သင်လိုအပ်သမျှ

မိသားစုပြန်လည်တွေ့ဆုံပွဲတွင် ကျွန်မ၏မိသားစုနှင့် ဆွေမျိုးများ အတူတကွ ပျော်ရွှင်စွာ စားသောက်ကြလျက် ကျွန်မလည်း အလွန်ပျော်ပါသည်။ သို့သော် "ဒီနေရာမှာ နင်က ကိုယ်ပိုင်မိသားစုရယ်လို့ ခေါ်စရာမရှိတဲ့ တစ်ဦးတည်းသော အမျိုးသမီးပဲ" ဆိုသောအတွေးသည် ကျွန်မအား စိတ်ခြောက်ခြားသွား စေခဲ့သည်။

ကျွန်မကဲ့သို့ အိမ်ထောင်မရှိသောအမျိုးသမီး အများအပြားသည်လည်း အလားတူ အတွေ့အကြုံများရှိကြသည်။ အိမ်ထောင်ရေးနှင့် ကလေးများကို အလွန်တန်ဖိုးထားကြသည့် ကျွန်မတို့၏အာရှယဥ်ကျေးမှုတွင် ကိုယ်ပိုင်မိသားစု မရှိခြင်းသည် မပြည့်စုံခြင်းသဘော သက်ရောက်စေသည်။ သင်၏ဖြစ်တည်မှုနှင့် သင့်ကို ပြီးပြည့်စုံစေသည့် အရာတစ်ခုခု ကင်းမဲ့နေသည်ဟု ခံစားရစေသည်။

ထို့ကြောင့်ပင် ထာဝရဘုရားသည် ကျွန်မခံစားရာအဖို့ "အမွေ"ဖြစ်သည် ဟူသော အမှန်တရားသည် ကျွန်မအား အလွန်စိတ်သက်သာရာရစေပါသည် (ဆာ ၇၃:၂၆)။ ဣသရေလအမျိုးအနွယ်တို့အား မြေယာခွဲဝေသတ်မှတ်ပေးရာတွင် လေဝိအမျိုးသားတို့အား မြေယာမခွဲဝေပေးခဲ့ပေ။ ထိုအစား ဘုရားသခင်သည် သူကိုယ်တော်တိုင်က လေဝိအမျိုးတို့ ခံစားရာအမွေဖြစ်တော်မူသည်ဟု ကတိတော်ပေးခဲ့သည် (တရား ၁၀:၁၁)။…