အသက်ထက်သာ၍ ကောင်းသည်
မမျှော်လင့်ဘဲ ထပ်မံ၍ ကျန်းမာရေး ထိခိုက်ချို့ယွင်းပြီးနောက် ကျွန်မခင်ပွန်းနှင့်တကွ အခြားသူတို့နှင့်အတူ တောင်ပေါ်အပန်းဖြေခရီးသို့ ကျွန်မလိုက်ပါခဲ့သည်။ တောင်ကုန်းထိပ်တစ်ခုရှိ ဘုရားကျောင်းလေးသို့ သစ်သားလှေကားမှ ကျွန်မဖြည်းဖြည်းချင်းတက်ခဲ့သည်။ အမှောင်ထဲတွင် တစ်ယောက်တည်း တက်လာရင်း ပဲ့နေသောလှေကားထစ်တစ်ခုတွင် ကျွန်မ နားလိုက်သည်။ ဂီတသံ စကြားရသည့် အချိန်တွင် “ကျွန်မကို မစပါ၊ အဘဘုရား” ဟု ကျွန်မ ဆုတောင်းခဲ့သည်။ ဖြည်းဖြည်းချင်းလျှောက်သွားရင်း အခန်းကျဉ်းတစ်ခုထဲ ရောက်သွားသည်။ နာကျင်မှုဖြင့် အသက်ရှူရင်း ဘုရားသခင်သည် တောထဲတွင် ကျွန်မတို့ကို ကြားခြင်းကြောင့် ကျွန်မ ကျေးဇူးတင်မိသည်။
ဘုရားသခင်အား အရင်းနှီးဆုံး ကိုးကွယ်သည့် အခိုက်အတန့်အချို့မှာ တောထဲတွင် ဖြစ်ကြောင်း ကျမ်းစာ၌ မှတ်တမ်းတင်ထားသည်။ သူ့သား အဘရှလုံထံမှထွက်ပြေးရင်း ယုဒပြည်၏ကန္တာရထဲ ဒါဝိဒ်မင်း ပုန်းနေစဉ် “အိုဘုရားသခင်၊ ကိုယ်တော်သည် အကျွန်ုပ်၏ ဘုရားသခင်ဖြစ်တော်မူ၏။ ကိုယ်တော်ကို ကြိုးစား၍ ရှာပါ၏။...အကျွန်ုပ်၏ဝိညာဉ်သည် ကိုယ်တော်ကိုငတ်ပါ၏။ အကျွန်ုပ်၏ကိုယ်ခန္ဓာ…
ဘုရားသခင်အား ပြန်၍ပေးခြင်း
ကျွန်မတို့ အပတ်စဉ်လှူဒါန်းခြင်းအပြင် အားကစားရုံအသစ်တစ်ခုဆောက်ရန်အတွက် အလှူငွေပါဝင်ရန် အသင်းတော်၏ခေါင်းဆောင်များက ကျွန်မတို့ကို တစ်နှစ်က ဖိတ်ခေါ်ခဲ့သည်။ ထိုနေရာကိုအသုံးပြု၍ ကျွန်မတို့ ပတ်ဝန်းကျင်ရှိ မိသားစုများကို သာသနာပြုမည်ဖြစ်သည်။ မသန်စွမ်းဖြစ်နေခြင်းကြောင့် ဆေးဝါးအတွက် ကုန်ကျစရိတ်ကို ဆုတောင်း၍ စဉ်းစားတွက်ချက်ကြည့်ပြီးနောက် “ကျွန်မတို့ ဒါကိုလုပ်နိုင်ပါ့မလား” ဟု ကျွန်မယောက်ျားကို မေးခဲ့သည်။ သူက ခေါင်းငြိမ့် ၍ “ ဘုရားသခင်ရဲ့အပိုင်ဖြစ်နေပြီးသားအရာကိုပဲ ပြန်ပေးတာပဲလေ၊ လိုအပ်သမျှကို ဘုရားသခင်က ထောက်ပံ့မှာပါ”ဟု သူက ဆိုသည်။ ဘုရားသခင်က တကယ်လည်း ထောက်ပံ့ခဲ့သည်။ ဆယ်နှစ်ကြာပြီးနောက် ကျွန်မတို့၏ဘုရားကျောင်း သည် ထိုအဆောက်အအုံတွင် လူများကို ဝန်ဆောင်မှုပေးခြင်းဖြင့် ဘုရားသခင်၏ အမှုတော်ကို ထမ်းဆောင်နိုင်ခွင့် ရနေဆဲဖြစ်သည်။
ရာဇဝင်ချုပ်ပထမစောင် ၂၉ တွင် ဒါဝိဒ်မင်းကြီးက သူ့သားရှောလမုန်ကို ဘုရားသခင် ရွေးချယ်ထားသော ထီးနန်းဆက်ဆံသူနှင့် ဗိမ္မာန်တော်တည်ဆောက် သူအဖြစ် ထောက်ခံကြောင်း ဣသရေလပြည်၏ ခေါင်းဆောင်များကို…
အမှန်တရားသည် မည်သည့်အခါမှ မပြောင်းလဲပါ
ကျွန်မသားဇာဗီးယားငယ်စဉ်အခါက သူနှင့်အတူ ကလေးပုံပြင်ဖတ်ရာ ထိုပုံပြင်မှာ ဘောပင်ကို လုပ်ကြံဖန်တီးထားသည့်အမည်ဖြင့် ရည်ညွှန်းပြောဆိုကာ ဆရာမကို မနာခံသည့် သူငယ်လေးအကြောင်း ဖြစ်သည်။ ထိုကောင်လေးမှာ သူဖန်တီးထားသည့် အမည်ဖြင့် ဘောပင်ကိုခေါ်ဆိုရန် ငါးတန်းအရွယ် သူ၏သူငယ်ချင်းများကို စည်းရုံး ခဲ့သည်။ ကောင်လေး၏ အစားထိုးစကားလုံးအကြောင်းမှာ တစ်မြို့လုံးကို ပျံ့နှံ့သွားခဲ့သည်။ အချိန်ကြာလာသည်နှင့်အမျှ ထိုတိုင်းပြည်ရှိလူများလည်း ဘောပင်ကို ခေါ်ဆိုသုံးနှုန်းသည့် အသုံးကို ပြောင်းလဲခဲ့သည်။ အဘယ်ကြောင့် ဆိုသော် သူငယ်လေးဖန်တီးထားသည့် အသုံးအနှုန်းကို မပြောင်းလဲသော အမှန်တရားဟု အချို့က ယုံကြည်လက်ခံကြသည်။
သမိုင်းတစ်လျှောက်တွင် အားနည်းချက်ရှိသည့် လူသားများက သူတို့အလိုဆန္ဒ နှင့်ကိုက်ညီရန် အစဉ်ပြောင်းလဲနေသည့် အမှန်တရားများ (သို့) ၎င်းတို့ပို၍နှစ်သက်သည့် အမှန်တရားကိုသာ လက်ခံယုံကြည်ကြသည်။ သို့သော် သမ္မာကျမ်းစာသည် တစ်ခုတည်းသောအမှန်တရား၊ တစ်ပါးတည်းသောဘုရားသခင်နှင့် ကယ်တင်ခြင်း သို့ ရောက်မည့်တစ်ခုတည်းသောလမ်းဖြစ်သည့် မေရှိယကို ပြညွှန်ထားသည်။ မေရှိယမှ တစ်ဆင့် “ထာဝရဘုရား၏ဘုန်းတော်ပေါ်ထွန်း”…
ယုံကြည်ကိုးစားထိုက်သော ကျွန်ုပ်တို့၏အဘ
အရပ် ၆ ပေ ၃ လက်မမြင့်သော ကျွန်မသား Xavier (ဇေဗီယား) သည် တခစ်ခစ်ရယ်နေသော လမ်းလျှောက်တတ်စ သူ့သားလေး Xarian (ဇေရီယန်) ကို အလွယ်တကူ လေထဲ မြောက်လိုက်သည်။ သူ၏ကြီးမားသောလက်ဖြင့် သူ့သား၏ ခြေထောက်ငယ်လေးများကို ဆုပ်လိုက်ပြီး သူ့လက်ဖဝါးထဲတွင် မြဲအောင် ကိုင်ထားလိုက်သည်။ သူ့၏ရှည်လျားသောလက်ကို ဆန့်ကာ သူ့သားကို သူ့ဘာသာသူ ဟန်ချက်ထိန်းရန် အားပေးလိုက်ပြီး လိုအပ်ပါက ကျန်လက်တစ်ဘက်ဖြင့်ဖမ်းရန်လည်း အသင့်ပြင်ထားသည်။ ဇေရီယန် လေးက ခြေထောက်များကို ဆန့်လိုက်ပြီး မတ်တပ်ရပ်လိုက်သည်။ သူသည် ပြုံးနေရင်း၊ လက်များကို သူ့နံဘေးတွင် ကပ်ထားရင်းမှ သူ့ကိုကြည့်နေသော သူ့အဖေကို စိုက်ကြည့်နေသည်။
ကျွန်မတို့၏ကောင်းကင်ဘုံရှင်အဘ၌ မျက်မှောက်ပြုခြင်း၏အကျိုးကျေးဇူးများကို ပရောဖက်ဟေရှာယက “စိတ်နှလုံးတည်ကြည်သောသူသည် ကိုယ်တော်၌ ခိုလှုံသောကြောင့်၊ ငြိမ်သက်ခြင်းသက်သက် ရှိမည်အကြောင်း စောင့်ရှောက်တော်မူလိမ့်မည်” (ဟေရှာ ၂၆:၃)ဟု အခိုင်အမာပြောထားသည်။ ဘုရားသခင်၏လူမျိုးတော်တို့အား…
ကျွန်ုပ်တို့၏ဇာတ်လမ်းများကို ဘုရားရှင် သုံးသည်
ဆယ်ပတ်သားအရွယ် မမွေးဖွားသေးသောကလေးငယ်၏ ခြေထောက်အရွယ်နှင့် တစ်ပုံစံတည်း ငွေရောင်ရင်ထိုးလေးကို အမှတ်တရပစ္စည်းဘူးထဲမှ ထုတ်လိုက်သည်။ ခြေချောင်းလေးဆယ်ချောင်းကို ညင်သာစွာပွတ်သပ်ရင်း ပထမဆုံးကိုယ်ဝန် ပျက်သွားသည့်အဖြစ်ကို သတိရမိပြီး၊ အခြားသူများက ကျွန်မအား “ကံကောင်းသူ” ဟု ပြောသော်လည်း အမှန်တကယ် “ကျွန်မသည် အဲဒီလောက် ကံမကောင်းခဲ့ပါ”။ကျွန်မသားအိမ်ထဲ ခုန်ခဲ့သောနှလုံးသားလေးကဲ့သို့ပင် ကျွန်မကလေး၏ခြေထောက် လေးများသည် အမှန်ရှိခဲ့ကြောင်းသိပြီး ကျွန်မ ကြေကွဲ ဝမ်းနည်းခဲ့ရသည်။ ဝမ်းနည်း ကြေကွဲမှုများမှ ကျွန်မအား လွတ်မြောက်စေပြီး၊ ကလေးဆုံးရှုံး၍ ကြေကွဲရသော အခြားသူများကို နှစ်သိမ့်ရန် ကျွန်မ၏အဖြစ်မှန်ဇာတ်လမ်းကို အသုံးပြုသည့်အတွက် ဘုရားသခင်အား ကျေးဇူးတင်သည်။ ကျွန်မကလေးပျက်ပြီး အနှစ်နှစ်ဆယ်ကျော်၌ ဆုံးရှုံးသွားသောရင်သွေးလေးအား အခြားဘာသာ စကားအချို့၌ “ဝမ်းမြောက်ခြင်း” ဟု အဓိပ္ပာယ်ရသည့် Kai (ခိုင်) ဟု ကျွန်မ၏ခင်ပွန်းနှင့်ကျွန်မတို့ အမည်မှည့်ပေးလိုက်သည်။ ဆုံးရှုံးမှုအတွက် နာကျင်စွာခံစားနေရဆဲ ဖြစ်သော်လည်း ဘုရားသခင်သည် ကျွန်မနှလုံးသားကို ကုစားပေးပြီး အခြားသူများအား…
ကျွန်ုပ်တို့၏အသံကို ဘုရားသခင် ကြားတော်မူ၏
ပထမတန်းကျောင်းသားလေး တစ်ယောက်က အရေးပေါ်ဌာနသို့ ဖုန်းဆက်ပြီး “ကျွန်တော်အကူအညီ လိုအပ်နေတယ်။ ကျွန်တော်အိမ်စာတွေလုပ်ဖို့ရှိတယ်”ဟုပြောရာ၊ ၉-၁-၁ အရေးပေါ်စခန်းမှ ဖုန်းလက်ခံသူက သူ့အား အကူအညီပေးရန် ပြင်ဆင်နေစဉ် အမျိုးသမီးတစ်ဦး အခန်းထဲသို့ဝင်လာပြီး “ဂျော်နီ မင်းဘာတွေလုပ်နေတာလဲ” ဟုပြောသံကို ထိုသူကြားလိုက်သည်။ သင်္ချာအိမ်စာကို မတွက်တတ်သဖြင့် အကူအညီလိုလျှင်တောင်းပါဟု သူမိခင်သင်ပေးထားသည့်အတိုင်း သူက ၉-၁-၁ သို့ ဖုန်းခေါ်နေခြင်းဖြစ်ကြောင်း ဂျော်နီ ရှင်းပြသည်။ သူ၏လတ်တလောလိုအပ်ချက်သည် အရေးပေါ် အခြေအနေ အမှန်ပင်ဖြစ်ကြောင်း ခိုင်လုံပါသည်။ ကြင်နာသော ထိုဖုန်းလက်ခံသူအတွက် သူငယ်လေး၏အိမ်စာကို ကူညီပေးရေးသည် ထိုအခိုက်အတန့်တွင် သူဦးစားပေးဆောင်ရွက်ရမည့်အလုပ် ဖြစ်သည်။
ဆာလံဆရာဒါဝိဒ် အကူအညီလိုအပ်နေချိန်တွင် သူက “အိုထာဝရဘုရား၊ အကျွန်ုပ်သည် ကိုယ်ပျက်တတ်သောသဘောကို သိရပါမည်အကြောင်း အကျွန်ုပ်၏ လမ်းဆုံးကိုလည်းကောင်း၊ အကျွန်ုပ်၏ အသက်အပိုင်းအခြားကိုလည်းကောင်း၊ သိစေတော်မူပါ” (ဆာ ၃၉:၄)ဟု ဆိုသည်။ “ကိုယ်တော်၌သာ မျှော်လင့်စရာအကြောင်းရှိ”ခြင်းကြောင့် (:၇)၊ သူ၏“ဆုတောင်းခြင်းပတ္ထနာ”ကို…
ရှင်ယေရှုနှင့် သာ၍တူလာသည်
ဘုရားသခင်သည် မီးခိုးရောင်ဇီးကွက်ကြီးကို ကိုယ်ယောင်ဖျောက်သည့်နေရာတွင်ဆရာတစ်ဆူဖြစ်နေအောင် ဖန်ဆင်းခဲ့သည်။ ယင်း၏ငွေရောင်စပ် မီးခိုးရောင်အမွှေးများတွင် အရောင်များ တစ်စုတစ်စုနှင့် ပါဝင်သောကြောင့် သစ်ပင်ပေါ်တွင် နားသည့်အခါ သစ်ခေါက်များနှင့်တစ်သားတည်းဖြစ်သွားသည်။ ဇီးကွက်များသည် အမြင်မခံလိုသည့်အခါ ကိုယ်ဖျောက်နိုင်စွမ်းရှိသောအမွှေးအတောင်များ၏အကူအညီဖြင့် မြင်သာသည့်နေရာများတွင် ပတ်ဝန်းကျင်နှင့်တစ်သားတည်းဖြစ်စေကာ ပုန်းကြသည်။
ဘုရားသခင်၏လူမျိုးများသည်လည်း တစ်ခါတစ်ရံ ထိုဇီးကွက်မျိုးနှင့် အလွန်တူသည်။ ကျွန်ုပ်တို့သည် လောကနှင့် အလွယ်တကူတသားတည်းဖြစ်သွားပြီး မရည်ရွယ် ဘဲနှင့်သော်လည်းကောင်း၊ တမင်သက်သက်သော်လည်းကောင်း ခရစ်တော်၌ ယုံကြည်သူများအဖြစ်ပင်လျှင် မမှတ်မိကြတော့ပေ။ ခမည်းတော်က “လောကထဲမှ”ရွေးနုတ်ပြီး သခင့်အား ပေးအပ်ထားသော၊ နှုတ်ကပတ်တော်ကို နာခံသော၊ သူ့တပည့်တော်များအတွက် ရှင်ယေရှု ဆုတောင်းပေးနေသည် (ယော၁၇:၆)။ ရှင်ယေရှုသည် သူတို့ကို ထားခဲ့ပြီးနောက် သူတို့အနေနှင့် သန့်ရှင်းခြင်း၌ ဆက်လက်ရှင်သန်နိုင်အောင်၊ ဝမ်းမြောက်ခြင်းအမြဲရှိနိုင်အောင် သူတို့ကို ကွယ်ကာပြီး အခွင့်အာဏာပေးရန် သားတော်ဘုရားက ခမည်းတော်ဘုရားထံ ဆုတောင်းသည် (:၇-၁၃)။ “ဤသူတို့ကို ဤလောကမှ နှုတ်ယူတော်မူမည်အကြောင်း အကျွန်ုပ်တောင်းသည်မဟုတ်ပါ။
မကောင်းသော…
လက်တွေ့မေတ္တာပြသခြင်း
တစ်ကိုယ်တော်မိခင်တစ်ဦးသည် ၅ နှစ်ကျော်မျှ သက်ကြွယ်အမျိုးသားတစ်ဦးနှင့် အိမ်ချင်းကပ် နေထိုင်ခဲ့သည်။ တစ်ရက်တွင် သူမ၏နေထိုင်ရေးကို စိတ်ပူပြီး သူကသူမ၏တံခါးခေါင်းလောင်း သွားတီးခဲ့သည်။ “မင်းကို မတွေ့တာ တစ်ပတ်ရှိပြီ။ မင်း အဆင်ပြေရဲ့လားလို့ ငါလာကြည့်တာပါ”ဟု သူ ပြောလိုက်သည်။ သူ၏ “ဘေးကင်းကျန်းမာလုံခြုံမှု”ကို စစ်ဆေးပေးခြင်းက သူမကို အားဖြစ်စေခဲ့သည်။ သူမသည် ငယ်စဉ်က အဖေကို ဆုံးရှုံးခဲ့ရသည့်အတွက် သူမနှင့် သူမမိသားစုကို ကြည့်ရှုပေးသည့် ကြင်နာတတ်သူတစ်ဦးရှိနေခြင်းကြောင့် သူမ ကျေးဇူးတင်ခဲ့သည်။
ကြင်နာမှု ဟူသည့် အခမဲ့ပေး၍ရပြီး၊ လက်ခံရရှိသူအတွက် တန်ဖိုးမဖြတ်နိုင်သောလက်ဆောင်က သဘောကောင်းခြင်းထက်မက ကျော်လွန်သည့်အခါ ၎င်းသည် သခင်ယေရှုခရစ်၏ ချစ်ခြင်းမေတ္တာကို ဝေမျှခြင်းအားဖြင့် အခြားသူများကို ကျွန်ုပ်တို့ အစေခံနေခြင်းဖြစ်ပါသည်။ ဟေဗြဲဩဝါဒစာရေးသူက ရှင်ယေရှုကို ယုံကြည်သူများသည် “ဘုရားသခင်၏ ကျေးဇူးတော်ကို ဝန်ခံလျက်၊ နှုတ်အသီးတည်းဟူသော ချီးမွမ်းခြင်းယဇ်ကို သခင်ယေရှုခရစ်အားဖြင့် ဘုရားသခင့်ရှေ့တော်၌ အစဉ်ပူဇော်”သင့်သည်ဟု ဆိုပါသည်…
အဓိပ္ပာယ်ရှိသောမျဥ်းတိုသင်္ကေတ
ကျွန်မမိခင်၏အသက်တာခရီးအတွက် ဂုဏ်ပြုခြင်းအစီအစဥ်ကို ပြင်ဆင်နေစဥ် သူမ၏ မွေးဖွားခြင်းနှင့် သေဆုံးခြင်းအကြား နှစ်ကာလများကိုဖော်ပြသည့် “မျဥ်းတိုသင်္ကေတနှင့် နှစ်ကာလများ” (မွေးဖွားခြင်း - သေဆုံးခြင်း)ကို မှန်ကန်သင့်လျော်သည့် စကားလုံးများဖြင့် ဖော်ပြနိုင်ရန် ဆုတောင်းခဲ့သည်။ ကျွန်မတို့၏ဆက်ဆံရေး၌ ကောင်းမွန်သည့်အချိန်များနှင့် အဆင်မပြေသည့်ကာလများအကြောင်း ဆင်ခြင်မိသည်။ သခင်ယေရှုက ကျွန်မအား “ပြုပြင်ပြောင်းလဲပေးသည်”ကို မြင်တွေ့ရပြီးနောက် အမေသည် သခင်ယေရှုကို ကယ်တင်ပိုင်ရှင်အဖြစ် လက်ခံခဲ့သည့်နေ့အတွက် ဘုရားရှင်အား ကျွန်မချီးမွမ်းခဲ့သည်။ ကျွန်မတို့သားအမိ ယုံကြည်ခြင်း၌ အတူတကွ ကြီးထွားစေရန် ကူညီမစခြင်းအတွက်၊ အမေသည် အခြားသူတို့အား ကြင်နာလျက် သူတို့အတွက် မည်ကဲ့သို့ ဆုတောင်းအားပေးတိုက်တွန်းခဲ့ကြောင်းကို ဝေမျှပေးသူများအတွက် ဘုရားရှင်ကို ကျေးဇူးတင်ပါသည်။ ပြီးပြည့်စုံသူတစ်ဦးမဟုတ်သော ကျွန်မ၏မိခင်သည် သခင်ယေရှုအတွက် တန်ဖိုးရှိစွာ အသက်ရှင်ခဲ့သည့်အသက်တာဖြစ်သည့် အဓိပ္ပာယ်ရှိသောမျဥ်းတိုကာလ နှစ်များကို မွေ့လျော်ခံစားခဲ့ရသည်။
သခင်ယေရှုကိုယုံကြည်သူတိုင်း ပြီးပြည့်စုံသူဟူ၍ မရှိပါ။ သို့ရာတွင် “သခင်ဘုရားနှင့် ထိုက်လျောက်စွာ ကျင့်၍ အရာရာ၌…
ဘုရားရှင်၏ အသက်တာပြောင်းလဲစေခြင်းလက်ဆောင်
ကျွန်မ၏ခင်ပွန်းနှင့်ကျွန်မတို့သည် လူငယ်အဖွဲ့ကို ကြိုဆိုနှုတ်ဆက်ပြီး သမ္မာကျမ်းစာအုပ်များ ဝေပေးခဲ့သည်။ “သားတို့သမီးတို့အသက်တာကို ပြောင်းလဲဖို့အတွက် တန်ဖိုးမဖြတ်နိုင်တဲ့ ဒီလက်ဆောင်ကို ဘုရားရှင် အသုံးပြုလိမ့်မယ်” ဟု ကျွန်မပြောခဲ့သည်။ ထိုညတွင် ကျောင်းသားအနည်းငယ်က ရှင်ယောဟန်ခရစ်ဝင်ကျမ်းကို အတူတကွဖတ်ရှုရန် ဆက်ကပ်ဆုံးဖြတ်ခဲ့ကြသည်။ ကျွန်မတို့၏ အပတ်စဉ်တွေ့ဆုံချိန်များအတွင်း လူငယ်အဖွဲ့ကို သင်ကြားပေးလျက် သူတို့အား အိမ်၌လည်း သမ္မာကျမ်းစာဖတ်ရန် ဆက်လက်ဖိတ်ခေါ်ခဲ့သည်။ ဆယ်စုနှစ်တစ်ခုကျော်ကြာခဲ့ပြီးနောက် ကျွန်မတို့၏လူငယ်တစ်ဦးနှင့် ပြန်တွေ့ခဲ့သည်။ “ဆရာမ ကျွန်မကိုပေးခဲ့တဲ့ သမ္မာကျမ်းစာကို ကျွန်မအသုံးပြုနေတုန်းပဲ” ဟု သူမပြောခဲ့သည်။ ယုံကြည်ခြင်းနှင့်ပြည့်ဝနေသော သူမ၏အသက်တာကို သက်သေအဖြစ် ကျွန်မတွေ့ခဲ့ရသည်။
ဘုရားရှင်သည် သူ၏လူများအား ကျမ်းစာဖတ်ခြင်း၊ ရွတ်ဆိုကျက်မှတ်ခြင်းနှင့် ကျမ်းပိုဒ်များကိုရှာတတ်စေခြင်းတို့ထက် သာလွန်သော အစွမ်းအစကို ပေးထား သည်။ ကိုယ်တော်သည် ကျွန်မတို့အား နှုတ်ကပတ်တော်နှင့်အညီ အသက်ရှင်ခြင်းအားဖြင့် သန့်ရှင်းသောလမ်းထဲ လျှောက်လှမ်းခွင့်ပေးထားသည် (ဆာ ၁၁၉:၉)။ ကျွန်မတို့ အပြစ်မှလွတ်မြောက်ကာ အသက်တာပြောင်းလဲစေရန် ဘုရားသခင်သည်…