တစ်သက်တာမိတ်ဆွေများ
အင်္ဂလိပ်ကဗျာဆရာ William Cowper (ဝီလျံကူးပါး) (၁၇၃၁-၁၈၀၀)သည် ယခင်ကကျွန်ကုန်ကူးသူ ဖြစ်ခဲ့သည့် သူ၏သင်းအုပ်ဆရာ John Newton (ဂျွန်နယူတန်) (၁၇၂၅-၁၈၀၇)နှင့် မိတ်ဆွေဖြစ်ခဲ့သည်။ ကူးပါးသည် စိတ်ကျခြင်းနှင့် စိုးရိမ်ပူပန်မှုဝေဒနာကိုခံစားခဲ့ရပြီး တစ်ကြိမ်ထက်မက သူ့ကိုယ်သူ သေကြောင်းကြံစည်ခဲ့သူဖြစ်သည်။ သူ့ထံသို့ နယူတန် လာရောက်လည်ပတ်သည့်အခါ သူတို့နှစ်ဦးအတူတူ လမ်းကြာကြာလျှောက်ကြကာ ဘုရားသခင်အကြောင်း ဆွေးနွေးလေ့ရှိသည်။ ကူးပါးအနေဖြင့် တစ်မူဆန်းသစ်မှုဖြင့် ကဗျာရေးစပ်ရန် အကြောင်းရင်းရှိခြင်းကြောင့် ၎င်းမှ သူ့အတွက်အကျိုးဖြစ်လိမ့်မည်ဟုတွေးကာ သူ၏ဓမ္မတေးပေါင်းချုပ်တစ်ခု စုစည်းထုတ်ဝေရန် နယူတန် အကြံရခဲ့သည်။ ကူးပါးသည် ‘God Moves in a Mysterious Way’ (နက်နဲသည့်နည်းလမ်းဖြင့် ဘုရားသခင် လှုပ်ရှားသည်) ဟူသည့် သီချင်းအပါအဝင် ဓမ္မတေးသီချင်းပေါင်းများစွာကို ရေးသားခဲ့သည်။ အခြားအသင်းတော်သို့ နယူတန် ပြောင်းရွှေ့သွားသည့်အခါ သူနှင့်ကူးပါးသည် ဆက်ဆံရေးခိုင်မာသည့်မိတ်ဆွေများအဖြစ် ဆက်လက်ရှိနေခဲ့ပြီး ကူးပါး၏ ကျန်ရှိသည့်ဘဝတစ်လျှောက်တွင်လည်း ပုံမှန် အဆက်အသွယ်မပြတ်…
မျှော်လင့်ချက်များနှင့် ဆန္ဒများ
ကျွန်မ အင်္ဂလန်သို့ ပြောင်းလာသည့်အခါ အမေရိကန်ဓလေ့ ‘ကျေးဇူးတော်ချီးမွမ်းခြင်း’အားလပ်ရက်သည် နိုဝင်ဘာလ၏ ကြာသပတေးနေ့တစ်နေ့မျှသာ ဖြစ်လာသည်။ စနေတနင်္ဂနွေပိတ်ရက်တွင်မှ စားသောက်ပွဲကိုပြုလုပ်ခဲ့သော်လည်း ထိုနေ့တွင် မိသားစုနှင့်အတူ၊ သူငယ်ချင်းများနှင့်အတူ ရှိချင်ခဲ့သည်။ ကျွန်မဆန္ဒများသည် ကျွန်မအတွက် တစ်မူထူးနေခြင်း မဟုတ်သည်ကို ကျွန်မနားလည်သည်။ ကျွန်မတို့အားလုံးသည် အထူးပွဲတော်များနှင့် အားလပ်ရက်များတွင် မိမိချစ်ခင်ရသူများနှင့် အတူရှိချင်ကြသည်။ စားသောက်ပွဲဆင်နွှဲနေချိန်တွင်ပင် မိမိနှင့်အတူ မပါဝင်နိုင်သူကို လွမ်းဆွတ်တတ်သကဲ့သို့ ပြိုကွဲနေသောမိသားစုများလည်း ငြိမ်းချမ်းပါစေဟု ဆုတောင်းပေးတတ်ကြသည်။
ဤအချိန်အတောအတွင်း၊ ဆုတောင်းခြင်းနှင့် “မျှော်လင့်သောအရာသည် ဖင့်နွှဲလျှင် စိတ်နှလုံးကို ပူပန်စေတတ်၏။ အလိုပြည့်စုံသောအခါမူကား အသက်ပင်ဖြစ်၏” (သု ၁၃:၁၂) ဟူသည့် ရှောလမုန်မင်းကြီး၏သုတ္တံစကား အပါအဝင် သမ္မာ ကျမ်းစာ၏ဉာဏ်ပညာကို တွေးတောဆင်ခြင်ခြင်းက ကျွန်မအတွက်ခွန်အား ဖြစ်ခဲ့သည်။ ဤသုတ္တံကျမ်းတွင် ရှောလမုန်ဝေမျှသည့် အမြော်အမြင်မှာ “မျှော်လင့်သောအရာဖင့်နွှဲခြင်း”ကြောင့် ဖြစ်နိုင်ခြေသက်ရောက်မှုနှင့် အလွန်တောင့်တသောအရာကို မရဘဲ နှောင့်နှေးခြင်းသည် ဒေါသနှင့်နာကျင်ခြင်းတို့ကို ဖြစ်စေနိုင်ခြင်း ဟူသည့်အနှစ်ချုပ်ကို…
ကိုယ်နှင့်စပ်ဆိုင်သူများကို ချစ်ခြင်း
ကိုရိုနာကပ်ရောဂါကာလအတွင်း သီးခြားနေထိုင်ခြင်းနှင့် အသွားအလာကန့်သတ်ထားချိန်တို့တွင် Martin Luther King Jr. (မာတင်လူသာကင်းဂျူနီယာ)၏ ‘Letter from a Birmingham Jail’ (ဘာမင်ဟန် ထောင်တွင်းမှစာ)တွင် ပါရှိသည့်စကားများ မှန်ကန်ခဲ့သည်။ မတရားမှုနှင့်ပတ်သက်၍ မာတင်က အခြားမြို့တွင် ဖြစ်ပျက်နေသည့်အရာအတွက် ပူပန်မှု မရှိဘဲ မြို့တစ်မြို့၌ ဘာမှမဖြစ်သလို ထိုင်မနေနိုင်ကြောင်း၊ “ရှောင်ဖယ်၍မရသည့် ပတ်သက်ဆက်နွယ်မှု၌ ကျွန်ုပ်တို့ပိတ်မိနေပြီး ကြမ္မာဟူသည့် ဝတ်ရုံလွှာတစ်ခုတည်း၏ တုပ်နှောင်မှုခံနေရသည်။ တစ်ယောက်အပေါ် တိုက်ရိုက်သက်ရောက်မှု ရှိသည်ဆိုလျှင် ကျွန်တော်တို့ အားလုံးအပေါ်လည်း သွယ်ဝိုက်၍ သက်ရောက်မှုရှိသည်”ဟု သူမှတ်ချက်ချခဲ့သည်။
ထိုနည်း၎င်းပင် ဗိုင်းရပ်စ်ပြန့်ပွားမှုကိုလျှော့ချရန် ကမ္ဘာတစ်ဝန်းနိုင်ငံကြီးများနှင့် မြို့ကြီးများတွင် ဝင်ခွင့်ပိတ်ပင်ခဲ့သဖြင့် ကိုဗစ်-၁၉ ကပ်ရောဂါက ကျွန်ုပ်တို့၏ဆက်နွယ်မှုကို ပို၍ထင်ရှားစေသည်။ တစ်မြို့ကို ထိခိုက်လျှင် မကြာမီ အခြားမြို့ကိုပါ ထိခိုက်မည်ဖြစ်သည်။
လွန်ခဲ့သည့်ရာစုနှစ်များစွာက ဘုရားသခင်သည် အခြားသူများအပေါ် ကရုဏာပြရန် သူ့လူမျိုးအား မိန့်မှာခဲ့ပြီး၊…
စစ်မှန်သောပြောင်းလဲမှု
လန်ဒန်မြို့တောင်ပိုင်းရှိ ခိုက်ရန်ပွားသောအိမ်၌ကြီးပြင်းခဲ့သည့် ကလောက်ဒ် သည် အသက် (၁၅) နှစ်၌ ဆေးခြောက် စတင်ရောင်းချခဲ့ပြီး၊ (၂၅) နှစ်၌ ဘိန်းဖြူ စတင်ရောင်းချခဲ့သည်။ သူ့လုပ်ငန်းအတွက် ဟန်ပြအဖြစ် သူသည် လူငယ်များအတွက် လမ်းပြဆရာဖြစ်ခဲ့သည်။ မကြာမီပင် ယေရှုခရစ်ကိုယုံကြည်သူ သူ့မန်နေဂျာနှင့်ပတ်သက်၍ သူစိတ်ဝင်စားလာပြီး စူးစမ်းသိချင်စိတ်များလာသည်။ ခရစ်ယာန်ယုံကြည်မှုကို လေ့လာသည့်သင်တန်းသို့ တက်ရောက်ခဲ့ပြီးနောက် သူသည် သခင်ယေရှုအား သူ့အသက်တာသို့ဝင်ရောက်ရန် ‘စိန်ခေါ်’ ခဲ့သည်။ “ကျွန်တော်လှိုက်လှိုက်လှဲလှဲ ဝမ်းသာခဲ့ရတယ်။ ကျွန်တော်ချက်ချင်းပြောင်းလဲလာတာကို လူတွေ သတိထားမိကြတယ်။ ကျွန်တော်က ကမ္ဘာမှာ အပျော်ဆုံး မူးယစ်ဆေးရောင်းဝယ်သူ ဖြစ်ခဲ့တာ” ဟု သူက ဆိုသည်။
သခင်ယေရှုက ထိုမျှနှင့်မရပ်တန့်ခဲ့ပါ။ နောက်တစ်နေ့တွင် ကလောက်ဒ်သည် ကိုကင်းတစ်အိတ်ကို အလေးချိန်ချိန်နေစဥ် “ဒါရူးမိုက်မှုပဲ။ ငါလူတွေကို အဆိပ်ခတ်နေတာပါလား” ဟုတွေးမိသည်။ မူးယစ်ဆေးမရောင်းတော့ဘဲ အလုပ်ရှာရတော့မည်ဟု သူသဘောပေါက်သွားခဲ့သည်။ သန့်ရှင်းသောဝိညာဥ်တော်၏ ကူညီမှုဖြင့် သူသည်…
ကျွန်ုပ်တို့အထဲ၌ ကိန်းဝပ်တော်မူသော ခရစ်တော်
အင်္ဂလိပ်တရားဟောဆရာ F. B. Meyer (အက်ဖ်ဘီမေယာ) (၁၈၄၇-၁၉၂၉)သည် “ကိန်းဝပ်တော်မူသောခရစ်တော်ဆိုင်ရာ နက်နဲသောဒဿန”ဟု သူခေါ်ဆိုသည့်အရာကို ပုံဖော်ရန် ကြက်ဥတစ်လုံးကို ဥပမာထား အသုံးပြုခဲ့သည်။ မျိုးဖောက်ထားသော ကြက်ဥအနှစ်သည် ဥခွံထဲတွင် ကြက်ကောင်ပေါက်လေးအဖြစ် မဖြစ်ထွန်းမီတိုင်အောင် တစ်နေ့ပြီးတစ်နေ့ ကြီးထွားလာသော ‘အသက်ပိုး’လေးဖြစ်ကြောင်း သူသတိပြုမိခဲ့သည်။ အလားတူပင် သခင်ယေရှုသည် သန့်ရှင်းသောဝိညာဥ်တော်အားဖြင့် ကျွန်ုပ်တို့၏အတွင်း၌ ကြွလာအသက်ရှင်ကာ ကျွန်ုပ်တို့ကို ပြောင်းလဲပေးနေသည်။ “ယခုမှစ၍ ခရစ်တော်သည် ရှင်သန်တိုးပွားကာ အရာခပ်သိမ်းကိုလွှမ်းမိုးလျက် သင့်အထဲ၌ ဖြစ်တည်နေလိမ့်မည်”ဟု မေယာက ဆိုသည်။
ယုံကြည်သူတို့အထဲ၌ သန့်ရှင်းသောဝိညာဥ်တော်အားဖြင့် ခရစ်တော်ကိန်းဝပ်တော်မူခြင်း အံ့သြဖွယ်ဖြစ်ရပ်မှန်ကို သူ၏စကားလုံးများအားဖြင့် အပြည့် အဝပုံဖော်ရန် မဖြစ်နိုင်ကြောင်းကို သိရှိလျက် သခင်ယေရှု၏သမ္မာတရားများကို မပြည့်မစုံ ဖော်ပြခြင်းအတွက် သူက တောင်းပန်ခဲ့သည်။ “ငါသည် ခမည်းတော်၌ ရှိသည်ကိုလည်းကောင်း၊ သင်တို့သည် ငါ၌ရှိသည်ကိုလည်းကောင်း၊ ငါသည် သင်တို့၌ ရှိသည်ကိုလည်းကောင်း၊ ထိုနေ့၌…
အမည်နာမ၏စွမ်းပကား
အိန္ဒိယနိုင်ငံ မွမ်ဘိုင်းမြို့တွင်းလမ်းများ၌ နေထိုင်ကျက်စားနေသော ကလေးများကို အားပေးရန်နည်းလမ်းရှာလျက် Ranjit (ရန်ဂျစ်)က သူတို့အမည်များကို သီချင်းစပ်ပေးခဲ့သည်။ သူတို့ကိုမှည့်ခေါ်သည့်၊ သူတို့အခေါ်ခံရသည့်နာမည်၏ အဓိပ္ပာယ်အတိုင်း အပြုသဘောအမှတ်တရများ ရပါစေဟုမျှော်လင့်လျက် ကလေးများအား သူတို့နာမည်တစ်ခုစီအတွက် သီးသန့်တေးသွားများကို စပ်ဆိုကာသင်ပေးခဲ့သည်။ သူတို့၏အမည်ကို ချစ်ခြင်းဖြင့်ခေါ်သံကို တစ်ခါမျှမကြားဖူးသော ထိုကလေးများအတွက် လေးစား အလေးထားခြင်းလက်ဆောင်ကို သူပေးလိုက်ခြင်းပင်ဖြစ်သည်။
သမ္မာကျမ်းစာတွင် အမည်နာမများသည် အလွန်အရေးကြီးပြီး တစ်ခါတစ်ရံနာမည်ပိုင်ရှင်၏အကျင့်စရိုက် သို့မဟုတ် အသက်တာ၏ကဏ္ဍသစ်ကို ထင်ဟပ်ဖေါ်ပြသည်။ ဥပမာ - ဘုရားသခင်သည် အာဗြံနှင့်စာရဲတို့နှင့် မေတ္တာပဋိညာဉ်ပြုစဉ် သူတို့၏နာမည်များကိုပြောင်းပေးပြီး ကိုယ်တော်သည် သူတို့၏ဘုရားဖြစ်ပြီး၊ သူတို့သည်လည်း ကိုယ်တော်၏လူမျိုးတော် ဖြစ်ကြလိမ့်မည်ဟု ကတိပြုခဲ့သည်။ “ချီးမြှောက်ခြင်းခံရသောဖခင်” ဟုအဓိပ္ပာယ်ရသည့် ‘အာဗြံ’သည် “လူမျိုးတကာတို့၏ဖခင်” ဟုအဓိပ္ပာယ်ဆောင်သော ‘အာဗြဟံ’ ဖြစ်လာသည်။ “မင်းသမီးတော်” ဟု အဓိပ္ပာယ်ရသော ‘စာရဲ’သည် “အများ၏မိခင်” ဟုအဓိပ္ပာယ်ရသော ‘စာရာ’ ဖြစ်လာသည် (က…
ကျွန်ုပ်နှင့်သက်ဆိုင်သည့်နေရာ
ကြီးမြတ်သောဘုရားသခင်၏ ကယ်တင်ခြင်းအမှုကို အောက်မေ့လျက် ချီးမွမ်းပွဲဆင်နွဲသည့် ဂျူးလူမျိုးတို့၏ရိုးရာ ပဿခါစားသောက်ပွဲအပြီး၌ အသင်းတော်မှအသင်းသားတို့သည် ပတ်လည်ဝိုင်းကာ ကခုန်ခြင်းဖြင့် ၎င်းတို့၏ဝမ်းမြောက်မှုကို ဖော်ပြကြသည်။ ဘာရီသည် အနောက်နား၌ရပ်လျက် ပြုံးကာကြည့်နေသည်။ “အခုတော့ ဒါဟာ ကျွန်တော့်မိသားစုပဲ။ ကျွန်တော့်အသိုင်းအဝန်းပဲ။ ကျွန်တော်မေတ္တာပြနိုင်တဲ့နေရာ၊ မေတ္တာခံယူနိုင်တဲ့နေရာ၊ ကျွန်တော်နဲ့သက်ဆိုင်တဲ့နေရာကို ကျွန်တော်တွေ့ခဲ့ပြီ” ဟုပြောရင်း ဤအစီအစဥ်ကို သူအလွန်သဘောကျကြောင်း မှတ်ချက်ပေးခဲ့သည်။
ဘာရီသည် ငယ်စဥ်ကလေးဘဝက စိတ်ပိုင်း ရုပ်ပိုင်းဆိုင်ရာ ရက်စက်စွာအကြမ်းဖက်မှုကို ခံစားခဲ့ရသဖြင့် သူ၌ ဝမ်းမြောက်ခြင်းမရှိခဲ့ပါ။ သို့သော် ဒေသခံအသင်းတော်မှ သူ့ကိုကြိုဆိုပြီး သူ့အား သခင်ယေရှုနှင့် မိတ်ဆက်ပေးခဲ့သည်။ ၎င်းတို့၏စည်းလုံးမှုနှင့် ဝမ်းမြောက်မှုတို့ကူးစက်ကာ ခရစ်တော်နောက်တော်သို့ သူစတင်လိုက်လျှောက်ပြီး သူ့ကိုချစ်သည်၊ လက်ခံကြသည်ဟု သူခံစားခဲ့ရသည်။
ဆာလံကျမ်း ၁၃၃ တွင် ‘အလွန်ကောင်းသော၊ အလွန်တင့်တယ်လျောက်ပတ်သော’ ဘုရားလူများ တစ်စိတ်တစ်ဝမ်းတည်းရှိမှု၏ သက်ရောက်မှု အကျိုးကိုသရုပ်ဖော်ရန် ဒါဝိဒ်မင်းသည် ထိရောက်သည့်ပုံရိပ်ကို အသုံးပြုခဲ့သည်။ ၎င်းသည်…
စုံစမ်းခြင်းများအတွက် ကျေးဇူးတော်
Annie Johnson Flint (အယ်နီဂျွန်ဆန်ဖလင့်)သည် အထက်တန်းကျောင်းအောင်ပြီး မကြာမီ အဆစ်မြစ်ရောင်ရောဂါ ပြင်းထန်မှုကြောင့် မသန်စွမ်းဖြစ်ခဲ့သည်။ သူမသည် ဘယ်တော့မှ လမ်းမလျှောက်နိုင်တော့ဘဲ သူ့လိုအပ်မှုကို ကူညီလုပ်ဆောင်ပေးရန် အခြားသူအပေါ် မှီခိုခဲ့ရသည်။ သူမစပ်ဆိုရေးသားသည့် ကဗျာနှင့်ဓမ္မတေးများကြောင့် ဧည့်သည်များစွာကို သူမတွေ့ဆုံရပြီး၊ ၎င်းတို့အနက် အမှုတော်လုပ်ငန်း၌ စိတ်ဓာတ်ကျနေသည့် အမှုတော်ဆောင်ဆရာမတစ်ဦးလည်း ပါဝင်ခဲ့သည်။ ထိုဆရာမ အိမ်ပြန်ရောက်သော် ဘဝတွင် ဤမျှခက်ခဲသောအရာများကို ဘုရားသခင် အဘယ်ကြောင့် ခွင့်ပြုထားသနည်းဟု အယ်နီ့ ထံ စာရေးပေးပို့ခဲ့သည်။
ထိုစာကို တုံ့ပြန်သည့်အနေဖြင့် အယ်နီက ကဗျာတစ်ပုဒ်ကို ပေးပို့ခဲ့သည်။ “ကောင်းကင်ကြီး အမြဲပြာပြီးသာယာနေမယ်၊ ဒို့ဘဝများလည်း အမြဲပန်းခင်းလမ်းဖြစ်မယ်လို့ ဘုရားသခင် ကတိမပေးထားပါ။ ၎င်းအစား စုံစမ်းခြင်းများအတွက် ကျေးဇူးတော်နှင့် အထက်အရပ်မှမစမှု၊ မကုန်ခန်းသောကရုဏာတော်နှင့် မကုန်ဆုံးသောမေတ္တာတော်ကို ပေးမည်ဟု ကိုယ်တော်ကတိပြုခဲ့သည်။” ဆင်းရဲဒုက္ခကို သူမ မကြာခဏကြုံတွေ့ရသော်လည်း ဘုရားရှင်သည် သူချစ်သောသူများကို ဘယ်တော့…
ပညာ နှင့် နားလည်နိုင်သောဉာဏ်
၁၃၇၃ ခုနှစ်တွင် အသက် (၃၀)အရွယ် အင်္ဂလန်နိုင်ငံ၊ နော်ဝစ်ချ်မြို့သူ Julian (ဂျူလီယန်)သည် နာမကျန်းဖြစ်ပြီး သေလုနီးပါးဖြစ်ခဲ့သည်။ ဘုန်းတော်ကြီးက သူမအတွက် ဆုတောင်းပေးသောအခါ ရူပါရုံများစွာကို သူမြင်ခဲ့ရပြီး၊ ၎င်းတို့အနက် ယေရူကားစင်တင်သတ်ခံရခြင်းကို သူမ ဆင်ခြင်ခဲ့မိသည်။ အံ့ဩဖွယ်ကောင်းလှစွာ ပြန်လည်ကျန်းမာလာပြီးနောက် သူမသည် ဘုရားကျောင်း၏ဘေးခန်းတွင် တစ်ဦးတည်းနေထိုင်ကာ နောက်အနှစ် (၂၀)ထိတိုင် သူမကြုံတွေ့ခဲ့ရသောအရာများကို ဆင်ခြင်ဆုတောင်းခဲ့သည်။ သူမက “ဘုရားဖော်ပြသော ချစ်ခြင်းမေတ္တာ” ဟုဆို၍ ခရစ်တော်၏စွန့်လွှတ်ပူဇော်မှုသည် ဘုရားသခင်၏မေတ္တာကို အကြီးမြတ်ဆုံး ထင်ရှားဖော်ပြခြင်းဟု ကောက်ချက်ချခဲ့သည်။
ဂျူလီယန်၏ဖွင့်ပြချက်များသည် ထင်ရှားကျော်ကြားသည်။ သို့သော် ဘုရား သခင် သူမအား ဖွင့်ပြသည့်အရာကို အချိန်ပေး အားထုတ်၍ ဆုတောင်းပြီးအဖြေရှာ ခဲ့ရခြင်းကို လူအများသတိမမူမိပါ။ ထိုအနှစ် (၂၀)အတွင်း ဘုရားရှင်၏ ဉာဏ်ပညာနှင့်မစမှုကို တောင်းခံလျက် သူမခံစားရသည့် ဘုရားရှင်တည်ရှိခြင်း အတွေ့အကြုံသည် မည်သည့်အဓိပ္ပာယ်ဖြစ်သည်ကို ပိုင်းခြားသိနိုင်ရန် ရှာဖွေခဲ့သည်။…
ရက်ရောသောပေးလှူခြင်း
ဗိုလ်ချူပ်ကြီး Charles Gordon (ချားလ်စ် ဂေါ်ဒန်) (၁၈၃၃-၁၈၈၅)သည် ဘုရင်မကြီး Victoria (ဗစ်တိုးရီးယား)အား တရုတ်ပြည်နှင့် အခြားသောနေရာဒေသများတွင် အမှုထမ်းခဲ့သော်လည်း အင်္ဂလန်ပြည်တွင် နေထိုင်စဥ် သူ၏ဝင်ငွေ (၉၀) ရာခိုင်နှုန်းကို ပေးကမ်းလှူဒါန်းခဲ့သည်။ လန်ခတ်ရှိုင်းယားပြည်နယ်တွင် အစာ ရေစာခေါင်းပါးမှုကြုံနေသည်ဟု ကြားသောအခါ၊ သူသည် ကမ္ဘာ့ခေါင်းဆောင် တစ်ဦးထံမှ ရရှိသော ရွှေစင်ရွှေတံဆိပ်ပေါ်တွင် ရေးထိုးသော ကဗျည်းစာကို ဖျက်ပြီး၊ နိုင်ငံမြောက်ပိုင်းသို့ပို့လိုက်သည်။ ၎င်းရွှေကို အရည်ကျိုပြီးရောင်းရငွေဖြင့် ဆင်းရဲသားများအတွက် အစားအစာဝယ်ရန် မှာကြားခဲ့သည်။ ထိုနေ့တွင် သူ၏ နေ့စဥ်မှတ်တမ်း၌ “ဤလောကတွင် ကျွန်ုပ်၌ နောက်ဆုံးကျန်ရှိသည့်အရာ၊ ကျွန်ုပ်တန်ဖိုးထားရသည့်အရာကို သခင်ယေရှုအား ပေးပါ၏” ဟူ၍ရေးသားထားသည်။
ဗိုလ်ချုပ်ကြီးဂေါ်ဒန်၏ ပေးကမ်းရက်ရောသောစေတနာသည် ကျွန်ုပ်တို့ ပေးလှူနိုင်သည်ထက် မြင့်မားသာလွန်နေသော်လည်း ဘုရားသခင်သည် လိုအပ်သူ၊ ဆင်းရဲသူများအား သတိပြုလျက် ကြည့်ရှုစောင့်ရှောက်ရန် သူ့လူတို့အား အစဥ်မိန့်မှာသည်။ မောရှေမှတစ်ဆင့်မိန့်ကြားသည့် ပညတ်တော်များ၌…