ငါသည် အလွန်စိတ်ပျက်ဖွယ်ကောင်းသူဖြစ်ပေ၏။ မည်သူသည် သေခြင်းနှင့်ဆိုင်သော ဤကိုယ်ခန္ဓာမှ ငါ့ကို ကယ်နုတ်မည်နည်း။ (ရော ၇:၂၄ – ခေတ်သုံး)

ကြီးမြတ်သော ကျော်လွှားအောင်နိုင်သူ

အရှိန်လျော့ကျ၊ ပြိုင်ပွဲမှ သိသာစွာ ထွက်ရပြီး၊ ပြန်ဝင်လာသူကို ပြိုင်ဘက်များက စိတ်ဝင်စားမည် မဟုတ်ပါ။ ခလုတ်တိုက် လဲကျသော်လည်း၊ ပြိုင်ဘက်လူအုပ်ထဲသို့ တစ်ဖြည်းဖြည်းရောက်ရှိလာကာ၊ ရှေ့မှ ဦးဆောင် ယှဉ်ပြိုင်သူသည်သာ၊ ကျွန်ုပ်တို့အားလုံး၏ စိတ်ကူးကို လှုံ့ဆော်မည်ဖြစ်သည်။

ထိုသို့ တူညီသော လှုံ့ဆော်မှုသည် သူတို့၏ သခင်နှင့် ကယ်တင်ရှင်၏ စံနမူနာမှ ရဲစွမ်းသတ္တိကို ရယူသည့် ယုံကြည်သူ ခရစ်ယာန်များအား၊ တွန်းအားပေးနေပါသည်။ ပြန်ဝင်လာခြင်း မပြုမီ၊ သခင်ယေရှုထက် ပို၍ အရှက်တကွဲအကျိုးနည်းအောင် ပြုလုပ်ခံရဘူးသူ တစ်ယောက်မျှ မရှိပါ။ စော်ကားခြင်း။ တံတွေးနှင့် ထွေးခြင်း၊ ကြာပွတ်နှင့် ရိုက်ခြင်း၊ ထိုးနှက်ရိုက်ပုတ်ခြင်း၊ လက်ဝါးကားတိုင်ပေါ်တွင် သံနှင့်ရိုက်ခြင်းတို့ကို သခင်ယေရှုခံခဲ့ရသည်။ သခင်၏ ဝေဒနာခံခြင်း ပြီးသွားသောအခါ၊ နံဘေးတော်ကို လှံနှင့်ထိုးခဲ့သည်။ သခင့်အား သတ်ဖြတ်သူများက သူတို့၏ အောင်မြင်မှုကို အတည်ပြုခဲ့ပြီး သခင်အသက်စွန့်ပြီးဖြစ်ကြောင်း ကြေညာခဲ့သည်။ စစ်တပ်လုံခြုံရေး တာဝန်ချကာ သခင်၏ဂူသင်္ချိုင်းကို လုံခြုံအောင် ဆောင်ရွက်လိုက်သည်။ မည်သူတစ်ဦးတစ်ယောက်မျှ သခင်ယေရှုထက် ပို၍ မွဲပြာ၊ အောက်ကျ၊ ဒုက္ခရောက်၊ အဖြစ်မဆိုးပါ။

သို့သော် ဤသည်မှာ နိဂုံးမဟုတ်ပါ။ သုံးရက်မြောက်နေ့တွင် သခင်ယေရှု သင်္ချိုင်းမှ ထမြောက်ကာ၊ များလှစွာသော တပည့်တော်များကို ကိုယ်ထင်ပြခဲ့ပါသည်။ သခင်ယေရှုသည် သေခြင်း၊ အပြစ်ဒုစရိုက်၊ ငရဲကို အောင်နိုင်သော အရှင်ဖြစ်သည်။

မိတ်ဆွေ… သင်သည်လည်း ယှဉ်ပြိုင်ပွဲမှ ထွက်နေရသည်ဟု ယနေ့ခံစားနေရပါသလား။ အလွန်ဆိုးရွားစွာ သင်လဲကျခဲ့ပါသလား။ သခင်ယေရှု၏ ဝေဒနာ ဒုက္ခခံခြင်းကို မျှော်ကြည့်လိုက်ပါ။ သခင်၏ ရှင်ပြန်ထမြောက်ခြင်းကို မျှော်ကြည့်လိုက်ပါ။ သင့်အား အောင်မြင်မှုပေးရန် သခင့်အား တောင်းလျှောက်လိုက်ပါ။ ယခု သင်မည်မျှ နှိမ့်ကျအောက်ကျ ဖြစ်နေပါစေ၊ သခင်ယေရှု သင့်အား လက်ကမ်းပေးနေခြင်းကို ဆင်ခြင်စဉ်းစားလိုက်ပါ။ ကျွန်ုပ်တို့၏သခင်သည် ကြီးမြတ်သော ကျော်လွှားအောင်နိုင်သူဖြစ်သည်။ — Mart DeHaan

ကျွန်ုပ်တို့၏ သခင်သည် ကျော်လွှားအောင်နိုင်တန်ခိုး၏ ကြီးမြတ်သော စံနမူနာ၊
သင်္ချိုင်းမှ ထမြောက်စေတော်မူသော စွမ်းအားသာ
ဘဝ၏အမှောင်ဆုံးညအချိန်မှာ မျှော်လင့်ခြင်းပေးတာ။ — Branon