ချစ်ခြင်းမေတ္တာ၏စွမ်းအား
တစ်ဦးသည် ဂျာမနီတွင်နေပြီး တစ်ဦးသည် ဒိန်းမတ်တွင်နေထိုင်သော အသက် ၈၀ ကျော်အရွယ် စုံတွဲတစ်တွဲသည် တစ်မူထူးခြားသည်။ သူတို့သည် မုဆိုးဖို/မများ မဖြစ်မီအထိ အိမ်ထောင်သက် ၆၀ ကျော်မျှကို ပျော်ရွှင်စွာဖြတ်သန်းခဲ့ကြသည်။ တစ်ဦးနှင့်တစ်ဦးသည် ၁၅ မိနစ်ခန့် အကွာအဝေးတွင်သာ နေထိုင်ကြသော်လည်း ၎င်းတို့၏အိမ်များသည် သီးခြားနိုင်ငံများတွင် ရှိနေသည်။ သူတို့နှစ်ဦး မေတ္တာ သက်ဝင်ခဲ့ကြပြီး ပုံမှန် အတူတကွ ချက်ပြုတ်စားသောက်ကာ အချိန်ကုန်ဆုံးစေလေ့ရှိသည်။ စိတ်မကောင်းစရာမှာ ၂၀၂၀ ခုနှစ်တွင် ကိုရိုနာဗိုင်းရပ်စ်ကြောင့် ဒိန်းမတ်အစိုးရသည် နယ်စပ်ဖြတ်သန်းမှုကို ကန့်သတ်ခဲ့သည်။ သို့သော်လည်း ၎င်းတို့သည် အတားအဆီးကိုမမှုဘဲ နေ့စဉ် ညနေ ၃ နာရီရောက်လျှင် နှစ်နိုင်ငံစပ်ကြားကျေးလက်မြို့လေး၏ လမ်းကျဉ်းလေးတွင် ကိုယ်စီသက်ဆိုင်သည့် နိုင်ငံဘက်တွင်ထိုင်ကာ ပျော်ပွဲစားထွက်ကြသည်။ “ငါတို့ဒီလိုနေရာမှာ ရှိနေတာ ချစ်ခြင်းမေတ္တာကြောင့်ဖြစ်တယ်”ဟု ယောက်ျားဖြစ်သူက ရှင်းပြသည်။ သူတို့နှစ်ဦး၏ချစ်ခြင်းမေတ္တာသည် နယ်နိမိတ်စည်းများထက် ခိုင်မာပြီး ကမ္ဘာ့ကပ်ရောဂါထက် အစွမ်းကြီးမားသည်။…
မတည်မြဲခြင်းနှင့် နှိမ့်ချခြင်း
ေခေတ်ဟောင်းဓမ္မကျမ်းပညာရှင် Jerome (ဂျရုမ်း)နှင့် Tertullian (တာတူလီယန်)တို့က ရှေးခေတ်ရောမနိုင်ငံတွင် စစ်သူကြီးတို့ မည်သို့ပြောင်မြောက်စွာ အောင်ပွဲခံကြသည်ကို ကိုးကားဖော်ပြသည်။ စစ်သူကြီးသည် မြို့တော်၏မြို့လယ်ခေါင်လမ်းမတွင် နေထွက်ချိန်မှစ၍ နေဝင်ချိန်ထိ လှည့်လည်အောင်ပွဲခံသည်။ ပြည်သူများကလည်း အားပေးသည်။ စစ်သူကြီးသည် သူ့ဘဝတွင် ဂုဏ်ယူရဆုံးအချိန်တစ်ခုကို ကောင်းမွန်စွာ ဖြတ်သန်းနေသည်။ သူ့နောက်တွင် ကျွန်တစ်ဦးက တစ်နေကုန် မတ်တပ်ရပ်ပြီး စစ်သူကြီးအား ‘Memento mori’ (“သင်လည်း တစ်နေ့သေရမှာပဲဆိုတာ သတိရပါ”)ဟု တိုးတိုးလေးရေရွတ်နေသည်။ တိုင်းသူပြည်သားများ၏ သောင်းသောင်းဖြဖြ အားပေးမှုကြားတွင် စစ်သူကြီးအနေဖြင့် သူသည် သေမျိုးဖြစ်ပြီး တစ်နေ့သေရမည်ဟုသတိရစေသည့် နှိမ့်ချမှုကို မဖြစ်မနေ လိုအပ်ပေသည်။
ရှင်ယာကုပ်က မာနထောင်လွှားသူများ၊ ကိုယ့်အကျိုးအတွက်သာ ကြည့်သော စိတ်ထားကျဉ်းမြောင်းသောသူများရှိသည့် အသိုင်းအဝန်းသို့ “ထောင်လွှားစော်ကားသောသူတို့ကို ထာဝရဘုရား ဆီးတားတော်မူ၏။ စိတ်နှိမ့်ချသောသူတို့အား ကျေးဇူးပြုတော်မူ၏” (ယာ ၄:၆)ဟု စာရေးလျက် သူတို့၏ မောက်မာမှုကို ထိပ်တိုက်ပြောဆိုခဲ့သည်။…
အဓိပ္ပာယ်မရှိသော ရင်းနှီးမြှုပ်နှံမှုတစ်ခု
၁၉၂၉ ခုနှစ်က အမေရိကန်နိုင်ငံ စီးပွားရေးကျဆင်းပြီး လူသန်းပေါင်းများစွာတို့မှာ အရာအားလုံးကို ဆုံးရှုံးခဲ့ကြသော်လည်း Floyd Odlum (ဖလွိုက်အော့လုမ်)တော့ မပါဝင်ခဲ့ပါ။ လူတိုင်းက ကြောက်ရွံ့ပြီး သူတို့၏စတော့ ရင်းနှီးမြှုပ်နှံမှုများကို လျှော့ဈေးဖြင့် ရောင်းချခဲ့ကြသည့် တိုင်းပြည်၏အနာဂတ်ပြိုလဲချိန်တွင် အော့လုမ် က စတော့များကို ဝယ်ယူခြင်းသည် မိုက်မဲသည့်ပုံပေါ်နေသည်။ သို့သော် အော့လုမ်၏ “မိုက်မဲသော”အမြင်သည် အကျိုးရှိခဲ့ပြီး ဆယ်စုနှစ်တစ်ခုကြာသည်ထိ တောင့်ခံနိုင်သောကြံ့ခိုင်သည့် ရင်းနှီးမြှုပ်နှံမှုများကို ရရှိခဲ့သည်။
ဘုရားသခင်သည် ယေရမိအား ဗင်္ယာမိန်ခရိုင်၊ အာနသုတ်မြို့၌ရှိသောလယ်ကို ၀ယ်ခိုင်းခြင်းသည် (ယေ ၃၂:၈) လုံး၀အဓိပ္ပာယ်ရှိပုံမရသည့် ရင်းနှီးမြှုပ်နှံမှုပြုခိုင်းသလိုဖြစ်သည်။ တစ်နိုင်ငံလုံး သိမ်းပိုက်ခံရလုနီးနီးအချိန် ဖြစ်ခြင်းကြောင့် ထိုအချိန်သည် လယ်မြေ၀ယ်ရမည့်အချိန်မဟုတ်ပါ။ “ဗာဗုလုန်ရှင်ဘုရင်၏ စစ်သူရဲတို့သည် ယေရုရှလင်မြို့ကို ဝိုင်းထားကြပြီ” (:၂)။ ယေရမိဝယ်ယူသည့် မည်သည့်မြေမဆို မကြာမီ ဗာဗုလုန်တို့အပိုင် ဖြစ်သွားမည်။ မကြာမီ အရာအားလုံးကို ဆုံးရှုံးရတော့မည့်အချိန်တွင် မည်သည့်မိုက်မဲရူးသွတ်သူက ရင်းနှီးမြှုပ်နှံမှုပြုလုပ်မည်နည်း။…
ခွန်အားကြီးမားသောရန်သူများမှ ကယ်တင်ခဲ့သည်
၂၀၁၀ ခုနှစ်၌ အသက် ၉၄ နှစ်အရွယ် George Vujnovich (ဂျော့ချ်ဗူနာဗစ်ချ်)အား ကြေးဝါကြယ်ပွင့်ကို ချီးမြှင့်ခဲ့သည်။ နယူးယောက်တိုင်းမ်စ် သတင်းစာက “ဒုတိယကမ္ဘာစစ်အတွင်း ကယ်ဆယ်ရေးအတွက် စွမ်းစွမ်းတမံအားထုတ်ကြိုးပမ်းမှု” အတွက်ဟု ဖော်ပြခဲ့သည်။ ဗူနာဗစ်ချ်သည် အမေရိကန်နိုင်ငံသို့ ပြောင်းရွေ့နေထိုင်သူ ဆားဘီးယားလူမျိုးတစ်ဉီး၏ သားဖြစ်ပြီး အမေရိကန် စစ်တပ်ထဲ ဝင်ခဲ့သည်။ ယူဂိုဆလားဗီးယား၌ အမေရိကန်လေတပ်မှလေယာဥ်မှူးများ သူပုန်များ၏ဝိုင်းရံ ဖမ်းဆီးခံထားရကြောင်း သတင်းရသောအခါ ဗူနာဗစ်ချ်သည် သူ့မိသားစု၏ဇာတိမြို့သို့ပြန်ကာ ၎င်းတို့ကိုခြေရာခံရန် လေထီးဖြင့် တောထဲခုန်ချခဲ့သည်။ စစ်သားများကို အဖွဲ့ငယ်များစွာ ခွဲကာ သူတို့အား (ဆားဘီးယားလူမျိုးကဲ့သို့ ဝတ်ဆင်၊ စားသောက်ကာ) ဆားဘီးယားတို့နှင့် မည်သို့သဟဇာတဖြစ်အောင် ရောနှောပေါင်းသင်း ရမည်ကို သင်ပေးခဲ့သည်။ လပေါင်းများစွာ ကြာပြီးနောက် လေယာဥ် ဆင်းသက်နိုင်အောင် သူတို့ရှင်းလင်းထားသည့် မြေတလင်းတွင် အသင့်စောင့်ဆိုင်းနေသော C-47 ပို့ဆောင်ရေးလေယာဥ်များဆီသို့ တစ်ဖွဲ့ပြီးတစ်ဖွဲ့ ခေါ်ဆောင်သွားသည်။ ဗူနာဗစ်ချ် သည်…
ကြီးစွာသော အလင်းတော်
၂၀၁၈ ခုနှစ်က ထိုင်းလူမျိုး ယောကျ်ားလေး ၁၂ ဦးနှင့် ၎င်းတို့၏ ဘောလုံးနည်းပြ သည် နေ့လည်ပိုင်းခန့်တွင် ဝင်္ကဘာနှင့်တူသည့်ဂူထဲသို့ စွန့်စားစူးစမ်းကာလျှောက်လည်ခဲ့ကြသည်။ သို့သော် မမျှော်လင့်ဘဲ ဒီရေတက်လာသဖြင့် သူတို့သည် ဆုတ်ရင်းလိုဏ်ဂူအတွင်းပိုင်း နက်သည်ထက်နက်ရာတွင် ပိတ်မိသွားသည်။ ကယ်ဆယ်ရေး အဖွဲ့မှ ၎င်းတို့ကိုလာမကယ်မီအထိ အချိန်ရက်သတ္တပတ် ၂ ပတ်အထိကြာခဲ့သည်။ ကျောက်ငူအစွန်း၌ ထိုင်နေကြသည့် ကလေးငယ်များကို ကန့်လန့်ဖြတ်ရှိနေသည့် ရေထုကိုဖြတ်ပြီး ရေငုတ်အဖွဲ့မှကယ်ရန်ကြိုးစားနေချိန်၌ သူတို့၌ဓာတ်မီး ၆ လက် သာရှိသည်။ တစ်နည်းနည်းဖြင့် အလင်းနှင့်အကူအညီထိုးဖောက်ဝင်လာပါစေဟု သူတို့မျှော်လင့်ရင်း အမှောင်ထဲ၌ နာရီပေါင်းများစွာ နေခဲ့ရသည်။
ပရောဖက်ဟေရှာယက အကြမ်းဖက်မှု၊ လောဘ၊ မနာခံမှုနှင့် ဆင်းရဲဒုက္ခများနှင့်ပိတ်ဆို့လျက် နေရာအနှံ့ ဖျက်ဆီးမှုပြုသောလောက၊ မှောင်မိုက်အတိဖြစ်သော လောကကို သရုပ်ဖော်ခဲ့သည် (ဟေရှာ ၈:၂၂)။ ထိုလောက၌ ပျက်စီးယိုယွင်းမှုမှ လွဲ၍ ဘာမှမရှိ၊ ထူထပ်သောမှောင်မိုက် ဝါးမြိုမသွားမီ မျှော်လင့်ခြင်းအလင်းက…
တန်ခိုးနှင့်ပြည့်စုံပြီး ချစ်နှစ်သက်ဖွယ်ကောင်းခြင်း
၂၀၂၀ ခုနှစ်တွင် အီကွေဒေါမှ Sangay (ဆန်းဂေး) မီးတောင် ပေါက်ကွဲခဲ့သည်။ ဘီဘီစီသတင်းတွင် "မဲမှောင်နေသောပြာမှုန့်ထုသည် မီတာ ၁၂,၀၀၀ ကျော်ထိ မြင့်မားခဲ့သည်" ဟုဖော်ပြပါသည်။ ထိုပြာမှုန့်သည် ဧက ၁၉၈,၀၀၀ အကျယ်အဝန်းရှိသည့် ပြည်နယ် (၄) ခုကို ဖုံးလွှမ်းသွားသည်။ ကောင်းကင်သည် မှုန်မှိုင်းမှောင်မိုက်သွားပြီး လေထုလည်း သိပ်သည်းလာကာ အသက်ရှုရန် ခက်ခဲစေသည်။ စိတ်မချမ်းမြေ့ဖွယ် ထိုမြင်ကွင်းကို လယ်သမားကြီး Feliciano Inga (ဖလီစရာနိုအန်ဂါ)က "ဒီဖုန်မှုန့်တွေ ဘယ်က ရောက်လာမှန်းတော့မသိဘူး။ ကောင်းကင်မဲသွားတာပဲတွေ့ရပြီး တဖြည်းဖြည်းကြောက်လာကြတယ်"ဟု သတင်းစာတွင် ဖော်ပြခဲ့သည်။
ဣသရေလလူမျိုးများသည် "တောင်ခြေရင်း၌ ရပ်နေကြ၏။ တောင်ထိပ်သည် မိုးကောင်းကင်အလယ်၌ မီးလောင်လျက် မည်းသောအဆင်းမိုးတိမ်တိုက် ထူထပ်သောမှောင်မိုက်" (ထွက် ၄:၁၁)ကျသွားချိန်၌ အလားတူသော ကြောက်ရွံ့မှုမျိုးကို သိနာတောင်ခြေတွင် ခံစားခဲ့ရသည်။ ဘုရားသခင်၏အသံတော် မြည်ဟိန်း သွားကာ လူများသည် ကြောက်ရွံ့တုန်လှုပ်ခဲ့ကြသည်။…
စုံစမ်းစစ်ဆေးမှု
အမြင့်ပေ ၁၄,၀၀၀ ရှိ အမေရိကန်နိုင်ငံ၏ ကော်လိုရာဒိုအမှတ် (၁၄) တောင်သို့ ခြေလျင်တောင်တက်ရန် ကျွန်တော့်သားများကို ပထမဆုံးအကြိမ်ခေါ်သွားစဥ်က "သူတို့ တက်နိုင်ပါ့မလား၊ ထိုစိန်ခေါ်မှုကိုလုပ်နိုင်ပါ့မလား" ဟုသူတို့စိုးရိမ်ခဲ့ကြသည်။ သားထွေးက တောလမ်းတွင် ရပ်ရပ်ပစ်လိုက်ပြီး လိုအပ်သည်ထက် ပိုကြာအောင် နားသည်။ "အဖေ၊ သားဆက်မသွားနိုင်တော့ဘူး" ဟု ထပ်ခါထပ်ခါပြောသည်။ သို့သော်လည်း ဤစစ်ဆေးမှုသည် သူတို့အတွက်အကျိုးရှိမည်ဟု ကျွန်တော်ယုံပြီး သူတို့ကျွန်တော့်အပေါ် ယုံကြည်စိတ်ချစေလိုသည်။ ဆက်မသွားနိုင်တော့ဟု ဂျီကျသောသားငယ်သည် တောင်ထိပ်မရောက်မီ တစ်မိုင်အလိုတွင် အမောပြေသွားပြီး ကျွန်တော်တို့ကို ကျော်တက်ကာ တောင်ထိပ်ရောက်သွားပါသည်။ စိုးကြောက်သည့်ကြားမှပင် အဖေ့အပေါ်ယုံကြည်ခဲ့ခြင်းအတွက် သူအလွန်ဝမ်းသာခဲ့သည်။
ဣဇက်နှင့်သူ့ဖခင်တို့ တောင်တက်စဥ်က သူ့ဖခင်အပေါ် သူ၏ယုံကြည်မှုကို ကျွန်တော်လက်ဖျားခါမိပါသည်။ အာဗြံဟံက သူ့သားအပေါ်တွင် ဓားကိုမြှောက် လိုက်ချိန်တွင် ဘုရားသခင်အပေါ် အာဗြံဟံ၏ယုံကြည်ခြင်းက ကျွန်တော့်ကို ပို၍ပင် နှလုံးကြေကွဲရပါ၏ (က ၂၂:၁၀)။ အာဗြံဟံသည် စိတ်ရှုပ်ထွေးပြီး နှလုံးအညှစ်ခံထားရသကဲ့သို့…
အမှန်တရား၊ မုသားနှင့် မိမိသဘောအလျောက်စီရင်သူ
၂၀၁၈ ဘေ့စ်ဘောရာသီတွင် Chicago Cubs (ချီကာဂိုဝံပေါက်) အသင်း၏ နည်းပြသည် ကျင်းအနားထိုင်နေသည့် လူငယ်လေးထံ ဘေ့စ်ဘောဘောလုံးကို ပို့ပေးချင်ခဲ့သည်။ လူငယ်လေးထံချိန်ပြီး ဘောလုံးကို လွှဲရိုက်လိုက်သော်လည်း သူ့အစား လူတစ်ယောက်က ဖြတ်ပြီး ဘောလုံးကို ဖမ်းလိုက်သည်။ ထိုပွဲ၏ ဗီဒီယိုမှာ ဟိုးလေးတကျော်ဖြစ်သွားပြီး သတင်းဌာနနှင့် လူမှုကွန်ရက်မီဒီယာများမှ ထိုသူ၏ရိုင်းပျမှုကို ထိုးနှက်ခဲ့သည်။ ကြည့်ရှုသူများသည် ဖြစ်စဉ်အစအဆုံးကို မသိပါ။ စစခြင်းကတည်းက ထိုသူသည် လူငယ်လေး ပြစ်ဒဏ်ဘောရရန် ကူညီပေးခဲ့ပြီး သူတို့ထံလာသည့် မည်သည့် ထပ်ပေါင်းဘောလုံးမျိုးကိုမဆို အတူဖမ်းရန် သဘောတူခဲ့သည်။ အကြောင်းမလှစွာနှင့်ပင် ၂၄ နာရီလွန်သွားပြီးမှ အဖြစ်မှန် ပေါ်ပေါက်ခဲ့သည်။ သို့သော် ပရိသတ်ကြီးက အပြစ်ကင်းသူကို မကောင်းဆိုးဝါး ဖြစ်စေလျက် အဖြစ်မှန်ကို ဖျက်ဆီးပြီးခဲ့ပြီဖြစ်သည်။
မကြာခဏဆိုသလို မိမိ၌အချက်အလက်အချို့သာရှိနေချိန်တွင် အားလုံးရှိနေပြီဟု ကျွန်ုပ်တို့ထင်တတ်ကြသည်။ ခေတ်ကိုက 'မိပြီဟေ့' ဟုဖော်သည့်ခေတ်။ ဗီဒီယိုအပိုင်းအစနှင့် ဖောင်းပွနေသည့်…
ကောင်းတဲ့ပြဿနာ
အမေရိကန်လွတ်တော်အမတ်နှင့် ပြည်သူ့အခွင့်အရေးလှုပ်ရှားမှုခေါင်းဆောင် John Lewis (ဂျွန် လူးဝစ်)သည် ၂၀၂၀ ခုနှစ်တွင် ကွယ်လွန်သွားသည့်အတွက် နိုင်ငံရေးလောကမှလူများ ဝမ်းနည်းပူဆွေးကြသည်။ ၁၉၆၅ ခုနှစ်က လူမည်းနိုင်ငံသားများ မဲပေးခွင့် သေချာစေရေးအတွက် လူးဝစ်သည် မာတင်လူသာ ကင်း ဂျူနီယာ နှင့်အတူ ချီတက်လှုံ့ဆော်ခဲ့သည်။ ချီတက်ပွဲ၌ လူးဝစ်သည် ဦးခေါင်းခွံအက်ခဲ့ပြီး သူ့တစ်ဘဝလုံး အမာရွတ်ဖြစ်ကျန်ခဲ့သည်။ "မမှန်ကန်တဲ့၊ မတရားတဲ့၊ မမျှတတဲ့ အရာတစ်ခုခုကို သင်မြင်တဲ့အခါ လူ့ကျင့်ဝတ်ဝတ္တရားအရ သင်တစ်ခုခုပြောရမယ်။ တစ်ခုခုလုပ်ရမယ်။ ဆူညံပူညံလုပ်ဖို့နဲ့ ကောင်းတဲ့ လိုအပ်တဲ့ ပြဿနာလုပ်ဖို့ ဘယ်တော့မှ၊ ဘယ်ခါမှ မကြောက်နဲ့"ဟု လူးဝစ် ပြောခဲ့သည်။
မှန်ရာကိုလုပ်ရန်၊ သမ္မာတရား၌ သစ္စာတည်ရေးအတွက် "ကောင်းသော" ပြဿနာ ပြုလုပ်ရန် လိုအပ်ကြောင်း လူးဝစ် စောစီးစွာ သင်ယူခဲ့သည်။ လူအများ မနှစ်မြို့သည့်အရာများကို သူပြောရန်လိုအပ်မည်။ ပရောဖက်အာမုတ်သည်လည်း ဤအချက်ကိုသိသည်။ ဣသရေလလူတို့အပြစ်ပြုပြီး…
အခိုင်အမာငြင်းဆိုမှု
ဒုတိယကမ္ဘာစစ်အတွင်း နာဇီများသည် Franz Jägerstätter (ဖရန်စီရာ ရှတယ်တာ)ကို စစ်မှုထမ်းရန် ခေါ်သွားပြီး စစ်ရေးအခြေခံသင်တန်း ပြီးဆုံးသွား သော်လည်း Adolf Hitler (အဲဒေါ့ဖ် ဟစ်တလာ)အပေါ် သစ္စာခံရန် ကတိကဝတ် ပြုရန် သူငြင်းဆိုခဲ့သည်။ Franz ကို အာဏာပိုင် များက သူ့ယာတောသို့ ပြန်ခွင့်ပြုခဲ့ သော်လည်း နောက်ပိုင်းတွင် တာဝန်ထမ်းဆောင်ရန် ဆင့်ခေါ်ခံခဲ့ရသည်။ နာဇီ တို့၏အတွေးအခေါ်ကို အနီးကပ်ရှုမြင်ခဲ့ရပြီး ဂျူးလူမျိုးများကို မျိုးတုံးသတ်ဖြတ်မှု အကြောင်း သိရပြီးနောက်တွင် Franzသည် နာဇီဘက်မှ ဘယ်သောအခါမှ တိုက်ခိုက်ပေးမည်မဟုတ်ဟု ဘုရားရှင်ထံ သစ္စာပြုခဲ့သည်။ သူအဖမ်းခံရပြီး ကွပ်မျက်ခြင်းခံခဲ့ရသည်။ ဇနီးသည်နှင့် သမီးသုံးယောက် ကျန်ရစ်ခဲ့သည်။
သမိုင်းတစ်လျှောက် ယုံကြည်သူများအား အသက်ကိုခြိမ်းခြောက်ပြီး ဘုရား သခင်ကို စွန့်ပစ်ရန် အမိန့်ပေးသောအခါ သူတို့အခိုင်အမာငြင်းဆိုခဲ့ကြသည်။ ဒံယေလ၏အဖြစ်အပျက်သည် ထိုသို့သောအကြောင်းအရာများထဲမှ တစ်ခုပင် ဖြစ်သည်။ "ကိုယ်တော်မြတ်မှတစ်ပါး…