ဘုရားသခင်အတူညှိနှိုင်းခဲ့သော ပန်းတိုင်များ
ကြိုတင်အသိပေးခြင်းမရှိဘဲ အလုပ်မှထုတ်ပယ်ခံရပြီးနောက် ဝီလ်သည် အလွန်စိတ်ဓာတ်ကျလာသဖြင့် စိတ်ကျန်းမာရေးဌာနတွင် ကုသမှုခံယူခဲ့သည်။ ရက် သတ္တပတ်အတန်ကြာထိ တိုးတက်မှုမရှိခဲ့ဘဲ၊ တစ်နေ့လမ်းလျှောက်နေစဉ် သူ၏ ကုထုံးပညာရှင်ဆရာက သူ့ကိုမြင်ပြီး ပြုံးကာ “ငါ မင်းထက်အရင် အခန်းထဲရောက်ပြီး အနိုင်ယူပြမယ်”ဟု အော်ပြောလိုက်သည်။ “အဲဒီဘာမဟုတ်တဲ့ အရာက ကျွန်တော့်အတွင်းစိတ်က တစ်စုံတစ်ခုကို နှိုးဆွပေးခဲ့တယ်”ဟု ဝီလ် ပြန်ပြောပြသည်။ ရုတ်တရက် သူ၌ ရည်ရွယ်ချက်တစ်ခုရှိသည်ဟု ခံစားလိုက်ရပြီး၊ အခန်းသို့ အမြန်ပြေးကာ၊ ဆရာကို အနိုင်ရခဲ့သည်။ အံ့ဩစရာမှာ လှုံ့ဆော်မှုဖြစ်စေသော ရည်မှန်းချက်နှင့် ထိုပန်းတိုင်ကို အောင်နိုင်ခဲ့ခြင်းက သူ့အား မျှော်လင့်ချက်ကို ပေးခဲ့ပြီး၊ ၎င်းသည် သူ့အား ပြန်လည်ကျန်းမာလာစေသည့် သော့ချက်ပင်ဖြစ်သည်။
တမန်တော်ပေါလုသည် ရှင်းလင်းသောရည်မှန်းချက်ပန်းတိုင်၏စွမ်းအားကို သိနားလည်လျက်၊ “ငါသည် ခရစ်တော်ကို သိလိုသည်”ဟုအသင်းသားများအား ပြောကြားခဲ့သည်(ဖိ ၃:၁၀)။ ထမြောက်တော်မူသော ယေရှု၏တန်ခိုးတော်ကို သူသိလိုခဲ့သည်။ ထိုတန်ခိုးသည် တမန်တော်အား ကိုယ်တော်နှင့်…
ဘုရားသခင်၏မစမှုဖြင့် ညင်သာသောအဖြေ
“အဖုံးပြန်ပိတ်လိုက်ပါ။ ဒါမျိုးတွေ့ရလွန်းလို့ ရိုးနေပြီ”။ ဤစကားမှာ ပျားအုံကို မည်သို့ပြုစုပျိုးထောင်ရမည်ကို ကျွန်တော် သင်ယူနေခိုက် အတွေ့အကြုံရင့် ပျားမွေးမြူရေးသမားတစ်ယောက်က ကျွန်တော့်ကို ပြောခဲ့သောစကားဖြစ်သည်။ကျွန်တော်က အားနှင့် မြန်မြန်ဆန်ဆန်လုပ်သောကြောင့် ပျားအုံရှိသည့်ပုံးမှာ တုန်ခါသွားပြီး ပျားတို့ကို ထိတ်လန့်စေခဲ့၍ ပျားများထွက်လာကာ ကျွန်တော့်ခေါင်းတစ်ဝိုက်တွင် ပျားအုပ်ကြီးအုံဝိုင်းနေခဲ့သည်။ ကျွန်တော်က ၎င်းတို့ကို ဂရုစိုက်ရန် ကြိုးစားနေသော်လည်း သူတို့ကို ဒေါသထွက်အောင်သာ လုပ်ခဲ့မိသည်။ ကျွန်တော့်မိတ်ဆွေက ပျားများကို အနှောင့်အယှက်မဖြစ်စေအောင် ညင်သာစွာ လှုပ်ရှားလျက်၊ “ဖြည်းညင်းစွာ”လှုပ်ရှားရန် အရေးကြီးကြောင်း ပြသခဲ့သည်။ (နှစ်အတော်ကြာပြီးနောက်) ယခုကျွန်တော် ပျားအုံကို ကိုင်တွယ်ရာ၌ ကျွန်တော့် လှုပ်ရှားမှုများက အလွန်သိမ်မွေ့နေသောကြောင့် ကျွန်တော့်ဇနီးက ကနေသကဲ့သို့ပဲဟု ပြောပါသည်။
တစ်ခါတစ်ရံ ပြောရဆိုရခက်ခဲသော စကားဝိုင်းများသည် ပျားများနှင့် ကနေသကဲ့သို့ ဖြစ်သည်။ အခြားသူများ စိတ်ဆိုးပြီး စိတ်ခံစားမှုများ တင်းမာနေချိန်တွင် ဒေါသတကြီး တုံ့ပြန်ခြင်းက အခြေအနေကို ပိုဆိုးစေပါသည်။…
