ကြီးမားသော မျှော်လင့်ခြင်းများ

အလုပ်များလှသော ခရစ္စမတ်မတိုင်မီနေ့တစ်နေ့တွင် အဘွားအိုတစ်ဦးသည် ကျွန်ုပ်တို့ ရပ်ကွက်ရှိ လူစည်ကားသောစာတိုက်၏ စာတိုက်ကောင်တာသို့ ချဉ်းကပ်လာသည်။ သူမ၏နှေးကွေးသောပုံသဏ္ဌာန်ကို ကြည့်ပြီး စိတ်ရှည်သောစာတိုက်စာရေးက သူမကို “မင်္ဂလာပါ မိန်းမပျိုလေး” ဟု နှုတ်ဆက်သည်။ သူ၏စကား များသည် ဖော်ရွေသော်လည်း “ပိုငယ်တဲ့မိန်းမပျိုလို့ပြောတာက ပိုကောင်းတာပေါ့” ဟုဆိုလို၍ပြောလိုက်ခြင်းကို လူတစ်ချို့က ကြားနိုင်သည်။

ရင့်ကျက်ကြီးရင့်သောအရွယ်သည် ကျွန်ုပ်တို့၏မျှော်လင့်ချက်ကို တွန်းအား ပေးနိုင်ကြောင်း သိမြင်ရန် သမ္မာကျမ်းစာက ခွန်အားပေးထားသည်။ မွေးကင်းစသူငယ်တော်ယေရှုကို သန့်ရှင်းစေလျက် ဘုရားသခင်ထံဆက်ကပ်ရန် ယောသပ်နှင့်မာရိတို့က ဗိမာန်တော်သို့ခေါ်ဆောင်လာသည်တွင် (လု ၂:၂၃၊ ထွက် ၁၃:၂၊ ၁၂) အသက်ကြီး ယုံကြည်သူနှစ်ဦးသည် ရုတ်တရက် အဓိကနေရာကို ယူလိုက်သည်။

ရှေ့ဦးစွာ၊ မေရှိယကိုတွေ့ရန် နှစ်ပေါင်းများစွာ စောင့်မျှော်ခဲ့သူ ရှုမောင်က —“ယေရှုကို လက်နှင့်ချီပိုက်၍၊ ဘုရားသခင်၏ကျေးဇူးတော်ကို ချီးမွမ်းလျက်၊ အစိုးရတော်မူသောအရှင်၊ ဗျာဒိတ်တော်အတိုင်း ကိုယ်တော်၏ကျွန်သည် ငြိမ်ဝပ်စွာ စုတေ့ရသောအခွင့်ကို…

နေ့စဉ်မှီခိုမှု

တစ်မနက်ခင်း၌ ကျွန်တော်တို့၏သားသမီးငယ်များ သူတို့ကိုယ်တိုင် မနက်စာပြင်ရန် ဆုံးဖြတ်ခဲ့ကြသည်။ တစ်ပတ်တာလုံး ပင်ပန်းနွမ်းနယ်ခဲ့၍ ကျွန်တော်တို့ဇနီးမောင်နှံသည် ထိုစနေနေ့က မနက် (၇) နာရီထိ အိပ်ရန် ကြိုးစားခဲ့သည်။ ရုတ်တရက် ကျယ်လောင်သောကျကွဲသံတစ်ခုကို ကြားလိုက်ရသဖြင့် အိပ်ရာမှခုန်ဆင်းပြီး အောက်ထပ်သို့ ပြေးဆင်းသွားသောအခါ အစိတ်စိတ်ကွဲနေသောပန်းကန်လုံးတစ်လုံး၊ ကြမ်းပြင်ပေါ်တွင် ပြန့်ကျဲနေသောအုတ်ဂျုံမှုန့်နှင့်အတူ ငါးနှစ်သားလေးဂျိုးနာစ့်၏ အသည်းအသန်ကြိုးစားပြီး ကြမ်းပြင်ကို လှည်းကျင်းသန့်စင်နေသည်ကို တွေ့လိုက်ရသည် (ပို၍ပေပွစေပါသည်)။ ကျွန်တော်၏သားသမီးများ သည် ဗိုက်ဆာနေသော်လည်း အကူအညီမတောင်းရန် ရွေးချယ်ခဲ့သည်။ တစ်ပါးသူအားမှီခိုမည့်အစား လွတ်လပ်စွာလုပ်ဆောင်ရန် သူတို့ရွေးချယ်ခဲ့သည်။ ရလဒ်မှာ ကျေနပ်ဖွယ်ကောင်းသော အချက်အပြုတ် မဟုတ်သည်မှာ သေချာပါသည်။

လူသား၏စံသတ်မှတ်ချက်အရ ကလေးသူငယ်များသည် မှီခိုခြင်းမှသည် အမှီအခိုကင်းခြင်းသို့ ကြီးပြင်းရန်ဖြစ်သည်။ သို့သော် ဘုရားသခင်နှင့်ကျွန်ုပ်တို့၏ ဆက်ဆံရေးတွင် ရင့်ကျက်မှုဆိုသည်မှာ အမှီအခိုကင်းခြင်းမှသည် ကိုယ်တော်ကို မှီခိုအားထားခြင်းသို့ ရွေ့လျားလာခြင်းကို ဆိုလိုသည်။ ဆုတောင်းခြင်းသည် ထိုကဲ့သို့မှီခိုခြင်းနည်းလမ်းကို ကျင့်သုံးခြင်းဖြစ်သည်။ သခင်ယေရူသည်…

ချစ်ခြင်းမေတ္တာ၏လုပ်ဆောင်မှု

ဒေါက်တာ Rebecca Lee Crumpler (ရီဘက်ခါလီခရမ်ပလာ) သည် ဆေးပညာဘွဲ့ကို ပထမဆုံးရရှိခဲ့သည့် အာဖရိကန်အမေရိကန်အမျိုးသမီးဖြစ်သည်။ သူမ၏ဘဝသက်တမ်း (၁၈၃၁-၁၈၉၅) အတွင်း သူမသည် “လျစ်လျူရှုခံရခြင်း၊ အရှက်ခွဲခံရခြင်းနှင့် အရေးမပါသူအဖြစ်ရှိခဲ့ခြင်း”ကို သူမှတ်မိနေသည်။ သို့သော်လည်း သူမသည် ဆေးကုသခြင်းအမှုနှင့် သူမ၏ရည်မှန်းချက်ပြည့်စုံရေး၌သာ အာရုံစိုက်ခဲ့သည်။ အချို့သူများက သူမ၏လူမျိုးနှင့် အမျိုးသမီးတစ်ဦးဖြစ်နေခြင်းကို အခြေခံ၍ ဝေဖန်အကဲဖြတ်သော်လည်း၊ သူမသည် “တာဝန်ဆင့်ခေါ်သည့် မည်သည့်အချိန်၊ မည်သည့်နေရာတွင်မဆို သတ္တိရှိရှိနှင့်သွားရန် အဆင်သင့် ရှိနေသည်” ဟု ခရမ်ပလာ အခိုင်အမာပြောဆိုခဲ့ပြီး၊ ပြောသည့်အတိုင်း သူတစ်ကယ်လုပ်ဆောင်ခဲ့သည်။ အမျိုးသမီးနှင့် ကလေးသူငယ်များ၊ လွတ်မြောက်ကျွန်များကို ဂရုတစိုက်ဆေးကုသပေးခြင်းသည် ဘုရားအမှုတော်ကို ဆောင်ရွက်ပေးနေခြင်းဟု သူမယုံကြည်ခဲ့သည်။ ဝမ်းနည်းစရာမှာ သူမသည် ရာစုနှစ်တစ်ခုနီးပါးကြာသည်အထိ သူမပြီးမြောက်ထမ်းဆောင်အောင်မြင်မှုများအတွက် တရားဝင်အသိအမှတ်ပြုမှု မရရှိခဲ့ပေ။

မိမိဝန်းကျင်ရှိသူများက လျစ်လျူရှု၊ တန်ဖိုးမထား၊ အသိအမှတ်မပြု စသည်တို့ ကြုံရသည့်အချိန်များ ရှိတတ်ပါသည်။ မည်သို့ပင်ဖြစ်စေ…

ခရစ်စမတ်အလင်း

ကျွန်ုပ်၏အမြင်၌ ခရစ်စမတ်သစ်ပင်က တောက်ပထွန်းလင်းနေသည်။ မီးကြိုးများသွယ်တန်းထွန်းထားခြင်း မဟုတ်ဘဲ တကယ့်မီးအစစ်ဖြစ်သည်။ မိတ်ဆွေတစ်ဦးက ရှေးဂျာမန်ရိုးရာအတိုင်း ခရစ်စမတ်သစ်ပင်ကို ဖယောင်းတိုင်အစစ်များဖြင့် ထွန်းညှိထားပြီး၊ အရသာရှိသည့် ရိုးရာအချိုပွဲများဖြင့် တည်ခင်းသောစားသောက်ပွဲသို့ ကျွန်ုပ်တို့မိသားစုကို ဖိတ်ကြားခဲ့ပါသည်။ (အန္တရာယ်ကင်းစေရန် မကြာမီက ညှပ်ဖြတ်ပုံသွင်းထားသည့် သစ်ပင်ကို တစ်ညတာသာ မီးထွန်းညှိပါသည်။)

မီးလောင်နေပုံထင်ရသည့် ခရစ်စမတ်သစ်ပင်ကိုကြည့်ရင်း မီးလောင်နေသောချုံပုတ်မှ ဘုရားသခင်နှင့် မောရှေဆုံတွေ့ခဲ့ခြင်းကို ကျွန်ုပ်တွေးဆင်ခြင် မိသည်။ ကန္တာရတွင် သိုးကျောင်းနေစဉ် မီးလောင်သော်လည်း ကျွမ်းလောင် မသွားသည့်ချုံပုတ်ကြောင့် မောရှေအံဩခဲ့ရသည်။ စူးစမ်းရန် ချုံပုတ်အနီးသို့ သူချဉ်းလာသောအခါ ဘုရားသခင်က သူ့ကို ခေါ်တော်မူသည်။ မီးလောင်နေသောချုံပုတ်မှ သတင်းစကားမှာ ဣသရေလလူမျိုးအတွက် တရားစီရင်ခြင်းမဟုတ်ဘဲ၊ အဲဂုတ္တုပြည်၌ ကျွန်ခံနေရသောသူ၏လူမျိုးများ၏ ဒုက္ခနှင့်ဆင်းရဲခြင်းကို ဘုရားရှင်မြင်တွေ့ခဲ့ပြီး သူတို့ကို ကယ်နှုတ်ခြင်းငှာ ကြွဆင်းလာခြင်း (ထွက် ၃:၈) ဖြစ်သည်။

ဘုရားသခင်သည် ဣသရေလလူမျိုးတို့ကို အီဂျစ်လူတို့လက်မှကယ်တင်ခဲ့သကဲ့သို့ လူသားမျိုးနွယ်အားလုံးသည် ၎င်းတို့၏…

သင်မည်သူဖြစ်သည်...

ဆယ်နှစ်ကြာမျှ ကလေးမရဘဲ နေခဲ့ပြီးနောက် ၂၀၁၁ ခုနှစ်တွင် ကျွန်ုပ်တို့ဇနီးမောင်နှံသည် နိုင်ငံသစ်တစ်ခုတွင် ဘဝပြန်လည်စတင်ရန် ရွေးချယ်ခဲ့သည်။ အပြောင်းအရွေ့ ကြောင့် စိတ်လှုပ်ရှားရသလို ကျွန်ုပ်၏ရုပ်သံလွှင့် အသက်မွေးဝမ်းကြောင်းအလုပ်ကိုလည်း ထားခဲ့ရသဖြင့် ဆုံးရှုံးသွားသလိုခံစားရ၍ သူငယ်ချင်းလီယမ်အား အကြံဉာဏ်တောင်းခဲ့သည်။ “ငါ့ကိုဘုရားသခင်က ဘာလုပ်စေချင်မှန်းတောင် မသိတော့ဘူး”ဟု လီယမ်ကို စိတ်ပျက်လက်ပျက်နှင့်ပြောရာ၊ “မင်းဒီမှာ အသံမလွှင့်ဘူးလား”ဟု သူမေးသဖြင့် “မလွှင့်ဘူး”ဟု ပြန်ဖြေလိုက်သည်။ “ဒါနဲ့မင်းရဲ့အိမ်ထောင် ရေးကော ဘယ်လိုလဲ”ဟု သူအကြောင်းအရာပြောင်းပြီးမေးသဖြင့် အံ့ဩသွားပြီး ကျွန်ုပ်တို့ အခြေအနေကောင်းကြောင်း ပြန်ပြောလိုက်သည်။ ကြေကွဲမှုကိုနှစ်ဦးအတူရင်ဆိုင်ခဲ့ရငြားလည်း အတွေ့အကြံုများကြား ကျွန်ုပ်တို့ ပိုမိုနီးကပ်လာသည်။

“ကတိသစ္စာတည်ခြင်းဟာ ဧဝံဂေလိတရားရဲ့ ဗဟိုချက်ဖြစ်တယ်။ မင်းတို့လို ကတိသစ္စာတည်တဲ့ အိမ်ထောင်မျိုးကို ကမ္ဘာကြီး မြင်‌စေချင်တယ်။ မင်းဘာလုပ်တယ်ဆိုတာကို ကျော်ပြီး မင်းရဲ့ဖြစ်တည်မှုအတိုင်း ရှိနေဖြစ်နေတာက ဘယ်လောက် အကျိုးသက်ရောက်မှုရှိလဲဆိုတာ မင်းသိချင်မှသိမယ်”ဟု သူကပြုံးလျက် ပြောသည်။

အလုပ်အခြေအနေခက်ခဲမှုကြောင့် တိမောသေ စိတ်ပျက်အားလျော့သောအခါ…