မိမိ၏အခန်းကဏ္ဍကို လုပ်ဆောင်ခြင်း

ကျွန်တော်၏မြေးနှစ်ယောက်သည် Alice in Wonderland Jr. ဂီတပြဇာတ်အတွက်အရွေးခံရာ သူတို့စိတ်ထဲ၌ ခေါင်းဆောင်နေရာ ရလိုကြသည်။ မဂ္ဂီက အဲလစ်ငယ်ဘဝကိုရရှိလိုပြီး ကေတီက မထေးဒါလ်နေရာရလျှင်ကောင်းမည်ဟု တွေးထားသည်။ သို့သော် သူတို့သည် ပန်းလေးများအဖြစ် သရုပ်ဆောင်ရန် ရွေးချယ်ခံရသည်။ ဘရော့ဒ်ဝေးသို့သွားမည့် လက်မှတ်ရမည့်အခွင့် လုံးဝမဟုတ်ပေ။

သို့သော် ကျွန်တော့်သမီးက သူ့ကလေးများသည် “(ခေါင်းဆောင်နေရာ)ရသွားတဲ့ သူတို့သူငယ်ချင်းတွေအတွက် စိတ်လှုပ်ရှားနေကြတယ်” ဟု ပြောပြသည်။ သူငယ်ချင်းများကို အားပေးရခြင်းက သူတို့အတွက် ပို၍ပျော်ရွှင်စေပြီး သူတို့၏ စိတ်လှုပ်ရှားမှုကို မျှဝေကြသည်။

၎င်းသည် ခရစ်တော်၏ကိုယ်ခန္ဓာ၌ ကျွန်ုပ်တို့အချင်းချင်း အပြန်အလှန်အကျိုးပြုပုံ ပုံဥပမာပင်ဖြစ်သည်။ ဒေသန္တရအသင်းတော်တိုင်း၌ အဓိကကျသည်ဟု ယူဆထားသည့်အခန်းကဏ္ဍများရှိပါသည်။ သို့သော် ပန်းလေးများကဲ့သို့ အရေးပါသော်လည်း မထင်ရှားသည့်အလုပ်ကို လုပ်သူများကိုပါလိုအပ်သည်။ ဘုရားပေးတာဝန်ကို ကျွန်ုပ်တို့စိတ်ထက်သန်စွာ ကျေပွန်အောင်ထမ်းရွက်သကဲ့သို့ မိမိရယူလိုသောကဏ္ဍကို အခြားသူရသွားပါက ထိုသူတို့ကိုအားပေးရန် ရွေးချယ်ကြပါစို့။

စင်စစ် အခြားသူများကို မစခြင်း၊…

ဟောပြောမလား၊ ထွန်ယက်မလား

မိသားစုဒဏ္ဍာရီအရ ဘီလီနှင့်မာဗင်ညီအစ်ကိုနှစ်ဦးတို့သည် တစ်နေ့၌ မိသားစုပိုင် နို့စားနွားမွေးမြူရေးခြံ၌ ရပ်နေစဉ် စာတန်းထိုးလေယာဉ်တစ်စီး ပျံသန်းလာပြီး ကောင်းကင်၌ “GP” ဟု စာလုံးနှစ်လုံးကို ရေးထိုးသွားသည်ကို တွေ့လိုက်ရသည်။

သူတို့မြင်ခဲ့သည့်စာလုံးများ၌ သူတို့အတွက် အဓိပ္ပာယ်သီးသန့်ရှိသည်ဟု ညီအစ်ကိုနှစ်ဦးလုံး ဆုံးဖြတ်ခဲ့၏။ တစ်ဦးက “သွားပြီး ဟောပြော” (Go preach)ဟု အဓိပ္ပာယ်ဖွင့်ပြီး တစ်ဦးကမူ “သွားပြီးထွန်ယက်” (Go plow) ဟု အဓိပ္ပာယ် ကောက်ခဲ့သည်။ နောက်ပိုင်းတွင် ညီအစ်ကိုနှစ်ဦးအနက် ဘီလီ ဂရေဟမ်မှာ ဧဝံဂေလိတရားဟောပြောရန် သူ့ကိုယ်သူ ဆက်ကပ်ခဲ့ပြီး စံနမူနာယူရသည့် ဧဝံဂေလိဟောပြောသည့်ဆရာတော်ဖြစ်လာခဲ့သည်။ သူ့ညီမှာမူ မိသားစုပိုင် နို့စားနွား မွေးမြူရေးခြံကို နှစ်ပေါင်းများစွာ ဆက်လက်ပြီး သစ္စာရှိရှိ ဦးစီးလုပ်ဆောင်ခဲ့သည်။

ကောင်းကင်မှစာတန်းကို အသာထား၊ ဘုရားရှင်သည် ဘီလီကို ဟောပြောရန်ခေါ်ပြီး မာဗင်ကို ထွန်ယက်ရန် ရွေးခေါ်ခဲ့ပါလျှင် ဤအမှု၌ သူတို့ နှစ်ဦးစလုံးသည်…

ယခု၊ ထို့နောက်

မကြာမီက အထက်တန်းကျောင်းတစ်ကျောင်း၏ဘွဲ့ယူသည့်အခမ်းအနားသို့ ကျွန်ုပ်တက်ရောက်ခဲ့သည်။ ထိုပွဲတွင် စကားပြောခွင့်ရသူက ဒီပလိုမာဘွဲ့ယူမည့် မောင်မယ်တို့အတွက် လိုအပ်သည့်စိန်ခေါ်မှုတစ်ရပ်ကို ဖော်ပြခဲ့သည်။ “ဘဝတွင် ယခုအချိန်သည် လူတိုင်းက သူတို့အား ‘နောက်ပြီး ဘာလုပ်မှာလဲ’ ဟု မေးကြသည်။ မည်သည့်အသက်မွေးဝမ်းကျောင်းလုပ်ကိုင်မည်နည်း။ မည်သည့်ကျောင်း ဆက်တက်မည်နည်း။ မည်သည့်အလုပ်လုပ်ကိုင်မည်နည်း။ ပို၍အရေးကြီးသည်မှာ ယခုဘာလုပ်နေသနည်း ဟူသည့်မေးခွန်းဖြစ်သည်” ဟု သူက ဆိုသည်။

ယံုကြည်ခြင်းခရီးတွင် မိမိအတွက် မဟုတ်ဘဲ ခရစ်တော်အတွက် အသက်ရှင်ရန် လမ်းပြမည့် မည်သည့်ဆံုးဖြတ်ချက်ကို သူတို့နေ့စဉ်ချမှတ်ကြမည်နည်း။

သူ့စကားက လတ်တလောတွင် မည်သို့ ဘဝရှင်သန်ရမည်ကို ဖော်ပြသည့် သုတ္တံကျမ်းကိုသတိရစေသည်။ ဉပမာ-ယခု ရိုးသားမှန်ကန်စွာကျင့်ကြံခြင်း (၁၁:၁)၊ ယခု မှန်သောမိတ်ဆွေကို ရွေးချယ်ခြင်း (၁၂:၂၆)၊ ယခုသမာသမတ်ကျကျ ရှင်သန်ခြင်း (၁၃:၆)၊ ယခုမှန်ကန် ကောင်းမွန်စွာ ဆုံးဖြတ်စီရင်ခြင်း (၁၃:၁၅)၊ ယခုစကားကို ပညာအမြော်အမြင်နှင့် ပြောဆိုခြင်း (၁၄:၃)တို့ဖြစ်သည်။

သန့်ရှင်းသောဝိညာဉ်တော်၏လမ်းပြမှုဖြင့်…

မိမိကိုယ်ကို စစ်ဆေးခြင်း

ဒုတိယကမ္ဘာစစ်အတွင်း ကျွန်ုပ်အဖေက အမေ့ထံပို့သည့်စာများကို မကြာမီက ကျွန်ုပ် ပြန်ဖတ်ဖြစ်သည်။ အဖေက အာဖရိကမြောက်ပိုင်းတွင်ရောက်နေပြီး အမေက အနောက်ဗာဂျီးနီးယား၌ ရှိနေသည်။ အဖေက အမေရိကန်စစ်တပ်၌ ဒုဗိုလ်ဖြစ်ပြီး သူ့တာဝန်မှာ ရန်သူများအမြင်၌ သင်္ကာမကင်းဖြစ်သွားမည့် အချက်အလက်များကို ထိန်းသိမ်းလျက် စစ်သားများ၏စာကို စစ်ကြောရန် ဖြစ်သည်။ ထို့ကြောင့် သူ့ဇနီးထံသို့ ရေးသားသောစာတွင် “ဒုဗိုလ်ဘရန်နန်မှ စစ်ဆေးပြီး” ဟု တံဆိပ်တုံးထုထားသည်ကို တွေ့ရသဖြင့် ရယ်စရာဟာသ ဖြစ်ခဲ့သည်။ သူ့စာမှ စာကြောင်းအချို့ကို သူပယ်ခဲ့ရသည်။

မိမိကိုယ်ကို စစ်ကြောခြင်းသည် ကျွန်ုပ်တို့အားလုံးအတွက် ကောင်းသော အကြံ ဖြစ်သည်။ မိမိအသက်တာ၌ မမှန်ကန်သော၊ ဘုရားဘုန်းမထင်ရှားသော အရာရှိမရှိ သေချာစွာ ကြည့်ရှုစစ်ဆေးရန် အရေးကြီးကြောင်း သမ္မာကျမ်းစာ၌ ကျမ်းရေးသူများ၏ ဖော်ပြချက်များစွာ ရှိသည်။ ဉပမာ - ဆာလံဆရာက “အိုဘုရားသခင်၊ အကျွန်ုပ်ကို စစ်ကြော၍ အကျွန်ုပ်၏နှလုံးကို သိမှတ်တော်…

အစွမ်းသတ္တိများမရှိတော့သောအခါ

နှစ်သက်ချစ်စဖွယ် သမီးလေးမဲလီဇာကို ကျွန်တော်တို့ ပြန်မရနိုင်တော့ပါ။ အထက်တန်းကျောင်းသူဘဝ ဝမ်းမြောက်စွာ ဘော်လီဘောကစားနေသည်ကို ကြည့်ခဲ့ရသည့် သာယာကြည်နူးဖွယ်အချိန်များသည် တဖြည်းဖြည်းနှင့်ကွယ်ပျောက် လေပြီ။ မိသားစုလိုက် လုပ်ငန်းဆောင်တာများလုပ်ဆောင်စဥ် ကျေနပ်နေသော ရှက်ပြုံး ပြုံးနေသည့်သူ့မျက်နှာပေါ်မှအပြုံးလေးကို သတိရစဥ် မပျော်နိုင်တော့ပါ။ သူ့အသက်၁၇နှစ်တွင် ကွယ်လွန်သွားသောခါ သူရှိနေခြင်း‌ကြောင့် ပျော်ရွှင်ရမှုများ ပြည်ဖုံးကားချပြီးဆုံးသွားပါတော့သည်။

ယေရမိမြည်တမ်းစကားတွင် ပရောဖက်ကြီးရေးထားသောစကားက နှလုံး ကြေကွဲတတ်ခြင်းသဘောကို သူနားလည်ကြောင်းဖော်ပြနေသည်။ "ငါသည် ထာဝရဘုရားရှေ့တော်၌ အစွမ်းသတ္တိနှင့်မျှော်လင့်စရာအကြောင်း ပျက်လေပြီ" ဟု သူဆိုသည်(၃:၁၈)။ သူကြုံရသည့်အခြေအနေသည် သင်နှင့်ကျွန်ုပ်၏ အခြေ အနေထက် အဆဆကွာခြားသည်။ သူသည် ဘုရားရှင်တရားစီရင်မည့် အကြောင်း ကိုဟောပြောပြီး ယေရုရှလင်မြို့ ဖမ်းသွားသိမ်းဆည်းခံရခြင်းကို မြင်ခဲ့ရသူဖြစ်သည်။ ရှုံးနိမ့်ခြင်းကြောင့်(:၁၂)၊ အထီးကျန်ခြင်းကြောင့်(:၁၄)၊ ဘုရားရှင်၏စွန့်ပစ်ခြင်း ခံရ ခြင်းကြောင့်(:၁၅-၂၀) အစွမ်းသတ္တိနှင့် မျှော်လင့်စရာအကြောင်းမရှိတော့ပေ။

သို့သော် ၎င်းသည် အဆုံးသတ်မဟုတ်ပါ။ ဝန်လေး၍ကြေကွဲနေသော ယေရမိက မျှော်လင့်စရာအလင်းတန်းရှိသေးကြောင်း မြည်တမ်းခဲ့သည်(:၂၁)။…

မည်သို့ ပြန်လည်တည်ဆောက်မည်နည်း

ရှေ့ဆက်ရမည့်လုပ်ငန်းကို စစ်ဆေးကြည့်ရှုရန် ခေါင်းဆောင်က ညအချိန်၌ မြင်းစီးပြီး ထွက်သွားသည်။ သူ့ပတ်လည်ရှိ အပျက်အစီးများကို လှည့်လည် ကြည့်ရှုရင်း မြို့ရိုး ပြိုပျက်လျက်ရှိခြင်း၊ မြို့တံခါးမီးလောင်ပျက်စီးခြင်းကို သူမြင်ခဲ့ သည်။ အချို့နေရာများတွင် အပျက်အစီးများက များလွန်း၍ မြင်းသွားရန်ပင် အခက်အခဲဖြစ်သည်။ ဝမ်းနည်းမှုဖြင့် သူအိမ်သို့လှည့်ပြန်ခဲ့သည်။

မြို့မှတာဝန်ရှိသူများထံ အပျက်အစီးများတင်ပြရန် အချိန်ကျသောအခါ “ငါတို့ ခံရသော ဆင်းရဲခြင်းကို ... သင်တို့သိမြင်ကြ၏” (နေဟမိ ၂:၁၇)ဟု အစချီကာ မြို့တစ်မြို့လုံးပျက်စီးလျက် မြို့၏အကွယ်အကာဖြစ်သည့်မြို့ရိုးမှာလည်း အသုံးမဝင် ဖြစ်နေကြောင်း ဆိုခဲ့သည်။

ထိုနောက် ဒုက္ခရောက်နေသည့်မြို့သားများအား “ငါ၏ဘုရားသခင်သည် ငါ့အား ပြုတော်မူသောကျေးဇူးကိုလည်းကောင်း၊ ရှင်ဘုရင်မိန့်တော်မူသော စကားကို လည်းကောင်း ကြားပြောလျက်” အားပေးရာ၊ “သူတို့က ငါတို့သည် ထ၍တည်ကြ ကုန်အံ့”ဟု ဆိုကြသည် (:၁၈)။ တကယ်လည်း ထ၍တည်ကြသည်။

ရန်သူများက ဆီးတားလည်း၊ မဖြစ်နိုင်သော အမှုဟု…

စကားမပြောနိုင်သောသူ

Belize မြို့ရှိ သက်ကြီးရွယ်အိုပြုစုစောင့်ရှောက်ရေးဂေဟာ၌ သက်ကြွယ်တစ်ဦးသည် ဘီးတပ်ကုလားထိုင်ပေါ်ထိုင်ပြီး အမေရိကန်နိုင်ငံမှ အထက်တန်းကျောင်းသား ဆယ်ကျော်သက်လေးများ၏ သခင်ယေရှုအကြောင်း သီချင်းဆိုနေသည်ကို ရွှင်လန်း ဝမ်းမြောက်စွာ နားထောင်နေသည်။ နောက်ပိုင်းတွင် ဆယ်ကျော်သက် လူငယ်လေး အချို့က သူနှင့် စကားပြောရန်ကြိုးစားရာ သူစကားမပြောနိုင်ကြောင်း သိရှိခဲ့ရသည်။ လေဖြတ်ထားခြင်းကြောင့် စကားမပြောနိုင်ခြင်းဖြစ်သည်။

သူနှင့်စကားဆက်ပြောရန် မဖြစ်နိုင်သည့်အတွက် ဆယ်ကျော်သက်လေးများက သူ့ကိုသီချင်းဆိုပြရန် ဆုံးဖြတ်ကြသည်။ လူငယ်လေးများ သီချင်းစဆိုသည်နှင့် အံ့သြဖွယ်ရာတစ်ခု ဖြစ်ပျက်ခဲ့သည်။ စကားမပြောနိုင်သူက စပြီးသီချင်းဆိုလာ သည်။ စိတ်အားထက်သန်မှုဖြင့် "ကိုယ်တော်သာလျှင် ကြီးမြတ်မူပေ"ဟု သူ့မိတ်ဆွေ လေးများနှင့်အတူ ကျယ်လောင်စွာအားရပါးရသီဆိုလေသည်။

လူတိုင်းအတွက် မှတ်သားလောက်ဖွယ် အခိုက်အတန့်အချိန်လေးပင်ဖြစ်သည်။ ဤသူ၏ ဘုရားသခင်အပေါ်ချစ်ခြင်းက အတားအဆီးများကိုချိုးဖျက်ပြီး စိတ်နှလုံး အကြွင်းမဲ့၊ ဝမ်းမြောက်စွာကိုးကွယ်ခြင်းတည်းဟူသော နှုတ်ဖြင့်ဝတ်ပြုကိုးကွယ်ခြင်းကို သွန်းလောင်းခဲ့သည်။

ကျွန်ုပ်တို့အသီးသီး၌ ဝတ်ပြုကိုးကွယ်ခြင်းကို တားဆီးသည့်အရာများ မကြာခဏ ရှိတတ်ပါသည်။ ပေါင်းသင်းဆက်ဆံရေး၌ပဋိပက္ခဖြစ်ခြင်း၊ ငွေကြေး ပြဿနာ…

ဘုရားသခင်ကို ရှာခြင်း

လောကတွင် အားထုတ်လျက် မိမိအိမ်မက်ကို အကောင်အထည်ဖော်သူများကိုကြည့်ပြီး စိတ်၌လှုံ့ဆော်မှုဖြစ်ရသည်။ သုံးနှစ်အတွင်း ဘွဲ့ရအောင်စိတ်ပိုင်းဖြတ်လျက် အားထုတ်ခဲ့သည့် အသိအမျိုးသမီးငယ်တစ်ဦးသည် မကြာမီက သူဘွဲ့ရခဲ့သည်။ အခြား မိတ်ဆွေတစ်ဦးကလည်း ကိတ်မုန့်ဖုတ်ရောင်းပြီး သူလိုချင်သည့်ကားဝယ်နိုင်အောင်လုံ့လစိုက်၍ အလုပ်လုပ်ခဲ့သည်။ အရောင်းဝန်ထမ်းမိတ်ဆွေတစ်ဦးကလည်း အပတ်စဥ် ဖောက်သည် အယောက် ၁၀၀ ရအောင် ကြိုးစားသည်။

တန်ဖိုးရှိသောလောကအရာများကို တစိုက်မတ်မတ်ကြိုးစားရှာခြင်းမှာ ကောင်းသော် လည်း ထိုအရာများထက်ပိုအရေးကြီးသောအရာကိုရှာရန် ကျွန်ုပ်တို့ ဆင်ခြင်သင့်သည်။

ကန္တာရထဲတွင် ဒါဝိဒ်မင်းကြီး ဆောက်တည်ရာမရဖြစ်လျက် “အို ဘုရားသခင်၊ ကိုယ်တော်သည် အကျွန်ုပ်၏ဘုရားသခင်ဖြစ်တော်မူ၏။ ကိုယ်တော်ကို ကြိုးစား၍ ရှာပါ၏” (ဆာ ၆၃:၁) ဟုဆိုခဲ့သည်။ ထိုသို့ဟစ်ခေါ်ရာ ဘုရားရှင်သည် ပူဆွေးနေ သော ဒါဝိဒ်မင်းထံပါးချဥ်းလာသည်။ သူ့စိတ်ဝိညာဉ်၌ ဘုရားရှင်ကို နက်နဲစွာ ဆာငတ် နေမှုအတွက် ဘုရားရှင်၏မျက်မှောက်တော်၌သာ ကျေနပ်နှစ်သိမ့်မှု ရနိုင်ပါသည်။

သန့်ရှင်းရာဌာနတော်၌(:၂) ကိုယ်တော်၏မေတ္တာလွှမ်းခြုံလျက်၊ ကိုယ်တော်ကို နေ့ရက်အစဥ်…

ပန်းတိုင်နှင့် ရည်မှန်းချက်

၂၀၁၈ ခုနှစ်၌ အားကစားသမား Colin O'Brady သည် ယခင်က တစ်ခါမှ သူမလုပ်ဖူးသည့် ခြေကျင်ခရီးကို စတင်ခဲ့သည်။ သူ့နောက်တွင် ရိက္ခာများတင်ထားသည့် စွတ်ဖားလှည်းကို ဆွဲရင်း ၅၄ ရက် အတွင်း ၉၃၂ မိုင်ခရီးရှိသည့် အန္တာတိကတိုက် တစ်တိုက်လုံးကို တစ်ဦးတည်း ခြေကျင်သွားခဲ့သည်။ ထိုခရီးသည် စိတ်နှစ်မြှုပ်ထားပြီး သတ္တိအပြည့်နှင့်သွားရသည့် အလွန်လေးနက်သောခရီးပင်ဖြစ်သည်။

ရေခဲပြင်ပေါ်တွင် သူတစ်ဦးတည်းရှိနေသည့်အချိန်၊ အအေးဒဏ်နှင့် ထိပ်လန့်စရာ ကောင်းသည့် ခရီးအကွာအဝေးအပေါ် ပြန်လည်သုံးသပ်ရာ သူက “ဒီခရီးစဉ်ရဲ့ ကြီးမားတဲ့ သင်ခန်းစာတွေကို စိတ်ထဲမှာပြန်ရေတွက်ရင်း စိတ်ထက်သန်စွာနဲ့အားထုတ်မှုမှာပဲ ကျွန်တော့်စိတ်ကို တစ်ချိန်လုံး အပြည့်အဝမြှုပ်နှံထားပြီး အဲဒီအထဲ မှာပဲ နစ်မျောနေခဲ့တယ်။ ထိုနည်းတူစွာ ရောက်ရှိရမယ့်ပန်းတိုင်ကိုလည်း တန်းတူ အာရုံစိုက်ထားခဲ့တယ်” ဟု ဆိုသည်။

သခင်ယေရှုကိုယုံကြည်သူ ကျွန်ုပ်တို့အတွက် ဤအဆိုက ရင်းနှီးကျွမ်းဝင်ပြီးသား ဖြစ်မည်။ ၎င်းသည် ယုံကြည်သူများအဖြစ်…

မတွေးတတ်လောက်အောင်ပင်

ဘာ့မေးလဒ် သည် ၂၀၀၁ ခုနှစ်တွင် အလွန်ကျော်ကြားခဲ့သော “I can only Imaginie” စဥ်းစားကြည့်ရုံသာ သီချင်းကို ရေးစပ်ခဲ့သည်။ သီချင်းလေးက ဘုရားရှင်၏ မျက်မှောက်တော်တွင် ရှိနေခြင်းက မည်မျှအံ့သြဖွယ်ကောင်းသည့်အကြောင်းကို ဖော်ပြ ထားသည်။ နောက်တစ်နှစ်တွင် ကျွန်တော်တို့၏ ၁၇နှစ်အရွယ်သမီးလေး မယ်လစ်ဇာ ကားမတော်တဆမှုဖြင့် ကွယ်လွန်သွားသောအခါ မေးလဒ်၏ စာသားများက မိသားစုအတွက် သက်သာမှုကို ဖြစ်စေပြီး ဘုရားရှင်၏မျက်မှောက်တော်တွင် သမီးလေး မည်သို့မည်ပုံ ရှိနေမည့် အကြောင်းကို ကျွန်တော်တွေးဆင်ခြင်မိသည်။

သို့သော် သမီးကွယ်လွန်ပြီး နောက်တစ်နေ့တွင် ထိုသီချင်းက ကျွန်တော့်အား အခြားတစ်နည်းဖြင့် စကားပြော ခဲ့သည်။ သမီးလေးသူငယ်ချင်း၏ဖခင်များက မေတ္တာပြလျက် ကျွန်ုပ်ထံလာပြီး ဝမ်းနည်းမှုအပြည့်ဖြင့် နာကျင်စွာဖြင့် “ခင်ဗျားဘယ်လို ဖြတ်သန်းနေရမလဲဆိုတာကို ကျွန်တော် တို့ဖြင့် တွေးတောင်မတွေးတတ်ဘူးဗျာ”ဟုပြောပါသည်။

သူတို့၏စကားက ကျွန်တော်တို့၏ ဆုံးရှုံးမှုအတွက် ကိုယ်ချင်းစာနာလျက် ညှိုးငယ်စိတ်အပြည့်ဖြင့် မတွေးရဲသော…