ကြင်နာမှုပြုခြင်း
ကိုယ်ဝန်ပျက်ကျပြီး လအနည်းငယ်ကြာသောအခါ ဗယ်လရီသည် ပစ္စည်းဟောင်းများကို ရောင်းချရန် ဆုံးဖြတ်ခဲ့သည်။ မိုင်အနည်းငယ်ဝေးသည့်နေရာ၌ နေသည့် အိမ်နီးချင်းလက်သမားဆရာ ဂျဲရယ်လ်က သူမ ရောင်းသော ကလေးပုခက်ကို စိတ်အားထက်သန်စွာဖြင့် ဝယ်ယူခဲ့သည်။ ထိုစဥ်တွင် သူ၏ဇနီးက ဗယ်လရီနှင့် စကားပြောခဲ့ပြီး သူမ၏ဆုံးရှုံးမှုအကြောင်းကို သိရှိခဲ့ရသည်။ အိမ်အပြန်လမ်းတွင် သူမ၏အခြေအနေကို ကြားသိရပြီးနောက် ဂျဲရယ်လ် သည် ထိုကလေးပုခက်ကို ဗယ်လရီအတွက် အမှတ်တရအဖြစ် ဖန်တီးပေးရန် ဆုံးဖြတ်ခဲ့သည်။ တစ်ပတ်အကြာတွင် မျက်ရည်များဝိုင်းလျက် သူမအား လှပသော ခုံတန်းရှည်တစ်ခုကို လက်ဆောင်ပေးခဲ့သည်။ “ကောင်းတဲ့လူတွေ ရှိနေသေးတယ်။ ဒီခုံတန်းရှည်က သက်သေပဲ” ဟု ဗယ်လရီ ပြောခဲ့သည်။
ဗယ်လရီကဲ့သို့ပင် ရုသနှင့်နောမိတို့သည် ဆုံးရှုံးမှုကြီးကို ခံစားခဲ့ရသည်။ နောမိ၏ခင်ပွန်းနှင့် သားနှစ်ယောက်တို့ ဆုံးပါးခဲ့ပြီး၊ ယခုတွင် သူမနှင့် မျှော်လင့်ချက်ကင်းမဲ့နေသော ချွေးမရုသတို့၌ အမွေဆက်ခံမည့်သူမရှိ၊ သူတို့ကို စောင့်ရှောက်မည့်သူ တစ်ယောက်မျှ မရှိပါ…
စိတ်ပျက်မှုနှင့်ရင်ဆိုင်ခြင်း
အမေရိကန်နိုင်ငံ၊ အိုကလာဟိုးမားပြည်နယ် အထက်တန်းကျောင်းတစ်ခုမှ နှစ်ကြီး အထက်တန်း ကျောင်းသား/သူများသည် “တစ်သက်တာမမေ့နိုင်မည့်ခရီး” ထွက်ရန် တစ်နှစ်လုံးပိုက်ဆံစုဆောင်းခဲ့ပြီး၊ လေဆိပ်သို့ရောက်ခါမှ သူတို့အများစုသည် လေကြောင်းလိုင်းဟန်ဆောင်သည့် ကုမ္ပဏီအတုမှ လက်မှတ်ဝယ်ထားခဲ့မိကြောင်း သိခဲ့ကြရသည်။ ကျောင်းအုပ်ချုပ်ရေးအဖွဲ့ဝင်တစ်ဦးက “ကြေကွဲစရာပါပဲ” ဟု ဆိုသည်။ ကျောင်းသား/သူများသည် သူတို့၏အစီအစဉ်များကို ပြောင်းလဲခဲ့ရသော်လည်း “ရသလောက် အကျိုးရှိအောင်လုပ်မည်” ဟု ဆုံးဖြတ်ခဲ့ကြသည်။ သို့နှင့် သူတို့သည် သူတို့အား ဝင်ကြေးမယူသည့် လေဆိပ်အနီးရှိ လည်ပတ်စရာနေရာများသို့ (၂) ရက်ကြာ လည်ပတ်ခဲ့ကြသည်။
အစီအစဉ်များ မအောင်မြင်ခြင်း (သို့) ပြောင်းလဲလိုက်ရခြင်းသည် စိတ်ပျက်စရာဖြစ်နိုင်၍၊ အထူးသဖြင့် အစီအစဉ်ဆွဲရာတွင် အချိန်၊ ငွေကြေးနှင့် စိတ်ခံစားချက်များ ထည့်သွင်းထားခြင်းကြောင့် ကြေကွဲစရာပင် ဖြစ်နိုင်သည်။ ဒါဝိဒ်မင်းကြီးသည် ဘုရားသခင်အတွက်အိမ်တော်ကို “တည်လုပ်မည်ဟု [သူ]အကြံရှိ”ခဲ့ပါသည် (၅ ရာ ၂၈:၂)။ သို့သော်လည်း ထာဝရဘုရားက “သင်သည် ... ငါ့နာမအဖို့…
ကျွန်ုပ်တို့၏ရွေးချယ်မှုများ အရေးကြီးသည်
အမေရိကန်နိုင်ငံ၊ နယူးဂျာဆီပြည်နယ်မှ ရေကူးနည်းပြတစ်ဦးသည် Newark (နယူးအာ့ခ်) ပင်လယ်အော်တွင် ကားတစ်စီး နစ်မြှုပ်သွားသည်ကို မြင်ပြီး၊ SUV ကားလေးက နှောက်ကျိသောရေထဲသို့ လျှင်မြန်စွာ နစ်မြှုပ်နေစဥ် ကားအတွင်းမှ “ကျွန်တော် ရေမကူးတတ်ဘူး” ဟူသော ကားမောင်းသူ၏အော်သံကို ကြားလိုက်ရသည်။ လူအုပ်ကြီးက ကမ်းစပ်မှကြည့်နေစဉ် Anthony (အန်တိုနီ)သည် ကမ်းစပ်တစ်လျှောက်ရှိ ကျောက်ဆောင်များသို့ ပြေးသွား၍ ခြေတုခြေထောက်ကို ဖယ်ရှားပြီး ရေထဲခုန်ဆင်းကာ၊ အသက် (၆၈) နှစ်အရွယ် အမျိုးသားကို ကယ်ပြီး သူ့အား ကမ်းစပ်သို့ ဘေးကင်းစွာကူညီပေးခဲ့သည်။ အခြားသူကို ကယ်တင်နိုင်ခဲ့ခြင်းအတွက် အန်တိုနီ၏ ပြတ်ပြတ်သားသား လုပ်ရပ်ကို ကျေးဇူးတင်ရမည်။
ကျွန်ုပ်တို့၏ရွေးချယ်မှုသည် အရေးကြီးပါသည်။ (၁၇) နှစ်သား ယောသပ်ကို ပွင့်လင်းစွာ မျက်နှာသာပေးခဲ့သည့် သားများစွာ၏ဖခင် ဘိုးဘေးယာကုပ်ကို ဆင်ခြင်ကြည့်ပါ။ ယောသပ်အတွက် “အဆင်းအရောင်ထူးခြားသောအင်္ကျီ”ကို မိုက်မဲစွာ ချုပ်ပေးခဲ့သည် (က ၃၇:၃)။…
ကျယ်လောင်စွာ ရယ်မောခြင်း
“ရယ်မောခြင်းကို ကျွန်ုပ်တို့ မဖန်တီးသလို ကျွန်ုပ်တို့ရဲ့အကြံဉာဏ်လည်း မဟုတ်ပါဘူး။ ဘဝခရီးကို ဖြတ်သန်းရာမှာ ရယ်မောခြင်းကို ကျွန်ုပ်တို့ လိုအပ်မယ်ဆိုတာကို သိတဲ့သူ(ဘုရားသခင်)က ရယ်မောခြင်းကို ပေးခဲ့ခြင်းဖြစ်တယ်။ အခက်အခဲ တွေ ရင်ဆိုင်ရမယ်၊ ရုန်းကန်မှုတွေ ကြုံရမယ်၊ ဒီလိုကိစ္စတွေ ဖြစ်လာမယ် ဆိုတာကို ကိုယ်တော်သိလို့ ရယ်မောခြင်းကို လက်ဆောင်ဖြစ် ကျွန်ုပ်တို့ကို သူပေးခဲ့တာဖြစ်တယ်” ဟု ဟာသပညာရှင် John Branyan (ဂျွန်ဘရန်ယန်)က ဆိုသည်။
ဘုရားသခင်ဖန်ဆင်းသည့်သတ္တဝါများကို ဖြတ်ကနဲ ကြည့်လိုက်ပါက သူတို့၏ ထူးခြားဆန်းကြယ်မှုများ (ဘဲတူ ဖျံတူလေးများ) (သို့) ဟာသလုပ်ရပ်များ (အဆော့သန်သည့် ဖျံလေးများ)က ရယ်ရွှင်စရာများ ပေးနိုင်သည်။ သမုဒ္ဒရာထဲရှင်သန်သည့် နို့တိုက်သတ္တဝါများနှင့် မပျံသန်းနိုင်သည့် ခြေတံရှည်ငှက်များကို ဘုရားရှင် ဖန်ဆင်းခဲ့သည်။ ဘုရားရှင်သည် ရွှင်မြူးဖွယ်ရာများပြုလုပ်ခဲ့သလို သူ့သဏ္ဌာန်တော်အတိုင်းဖန်ဆင်းထားသော ကျွန်ုပ်တို့သည်လည်း ရယ်မောပျော်ရွှင်မှုကို ပိုင်ဆိုင်ထားသည်။
သမ္မာကျမ်းစာ၌ ‘ရယ်မောခြင်း’ ဟူသည့်…
ဘုရားသခင်နားထောင်နေသည်
သရုပ်ဆောင်နှင့် ရိုးရာသိုင်းပညာရှင် Chuck (ချာ့ခ်)သည် သူ့မိခင်၏နှစ် (၁၀၀) ပြည့်မွေးနေ့တွင် သူ၏ဝိညာဥ်ရေးအသက်တာ ပြောင်းလဲမှု၌ မိခင်ကြီး၏အဓိကပါဝင်ခဲ့မှုကို မျှဝေလျက် မိခင်ကို ဂုဏ်ပြုခဲ့သည်။ “အမေရဲ့ ဇွဲနဲ့ကြံ့ကြံ့ခံတဲ့စိတ်နဲ့ ယုံကြည်ခြင်းဟာ စံနမူနာဖြစ်ခဲ့ပါတယ်။ စီးပွားပျက်ကပ်ဆိုက်တဲ့အချိန်မှာ သားသုံးယောက်ကို ပျိုးထောင်ခဲ့တယ်။ အိမ်ထောင် (၂) ဆက်ကျပြီး ခင်ပွန်းတွေ၊ သားတစ်ဦး၊ မွေးစား သားတစ်ဦးနဲ့ မြေးတွေ ဆုံးပါးခဲ့တယ်။ ကြိမ်ဖန်များစွာ ခွဲစိတ်ကုသမှု ခံယူခဲ့ရတယ်။ ကျွန်တော့်ဘဝတစ်လျှောက်လုံး အဆိုးအကောင်းကြားမှာ ကျွန်တော့်အတွက် အမေဆုတောင်းပေးခဲ့တယ်။ ဟောလိဝုဒ်ရုပ်ရှင်လောကမှာ ကျွန်တော်ကျရှုံးလုနီးပါး ဖြစ်နေတဲ့အချိန်မှာ အိမ်ကနေပြီး ကျွန်တော့်ရဲ့အောင်မြင်မှုအတွက်၊ ကယ်တင်ခြင်းအတွက် ဆုတောင်းပေးနေခဲ့တယ်။ ကျွန်တော်ဖြစ်လာနိုင်တဲ့ အလားအလာအတိုင်း၊ ဖြစ်သင့်တဲ့အတိုင်း ဖြစ်လာဖို့ ဘုရားသခင်ကို ကူညီပြီး ကျွန်တော့်ကို ပုံသွင်းပေးခဲ့တဲ့အတွက် အမေ့ကို ကျေးဇူးတင်ပါတယ်” ဟု သူရေးသားခဲ့သည်။
ချာ့ခ် မိခင်၏ဆုတောင်းက သူ၏ကယ်တင်ခြင်းနှင့်အတူ ဘုရားကိုချစ်သည့် ဇနီးကို…
သခင်ယေရှုအကြောင်း ပြောမြဲပြောပါ
ခရစ်တော်ကိုယုံကြည်သူ ဂီတပညာရှင်တစ်ဦးက “ယေရှုခရစ်တော်အကြောင်းပြောဆိုခြင်းကို ရပ်တန့်ရန်” တိုက်တွန်းခံခဲ့ရကြောင်း လူတွေ့မေးမြန်းခန်းတစ်ခုတွင် ပြောခဲ့သည်။ အဘယ့်ကြောင့်နည်း။ သူလုပ်သမျှအရာအားလုံးသည် ခရစ်တော်အတွက်သာ၊ ခရစ်တော်ကြောင့်သာဟု ပြောဆိုမှုကို ရပ်တန့်လိုက်ပါက သူ၏တေးဂီတအဖွဲ့သည် ပိုမိုကျော်ကြားလာနိုင်ပြီး ဆင်းရဲသားများအတွက် ရန်ပုံငွေများစွာ မြှင့်တင်နိုင်မည်ဟု အကြံပြုကြသည်။ သူဆင်ခြင်စဥ်းစားပြီးနောက် “ကျွန်တော့်ရဲ့ ဂီတဘဝတစ်ခုလုံးရဲ့ အဓိကအချက်က သခင်ခရစ်တော်၌ ကျွန်တော်ရဲ့ ယုံကြည်ခြင်းကို အခြားသူတွေနဲ့ မျှဝေဖို့ဖြစ်တယ်။ တိတ်တဆိတ်နေစရာ ဘာအကြောင်းမှ မရှိဘူး” ဟု သူဆုံးဖြတ်ချက်ချခဲ့ပြီး “ကျွန်တော့်အတွက် ‘တောက်လောင်နေတဲ့ ဘုရားပေးတာဝန်’ က သခင်ယေရှုရဲ့ သတင်းကောင်းကို ဝေမျှဖို့ပဲ” ဟုပြောခဲ့သည်။
ခြိမ်းခြောက်နေသောအခြေအနေများထဲ၌ တမန်တော်များသည် အလားတူ အပြောခံခဲ့ရသည်။ သူတို့သည် အကျဥ်းချခံရပြီး၊ ကောင်းကင်တမန်တစ်ပါးက သူတို့ကို အံ့ဩဖွယ် ကယ်တင်လျက်၊ ခရစ်တော်၌ရှိသော သူတို့၏အသက်တာသစ် ကို အခြားသူများအား ဆက်လက်ဝေမျှရန် မိန့်မှာခဲ့သည် (တ ၅:၁၉-၂၀)။ သူတို့…
“အပေါ်ယံဆွဲဆောင်မှုများ”အား ဆန့်ကျင်ခြင်း
၁၉၆၀ ပြည့်နှစ်များခေတ်က ‘The Andy Griffith Show’ ဟု ခေါ်သည့် ရုပ်သံဇာတ်လမ်းတွဲ၌ အန်ဒီအနေဖြင့် သူ့သား အိုပီအား သူရှင်သန်လိုသည့် ပုံစံအတိုင်း နေထိုင်ခွင့်ပြုသင့်ကြောင်း လူတစ်ဦးက အန်ဒီအား ပြောရာ အန်ဒီ သဘောမတူပေ။ “ငယ်ရွယ်တဲ့ကလေးကို သူ့ဘာသာဆုံးဖြတ်ခွင့် မပြုသင့်ဘူး။ တောက်ပတဲ့ဖဲကြိုးတွေပါတဲ့ အပေါ်ယံဆွဲဆောင်တဲ့အရာကို သူအရင်ဖမ်းဆုပ်မှာဖြစ်ပြီး၊ အဲဒီအထဲမှာ သူ့ကိုချိတ်ဆွဲမယ့်ချိတ်ရှိနေတယ်လို့ သိလိုက်တဲ့အချိန်မှာ အတော်နောက်ကျသွားပြီ။ အတွေးအခေါ်မှားတွေဟာ တလက်လက်တောက်ပတဲ့အရာတွေနဲ့ တွဲပါလာပြီး အခြားအရာက ရေရှည်မှာ ပိုကောင်းတယ်လို့ သူတို့နားဝင်အောင်ပြောဆိုဖို့တောင် ခက်ခဲပါတယ်။ မိဘတွေအနေနဲ့ မှန်ကန်တဲ့ အပြုအမူတွေကို စံပြပုံသက်သေပြဖို့နဲ့ ‘စုံစမ်းသွေးဆောင်မှုတွေကို ကူညီဖယ်ရှားပေးဖို့’ အရေးကြီးတယ်” ဟုသူဆိုသည်။
အန်ဒီ၏စကားများသည် သုတ္တံကျမ်း၌ပါသော ဉာဏ်ပညာနှင့် ဆက်စပ်နေ သည်။ “သူငယ်သွားရာလမ်းဝ၌ ဆုံးမသွန်သင်လော့။ သို့ပြုလျှင် သူသည် အိုသော အခါ ထိုလမ်းမှမလွှဲ၊ လိုက်သွားလိမ့်မည်” (သု…
သေးငယ်သောကြင်နာမှု
အမန်းဒါ သည် ဘိုးဘွားရိပ်သာများစွာတွင် အလှည့်ကျဝင်ထွက်ကာ စောင့်ရှောက်မှုပေးသော သူနာပြုတစ်ဦးဖြစ်ပြီး၊ တစ်ခါတစ်ရံ သူမ၏ (၁၁) နှစ်အရွယ်သမီး ရူဘီ ကို အလုပ်သို့ ခေါ်လာလေ့ရှိသည်။ တစ်ခုခုလုပ်ပေးနိုင်ရန်အတွက် ရူဘီက ရိပ်သာရှိ ဘိုးဘွားများကို “အဘိုးတို့မှာ အရာသုံးမျိုး ရရှိနိုင်မယ်ဆိုရင် ဘာလိုချင်လဲ” ဟု မေးသည်။ ထို့နောက် သူတို့၏အဖြေများကို သူမ၏မှတ်စုစာအုပ်၌ ရေးမှတ်ထားပါသည်။ အံ့သြစရာမှာ သူတို့၏ဆန္ဒအများစုမှာ ဝက်အူချောင်း၊ ချောကလက်မုန့်၊ ဒိန်ခဲ၊ ထောပတ်သီး စသည့် အသေးအမွှားလေးများသာဖြစ်သည်။ ထို့ကြောင့် ရူဘီသည် သူတို့၏ရိုးရှင်းသောဆန္ဒများကို ကူညီဖြည့်ဆည်းပေးရန်အတွက် ‘GoFundMe’ ရန်ပုံငွေရှာသည့် ဝဘ်ဆိုဒ်ကို တည်ထောင်ခဲ့သည်။ လက်ဆောင်ပစ္စည်းများ ပေးအပ်သောအခါတွင် ပွေ့ဖက်ပေးသေးသည်။ “အဲဒါက ဘိုးဘိုး ဘွားဘွားတို့ကို အားဖြစ်စေတယ်။ တကယ်ပါ” ဟု သူမက ပြောပါသည်။
ရူဘီကဲ့သို့ ကရုဏာနှင့်ကြင်နာမှုကို ကျွန်ုပ်တို့ပြသသောအခါ ကျေးဇူးပြုတတ်၍ သနားကြင်နာတတ်သည့်…
အလင်းလင်းရန် အခွင့်အလမ်းများ
၂၀၂၀ ပြည့်နှစ် မတ်လတွင် အငြိမ်းစားဘဏ္ဍာရေးပညာရှင် ဝှစ်တနီသည် အမေရိကန်နိုင်ငံ၊ နယူးယောက်မြို့တော်၏ ဗဟိုပန်းခြံ၌ သူ့ခွေးနှင့်အတူလမ်းလျှောက်နေစဥ် လက်ဝါးကပ်တိုင်ပုံနှင့် သူတစ်ခါမျှမကြားဖူးသော ပရဟိတအဖွဲ့၏နာမည်ပါသော ကုန်တင်ကားများ၊ မိုးကာဖျင်အပုံများ၊ တဲဖြူများကို တွေ့လိုက်သည်။ ထိုအဖွဲ့သည် ကိုဗစ်ရောဂါဖြစ်နေသော နယူးယောက်မြို့သားချင်းတို့ အတွက် လဟာပြင်ဆေးရုံ တည်ဆောက်နေကြောင်း သိလိုက်ရသောအခါ သူကူညီခွင့် တောင်းခဲ့သည်။ ကိုးကွယ်ယုံကြည်မှုနှင့် နိုင်ငံရေးအမြင် ကွဲပြားကြသော်လည်း သူတို့လုပ်နိုင်သမျှကို သူနှင့်သူ့မိသားစုတို့ ရက်သတ္တပတ် အတန်ကြာမျှတိုင် ဝင်ရောက်ကူညီပေးခဲ့ကြသည်။ “ကျွန်တော်ဆုံတွေ့ခဲ့သူတိုင်းက တကယ်ဖော်ရွေ ကောင်းမွန်ကြတဲ့သူတွေချည်းပဲ” ဟု သူက ဆိုသည်။ ထိုသူတို့အား မည်သူမျှ အခကြေးငွေမပေးသော်လည်း သူတို့မြို့တော်၌ လိုအပ်မှုကြီးမားချိန်တွင် ၎င်းတို့ ကူညီကြခြင်းကို သူချီးကျူးပြောဆိုခဲ့သည်။
ကိုဗစ်ကပ်ရောဂါကြောင့် လိုအပ်မှုများအလွန်များပြားလာချိန်၌ သူစိမ်းတို့သည် တာဝန်ထမ်းဆောင်ရင်း မိတ်ဆွေများဖြစ်လာကြပြီး ခရစ်တော်၏နောက်တော်လိုက်တို့မှာ ခရစ်တော်၏အလင်းကို အခြားသူများထံ ဝေမျှခွင့်ရခဲ့ကြသည်။ တောင်ပေါ်ဒေသနာ၌ သခင်ယေရှုက တပည့်တော်များအား “သူတစ်ပါးတို့သည်…
မိမိ၏ဖြစ်တည်မှုအရင်းခံ
(၇) နှစ်သားေလေး Thomas Edison (သောမတ်စ် အယ်ဒီဆင်)သည် ကျောင်းကို မနှစ်သက်သလို စာလည်း မတော်ပါ။ တစ်နေ့၌ ဆရာတစ်ဦးမှ သူ့ကို “ကျပ်မပြည့်” ဟုပင်ခေါ်သဖြင့် သူသည် ဆောင့်ကြီးအောင့်ကြီးဖြင့် အိမ်ပြန်လာခဲ့သည်။ ဆရာဖြစ် သင်တန်း အောင်ထားသူ သူ့မိခင်က နောက်တစ်နေ့တွင် ဆရာနှင့်သွားတွေ့ပြီးနောက် သောမတ်စ်ကို အိမ်၌ပင် စာသင်ပေးရန် ဆုံးဖြတ်ခဲ့သည်။ သူမ၏မေတ္တာနှင့်အားပေးကူညီမှုများ (နှင့် သူ့အား ဘုရားသခင်ပေးထားသောပညာပါရမီ) တို့ကြောင့်သောမတ်စ်သည် ထူးချွန်သောတီထွင်သူတစ်ဦးဖြစ်လာခဲ့သည်။ နောက်ပိုင်းတွင် သူက “ကျွန်တော့် ဖြစ်တည်မှုရဲ့အရင်းခံ၊ ကျွန်တော့်ကိုပုံသွင်းခဲ့တဲ့သူက ကျွန်တော့် အမေဖြစ်တယ်။ ကျွန်တော့်အပေါ် အမေ့အမြင်က သိပ်မှန်ကန်၊ သိပ်သေချာနေခဲ့တယ်။ တစ်စုံတစ်ယောက်အတွက် ငါဆက်ပြီးအသက်ရှင်ရမယ်။ အဲ့လူကိုလည်း ဘယ်တော့စိတ်မပျက်စေရဘူးဆိုပြီး ကျွန်တော်ခံစားခဲ့ရတယ်” ဟု ရေးသားခဲ့သည်။
တမန်တော်ဝတ္ထု ၁၅ တွင် သာသနာပြုအဖြစ် ဗာနဗနှင့် တမန်တော်ရှင်ပေါလုတို့သည် အတူအစေခံသူများဖြစ်ပြီး၊ ခရီးစဥ်တစ်ခုတွင်…