အထီးကျန်ဆုံးသောလူသား

၁၉၆၉ ခုနှစ်၊ ဇူလိုင်လ (၂၀) ရက်တွင် Neil Armstrong (နေးလ်အမ်းစထရောင်း) နှင့် Buzz Aldrin (ဘဇ်အယ်လ်ဒရင်) တို့သည် အာကာသယာဉ်ထဲမှထွက်ပြီး လကမ္ဘာပေါ်တွင် ပထမဦးဆုံး ခြေချလမ်းလျှောက်သူများ ဖြစ်ခဲ့ကြသည်။ သို့သော် အဖွဲ့မှတတိယမြောက်လူ၊ အပိုလို-၁၁ ၏ခေါင်းပိုင်းကို မောင်းနှင်ပေးခဲ့သည့် Michael Collins (မိုက်ကယ် ကောလင်းစ်)ကို ကျွန်ုပ်တို့မစဥ်းစားမိကြပါ။

လ၏မျက်နှာပြင်ကို ထိတွေ့စမ်းသပ်ဖို့ရာ သူ့အပေါင်းအပါများ လှေကားမှဆင်းသွားပြီးနောက် ‌ကောလင်းစ်သည် လ၏အဝေးတစ်နေရာ၌ ရပ်စောင့်နေခဲ့သည်။ နေးလ်၊ ဘဇ် နှင့် ကမ္ဘာပေါ်ရှိ လူသားအားလုံးနှင့် သူအဆက်အသွယ်ပြတ်ခဲ့သည်။ NASA (နာဆာ) ဗဟိုထိန်းချုပ်ဌာနမှ “အာဒံကတည်းကစပြီး ‌ကောလင်းစ် လောက် အထီးကျန်ဖြစ်ခဲ့သူကို မမြင်ဖူးဘူး”ဟု မှတ်ချက်ပေးခဲ့သည်။

လုံးဝအထီးကျန်နေသည်ဟု ကျွန်ုပ်တို့ခံစားရချိန်များ ရှိသည်။ ဥပမာ - ယာကုပ်၏သားယောသပ်သည် အကိုများ၏ရောင်းစားခြင်းကိုခံရပြီး ဣသရေလပြည်မှ အဲဂုတ္တုပြည်သို့ ‌ခေါ်ဆောင်ခံရချိန်…

ကြောက်မက်ဖွယ် (၇) မိနစ် အချိန်

၂၀၂၁ ခုနှစ်၊ ဖေဖေါ်ဝါရီ (၁၈) ရက်၌ အနီရောင်မားစ်ဂြိုဟ်ပေါ်သို့ မားစ်ဂြိုဟ်သို့သွားသည့် ‘Perseverance’ (ဇွဲလုံ့လ) အမည်ရှိသော အာကာသယာဥ်ဆင်းသက်သောအခါ ဆိုက်ရောက်ယာဥ်ကို စောင့်ကြည့်နေသူများသည် “ကြောက်မက်ဖွယ် (၇) မိနစ်အချိန်”ကို သည်းခံစောင့်ခဲ့ရသည်။ ထိုအာကာသယာဥ်၏ မိုင်သန်းပေါင်း ၂၉၂-မိုင် ခရီးစဥ်အဆုံးတွင် ယာဥ်ဆင်းသက်မည့် ရှုပ်ထွေးသော အစီအစဥ်ကို ၎င်းဘာသာလုပ်ဆောင်ရမည် ဖြစ်သည်။ မားစ်ဂြိုဟ်မှ ကမ္ဘာသို့ အချက်ပြပေးပို့မှုက မိနစ်အနည်းငယ်ကြာသဖြင့် ‘Perseverance’ အာကာသယာဥ်ဆင်းသက်ချိန်၌ NASA (နာဆာ)အဖွဲ့မှ အဆက်အသွယ်မရခဲ့ပါ။ ထိုခရီးစဥ်အတွက် အားစိုက်ထုတ်မှုနှင့် အရင်းအမြစ်များစွာ ပုံအောခဲ့သည့်အဖွဲ့အတွက် ထိုသို့အဆက်အသွယ်မရ ဖြစ်နေခြင်းက ထိတ်လန့်စိုးရိမ်စရာပင်ဖြစ်သည်။

တစ်ခါတစ်ရံ ကျွန်ုပ်တို့ဆုတောင်းပြီး ဘုရားသခင်ထံမှ အဖြေမရ၊ မည်သည့်အဆက်အသွယ်မှမရဟု ခံစားရချိန်တွင် ထိတ်လန့်စိုးရိမ်မှုကို ကျွန်ုပ်တို့တွေ့ကြုံခံစားရကောင်း ခံစားရမည်။ သမ္မာကျမ်းစာ၌ ဆုတောင်းခြင်းအဖြေ အမြန်ရသူများ (ဒံ ၉:၂၀-၂၃)၊ အကြာကြီးနေမှ ဆုတောင်းချက်အဖြေရသူများ (၁ ရာ…

ကျွန်ုပ်တို့၏ကွယ်ကာရာသို့ ပြေးသွားခြင်း

ဆဋ္ဌမတန်း ဘတ်စကတ်ဘောကစားပွဲသည် ကောင်းမွန်စွာ စတင်နေပြီဖြစ်သည်။ မိဘများနှင့် အဖိုးအဖွားများက ၎င်းတို့၏သားမြေးကစားသမားများကို အားပေးနေကြစဉ် ကစားသမားများ၏ ညီငယ်ညီမငယ်များက ကျောင်းစင်္ကြံတွင် သူတို့ ဘာသာသူတို့ ကစားနေကြသည်။ ရုတ်တရက် ဥသြဆွဲသံများ ထွက်ပေါ်လာပြီး အားကစားခန်းမထဲ မီးများလင်းလက်သွားသည်။ မီးလောင်လျှင် အချက်ပေးသည့်ခလုတ် ပွင့်သွားခြင်းဖြစ်သည်။ ချက်ချင်းပင် ကလေးငယ်များသည် မိဘများကို လိုက်ရှာရင်း အထိတ်တလန့်ဖြင့် အားကစားရုံထဲသို့ ပြေးဝင်လာကြသည်။

မီးအမှန်တကယ်လောင်ခြင်းမဟုတ်ဘဲ၊ အချက်ပေးခလုတ် မတော်တဆ ပွင့်သွားခြင်း ဖြစ်သည်။ သို့သော် ထိုသို့ ကလေးသူငယ်များသည် အကြပ်အတည်းတစ်ခုဟု ခံစားမိလျှင် ရှက်ရွံ့ခြင်းများမရှိဘဲ မိဘများထံသို့ တိုးဝင်ပွေ့ဖက်ရန် ပြေးလာကြသည့် မြင်ကွင်းသည် ကျွန်တော့်စိတ်နှလုံးကို ရိုက်ခတ်ခဲ့သည်။ ၎င်းသည် ကြောက်ရွံ့နေသည့်အချိန်တွင် ဘေးကင်းမှုနှင့် စိတ်ချလုံခြုံမှု ပေးစွမ်းနိုင်သူများအပေါ် ယုံကြည်မှုရှိခြင်းကို ပြသလိုက်သည့် မြင်ကွင်းပင်ဖြစ်သည်။

ဒါဝိဒ် အလွန်ကြောက်ရွံ့ခဲ့ရသည့်အချိန်ကို သမ္မာကျမ်းစာတွင် ဖော်ပြထား သည်။ ရှောလုနှင့်…

မိတ်ဆွေတို့၏အမွေ

အထက်တန်းကျောင်းတွင် အင်္ဂလိပ်စာဆရာအဖြစ်ရော၊ ဘတ်စ်ကတ်ဘောနည်းပြ အဖြစ်ပါ လုပ်ခဲ့သည့် ၁၉၇၀ ခုနှစ်တွင် သူနှင့်ကျွန်တော် စတွေ့ခဲ့သည်။ ထိုစဉ်က သူသည် အရပ်မြင့်မြင့် ကလန်ကလားနှင့် ပထမနှစ်ကျောင်းသားဖြစ်သည်။ မကြာမီ ကျွန်တော်၏ ဘတ်စ်ကတ်ဘောအသင်းနှင့် အတန်းများသို့ သူပါဝင်တက်ရောက်ခဲ့ပြီး မိတ်ဆွေများဖြစ်ခဲ့ကြသည်။ ထိုမိတ်ဆွေသည် ‌နှစ်ပေါင်းများစွာ ကျွန်တော်၏ လုပ်ဖော်ကိုင်ဖက်အယ်ဒီတာအဖြစ် လုပ်ကိုင်ခဲ့ပြီး ကျွန်တော်အငြိမ်းစားယူချိန် နှုတ်ဆက်ပွဲတွင် ကျွန်တော့်ရှေ့ရပ်ကာ ကျွန်တော်တို့၏ နှစ်ပေါင်းများစွာ ရင်းနှီးကျွမ်း၀င်မှု၏ အမွေအနှစ်အကြောင်း ဝေမျှခဲ့သည်။

ကျွန်တော်တို့ကို အားပေးပြီး၊ သခင်ယေရှုနှင့်သာ၍နီးစေသည့် ဘုရား၏ ချစ်ခြင်းမေတ္တာအားဖြင့် ဆက်နွယ်နေကြသည့် မိတ်ဆွေများ၏ ထူးခြားချက်ကား အဘယ်နည်း။ သုတ္တံဆရာက မိတ်ဆွေများ၏ ချစ်ကြည်ရင်းနှီးခင်မင်မှုတွင် အားတက်ဖွယ် အစိတ်အပိုင်း (၂) ခုပါ၀င်ကြောင်း နားလည်ခဲ့သည်။ ပထမအချက်မှာ အကြံပေးဖို့ရော၊ အကြံရယူဖို့ရော မလွယ်ကူသည့်တိုင် စစ်မှန် သော မိတ်ဆွေများသည် တန်ဖိုးရှိသည့်အကြံကိုသာ ပေးသည်။ “အဆွေခင်ပွန်းသည်…

ကော်ဖီစေ့ခွက်

ကျွန်ုပ်သည် ကော်ဖီကြိုက်သူမဟုတ်သော်လည်း ကော်ဖီစေ့လေးများ၏ရနံ့ တစ်ချက်ရလိုက်ရုံဖြင့် နှစ်သိမ့်မှုနှင့်ဝမ်းနည်းမှု ခံစားချက်နှစ်ခုလုံး ခံစားရသည်။ ကျွန်ုပ်တို့၏ ဆယ်ကျော်သက်သမီးလေး မယ်လီစာသည် သူမ၏အိပ်ခန်းကို သူမစိတ်ကြိုက်ဖန်တီးသောအခါ သူမ၏အိပ်ခန်းကို နွေးထွေးမှုဖြင့် သင်းရနံ့မွှေးပျံ့နေစေရန် ကော်ဖီစေ့လေးများကို ပန်းကန်လုံးထဲတွင် ထည့်ထားခဲ့သည်။

မယ်လီစာသည် အသက် (၁၇) နှစ်တွင် ယာဥ်မတော်တဆ ထိခိုက်မှုဖြင့် သေဆုံးခဲ့သည်မှာ နှစ်နှစ်ဆယ်ကျော် ကြာခဲ့ပါပြီ။ သို့သော် ကျွန်ုပ်တို့၌ ထိုကော်ဖီခွက်လေးရှိနေဆဲပင်။ ၎င်းသည် မယ်လီစာ ကျွန်ုပ်တို့နှင့်အတူရှိခဲ့သည့်အချိန်ကို အစဥ်သတိရစေသည့် သင်းပျံ့သောအမှတ်တရဖြစ်သည်။

သမ္မာကျမ်းစာ၌လည်း မွှေးရနံ့ကို သတိပေးအချက်ပြအဖြစ် အသုံးပြုထား သည်။ ရှောလမုန်သီချင်းတွင် မွှေးရနံ့ကို အမျိုးသားနှင့်အမျိုးသမီး နှစ်ဦးကြား ချစ်ခြင်းလက္ခဏာအဖြစ် ရည်ညွှန်းရေးဖွဲ့ထားသည် (၁:၃၊ ၄:၁၁၊ ၁၆)။ ဟောရှေအနာဂတ္တိကျမ်းတွင် ဣသရေလလူမျိုးတို့အပေါ် ဘုရားသခင်၏ခွင့်လွှတ်ခြင်းသည် “လေဗနုန်တောကဲ့သို့ မွှေးကြိုင်လိမ့်မည်” (၁၄:၆)ဟု ဖော်ပြထားသည်။ ထို့အပြင် မာသ၏ညီမ မာရိသည် ရှင်ယေရှု၏ခြေကိုဆီနှင့်လောင်းခဲ့ပြီး…

Lego (လီဂို)ပလပ်စတစ်တုံး သင်ခန်းစာများ

ခန့်မှန်းခြေအားဖြင့် ကမ္ဘာပေါ်ရှိလူတစ်ဦးချင်းဆီသို့ တစ်နှစ်လျှင် ‘Lego’ လီဂို ပလပ်စတစ်တုံး (၁၀) တုံးရောင်းရရာ၊ ပလတ်စတစ်တုံးလေးများ စုစုပေါင်း (၇၅) ဘီလီယံကျော်မျှဖြစ်သည်။ သို့သော်လည်း ဒိန်းမတ်နိုင်ငံသား အရုပ်လုပ်သူ Ole Kirk Christiansen (အိုလ်ခါ့ခရစ်တရန်စန်)၏ ကြံ့ကြံ့ခံမှုကြောင့်သာ မဟုတ်လျှင် ကစားစရာလီဂိုတုံး တစ်ခုမျှ ရှိမည်မဟုတ်ပေ။

‘ကောင်းကောင်းကစားပါ’ ဟုအဓိပ္ပာယ်ရသော ‘Leg Godt’ (လက်ဂေါ့)အား မဖန်တီးမီ သူသည် ဆယ်စုနှစ်များကြာအောင် ဒိန်းမတ်နိုင်ငံ၊ ဘေလ်လန်မြို့တွင် ပင်ပန်းစွာ အလုပ်လုပ်ခဲ့ရသည်။ သူ့အလုပ်ရုံမှာ (၂) ကြိမ် မီးလောင်ခံရပြီး သူလည်း ဒေဝါလီခံခဲ့ရသည်။ ကမ္ဘာစစ်ကြီးအတွင်း ပစ္စည်းပြတ်လပ်မှုကို သူကြံ့ကြံ့ခံခဲ့သည်။ နောက်ဆုံးတွင် ၁၉၄၀ ပြည့်နှစ်များနောက်ပိုင်း၌ ချိတ်ဆက်ကစားရသော ပလတ်စတစ်တုံးများကို ဖန်တီးရန်အကြံ ပေါ်လာခဲ့သည်။ အိုလ်ခါ့ ကွယ်လွန်သည့် ၁၉၅၈ ခုနှစ်တွင်မူ လီဂို သည် ကမ္ဘာကျော် ဖြစ်လာတော့မည့်ဆဲဆဲဖြစ်သည်။…

မဖွင့်ပြသေးသောကြွယ်ဝမှုများ

မားစ်နှင့် ဂျူပီတာဂြိုဟ်ကြားရှိ ဂြိုဟ်ပတ်လမ်းတွင် ဒေါ်လာသန်းပေါင်းများစွာ တန်ဖိုးရှိသော ဂြိုဟ်ငယ်တစ်ခုကို တွေ့ရှိခဲ့သည်။ ‘16 Psyche’ (၁၆ ဆိုင်ခီ)ဟု အမည်ရသည် ထိုဂြိုဟ်ငယ်တွင် စဥ်းစားမရနိုင်လောက်အောင် တန်ဖိုးရှိသည့် ရွှေ၊ သံ၊ နီကယ်နှင့် ပလက်တီနမ်တို့ တည်ရှိနေကြောင်း သိပ္ပံပညာရှင်များက ပြောသည်။ ယခုထိတော့ လူသားများက ထိုသံယံဇာတများကို ရယူနိုင်ရန် မကြိုးစားသေးပါ။ သို့သော် အ‌‌‌မေရိကန်နိုင်ငံကမူ ထိုတန်ဖိုးကြီးလှသည့် ဂြိုဟ်ကိုလေ့လာရန် အာကာသယာဥ်လွှတ်တင်နိုင်ရေး ကြိုးပမ်းလျက်ရှိသည်။

မဖွင့်ပြ မသိရသေးသောဥစ္စာများက ကျွန်ုပ်တို့လက်လှမ်းမမီသည့်အရပ်၌ ရှိနေသည်ဆိုသည့်စကားက မချင့်မရဲဖြစ်စေသလို အတော်စိတ်မသက်မသာဖြစ်စေပါသည်။ သေချာသည်မှာ တစ်ချိန်၌ ထိုအဖိုးတန်သယံဇာတများအတွက် ‘16 Psyche’သို့ သွားသင့်ကြောင်း အခိုင်အမာပြောဆိုသူများ ရှိလာဦးမည်ဖြစ်သည်။

သို့သော် ကျွန်ုပ်တို့လက်တစ်ကမ်း၌ ရှိနေသည့်ကြွယ်ဝမှုများအတွက်ဆိုလျှင် ထိုအရာများကိုရရန် လူတိုင်းကြိုးစားမည် မဟုတ်ပါလား။ တမန်တော် ရှင်ပေါလုက ဘုရားသခင်နှင့်ကျွန်ုပ်တို့၏ ဆက်ဆံရေးတွင် တွေ့ရသည့် ကျွန်ုပ်တို့လက်လှမ်းမီသော ကြွယ်ဝမှုအကြောင်းကို…

နေရောင်ကွက်များ

ပူနွေးသောနွေရာသီနေ့ရက်ဖြစ်ပြီး ကျွန်တော်နှင့် ကျွန်တော်၏ (၄)နှစ်အရွယ် မြေးမလေး မော်လီတို့ ဘောလုံးကစားပြီးနောက် အနားယူနေကြသည်။ ရေခွက်ကိုယ်စီနှင့် ဆင်ဝင်အောက်၌ ထိုင်နေစဉ် မော်လီက ခြံဝင်းထဲကြည့်ပြီး “နေရောင်ကွက်တွေကို ကြည့်လိုက်ပါဦး” ဟုပြောသည်။ နေရောင်က သစ်ရွက်ထူများကြားမှ ထိုးဖောက်ဖြတ်သန်းဖြာကျလာသဖြင့် အရိပ်ထဲ၌ အလင်းပုံစံကွက်များ ပေါ်နေသည်။

နေရောင်ကွက်များသည် အမှောင်နေ့ရက်များတွင် မျှော်လင့်ခြင်းကို ရှာဖွေရန်အတွက် လှပသည့်ပုံရိပ်များလား။ စိန်ခေါ်မှုများနှင့်ကြုံတွေ့ရချိန်၊ သတင်းကောင်းများ မကြားရချိန်တွင် မှောင်မိုက်အရိပ်များ၌ အာရုံရောက်မည့်အစား အလင်း၌သာ ကျွန်တော်တို့ အာရုံစိုက်နိုင်ပါသည်။

ထိုအလင်းသည် သခင်ယေရှုပင်ဖြစ်သည်။ ရှင်မဿဲသည် ဟေရှာယအနာဂတ္တိကျမ်းကို ကိုးကားပြီး “မှောင်မိုက်ထဲမှာရှိနေသော လူများတို့သည် ကြီးစွာသောအလင်းကို မြင်ရ၍၊ သေမင်း၏နိုင်ငံအရိပ်တွင် ရှိနေသော သူတို့၌ အလင်းပေါ်ထွန်းလျက်ရှိ၏” (မ ၄:၁၆၊ ဟေရှာ ၉:၂)ဟု လောက၌ ထွန်းလင်းသည့် အလင်းအကြောင်းကို သခင်ယေရှုကြွလာချိန်တွင် ဖော်ပြခဲ့သည်။ “သေမင်း၏ နိုင်ငံအရိပ်တွင်” ကျွန်ုပ်တို့နေထိုင်လျက်ရှိပြီး၊…

အပြစ်ဒုစရိုက်နှင့်ဝေးရာသို့ ထွက်ပြေးပါ

ဤနှစ်နွေရာသီတွင် ကျွန်တော်သည် တိုက်ကပ်နွယ်ပင်အဆိပ်ဒဏ်ကို နှစ်ကြိမ်တိုင် ခံစားခဲ့ရသည်။ နှစ်ကြိမ်စလုံးသည် ခြံထဲ မစိုက်ဘဲပေါက်နေသောအပင်များကို ခုတ်ထွင်ရှင်းလင်းရင်းမှ ဖြစ်ခဲ့သည်။ နှစ်ကြိမ်စလုံး ထိုအန္တရာယ်ပေးသော၊ အရွက်သုံးခုပါသည့်ရန်သူသည် အနီးအနားတွင် ပုန်းလျှိုးကွယ်လျှိုး ရှိနေသည်ကိုလည်း မြင်ပါသည်။ ကျွန်တော့်အတွက် မည်သည့်အန္တရာယ်မှ မရှိဘဲ အနားကပ်နိုင်မည်ဟု ထင်လိုက်မိသည်။ ခဏအကြာတွင် မှားသွားကြောင်းကို သိလိုက်သည်။ ပြေးမလွတ်သော အစိမ်းရောင်အန္တရာယ်အနီးသို့ တိုးသွားမည့်အစား ဝေးရာသို့ ပြေးထွက်ခဲ့သင့်သည်။

ဓမ္မဟောင်းကျမ်းမှ ယောသပ်အကြောင်းတွင် နွယ်ပင်အဆိပ်ထက်ပိုဆိုးသည့် အပြစ်ဒုစရိုက်နှင့်ဝေးရာသို့ ပြေးခြင်းဟူသည့်နိယာမကို တွေ့ရသည်။ ယောသပ်သည် အဲဂုတ္ထုသခင် ပေါတိဖာ၏နေအိမ်၌နေရစဥ် သခင့်မယားက သူ့ကို သွေးဆောင်ခဲ့သော်လည်း သခင်မအနီးသို့ သူတိုးမသွားဘဲ ထွက်ပြေးခဲ့သည်။

ပေါတိဖာမိန်းမက ယောသပ်ကို မတရားစွပ်စွဲပြီး ထောင်ထဲရောက်စေခဲ့သော်လည်း ယောသပ်သည် တစ်ချိန်လုံးသန့်ရှင်း စင်ကြယ်ခဲ့သည်။ ကမ္ဘာဦးကျမ်း ၃၉:၂၁ တွင် ဖတ်ရှုရသည့်အတိုင်း “ထာဝရဘုရားသည် သူ့ဘက်၌ရှိ”နေခဲ့ပါသည်။

ဘုရားသခင်သည် ကျွန်ုပ်တို့အား…

လက်ဝါးကပ်တိုင်သင်္ကေတကို ကျော်၍

၂၀ စုနှစ်အလယ်ခန့်တွင် အိန္ဒိယနိုင်ငံအလယ်ပိုင်းဒေသ၌ ခရစ်ယာန် မဟုတ်သူများနှင့် ခရစ်ယာန်များကြားတွင် ကြီးမားသော တင်းအားရှိခဲ့သည်။ လူငယ်တစ်ဦးသည် သုံးထပ်တိုက်ပေါ်တက်ပြီး ခေါင်မိုးပေါ်မှ ကားတိုင်ကို အရင်းမှဆွဲနှုတ်ကာ ဖျက်ဆီးပစ်ရန် စေခိုင်းခြင်းခံရသည်။ ထိုသို့သူပြုသော်လည်း မအောင်မြင်ဘဲ သူသည် ခေါင်မိုးပေါ်မှ အောက်သို့ပြုတ်ကျပြီးဒဏ်ရာအကြီးအကျယ်ရခဲ့သည်။ သူ့အား ဆေးရုံသို့ ခေါ်ဆောင်သွားပြီး သခင်ယေရှုကို ယုံကြည်သည့် လူနာတစ်ဦး၏ အနီးရှိ ကုတင်တွင် နေရာရခဲ့သည်။

ထိုယုံကြည်သူက ဒဏ်ရာရသူအား ကားတိုင်သည် မည်သည့်အရာကို ကိုယ်စားပြုကြောင်းနှင့် ကားတိုင်ပေါ်တွင် သခင်ခရစ်တော် သူ့အတွက် ဘာပြုပေးသည်ကို ပြောပြသောအခါ သူ့နှလုံးသား တို့ထိခြင်းခံရသည်။ “သခင်ယေရှု၊ ကျွန်တော့်ကိုခွင့်လွှတ်ပါ။ ကျွန်တော်ဒီလိုလုပ်ဖို့ မရည်ရွယ်ခဲ့ပါဘူး။ သူတို့ခိုင်းတာပါ”ဟု သူအော်ငိုခဲ့သည်။

ခရစ်ယာန်ဘာသာ၏သင်္ကေတကို လူတို့မည်သို့ပင် ဖျောက်ဖျက်ပစ်ရန် ကြိုးစားလုပ်ဆောင်လည်း ကားတိုင်တော်၏သတင်းစကားကို မတားဆီးနိုင်ပါ။ “လက်ဝါးကပ်တိုင်တော်တရားသည် ... ဘုရားသခင်၏တန်ခိုးတော်ဖြစ်၏” (၁ ကော ၁:၁၈)ဟူ၍ ရှင်ပေါလု…