ကျွန်ုပ်တို့၏စစ်မှန်သောပင်ကိုမူလ
ကျွန်တော့်မိဘများ၏ ဓာတ်ပုံ အယ်လ်ဘမ်ဟောင်းထဲတွင် သူငယ်တစ်ဦး၏ပုံ ရှိသည်။ မျက်နှာဝိုင်းဝိုင်း၊ မဲ့ခြောက်နှင့် ဖြောင့်စင်းနေသော ရွှေဝါရောင်ဖေော့ ဆံပင် ရှိသူဖြစ်သည်။ ကာတွန်းကားကို နှစ်သက်ပြီး ထောပတ်သီးကို မကြိုက်ပါ။ Abbaအဖွဲ့၏သီချင်းဓာတ်ပြားတစ်ခုကို သူပိုင်သည်။ ထိုအယ်လ်ဘမ်ဟောင်းထဲတွင် ဆယ်ကျော်သက်ကောင်လေး တစ်ဉီး၏ဓာတ်ပုံများလည်း ရှိသေးသည်။ သူ့မျက်နှာက သွယ်ပြီး ဆံပင်က လှိုင်းတွန့်များနှင့် ပြေပြေလေးကောက်နေသည်။ သူ့မျက်နှာပေါ်တွင် မဲ့ခြောက်များမရှိပါ။ ထောပတ်သီးကိုကြိုက်ပြီး ကာတွန်းထက် ရုပ်ရှင်ကို ကြည့်သည်။ သူ၌ Abba ဓာတ်ပြားရှိကြောင်းကိုလည်း ဘယ်တော့မှ ဝန်မခံပါ။ ထိုကလေးနှစ်ဦးတို့သည် အနည်းငယ် တူပါသည်။ သိပ္ပံသဘောအရ သူတို့သည် အသားရောင်၊ သွား၊ သွေးနှင့်အရိုးတည်ဆောက်ပုံတို့ ကွဲပြားကြ ပါသည်။ ထိုကောင်လေး ၂ ဉီး လုံးမှာ ကျွန်တော်ပင်ဖြစ်သည်။ ဤဝိရောဓိက အတွေးအခေါ်ပညာရှင်များကို ရှုပ်ထွေးစေပါသည်။ ကျွန်ုပ်တို့သည် ဘဝ တစ်လျှောက်တွင် ပြောင်းလဲနေသောကြောင့် ကျွန်ုပ်တို့အစစ်က…
အပြစ်မကင်းခြင်းနှင့် ခွင့်လွှတ်ခြင်း
Human Universals (ကမ္ဘာအနှံ့ လူသားများ) ဆိုသည့်စာအုပ်၌ မနုဿဗေဒ ပညာရှင် ဒေါနယ် ဘရောင်း (Donald Brown)က လူသားတို့ဖြစ်နေကျရှိသည့် အပြုအမူ ၄၀၀ ကျော်ကို စာရင်းပြုစုထားသည်။ ကစားစရာအရုပ်၊ ဟာသ၊ အက၊ ဆိုရိုးစကားပုံ၊ မြွေနှင့်ပတ်သက်သော သတိချပ်စရာများနှင့် အရာဝတ္တု များကိုကြိုးဖြင့် အစမ်းထွင်ပြုလုပ်ခြင်း အစရှိသည်တို့ ပါဝင်သည်။ ထိုနည်းတူ အမှား/အမှန်နှင့်ပတ်သက်သော အယူအဆများ ယဉ်ကျေးမှုတိုင်းတွင် ရှိကြောင်း၊ ပေးကမ်းရက်ရောမှုကို ချီးမွမ်းသည်၊ ကတိကဝတ်ကို တန်ဖိုးထားသည်၊ ယုတ်မာမှု နှင့် လူသတ်မှုကဲ့သို့သောအရာများကို မှားယွင်းကြောင်း နားလည်ထားကြသည် ဟု သူယုံကြည်သည်။ ကျွန်ုပ်တို့၏နောက်ကြောင်းရာဇဝင် မည်သို့ပင်ရှိရှိကျွန်ုပ်တို့အားလုံး၌ ကောင်းကျိုးဆိုးကျိုးခွဲခြားတတ်သည့် သြတပ္ပစိတ်ရှိကြသည်။
လွန်ခဲ့သောရာစုနှစ်များစွာက ၎င်းအချက်မျိုးကို တမန်တော်ရှင်ပေါလု ထောက် ပြခဲ့သည်။ အမှန်နှင့်အမှား ရှင်းလင်းစွာသိအောင် ဘုရားရှင်က ဂျူးလူမျိုးများကို ပညတ်တော် ၁၀ ပါး ပေးထားလင့်ကစား…
သဘာဝဝန်းကျင်ကို ဂရုပြုခံစားခြင်း
ကျွန်တော်နှစ်သက်သော ခြေလျင်လမ်းလျှောက်သွားရသည့် နေရာတစ်ခုသို့ သူငယ်ချင်း ဂျေးဆန်နှင့်အတူ မကြာမီက သွားလည်ခဲ့သည်။ လေသင့်သော တောင်ကုန်းလေးကိုတက်၊ ပန်းရိုင်းများပေါက်ရောက်သည့်လွင်ပြင်ကို ဖြတ်ကျော် ပြီး ထင်းရှူးတောမှတစ်ဆင့် တောင်ကြားထဲသို့ဆင်းသွားပြီး ကျွန်တော်တို့ ခေတ္တ နားသည်။ အိစက်ညက်ညောသောတိမ်လိပ်များက ကျွန်တော်တို့အပေါ်၌ လွင့်ပျံ့ လျက်၊ အနီး၌စမ်းချောင်းလေးစီးဆင်းနေပြီး ငှက်ကလေးများ၏ ကျူးအေးသံ ကိုသာ ကြားရသည်။ ၎င်းအသံလေးများကို ၁၅ မိနစ်ခန့် ခံစားနားထောင်ခဲ့ကြသည်။
ထိုတစ်နေ့တာလှုပ်ရှားမှုများက ကျွန်တော်တို့အတွက် ထိရောက်သောကုထုံးကောင်းဖြစ်ခဲ့သည်။ ဒါဘီတက္ကသိုလ်မှ သုတေသနပြုချက်အရ သဘာဝဝန်းကျင်ကို ခံစားဆင်ခြင်သူများသည် ပျော်ရွှင်မှုကို ပို၍ရရှိမည်၊ စိတ်သောကအနည်းငယ်သာ ခံစားရမည်၊ ကမ္ဘာကြီးကိုစောင့်ထိန်းချင်စိတ် ပွားများလာမည်ဟုဆိုသည်။ သစ်တောထဲဖြတ်သွားရုံနှင့် မလုံလောက်ပါ။ တိမ်လွှာတိမ်လိပ်များကို "မော့ကြည့်"၊ ငှက်ကလေးများ၏ ကျူးအေးသံကို "နားထောင်"ရမည်။ သဘာဝဝန်းကျင်ထဲ၌ "ရှိနေခြင်း"ထက် သဘာဝဝန်းကျင်ကို ဂရုပြုခံစားတတ်ရန် အရေးကြီးပါသည်။
သဘာဝပတ်ဝန်းကျင်မှ ဝိညာဉ်ရေးအတွက် မည်သည့်အကျိုးရနိုင်သနည်း။ ဖန်ဆင်းခြင်းအရာများသည် ဘုရားသခင်၏…
နို့ရည်အရင်လာသည်
ယူနိုက်တက်ကင်းဒမ်း (United Kingdom)ဟု ယခုခေါ်တွင်သောနိုင်ငံသည် ၇ ရာစု အတွင်းက မကြာခဏ စစ်မက်ဖြစ်ပွားသည့် များစွာသော ပဒေသရာဇ် နိုင်ငံငယ်များဖြစ်သည်။ နော်သန်ဘရီးယား နယ်မှ ဘုရင်အော့စဝေါလ် (Oswald of Northumbria)သည် ခရစ်တော်ကို ယုံကြည်သူဖြစ်လာသောအခါ သူ၏ ဒေသ၌ ဧဝံဂေလိတရားဟောရန် သာသနာပြု ဆရာတစ်ဦးကို ဖိတ်ခေါ်ခဲ့သည်။ ကော်မန် (Corman)ဆိုသူအား စေလွှတ်ခဲ့သော်လည်း အောင်မြင်မှု မရခဲ့ပါ။ အင်္ဂလိပ်လူမျိုးများသည် "ခေါင်းမာပြီး"၊"လူရိုင်းများ"ဖြစ်ပြီး သူ၏ဟောပြော ချက်ကို စိတ်မဝင်စားသဖြင့် စိတ်ညစ်ညူးလျက် သူ့နိုင်ငံသို့ပြန်သွားသည်။
အီဒန်အမည်ရှိသော ဘုန်းတော်ကြီးက "ကျွန်တော်တစ်ခုတွေးမိတယ်။ ခင်ဗျားက အလွန်စိတ်အားထက်သန်ပြီး ဘာမှမသိသေးတဲ့ နားထောင်သူတွေကို ပြောချင်ရာကိုပဲ ဇွတ်အတင်းသွင်းတာကိုးဗျ" ဟု ကော်မန်ကို ပြောသည်။ နော်သန်ဘရီးယားဒေသခံများအား "လွယ်ကူသောသွန်သင်ဆုံးမမှုနို့ တိုက်ကျွေး ရမည့်အစား" ကော်မန်က ထိုသူတို့ တစ်ခါမျှမတွေ့ထိ နားမလည်သောအရာကို သင်ကြားပို့ချခြင်းကြောင့် ဖြစ်သည်။…
ဆက်ဆံရခက်သူများ
လူစီဝေါ့စလေသည် ဗြိတိသျှသမိုင်းပညာရှင်နှင့် တီဗွီအစီအစဥ်တင်ဆက်သူ ဖြစ်သည်။ နာမည်ကျော် ပုဂ္ဂိုလ်အများစုကဲ့သို့ပင် သူမသည်လည်း ရိုင်းစိုင်းသောစာများကိုရလေ့ရှိသည်။ သူမစကားပြောရာတွင် "r" အသံ များကို "w" အသံများ ဟု ထင်ရစေသည့် အနည်းငယ် လေလုံးမကွဲမှုနှင့် ပတ်သက်၍ ရရှိခြင်းဖြစ်သည်။ လူတစ်ဦးက "လူစီရေ၊ ကျနော်ဒဲ့တိုးပဲပြောမယ်။ ကျေးဇူးပြုပြီး ခင်ဗျားရဲ့လေးတွဲ့တွဲ့ စကားပြောပုံကို ပြင်ပါဗျာ။ ဒါမှမဟုတ် ခင်ဗျား ဖတ်ရမယ့် စာသားတွေထဲကနေ "r" စာလုံးတွေကို ထုတ်လိုက်။ ခင်ဗျားရဲ့ ရုပ်သံဇာတ်လမ်းတွဲကိုကြည့်ရင်း စိတ်ညစ် လွန်းလို့ ပြီးအောင်တောင် မကြည့်နိုင်ဘူး။ မေတ္တာဖြင့် - ဒါရန်"ဟု ရေးသားခဲ့သည်။
အချို့လူများအတွက်မူ ဤကဲ့သို့စာနာစိတ်ကင်းသော ဝေဖန်ချက်ကို တန်းတူ ရိုင်းစိုင်းသော တုံ့ပြန်ချက်မျိုးဖြင့် ပြန်ချေပရန် လှုံ့ဆော်ပေးနိုင်သည်။ သို့သော်လည်း လူစီက "အိုး ... ဒါရန်၊ ရှင်က အင်တာနက်ပေါ်မှာ ကိုယ်ဘယ်သူမှန်း…
ဆင်းရဲသားရပ်ကွက်သီချင်းများ
Cateura(ခေတောရာ)သည် တောင်အမေရိကတိုက်၊ ပါရာဂွေးနိုင်ငံရှိ ဆင်းရဲသား ရပ်ကွက်လေးတစ်ခု ဖြစ်သည်။ ဆင်းရဲနုံချာလွန်းလှ၍ ရွာသူရွာသားများသည် အမှိုက်ပုံမှ စွန့်ပစ်ပစ္စည်းများကို ပြန်လည်အသုံးချခြင်းဖြင့် အသက်ဆက်နေထိုင် ကြသည်။ သို့သော် ဤမျှော်လင့်ချက်မဲ့သည့်အခြေအနေများမှ လှပသည့်တစ်စုံတစ်ရာထွက်ပေါ်လာသည်။ သံစုံတီးဝိုင်းတစ်ခုဖြစ်ပါသည်။
တယောတစ်လုံးသည် ၎င်းတို့ရပ်ကွက်ရှိ အိမ်တစ်လုံးထက် တန်ဖိုးကြီးလှ သည့်အတွက် အမှိုက်ပုံမှရရှိသည့်ကိရိယာများသုံးကာ ကိုယ်ပိုင်တူရိယာများကို တီထွင် ကြံဆဖန်တီးခဲ့ကြသည်။ တယောအိမ်ကို ဆီဘူးများနှင့် ပြုလုပ်ပြီး တယော ကြိုး တပ်ဆင်ရန် ဇွန်းခရင်းများကိုကွေးပြီး အသုံးပြုကြသည်။ ဆက်ဆိုဖုန်း လေမှုတ်တူရိယာကို ရေဆင်းပိုက်ဖြင့်လုပ်ပြီး ခလုတ်များကို ပုလင်းထိပ်ပိုင်းများကို ဖြတ်ပြီး အသုံးပြုကြသည်။ တယောကြီးများကိုမူ သံဗုံများနှင့် ပြုလုပ်ပြီး အသံညှိ ငုတ်များကို ပုံဖော်ဒလိတ်တုံးများနှင့်ပြုလုပ်ကြသည်။ ဤဆန်းပြားသော တူရိယာ များဖြင့် မိုဇက် တေးသွားကို ကြားရခြင်းက သာယာနာပျော်ဖွယ် ကောင်းလှသည်။ ထိုသံစုံ တီးဝိုင်းအဖွဲ့သည် နိုင်ငံများစွာသို့ သွားရောက်နယ်လှည့်ဖျော်ဖြေလျက် ၎င်းတို့၏…
စိုးရိမ်ကြောက်ရွံ့မှုများနှင့် ရင်ဆိုင်ရခြင်း
ဝါးရင်း သည် အသင်းတော်တစ်ခုတွင် သင်းအုပ်အဖြစ်အစေခံရန်အတွက် မြို့ ငယ်လေးတစ်မြို့သို့ ပြောင်းရွှေ့သွားသည်။ သူ၏သာသနာလုပ်ငန်းအောင်မြင်စအချိန်တွင် နယ်ခံတစ်ဉီးက သူ့ကို အတိုက်အခံပြုခဲ့သည်။ ဝါးရင်း၏ အလွန် ဆိုးဝါးသောအပြုအမူများဟု လုပ်ကြံဇာတ်ခင်းစွပ်စွဲပြီး၊ ဒေသထုတ်သတင်းတိုက်သို့ ထိုအကြောင်းကို သတင်းသွားပေးသည်။ သူ၏စွပ်စွဲပြောဆိုမှုများကို ဒေသခံများထံဖြန့်ဝေရန် လက်ကမ်းစာစောင်များထုတ်ခဲ့သည်။ ဝါးရင်းနှင့် ဇနီးသည်တို့သည် အပြင်းအထန် စတင်ဆုတောင်းကြတော့သည်။ ထိုလိမ်လည်မှုကို လူတို့ ယုံကြည်သွားမည်ဆိုပါက သူတို့၏ဘဝများ ဇောက်ထိုးမိုးမျှော်ဖြစ်သွားလိမ့်မည်။
ဒါဝိဒ်မင်းသည်လည်း အလားတူအဖြစ်အပျက်မျိုးနှင့် တွေ့ကြုံခဲ့ရသည်။ ရန်သူတို့၏အသရေဖျက်လုပ်ကြံမှုနှင့် ရင်ဆိုင်ခဲ့ရပြီး “သူတို့သည် နေ့တိုင်း ငါ့စကားကို အလွဲယူကြ၏။ ငါ၌ မကောင်းသောအကြံကိုသာ ကြံစည်ကြ၏”(ဆာ ၅၆:၅) ဟု ဆိုခဲ့သည်။ ပြင်းထန်စွာ တိုက်ခိုက်ပြောဆိုမှုများကြောင့် သူ ကြောက်ခဲ့သည်။ မျက်ရည်ကျခဲ့သည်(:၈)။ သို့သော် တိုက်ပွဲများအလယ်တွင် “အကျွန်ုပ်သည် ကြောက်ရွံ့သောအခါ ကိုယ်တော်၌ ခိုလှုံပါမည်။ ... လူသည် ငါ၌ အဘယ်သို့ပြုနိုင်သနည်း”(:၃-၄)ဟု…
မောပန်းခြင်း
ကျွန်ုပ်၏အိမ်အနီးရှိ အိမ်အသုံးဆောင်ပစ္စည်းအရောင်းဆိုင်၏ ကောင်တာတစ်ခု တွင် အစိမ်းရောင်ခလုတ်တစ်ခုရှိသည်။ ဝန်ဆောင်ပေးမည့်သူ မရှိပါက ထိုခလုတ်ကို နှိပ်လိုက်လျှင် အချိန်မှတ်စက် စတင်မြည်လာပြီး တစ်မိနစ်အတွင်း ဝန်ဆောင်မှုမရပါက သင်ဝယ်ယူသောပစ္စည်းအတွက် လျှော့စျေးရရှိမည် ဖြစ်သည်။
ဤဖြစ်စဥ်တွင် ကျွန်ုပ်တို့သည် မြန်ဆန်သောဝန်ဆောင်မှုမျိုးကို နှစ်သက်သောစျေးဝယ်သူနှင့်တူသည်။ သို့သော် အမြန်ချောဝန်ဆောင်မှုကို တောင်းဆိုချက်သည် ဝန်ဆောင်သူအတွက် ဒုက္ခဖြစ်စေပါသည်။ ကျွန်ုပ်တို့ အများစုသည် အလုပ်ကို သွက်သွက်လုပ်၊ နာရီပေါင်းများစွာလုပ်၊ တစ်နေ့တည်းတွင် အီးမေးလ်ကို အကြိမ်ကြိမ်စစ်နှင့်၊ သတ်မှတ်ချိန်အတွင်း အချိန်မီပြီးအောင် လုပ်ရမည့် အလုပ်များ၏ဖိအားကို ခံစားရသည်။ စျေးဝယ်သူကို ဝန်ဆောင်မှု ပေးသည့်နည်းလမ်းများက ကျွန်ုပ်တို့၏ဘဝအသက်တာများသို့ပါ စိမ့်ဝင်လျက် အလျင်လိုသောယဥ်ကျေးမှုကို ဖန်တီးနေတော့သည်။
ဘုရားသခင်သည် ဣသရေလလူမျိုးများအား ဥပုသ်နေ့ကို စောင့်ရှောက်ရန် မိန့်ကြားသောအခါ “အဲဂုတ္တပြည်၌ ကျွန်ခံခဲ့ကြောင်းကို အောက်မေ့ရန်” (တရား ၅:၁၅) ဟူသည့် အရေးကြီးသောအကြောင်းပြချက်ကို ထည့်သွင်းခဲ့သည်။ ထိုအရပ်တွင် သူတို့သည်…
အတိမ်အနက်မသိသောရေ
နယူးယောက်တိုင်းမ်စကွဲရင်ပြင်တွင် ပူဖောင်းများလွတ်ခြင်း၊ Big Ben နာရီသံအတိုင်း နောက်ပြန်ရေတွက်နေသော လူအုပ်ကြီး၊ ဆစ်ဒနီ ဆိပ်ကမ်း၌ မီးရှုးမီးပန်းဖောက်ခြင်း မည်သို့ပင်ဆင်နွှဲနေပါစေ နှစ်သစ်ကိုကြိုဆိုရခြင်းနှင့် သစ်လွင်သောအစပြုခြင်းအတွက် အမြဲပင် စိတ်လှုပ်ရှားရသည်။ နှစ်သစ်တွင် ကျွန်ုပ်တို့သည် မသေချာမရေရာသော အခြေအနေထဲသို့ မိမိကိုယ်ကို တွန်းပို့နေကြသည်။ မည်သို့သော ခင်မင်ရင်းနှီးမှုနှင့် အခွင့်အရေးများကို ကျွန်ုပ်တို့တွေ့ရမည်နည်း။
မည်သို့ပင်စိတ်လှုပ်စရာကောင်းနေပါစေ နှစ်သစ်၌ နေသားမကျ ဖြစ်နေတတ်ပါသည်။ ရှေ့ဘာဖြစ်မည်၊ မည်သည့်မုန်တိုင်းများရှိနေမည်ကို မည်သူမျှ မသိပါ။ တရုတ်ပြည်က စတင်တီထွင်ခဲ့သော မီးရှုးမီးပန်းများသည် မကောင်းသောနတ်ဆိုးများကိုနှင်ထုတ်ရန်နှင့် တိုးပွားချမ်းသာစေသောနှစ်သစ်ဖြစ်စေရန် ရည်ရွယ်သည်။ ၎င်းသည် ရှေးက နတ်ဘုရားများ စိတ်ကျေနပ်အောင် ဝန်ခံကတိပြုသည့် ဗာဗုလုန်နိုင်ငံသားများ၏အလေ့အထဖြစ်သည်။ ထိုလုပ်ရပ်များသည် မသိနိုင်သော အနာဂတ်ရေးအတွက် လုံခြုံစိတ်ချမှုရှိရန် ကြိုးစားလုပ်ဆောင်သောအရာများဖြစ်သည်။
သို့သော် ထိုသို့ကတိသစ္စာမပြုချိန်မှာပင် ဗာဗုလုန်တို့သည် ဣသရေလ အပါအဝင် အခြားသူများကို အောင်နိုင်နေသည်။ ထိုအချိန်တွင် ဘုရားရှင်က ကျွန်ခံနေရသောဂျူးလူမျိုးများအား…
အောင်မြင်မှုအစစ်အမှန်
ကျွန်တော်တွေ့ဆုံမေးမြန်းသည့်ပုဂ္ဂိုလ်က ကျွန်တော့်မေးခွန်းများကို ယဉ်ကျေးစွာ ပြန်လည်ဖြေကြားသည်။ သို့သော် ကျွန်တော်တို့ကြားတွင် ခံစားချက်တစ်ခုခြားနေသလို ခံစားနေရသည်။ ထိုနောက် “သင်က ထောင်ပေါင်းများစွာသော လူတွေရဲ့ စိတ်ကို အားပေးတက်ကြွစေတယ်”ဟု ကျွန်တော်မှတ်ချက်ပေးမိရာ၊ သူက “ထောင်ပေါင်းများစွာ မဟုတ်ပါဘူး။ သန်းပေါင်းများစွာပါ” ဟု ပြန်ပြောသည်။
ကျွန်တော်၏မသိနားမလည်မှုကို သနားသည့်ပုံစံဖြင့် ထိုပုဂ္ဂိုလ်က သူ၏ ဘွဲ့လက်မှတ်များ၊ အောင်မြင်မှုများ၊ သူ့အကြောင်းကို ဖော်ပြသော မဂ္ဂဇင်း များကို ပြောပြခဲ့သည်။ ကသိကအောင့်နိုင်လှသည့် အခိုက်တန့်ဖြစ်ပါသည်။
ထိုသို့တွေ့ကြုံခဲ့ပြီးနောက် သိနတောင်ပေါ်တွင် မောရှေအား သူမည်သူ ဖြစ်ကြောင်း ဘုရားသခင် ဖော်ပြပုံက ကျွန်တော့်အား ဘဝင်ခိုက်စေသည် (ထွက် ၃၄:၅-၇)။ စကြဝဠာနှင့် ကြယ်စုပေါင်းများစွာကို ဖန်ဆင်းသူနှင့် လူသားတို့ကို တရားစီရင်သောအရှင် ဖြစ်သော်လည်း ဤဂုဏ်ပုဒ်ကို ဘုရားသခင် အသုံးမပြု ခဲ့ပါ။ ထို့အစား သူသည် “မေတ္တာဂရုဏာနှင့်ပြည့်စုံ၍ စိတ်ရှည်ခြင်း၊ ကျေးဇူးပြုခြင်း၊…