စာရေးသူ

အားလုံးမြင်နိုင်ရန်
Mart DeHaan

မာ့ဒီဟန်း

မာ့ဒီဟန်း (Mart DeHaan)သည် Our Daily Bread Ministries ကို တည်ထောင်သူ ဆရာကြီး ဒေါက်တာ အမ် အာ ဒီဟန်း (Dr. M. R. DeHaan)၏ မြေး၊ ယခင် ဥက္ကဌဖြစ်သူ ရစ်ချက် ဒဘလူ ဒီဟန်း (Richard W. DeHaan)၏သား ဖြစ်သည်။ ၁၉၆၉ ခုနှစ် မှစ၍ ဆရာကြီးသည် ကဏ္ဍအမျိုးမျိုး၌ အမှုတော်ဆောင်ခဲ့သည်။ ဆရာကြီး၏ဝေငှချက် များကို Discover the Word အသံလွှင့်အစီအစဉ်၌ ဖမ်းယူနားဆင် ကြည့်ရှုနိုင်ပါသည်။ ဆရာကြီးသည် Our Daily Bread ဝတ်ပြုကိုးကွယ်ခြင်းစာစောင်၏ အကြောင်းအရာအတွက် စီနီယာ အကြံပေးပုဂ္ဂိုလ်အဖြစ် သော်လည်းကောင်း၊ စာရေးသူအနေနှင့် သော်လည်းကောင်း ဆက်လက် ဆက်ကပ်လုပ်ဆောင်လျက်ရှိပါသည်။ ဆရာကြီးနှင့်ဇနီး ဆရာမ ဒီယန်း (Diane) တို့၌ ဘန်းဂျမန် (Benjamin) နှင့် ဂျဲနီဖာ (Jennifer) ဟုခေါ်သော သားသမီးနှစ်ဦးရှိသည်။

စာမူ/ အကြောင်းအရာ များ မာ့ဒီဟန်း

နောက်ပြန်ဖတ်ရှုခြင်း

လျှို့ဝှက်ဆန်းကြယ်ဝတ္ထု၏ နောက်ဆုံးအခန်းကို ဦးစွာဖတ်ရှုခြင်းသည် ဇာတ်လမ်းကောင်းတစ်ပုဒ်၏ သည်းထိတ်ရင်ဖိုဖြစ်ခြင်းကို နှစ်သက်သူများအတွက် ဆိုးရွားသောစိတ်ကူးဖြစ်သည်။ သို့သော် အချို့လူတို့သည် စာအုပ်တစ်အုပ်၏ အဆုံးသတ်ကိုသိပါက ထိုစာအုပ်ကိုဖတ်ရသည်ကို ပိုပြီးနှစ်သက်ကြသည်။

စာရေးဆရာ Richard Hays (ရစ်ချက်ဟေးစ်)က ‘Reading Backwards’ (နောက်ပြန်ဖတ်ရှုခြင်း) စာအုပ်တွင် ကျွန်ုပ်တို့ သမ္မာကျမ်းစာကို နားလည်ရေးအတွက် ထိုသို့ဖတ်ရှုခြင်းက မည်မျှအရေးကြီးသော အလေ့အကျင့်ဖြစ်ကြောင်း ဖော်ပြထားသည်။ ကျမ်းစာ၌ပါရှိသော အဖြစ်အပျက်များနှင့် ဖွင့်ပြသောစကားလုံးများက ကျမ်းစာ၏ မျှော်မှန်းချက်နှင့် ထင်ဟပ်ချက်တို့ကို အပြန်အလှန် ရှင်းလင်းဖော်ပြပေးကြောင်းကို သရုပ်ဖော်လျက် ပါမောက္ခဟေးစ်က ကျမ်းစာကို ရှေ့ပြန်နောက်ပြန်ဖတ်ရှုသင့်ကြောင်း ကြောင်းကျိုးပြဆင်ခြင်စေသည်။

ဖျက်ဆီးခံခဲ့ရသော ဗိမာန်တော်ကို သုံးရက်အတွင်း ပြန်လည်တည်ဆောက်ရန် သခင်ယေရှု ပြောခဲ့ခြင်းကို သခင်ထမြောက်ပြီးမှသာ တပည့်တော်တို့နားလည်ကြကြောင်း ဟေးစ်က စာဖတ်သူများကို သတိပေးသည်။ “မိမိကိုယ်တည်းဟူသော ဗိမာန်ကိုအမှတ်ပြု၍ မိန့်တော်မူ၏” (ယော ၂:၂၁)ဟု ရှင်ယောဟန် ဆိုသည်။ ယခင်က…

စကားလုံးများထက်ကျော်လွန်သော

Thomas Aquinas (သောမတ်(စ်)အကွိုင်းနတ်စ်) (၁၂၂၅-၁၂၇၄)သည် ခရစ်ယာန်ယုံကြည်ချက်ကို ကာကွယ်ရပ်တည်သည့် အသင်းတော်၏အချီးကျူးခံရဆုံး ပုဂ္ဂိုလ်များတွင် တစ်ဦးအပါအဝင်ဖြစ်သည်။ သို့ရာတွင် သူမသေဆုံးမီ (၃) လမျှအလို၌ သူ့ဘဝတစ်လျှောက်လုပ်ဆောင်မှုတွင် အလွန်ကြီးမားသောအမွေအနှစ်ဖြစ်သည့် ‘Summa Theologica’ (ဓမ္မပညာသွန်သင်ချက် ပေါင်းချုပ်)ကို အကြောင်းအရာတစ်ခုကြောင့် ပြီးပြတ်အောင် မရေးသားနိုင်ခဲ့ပေ။ ကယ်တင်ရှင်ဘုရား၏ ချိုးဖဲ့သောခန္ဓာနှင့် သွန်းလောင်းသောအသွေးတော်ကို ဆင်ခြင်အောက်မေ့စဥ် သူစကား မပြောနိုင်လောက်အောင် ဖြစ်စေသည့် ရူပါရုံတစ်ခုကို မြင်ခဲ့ရကြောင်း၊ “ကျွန်ုပ်ထပ်ပြီး စာရေးလို့မရတော့ဘူး။ ကျွန်ုပ်ရေးသားခဲ့သမျှကို ကောက်ရိုးကဲ့သို့သာ ဖြစ်စေသည့်အရာကို ကျွန်ုပ်မြင်တွေ့ခဲ့ရတယ်”ဟု သူပြောကြားခဲ့သည်။

အကွိုင်းနတ်စ် မတိုင်မီ ရှင်ပေါလုသည်လည်း ရူပါရုံတစ်ခုကို မြင်တွေ့ခဲ့ရသည်။ ကောရိန္သုသြဝါဒစာဒုတိယစာစောင်တွင် ထိုအတွေ့အကြုံကို ရှင်ပေါလုက ဖော်ပြထားသည်။ “ထိုသူသည် (ငါသည်) ပရဒိသုဘုံသို့ ချီဆောင်ခြင်းကိုခံရ၍၊ လူမပြောအပ် မပြောနိုင်သောစကားကို ကြားသည့်အကြောင်းကို ငါသိ၏။ ထိုအခါ ကိုယ်ခန္ဓာပါသည် မပါသည်ကို ငါမသိ၊ ဘုရားသခင်သိတော်မူ၏”…

တစ်ကမ္ဘာလုံး သီချင်းဆိုကြသည့်အခါ

၁၉၇၀ ပြည့်နှစ်များ၏ ကြော်ငြာသီချင်းသည် မျိုးဆက်တစ်ခုကို နိုးကြွစေခဲ့သည်။ ‘The Real Thing’ (စစ်မှန်သည့်အရာ)ဟူသည့် ကိုကာကိုလာကမ်ပိန်း၏ အစိတ်အပိုင်းအနေဖြင့် ဖန်တီးခဲ့သည့် သီချင်းကို The New Seekers အင်္ဂလိပ်အဆိုရှင်အဖွဲ့မှ သီချင်းအပုဒ်ရှည်အဖြစ် ပြန်လည်သီဆိုခဲ့ရာ ကမ္ဘာလုံးဆိုင်ရာ ဂီတမှတ်တမ်းတွင် ထိပ်ဆုံးသို့ ရောက်ရှိသွားခဲ့သည်။ သို့သော် ရောမမြို့ပြင် တောင်ထိပ်ပေါ်၌ လူငယ်တစုသီဆိုခဲ့သည့် မူရင်းရုပ်သံအဆိုမူကိုဖြင့် လူ အများစု မမေ့နိုင်ပါ။ သူတို့သည် စိတ်ကူးယဥ်ဆန်ဆန် ပျားပိတုန်းများ၊ သစ်သီးပင်များနှင့် တစ်မျိုးတစ်ဘာသာ နှစ်သက်ဖွယ်ကောင်းခဲ့သည့်သီချင်းကို အသံလွှင့် သီဆိုခြင်းဖြင့် နှလုံးသားနှင့် ချစ်ခြင်းမေတ္တာတို့ဖြင့် သီချင်းဆိုရန် ကမ္ဘာကြီးကို သင်ပြချင်ခဲ့သည့် တေးရေးဆရာ၏ဆန္ဒကို ထင်ဟပ်ဖော်ကျူးခဲ့သည်။

ထိုစိတ်ကူးအိပ်မက်ကဲ့သို့သော၊ သာ၍ကြီးမြတ်သောအရာကို တမန်တော်ရှင်ယောဟန်က ဖော်ပြခဲ့သည်။ “ကောင်းကင်၊ မြေကြီး၊ မြေကြီးအောက်၊ သမုဒ္ဒရာအထဲ၊ အရပ်ရပ်တို့၌ ရှိသမျှသော ဝေနေယျ သတ္တဝါအပေါင်းတို့” သီဆိုမည့် သီချင်းကို…

ဘုရားသခင်၏မိတ်ဆွေများ၏မိတ်ဆွေ

လူနှစ်ယောက် ပထမဆုံး မိတ်ဖွဲ့ကြချိန်တွင် ၎င်းတို့၌ နှစ်ဘက်သိမိတ်ဆွေတစ်ဦး ရှိကြောင်းသိလိုက်ရလျှင် အူလိုက်သည်းလိုက်နှင့် ဖော်ရွေစွာ ဆက်ဆံတတ်ကြပါသည်။ “တွေ့ရတာဝမ်းသာပါတယ်၊ ဆမ် (သို့) ဆမယ်သာရဲ့ သူငယ်ချင်းက ကျွန်တော့်သူငယ်ချင်းပါပဲ” ဟုပြောပြီး ဧည့်သည်ကို သဘောထားပြည့်ဝစွာဖြင့်ကြိုဆိုနေသော အိမ်ရှင်၏အပြုအမူသည် အမှတ်ရစရာအကောင်းဆုံး ဖြစ်သည်။

သခင်ယေရှုက အလားတူပြောခဲ့သည်။ သူသည် လူများစွာကို အနာရောဂါငြိမ်းပေးခြင်းအားဖြင့် လူများကို ဆွဲဆောင်ခဲ့သည်။ သို့သော် မိမိ၏သြဇာလွှမ်းမိုးမှုကို အလွဲသုံးစားလုပ်ပြီး ဗိမာန်တော်ကို စီးပွားရေးဆန်စွာ စျေးရောင်းသည့်နေရာ ဖြစ်အောင် လုပ်နေသည့် ဒေသခံ ဘာသာရေးခေါင်းဆောင်များနှင့် သဘောထားချင်း မတိုက်ဆိုင်ဘဲ သူတို့နှင့် ရန်သူဖြစ်ခဲ့သည်။ ကြီးထွားလာသော ပဋိပက္ခများ အလယ်တွင်၊ သူသည် ပျော်ရွှင်မှု၊ အဖိုးအခနှင့် သူ့မျက်မှောက်တော်၏ အံ့သြဖွယ်ရာများကို လက်ဆင့်ကမ်း ဆပွားတိုးနိုင်သောအရွေ့များ လုပ်ဆောင်ခဲ့သည်။ သူသည် တပည့်တော်များအား အခြားသူများကို အနာရောဂါငြိမ်းပေးနိုင်သည့် တန်ခိုးကိုပေးခဲ့ပြီး ဘုရားသခင်၏နိုင်ငံတော် တည်လုနီးပြီဟု…

တရားမျှတခြင်းနှင့်ယေရှု

ရောမ၏ပထမဆုံးဧကရာဇ် Caesar Augustus (ဆီဇာအောဂတ်စတပ် - ကဲသာဘုရင်) (ဘီစီ ၆၃ မှ အေဒီ ၁၄)သည် တရားဥပဒေနှင့်အညီ အုပ်ချုပ်သူအဖြစ်ကျော်ကြားလိုခဲ့သည်။ သူသည် ကျွန်လုပ်အား၊ စစ်ရေးဖြင့် အောင်မြင်သိမ်းပိုက်ခြင်းနှင့် ငွေကြေးလာဘ်ပေးခြင်းဖြင့် သူ၏အင်ပါယာကို တည်ထောင်ခဲ့သော်လည်း တရားစီရင်‌ရေးဆိုင်ရာ ဆီလျော်ကောင်းမွန်သည့် နည်းနာများကို တရားဝင်အတည် ပြုသည်။ ယနေ့ကျင့်သုံးနေသည့် တရားမျှတမှုဖွဲ့စည်းပုံကိုရည်ညွှန်းသော တရား မျှတသောအမျိုးသမီးဖြစ်သည့် Iustitia (အိုင်ရက်စ်စတေးရှီးရား) နတ်ဘုရားမကို သူ့နိုင်ငံသားများအား ပေးခဲ့သည်။ မြေကြီးစွန်းတိုင်လွှမ်းမိုးမည့် ကြီးမြတ်သော၊ ကြာမြင့်စွာစောင့်ဆိုင်းရသော ဘုရင်မွေးဖွားလာမည့် ဗက်လင်မြို့သို့ မာရိနှင့်ယောသပ်ကို ပို့ဆောင်ခဲ့သည့် သန်းခေါင်စာရင်းကောက်ခြင်းကိုလည်း သူမိန့်မှာခဲ့သည် (မိ ၅:၂-၄)။

စစ်မှန်သောတရားမျှတမှုသည် မည်သို့မည်ပုံဖြစ်သည်ကို ပြသရန် ပို၍ကြီးမြတ် သောရှင်ဘုရင်တစ်ပါးက မည်သို့ရှင်သန်ပြီး မည်သို့အသေခံခဲ့မည်ကို သြဂတ်စတပ်နှင့် တစ်လောကလုံးက မမျှော်မှန်းနိုင်ခဲ့ပါ။ ရှေးရာစုနှစ်အစောပိုင်း၊ ပရောဖက်မိက္ခာ ပေါ်ထွန်းသည့်ခေတ်က ဘုရားသခင်၏လူများသည် အနိုင်အထက်ပြုကာ…

သူရဲကောင်း၊ အာဏာရှင်နှင့် ယေရှု

Beethoven (ဘီသိုဗင်) စိတ်ဆိုးခဲ့သည်။ သူ၏တတိယမြောက် သံစုံတေးသွားကို “The Bonaparte” (ဗိုနာပါ့ထ်)ဟု အမည်ပေးရန် ရည်ရွယ်ခဲ့သည်။ ဘာသာရေးနှင့် နိုင်ငံရေး အာဏာရှင်ခေတ်တွင် သူက နပိုလီယံဗိုနာပါ့ထ်ကို ပြည်သူ့သူရဲကောင်း၊ လွတ်လပ်ရေးကို ရပ်တည်ကာကွယ်ပေးသူအဖြစ် ရှုမြင်ခဲ့သည်။ သို့သော် ထိုပြင်သစ် ဗိုလ်ချုပ်က သူ့ကိုယ်သူဧကရာဇ်ဟု ကြေညာလိုက်သောအခါ နာမည်ကြီး တေးရေးဆရာ စိတ်ပြောင်းသွားသည်။ သူ၏ယခင်သူရဲကောင်းကို ရက်စက်ကြမ်းကြုတ်သော အာဏာရှင်ဟုရှုတ်ချကာ “Bonaparte” အမည်ကို ခပ်ကြမ်းကြမ်း ပွတ်တိုက်ဖျက်ပစ်ရာ မူလတေးသွားသံပုံစာရွက်တွင် အပေါက်တစ်ပေါက် ကျန်ရစ်ခဲ့သည်။

ရှေးဦးခရစ်ယာန်တို့၏ နိုင်ငံရေးပြုပြင်ပြောင်းလဲရန် မျှော်လင့်ချက် ပျက်ပြားသွားသောအခါ သူတို့စိတ်ပျက်ခဲ့ရသည်။ ကဲသာဘုရင်ကဲ့သို့ ကြီးမားသောအခွန် အတုတ်၊ စစ်တပ်၏လွှမ်းမိုးမှုနှင့် နိုင်လိုမင်းထက်ပြုမှု မရှိဘဲ ဘဝမျှော်လင့်ချက်ကို သခင်ယေရှုနှိုးဆွပေးခဲ့သည်။ သို့သော် ဆယ်စုနှစ်များစွာကြာသည့်တိုင် ရောမတို့ ကမ္ဘာကြီးကို အုပ်ချုပ်ဆဲဖြစ်ပြီး သခင်ယေရှု၏တမန်တို့သည် ကြောက်ရွံခြင်း၊ အားနည်းခြင်းနှင့် ကျန်ရစ်ခဲ့သည်။ သူ၏တပည့်တော်များသည်…

အနာပေါ်ဆားဖြူး

ရေဒီယိုခေတ်စားစဥ်ကာလက Fred Allen (ဖရက်ဒ်အယ်လင်) (၁၈၉၄–၁၉၅၆)သည် စီးပွားပျက်ကပ်နှင့် စစ်မက်အရိပ်မဲများကြား ရှင်သန်နေရသည့် မျိုးဆက်အတွက် ရယ်စရာကောင်းသည့် အဆိုးမြင်သဘောများတင်ဆက်ကာ သူတို့ကို ပြုံးရယ်စေခဲ့သည်။ သူ၏ကိုယ်တွေ့နာကျင်မှုမှ ထိုရယ်စရာဟာသများ ထွက်ပေါ်လာခြင်းဖြစ်သည်။ သူ့အသက်သုံးနှစ်မပြည့်မီကပင် သူ့မိခင်ကို ဆုံးရှုံးခဲ့ရပြီး၊ နောက်ပိုင်းတွင် အရက်စွဲသည့်ဖခင်နှင့်လည်း အဆက်အသွယ် ပြတ်တောက်ခဲ့သည်။ တစ်ကြိမ်တွင် သူသည် ရှုပ်ထွေးသည့် နယူးယောက်မြို့၏ကားလမ်းမ၌ လူငယ်လေးတစ်ဦးကို "ဘာဖြစ်တာလဲချာတိတ်၊ ဆက်ကြီးပြင်းပြီး ဒုက္ခမရောက်ချင်လို့လား"ဟု မှတ်မှတ်ရရ စကားတစ်ခွန်းပြောပြီး ကယ်ခဲ့ဖူးသည်။

ယောဘ၏အသက်တာသည်လည်း ဒုက္ခဆင်းရဲခြင်း အမှန်တကယ်ရှိသောလောကကို ဖွင့်ပြနေသည်။ အစောပိုင်းက ဖော်ပြခဲ့သောသူ၏ယုံကြည်ခြင်း၌ တဖြည်းဖြည်းနှင့် စိတ်ပျက်အားလျော့ခြင်းက ဝင်လာသည်။ ခံစားရသည့် နာကျင်မှုများတွင် မိတ်ဆွေများ၏ကဲ့ရဲ့မှုက အနာပေါ်ဆားဖြူးသလို ဝေဒနာကို တိုးစေခဲ့သည်။ ကောင်းမွန်ဆီလျော်သည့် အခြေအတင်ငြင်းခုံမှုများဖြင့် သူ့အမှားကိုဝန်ခံပြီး (၄:၇-၈) ဘုရားသခင်၏ဆုံးမမှုကို ခံယူရန်သာ ဖိအားပေးခဲ့ကြသည်။ သို့ပြုလျှင် ဒုက္ခပြဿနာများကြားတွင် ရယ်မောနိုင်လိမ့်မည်ဟု ဆိုကြသည်…

ဧဝံ‌ဂေလိတရား၏တန်ခိုး

ရှေးခေတ်ရောမလူတို့၌ ၎င်းတို့၏ကိုယ်ပိုင် ဧဝံ‌ဂေလိသတင်းကောင်းရှိသည်။ ကဗျာစာဆို Virgil (ဗာဂျယ်လ်)၏အဆိုအရ နတ်ဘုရားများ၏ဘုရင် Zeus (ဇီးယက်စ်)သည် ရောမသားတို့အတွက် အကန့်အသတ်နယ်နိမိတ်အဆုံးမရှိသည့် နိုင်ငံတော်ကို ထုတ်ပြန်ခဲ့သည်။ နတ်ဘုရားများက ငြိမ်းချမ်းသာယာဝပြောသည့် ရွှေခေတ်ကို ဆောင်ကြဉ်းလျက် Augustus (သြဂတ်စတတ်)အား ဘုရားသား၊ လောက၏ ကယ်တင်ရှင်အဖြစ် ရွေးချယ်ခဲ့ကြသည်။

သို့သော် ၎င်းကို သတင်းကောင်းဟု လူတိုင်းမခံယူပါ။ လူများစွာတို့အတွက် ၎င်းသည် ဧကရာဇ်မင်း၏စစ်တပ်နှင့် လက်မရွံ့တပ်သားများ၏ ပြင်းထန်သော ဖိနှိပ်မှုကိုသာ အခိုင်အမာဖြစ်စေသည့် လူတို့မလိုလား၊ မကြိုဆိုသော အဖြစ်မှန် တည်း။ လူဟု တရားဝင် အသိအမှတ်ပြုမခံရသူ၊ မည်သည့်ပိုင်ဆိုင်မှုမှမရှိသူ၊ ၎င်းတို့ကို အုပ်စိုးသည့်သခင်များအလိုကျ ကျွန်ပြု အစေခံနေရသူတို့ကိုနှိမ်နင်းပြီး ဧကရာဇ်နိုင်ငံတော်၏ ဘုန်းဂုဏ်ကို တည်ဆောက်သည်။

ထိုသို့သော ရောမတို့၏ကမ္ဘာသို့ ရှင်ပေါလုက သူ့ကိုယ်သူ ခရစ်တော်၏ကျွန် (ရော ၁:၁) ဟုမိတ်ဆက်ခဲ့သည်။ တစ်ချိန်က "ယေရှု" ဟူသည့်…

အကြီးမြတ်ဆုံးသော တေးသွား

ဘီဘီစီဂီတမဂ္ဂဇင်းမှ ကမ္ဘာကျော် တီးဝိုင်းညွှန်ကြားသူ ၁၅၁ ဉီးတို့အား အကောင်းဆုံးဟု ၎င်းတို့ယုံကြည်သည့် ဂီတတေးသွားအပုဒ် ၂၀ ကို အစဉ်လိုက် စီပေးရန် တောင်းဆိုရာ Beethoven (ဘီသိုဗင်)၏ Third Eroica တေးသွားကို စာရင်းထိပ်ဆုံးတင်ထားသည်။ "သူရဲကောင်း"ဟု အဓိပ္ပာယ်ရှိသည့် ထိုတေးသွား သည် ပြင်သစ်တော်လှန်ရေးကာလ ပဋိပက္ခကြားမှ ပေါက်ဖွားခဲ့သည်။ ထိုမျှမက ဘီသိုဗင်ကိုယ်၌ အကြားအာရုံ တစ်စတစ်စချို့ယွင်းလာမှုကြောင့်ရုန်းကန်ရလျက် ထိုတေးသွားကို ရေးစပ်ခဲ့ရသည်။ ထိုတေးသွားက အခက်အခဲပြဿနာများ ရင်ဆိုင် ရစဉ်တွင်ပင် လူသားဆန်ခြင်းနှင့် ရှင်သန်ခြင်း၏အဓိပ္ပာယ်ကို ေဖော်ကျူးသည့် ပြင်းထန်လွန်ကဲသော စိတ်ခံစားမှု အတက်အကျကို လှုံ့ဆော်ပေးသည်။ ပျော်ရွှင်မှု နှင့် ဝမ်းနည်းမှုသရုပ်၊ ပြင်းထန်သော စိတ်ခံစားမှုပြီးနောက် တစ်ဖြည်းဖြည်းနှင့် အောင်နိုင်မှုကို ဖော်ကျူးသည့် "Third Symphony" တေးသွားသည် လူ့စိတ်ဓာတ် ကို အစဉ်အမြဲဂုဏ်ပြုသောတေးသွားအဖြစ် မှတ်ကျောက်တင်ခဲ့တော့သည်။

ရှင်ပေါလုရေးသည့် ကောရိန္သုသြဝါဒစာပဌမစောင်ကို…

မမြင်ရသော အံ့သြဖွယ်

သူမဘဝ၏နောက်ဆုံးနေဝင်ချိန်တွင် Mrs. Goodrich (ဒေါ်ဂွတ်ရစ်ချ်)၏ အတွေး ၌ စိန်ခေါ်မှုနှင့် ကျေးဇူးတော်များပြည့်နှက်သော ဘဝ၏အမှတ်ရစရာနှင့်အတူ မပီပြင် ဝိုးတဝါး ဖြစ်နေသည်။ သူသည် ပြတင်းပေါက်အနီးထိုင်လျက် အမေရိကန်နိုင်ငံ၊ မီချီဂန်ပြည်နယ်၏ Grand Traverse ကမ်းရိုးတန်းရေပြင်ကျယ်ကိုကြည့်ရင်း မှတ်စုစာအုပ်ထဲ၌ အောက်ပါအတိုင်းရေးခဲ့သည်။ "အခု ပြတင်းပေါက်ဘောင်ပေါ် ခြေထောက်တင်ပြီး ကျွန်မအကြိုက်ဆုံးထိုင်ခုံလေးမှာ ထိုင်နေတယ်။ နှလုံးသား ကတော့ လေနှင်ရာပေါ့။ ရေလှိုင်းတွေပေါ်မှာ နေခြည်ဖြာဆင်းလို့ ကျွန်မ မသိနိုင်တဲ့ နေရာအထိ ထိုးဖောက်သွားတယ်။ ကောင်းကင်ဘုံရှင်အဘ၊ ရေတွက်လို့မကုန်တဲ့ ဆုကျေးဇူး၊ ထာဝရမေတ္တာအတွက် ကျေးဇူးတင်ပါ၏။ ဒါတွေဟာ ဘယ်လို ဖြစ်နိုင်မှာလဲဆိုပြီး တွေးမိလိုက်တိုင်း အမြဲအံ့အားသင့်ရပါတယ်။ အဲ့ဒါကြောင့် မမြင်တွေ့နိုင်တဲ့ ပုဂ္ဂိုလ်တစ်ပါးကို ကျွန်မအရမ်းချစ်မိသွားတာပါပဲ။"

တမန်တော်ရှင်ပေတရုသည်လည်း ထိုအံ့ဖွယ်အမှုများနှင့်ကြုံခဲ့ဖူးသည်။ သခင်ယေရှုကို သူ့မျက်စိဖြင့် တပ်အပ်မြင်ခဲ့သော်လည်း သူရေးခဲ့သောစာစောင်ကို ဖတ်ရှုမည့်သူများမှာမူ ယေရှုကိုမမြင်ဖူးကြပါ။ "ထိုသခင်ကို သင်တို့သည် မမြင်ဖူး…