ငြိမ်သက်စွာနေလော့

သီးသန့်ရေကန်အခန်းတွင် ကျွန်မ၏ခန္ဓာကိုယ်သည် ရေပေါ်၌ သက်သောင့် သက်သာ လွင့်မျောသွားကာ အခန်းသည် အမှောင်ကျသွားပြီး နောက်ခံတီးခတ်နေသည့် ညင်သာသောဂီတသံလည်း တိတ်ဆိတ်သွားသည်။ သီးသန့်ရေကန်များသည် ကုထုံးတစ်ခုဖြစ်ပြီး စိတ်ဖိစီးမှုနှင့် စိုးရိမ်ပူပန်မှုများကို သက်သာရာရစေသည်ဟု ကျွန်မဖတ်ဖူးသည်။ သို့သော် ၎င်းသည် ကျွန်မတစ်ခါမှ မကြုံဖူးသောအရာဖြစ်သည်။ ကမ္ဘာကြီး၏မငြိမ်မသက်မှုများ ရပ်သွားသကဲ့သို့ ခံစားခဲ့ရပြီး ကျွန်မ၏အတွင်းအကျဆုံး အတွေးများကို ရှင်းရှင်းလင်းလင်း ကြားနေရသည်။ ဟန်ချက်ညီပြီး ပြန်လည်အားသစ်လောင်းမှု ခံစားရလျက် ငြိမ်သက်ခြင်းတွင် စွမ်းအားရှိကြောင်း ကျွန်မသိခဲ့ရသည်။

ခွန်အားကို ပြန်လည်အသစ်ပြုပြင်ပေးသော ဘုရားသခင်သည် ကျွန်မတို့နေ့စဥ်ရင်ဆိုင်ရသော အခက်အခဲများကို ကိုင်တွယ်ဖြေရှင်းရန် လိုအပ်သော ဉာဏ်ပညာကို ပေးသနားပြီး၊ ငြိမ်ဝပ်စွာ ဘုရားသခင်၏ရှေ့တော်မှောက်တွင် ကျွန်မတို့အေးချမ်းသက်သာစွာ အနားယူနိုင်သည်။ ဆူညံမှုများကို တိတ်ဆိတ်စေပြီး အသက်တာ၏အနှောင့်အယှက်များကို ဖယ်ရှားလျက် ကျွန်မတို့ငြိမ်ဝပ်စွာနေလျှင် ကိုယ်တော်၏နူးညံ့သိမ်မွေ့သောအသံကို ပို၍ ရှင်းလင်းစွာကြားရအောင် ကိုယ်တော်သည် ကျွန်မတို့အား ခွန်အားပေးသည် (ဆာ ၃၇:၇)။…

ဘုရားသခင်၏အတူရှိမှုကို ဦးစားပေးခြင်း

၂၀၀၉ ခုနှစ်က အမေရိကန်နိုင်ငံ၊ Standford (စတန်းဖေါ့) တက္ကသိုလ်မှ သုတေသနအဖွဲ့တစ်ဖွဲ့သည် အလုပ်နှင့်မှတ်ဉာဏ်လေ့ကျင့်ခန်း တစ်လှည့်စီလုပ်ရသော စမ်းသပ်မှုကို ကျောင်းသား (၂၀၀) ကျော်တို့အား စမ်းသပ်လေ့လာခဲ့သည်။ ထိုလေ့လာချက်မှ မိမိကိုယ်ကို အလုပ်များစွာ လုပ်နိုင်သူအဖြစ်ရှုမြင်ပြီး တစ်ချိန်တည်း၌ အလုပ်အတော်များများလုပ်သည့် အကျင့်ရှိသော ကျောင်းသားများသည် တစ်ချိန်၌ အလုပ်တစ်ခုကိုသာ လုပ်ရန် ပိုနှစ်သက်သူတို့ထက် အခြေအနေဆိုးကြောင်း အံ့ဩဖွယ် တွေ့ရှိခဲ့ကြသည်။ အလုပ်များစွာလုပ်ခြင်းက သူတို့အတွက် အာရုံစူးစိုက်ရန်နှင့် မဆီလျော်သော သတင်းအချက်အလက်များ စစ်ဆေးရန် ပို၍ခက်ခဲစေသည်။ စိတ်အာရုံလွင့်ပါးနေချိန်၌ အာရုံစူးစိုက်မှုကို ထိန်းထားနိုင်ရေးမှာ စိန်ခေါ်ချက်ဖြစ်သည်။

မာရိ၊ မာသတို့၏အိမ်သို့ သခင်ယေရှုရောက်လာချိန်၌ မာသက အလုပ်ရှုပ် လျက် “လုပ်ကျွေးခြင်းအမှုများ၌ စိတ်ပူပန်ခြင်းရှိ”နေသည် (လု ၁၀:၄၀)။ သူ့ညီမ မာရိကမူ သခင်ယေရှု၏သွန်သင်ချက်ကို နားထောင်ခံယူရန် ရွေးချယ်လျက် သူမထံမှ ဘယ်သောအခါမှ မနှုတ်မယူနိုင်သည့် ပညာဉာဏ်နှင့် ငြိမ်သက်ခြင်းကို…

အသံ၏အစွမ်းတန်ခိုး

သမိုင်းတစ်လျှောက် စွမ်းအားအကြီးဆုံး ဟောပြောသူများသည် အပြုသဘောဆောင်သည့် အပြောင်းအလဲဖြစ်ပေါ်စေရန် သူတို့၏အသံကို အသုံးပြုခဲ့ကြသည့် ခေါင်းဆောင်များဖြစ်ကြသည်။ ကျွန်စနစ်ဖျက်သိမ်းရေးနှင့် လွတ်လပ်ရေးအတွက် ပြောကြားခဲ့သည့် Frederick Douglass (ဖရက်ဒရစ်ဒေါက်ဂလပ်စ်)၏ မိန့်ခွန်းများသည် အမေရိကန်ပြည်ထောင်စု၌ ငွေဝယ်ကျွန်စနစ် အဆုံးသတ်စေရန် လမ်းပြပေးခဲ့သည့် လှုပ်ရှားမှုတစ်ရပ်ကို လှုံဆော်ဖြစ်ပေါ်စေခဲ့သည်။ ဆိတ်ဆိတ် နေရန်သာ သူရွေးချယ်ခဲ့ပါက မည်သို့ဖြစ်ခဲ့မည်နည်း။ သူတစ်ပါးကို အားပေးမစရန် မိမိ၏အသံကို အသုံးပြုနိုင်စွမ်း ကျွန်ုပ်တို့၌ ရှိနေသည်။ သို့ရာတွင် ဖော်ထုတ်ပြောဆိုရန်ကြောက်ရွံ့မှုက စိတ်ခြောက်ခြားစရာဖြစ်နိုင်သည်။ ထိုကြောက်စိတ်၏လွှမ်းမိုးမှုခံရချိန်တွင် ကျွန်ုပ်တို့၏ဉာဏ်ပညာနှင့် ခွန်အားအရင်းအမြစ်ဖြစ်သော ဘုရားသခင်ကို ကျွန်ုပ်တို့မျှော်ကြည့်နိုင်ပါသည်။

တိုင်းနိုင်ငံများ၏ပရောဖက်အဖြစ် ယေရမိအား ဘုရားသခင်ခေါ်ချိန်၌ သူသည် ချက်ချင်းပင် သူ၏စွမ်းရည်ကို စတင်သံသယဖြစ်ခဲ့သည်။ “အကျွန်ုပ်သည် မဟောမပြောတတ်ပါ။ သူငယ်ဖြစ်ပါ၏” ဟု သူထိန့်လန့်စွာ ဆိုခဲ့သည် (ယေ ၁:၆)။ သို့ရာတွင် သူ၏အသံအားဖြင့် မျိုးဆက်တစ်ခုအား တိုက်တွန်းခွန်အားပေးရန် ဘုရားသခင်၏ မြင့်မြတ်သောခေါ်ယူစေစားမှု၌…

ယုံကြည်ခြင်းဖြင့် လှမ်းခုန်ခြင်း

Caribbean (ကာရီဘီယန်) ဒေသ၊ St. Lucia (စိန့်လူစီးရာ)ကျွန်းပေါ်ရှိ အမြဲစိမ်းသစ်တော၏ အမြင့်ဆုံးလင့်စင်မှ သွယ်ကြိုးပုခက် (zip line)စီးရန် ပြင်နေစဉ် ကျွန်မ၌ အကြောက်တရားများစုပြုံလာသည်။ မျှော်စင်ပေါ်မှမခုန်မီ စက္ကန့်ပိုင်း အလိုတွင် အလွဲလွဲ အ‌ချော်‌ချော်ဖြစ်သွားနိုင်ချေရှိသမျှကို ကျွန်မစိတ်ထဲ တွေးနေမိသည်။ သို့သော် နောက်လှည့်ပြန်စရာလမ်း မရှိသလောက်မို့ စုစည်းနိုင်သမျှ သတ္တိတို့ကိုစုစည်းကာ ကျွန်မခုန်လိုက်သည်။ ကျွန်မသည် သစ်တောထိပ်ဖျားမှစိမ်းစိုသောသစ်ပင်များကြား ဖြတ်သန်းကျသွားပြီး ကျွန်မဆံနွယ်ကို လေတိုးသွားစဥ် ကျွန်မ၏စိုးရိမ်စိတ်တို့ လျော့သွားသည်။ ‌အောက်သို့ တရွေ့ရွေ့ကျသွားပြီး နောက် လင့်စင်တစ်ခုကို ရှင်းရှင်းမြင်ရပြီးနောက် ညင်ညင်သာသာ ရပ်တန့်မှုကြောင့် ကျွန်မလုံခြုံစွာရောက်သွားပြီဟု သိလိုက်ရသည်။

ထိုသွယ်ကြိုးပုခက်ပေါ်မှအတွေ့အကြုံက ကျွန်မတို့အား အသစ်သောစိန်ခေါ်မှုများကို ဘုရားရှင်ရင်ဆိုင်စေခြင်းနှင့် အလားသဏ္ဌာန်တူပါသည်။ သံသယနှင့်မရေရာမှုတို့ကို ခံစားရသောအခါ “ကိုယ်ဉာဏ်ကိုအမှီမပြု”ရန် (သု ၃:၅) သမ္မာကျမ်းစာက ကျွန်မတို့အား သင်ပြပါသည်။ ကျွန်မတို့၏စိတ်၌ အကြောက်တရားနှင့်သံသယများ ပြည့်နေလျှင် ကျွန်မတို့သွားရာလမ်းများသည်…

ဝမ်းနည်းခြင်းနှင့် ဝမ်းမြောက်ခြင်း

Angela (အန်ဂျလာ)၏မိသားစုသည် ရက်သတ္တပတ် လေးပတ်တာကာလအတွင်း ဆွေမျိုးအရင်းအချာ (၃) ဦး သေဆုံးသွားသောကြောင့် ဝမ်းနည်းပူဆွေးမှုကို ဆက်တိုက်တွေ့ကြုံခံစားရခဲ့ရသည်။ သူ၏တူ ရုတ်တရက်သေဆုံးပြီးနောက် သူနှင့် သူ့ညီအစ်မနှစ်ဦးသည် အရိုးအိုးဝယ်ရန်၊ အစားအသောက်ဝယ်ရန်နှင့် ဈာပနအခမ်းအနား တတ်ရောက်ရန် အပြင်ထွက်ခြင်းမှလွဲ၍ သုံးရက်တာမျှ မီးဖိုချောင်စားပွဲပတ်လည်တွင် တွေ့ဆုံခဲ့ကြသည်။ တူလေးဆုံးပါးခြင်းအတွက် သူတို့ဝမ်းနည်းခဲ့သော်လည်း ညီမ‌ထွေး၏ဝမ်းတွင်း၌ ရှင်သန်ကြီးထွားနေသော အသက်သစ်ကို အယ်လ်ထရာစောင်း ဓာတ်မှန်ရိုက်ထားသည့်ရုပ်ပုံများကို ကြည့်ပြီး ပျော်ခဲ့ကြသည်။

ဤအချိန်တွင် အန်ဂျလာသည် ဓမ္မဟောင်းကျမ်းရှိ ဧဇရမှတ်စာမှ သက်သာရာနှင့် မျှော်လင့်ခြင်းကို တွေ့ရှိခဲ့သည်။ ဗာဗုလုန်လူတို့သည် ဗိမာန်တော်ကို ဖျက်ဆီးပြီး ဣသရေလလူမျိုးတို့ကို ၎င်းတို့ချစ်သောမြို့တော်မှဆွဲထုတ် ဖမ်းဆီးခေါ်ဆောင် သွားပြီးနောက်၊ လူမျိုးတော်တို့ ယေရုရှလင်မြို့သို့ ပြန်လာသည့်အကြောင်းကို ဖော်ပြထားသည် (ဧဇ ၁)။ ဗိမာန်တော်ပြန်လည်တည်ဆောက်မှုကို ဧဇရကြည့်ရှုစဥ် ဘုရားသခင်အား ဝမ်းမြောက်စွာ ချီးမွမ်းသံကို ကြားခဲ့သည် (၃:၁၀-၁၁)။ သို့သော် ဖမ်းဆီးခေါ်ဆောင်မခံရမီက…

ပြန်လည်ထိန်းသိမ်းပေးသော ဘုရားသခင်

၁၉၆၆ ခုနှစ်၊ နိုဝင်ဘာလ (၄) ရက်တွင် အီတလီနိုင်ငံ ဖလောရန့်မြို့၌ ဆိုးဝါးသော ရေလွှမ်မိုးမှုကြီးကြောင့် Giorgio Vasari (ဂျော်ဂျီရိုဗာစာရီ)၏လက်ရာ ထင်ရှားသော ပန်းချီကားဖြစ်သည့် “နောက်ဆုံးညစာစားပွဲ”သည် ရွှံ့၊ ရေနှင့် လောင်ကျွမ်းနေသော ဆီအိုင်တွင် (၁၂) နာရီကျော်ကြာ နှစ်မြှုပ်နေခဲ့သည်။ ဆေးများအရောင်ဖျော့သွားကာ သစ်သားဘောင်လည်း သိသိသာသာ ပျက်စီးသွားသဖြင့် လူအများက ထိုလက်ရာကို ပြုပြင်၍မရနိုင်တော့ဟု ယုံကြည်ကြသည်။ သို့သော် ကျွမ်းကျင်သူများ၊ စေတနာ့ဝန်ထမ်းတို့၏ နှစ် (၅၀) မျှ အကြာကြီး ကိုယ်စွမ်းဉာဏ်စွမ်းရှိသမျှ အားစိုက်ထုတ်မှုကြောင့် မှတ်ကျောက်တင်လောက်သော ဧရာမအတားအဆီးများကို အောင်မြင်ကျော်လွှားနိုင်ခဲ့ပြီး တန်ဖိုးရှိသောပန်းချီကို ပြန်လည်ထိန်းသိမ်းနိုင်ခဲ့သည်။

ဗာဗုလုန်လူတို့ ဣသရေလပြည်ကို တိုက်ခိုက်သိမ်းပိုက်ခဲ့ပြီးနောက် ဣသရေလ လူမျိုးတို့သည် မျှော်လင့်ချက်မဲ့စွာ ခံစားခဲ့ရပြီး၊ ပတ်လည်တွင် သေကြေပျက်စီးမှုများ၊ ဆုံးရှုံးမှုများ ဝိုင်းလျက် ပြန်လည်ထိန်းသိမ်း တည်ဆောက်ပေးမှုကို လိုအပ်‌နေ သည် (မြည်…

ပြန်လည်သင့်မြတ်လာသော ဆက်ဆံရေးများ

ကျွန်မနှင့် ကျွန်မညီမတို့ ငယ်စဉ်က မကြာခဏရန်ဖြစ်ခဲ့ကြပြီး၊ မှတ်မှတ်ရရ တစ်ကြိမ်ကို ကျွန်မမှတ်မိနေသည်။ အချင်းချင်းနာကျင်စေမည့်စကားများနှင့် ကျွန်မတို့ အပြန်အလှန်အော်ဟစ်ခဲ့ကြပြီး ထိုအချိန်က ကျွန်မခွင့်မလွှတ်နိုင်ဟုထင်ခဲ့သည့် စကားတစ်ခွန်းကို သူမပြောခဲ့သည်။ ကျွန်မတို့ကြားမှရန်လိုမှုကို မြင်တွေ့နေသော အဘွားက ကျွန်မတို့ တစ်ယောက်ကိုတစ်ယောက် ချစ်ရမည့်တာဝန်ရှိကြောင်း၊ “ဘုရားသခင်က သမီးတို့ကို ညီအစ်မတစ်ယောက်စီပဲ ပေးထားတာ၊ တစ်ယောက်ကို တစ်ယောက် နည်းနည်းကရုဏာပြကြပါလား” ဟု ပြောကာ သတိပေးခဲ့သည်။ ကျွန်မတို့အား ချစ်ခြင်းနှင့်နားလည်မှုတို့ဖြင့် ဖြည့်ဆည်းပေးရန် ဘုရားသခင်အား တောင်းလျှောက်သောအခါ ကျွန်မတို့ တစ်ယောက်ကို တစ်ယောက် မည်သို့နာကျင်စေခဲ့သည်ကို သိမှတ်ဝန်ခံစေပြီး တစ်ယောက်ကို တစ်ယောက် ခွင့်လွှတ်နိုင်အောင် ဘုရားသခင် မစခဲ့သည်။

နာကျည်းမှုနှင့်ဒေါသကို ဖက်တွယ်ထားရန် လွယ်ပါသည်။ သို့သော် မကျေမချမ်း ခံစားနေရမှုမှ လွတ်မြောက်ရန် ဘုရားရှင်အား တောင်းလျှောက်ပါမှ ရနိုင်မည့် ငြိမ်သက်မှုမျိုးကို ကျွန်မတို့ ခံစားရရှိရန် ဘုရားသခင်အလိုရှိသည် (ဧ…

ဘုရားသခင်ထံမှ ခွန်အားရှာဖွေတွေ့ရှိခြင်း

ဘောလုံးသမား Christian Pulisic (ခရစ်ရှန် ပူလီစစ်) သည် သူ၏ အသက်မွေး ဝမ်းကျောင်းအလုပ်ကို ထိခိုက်စေသည့်အထိ ဒဏ်ရာများ မကြာခဏရရှိခဲ့သည်။ ချန်ပီယံအကြို ဗိုလ်လုပွဲတစ်ခုတွင် သူ့အား ဦးစားပေးကစားသမားအဖြစ် ကန်ခွင့်မပေးကြောင်းသိရသည့်အခါ သူစိတ်ပျက်ခဲ့သော်လည်း ဘုရားသခင်က သူ့ကိုယ်ကို မည်ကဲ့သို့ ထင်ရှားပြခဲ့ကြောင်းကို သူဖော်ပြခဲ့သည်။ “ဘုရားသခင်ထံ ကျွန်တော်ချဉ်းကပ်တိုင်း ကျွန်တော့်ကို သူအမြဲ ခွန်အားပေးတယ်။ ကျွန်တော်နဲ့အတူရှိနေတဲ့သူတစ်ယောက် ကျွန်တော့်မှာ အမြဲရှိနေတယ်လို့ ခံစားမိတယ်။ အဲဒီလို မခံစားရဘူးဆိုရင် ကျွန်တော်ဘယ်လိုလုပ်ရမလဲဆိုတာ ကျွန်တော် မသိတော့ဘူး” ဟု သူပြောပြသည်။ ပွဲကစားချိန်နောက်ပိုင်းမှသာ သူ့ကို လူစားထိုးကစားစေသည့်အချိန်တွင် သူသည် ကြီးမားသောခွန်အားဖြင့် အားသွန်ခွန်စိုက် ကစားနိုင်ခဲ့သည်။ သူ၏ ကျွမ်းကျင်မှုကိုအသုံးချပြီး အနိုင်ဂိုးကို သွင်းယူကာ ချန်ပီယံဆုအတွက် ဗိုလ်လုပွဲသို့ တက်လှမ်းနိုင်ခဲ့သည်။ ဤအတွေ့အကြုံမှ မိမိ၏အားနည်းချက်ကို ဘုရားသခင်၏ တိုင်းတာ၍မရသော တန်ခိုးတော်ကို ဖွင့်ဟပြသရန် အခွင့်အရေးအဖြစ်ရှုမြင်ရန်…

ဝိညာဉ်အသစ်ပြုပြင်ခြင်း

တရုတ်ဆေးပညာတွင် အရေပြားပေါ်ရှိ ဆဲလ်သေများဖယ်ရှားရန် ပုလဲအင်းဆက်များပါဝင်သည့် ပုလဲကြေးချွတ်မှုန့်များကို နှစ်ပေါင်းများစွာ အသုံးပြုနေကြသည်။ ရိုမေးနီးယားနိုင်ငံတွင် အသားအရေကို ပျိုမြစ်စေကာ ဝင်းဝါစေသည့် ကြေးချွတ်ဆေး အဖြစ် နုပျိုစေသည့်ဆေးရွှံ့များကို တွင်ကျယ်စွာ အသုံးပြုနေသည်။ တစ်ကမ္ဘာလုံးရှိ လူများသည် အမွဲခြောက်ဆုံးအသားရေကိုတောင် ပြန်လည်သစ်လွင်စေနိုင်သည်ဟု ၎င်းတို့ယုံကြည်သည့် အလှကုန်ပစ္စည်းများကို အသုံးပြုကြသည်။

ကျွန်ုပ်တို့၏ရုပ်ခန္ဓာကို ထိန်းသိမ်းရန် ဖန်တီးထားသည့်အရာများက ကျွန်ုပ်တို့အား ခဏတာကျေနပ်ပျော်ရွှင်မှုကိုသာ ပေးနိုင်သည်။ သာ၍ အရေးကြီးသည်မှာ ကျွန်ုပ်တို့ဝိညာဉ်ပိုင်းဆိုင်ရာ ကျန်းမာကြံ့ခိုင်နေရန်ဖြစ်သည်။ ခရစ်တော်၌ ယုံကြည်သူများဖြစ်သည့် ကျွန်ုပ်တို့သည် သခင်အားဖြင့် အတွင်းဝိညာဉ်ပြုပြင်ခြင်း ခံရပါသည်။ “ငါတို့၏ပြင်လူသည် ဖောက်ပြန်ပျက်စီးခြင်းသို့ ရောက်သော်လည်း၊ အတွင်းလူမူကား တစ်နေ့ထက်တစ်နေ့ ပြုပြင်ခြင်းကို ခံရ၏” (၂ ကော ၄:၁၆)။ ကြောက်ရွံ့မှု၊ နာကျင်မှုနှင့် စိုးရိမ်မှုတို့ကိုသာ စွဲကိုင်ထားလျှင် နေ့စဥ်စိန်ခေါ်မှုများက ကျွန်ုပ်တို့ကို ဆွဲချသွားမည်ဖြစ်သည်။ “ထင်ရှားသော အရာတို့ကို မကြည့်မမှတ်ဘဲ မထင်ရှားသောအရာတို့ကို…

အချည်းနှီး ပြေးခြင်း

သူနာပြုတစ်ဦးအနေဖြင့် ကမ္ဘာလုံးဆိုင်ရာ ကျန်းမာရေးကပ်ဘေးကို ကြံ့ကြံ့ခံကျော်နိုင်ပါ့မလားဟု မျှော်လင့်ချက်မဲ့မှုကို ပြောပြရင်း “ဒါကို ဆက်လုပ်နိုင်မယ်လို့ မထင်ဘူး”ဟု ကျွန်မသူငယ်ချင်းက မျက်ရည်ကျလျက် ဆိုသည်။ “သူနာပြုအလုပ်အတွက် ဘုရားသခင် ကိုယ့်ကိုခေါ်တာ သိပါတယ်။ ဒါပေမဲ့ ဒါကိုကျော်လွှားနိုင်ဖို့က အခြေအနေက ကြီးမားလွန်းတယ်။ ငါ့ရဲ့ခံစားချက်တွေလည်း လုံးပါးပါးနေပြီ” ဟု သူအားနည်းစွာ ဝန်ခံသည်။ နွမ်းလျမှုတိမ်စိုင်က သူ့ထံချဥ်းလာသည်ကို မြင်နေရပြီး “ခုအချိန်မှာ နင်ကူညီရာမဲ့စွာ ခံစားနေရတာ သိပါတယ်။ ဒါပေမဲ့ နင်ရှာနေတဲ့ ဦးတည်ရာကို ပြဖို့နဲ့ သည်းခံနိုင်မဲ့ခွန်အားကို ဘုရားသခင်ဆီမှာ ဆုတောင်းပါ” ဟု ကျွန်မပြောရာ၊ ဆုတောင်းလျက် ဘုရားသခင်ကိုရှာရန် သူဆုံးဖြတ်ခဲ့သည်။ မကြာမီ သူငယ်ချင်းသည် ရည်ရွယ်ချက်အသစ်ဖြင့် ပြန်လည်ရွှင်လန်းကာ ခွန်အားသစ်တိုးလာခဲ့သည်။ သူနာပြုအလုပ်ကို ဆက်လုပ်ရန် သတ္တိရှိလာသည်သာမက နိုင်ငံတစ်ဝန်းရှိ ဆေးရုံများသို့ပါ လှည့်လည်သွားကာ လူများစွာကို တိုး၍အစေခံရန် ဘုရားရှင် သူ့အား ခွန်အားပေးခဲ့သည်။…