![share_odb_2020-07-01-mm share_odb_2020-07-01-mm](https://d1n6hhqf41fewn.cloudfront.net/wp-content/uploads/sites/66/2020/06/24073501/share_odb_2020-07-01-mm.jpg)
မျက်နှာလိုက် ခွဲခြားခြင်း
ကျွန်မ၏ခဲအို ဂဲရစ် သည် မိုင် ၁၂၀၀ ဝေးသည့် ကော်လိုရာဒိုတောင်ပေါ်တွင် နေထိုင်သည်။ အနေဝေးသော်လည်း သူ၏ပျော်ပျော်နေတတ်ခြင်းနှင့် ကြင်နာသော စိတ်ထားလေးကြောင့် အားလုံးက ချစ်ရသောမိသားစုဝင်တစ်ဦး ဖြစ်သည်။ ကျွန်မမှတ်မိသလောက် ဂဲရစ်သည် သူ့မိခင်၏အသဲကျော်ဖြစ်ခြင်းနှင့်ပတ်သက်ပြီး မောင်နှမများက မနာလို ဝန်တိုမှု မရှိဘဲ ကျီစယ်ကြသည်။ လွန်ခဲ့သည့်နှစ်များက “ကျွန်တော်ဟာ မေမေ့ အသဲကျော်” စာတန်းပါသည့် တီရှပ်ကိုပင် မောင်နှမများက သူ့ကိုလက်ဆောင်ပေးကြသည်။ မောင်နှမများ၏ပေါကြောင်ကြောင်လုပ်ရပ်ကြောင့် ကျွန်မတို့အားလုံးဝမ်းမြောက်သော်လည်း စင်စစ် မျက်နှာလိုက်ခြင်းက အပြောင်အပျက်ကိစ္စ မဟုတ်ပါ။
ကမ္ဘာဦးကျမ်း ၃၇ ၌ ယောသပ်သည် တစ်မူထူးသောသူ၏သားဖြစ်ကြောင်း အခြား သားများကိုပြရန် ယာကုပ်သည် အဆင်းအရောင်ထူးခြားသည့်အင်္ကျီကို ယောသပ်အားပေးသည့်အကြောင်း ကျွန်ုပ်တို့ဖတ်ရသည်(:၃)။ ပြောစရာပင် မလို၊ “ယောသပ်ဟာ ကျုပ်ရဲ့အသဲကျော်လေးပါ”ဟု အင်္ကျီက ဟစ်ကြွေးနေသည်။
မိသားစုအတွင်း မျက်နှာလိုက်ခြင်းက ကြီးမားစွာထိခိုက်ပျက်စီးစေနိုင်သည်။ ယာကုပ်၏မိခင် ရေဗက္ကသည် သားကြီးဧသောထက်…