် အချိန်ပိုင်းအစားထိုးစာသင်ပေးသည့် ဆရာဂျိုစီသည် နှစ်ပေါင်း (၈၀)မျှ ကားထဲ၌ နေထိုင်ခဲ့သူဖြစ်သည်။ ညစဥ်ညတိုင်းတွင် သူ၏ ၁၉၉၇ ထုတ် Ford (ဖို့ဒ်) ကားလေးထဲမှ ဘက်ထရီကို ပုံမှန် စစ်ဆေးသည်။ ထိုဘက်ထရီဖြင့် ကွန်ပြူတာကိုအားသွင်းကာ ညနေပိုင်းအလုပ်ကို လုပ်သည်။ အိမ်ငှားမည့်ငွေကို သူ့ထက်ပို၍လိုအပ်သည့် မက်ဆီကိုနိုင်ငံရှိ သူ့မိသားစုထံသို့ ပေးပို့ခဲ့သည်။ နေ့စဥ်နံနက်စောစောတွင် ကားထဲ၌ ဟိုဟိုဒီဒီ လုပ်နေသည့် ဆရာဂျိုစီကို ကျောင်းသားဟောင်းတစ်ဦးက တွေ့မြင်ခဲ့ပြီး၊ “ကျွန်တော် တစ်ခုခုလုပ်ဖို့ လိုနေပြီလို့ ခံစားခဲ့ရတယ်”ဟု ဆိုကာ ဆရာ့အတွက် ရံပုံငွေကောက်ခံခဲ့သည်။ ရက်သတ္တပတ်အတန်ကြာတွင် ကောက်ခံရရှိသောငွေကို ဆရာဂျိုစီထံပေးအပ်ပြီး အိမ်ငှားနေရန်ကူညီပေးခဲ့သည်။

သမ္မာကျမ်းစာမှ တစ်ဦးနှင့်တစ်ဦးဂရုစိုက်လျက် စောင်မကြည့်ရှုရန် ကျွန်ုပ်တို့ကို အထပ်ထပ်ညွှန်ကြားထားသော်လည်း၊ တစ်ခါတစ်ရံတွင် မိမိ၏သောက ပူပန်စရာများထက်ကျော်ပြီး ကြည့်ရန်ခက်ခဲပါသည်။ ပရောဖက်ဇာခရိက ဣသရေလလူမျိုးတို့အား ၎င်းတို့သည် ဘုရားသခင်ကိုကိုးကွယ်ပြီး အခြားသူများအား အစေခံမည့်အစား…

မိဘမဲ့ မဟုတ်တော့ပါ

Guy Bryant (ဂိုင်းဘရိုင်ယန်)သည် တစ်ကိုယ်ရေတစ်ကာယသမားဖြစ်ပြီး ကိုယ်ပိုင်ကလေး မရှိပါ။ အမေရိကန်နိုင်ငံ၊ နယူးယော့မြို့တော်၏ ကလေးစောင့်ရှောက်ရေးဌာန၌ သူအလုပ်လုပ်သည်။ နေ့စဥ်နေ့တိုင်းတွင် ကလေးမွေးစား စောင့်ရှောက်ပေးနိုင်မည့်သူများ အလွန်အမင်းလိုအပ်နေမှုကို ကြုံတွေ့ရ၍ တစ်စုံတစ်ရာပြုလုပ်ရန် သူဆုံးဖြတ်လိုက်သည်။ ဆယ်စုနှစ်တစ်ခုကျော်မျှ ကလေး (၅၀)ခန့်ကို သူမွေးစားခဲ့ပြီး၊ တစ်ကြိမ်တွင် ကလေး (၉)ယောက်ကို တစ်ပြိုင်တည်း ပြုစုစောင့်ရှောက်ခဲ့ရသည်။ “လှည့်ကြည့်လိုက်တိုင်း နေစရာလိုအပ်နေတဲ့ ကလေးတစ်ယောက်ကို အမြဲတွေ့တယ်။ သင့်ရဲ့နှလုံးသားနဲ့ သင့်အိမ်မှာ နေရာလေးပေးချင်တယ်ဆိုရင် သိပ်မစဥ်းစားနဲ့။ ပေးလိုက်ပါ။ လုပ်လိုက်ပါ”ဟု သူကရှင်းပြပြောပြသည်။ မွေးစားခံရပြီး အရွယ်ရောက်သွားကြသည့် ကလေးများ သူ့ဘဝနှင့်သူဖြစ်သွားသည့်တိုင် သူတို့၌ ဘရိုင်ယန်၏အိမ်သော့ ရှိနေဆဲဖြစ်သည်။ မကြာခဏဆိုသလို တနင်္ဂနွေနေ့များတွင် သူနှင့်နေ့လည်စာစားရန် သူတို့ပြန်လာကြသည်။ ဘရိုင်ယန်သည် ကလေးများစွာတို့အား ဖခင်မေတ္တာကို ပြသခဲ့သည်။

ဘုရားသခင်သည် မေ့လျော့ခံရသူများ၊ အပယ်ခံရသူများကို လိုက်လံရှာဖွေကြောင်း သမ္မာကျမ်းစာမှ ဖော်ပြထားသည်။ ယုံကြည်သူအချို့တို့အနေဖြင့် ၎င်းတို့ကိုယ်ကို…

တစ်လောကလုံး၏အနာငြိမ်းခြင်း

စလိုဗီးနီးယားနိုင်ငံအနောက်ပိုင်း ချောင်ကျပြီး ဝေလံခေါင်သီသည့် ကျဉ်းမြောင်းသော လျှိုမြောင်ရှိ Franja Partisan (ဖရန်ဂျာ ပါတီစန်)ဆေးရုံ၏ လျှို့ဝှက်ဆေးဝါးထောက်ပံ့ရေးဌာနသည် နာဇီတို့လက်မှလွတ်အောင် ပုန်းရှောင်နေရသည့် ဆေးဝန်ထမ်းများအား နေရာထိုင်ခင်းပေးလျက် ဖွက်ထားပေးပြီး၊ ထိုဝန်ထမ်းများက ဒုတိယကမ္ဘာစစ်အတွင်း ဒဏ်ရာရ စစ်သားထောင်ပေါင်းများစွာကို ကြည့်ရှုပြုစုခဲ့ရသည်။ ထိုဌာနကို စုံစမ်းဖော်ထုတ်ရန် နာဇီတို့၏ကြိုးပမ်းမှုအတော်များများကို ခြေရာဖျောက်ရှောင်လွဲနိုင်ခြင်းက မှတ်သားလောက်သည့် အောင်မြင်မှုဖြစ်သော်လည်း ပိုထူးခြားသည်မှာ စလိုဗီးနီးယား တော်လှန်ရေးလှုပ်ရှားမှုအဖွဲ့က တည်ထောင်ပြီး လှုပ်ရှားလည်ပတ်နေသည့် ထိုဆေးရုံသည် မဟာမိတ်တပ်များသာမက နာဇီစစ်သားများကိုပါ လက်ခံကုသပေးခဲ့သည်။ ဆေးရုံမှ လူတိုင်းကို လက်ခံကြိုဆိုခဲ့သည်။

သမ္မာကျမ်းစာက လောကသားအပေါင်းတို့၏ ဝိညာဉ်ရေးရာ အနာငြိမ်းရေး အတွက် ကူညီပေးရန် ကျွန်ုပ်တို့ကို စေစားခေါ်ယူသည်။ ဆိုလိုရင်းမှာ လူတို့၏အမြင် မည်သို့ပင်ရှိနေကွဲပြားနေလည်း သူတို့အပေါ် ကရုဏာထားရန် ဖြစ်သည်။ လူတို့၏ အတွေးအမြင် မည်သို့ပင်ရှိရှိ၊ လူတိုင်းသည် ခရစ်တော်၏ မေတ္တာနှင့်ကရုဏာတော်ကို ခံယူထိုက်သည်။ ရှင်ပေါလုက…