စာရေးသူ

အားလုံးမြင်နိုင်ရန်
Con Campbell

ခွန်ခမ်ဘဲလ်

‌ဒေါက်တာ ခွန်စတန်တိုင်း ခဲမ့်ဘဲလ်သည် အီလီနွိုင်းပြည်နယ်ရှိ Trinity Evangelical Divinity School ၌ ဓမ္မသစ်ကျမ်းအထူးပြု ပါ‌မောက္ခအနေဖြင့် သင်ကြား‌ပေးခဲ့ပြီး သြစတေးလျနိုင်ငံ Moore Theological College ၌ ဓမ္မသစ်ကျမ်းအထူးပြုသင်ကြားပို့ချသည့် ဓမ္မကထိကစ်ဦးအဖြစ် လက်ရှိလုပ်ဆောင်နေသည်။ သူသည် ၂၀၁၄ ခုနှစ် Christianity Today သမ္မာကျမ်းစာ ‌လေ့လာခြင်းဆိုင်ရာ တစ်နှစ်တာအကောင်းဆုံးစာအုပ်ဆု ရခဲ့သည့် "Paul and Union with Christ" စာအုပ် အပါအဝင် ဓမ္မသစ်ကျမ်းနှင့်ဆိုင်သော စာအုပ်အ‌တော်များများ ‌ရေးခဲ့သည့် စာ‌ရေးဆရာတစ်‌ဦးဖြစ်သည်။

စာမူ/ အကြောင်းအရာ များ ခွန်ခမ်ဘဲလ်

ကျေးဇူးတော်ဖြင့် ခိုင်ခံခြင်း

အမေရိကန်ပြည်တွင်းစစ်ကာလက တပ်မှထွက်ပြေးလျှင် သေဒဏ်အပြစ်ပေးခံရသည်။ သို့သော် တပ်ပေါင်းစုက ဝရမ်းပြေးများကို သတ်ဖြတ်ခဲ့ခြင်းမရှိပါ။ အဘယ်ကြောင့်ဆိုသော် ၎င်းတို့၏စစ်သေနာပတိ အာဗြံဟံလင်ကွန်းက ထိုသူတို့ အားလုံးနီးပါးကို ခွင့်လွှတ်ခဲ့သောကြောင့်ဖြစ်သည်။ လင်ကွန်း၏သက်ညှာမှုသည် ဝရမ်းပြေးများကို သွေးဆောင်ခြင်းဖြစ်သည်ဟု ယုံကြည်သည့် စစ်ဘက်ဆိုင်ရာ ဝန်ကြီး အက်ဒဝင် စတက်နန်က ထိုကိစ္စကြောင့် အမျက်ထွက်ခဲ့သည်။ သို့သော် တိုက်ပွဲပြင်းထန်ချိန်တွင် စိတ်ဓာတ်ပျက်စီးပြီး တုန်လှုပ်ခြောက်ခြားစွာခံစားရလျက်၊ ကြောက်ရွံ့မှု၌ကျရှုံးသွားသူ စစ်သည်များအပေါ် လင်ကွန်းက ထပ်တူခံစားပေးခဲ့သည်။ သူ၏စာနာမှုက စစ်သည်များနှင့်သူ့ကို ပို၍အစေးကပ်ချစ်ခင်စေသည်။ “အဘလင်ကွန်း”ကို စစ်သည်တို့ အလွန်ချစ်မြတ်နိုးပြီး ထိုချစ်စိတ်ကြောင့် လင်ကွန်း၏လက်အောက်၌ သူတို့တိုး၍တာဝန်ထမ်းဆောင်လိုစိတ် ဖြစ်ခဲ့သည်။

ရှင်ပေါလုသည် တိမောသေအား သူနှင့်ပူးပေါင်းရန် “ယေရှုခရစ်ထံ၌ ကောင်းသောစစ်သူရဲကဲ့သို့ ဆင်းရဲဒုက္ခကို သည်းခံလော့” (၂ တိ ၂:၃) ဟုခေါ်သောအခါ ၎င်းအား အလွန်ခက်ခဲသောအမှုတော်အတွက် ခေါ်ခြင်းဖြစ်သည်။ စစ်သည်တစ်ဉီးသည် သူ့အသက်ကို အကြွင်းမဲ့စွန့်လွှတ်ရမည်။ ကြိုးစားရမည်၊ အတ္တကင်းရမည်။…